رواية رتبة وظفيرة الفصل التاسع 9 بقلم الكاتبة رسل فهد
شجابني شوداني يمهم ؟
گلوبهم گلب الــ ( يعذب )
و انا عندي رويحة ترفة تفشل جناح الحَمام
يا رخص ذيچ الوعود الماوفوها
تشبه دموع أمي من تطب أمام
-رُسُل فهد
..
في مكان أخر
107
– دحكي شام ما اريدو يهجس ذرة امو و ابو على غلط
518
– دخيلك يا ستي الولد عم يصحى من نومو مثل المجنون
من الاشياء الكتير الي عشربو اياها
134
– عجل هذا الاريدو ما يغفى مرتاح
الا بيوم الي يذبحو بأيدو ويجيبلي راسو
143
– يا ستي ايمتى انا والله بدي ارجع لدياري
مابدي موت هون بدي اموت بحضن ابني و احفادي
45
– ما ضل چثير صبرتي 13 سَنة هساع تنسحبين ؟
397
…
2
يَاسمين ..
34
گال بعدين اخابرج بَس ما اتصل
نمت وبداخلي هواي كلام بس المن احچي
دَمعت عيوني و مسحتها
المن هالدمعه ؟
37
فقداني لامي و ابوية ؟
اشتياقي لبيبي ؟
33
لو على خذلان عمي الي ؟
لو دراستي الضاعت !
16
لو الة ؟
مادري مادري
81
مَرت 3 ايام يومية يتصل
بس يگول شلونج و اجاوبة و يگول
يلا اخذي راحتچ
اني راحتي بس من احچي ويا
ليش ميفهم !
244
بالليل نمت اجتني رِسالة منة رَقم
و بعدها اتصل جاوبتة
– الو
– شونج ؟
17
غَمضت عيوني سكتت ثواني
– زَينة
– مبين
10
– مترجع لهذاك البيت !
– لا ، ليش ؟
– اني ما اريد هنا اريد هناك
– عجل و هاي هيج العائلة ڤري ؟
163
– اني گتلهم انتَ اخذتني لدار الايتام
– و تچذبين !
26
– شبيك اليوم وياي ؟
– يولي شبية والله وريتيني انتي
مو ما رضيتي تجين وياي ! اممم و حَولتلج رصيد تامتحتاجين
65
سديت الخَط اني ما احبة هيچ يحچي وياي
اريدة يعاملني حِلو
403
مرت الايام و هوَ بعد ما اتصل
اني كوة لازمة نفسي ماكدر روحي مو بجسمي
احسها بعيدة عني
سها وتالي تروح فصليه بسبب ابن عمها ياترى شنو راح تكون حياتها
چانو مبتعدين عني حتى ما اكل وياهم
اشتري حلويات و نص النهار اخلصةً بالشارع
70
حاولت اروح ادور شغل بس ما بية حيل
حياتي عبارة عَن انتظر الليل يجي
حَتى اختلي بنفسي و أتعاتب وياها
11
رِهام مختفية مرتين دَكيت الباب محد فتحة
و ولا لمحتها بالشارع لا هي و لا اختها
284
يوم بَعد يوم تسوء حالتي
كأني مَريضة نَفسية صرت
شعور الوحدة محاوطني و إنُ اني ما الي احد بهالدنيا
62
الا إن چنت واگفة بالباب لِمحت من بعيد
سيارة آرميا دخلت گعدت يم خالي بس گلبي دگاتة سَريعةً
الخوف سَيد الموقف خالي حَس علية
– عش خايفة بنتي صاير اشي ؟
– آرميا اجة
36
مَسد كتفي و غمض عَينة يطمني
دخل سَلم و شافني تغيرت نَظرتة
آرميا : شعتعمل هاي هنا ؟
ابو آرميا : أتركها أبني البنت يتيمة وين تروح
آرميا : للمقبرة ، عَش وين چانت سئلتها !
122
– نَعم يا ابني بالدار و طلعوها
– عَش طلعوها ! هي بكيفهم ؟ شنو اسمو الدار
باوعلي .. سكتت بعدها گتلة ما ادري
14
– قومي قومي للدار بقاء هينا ماكو
خلصت من مريم عَدور بنتها
– و شبيها أمي ؟
54
– عَار عَلينة الي تترك اهلها و تنهزم وي ابن شوارع
نهايتها الموت ولو بَعد حِين
80
– امي مو عار امي اشرف منك تحب ابوية و اخذها
غصباً عليكم أفتهمت لو لا
44
تقرب علية لزم شعري
خالي حاول يبعدة بس هوَ دفعة وگع على القنفة
50
– بنت مريم لو ناوية تكملين مسيرة الوالدة
ابعدي من هينا حتى ما أمحي هالَنسل القذر
51
– قَذر ! والله انتَ القذر و الوسخ
ضربني لزمني حيل و انگلب وحش
حَصلت منة ضربات بس عندي عادي ما اتوجع
بس اريد الزم شي اضربة
47
ضلت عيوني تتجول بالغرفة اريد شي يوجعة
ما اجت عيني الا على كلاص فارغ على الكومدي
ضربني راشدي و گعت بالگاع
12
و هم اجة يريد يكمل ضرب و خالتي صايرة حاجوز
صرت اسرع منة و ركضت للگلاص بوجهة
ما اعرف صبت او لا !
55
بس ركضت للمطبخ و اسمع العياط وراي
اخذت السچينة من مَجر المطبخ شفت اسمهان
اجتي عَلية شمرت السچينة عليها و ركضت بالشارع
367
اركض و عيوني وراي تباوع
اني شگاعد اسوي!!
گلبي و كليتي وَجعني من گد الركض
بَس اخاف اوگف اذا لزموني أموت لا يجوز اني موتتهم ؟؟
70
يمكن اسمهان ماتت لان ضربتها بالسچينة
كل قوتي ! هو ليش يغلط على امي يستاهلون والله
248
كمت اركض بالفروع حتى الناس متشك بية عبرت مسافة كلش بعيدة
هم اكو ناس جانت تباوعلي بأستغراب بَس ما اهتميت
بدت تظلم الدنيا و اني على ركضتي استراح دقايق و ارجع .. ريگي نِشف
28
طَبيت بفرع محد بي گعدت على الرصيف لازمة راسي
سحبت التليفون بَس هو ينقذني بعدين رجعتة
ماريدة يعرف الصار يَاسمين شتردين شتردين
لزمت راسي كاعد احس نفسي تخبلت
59
طلعو زلم من بيتهم شافوني كاعدة
اجة واحد حاچاني بالكردي ما جاوبتة خليت و مشيت
ياعمي شگلك هو اني العرب ما فاهمتني مو انتو
220
طلعت للشارع العام السيارات و الناس تتجول
مَريت من يم الحديقة الي ركضو وراي السكارى
گلبي رجف عبرتها و مشيت الشوارع بدت تقل الناس بيها
17
و اني وحدي افتر طلع الضوة و اني على مَشيتي
تعبتني هاي الايام حيل بَس اني ليش هيچ صايرة
متوحشة !!
21
لا مو متوحشة لعد يغلطون على امي و هي ميتة
86
كلة منة هو يگلي صيري قوية تالي صرت اكتل بالعالم
اني عَصفور چنت اخاف الزمة و دُرة تبوسة
و هسة الزم سچاچين و اسلحة
122
فتحت تليفوني لگيتة داگ اربع مرات
هاي ليش ما سمعت !! رجعت اتصلت
– انتِ وين !!
13
– بالبيت ! ليش ؟
6
– گلبي ما مرتاحلچ و جهالي بالواجب
ماگدر ادز احد تايتأكد
361
– متزووووووج ؟
– هههه اتركچ مني انتِ وين ؟
108
– بالبيت شبيك
يسكت ثواني و بعدين يحچي
– و اذا طلع چذب
– لا
25
– اممم شكو ماكو
و بعدها حچة صيح لرعد تايشوفلي الطرگاعة
79
– ماكو شي
.. يسكت بحيث ما اسمع و لا صوت يَمة
و بعدها يرجع الصوت
21
– اذا مشغول اروح باي
– أنچبي
191
– هاي علية ؟
– ليش تچذبين ؟؟؟
30
– شنو !
– شوصلچ بهالمكان انتي مو بعقرة
عجل شلتو و اني مادري ؟
66
– و شمدريك !
صرخ بصوت قوي رَجف بَدني
– انتِ وين !!!!
150
– آرميا و مرتة ضربتهم بعد مادري ماتو لو لا
– انتِ وين هساع
– يعني عندك عادي اذا موتتهم
71
– يــ غَضب انتِ وين
114
– بالشارع
– نعلعلة تَربيتچ السگط
609
– متربية احسن منكم و هو غلط على امي و اني غلطت عليه
نوب ضربني و ضربتة و كلة من وراك
66
– هم أنا ؟
58
– گتلي قوي نفسج و اضربيها و اني اشهد وياج
يلا تعال اخذني اني بالشارع
– من أيمتى ؟
– من البارحة العَصر
140
صِدمني .. طَبقة صوتة العالية هاي اني مسامعتها
قَشعر جسمي و ضاعت الكِلمات ..
31
ما انتبهت هو شنو حچة چنت مركزة على الصوت
هو رُغم صراخ لكن حَسسني بشعور حلو
752
– لتضلين بمكان وحدچ وين متشوفين
عالم چثير اركدي بين ما اوصل
يا غَضب الرحمـٰن
146
– بَس ترجعني لهذاك البيت ما اروح وياك
ما جاوب بَس ضل يستغفر
– يلا باي
– ضلي على الخط الا ان اوصل
22
– و الرصيد ؟
ما جاوبني .. هذا شبي
بَس الله راح يجيني ! مَعقولة يحبني ؟
يا يحبچ و هوَ طايحلچ دَگ
329
– عَش طلعتي من البيت يولي !
51
مَرت الساعة وراها الثانية
و خلص الرصيد مني و رجع هو اتصل
مَيحچي شي ابد بس كل شوية يستغفر رُغم اني مستمتعة
118
بعدها تذكرت اني بدون اكل من البارحة
و بَطني صارت توجعني بشكل اردفت بصوت
– اني تعبت
12
– عجل من التخوّر شي طبيعي الَتعب
212
مَديت ايدي بجيبي بَس الف عندي
الي بقة من فلوسي بقة بجنطتي بكنتور خالي
11
فتت للاسواق اشتريت و انطيتة الفلوس
– ويامن عَتحچين
– اشتريت جوعانة شلون يعني
33
– كاتلتلج اثنين و الج نَفس تاكلين
يولي والله قابلية
633
ما جاوبتة اكلت
– وگفي سيارة توصلچ قريب البيت
تا ما اضل ادور
– لا يُمة
7
– عَش يُمة ! مثلاً خايفة ؟
يولي خبرة صرتي بَعد
150
– ما عندي فلوس نسيتهن
– عجل انتظري
مَر وقت قليل و گال يلا اخذي سيارة اني
راكن السيارة براس الشارع
13
اجرت تكسي و هو على الخط و ابو التكسي
بس يباوعلي هسة عبالة عصابة
شفتة من بعيد اشرتلة يمة هو كردي
بس اسم المكان فهمة مني
11
هوَ نزل من السيارة شفتة بملابسة السود
الي ما خلن عندي شَخصية
610
باوعلي ابو التكسي بنظرة ما فسرتها
وگف السيارة واجة هو من جهتة انطا فلوس
و اني نزلت بسرعة حرك السيارة الرجال خطية
12
أشرلي للسيارة عيونة حتى مَتباوعلي
و اني عيوني ودها مَترمش حتى لا تفوتها لقطة
104
أرشد : و التالي ؟
43
– واحد يغلط على امك و هي ميتة شتسوي ؟
86
– افين حضو و انعل عشيرتو من ساسها لراسها
و بنفس الوكت ما افتر بالشوارع و انا بت بيت !
52
– ووين اروح لعد ؟
– عجل ما اتصلتي بساعتها !
– خفت
14
– هه ، انتِ تخافين ؟ سكتي لا يصدگون
489
وگف السيارة يم بيت خالي
– هاي شنو ليش ؟
– نزلي راسچ تا متنلچحين
87
نزل و قفل السيارة ضليت اباوعلة دگ الباب
و اني نزلت راسي ورة شوية رفعتة هو داخل
نزلت جسمي و خليت راسي على الكشن و نمت
گعدت على صوت طَبگت باب السيارة
8
– ها بَشر ؟
– يولي عيرفعون عنج قضية تايزتوچ بمستشفى المَجانين
اذا ترجعين !
257
– دادة صخام بوچهي
89
– عجل هاي شمفينة بوجوهم ؟ خرايط
– يستاهلون
73
– هو انتِ والله محتاجتها هالمستشفى
– هسة وين راح تاخذني ؟
– رجعي نامي يولي راسي صَدع من وراج
62
تَجيت راسي على مكان الصدر
بس ما ارتاحيت رفعت رجعلي و عبرت على الكشن الورى
تمددت .. باوعتلة مفتح عيونة بصَدمة
هَز ايدة و شَغل السيارة
672
رجعت نمت
بّس مرتاحة نسيت كل خوف البارحة و الصار
اهم شي ما ماتو و هو رجع اخذني ..
41
كعدت على صوت مخابرتة بصوت عالي
– عندي شغلة و طلعت شوية و اوصل ..
و انتَ شنو شنو ؟ .. عجل اليطلع بأيدك لا تگصر
.. النَدم يجي من تالي يا عقيد اسماعيل
.. الله وياك سيدي
94
باوعلي و فرك جَبينة بقوة
– اخ منچ يطرگاعة
112
– اسمي ياسمين مو طرگاعة
ما جاوب و اني رجعت تمددت بس طارت النومة
اباوعلة شلون يتحمل هلگد ميحچي !
74
اني خمس دقايق اذا ما حچيت
اضل اعض بشفتي في سبيل حلگي
ميوگف من الحركة
306
باوعت للساعة ما نايمة بس شوية
عَفية سيارة شگد صعدتها وصلنة للمنطقة الموحلوة
نزلت و فتح الباب
هوَ ليش مبتلي بية !
20
– اني رايح ضلي هينا اركدي من غير فواين
– راح انام اصلاً .. تسوين فَضل
65
راح هوَ و اني جاية ويا بطرگ الهدوم
شمرت نفسي على الفراش و نمت الله مرتاحة
18
كعدت بالليل هاي شگد نايمة !
طلعت لگيتة بالصالة مطشر الاسلحة و صَندوگ طلق
يعبي بيهن
42
– أساعدك ؟
41
– لا ، مِن ورة فواينچ اليوم چان أنقلنا
– اني ما گتلك تعال
57
باوعلي ورجع يسوي بالسلاح
– صوچي إني گــو**
301
– شنو هالكلام أني بنية صغيرة ؟
– انتِ صغيرة ! يول انتِ تعادلين عَشر حريم
244
طلعت بالگراج اوف ياربي حتى تعبت والله من گد ما اجي اعاتبك
اتمنى العَوض ينسيني هاي الايام كُلها اتمنى
94
طَبيت گعدت يَمة ما اعرف الحركات الي دا اسويها شنو
بس جنت متأكدة من نفسي كاعد اتصنع هاي مو شخصيتي
بس تطلع مني هالحركات لا ارادي
90
– عَلمني
– بَعدي ياسمين
97
عفتة و گمت قبل لا ادخل باب الغرفة
زين هو اذا وافقت ارجع ويا يغير إسلوبة المُزعج !
حتى لو ما غيرة انتِ راح تكملين دراستچ
اني اريد المَدرسة و بس هو يگدر يخليني اكمل
و أريد ابقة يَمة هم بس حاطة المَدرسة حِجة
41
أني مو خَفيفة بَس اني روحي متعلقة بي احس بس هو مهتملي
و بَس هوَ يخاف علية حسسني بمشاعر اني ما حاستها
رُغم هوَ عندة كلشي عادي
196
هو ضايج مني ليش لأن رادو يفصلو
لو لان اني بقيت بالشارع ! مادري
16
فتحت الباب و رحت يمة ما اعرف بهاي الخطوة
راح تغير حياتي للاسوء او للاجمل
37
راح اكون گد هاي الحچاية او لا
غَمضت عيوني و اردفت
– يلا اني موافقة
– علــى إيـــش ؟
246
– تخطبني
– عَــجل ما حچيتي هناك ؟
-ليش شدَخل ؟
– عَش ناهبچ و بدون ما يدري احد ؟ غير يعرف خالچ
82
– ها ما ادري
– دَحكي
يطلع من السلاح شي و يعبي طَلق وحدة ورة الثانية
باوعلي و گال هذا اسمو شَاجور من دونو ما يرمي السلاح
– اممم
139
– و هذا الرصاص يتخلة بنفس الاتجاه
اخذت الشاجور و بديت اعبي و هوَ يباوعلي خاف اخطأ
كملت و انطيتة الة
1
– غَضب بساع تلگفين
– أعجبك .. رُفع حواجبة و أبتسم
359
بديت اسوي بهمة كلش حَبيت الشغلة
هو راح للمطبخ اجة بأيدة ماعون .. أكلي و بعدها كملي
3
اكلت و ورجعت اسوي ويا دَگ جهازة و هو فتح سماعة
ورجع يسوي .. صوت ابو قيصر
3
– هلا بالنسيب
– هلا بالشَارب
162
– عش شصاير اليوم شعدك يمها ؟
– غالطين ع امها و مطيحة حَظهم
-عجل و شسويت ؟
– جبتها يَمي
102
– أرشد !!
– عَضيدة
– شعندك لاعب بالنار ؟
– بَـــردان
853
– لا تِنسة الي برگبتك أبو شاهين
هو اخذ التليفون و سد السماعة
وصار يحچي ويا على الاسلحة و بعدها سدة
92
عَم الهدوء فَترة و بعدها گال
– سمعي يَاسمين
24
باوعتلة..
أرشد : مَا اريد بالغربية أي حَركة
حَتى تكملين دراستچ و تعتمدين على نفسچ تبتعدين
عن چثير امور
32
– مثل شنو
1
– اي چلمة اي موضوع اي بَشر ما الچ دَخل
انتِ انسانة هناك مؤقت حلو !
– اممم
48
– تكرسين حياتچ للدراسة ماريد حركات غيرها
تمام ! تروحين تجين بطريقچ
الحجاب ايمتى ما تلتزمين تلبسي ولو هوَ جثير افضل
من هالگصيبة الجايبة التايه
438
– لا اني من اريد البسة البسة عَفية
– عجل ما گلت غير هالحچي !
19
– يَم بنات ابو قيصر ترگدين لان يمي ماگدر اجيبج
– لــيــش ؟
2
– انتِ موافقة لخاطر الدراسة عجل شعتسوين بية ؟
– اممم
143
گتلة تعبت گال روحي نامي
اني ما تعبانة بس احس روحي عصرتني وليش ما اعيش ويا
اني اريدة يمة هذا ليش ميفهم ليش
519
مَرت اسبوع ويا لحد ما اجة يوم باچر نزولة
چنت گاعدة بالكراج و هو نايم بالغرفة
طَبيت للهول لگيتة فاتح الغرفة المقفولة و يحسب
باوعلي و أستغفر .. تعاي
– ها ؟
14
– عندي شُغل عيجون شباب ياخذون الاسلحة تساعديني ؟
– اي ، بَس شنو هاي الاسلحة كومة شتسوي بيها ؟
– مال الشُغل
40
– تمام و شسوي ؟
ما جاوب مشة للغرفة الي انام بيها و فتح الكنتور
سحب صندوگ
– تركدين هينا الى ان اجي !
41
– شنوووو !!! اختنگ يمة
– لا بي فتحات تايدخلچ هوى و بعدين ترى منيمچ بي گبل
– والله!
62
ابتسم و حَك جَبينة
– اممم
10
– والله انت وراك شي والله و خايفة منة
ضحك و اردف .. مو شي أشياء يول
39
– شنو
– مو مهم تعرفيهن المهم تطلعين منها
من دون خَدش
19
– بس اني اريد اعرف !
– فضولچ ممكن يزتچ بفواين ولو انتي ام الفواين
132
– ترى دخت
– تساعديني لو لا ؟
– لا
– خاف عجبتج الابرة !
38
– هيَ منوم ؟
– اممم
27
دَگ تليفونة .. هلا بالباشا .. نعم نعم ..
هههههه عش لا هاي ما مَقبولة منك .. من الطُراز الي يعجبك
.. تمام تمام .. حياكم
114
– هذا منو ؟
– لا والله ؟ ول يابة لتعيشين الدور
211
عافني و طلع
طلعت ورا لكيتة يسجل بورقة ماعرف شنو
اني رحت للگراج كعدت بباب المطبخ
لَمن حسيت باب الثلاجة إنفتح
درت وجهي شفتة سحب ابرة
7
رُغم هي شعورها حلو بس شكلها مُخيف
لزمت زَندي
– بَس اني ما اريد انام
11
– تجبريني أستخدمها
– لا راح اساعدك لان والله راسي يموتني
76
– لو تهجسين الدنيا انگلبت مَتطلعين !
– ماشي
– اذا طلعتي انتِ الخسرانة الوحيدة لان اني ما موجود
-يُمة وين تعوفني صدگ تحچي ؟
33
– مو بيدي هساع ضلي هينا من يجي وكتها اصيحج
– اممم
درت وجهي ما جاوبتة اني ما خايفة من الابرة
بَس اريدة يأمن بية حتى اعرف شگاعد يصير
24
اخ من مَرض الفضول اخ
131
لمن تأخر الوقت شفتة اجة
-مستعدة ؟
– اي
– بَطلة
45
دخلت للغرفة فتح باب الكنتور نزل 3 صناديگ
بقة بس واحد طلع الاسلحة منة و طلعهن للصالة
اجة يمي .. يالله
– خايفة
– الي نخاف منة !
– نسوي
ابتسم و اندگ الباب هو زفر نَفس قوي
اني تمددت بسرعة هو سدة و رجع الصنادگ فوكا
سد الباب و خلا مفتوح على مسافة صغيرة
29
– أكتلي نفسچ و لا تنطيها
487
حچة هالجملة و طلع و قفل الباب چانت من اصعب
لحظات حياتي و رجع صوت الزلم ترس المكان
و سحب اقسام اكثر من مرة انرمت طلقات و ماعرف شگاعد يصير
47
مسافة صغيرة كلش يدخل منها الضوة و الهواء
كل شوية و اگول راح يجي يطلعني بَعدها سمعت صوتة يصيح
على احد
و بعدها سكت و هم يضحكون و يتشاقون
حاولت بعدها افرز صوتة من بين اصواتهم بس ماكو
15
صوت شباب يضحكون و يسولفون و مادري شنو الوضع
بوقتها لو مَذبوحة ميلگون العرَگ ملة جسمي احس نفسي سبحت
دموعي گامت تنزل اني ليش جازفت بنفسي اخاف على اي
لحظة ينفتح الباب و الكلمات الگالها اخر شي حفرت جزء جبير
من الخوف بداخلي
9
حَسيت النَفس بدة يضيق بصدري و الدنيا افترت براسي
و الرَجفة لازمة جسمي بعد ما حسيت بشي ..
1K
…
سَميحة ..
137
بعد ما هجست امي سهلة نامت
رحت لباب المَزرعة الخلفي بلكي يجي ما معقولة كل هالفترة ميذكرني
مديت راسي دحكتو واگف
63
عدلت حجابي و رحتلو
– انتَ وين صارلك چثير ما جاي
– عجل ابوچ ما يهضمني دگول كاتل اهلو لو عاشگ بنتو
79
– غير انتَ متعبد ربك مخلي الناس كلها متدحك بوجهك
– يولي و اني مشتري الناس بنعالي
والله لو ما انتي بَس الف عينٌ لأجل عينٌ تَكرموا
316
– لتحچي هيچ هَيثم بَشرني صليت
– صليت الصُبح بَس المغرب و العشة الظهر و العصر چثير يطولن
687
– هيثم ترى رب العالمين ممحتاجك
بَس انتَ محتاجة تايغفرلك ذنوبك و يهديك
34
– يولي اني ما احب اتقيد هي النار وراي وراي
– عش وراك النار هي النار تنحمل! و انت شمسوي ؟
19
– ممسوي بس ما اعترف بالديانات
– معناها ممعترف برب الديانات الي هو خالقك و متفضل عليك
الدُنيا مجرد امتحان و لازم ننجح منها حتى ننحشر وي الصالحين
28
– يولي هو اني بالمدرسة ما فلحت افلح بالدنيا
161
– هيثم انت متريدني مو ؟
– عجل هو اني منو مخليني عايش لهساع غيرچ
57
– اذا متحاول تصلح نفسك لا تگرب صوبنا
– هيچ صارت !
9
– اي هيچ اني مسلمة و ابوية و ارشد ما يعطوني الك عجل
ليش وهمتني تصلح نفسك
17
– اتزوجج و انتي اصلحيني
– و منو يخليك تتزوجني و انت ملحد !
50
– مو ملحد يول بس ما اعبد احد
– عجل هو شنو الالحاد بنظرك ! روح هيثم روح
152
درت وجهي و تركتة ضل يصيح بأسمي
بس ما باوعت ورطت نفسي ورطة و ما اضن اطلع منها سلامات
27
راح ارشد لدوامو و هالمرة عندو تسليم
و گلبي ما يرتاح الا لمن يخلص و الله هالدرب ما احبو
176
يعرض نفسو للخطر عَش والله احنة ما محتاجين بس
شلون اقنعو و هو حتى وظيفتو اختارها علمود شغلو
تاتسهلة الموضوع
148
المشكلة بشغلو ياخذ زلم چثير غَدر و حتى موتو مو شهادة
تاليها يخسر الاول والتالي
329
…
يَاسمين
22
گعدت على رَشة مَي بوجهي فتحت عيوني مغوشة
شفتة هوَ و ملابسة الي مليانات تراب و شكلة التعبان
نزلت دموعي
7
– ول يابة انعل أبو السلاح هجستچ گدها يولي مادري تموتين
219
باوعت لنفسي چنت نايمة بالفراش يعني عِشت الحمدلله
– ذولة منو الزلم
– يولون عوفچ منهم
36
اجة جابلي اكل و مي و راح
اكلت و سندت نفسي وطلعت لگيتة نايم
الخوف محتل جسمي و مَنظري قبل لا اسد عيوني
2
تمددت يَمة و نمت
كعدت الضوة طالع وهوَ ماكو سمعت صوت بالمطبخ
رحت يمة
225
– شلون صرتي ؟
– ليش تعوفني ليش ؟
28
فتح الثلاجة طَلع جلاتين وچبس
– اكلي و انسي همومچ .. و غمز
406
– شبيك شبيك ترى اني مو جاهلة ! تقشمرني
– جاهلة و جبانة
58
خزرتة هوَ ضحك
– تهيري تانروح ماضل للمدارس شي تا اسجلج
– بطلت ما اريد
36
– فضيني تا اولي للغربية خاطر تلتهين بدراستج
– وهسة وين نروح !
4
– لخالچ
– اريد اسبح و حتى ملابس ماعندي
– لبسي مني
85
– صدك والله ؟ اني و خمسة نطب بتيشيرتك
– هذا الموجود
324
هو ميدري اني كل ما اسبح البس منة
بين مينشف التراك رحت للغرفة اخذت تيشيرت
و طبيت اسبح غسلت التراك و شريتة على باب المطبخ
134
رحت للغرفة افتر انتظرة ينشف العصر لبستة
و هو كاشخ اخر قيافة من طلعت اخذت الچبس و الجلاتين حرامات
طلعت لگيتة هو وابو قيصر يسولفون فَزيت شجابة
27
هم يسولفون و اني اباوع للطريق
مَر وقت هواي و فتحت الچبس اكل احاول ما اطلع صوت
بس ما أگدر اشوف ابو قيصر حاصرتة الضحكة
551
هو دار وجهة علية
– فارة ؟
– يعني شون مناكل !
هَز ايدة و ضحكو اثنينهم طلعو اغنية ون بوية ون
وطربو اثنينهم
406
تَچيت راسي على الجامة و اباوع من حَسيت دخلنة
دهوك نمت گعدوني لمن وصلنة الباب باوعتلة
26
– و آرميا
– يولي هو انتي غير مفشختة
75
هستونة نزلنة خالي واگف بالباب
و طبگت سيارة اني طَبيت جوة لگيت خالتي و اسمهان
اسمهان گصتها عليها لصقات جروح
86
– عجل من يگول آرميا هاي مريم الثانية ما كَذب
هم جابت الي تريدو غصباً ع الكل
19
– اي طبعاً غصباً ع الكُل
نزل ارميا باوعلي وجهة مَشخوط بخدة من وصل يمي تِفل بالگاع
– بِنت مريم
– تاج راسك
521
ما جاوبني طلع بَرة و هُم دخلو للاستقبال و قدمولهم عَصير
و بدو يسولفون اجة آرميا للمطبخ
5
– يلا عتجلس يم الباب عيعقد المومن
86
غَمضت عيوني و صفنت شو لا حفلة و لا ناس و لا
رگص شنو هم ما عدهم .. ياسمين اهمشي تكملين دراستچ و تخلصين
348
سمعتة لمن
كاللهم نعقد و اخذها هناك اسوي العرس لان شغلي متحكم بية
11
خالي : يا ابني هي يتيمة و مكسورة خاطر كثيغ انا وافقت بيك
لانك غجيل صاحب شهامة بس البنت تكون زفتها من هينا
71
آرميا : بابا هو من اللحظة صار زوجها و المسؤول عنها ياخذها و هو هناك يسوي العرس مو مشكلة الحفلة هو بينو و بين اهلو و خالتي فاتت يمهم
و أيدتة
خالي سكت
45
– يلا نتوكل
– اتوكلو
سدو باب الاستقبال وبدة يحجي المومن
جرتني اسمهان و السم طالع من عيونها
14
– دحقي ما اعرف مراسيمكم بس من يقول موافقة قولي نعم
202
ضل يحجي الرجال و بعدين كال
بنتي ياسمين احمد معصوم هل توافقين على الزواج
من أرشد شاهين محمد على المهر المُتفق
الحاضر …… و الغايب …….
قولي نعم زوجتك نفسي
357
صفنت دقايق ع المهر و ع حياتي الجاية و اسمع الباب اندگت
و المومن يعيد بالكلام و اسمهان تضرب ع راسي
اجة ارميا من باب المطبخ عبالهم ما راح اوافق
18
– نعم
55
– قولي نعم زوجتك نفسي ٣ مرات
گلتهن و اسمعهم الزلم بالاستقبال صلو ع مُحمد
390
و بعدها سئلة و هم وافق
وواحد من الزلم الي ويا هلهل
گال يول نسواهم ما تسوي واهس حتى هلهلولة ماكو
885
كامو يضحكون سمعت صوتة يگلة
غير مسيح اقوة شي عدهم يشعلون شمعة بعدين خالي گعد ينطيهم
محاضرات هو و المومن ع المسيح و عاداتهم و تقاليدهم
303
باوعت اني معقولة صرت مخطوبة شو حتى نشعة مال عرايس ما بية ؟
طلعو برة ترخصو و بعدين دخل ارميا كال زوجك يريدك
116
قبل لا اطلع رحت للكنتور اخذت جنطتي الي بيها
فلوسي و ملابسي و طلعت مديت راسي
31
السيارة صعدو بيها اربع زلم و المومن
واحد احلا من ثاني ههههه والله اني كلش مستخفة صايرة
690
صعدت بالسيارة باوعلي مبتسم و ابو قيصر گاعد يَمة
14
يَاسمين : هو وين اكو وحدة تنخطب لابسة
تراك و نعال !!
601
ابتسم ،،، و مِسح شواربة
أرشد : دائماً الاختلاف حلو
196
ما جاوبتة ضليت اباوع لأيدي
حتى حلقة ماكو !
107
كملي دراسة و صيري شخصية قوية
و عوفي هاي السوالف
124
يا ترى شنو منتظرني هناك ؟
رجعنة لنفس الطريق هذا مسوي المحافظات عبالك
جيران مَتهمة المسافة
390
نص الليل وصلنة للبيت نفسة
باوعتلة انتَ مو كلت نروح للغربية!
4
– باچر
نزل هوَ و ابو قيصر صعد بسيارتة
5
– يول ابقة و باجر نغبش سوةً
– لا البنوات و البيت تايه
52
أرشد : البنوات !
هَز راسة و صعد بسيارتة شغلها وراح
72
دخلت للبيت و اني صافنة طبيت للصالة
– انتَ شنو تضحك علية بَس فهمني !
11
ما جاوبني دخل للغرفة
– بابا مو گاعد احاچيك
13
– خالي يول خالي
58
– اني بحياتي مشايفة هيج خطوبة !
– عجل شتردين
74
– اني اعرف المخطوبة ياخذوها للصالون و بدلة
و حفلة يسوون شنو انتو ما عدكم !
330
– تـــؤ ، انتِ ردتي مدرسة عجل شمدريني
انتِ تردين رَجل ؟
1.3K
– و منو گلك اريد رجل بس هي غير خطوبة لازم هيچ
27
– دحكي يَاسمين هالخرابيط أنسيها
سَالفة العقد بَس ابو قيصر يعرفها غيرو اذا شميت
ريحة خَبر احد يعرف چثير امور تصير متعجبج
30
– و هو ابو قيصر يقبل يگعدني يمة
3
– اخذچ باچر لبيتي و بعدها الله كريم
– و اهلك شدگللهم
5
– أمانة يمي بين ما يكضبون عَمها و تعيش وي مرتو و جهالو
– و يقبلون !
– لا
– لعد !
– تصفة
103
رحت للغرفة تمددت على الفراش
و مية الف حَسبة ببالي حسيت بالندم على هالخطوة
الي خطيتها يا رب كون وياي لان ما عندي غيرك
43
گعدت ثاني يوم الصبح سبحت و كشخت
احسني صدگ عايشة الدور بس ما اريدة يلاحظ
130
صعدت بالسيارة هَو شَغل التبريد و فتح الاغنية نفسها شنو مَيمل !
أباوع لأيدة چانت شَذرة المحبس الماروني تلمع
و السبحة لافها على أيدة
56
باوعت للجامة الي يم مكاني
عيوني و شَعري بيبي و دُرة دائماً يمدحن بجمالهن
بَس هوَ أبد ما يوم باوعلي بالنظرة
الي يباوعوها الي الزلم بالشارع
144
اصلاً ممعبرني
من سوء حظي نسيت الجمال الي الله واهبة الي
40
هوَ ليش هيچ حتى مَيباوعلي أبد
و اني ليش هَلگد أستخفيت!
123
وصلت لهذيچ المَنطقة الي داخلها ثار نايم من سنين
ما چنت اعرف دخولي راح يگعدةً
801
و لا ادري الشخص الي حافظ علية
كل هالفترة و بالسنين الجاية گلبة هيچ أسود
685
و الموت اسهل شي ممكن يمارسة
” مَن تمرس على القتل اصبح كل شيء لديه مُباح “
301
لعد هو ليش يعاملني غير !
226
…
رُسل فَهد
