رواية ظلام القلب الفصل الثاني 2 بقلم داليا منصور
-معلش يا استاذ عامر بس حضرتك بتجري كدا ليه..
عامر بحزن:
– والله يا عم صابر ابني اتوفى ومراتي لوحدها وانا يادوب نزلت من الطيارة وجيت هنا علطول..
صابر:
– لا حول ولا قوة الا بالله العلي العظيم..
مشى عامر وصابر بص عليه وهو بيقول:
– ناس تتمنى ولو طفل ويروح منهم وناس تانين ابنهم يجي يرموه يالله ربنا العالم بحال الناس..
… عند حنان كانت بتنضف الشقة وشهد بتساعدها رغم انها غنية ومعاها فلوس وشربكات لكن هي متواضعة..
حنان بحب:
– والله يا شهد هانم العمارة كلها كانت وحشة من غيرك ايه الغيبة دي كلها من ساعت متجوزتي وسافرتي مع جوزك معتش عرفنا عنك حاجه..
شهد بصتلها بحزن:
– النصيب غلاب يا حنان والدنيا دي صاعبة قوي بعد معرفت اني مش بخلف جوزي طلقني وقالي مش هتجوز واحدة ارض بور واتجوز في يوميها وانا بقالي سنين بحاول اتعايش مش قادرة..
وبكت بحرقة حنان بحزن:
– لا حول ولا قوة الا بالله العلي العظيم عالن تتمني ولو طفل وعالم تانين تربي ضناهم اللي لسه واصل على الدنيا..
شهد بصتلها باستغراب:
– مين اللي رمى ضناه يا حنان هو في خد معندهوش قلب كدا..
حنان بحزن:
– والله يا شهد هانم جوزي كان سهران قدام البوابة زي عوايدة سمع صوت طفل صغير اتاري ست ولدت ورمت ضناها اللي لسه يادوب مكملش يوم وحالته كانت تحرق القلب حتى الفروض ندخله الحضانة اسبوع وصابر جوزي مش معاه لكن بيعافر علشان الطفل اللي ملهوش ذنب في حاجه ده..
شهد بوجع في قلبها وهي بتقول:
– ممكن اشوفه يا حنان.
حنان بحب:
– حاضر من عيوني هخلص تنضيف وانزل اجبهولك..
شهد بتوتر وشعور مش فهماه:
– لاء انزلي دلوقت وهتهولي انا هكمل الشغل مكانك عبال متيجي..
حنان باستغراب:
– بس يا شهد هانم ميصحش انا بوافق على مساعدتك ليا بالعافية كمان عاوزة تنضفي مكاني مش هقبل بدا خالص..
شهد بحب:
– روحي يس يا حنان هاتي الطفل وتعالي وانا مش زعلانة يالله بسرعة..
خرجت حنان تجيب الطفل وشهد قعدت وهي بتقول:
– ياترى ليه لم اتكلمت على الطفل قلبي فرح كأنها بتتكلم على ابني انا مش عارف بيحصلي ايه..
…. عند مريم كانت بتتكلم في التليفوف وبتقول:
– لنا سقطت وجوزي حالف عليا شكله هيطلقني وانت ايه رايك بس دا شخص عديم النفع محيلتهوش حاجه انا هطلق منه احسن..
عامر سمع كلامها وهي بتقول كدا اتعصب ومقدرش يقف قال بصدمة:
– انتي بتخونيني يا مريم بتخوني عامر جوزك وحبيبك..
مريم من الصدمة قفلت التليفون وهي بتقول:
– عامر انا مش بخونك انا انا بس كنت يعني..
عامر بعصبية:
– كنتي ايه انتي وليه خاينة متستحقيش تعبي معاكي وخوفي وحبي ليكي انامكنتش بنام علشان سعادتك انما انتي اللي هامم الفلوس والشخص يكون غني وبس لاء ومبسوطة ان ابنك مات يا جبروتك يا شيخة..
مريم بتمثيل:
– عامر انا كنت بس يعني..
عامر بتريقة:
– ها بتفكري ومش لاقية كذبه تقوليهالي بس انا هقولك هتعملي انتي تلمي هدومك وتخرجي من شقتي ومن العمارة كلها ومشوفش وشك يا خاينة..
مريم بتترجاه وهي بتمسك ايده شال ايده بعصبية:
– شيلي ايدك دي مش طايق حتى تلمسيني قرفت منك ومن نفسي علشانحبيت واحدة زيك اختي شهد من الاول كانت بتنبهني بس انا مصدقتها لاء وجبرتها تعاملك باحترام بس العيب عليا علشان مشوفتش وشك وخبثك..
مريم بعصبية:
– انت فاكرني اصلا بحبها انا بكرها الارض البور دي مش بتخلف وحياتها بايظة وجاية تخرب بيتي المنحوسة دي..
عامر بعصبية مقدرش يمسك نفسه وضربها كف وهو بيقول:
– انتي طالق وورقتك هتوصلك في الخرابة اللي جايبك منها واعرفك لم تتكلمي على شهد اختي اللي اشرف من عيلتك بحالها تتكلمي باحترام كفاية انها عارفة وشك وبتعاملك كويس علشاني بس مش اكتر..
وسابها وخرج مريم بعصبية:
-وربنا منا سيباكي يا شهد يا خرابت البيوت يا ارض بور انتي وخرجت جري على شقت شهد وهي متعصبة..
… عند شهد كانت منتظرة حنان واول مسمعت خبط على الباب راحت جري تفتح الباب بس شافت اللي صدمها..
-مريم انتي ايه قومك وليه جاية بسرعة كدا كنتي رني عليا وانا اجيلك ومتقوميش.
مريم بعصبية وكره:
– انا بكرهك من وقت مكنا مع بعض في الجامعة وحرضتي اخوكي عليا وقولتيلة بلاش مريم وهو اصر يتجوزني وادي بسبب نحسك جوزي طلقني يا وش الفقر انا مش هسيبك..
ومسكت في شهد وهي بتخنق فيها لولا حنان جت بالصدفة وهي شايلة ااطفل حطته بسرعة على الكرسي وهي بتحوش مريم عن شهد وبتقول:
– ميصحش اللي بتعمليه يا ست هانم شهد هانم غلبانة وبتحب الخير للكل ليه تعملي فيها كدا..
مريم بعدت وهي بتضرب حنان
وبتقول:
– ابعدي انتي كمان انا ناقصة اتنين ارض بور قدام مني هتنحسوني وبصت على شهد وهي بتقول:
– مش هيبك تعيشي مرتاحة أبداً…
وسابتهم وخرجت وحنان كانت مصدومة من كلام مريم وزودت على جرحها بس قامت وهي دموعها بتنزل وبتكمل شغل في الشقة شهد قربت عليها وهي بتقول:
– احنا رضينا بقضاء ربنا بس الناس مش بتحس بقلوبنا احنا ملناش ذنب ان قلوبهم حجر..
سمعت شهد صوت بكاء الطفل قربت عليه واديها وقلبها بيترعشو من الخوف وهي بتقول:
– بسم الله الرحمن الرحيم..
وشالته وبمجرد مشافت وشه قلبها دق وعيونها دمعت وهي بتقول:
-كان نفسي اشيل ابني وضنايا بين ايدي بس الحمد لله ربنا محرمنيش وخلاني اشيلك جايز ليه حكمة من كدا..
حنان بتفكير:
– شهد هانم انا وصابر طول النهار ورانا شغل ايه رايك تخليه معاكي عبال منلاقي اهله ..
شهد حضنته وهي بتقول:
– بجد يعني هتخلوه معايا انا مش عارفه اقولك ايه يا حنان بجد جميلك فوق راسي..
حنان طبطبت على كتفها وهي بتقول:
– كلنا في مركب واحدة وانا لو محستش بيكي هحس بمين يا ست هانم انتي تستحقي كل الخير بسبب قلبك وحنانك حتى على الطفل اللي متعرفيش هو ابن مين مبالك ولادك لو ابنك كنتي هتعملي ايه..
شهد بتنهيدة وحزن:
– يا يا حنان كنت هبقى طايرة من الفرحة وكنت هفرح كل الدنيا معايا حرمان الشخص بيكون اصعبمن اي تعب وأي عزاب انا ممكن اعيشمن غير حب واهل واصحاب وناس وفلوس كل فلوسي يخدوها بس ربنا يعوضني حتى لو طفل صغير..
حنان مسحت دموعها وهي بتقول:
-شوفي انا وانتي بنتمنى ايه وام الطفل المسكين دا رمته من قبل حتى متشيلة بين اديها يمكن احنا اللي بنحس والا هي اللي معندهاش قلب والا ايه اللي بيحصل..
شهد بحزن:
-الطبيعي ان قلوب الناس تكون كدا بس العذاب ان احنا بس اللي قلوبنا كدا والبشر كلهم مبقاش في قلوبهم رحمة جايز عوض ربنا جاي في صبرنا واحتسابنا الخير عنده جايز عوضنا جاي..
حنان ابتسمتلها وكملت شغلها وشهد بتلاعب الطفل..
… عند صابر كان عامر خارج وهو زعلان ومتعصب جامد فجاة وقفة صابر وعو بيقول:
