رواية لسنا ابرياء الفصل التاسع 9 بقلم هيلانا
شلون أحبك يا طريقة التغري گلبك
تريد بخيوط الشمس يمتزج شعرك
تريد أرسملك نجوم شوية
حمرة بلون خدك
گلي هسه شلون أحبك
-شبل
____________________________
باوعتله برعب عيوني مثبتة عليه
رجعت بخطواتي ليورة
وتلمست الحايط وراي
هو تقدّم عليّه وهو يبتسم
توني أريد أصرخ بس بسرعة مد إيده وخلاها على حلكي.
قرب حيل… جمدت من الخوف أحس الدم يدگ بعروگي عيوني مفتوحة عليه ودموعي تنزل.
خلّى وجهه قريب منّي
ما يفصلنه غير إيده اللي على حلكي.
:-يارا… يارا الحلوة.
بلعت ريگي بخوف ورجع يحچي همس
:- ماريد صوت راح أوخر إيدي بس إذا طلّعتي صوت
نزل عيونة ونزلت عيوني وياه شفت نظراته على سلاحه فهمت قصده عرگي گام يصب.
رفع إيده على كيف نزلها على متوني جسمي رجف وانكمش
:- ش.. شتسوي هنا شلون دخلت
:- من الشباك
مد إيده فتح القراصة أخذ خصلة من شعري وشمها وهو يتنفس بعمق
بچيت بزايد وطلعت شهگاتي مد أصبعه على شفايفي
:-ششش اشش حبيبتي هسه يسمعون أهلج
:- شترريد شلون عرفت بيتنه فدوة اطلع
:-ما يخفى عليّه شي
:- ليش لاحگني كاعد ترعبني والله شرايد منّي
قرب براسه وهمس:-أريدج.
تذكرت إنّي بالمستشفى بمكان عام وما خاف
وهسه بالبيت وحدي أستفرد بيه ما أضمن شي يسوي
أخذت نفس تمالكت نفسي وتظاهرت بالقوة
:-لو سمحت روح لا تصير مشكلة
باوع بعيوني توترت كسرت نظرتي ونصّيت راسي أحاول أبتعد مد إيده رفع حنكي
:- أحبج أحب هالعيون ما خلت عقل بيّه.
تصلّب جسمي من قربة وحچيت برتباك
:-ب…بس إنت شتعرَف عني وتحبني هو مرة وحدة شفتني بالمستشفى
:- لا تختنگين خذي نفس واحچي كلمة كلمة حتى أفهمج بعدين أني حبيتج من النظرة الأولى.
:- هاي نظرة أولى بس بالأفلام الهندية تصير مو بالواقع
رفع حاجبه وابتسم بخبث
:-إي أني وياچ نصير أحلى فلم هندي.
باوعت عليه بقى بينه بس سنتيمات ويطخني
حطيت إيدي على وجهي برعب وچانت دموعي تنزل
:-فدوة ابتعد عني.
تراجع خطوة ليورة طلع جكارة كعد على السرير وعينه بعده عليّه
ظلّيت واكفة لازمة الحايط نفسي ضاك
أتمنيت الأرض تنشگ وتبلعني
كلت بكلبي يالله طلعة خلصني منه
:- إنت ترضى واحد يسوي هيج ويا أختك أو وحدة تخصّك مثل ما دا تسوي وياي
حجـة بعـد ما سحب نفس من جكارته
:-إشگ حلگة غير وبعدين أني ما عندي أحد.
:-اللي ما عنده غيرة على عرضه ما عنده غيرة على عرض العالم
بمجرد ما نطقت هالكلمة تبدلت ملامحه
احتدت هج عليّ بسرعة
مد إيده لزم ركبتي خنگني حسيت الهوا انگطع رفعني وصرت واگفة على طروف أصابعي
حجـة راص أسنونـة :-أني ما عندي لا اخت ولا أم ولو عندي ما أرضى أي بشر يقرب منهن وشي ثاني ما عندي وياج نية وصخة كاعد أكلج أحبج بس عقلچ ما يستوعب انتي شنو بالنسبة إلي.
اختنكت عيوني دمعت گمت أضربه على صدره بقوة ضربات متتالية بس ما أثر ت بي
ابتعد منّي فجأة وكعت على الكاع أتنفس بسرعة الغرفة ضاكت بيّه
گمت أكحّ وأكحّ بصوت عالي أحس عبالك
غركانة
جانت أكو كاسة مي على الميز جابها وقدّمها إلي حچى بتوتر
:- خذي نفس اهدي على كيفچ الله يلعني
دفعت الكاسة وحچيت من بين دموعي
:-الله لا يوفّقك روح من بيتي والله أگول لبابا عليك أخلي يفيّن حظك شنو تايهتلك لا عبالك المرة الفاتت سكتت هالمرة أعزيك وأصخمك وأكول لبابا عليك
ضحك وتربّع كعد أكبالي
:-ليش لا خل نتعرّف على عمي والنسيب المستقبلي
ردّيت بعصبية
:- ياااا بني أنت صاحي دكلكك روح من بيتي ما تفهم
ردّ ببراءة:-لا والله مريض وتعبان بيج
:- روح اتعالج لعد.
:- إنتي علاجي
:- أعرفك تعرفني والله خبّلتني
:- نتعرّف
-: ما أريد… فدوة روح دا تسبب لي حالة هلع
جرّ نفس وردّ ببرود
:- إنتي طفلة بس أخ تورّطت بيچ شتگولين نتفق حتى بعد ما أزعجچ
صفنت بوجه وهو يتأملني بنظرات حيل بيه قلة أدب يخزرني من فوك لتحت
حچيت بحدّة
:- أطلع من بيتنا شنو نتفق ترى ابن عمي ضابط والله إذا حچيت عنك وعن مضايقتك إلي يخليك تعفّن بالسجن
حط إيده على گلـبه وهمس باستهزاء
:- لا خفت
:-إي تتگنّى حضرتك عود من تعفّن بالسجن تذكر كلامي
-: أممم عادي السجن بيتنا الثاني صدگ جذب
وإذا انحبست علمودچ أوف أحلى جريمة
حسّيت إن التهديد ما يفيد وياه
مبين ما خايف وماخذ الموضوع باستهزاء
قررت أحچي وياه بلين بلكي يقتنع
-:شوف أني والله مو من ذولة البنات الي مو خوش
-: إيه أدري
-: لعد ليش لاحگني اللي دا تسوي يحسسني أني رخيصة
-: ما عاش اللي يحسسچ هيج
:-إنت عايش
-: أستغفر الله
-: روح منا وبعد لا تطلع بطريقي وأني أبد ما أجيب طاريك
همس بحب
:- اششش لا دكولين ما أگدر أبتعد عنچ هستوني حسّيت الدنيا ضحكتلي من شفتچ أبتعد رحمة للعراق شبتعد
:- والله أني صغيرة مو مال حب ولا علاقات
:-أربّيچ على إيدي عادي
:- لا أهلي يشوفوك روح
گام سحبني من إيدي ودخلني للحمّام حسّيت الرجفة وصلت لگلبي يا ربي ما أريد ينعاد اللي
صار بالمستشفى.
خلاني كبال المراية وصار وراي… لف إيده على خصري
و گعن دموعي جانت عينة عليه بالمراية.
همس يم ركبتي
:- ليش هالدموع ما أريد أشوف دموعچ الحلوة
:-لك بسبّبك رووح من بيتنا رووح
:-الله يطيح حظ مجاهد العار لو ميت ولا أشوف هالدموع كافي تحرّكين گلبي وتشعلينه بدموعچ
طلع كلادة خلاها كبالي بيها حرف اسمه قرّبها منّي يريد يلبسني إيده لامست صدري
مغصتني بطني وگمت أشهك دارني عليه حچى بعصبية
:- كافي تبچين
:- أطللللع من بيتنا كااااافي
اقترب حيل حصرني ويا الحايط
حسّيت راح يعيد الكرة
حطّيت إيدي على وجهه
:- فدوة لا تقرّب.
كلماتي جانت كوة تطلع من الرجفة
نزل إيدي عن وجهي وعصرهن بين أدي
وقرب ختم شفته على شفايفي بذوبان ما جانت أول مرة هاي ثاني مرة بس هالمرة چان أكو إحساس
شعور غريب اقتحمني عكس المرة الفاتت ما جان أكو أي مشاعر غير خوف ورهبة
بس هالمرة هواي إحساس رهبة خوف وإحساس غريب لأول مرة حسّيت نفسي بحضرة صدر رجل
ابتعد فجأة باوعلي بعيون ذبلانة حچى بخمول
:-دكولين لا تقرّب وكلما تمنعيني أريدچ أكثر كل ممنوع مرغوب لا تمنعيني يارا ششش
ما نطقت كلمة دموعي كافية تشرح الموقف
:-راح أروح هسه بس أكيد ارجعلج
كلامه بث رعب بگلبي توسعت عيوني وباوعتلة برعب واكثر من هيج حالة مو وصلت شنو هل جرائة وبنص بيتنا
ابتعد وهو يباوع بالمرايه فتح الماي اجة يغسل وجهه
انوب وكف قفلة ورجع باوعلي كال
-:لا ماأغسل يروح طعم شفايفج خل انام ليلة وطعم بحلگي
ما جاوبته بس ادموعي تنزل رجع عليه ومسح ادموعي بيدة باسني
بخدي وانوب بخشمي حجة ببتسامة
:-ليش نخلستي مو مساع تهددين جنج بزونه شرسه
أبن عمي وأبوي وما أدري منو
زفر نفس واخذ نظرة اخيرة وطلع من حمام بقيت مكاني ما لحكتة
اخذت دقايق اتنفس وارمش بعيوني مثل المخبلة اريد استوعب الصار عقلي وكف خلص
شنو جاي يصير بحياتي هذا منو ليش هيج يركض وراي ياربي اني صدك جنت اتمنى احب وانحب
بس مو هيج هذا اكيد مو صاحي ديدخل بيتنا بعز النهار بدون اي أهتمام ولغرفتي هسه لو ليان موجودة
واحنه نفس الغرفة شجان صار منو يصدك اني ما مطيتة مجال اكيد اتشگ بية وهي تعرف اني
احجي ويا أمة محمد كله بتليفون ياربي راح اجن اني اكيد ما ابقى وكفت على مغسلة غسلت وجهي
مررت ايدي على شفايفي شكد حقير هاي ثاني مرة يااربي طلعت من حمام ماكو ماشي وشباك مفتوح الهواء دا يدخل لغرفة
تقربت قفلتة رجعت على سرير واني النار تسعر بگلبي غمضت عيوني بأسى ودمعة غرغرت بعيوني
اللة ياخذة الحقير شبعت بجي بسبببه واني بحياتي ما بجيت على شي الله لا يوفقة
.
.
جنت منصية راسي ااسوي جاي وعمتي كاعدة تحط كيك وكليجة بعلب كالت تاخذينها وياج ذني
تعرف اني ويارا مو شي بالطبخ بالاضافة ما عدنة وقت فهي من جانت بيتنا كلشي تطبخ النا
:-ليان
لتفتت عليها ببتسامة-: ها عمة
:-ياعمة اصعدي صيحلي مصطفى ناقصنه اغراض يجيبهن من المحل
هزيت راسي وصعدت جان باب الغرفة مفتوح
على نص اني ماادخل اذا ما ادگة متعودة حتى
غرفتنه مع ان هي مشتركة بينا احيانا ادكه وادخل يعني الاحترام حلو دكيت مرتين ماكو صوت
دفعت الباب على كيف
ماكو احد هدوء
جان اكو مراية ماخذة نص الحايط مزيوحة على صفحه وشلون باب موجود الفضول اجتاحني
تقدمت بخطوات متررددة
اول ما وصلت لباب صار
بوجهي درج ينزل ليجوة شلون مخزن او شي جوة واكو ضوء بس خافت
نزلت على خفة اصابيعي باية باية… اول ما وصلت اجاني صوت متعصب
مصطفى-:لگ..زمال سلام تبتعدون عنه
مديت راسي واخر شخص ممكن اتوقع اشوفة بهل منظر مصطفى
جان اكو اثنين واكفين يمة وشخص مربوط ومدمة بحيث ملامح وجهه كله دم ولكمات
جان كوة يحجي بصوت مبحوح
:-هو اخوك يحفر ورانا
نزل لمستواه رفعه من ياخته وردف بفحيح شيطاني مرعب:-ولو كان اذا حفرتو وراه احفر گبركم بيدي
:-أحجي هذا الحجي لمجاهد وشبل اني عبد مامور
زفر نفس بهدوء:-وطلع طلقة من جيبة حطها بيدة
لتفتت على الواكفين يمة كالهم بلغة امر
-: تاخذونه وتكطعون لسانه وتشمرو مقابيل فندق الـ ***
رجع نزل لمستوى وكشر عن ملامحة بحقد
:-وصل سلامي لمجاهد وهاي طلقة هدية تمام
ضرب على جتفة بلع ذاك برعب اشر الهم اتقربوو اخذو جان مايكدر
يمشي فكوو الحبل عنه وشالوا واكو باب للخارج طلعو من يمة
ومصطفى قفلة وراهم وكف رجع شعرة ليورة اخذ نفس براحة رجعت خطوات لدرج
ومن حظي العاثر وكعت الوردة الجانت على درج وطلعت صوت قوي
ركضت بسرعه اريد اطلع قبل لا يشوفني بس هيهات اجااني صوته الغاضب-:ليااااان
نداريت بكل جسمي رعب احتلني ودمعة لمعت بعيني:- هاااا
جان مخلي ايدة بجيبة وباوعلي بنظرات كله شگ وريبة:- تعااالي
بلعت ريگي ورجعت وصلت يمه حجة وعيونة بعيوني:-شنو شفتي
ليان-:ما شفت شي
هز راسه ما مقتنع حجة بنبرة تحسه تهديد
:-اعرف شفتي والي شفتي تنسي هنا ما يطلع منا
اجيت احجي قاطعنة صوت عمتي تصيح
-:مصطفى… مصطفى
طفة ضوء ولزم ايدي طلعني من مخزن قفلة ورجع المراية لمكانها كل هذا واني شكوك والاسئلة والفضول يقرة الف
رجع باوعلي بتركيز وحجة بجدية
:- ليان والخلقج اذا طلع حرف واحد اسود عيشتج وانسة انتي بت عمي
ماهتميت لحجية رديت بفضول
-:ليش انت شنو خافي علينا مصطفى
لزمني من ايدي وضغط عليها بقوة حجة بحدة
:-موو شغلج ولا دخلين خشمج بشي اكبر منج حتى ما ينكسر مفهوم
ابن عمي بكل عين صلفة يهددني طفرة الدمعة من عيني دفعته ونزلت بسرعه صاح وراي بصوت عالي
-:ليااااان
ما هتميت مريت من مطبخ عمتي شافتني استغربت قبل لا تحجي اخذت جنطتي الموجودة على كاونتر وطلعت ركض
البيت قريب كلش وصلت لكيت عمو نايم على قنفة بالحديقة حتى ما حس بيه
جان البيت هادء سكتة بابا اكيد بدوامة ما جاي بس يارا رجعت من وقت خابرتني من جانت بالكلية
صعدت لغرفة شفتها نايمه ودموعها بخدها ما جان ابالي اسال او شي جنت مشدوهة واجة
بالي الف شغلة وشغلة وحيل كرهة مصطفى بعد نبرتة القاسية وياي
غيرت ملابسي ونزلت سويت غدة ورجعت فتحت تلفزيون حاولت الهي نفسي ومافكر بشي
بس ماجاي انسة الشفتة هذا اكيد وراء شي جبير حسيت بلگمة قوية اجت بنص گلبي
احساس فضيع انتابني معقولة ابن عمي يطلع نذل وشغلة وصخ
غمضت عيوني حاولت اهدي نفسيّ يطبة مرض اني شعلية نارهم تاكل حطبهم
بس لا خطية عمة عده هيج ولد
قريب لوحدة رجع بابا من دوامة
تغدينا بس اني ويا يارا ما قبلت تنزل كالت ما اتشتهي تاكل بعدين
.
.
يارا::
ثاني يوم رحت لجامعة بابا وصلني لهناك
جانت اسراء منطلقة وتعرفت على قاعه نصه شباب وبنات
اما اني فماكو اي شعور احس نفسي بمتاهة والخوف ملازمني حتى ما فرحانة بدوامي بالكلية
صرت ما امن على نفسي لا بالبيت ولا خارج البيت ما جاي اصدك الي دا يصير وياي والله
اني متاكدة اكو احد حاط السجادة ومستلمني دعاوي بحيث نعل سلفة سلفاي
شكد حاولت اسراء تعرف شصاير وياي ولحت بس لتزمت الصمت هو اني ماجاي اعرف شدا
يصير وياي شحجي مشاعري وعقلي وكلي مخربطه همات شفت بنات عمي بس من بعيد ماجان الي خلق اتعرف على احد
يجوز لو قبل جان كيفت اتعرف عليهم بس هذا السافل شبل مدري نعل سد نفسي من ناس كله
رفعت راسي لسماء وحجيت بنبرة حقد
:-يارب متاخذ شبل وتخلصني من شوفتة الزفرة اني والله بس خلصني منه بعد مااسوي شي غلط حتى حجاب البس فدوة ياربي فدوة
اجاني صوت ضحكتها درت وجهي جانت اسراء
حجت بسخرية
:-أنتي مخبلة ولج ههههه شنو من دعاء هذا بعدين منو شبللل شو احجيلي
تنهدت بضيق وكعدت على طاولة بالكفتريا حجيت بضوجة
:- هذا غضب الله عليه
اسراء:- ااحجي يلة شكوو منو ترا الفضول قتلني
يارا-: هو اكو شـ….
قاطعني صوت تليفون جان بابا كال منتظرج بالبوابة
ودعته وطلعت كلت الها بعدين احجي الج
بس اكيد ماراح احجي الصار
اسراء ما تلم لسانها بحلكها انوب تفضحني
_________________________
دخلنة للجامعة بابا وصلنة راد يبقى ويانة بس كلنالة خلينة وحدنة افضل احنة نكتشف الاماكن جنت شوية متوترة بس اسوة خلتني ارتبك وياهة بزايد
أسوة: فدوة هاي هية عدل شالي خاف مخربط
التفتت بضوجة: اوف اسوة و الكائنات الحية والغير الحية والتضايس و الجبال عدل شالج ميل ارتب من حياتي
أسوة: اي شبيج گبر مايصير اسأل
دليار: وج مو اكلتي گلبي من طلعنة لحد الان تسألين
أسوة: المهم وين نروح هسة
دليار: وشدراني اسألي
أسوة: ما انتي اسألي عدي جدول بس شوفي يا قاعة ونبقى كاعدين هناك
رحنة للقسم سألنة شكم طالبة عن القاعات رحنة جان شوية طلاب اول ما دخلنة العيون صارت علينة مو من جمال لا عبالكم لان نتشابه
اني لابسة قميص اسود جواه تشيرت ابيض و بنطرون عريض وشالي اسود عدي حداد على العطلة ..و اسوة شافتني لابسة اسود لبست فستان ناعم ابيض تكول حتى يعرفون منو الملاك و منو شيطان
رحنة للاخير كلش كعدنة صفة أسوة بقت تلافت تحفظ بالوجوه
حطيت رجل على رجل وكعدت اتابع بجهازي مالت أسوة علية: يااا دليار نسيت ماكتلج
دليار: شنوو
أسوة : بيوم التسجيل انتي مارحتي فنج منو شفنا هناك
دليار: منووو
أسوة: احزري
دليار: أسوة لو تحجين لو تنجبين
أسوة: عابت ..شفنة عمو فاهم
دليار: ومنو هذا
أسوة: عموو اخوو بابا شبيج
نزلت مبايلي التفتت عليهة : وليش توج يالله تكليلي
أسوة: ماتوقعتج تهتمين
دليار: لا بس كبرياء فضولي تأذة معقولة اكو هيج شغلة واني مادري
أسوة: اي غير جنتي مبوزة تعاركين وية ذبان
المهم مو هنا سالفة ..بت عمنة ويانة بنفس كلية و بنفس قسم هم
گلبت عيوني: فدوة للكائنات كملت السبحة
أسوة: فاكول شرأيح نروح نتعرف عليهة
دليار: بابا سلم على اخوه
أسوة: اي من بعيد هيج سلام حي الله
دليار: لعد نجبي وخلينة هادئين ولاتجيبين السيرة كدام ماما و بابا و عوفيهم
أسوة: لييش عدي فضول اعرف
دليار: شگد اكره انتمائاتج العائلية
شوية ودخلوا طلاب دخل الاستاذ مدري دكتور بعدنة مانفرزن
سلم وحجة كم شغلة و نصائح و تعليمات وشلون الوضع هنا هواي حجي ما حفظتنة بس اسوة مركزة ويا
بعدين رجع يتفقد الحضور صاح بالاسماء لحد ما وصل : يارا فاهم علي
التفتنة اني واسوة سوة على بت العم حجت بهدوء شفنة بس نص وجهة
اسوة: الله حلوة
دليار: هوة انتي شفتي منهة وحلوة
اسوة: وجع ماشوفينهة
سمعت الاستاذ صاح : أسوة محمد علي
كمزت كالتلة : ها اني هنا
ضحكو الطلاب واني حاولت ماضحك خرب غيرتج اسوة وجهة راد ينفجر من الخجل كعدت وضمت وجعة بديهة
سكت الاستاذ طلاب بس اكو بيهم التفتو علينة بقيت مبتسمة بوجهم لحد ما التفتو اسوة بعد طمت روحهة
شوية وصاح الاستاذ: دليار محمد علي
رفعت القلم بيدي: نعم
باوعلي رفع حاجبة اشرلي اكوم كمت : بابا هنا نكول حاضر مو نعم
دليار: حاضر
: ابقي واكفة
دليار: عفواً
مارد علية وكمل الاسماء بعدين و وخر الاوراق و ارتكة على ميز : دليار جنتي تسمعين شكلت من بداية محاضرة
صفنت شوية عليه لا ماذكر ابد بلعت : لا
: ليش
دليار: بدون سبب
: الحجي الينكال هنا لازم ينسمع كل كلمة تفوتج مهمة
لاحظت انتي ما منتبهة هذا شيء مايصير بعد اول يوم الج هنا وهذا قانون كل كلمة مهمة ووو….
هواي حجي بقت اهز براسي الة لحد ماخلص طلع شلت جنطتي وكامت اسوة مدنكة مارفعت راسهة
دليار: بدت رحمة الله رفعي راسج بابا شبيج
أسوة: نجبي والله فشلة احس راح اموت
دليار: طبج مرض شبيج گمزتي همزين ماحالفة هههههههه
أسوة : لاضحكين وجع شدراني فاجأني
دليار: امشي يالله لاتخلينة واكفين بالباب
طلعنة سوة رحنة للمطعم طلبنة وكعدنة ناكل واسوة تصور كلشي تسوي ودزة لماما
وراهة كملنة المحاظرات كلهن و طلعنة بعدنة نمشي على درج لزمتني اسوة : عزززة شوفي
التفتت الهة: شبيج شكو
أسوة: الرجل العاري
صديت وين تباوع شفت ابن جيرانة من ذاك اليوم واكف يسولف وية ولد نزلنة جوة رجعت اسوة تحجي
أسوة: هم تدرين طلع ابو سيف
دليار: احلفي يعني هذا درعان ابو سويف
أسوة:اييي..بس شيسوي هنا
دليار: مادري اسألي
با عتليى بنص عين و دارت وجهة عليه اكلتة بعيونهة اذكرت من بقيت اباوع على ذاك السافل جريت ايدهة ومشيتهة سريع
دليار: لاتباوعين لاي ولد و تصفنين بي
أسوة: ماعرفتج دليار من يمتة هاي المبادئ
دليار: من ذاك اليوم إلاسود
مانطيتهة فرصة تحجي مشيت كدامة واجت وراي طلعنة للبوابة اجة بابا ياخذنة
صعدت ليكدام و اسوة ليورة گبل حضنت بابا من ورة بقت تبوس بي: يا بابا اشتاقيتلك اول مرة اصارع الحياة وحدي
محمد: وياهو الفاز؟
دليار: الحياة بابا هههههه ماسولفلك اكلتلهة فشلة تخبل بأول ساعة بحياتهة الجامعية
أسوة: وجع لاذكريني حمس احاول انسى
دليار: شلون راح تكملين حياتج
أسوة: بابا صيح عليهة
محمد: دليار لازم توكفين و ياهة و تساعدينهة مو تصيرين ضدهة شبيجن
دليار: بابا الاستاذ صاح بأسماءنة وهية ثولة جانت صافنة بس سمعت اسمهة كمزت من مكانة صيح ها اني هنا
ضربت على راسي و بابا ضحك طنبت اسوة ورجعت ليورة زعلانة
محمد: يالله حبيبتي تكبرين وتنسينه
دليار: كل ما تنسينهة اذكرج
محمد: دلياار
أسوة: عوفوني زعلانة لحد يحجي وياي
دليار: زعلتهم
التفتت على بابا: حبيبي بابا اشتهيت بقلاوة
محمد: شسوين بيهة وانتي موجودة
دليار: خاف ماعدك فلوس
التفتت علية يباوع بنص عين: جرحتي كبربائي الابوي
دنت اسوة ليكدام: معليك بيهة بابا انتة حتى لو ماعدك وفلوس احبك
محمد: وردايتي الحلوة تعلميني بيج مو مثل ذولاك ناس
دليار: ياااا وعلي اني احبك شكثرررر اموت عليك هيج احسك مدري شلون
بقة يباوعلي بدون تأثر
دليار: بابا راح ابجييي من كثر المصداقية حس شوية
محمد: كلماتج ماتوصل
دليار: لاتنسة البقلاوة حباب مو تعوفهة وتطلع گبل
أسوة: عابتلج اهم شيء تحصل لتريدة بابا تعبان ليش تخلينة يفتر
التفتت عليهة : انتي مو زعلانة روحي هناك كملي زعلتج
محمد: يالله كافي اطيتجن مجال
دليار: فديتك لو هيج الآباء لو مايرادون
أسوة: اي وعلي اصلا همزين انتة ابوي لو مو انتة جان اني ميتة
دليار: ترة هوة شخص مو هوة شنو ميتة تغزلي بمنطق
محمد: انتي شعليج حبيبتي بابا اصلا لو ما انتي بنتي جان متت
دليار: واني
محمد: معشعشة بگلبي
خجلت وبابا ضحك حيل : صارنة هواي ما شايفين خجلج ام السان
دليار: يوووو استحيت
ضحكو ثنينهم ..نوب بابا وكف على صفحة نزل للمحل يشترينة بقيت اگلب بسيارة شغلت اغنية حزينة من قديمات
اسوة: تونة جنة نخبل شغلتي حزين شهل مزاج المعطوب
دليار: نجببببييييييييييي
رجع بابا شايل علاليك هواي بيدة صعد خلاهن بحضني و سد الاغاني : ماتستحين تسمعين اغاني كدام ابوج
حجت واني افتح العلاليك: لا للاسف…’ جايب بقلاوة و وحلويات مشكلة وياهة ”عااا بابا گمت اشك بيك من نسل حاتم الطائي
محمد: مو الج ذني لحبيبتي
كمزت اسوة : صددك شنوة شجبتلي
التفتنة ثنينة عليهة : ترة لماما انتي بيش كيلو
بوزت حسيتهة راح تبجي انطيتهة علبة الحلويات لتحبهن
محمد: اشاقة وياج حبيبتي الج ذني و لاتزعلين انسي الصار بالجامعة هية الحياة مواقف لاتاخذين كلشي بجدية و حدة هيج تغلبي على مشكلات الصغير ة حتى تسهل الجبيرة
حجيت واني اكل : ماكو جبيرة انشالله بوجودك بابا الله يخليك و يحفظك و يديمك انة خيمة ونكبر و انتة اضل مثل مانـ..
قاطعني: كافي كافي فتهمت لعبتي روحي
دليار: شسالفة ليش ماتخلوني اعبررر عن مشاعري
محمد: انتي اذا تحجين مشاعرج جذابة افعالج اصدق
دليار: الزلم افعال بابا
أسوة: همزين تدرين بروحج مو انثى
دليار: مخلية الأنوثة الج
وكفت سيارة وصلنة بابا كال انزلن دوختني شلت علاليكي ونزلت لاكتنة ماما بالحديقة سلمنة عليهة و دخلنة
حضرنة الغدة تغدينة وگبل للفراش احس تعبانة واني كلشي ما مسوية
مر اسبوعين على دوام و الروتين و دگ محاظرات نوب القانون يرادلة تركيز و حجي هواي واني ادقق بالتفاصيل ما تفوتني كلمة
كلش تعبت عود اعتمد على دليار و اقسم محاظرات بينة من نطلع اسألهة تكول شدراني انتي تسمعين و اني اشوف
دليار: شبيج وجع غير انتي تسمعين عليمن ثنينة نسمع
أسوة: خاب سكتني مردتي گلبي برودج
دليار: هههههه غير تستقر السجاجة
أسوة: مو كتلج اكتبي ملاحظات ليكولهن
كعدت على طاولة وخلت ملازمهة: بيش اكتب بصبعي غير ما عندي قلم
شلت القلم مالتي و تلفتة الهة: هاااج ماتعرفين تأخذين قلم من جنتطي
دليار: لا ضوجين اختي العزيزة اعزمج على احسابي
أسوة: منيلج الاحساب انتي تبوگين من بابا
دليار: احسن ما استغلة عاطفياً مثلج
أسوة: اني اقدملة الحب و هو يدللني
دليار: بعدين هاي مو بوگة هو يعرف اخذ منة
أسوة: لان واثق مني و يعرف منو الحرامي بالبيت
حجت تمط بلكلمات: شتتسمميننننن
أسوة: گص و يا مقبلات و صلصات حارة و قوطية ببسي اويييلي كلشي بس كون اكل جوعانة
گالت تدللين جنج على ببسي كامت تطلب ..طلعت مبايلي اراسل بالبنات اتفقنة نلتقي سوة ورة ما نخلص محاظرات
شوية وكعدن مقابيلي ثنين بنات من مجموعتنة شايفتهن
: اسفين عيني كعدنة بدون رخصة ردنة نتعرف عليجن لان مبينات ما تختلطن
نزلت جهازي وابتسمت: لا حبيبتي اهلا بيج
حجت ثانية: اسمج دليار صح صراحة لفتني بقة ابالي اني هبة وهاي نور
أسوة : اهلا حبيبتي تشرفت بس اني اسوة دليار اختي
ابتسمت بحراج: يااا اسفة انتن تشابهن بس بقة اسم دليار ابالي صراحة اسمائجن حلوة
أسوة: هههههه من ذوقج حبيبتي و عادي كلهة تخربط بينة
هبة: صح والله تشابهن بس حلووة هيج تگدرن تلعبن على الاساتذة و حدة تاخذ مكان ثانية
أسوة: هههه شنو يعنيي
حجت بجدية وتشرح: يعني انتي تغيبين و اختج تحضر مكانج و من ياخذون الحضور تسجل اسمج و اسمهة محد يكدر ينكر ما شايفين وحدة منجن
فكيت حلكي على تفكيرهة نهجم بيتج منين تجن بهاي الافكار قاطع علينة صوت دليار : اي وعلي فكرة حبيتج يا اختيييي
هبة: هههههه هلا احب ناس لتفكر
أسوة: شقصدجن اني ما افكر
حطت دليار البيتزا على الطاولة وقدمت ببسي للبنات : شفتجن من بعيد گلت عيب ما نضيفجن
نور: حبيبتي مشكورة
كعدت وخلتهة بالنص: هلة ..تفضلن لاتستحن
التفتت عليهة: مو گتلج اريد گص
دليار: اييي بس ما كتلج اجيب كص..بعدين اني سألتج شتتسممين كلتي كص و ين اكو سم اسمة كص
غصت هبة بالبسيي و ضحكن كشرت بوجه دليار عابتلهة
هبة: هههههه خرب يومج اجيت اموت
نور: العار ما يموت
هبة: امثالج غير
بقت تسولف وية دليار و مشاء الله تفكيرهن ثنينهم ضارب اصدقاء سوء و اجتمعوا
لفتني المقابيلي الرجل العاري شعدة هنا خرب احاول انساك يا اخي هف خرب اهلك سيف على هاذا الابو
يطك بالگاع اضني معحبة فزيت على صوت دليار
دليار: صخاام هييي نحن هنا
هبة: خطية اخذاهة الحب
حجيت برتباك: ها ..لا يـ معودة حبيش
كرصتني دليار من جوة طاولة وحجت : امس واكفين فوك يم الدرج و اسوة لازمة قوطية ببسي و وكعت من ايدهة و حمست ذاك الولد لان جان جوة
هبة: عزززا صدك
فكيت حلكي على دليار شلون جذب وعلي اذا ابقى وياه تسحك سمعتي سحك
حجت بجدية: اييي لاسف واسوة قلبهة رقيق بقت تطحن بروحهة حتى وهية نايمة تكعد وتصيح ببسي بسيي وترجع تنام
طكنهة ضحكة هبة ونور شعلوهة وهية وياهن خلت اليمنة يلتفتون
أسوة: وجع صوتجن
هبة: يا بووية عليج الله صدك
دليار: للاسف احتمال راسة معطور هسة
نور: خررب يومج هههههه
ضلن يضحكن و دليار كل شوية شامرتلهة حجاية وهنا منا بينات فاهيات گبل يضحكن
قطع علية روان تتصل صديقتي من مدرسة بس نقبلت تربية و افتركنة رديت عليهة جنة متفقين على مكان نلتقي بالجامعة
كالت تعاي راح اطلع التفتت على دليار بس كون ما تتناحس و تعند
أسوة: شسمة دليار تفقت وية روان نلتقي ترحين
دليار: ماحب صديقاتج المؤمنات روحي لوحدج بس مو تاخرين علية
كمت بسرعة قبل لا تغير رأيهة و ترخصت من بنات بس هنة هم راحن لان منتظرات صديقتهن تطلع بقت گاعدة وحدهة مكنكة
ترددت اعوف روان لو اتصل بيهة تجي هنا كسرت خاطري دليار
أسوة: اكلج كسرتي خاطري جنج ارملة كاعدة لوحدهة
دليار: دمشي منا
أسوة: هو مو صوجج صوجي
__________________نهايـة البارت
