رواية لسنا ابرياء الفصل السابع عشر 17 بقلم هيلانا
هَذولَ أحنه
مِشت دنيانة بالمَگلوب
والتمَت عَلينه حَروب
وأنسَدت درَوب وبوب
لچن أبدَ مَا طِحنة
هذولَ أحنه
سُمر سِحنة
وَرد جورَي إذا فحَنه
لا تنسون تصويت وتعليق
ومتابعه لحساب
_________________________________
اليوم سبت جنت كلش تعبانة من دوام ميتة باجر عطلتي أريد بس أوصل البيت
بطريق الرجعة اتصلت عليّ عمتي أساعدها بترتيبات الغرفة وشكم شغلة ناقصة
ماكدرت أردها وهية معتمدة عليّ ما عنده بنات خابرت بابا وگتله وخبرت يارا ورحتلهم للبيت
ضليت يمها باقي اليوم كله لحد العشة گمت سويتة جان بس سلام موجود
كعدنة نتعشة وسوالف منا ومنا وهو يضحك على سوالف عمة عن زواج وحياته قبل
كملنة عشة عمة غسلت الماعين ماقبلت أغسلهم
گالت تعبتي اليوم
صدك جنت كلش تعبانة رحت سويت جاي وهي رجعت لاستقبال تسولف وي سلام
وراهة شغلو تلفزيون وضلوا يتابعوه عمة تابع هندي وسلام يصنف عليها يموت ضحك
رجعت للمطبخ صبيت كوابة جاي مادري ضربت بالطاولة وتبدة على إيدي
صحت بوجع ماحسيت غير بإيد على جتفي
:- اسم الله تأذيتي
لتفت مصطفى أخذ صينية خلاها على الطاولة أني أهز بيدي أريد الوجع يروح
ركضت أريد أخليلها ماي لزمهة
:- لا تلتهب هيج اكعدي خل نحطلج علاج
جانت توجعني جاي يفور عيوني غوشت بدموع
راح شوية ورجع بيده عصارة حروق
كعد بصفي وأخذ إيدي خلة شوية بأصبعة ومررة على الحرك نزيت بوجع
مصطفى:- توجعچ
ليان:- إي كلش
مصطفى:- اتحملي
ليان:-ما أكدر
مصطفى:- اتحملي
حاولت أسحب إيدي منة:-عوفني حباب الألم ما ينحمل
رجع لزمها وحجة بهمس
:- اتحملي دقايق واكمل
جان ألم قوي والعصارة حركتني حطيت إيدي على إيده وباوعتله بنظرات رجاء
:-عفيه جاي تأذّيني مصطفى كافي عووفني
قرب وجهه من وجهي جان البيت هادئ بس أني وياه بالمطبخ حجة بهمس
:- أتـحمـلي
ليان:-مـا أكـدر
مصطفى:- شـوي ونـخلص
حجيت بجية:-تـوجع
عض شفته وكـال:- هيج وجعتچ
باوعتله بـدموع:- أيـي
طكه ضحكك وكال
:-اخخخ بالقرآن ما تصفة نيتي
باوعتله بستغراب عينة عليه ويضحك نوب دنگ نفخ على مكان الحرق سحبت إيدي بسرعة
ابتسم وطلع من المطبخ متوجه لغرفته ويه صيحة سلام على جاي
كمت صبيت جديد وكوة شلت صينية وديتها الهم وهم سألو عن إيدي كتلهم نجويت
بقيت كاعدة فترة ونزل مصطفى يدندن كالتة عمة على العشة هز راسة ماريد
جان طالع هو توه دخل شماله هذا رجال ما يكعد بالبيت نكزت قبل لا يطلع وصحـت وراة
ليان:-تاخذني وياك لبيتنه
مصطفى:- يدلل الحلو
حجاهة كدامهم خزرتة وطلعت جبت جنطتي ومشيت كدامها صعدت بيتنه قريب وصلني ومشت
ثاني يوم عطلة بداية الاسبوع أني عكس الناس يوم الاحد هو عطلتي جنت أحس بالملل گاعدة على الطاولة
الخشبية الي تتوسط الصالة وصوت تلفزيون يرن براسي برنامج صباحي ترفهيي طالع
دورت عيوني برجاء البيت فوضة عارمة مابيه أنظف أول مره اكعد هيج گسلانة ماعرف شبيه
أحس كلبي ما مرتاح من أمس يمكن من ورة مصطفى بس يغثني تبقى سالفة بالي أسبوع الا أنسة
أكره هل طبع محلو بيه من يصير موقف محلو ينطبع بالي فترة الا أنسة أنوب روحي تنعصر من أذكرة
گفگفت اردانتي جنت لابسه قميص وبيجامة فضفاضة مريحة شوي لميت شعري وبديت أعزل
بلشـت من المطبخ غسلت الماعين على سلك ورجعت نظفته سويته يلمع گملت البيت كله والشطارة تقرة
الف ماشاءالله خوب يارا ابد ما ساعدني فد متعاجزة عابتلهه أحس ظهري أنگسر رجعت نمطلت على
الگرويتة ورفعت مبايلي أتصفح بي جان الگة مصطفى مراسلني گاتب “أجيج بشوگ متعني”
أبتسمت وفرشات كلبي طارت شبيه هيج أتخربط ويا وافقد توزاني أني أعترف ماسبق وشخص حرگ
ذرة مشاعر أو أعجاب بداخلي دأئما أميز نفسي عن الكل وادور شخص مثالي بس مصطفى قليل ذوق
مو مثالي ولا رجل أحلامي بس يخربط مشاعري من يحجي وأهتمامه غريب
ساعه يغازل ساعه يتحرش
مرات حباب
ومرات كتله من قلة ذوق كلها مجموعة بشخصيته الغريبة عصرت المبايل بيدي مترددة أجاوبة
لعلم يظهر متصل يعني موجود گشيت وجهي بضحكة وحرگت أصبعي على گيبورد
-: لا تجـي
شافه رد گبل:-ليـش
ليان-: أفـضل
مصطفى:-مـا تخليـني أمـر عليج ترحين وياي
ليان:- ويـن
مصطفى-: لـجهنم
ليان-: ميخالف بس أكعد يم جامة وما تشغل أغاني
مصطفى:- هم رايحين لجهنم وهم ما نشغل أغاني
ليان-:لعد لا تجي
دزلي سمايل يضحك سكتت ما جاوبته بس الابتسامة شاكة حلكي من الاذان لاذان رجع دز
“يا ماي وجهي وضحكتي وهيبة شبابي”
ليان-: شقصتك اليوم ويا الاشعار
مصطفى:-اريد أفوت لكلبج وأخطفج
أمم يفوت لگلبي أبو نسوان مصدك نفسه بقيت ساكته أفكر شجاوبة رجع دز
:- ها شني نفوت لا
ليان:- الفوتة لكلبي صعبة لان الي يدخل مايطلع بعد ينحكم موؤبد
مصطفى:-ياريت موبد أعدام موافقين يابة
حبيت أغير الموضوع هو ما يلزم لسانه يروح زايد
:- اممم شعجب مراسل من الصبح شكوو
مصطفى:- كعدت اتريك ولكمة وكفت بلعومي خطرتي على گلبي گلت خاف بت عمي ما متريكة وغصيت
ليان:-هههههههه
مصطفى:- شنو ماثرت بيج
ليان-: لااااا
مصطفى-: مزاجيه بت فاهم الك الله يگلبي
ليان:-مصطفى أنت من زمان هيج
مصطفى:-شنو هيـج قصدج مستهتـر
ليان:-اي يعني أنت هيج بالجديد
مصطفى:-لا قـديم
ليان:-تمام هاي شخصيتك ما أحبها ممكن تبقى حباب وياي
مصطفى:-لا الا أصير مستهتـر
ليان:-اوكي براحتك صار لازم أروح
مصطفى:- اليوم مو عطلتج وين رايحة لو تردين بس تنهزمين
ليان-: لا بس شسمه عدي شغل بالبيت الازم أكمله همات دا اريد أكوي قميص بابا بعد شوي معزوم على عرس
مصطفى-: براحتج
طلعت من المحادثة وقبل لا أطفي المبايل كتب مرة لخ
“عيونج جمرة حرگت گلبي”
لويت شفايفي بضحكة وخليت المبايل على شاحن وصعدت أكعد يارا لگيته نايمه كالعادة ما ولت لدوام
الكسل عاميه تحرگت لشباك فتحت البردة تعبت الغرفة بالشمس تفافتت بنزعاج وسحبت الغطاء على راسها
تقدمت كمزت على طرف جرباية من جهه ثانيه صاحت بضوجة
-: أاااشبيج
ليان-: كووومي دنيا الظهر
يارا:-فدوة عوفيني انتي ياهو مسلطـج عليه
ليان:- لا صيرين كسولة بعد شوي بابا يرجع من دوام وانتي نايمة فوك غياباتج ما تقرين اني اعرف اليغيب يكعد يقرة يسوي شي مفيد مو يكضيه نوم
سحبت المخدة خلتها على راسها واني اندسه بيها من جتفها حجت بعيارة
-: مفاصلي توجعني عوفيني رحمة لأزليخة
ليان:- شمالج عجوز مفاصلج توجعج
يارا:- بابة أني منتهية صلاحيتي رجلي بالكبر خصوصا بأجواء المتحانات أحس نفسي عجوز سبعينيه
هفـت المخدة عليه گامت منزعجه ادردم لحمام تغسل عفته ونزلت جوة
حضرت ريوك الها وكمت أطبخ
الغداء سويت خبز عروك ويارا فاتتت تتريك يمي ومكشرة وتراسل بيد وتاكل بثانيه
ندريت عليه ميلت جسمي على كاونتر رفعت عيونها
-: وي منو تحجين
يارا-: أسراء
حجيت بشك-: اكيد…
هزت راسها وطفت المبايل ودنكت تاكل على ساكت مدري ليش ما مرتاحه لتصرفاته
هواي تلزم المبايل ومكضيته ضحك وتبسبس وحتى دراسته هاملتها بابا اذا عرف يعلكه بالبنكة
نتبهت على مبايلي يدك غسلت أديه من الزفرة ونشفتهن رفعته جان بسام
-: هلاو بسام
:- شلونج شخبارج ليان
:-تمام الحمدلله
حجة بقلق واضح بصوته-: ليان أستاذ شريف لاگي مضروب طلقة باب بيته وناقلي لمستشفى وما طول وتوفة
شهكت وحطيت أيدي على حلكي بصدمة ويارا خافت طفرت يمي تسمع وهي تحجي بصوت خافت شكوو
أشرت له بيدي تسكت: ياااا خطيه الله يرحمة شهل خبر من الصبح
بسام: المستشفى يرج بالشرطة ونازلين تحقيقات ويا الكل وذكرو أسمج
ليان:- يااا تحجي صدك واني شعليه
بسام:- مادري والله بس لو تجين أحسن هو تحقيق عادي علما اعتقد احسن ما يجون لبيتكم لان هذا المحقق مبين حقنه ولعب لعب بينه
خفت بلعت ريكي تحرگت لغرفة بعجله وسديت الخط من بسام لبست بسرعه ونزلت ويارا وراي تسأل
لتفت عليها وهي لونها مخطوف ما حبيت أخوفها قابل شمسوية اكيد ماكو شي
لزمت أيدي بقلق ضاهر
يارا:-وين رايحة ليان
ليان:- ماكو شي حبيبتي لا تخافين شغلة ضروية بشغلي لازم اروح
يارا:-شنو هل شغله
ليان:- بـاعي من ارجع أحجيلج وخاف بابا يسألج كولي له عنده عمليه على خاص وراحت تمام
طلعت ولحكتني نداريت عليها صحت بيه
-: وين جاية
يارا:-ما رتاحيت
ليان-: لج ماكو شي وداعتج يلة فوتي
كرصتها من خده بضحكة مصطنعه بس حتى أقنعها ورحت خليت عمو ياجرلي تكسي لمستشفى
فترة وصلت هناك أول ما نزلت صار بوجهي الشرطة المستشفى عبارة عن شرطة بردت أطرافي خفت
گلت بسم الله ومشيت بس شنو القلق أخذ نص عافيتي دخلت طاحت عيني
على بسام واكف يم شخص يحجي ويا ومبين متوتر شافني ابتسمت بوجه كوة
ترخص منهم وأجاني
كـال-: هلا ليان أجيتي
ليان:- اي أجيت شكوو
بسام:-مادري بس هذا المحقق ادهم خرا نازل علينا غير نزلة وهواي لح بسالتة عليج
ليان:-بسام خوفتني اني شعليه
بسام:- ما اريد أخوفج ليان بس لاحتياط أتصلي بـ ابن عمج الضابط خاف كلشي يصير عاد عدهم علم
هزيت راسي ومشيت على صفحه أتصلت بسلام وحجيت له كال دقايق يمج سديت الخط منه
أخذت نفس ومشيت بالممرر متجه لمكتب المدير بعد ما بسام كالي تحقيق هناك لگيت عسكري بالباب
أشر الي أفوت دكيت الباب وفتت بلعت ريكي من شفت هذا المحققق مدري شنو يخوزر كاعد ورة المكتب
اول ما شافني گشر عن ملامحة وگام تحرك من الكرسي تقدمت بخطوات ثابته اني ما مسوية شي
:-دكتورة ليان منتظريج ليش تاخرتي
أستغربت من طريقة كلامة عبالك يعرفني وتعابير وجه ما طمئن مدري شلون يحجي ويسولف
ليان:- اليوم عطلتي وزميلي أتصل بيه واجيت أكدر أعرف شنو السبب
هز راسه بسخرية أشر الي أكعد تقدمت كعدت على كرسي وهو كعد مكابلني خلة رجل على رجل
ويفر بشواربة يخوزر بيه من جدمي لراسي حجة بحدة
-: تعرفين استاذ شريف متعرض لاغتيال
ليان:-سمعت والله يرحمه بس مممكن أعرف أني شعليه
:-لان يا دكتور ليان أستاذ شريف ذكرج أنتي وابن عمج سلام بقضية الاغتيال قبل لا يتوفى
عصرت المبايل بيدي بقوة هذا شكاعد يحجي مرت لحظات صمت وعينه نكسة ما نزلها عني يشرب
ملامحي شراب عديم الاخلاق حجيت بجدية
-: عفواا شنو هل كلام اكيد اكو غلط
:-أنتمى أكو غلط
ليان:-هسه انت شنو رايد بضبط سيادتك
:- تشرفينه لمركزز دكتورة
نتفضت وكمت بسرعه من مكانـي وهو هم گام
-: شنو تحجي شنو اروح لمركزز
:-دكتورة أنتي أكثر وحدة مقربة لاستاذ شريف حسب ما سمعت وهو قبل لا يموت ذكر أسمج وسـ…
گبيت نار من وقاحته وصلافته يحجي وياي عبالك وحدة من شارع
-: لهنا وتحترم نفسك
تابعت بعصبية وصوتي يرج:- اني دكتورة حالي حال كل دكاترة هنا وهو مديري لا اكثر
دفع الطاولة بعصبية برجلة وحجة بفحيح مرعب
-: صوتج لا تخليني أدخلج سجن بدون تحقيق محترمج
غمضت عيوني بقوة كاتمه عصبيتي خاف أفقد وأجاوز ومبين يدور حجة رجعت حجيت برود عكس ناري
ليان:-اني الدكتور ليان فاهم والكل يعرفني منو أني وشنوو وما تعلمني الاحترام تحجي بأدب يرجع لك المثل وما مسوية شي ومن حقي أدافـع عن نفسي
بي حق تاخذني لمجرد ذكر أسمي شوفلك دليل قوي شكلولك وحدة من شارع ومأدري
رفع تك حاجب وهمس مثل اليحاجي نفسه
-: ابن عمه مصطفى شلون تطلع
أشر للشرطي بالباب حجة بلغة أمر
:- أخذوها
يابة فحمت خزرتة وطلعت گدامة أمشي والانظار كله صارت عليه
شكد استحيت هسه اليشوفني شيكول أني مجرمة أخذت الطريق أكل بضافيري وهو عينه عليه
بسيارة طبعا صعدني بسيارتة والله حقدت عليه
ما عندة كل احترام ولا أسلوب بتعامل
هزيت راسي واني أحاول أطرد الافكار الموزينه تجي بالي وصلنه لمركز دخلني لغرفة مدري شني
أشر الي أكعد كل خلية بجسمي ترتعش كعدت وهو يفتر وينافخ حجة بضيق
-: ايي دكتور أحجيلي شلون تنفذت عملية الاغتيال
ليان:- شنو هل حجي شنو كدامك مجرمة اني انسانه محترمة من عائلة محترمة الـ…
فزيت وكشمت من ضررب طاولة بيدة بغضب
-: صوووتج جاوبي على كد سوال
خليت عيني بعينه وما نزلته أبد وهو تحسه ثور هايج ماكو دقايق واجـة شرطي دك تحيه وماعرف شنو
شاورة بحيث وجهه أحتقن وطلع بسرعه مجرد ما طلع حطيت أيدي على گلبي بخوف ياربي هاي شنو
ألورطة الوگعت بيها ماخذيني بلا ذنب شدعي عليك استاذ شريف
أنوب هذا المحقق ما ينحجي ويا شايل الدنيا على خشمة عبالك متحمل عليه ومدفوع الله ياخذة
___________________
يـارا::
رجعت دخلت ورة ما راحت ليان مامرتاحة حسيت اكو شيء ..گلت اتصل بابا
بس تراجعت اني ماعرف شنو صار نوب اقلقة بالزايد ..رجعت نفضت المطبخ
مابقى مزاج ارجع اكل صعدت للغرفة كلت اگلب ملازمي اشوف شنو المواضيع وين اني
وكفت گدام المكتبة الصغيرة اشيل بالملازم وافتح و اشمر كلشي ماعرف ولا ادري
شلت مبايلي دخلت على گروب الدفعة اريد اشوف شكو ماكو شعدي
بعدة مبايل بيدي اجتني رسالة من شبل كاتب
” فتحي الشباك جايج”
اخذتلي صفنـة صدك يحجي هذا شفتح مخبل شبي رجعت مبايل ومددت على جرباية
مغلسة شوية ماحسيت غير شباك ضرب بي شيء كمزت اباوع من جامة
لگيتة واكف بالحديقة ولازم حجار بيدة يريد يضرب جام فكيت حلكي هو ابتسم واشرلي بأيدة
عزة العزا تخبل هذا ..خفت لا يجي عمو ويشوفة فتحت شباك اباوعلة
اتسلق و صعد على المحجر ضحكت على شكلة خبل وخرت حتى يدخل ابتسم بوجهي
جانت ايدي على الشباك لزم الشباك من فوك ايدي توترت سحبتها رجع لزمها
ودنك طبع بوسة على اصبع ايدي الزغير حركتة خلت فراشات بمعدتي كلش لطيفة
وخرت حاولت اتمالك نفسي حجيت بنزعاج
-: تخبلتت انت شلون تجي بلة شافك واحد
شبل:- خل يشوفون جاي لحبيبتي
يارا:- خاااف ماترضة صدك تحجي هسة بابا على جية اطلع فدوة
شال ايدة ومررها داخل شعرة الكثيف
دنگ صار بطولي
:- وينهم اهلج خل يجون اراويهم شكد احبج
غمضت عيوني بصبر- : شبل فدوة روح شسوي جاي شعدك
تقرب خطوة رجعت ليورة لزمني من ايدي ورجعني لمكاني حجة بحة خفيفة
-: مشتاق لعيونج اريد يومي يبدي وهسة توة يالة بدة
بلعت ريگي فلتت روحي منة
-: كافي حباب اطلع شنو هذا تمسلت
شبل-: هسة وحدة يگلولها مشتاقلج تكلة تمسلت
يارا:-مشتاقلي تتصل مو تكامز على شباك جنك قرد
شبل:- أحبج قردتـي
ضحكت درت وجهي-: دروح يالة مو شفتني
شبل:-بعدني ما شبعان
يارا:- هسة مال شبع بابـة اهلي راح يجون اذا شافوك غير يموتونك ولد عمي هم
شبل:- اخخ خفت اهلج يخوفون
يارا-: اييي صدكتك خايف انت لو تخاف ما اجيت ولا سويت لتسوي
كعد على جرباية مدد وحجة-: شمسوي بابا فقير اني ما اتعارك جبت عمري امشي بصف الحايط
يارا:- لا تجذب وگوم شو بسطت وكعدت فلك فلكك
شبل:-فوك ضيم عيونج ويجيني فلك شوية شوية على گلبي
تأففت بنزعاج گلبي يلوب خايفة من جهة على ليان نوب هاي الهبطة
سمعت صوت من جوة لو راحت روحي بلعت العافية باوعتلة لوني نخطف
يارا:-صخام اجة بابا دهر تعزيت
نداريت بدون ما اسمعة وطلعت سديت باب ونزلت رجلية يرجفن
باوعت ماكو بيت هدوء محد صحت
:-بابا
ماكو رد طلعت للحديقة جان عمو برة و مدري شيسوي
يضرب على باب مدري يصلح بي وكتك هسة يا عمو وگع گلبي نداريت راجعة اركض
فتحت الباب صار بوجهي نكزت رجعت ليورة سحبني ودخلني وخرت منة بنزعاج
شبل:-ها اجة ابوج اطشر عرض
يارا:-طشار ليطشر راسك كون بيا حال اني وانت تنكت
ارتكة على الباب ويباوعلي اكلني اكل باوعت لروحي خاف بية شيء
يارا:- شبيك تباوع
شبل:-ما شايف حلوات
لويت حلكي بستهزاء وعيبت عليه حرك أيدة بشعرة بضحكة وتقدم لتفيت شاردة اريد أطلع من الغرفة
لزمني بحركة سريعه قيدني بين ادي حركت نفسي بنزعاج اريدة يوخر بس وين ما تهزهز
حجيت بحدة-: وخر لا انعل ولديك
قرب راسه مني ودنك صار بطولي أنفاسة لفحت وجهي حجة وهو يمشي خشمه على خدي يشم بي وايدة على خصري
:-لسانج ينكط عسل
يارا:-يمعود انت صاحي خاف تشرب.. دفعته رجع خطوة ليورة:- كاافي شسالفه ضجت كولش
رجع راسه ليورة بطريقة غريبه نزلت ايدة على دكم القميص فتح كم دكمة بلعت ريكي بخوف شديسوي
وأني عقلي نظيف بسرعه يشطح على ترابي لا والله هو اليشوف حركات شبل يضل تربي حتى على
طين يشطح ويبرك حجيت بتوتر
:- شـ.. پـ. ل
قرب كولش مني لزكت نفسي بالحايط وجهه مقابيل وجهي عيني بعينه وشعور غريب حتلني بوجودة
_____________________
أرمي أوراقك كاملة …
وسأرضى عن أي قرار
قولــي
إنفعلــي،
إنفجــري ..
لا تقفي مثل المسمار!!
بقينة گاعدين اني و اسوة جوة ماخليتهة تحرك كوة ملهيتهة سولفتلها مصايبي كلهن و هية مسايرتني
لحد ما اجت ماما وعلي حسيتهة راح ترگعني بالگاع بزعت مني ..اجت ماما جابهة مرتضى و دخل جوة عزمتة على جاي
خليتهم كاعدين وصعدت فتحت غرفة ماما لاتجي وتلگاهة مقفولة نوب نزلت ماما تسولفنة على تحضيرات زواج
هوة بقى يمنة على عشة طبعاً اني عزمتة مو حبا بي بس ردت ولد ويانة بالبيت لان خايفة صراحة گوة مصبرة روحي واكفة
للمغرب اجة بابا بقيت جوة ماصعدت ابد حظرنة العشة وكاعدة على طاولة واني من جوة احس راح اموت من خوف
خايفة لا مجاهد بعدة بالغرفة بس مستحيل يعني من 12 الظهر اكيد خبل يبقة ما معقولة يعني حتى لو عار و فارغ هم مايكدر يظل بنفس المكان
فتحت جهازي خليتة جوة طاولة واباوعلة بابا مايقبل نستعمل مبايل على الأكل
اول ما فتحتة اجن مكالمات منة شگد بيهن عشرين مكالمة خرب شرفك جانت رسالة وحدة
كاتب” اني الج خل الزمج الة اخليج تندمين على ساعة السودة الشفتيني بيهة”
اصلا اني ندمانة شتندم بية بعد اخذت نفس براحة مبين ماشي توقعتة اصلا الحمدلله عدت الله يستر من جايات
رفعت عيوني لبابا واني شعور قوي يگول گليلة بس خايفة من نظرتة بعدين الية ماعندي الجرأة اكلة
بس مايصير لازم اكول تجرأة مجاهد يجي لبيتنة من يگول ماراح يجي بعد والله كافي بعد خل يروح مرتضى واخذ بابا على جهة واكول ما منهة
اوووف نسدت نفسي من الاكل اخذت مبايل وصعدت كتلهم ماريد شبعانة فتحت باب غرفتي على كيف
باوعت هيج وهيج ماكو شباك جان مردود بس دخلت رحت بسرعة للشباك قفلتة وسديت البردة
توني اريد التفتت حسيت بدين وحدة سدت حلگي وثانية جرت خصري
وصوتة همس يم اذني:لــگفتــج
اذا ذبحتوني بهالي اللحظة ما تلكون قطرة دم بية بطني مغصتني و رعشة مرت بجسمي رعب ما صاير درت عيوني الة مبتسم بطرقة تخليك تبلع العافية
عين عليه و عين على الباب جان مفتوح على حيلة وشباك گبالة مجرد ما يصعد واحد راح يشوفنة
رعشن رجلية من خوف وحس بادن ماكدر اوكف اجيت اوكع حضني حيل
حجة بهمس: راح اوخر ايدي اذا طلع صوت ما تلومين الة نفسج
ماطلع صوت اصلا مخبلة اني يجي بابا اكيد حتى لو گلت حرامي ما راح يسكت مجاهد اكيد يطلعلة شيء
هزيت راسي باي واني گوة اشوف وجهة من دموع نسيت حتى شلون اتنفس
وخر ايدة ومسح دموعي يباوعلي بطريقة تقشعر مريض والله خبل ماتوقعتة يبقة صار فوگ التسع ساعات هنا شنو من بشر
عافني رجعت ليورة خطوة كوة واني اباوعلة منصدمة گمت ابالع من خوف سمعت صوت بابا من جوة بس لا يصعد
تحركت اريد اسد الباب صار گدامي: وين يحلوة
حجيت برجفة: بـ..ا با هـ..هنا راحـ…ح يـ…صعـد
حجة بصوت عالي شوية: هلة بي وينة
طفرت دموعي من خوف خليت ادية على حلگة اسدة حجيت وگوة تطلع كلمة: فـ..دوة لا يسمعـ…ك حبـ..ـاب
وخر ايدي وبقة لازمهة: هو هذا المطلوب
اجة صوت بابا من جوة يصيح: دليااار
احس صرت خشبة من خوف شعور ما اتمنى لأي شخص ماكدر حتى احجي رجع بابا صاح علية
تحركت ليكدام بطئ وخر مجاهد على جهة واشرلي اروح باوعتلة بشك واني امر يمة
احس ثانية صارت قرن كوة تحركت توني وصلت الباب صار وراي قبل لا اطلع دفعة وسدا
انداريتلة برعب تقرب مني وهمس”منتظرج حبيبتي لاتأخرين”
فتح الباب ودفعني برة وسدا ماكدر اسيطر طحت بالكاع وادية يرجفن سمعت بابا يحجي مسحت وجهي بسرعة واخذت نفس
لاكيتة على اول باية جان يريد يصعد حجيت واني احاول اسيطر على رجفتي ضغطت على مبايل وحس راح ينكسر
دليار: هاا..بابا
محمد: وينج صار ساعة اصيح
دليار: جنت بـ بالحمام
محمد: تعاي سويلنة جاي راح يجونة خطار
بلعت هية من تلتم تلتم: منووو
محمد: جيرانة
سالت بجدية : شعدهم
باوعلي بستغراب: شبيج بابا خطار ويجون نطردهم شلون
دليار: لا بس هيج استغربت راح اسوي جاي
عفتة ورحت للمطبخ وبالي ابد مو يم كلشي خليت جهازي على طاولة طلعت قوري بسرعة خليت جاي
وحظرت الكوابة رجع بابا گال سوي الناركيلة هم وطلعي طاولي
خرب سويتهن كلهن بعجلة بس اريد اكول لبابا صدك هالمرة بس يرحون الخطار ابقى جوة انتظر
صدك شوية واجو گعدوا بالحديقة بقيت كاعدة بالصالة ماما ملتهية بالسوالف وية مرتضى
اليوم على حظي مجاهد هنا و امة محمد كلهة سيرت علينة
اجتني رسالة منة “ارفعي راسج ليش مدنگة “
ياريتني مارفعتة واكف بطرف المحجر مال درج گبالي اذا اي احد يجي يگعد بهالجهة يشوفة باوعت برعب لماما
مندمجة تحجي ويا مرتضى و تخابر بخالتي بنفس الوقت متت بدمي ادية رجفن
دز مرة ثانية “تعاي “
گمت بسرعة حسيت روحي راح ابجي وخاف ماما تنتبه ركضت على درج دخلت لغرفتي لكيتة متمدد علة الجرباية ومستمتع على الاخير
قفلت الباب ميت قفلة بس اتاكد ما ينفتح بقيت بمكاني جامدة
مجاهد: هيج احسلج لو جاية من البداية
كعدت بالگاع وخليت ايدي على حلكي وبجيت حيل واني احاول اضم شهكاتي گام واجة ناحيتي
كعد گبالي: لا لا ليش البجي شسوينة هسة و بجيتي
: شوف الجمال يالله ..لو هيج ليبجن لو مايرادن
: بالله خل اسمع صوتج ارفعي راسج
احس يلعب بأعصابي برودة يسحك بگلبي سحك ابتسامتة الخبيثة و المقرفة ما طاحت ابد مستمتع لابعد درجة يضحك علية
ميت شعور بداخلي خوف و ندم و عصبية احس اعصابي تشتت بين هالمشاعر ماعرف شسوي
اسهل شيء البجي بس من حجة هيج استفزني بقوة ربع وكعد گبالي واخذ ادية بين ادية
حجة ببتسامة: اديج باردة ليش هيج هسة تمرضين
نمحت ابتسامتة وحجة بفحيح: دليار…دلياري ..حركتج ابد ماعجبتني
حجة بضحكة: مو اني لتستغفليني ..عبالج شردين
رديت بحقد: مريض
طگ بصابعة كدامي وحجة بحماس: عفية هسة عرفتي
لزم وجهي بيدة وعصرة جراني عليه صرت تقريباً بحضنة دفعت ايدة اريد اوخر
ماحسيت غير بحرارة على خدي…. ضربني رخت ادية و گعدت بصدمة خليت ايدي على خدي
كل ذرة شعور مابقت بس صدمة اول مرة بحياتي انضرب محد مد أيدة علية دوم تالي يجي هذا العار يضربني وين بنص بيتنة
باوعتلة بصدمة بوجه فارغ لزم شعري حيل وجراني عليه : گتلج تندمين بس ماسمعتي جنت مراعيج و ماخذج على گد عقلج
مجاهد: ترة كلج بس اللسان لا فهم ولا ذكاء ‘ضرب على راسي بصابعة حيل’ هنااا ماكووو عقل غبييية
مجاهد: ماكوو وحدة عقلهة براسهة تسوي لسويتي وتمشي للمصايب برجليهة
دفعني حيل ضرب جتفي بالحايط انيت بوجع : گومي
ماكدرت مصدومة ماتوقعت يوصل لهل مرحلة عبالي بس يهدد يوم يومين ويمل ماتوقعتة ابد
عرفت السالفة اكبر مني اكبررر بهواي من اكدر احلهة فززني صوتة وهو يصيح : گووومي
من خوف گمت بسرعة وحجيت بخوف: صـ..وتك فدوة لا..ل..يسمعوك
مجاهد: خايفة مو
رجعت ليورة باوعتلة برعب تقدم حبسني بين اديه : خافي حقج بعدج ماشايفة شي
كمل برود: ضيعتي وقتي اليوم همزين ما عندي شغل جان تصرفت غير تصرف وياج
مجاهد: جري عدل منا و هيج هاي گرصة إذن حتى تعلمين
طبع شفتة على شفتي بسرعة وحجة ببتسامة: تصبحين على خير
طلع وگأنة ما اجة وگان الغرفة بيهة بس اني تنفست بقوة وصدري يصعد و ينزل برهبة طحت بالگاع ضامة وجهي بين رجلية حتى بجي ماگدرت ابجي
وعيت على صوت الباب يدگ و اسوة تصيح علية فتحت عيوني نايمة بالگاع ماعرف يمتة غفيت اصلا
راسي يريد ينفجر و رگبتي متشنجة وحس وجهي يابس من دموع الجامدة عليه .. بنفس مكاني الخلاني بي مجاهد
الشيء الوحيد الأكد لي انة الصار مو حلم ولا اني اتخيل… حقيقي..
اجة لغرفتي و ضربني ابيتنة لميت روحي ورتكيت على حايط ماعرف شسوي اول مرة احس بهيج شعور مو حلو ابد
: دليااار وجعع وينج..ميتة عدلة
ياريتني والله: هـ..ا احمم هاا عدلة هسة انزل
: ديالله بسرعة ورانة دوام مو تاخرين
رمشت بهدوء دوام اخر شيء ممكن افكر بي هسة كمت من مكاني متيبسة من گعدة رحت للحمام
فتحت ماي اغسل باوعت لوجهي بالبداية عيوني حمر و مورمات و خدي بي اثر اصابعة كزيت على سنوني بقهر
خايفة و ندمانة و مقهورة و معصبة ماعرف ياشعور ممكن انطي الاولوية
خوف منة .وامشي مثل مايريد
ندم..واكول لبابا حتى لو كبرت سالفة وگعت من عينة
قهر و العصبية لتخلي جسمي يتخفز وابدي اردلة الكف
غسلت و طلعت ملابسي اي شيء لاكيني لاتنسيق ولا صخام خليت مكياج اخفي بي الأثر ماعرف شلون بس كثرت مكياج بس كون يروح
شلت حذائي و ملازمي هم بدون عرف اول ملزمتين اخذتهم و مبايلي ونزلت
لكيتهم يتريگون جوة منسدة نفسي كلش احس اريد اتقيء كل ما اذكر شصار وحقيقة الصار كلة ابيتنة واهلي موجودين و بابا تخليني ارجف من جرأتة و وقاحتة
اخذت مفتاح سيارة : راح انتظركم بسيارة
رند: تعاي تريگي
دليار: ما أشتهي
محمد: بيج شيء بابا..تعاي كعدي
رجعت گعدت اخر شيء اريدة هسة ينفتح تحقيق حطت ماما ريوك كدامي جبرت نفسي أكل
شايفين من تاكلون وانتو تردون تبجون هيج غصة البجية بالبلعوم و رغم ذاك تبلعون الاكل
ماعرف هيج احسس ..
كملنة ريوك وطلعنة صعدت ورة ماريد اكعد بصف بابا ركيت راسي على جام واني بالي ابد مو يمهم
فتحت جهازي لگيت اربع رسائل منة دخلت طلعن صور بقن يحملن طگ گلبي على ما نفتحن
صورة الي ويا بلمول بغرفة تبديل من جوة عكدت حواجبي شلون صورهة هية غرفة تبديل ليش بيهة كامرة
يمكن لان مال شباب بس هم اكو خصوصية اعتقد تنفست بتعب اخر همي خصوصية الصخام
وحدة بالسيارة اني ويا وثانية هم بزاوية تختلف
رابع صورة رجفت ايدي من شفتة اني ماكدرت اباوع بيهة
لمن رحتلة وتقرب مني مصورهة بوضع هيج تخلي اي واحد يشك غمضت عيني ونزلن دموعي مسحتهن بسرعة
جانن بس صور من غير شيء عصرت الجهاز حيل بدي اكسرة وامحيهن …مسحتهن من مبايلي ماريد اشوفهن
گلبت معدتي اجيت تقيء اشرت لبابا يوكف بيدي طبك سيارة على جهة نزلت للشارع اركض ارتكيت على حايط وتقيئت كل الاكلتة
وحس طلعت روحي ويا اجة بابا بصفي مسح على ظهري واسوة مدتلي الماي
محمد: اسم الله بابا شبيج
رجفت ايدي بتوتر لزمت البطل وگع اخذتة اسوة صبتلي ماي غسلت رفعت راسي اخذ نفس رعشت من برد رغم جو مو كلش
بقة بابا يسمح على ظهري و يسأل:كلشي مابية مادري گلبت معدتي
محمد: امشي اوديج للمستشفى يجوز بيج شيء ماعجبتني اليوم
دليار: لا بابا كلشي مابية ماجنت مشتهية وجبرت روحي اكل ومن ريحة السيارة استفرغت
رفع ايدة خلاهة على گصتي ما مصخنة طمنتة ورجعنة للسيارة گوة اقتنع يوصلنة لجامعة
أسوة: بابا خل تروح تمتحن و تطلع انتظرهة
باوعتلهة بغباء: امتحن؟
أسوة: اي شبيج غير عدنةامتحان اليوم
رمشت باوعلي بابا بستغراب: ها ..اي ذكرت ..اي بخير اني لاتخاف اگدر لكمل دوام احم
محمد: حبيبتي متأكدة تحسين روحج زينة
ابتسمت اطمنة هزيت راسي بأي ماعجبة بس ماحجة وصلانة لكلية وصى اسوة دير بالهة علية
اول مادخلنة رحت لحمامات خفت لا الكف يبين بس جان اثرة خفيف بس اني بقيت بقلق
رحنة للقاعة وحس راسي صار طبل من اصوات الطلاب وشعور بداخلي يريد يصيح عليهم يسكتون حتى تخيلت نفسي أكوم واكف بالنص واكلهم اسكتو
شوية ودخل دكتور صار هدوء وزع اسألة علينة واني حتى ماعرف شنو المادة بقيت گاعدة واباوع نوب اول سرة بقة يحوس علية
من وخر مني ندستني اسوة: ماتحلين
دليار: شسمهة المادة حتى اگدر أألف
أسوة: تشاقين مو
دليار: شكلي شكل وحدة تشاقة
أسوة: نجبي وحلي
حمم دكتور يمكن انتبه وخرت اسوة بتردد وبقت عينة علينة مركز ولا شالة
اسوة تحل بس اني صافنة حتة ورقتي ما خليتهة كدامي جانت جوة الاسألة
كل ما ارفع راسي يباوعلي ابدي اكوم اسطرة سطرة الحمزة دخيلة وطلع كل عصبيتي بي
طگت روحي شفت طلاب طلعوا گمت انطيتة الورقة
: ورقتج فارغة على الاقل اكتبي اسمج
رمشت حتى اسمي ما كاتبتة رجعت طلعت قلم و انطاني ورقة ارتكيت على المكتب وخليتهة گدامي
اخذت صفنة رجع حجة: اسمج ماتعرفينة
كتبت بسرعة” دليار محمد” انطيتة الة بدون ما احجي اهتز مبايلي بجيبي عرفت رسالة منة
طلعت برة ورحت للحديقة جان اكو شوية طلاب فتحت مبايلي صور هم شعدة ويا صور شفتة مرتين وهلكد طلع صور و ديرسل
فتحتهن بس مو صوري صور لبابا بتاريخ اليوم كاتبة جوة كل صور.. بملابسة راح بيهن لدوام اليوم
بلعت ريگي بخوف صورة ثانية لماما من طلعتهة امس واكفة بمحل ذهب
صور الي و لاسوة وية بنات ..صورة لسجى،
تيهت مبايل وايدي بادت خليت ادية على وجهي احاول ما ابجي هنا رعب هز كل خلية بجسمي
يهددني بأهلي ..وصديقتي
رفعت مبايل اتصلت علية اجاني صوتة وشكد كرهتة بهاي لحظة
مجاهد: هلة بالحب
كبل نهديت عليه بقهر: ساقط ابن ساقط انعل ابوك لابو جاباك لابو منين ما طلعت يـ**** يا متستحي ياعار ماعندك غيرة ادبسزز مابيك خير
صار گدامي ثنين طلاب باوعولي فاتحين حلكهم على كمية السب ..شدني صوت ضحكت مجاهد القوية
ضحك حيل واني اعض بشفتي من غيض وحسيت بطعم الدم
صاح بفكاهة: عجبتني اعددد اعددد
هنا احتمال اذا جان گدامي اگطعة انهي رجفت ادية من قهر و العصبية اخذت نفس بس ماهديت
حجيت بحدة: اذا انتة رجال من ظهر رجال تعال
مجاهد: عد عيناج
بقيت احوس بمكاني تنرفزت من نظرات طلاب كمت طلعت برة صارت الدقيقة ساعة احرك ادية بتوتر راح اكلهن اصلا
تقريباً نص ساعة وأكثر واكفة على جمر.. شفت سيارة مجاهد اجت وكف بجهتي الثانية
جان لازم افكر مرتين قبل ما أصعد لا جان لازم ماصعد اصلا ولا أكلة تعال ..بس من اذكر ضربة الي و صور دزاهن افور من عصبية
اكره ماعلية واحد يلزم شيء و يقيدني اموت اختنگ مستحيل اسيطر مستعدة اسوي كلشي
فتحت سيارة وصعدت ورگعت الباب حيل بكل قوتي وكل غيضي منة
مجاهد: الله ..شبيج ترة سيارتي اغلة منج
دليار: امشي
حجة برود: وين؟
صحت حيل : لشيب لخلفوك
صاح بنفس نبرتي: والله ما اندلة غيري المكان
يارررب العالمين ..يامحمد و الكعبة ابدي هيج اختنگة مستفزززز ادية يحكني گامن اريد انبت اضافري بوجهة
خزرتة بكل كره باوعلي رافع حاجبة: اوو شبيج جنج بزونة باگو عشاهة
دليار: روح حتى لو لجهنم
لف سيارة حيل ومشة ركيت راسي على جامة و غمضت عيوني بقهر منة
ماعدي نية اخذ و انطي بالحجي ويا گلت مباشرة :ليش داز صور اهلي … عدك صوري تكدر تهددني بيهن
باوعلي ببتسامة: عجبنج ‘غمز’خصوصا من احنة بسيارة كلش عجبتني
حجة بطبيعية بهدوء يشرح: ابوج مدرس مشاء الله كلهة تمدح بي رحت اريد انقل ابني للإعدادية ليدرس بيهة وسألت عنة گالوو اشرف من شرف
عكدت حواجبي: انتة مزوج ؟
باوعلي وكشت ملامحة: لا شمالني..جذب طبعا ماعدي ابن بس هاي حجج حتى ندخل نجس الوضع
بس انتي ماركزتي بس على ابني ما شاء الله تركزين على أهدافج
دليار: وشنو جديد بابا واعرفة اكثر منك
مجاهد: صح ..صدك دلياري ابوج يحب رنودة
حجة اسم ماما بدلع حسيت نار شبت بگلبي: اسم ماما ماتجيبة على لسانگ النگس
مجاهد: حراماااات ..ماجاوبتي؟
دليار: شتريد بالضبط تلغي هواي ما افهمت اي شيء
مجاهد: اممم حقج غبية .. المهم عدنة بنية حلوة ترفة وتسحر تلوگ لستاذ محمد
كال بصوت عالي شوية وگان اكتشف شيء: صددك تدرس بنفس الاعدادية عندة
عگدت حواجبي بغيض من حجية: شنو يعني
وكف سيارة على جهة وتقرب حيل: شنو راح يكون شعورج و ابوج متهم بتحرش بطالبة حلووة ويا
صفريت وجمدت بمكاني گلبت معدتي لزمت بطني وحس بمغص من فكرة بس
بابا سمعتة زينة وية زملاءة واستاذ كلهة تحبة اسلوبة وية ناس نفس اسلوبة ويانة طلابة يحبونة
يفرح حيل من يشوفهم هيج حتى احنة نفتخر بي …جهدة هذا بغباء مني اضيعة
دليار: انتـ.. اخخ مادري والله
خليت ادية على وجهي بقلة حيلة واحس مربطة
حجيت احاول ما ابين خوفي: لاجذب ..فالتو هية ماتسوي اي شيء
غمزلي: جربيني
دليار: عدي صور لمحادثاتنة و تهديدك اكدر اشتكي عليك
لف سيارة حيل ومشة بدون مايحجي شوية وكف كدام مركز شرطة
مجاهد: وهاي توصيلة مجانية تفضلي
دليار: تشاقة
مجاهد: لا وعيونج
دليار: منو انتة؟
مجاهد: واحد من عبادالله
دليار: انتة كلشي ممكن تصير عدة واحد من عبادالله
مجاهد: اممم
دليار: انتة مو منتسب
مجاهد: شلطشتي .. شايفة رتب على جتفي
دليار: غير اتفل عليهن اذا موجودات..عدك سلاح
مجاهد: اي واحد عدة سلاح الة منتسب
حجيت بتردد: اهلك واصلين او هيج…او .. ابن سياسي
كشم وحجة بقرف: شنو ابن سياسي شهل نسب الخايس
دليار: لعد
مجاهد: گتلج واحد من عبادالله
حجيت واني ماعرف شلون طلعت كلمة: مجرم لو قاتل
باوعلي بنظرة ما گدرت افسرهة طاح گلبي بلحظة بس ابتسم بهدوء: شايفتني امس تگليلي مسمم الاكل هسة مجرم شبيج
بلعت ريگي وباوعتلة بشك: تصرفاتك مو تصرفات انسان شريف و عاقل
مجاهد: اني هيج ‘ حط عينة بعيني’ مثلج ..ليدوسلي على طرف ادوسة وانتي اجيتيني برجليج
دليار: اني ما سويت شيء ما أذيتك بالعكس اني جاي اتأذة ليش دسوي هيج
مجاهد: لان اني اريد
دليار: لازم اكو سبب يخليك تتصرف وية شخص بحقارة
مجاهد: اكو تصرفات مالهة اسباب مو لازم مجرد رغبة
دليار: تمام… بالنهاية وين تريد توصل
الفتت علية و اكل جسمي اكل: وياج؟
اتنرفزت: لا وية جني الازرق
تقدم وصار مقابلي كلش خشمة لمس خشمي وحسيت بحرارة انفاسة گال بهدوء و بطئ : لوين ما ودج
كل غيضي وقهري و عصبيتي من نفسي اولا ومنة كل تهديد و كل فكرة تجمعن سوة
ماحسيت غير شلت ايدي وضربتة كف بكل قوتي حسيت بحرار ة بجفي واصابعي وجعني عصرت ايدي تأذيت
لف وجهة بملامحة مستغربة شوية غمض عيونة وتغير تعابيرة لعصبية وظلم وجهة
نرعبت منة رجعت على باب سيارة حيل هوة هم رجع لمكانة حط ادي على وجهة واسمعة يشتم بية بألفاظ ماتنكال
رجفت وايدي تصل گامت رجع لتفت علية خزرني خزرة طيحت گلبي
بس اثر اصابعي الواضح وضوح شمس على خدة وشلون احمر ماكدرت اسيطر تسللت ابتسامة على شفتي
هو شافتي هيج واعتقد كل ذرة سيطرة وتعقل ما بقت براسة
_________________نهاية البارت
