رواية صراع قاصر الفصل الحادي عشر 11 بقلم نوسه حمد

من غير ما اشعر من الفرحه واني اتخلصت من كابوس مهدد حياتي قلت ليها لا لا والله انا عافيه ليك قالت لي شنو قلت ليها لا والله هي لو عرفت الحاجه دي اكيد ح تعفا ليك قالت لي انا مستحيل اقول ليها انا الازيتك وكتبتك بس انا الحمد لله الان كويسه ومرتاحه وتوبتا والله ربنا وقعك في طريقي وخلاك تحكي قصتك عشان انا اصحا من العملتو وارجع حياه انسانه مرضتها وبقيت سبب في خراب حياتا بس م ندمانه اني حرمتها من ود عمتها لاني بحبو شديد قلت ليها قلببك لسه اسود بتمني انك تنظفي قلبك واسال الله يتقبل توبتك واذنك انا عندي امتحانات

ومضغوطه شديد بعد اخلص بتابع ليكم قصتي وبكتب قصص كتيره عشان الناس تستفيد قالت لي انتي بتعرفي ناس حلتنا من وين قلت ليها مابعرفهم كل الناس الفي صفحتي شخصيا ما بعرفهم وطلعت من الدردشه لانو اسألتها ح تخليني اغلط ف الكلام واعرفها انا منو. وانا بعد وصلت للعايزاهو من جوه قلبي عافيه ليها ودا م ضعف مني ابدااااااا موش هي قبلت علي نفسها الحرام وخاضتو بكامل قواها العقليه ابقا هي حره وانا شخصيا م حابّه الخصام والحمد لله انا قربت اصل هدفي وان شاء الله ح تكون ليها مفاجاه هي والغيرها

بقيت مركزه في قرايتي شديد وبكري بلاقيهو ف المكتبه بس والشي الحببني في مدني طيبه اهلا بتاع المكتبه شايفنا مجتهدين كل مره يجيب لينا ورق ويصور لينا امتحانات زول محترم شديد حس بينا واننا حالتنا ما علي قدر كده وكان بهيأ لينا الجو وما كده وبس بقول لينا انا بسمع ليكم وكل مره نحفظ ونجيهو نسمع متكيف مننا شديد ولاحظت لي بكري بقا منافسني عديل كنت مبسوطه شديد قلت ليهو بكري انا حققت امنيه ابوك كان عايزني

اشرح ليك وما كان عارف انو انت شاطر بس الدنيا ومشاغلها ماسكاك وانا وانت بتشجيعنا لبعض قدرنا نزاكر كويس وان شاءالله انا متفائله ح يزيعونا بكري قال لي نوسه انتي ممكن ازيعوك بس انا م اظن ي نوسه قلت ليهو بكري دي شنو الطاقه السلبيه دي ياخ ماف داعي انا متاكده ح يزيعوك واحساسي ما بخيب قال لي تبقا حلم عمري وعمري ما ح انسا وقفتك جنبي وعمري م ح انساك وبقا اعاين لي في عيوني انا قربتا يغمي علي مسكت نفسي وقلت ليهو بكري نحنا عندنا هدف خلينا في هدفنا تاني كل شي بي وقتو قال لي نوسه ممكن وعد قلت ليهو شنو قال لي توعديني ما تتخلي عني ولا تفوتي تخليني قعدت اضحك قلت ليهو بكري انا في عصمه راجل انت متزكر الحته دي قال لي دا م راجل ي نوسه الفات خلاك في عز ضعفك ابقا ما راجل وطقا الطربيزه وكان متعصب ومجرد سمعو لكلمه انا في عصمه راجل حسيتو ح يكفتني عديل قلت ليهو بكري اهدا قال لي ما بهدا يا زوله دا زول جدعك تجي تقولي لي انا في عصمتو والله يا نوسه اقرب منك انا بضيع فيهو عمري انتي حقتي انا وبس انا قلبي قال شححححححححح وشفتا الدنيا اشكال والوان قلت ليهو بكري انت خاطب بت عمك وح تتزوجها قريب قال لي نوسه انا م بحب زواج الاهل ومجبور عليهو لو اتزوجتها ح يكون عشان ارضي ابوي انا مرتي انتي قلت ليهو بكري انا اكبر منك قال لي العمر ما حاجز انا بس بنبه فيك انتو انتي لو في زول قرب منك ح اضيعو واضيع نفسي قلت ليهو بكري نحنا هسي فشنو خلينا نركز في قرايتنا وانت زاتك صغير عرس شنو البتفكر فيهو قال لي انا م صغير وبي ضراعي دا قادر اتزوج واكون اسره قعدت اضحك قلت ليهو طيب ي بكري

مرت الايام وخلاص امتحاناتنا ع وشك عمي محمد ساقنا السوق واشترا لينا ملابس جديده وكل مستلزمات الامتحانات انا كل م اشوف تعاملو لي قلبي بنقطع وبتمني اموت عديل اتمنيت الحاجه دي من ابوي بس ابوي حسا انو مرضي فضيحه وجدعني وانا م زعلانه وعافيه ليهو لانو الحاجه الكانت بتجيني م ساهله وبدعي ربنا يديهو الصحه والعافيه ولو غلط في حقي يغفر ليهو

نزلنا الامتحانات وكنت متشوقه اني بحصد في مجهود سنه ابدا م كنت مرتبكه بالعكس كنت متفائله شديد وبكري كمان والامتحانات رغم انو فيها الصعب بس انا ما استصعب علي وكنت كل م اطلع من الامتحان القا عمي محمد منتظرني قبل ينتظر بكري وكان بسوقني من يدي ونمش لبكري وبكري برضو امتحن كويس تسعه ايام اتمنيت انها ما تخلص احساس انك تكوني طالعه من الامتحان وتلقي ولي امرك منتظرك بلهفه دي احلي من احساس الزواج وغيرو بقيت اقول لي عمي محمد ابوي لانو فعلا ابوي كان بكون مبسوط لمن اقول ليهو ابوي بقول لي عارفه يا بتي الدنيا دي ضيقه ضيق الحمد لله وقعتك فينا ولانك بت حلال قلت ليهو ما ح انساكم يابا انتو الناس الاحتويتوني بعطفكم علي وربنا يكتر من امثالكم شكرتو شديد وقال لي الداخليه لو قفلت تمشي البلد هناك قلت ليهو لا لا يا ابوي انا عارفه مجتمع البلد كيف ح يشوفوني بت شوارع مافي بت ناس بتقعد برا بيتهم وانت الوحيدالعارف ظرفي انا لو قفلت الداخليه ح اشتغل خدامه لي ناس قال لي افووووو انا ابوك ي بكري ي بت انتي بقيتي عرضي وفي نظر كل الناس دي انتي بتي اجي اجدعك لا والله كلامو بأثرني شديد وانتهت ايام الامتحاانات علي خير وبقينا منتظرين النتيجه مرا شهرين ونحنا في توتر ويوم اعلنو غدا النتيجه كنت مبسوطه وفرحانه مشيت المدرسه لقيت المدير انظف في المدرسه وازين فيها قلت ليهو عندكم احتفال قال لي اي نحنا بننتظر النتيجه كده وح نشغلها هنا وانتي اول المعزومين اجهزي وتعالي تمام انا رسلت ليك هناك عند عمك وقال ح يبلغك انا قلبي بقا ادق ودموعي واقفه علي الهبشه المدير قال لي بتبكي مالك انتي مفترض تفرحي وان شالله يا بتي كلو خير ارجعي البيت م ترهقي نفسك ادعي كتير واقيمي الليل واكلي كويس موعد النتيجه الساعه واحده ظهر تكوني قبل واحده هنا تمام قلت ليهو حاضر راجعه في الشارع لاقيت بكري قال لي افتش ليك انتي متين بتطلعي وما بتكلميني قلت ليهو لمن سمعت خبر النتيجه مشيت المدرسه قال لي المدير كان معانا اي جا اقول ليك تعالي بكره من غير م اشعر مسكتو من يدو قلت ليهو بكري انا متوتره قال لي نوسه ارح الدكان ابوي منتظرك وما تتوتري انتي متفوقه ان شالله مشينا لقيت ابوهو منتظرنا طبعا بقول لي الريله وبمدح فيني ساعتين قاعد اديني طاقه ايجابيه بطريقه مبالغ فيها قال لي بكره خليك جاهزه سمح قلت ليهو حاضر ادوني اكل وقالو لي نومي بدري وبكري وصلني الداخليه وكان ماسكني من يدي احساس عمري م جربتو قال لي نوسه خلي بالك من نفسك الساعه ١٢بجي اسوقك قلت ليه حاضر ومشيت غلبني النوم بقيت اصلي وادعي ربنا لغايه ما الواطه صبحت

اخدتا لي نومه حبه وصحيت مخلوعه لبست سريع ومشيت الدكان لقيت بكري ومحمد ابوي لابسين ومنتظرني مشينا المدرسه المدير استقبلنا وقعدنا قدام مع الاساتذه وانا كنت متوتره شديد بكري كان قاعد جنبي حسا بي م طبيعيه مدا لي يدو بتحت الكرسي وطقا لي الكرسي واشر لي علي يدو يعني نظام ختي يدك ختيت يدي في يدو وكل م يحس بي متوتره يطبطب علي وبدات لحظه إذاعه النتيجه وانا قلبي ادق وحسيت روحي ح تطلع ودموعي عشره عشره والمدير مبسوط لمن قالو الاولي علي مستوي الولايه نسيبه حمد انا حسيت انو الدنيا دي ما شايلاني وفجأه الناس كلها بقت تكورك والزغاريت وبكري ابكي معاي وابوي محمد ماسكني وابكي وانا قلبي مقطوع في اللحظه دي اتزكرتا اهلي وامي وابوي وعلي اخوي وهل ناس الحله عرفو اني جيت الاولي ومعناتا ح يعرفو مكاني وين وانا م عايزه زول يعرف ودا الحا نعرفو الحلقه الجايه كسرررره رغم انو الفرحه دي خيال بس جد دموعي بقت نازله وماقادره اكتب اكتر نتلاقي بكره …………يتبع