رواية صراع قاصر الفصل الثاني عشر 12 بقلم نوسه حمد

ابوي محمد بقا ابكي معاي وبكري من غير م يشعر بقا حاضني وابكي والناس كلها مبسوط والمدير اكبر واهلل وبقا يوزع ف البارد والحلويات اشكال وانواع جابوهن من وين انا م عارفه حسيت انو المدير كان عارف سالتو قال لي بلغوني انو الاولي من مدرستي وطوالي عرفتك دي انتي لانو ماف زول متفوق غيرك واداني مبلغ مالي كبير واداني جاهز ايفون اخر اصدار وكل استاذه ادتني هديه قلت ليهم لا لا مفترض انا الاهديكم عشان مجهودكم البزلتو معاي قالو لي مجهودنا كده كده كان ح يكون مبزول بس الحمد لله وقع في الرفعت راسنا ورفعت اسم مدرستنا كنت مبسوطه شديد وحسيت بكري ما جنبي اتزكرت انو ما زاعوهو والنتيجه لسه شغاله ازيعو فيها مشيت لقيتو قاعد اخر زول قلت ليهو بكري

احسب من واحد حدي عشره ح يزيعوك قال لي نوسه ما تعشميني اكتر انا خلاص قنعت والنتايح قربت تنتهي انا لو م زاعوني م مشكله الحمد لله زاعوك انتي انا بقيت م مركزه معاهو بعاين في الشاشه وكلي تفاؤل انو يزيعوهو وهو متوتر نفس الاحساس الكان عندي لمن بزيعو ف النتيجه وما عديت ثواني المذيع قال ال٣٠علي مستوي الولايه ابوبكر محمد وهو بقا مخلوع وانا اكورك وازغرت واقول لي نوسه دا ما انا وانا اقول ليهو بكري دي صورتك صحصح انت متفوق ولحظه اتلمو فيهو اصحابو وبقو شايلنو ويهتفو بيهو ودخلوهو مدرستهم والمدير م مصدق انا بقيت افتش لي عمي محمد شكلو رجع الدكان جريت قدامهم وقلبي مقطوع بقيت اكورك ليهو يابا يابا وهو بقا مخلوع مالك ي بتي قلت ليهو زاعو بكري ابوي محمد لمن داير اقع وبقا يبكي وانا اقول ليهو يابه بكري متفوق والناس اتلمو وبقو يباركو لي عمي محمد وهو يوزع في الحلاوه والبارد دكانو كلو وزعو وبكري شايلنو اصاحبو فوق وهو دموعو عشره عشره نزلوهو وابوهو حضنو وبقا يبكي والتلفونات بدت تتصل ناس حلتهم حضرو المؤتمر وبقو يباركو ليهو كانت لحظات اجمل من جميله ومدني كلها كانت مقلوبه البعرفونا والما بعرفونا جابو لينا هدايا م قصرو الحمد لله المدير جانا قال لينا ناس الازاعه بجو لاي طالب متفوق اجهزو قلت ليهو ان شاء الله جهزتا لبستي وعمي محمد لبس وبقينا منتظرين وفاتحين التلفزيون بدا البرنامج بتاع تهنئه الطلاب المتفوقين وانا الاولي وهم ما جونا انا بقيت محتاره قلت معقوله انا الاولي ما يجوني ويمشو لي التانيه طوالي فجاه سمعت المذيعه قالت والان مع اولي ولايه الجزيره نسيبه حمد وكانت هي ف الاستديو وفي مراسل مفترض اجي اعمل معاي اللقاء فجاه جا المراسل وبقا يقول اليوم ح نزور اولي ولايه الجزيره ونقدم لها التهنئة من داخل منزلهم انا بقيت منططه عيوني وعمي محمد بعاين لي قال لي الاولي يعني ما انتي وكان اسم ساي قلت ليهو لا لا ي ابوي دي انا ودي صورتي بس شكلو ناس الازاعه ديل كذابين مشو لواحده غيري ودموعي جرت بس فجاه المذيع اجيب امي وانا بقيت مخلوعه وبقيت ابكي واقول لي ابوي محمد ديل اهلي يابا وامي بقت تتكلم وتبكي وتقول للمذيع عليك الله وريني بتي وين المذيع بقا مخلوع هو كان عامل الحلقه مفاجاه بس فاجأوهو بي انهم ما عارفين بلدي وين وابوي ابكي وعلي اخوي بقول للمذيع دلنا علي اسم المدرسه نحنا بتنا دي مفقوده وانا كنت ببكي علي حال اهلي وقلبي وجعني شديد بس كل م اتزكر التحطيم الوصلوني ليهو نهاي قلبي م حنا ليهم وناس الازاعه عملو لقاء مع بكري وامو جات وكانت مبسوطه وانا شفت فرحتهم دخلت جوه قلبي وعمي محمد قال للمذيع ممكن اتكلم عن حاجه ف النتيجه المذيع قال ليهو اتفضل قال ليهو انا عايز اتكلم بخصوص الاولي نسيبه اللهيا بتي

القاعده هناك ديك المذيع خلاهم هم جا ساقني وبقا يبارك لي قلت ليهو خلي ابوي يكمل كلامو قال ليهو نسيبه دي بتي وقاعده معاي انا هنا وانا من هنا بطمن اهلا وبقول ليهم بتك في يد امينه وزي بتي وهي بالف راجل ونجاح ولدي دا بسببها هي مره جابها القدر هنا ولقيتا تشرح لي ولدي كان عندو امتحان طلبت منها تشرح ليهو وبديها مقابل مالي اتفاجات بظروفها حكتا لي وانا اتكفلت بيها وسكنتها داخليه وطلبت انها تقرا ورغم انها هي مريضه والحمد لله الان نسيبه بتي باتم الصحه والعافيه ومتفوقه ورغم انو كلامي دا ح يخلي اهلا يجو يسوقوها وح تفرق علي بس انا قصاد سعادتها هي ما عايز اي شي وبقا يبكي وانا اقول ليهو يابا انا مابفوتك المذيع زاتو بقا يبكي معانا لغايه م وقفو الحلقه وفجاه انا بقيت قضيه راي عام وكل دقيقه اجونا ناس منصه اتصورو معانا واي زول اتكفل بي تعليمي وسكن لي لو م رجعت لي اهلي رغم انو اهلي م حسسوني بالعظمه بس بي يدي نجحت والعظمه جاتني حدي عندي وكنت مبسوطه بس خايفه انو اهلي يجو وحتي لو جو انا م عندي استعداد اقعد في مكان يدمر مستقبلي انا زوله عاقله وفاهمه والحمد لله عمري ما فكرت اقع ف الغلط ح ارحب بيهم وابرد شوقي من شوفتهم بس م ح امشي معاهم وهم الطردوني ما انا الطلعتا تاني يوم الصبح جاني بكري يطق ف الباب لمن انخلعتا قال لي نوسه علي اخوك جا ارح قومي انا

قلبي وقف اقابل علي اخوي كيف الوحيد الما قصر مني الوحيد الما بقدر اخزلو بكري كان قلبو مقطوع قال لي نوسه يعني ح تمشي تخليني انا كلمتو دي نزلت علي سيف في قلبي قلت ليهو بكري انا مستقبلي هنا الحله دمرتني انا كنت وين وبقيت وين بس اهلي ما بقدر اكسر كلامن مشيت لقيت علي اخوي لمن شافني بقا يكبر ويهلل وانا جريت عليهو سلمت عليهو وهو يبكي فرج الناس فينا وكلهم م قدرو يسكتو بقا يبارك لي ويبوس فيني في راسي ويقول لي اعفي لينا يا غاليه انا م خليت مكان ما فتشتو وكل البسالهم ما عرفو مكانك قلت ليهو ابوي وامي كيف قال لي ابوك بقا مكسر في السرير جاتو جلطه بعد اسبوع من انتي طلعتي ابوي هلكو المرض وكل ما يتزكرك لا بنوم ليل لا نهار الوقت كلو ادعي ليك وامي من طلعتي عتبه الباب ما طلعتها وجاتها نفسيات بتتكلم ساي انا قلبي وجعني ولي مراد اشيلني شي يوصلني ليهم قلبي انقطع قلت لي علي ارح نمشي ابوي محمد بقا متأثر وبكري اكعب منو في عيوني ما عاينو وانا غالبني انطق حرف فراقهم كان صعب علي ودعتهم وما شيلتا ملابس كتيره ومشيت امي لمن شافتني لمن اغمي عليها وناس الحله كلهم اتلمو فيني والضبايح والناس تشيل وتبارك وناس مدرستنا جو كرموني واتأسفو انو في يوم رفدوني واعتزرو لي والاساتذه بتاعين الثانوي جو باركو لي وقالو لي تجي تدرسي الثانوي مجاني شكرتهم وقلت ليهم ان شاء الله وكل المدارس الخاصه وجو قدمو لي دراسه مجانيه وكل العروض دي ما اشتغلت بيها قلبي انا هناك في مدني مع عمي محمد وبكري الناس كلها الفرحانه لي دي لمن كنت مريضه ما مدو لي يدهم وكل شي لخير مدرسه غريبه قبلت بي وبي حالتي وربك رب الخير شفاني من مرضي ورفعت راسهم وانا ما قلبي اسود مسامحه اي زول غلط في حقي سواء كان ناس المدرسه حرموني من القرايه بس م قادره انسي وجع قلبي لحظه انفصلت بسبب مرض ورغم اني كنت متفوقه بسبب جهل اهلي وصلت للحاله المتاخره دي

ابوي مبسوط وامي كمان وعرفت انو وانا بعيده منهم دعواتهم واصلاني ابوي قالو م بنوم ليل لا نهاار كل ما يتزكرني بقول استودعتها الله الزي لا تضيع ودائعه وغير دعواتهم الكانت مسابقاني سباق والحمد لله انا م زعلانه منهم ورجعت ليهم والفرحه عمت المكان

بعد اسبوع من رجعتي ليهم عم محمد الكان زوجي جا زياره لي ابوي لمن شافني لمن انخلع رحبت بيهو وفضلتو وقمت بالواجب ورجعتا غرفتي كنت تعبانه نومتا سريع بعد ساعتين صحيت بصوت علي اخوي بصحي فيني قال لي قومي في ضيوف جو يباركو ليك لبست عبايتي وطلعت والضيف ما كنت شايفاهو لمن وصلتو ولقيتو محمد انا خلاص بقيت ما بشوف …………………يتبع