رواية دلال وشهم الفصل السادس عشر 16 بقلم جمانه السعيدي
السادس عشر
دلال وشهم
جمانه السعيدي
دلال كعدت الصبح لكيت شهم نايم يمي
ارتبكت خفت لا أحد يشوفه يمي بلغرفه
دلال شهم شهم اكعد يمعود فدوه اكعد لايشوفونك بغرفتي
شهم اني مغمض واسمعه ابتسمت واني ناوي اخبث عليه
عوفيني نايم شتريدين
دلال ياربي باع هذا راح يفضحنا كمت اسحب بي من التشيرت اكعد فدوه اكعد
شهم صباح الخير
دلال صباح النور فدوه بسرعه انزل ولاتخليهم يشوفونك
شهم شني حرامي
دلال انت ليش بقيت هنا
شهم وين واحد يلكه هيج حضن ومآ ينام
دلال يله الخدمة انتهت انزل
شهم اخذ بوسه وانزل
دلال عموووو شكاعد تكول
جمانه السعيدي
شهم عمو خالو وو جدوووو اذا ما اخذ بوسه اصيح اقبال اجيب الريوك هنا واكله باركيلنا ازوجنا
دلال لطمت على وجهي ياااا شكاعد تكول يمكن بعدك نايم
شهم لاولله صاحي ومصحصح ونشط بعد شتريدين
دلال فدوووه مو وكت الشقه هسه
شهم شقه موووو كعدت على حيلي وهي كاعده على الجربايه حضنتها وكمت اصيح اقبال اقبال وين الريوك
دلال ياااا عزااا فدووه راح تفضحني الله عليك عوفني
شهم بسته من خدها وعفتها هلمره راح اعوفج مرة اللاخ
محد يخلصج مني
كمت وطلعت من الغرفه ونزلت
جمانه السعيدي
اقبال جاي اغسل للحجيه بلصحيات الجوه ولمحت شهم نازل من فوك بس الحجيه ماشافته بس اني شفته
دلال بس نزل كمت اضحك اضحك من تصرفاته
ودي احضنه واكله احبك واموت عليك ياعوضي من هاي الدنيا
نزعت دشداشتي ولبست وحده طويله لان عمو راشد هنا
مشطت شعري وخليت معطر ونزلت
صبحت على الحجيه واريد اطلع من غرفتها وهو لاكاني مبتسم بعدين مد ايده على صدري واني رجعت
شهم شبيج الدكم مفتوحات وطالع شسمه وراشد هنا
دلال باوعت لكيت الدكم مفتوحه وسديتهن
بكلبي اكول بس يريد يتحرش
جمانه السعيدي
اقبال صباح الخير دلول
دلال صباح الخير خالتي الحلوووه
اقبال هاج الاستكاين اخذيهن هااا نسيت اباركلكم
دلال على شنوووو
اقبال سوي نفسج غشيمه شفت العريس نازل الصبح والابتسامه شاكه الوجه
دلال هاااا ولله مو مثل ما انتي مفتهمه صعد بليل واخذته النومه
اقبال اي صحيح اني فتهمت غلط وكامت تغامز بعيونها
دلال اهووو انكشفنا بعد ما اخلي يصعد
جمانه السعيدي
حنان قررت ما تستسلم واذا هو صدها لازم تحاول مره ثانيه وثالته
لازم تعرف منو زوجته وتحاول تخرب علاقتهم حتى يرجعه شهم
شهم رجعت من الدوام ولكيتها منتضرتني مبدله ومعطره وطالعه تخبل
دلال هلووو عمو
شهم خرب عشيرة عموووو ولج شطالعه
دلال اذا تتعمد تحرجني بعد ما انتضرك للغده
شهم واذا تتعمدين تغريني اني اكلج اتوقعي كلشي مني
دلال ياااا اغريك شنو مو صوجك صوجي اني منتضرتك ابقى اتغده وحدك
ومشيت سحبني وحضني وباسني واني ادفع بي لايشوفونا
كافي فضيحة الصبح خاله شافتك نازل من فوك وكامت تبسمرني
شهم وخالتج شنو اله يمنا عرسان جدد وبكيفنا
دلال يله بدل اني جعت
شهم دقيقه وارجع
جمانه السعيدي
لليل شهم اقترح نطلع نتمشى سويه
شهم انتي من رجعتي الهسه ماطالعه خل نطلع نتمشى اني وياج
بدلة ونزلت هو جان منتضرني لبست نفنوف صيفي حلو مشجر مشه كدامي واني ورا راسا دك التليفون
شهم شاله واني واكفه يمه وكال الووووو
اني سمعت صوت ابنيه تكول هلو شهم
حسيته ارتبك وكال الرقم غلط وقفل التليفون
التفت عليه وكال يله نطلع
دلال منووووو
شهم الرقم غلط
اني عندي ثقه بشهم فما دققت بلموضوع طلعنا وفترينا
وشربنا عصير صدك اتونسنا
شهم شنو امنيتج
دلال امنيتي اولا اريد اشوف امي حيل اشتاقيتله
والثانيه أزور قبر بابا لان ابد مارايحتله حتى بلاربعين ماقبل بشار اروح
والثالثه انجح واطلع معدل عالي
شهم كلهن سهلات وبسيطات
دلال شلون
شهم اولا بأقرب فرصه راح اخليج تشوفين امج
ولاتكولين شلون خليه مفاجئه
على فكره اخوانج كل واحد اشترا بيت وبشار زوجته حامل
وحسن اشترا بيت زغير وسياره
وهشام خاطب اشترا بيت ويريد يزوج ابقية الفلوس
جمانه السعيدي
دلال اسفه بسببي فلوسك راحت الناس ماتستاهل
شهم لاتكولين هيج فلوسي اشتريت بيهن جوهره ماتتقدر بثمن ولله لوطالبين اكثر جان اتقرضت ودفعت
انتي ماتتصورين النهار كله افكر
واتخيلهم يضربونج ويعذبونج
واحس نفسي ما اكدر اسوي اي شي
حبيبتي كل الفلوس فدوه لعيونج
دلال احم احم من يمته هذا الحب
شهم من لمن فتحتيلي الباب من رجعت حسيت شي مثل الضوه بكلبي بس شفتج
دلال هاي المعلومه اول مره اسمعه
شهم لان كلبي غشيم ومايعرف يعبر ابد
دلال يمعود طلعت شاعر
شهم حبج خلاني شاعر
دلال رجعنا للبيت واني احس نفسي انسانه ثانيه
مدري كبرت وصرت نفس عمر شهم مدري هو زغر وصار بعمري
احس ارواحنا اختلطت سويه
صعدت سبحت وبدلت لبست تراك برمودا وتعطرت
واجيت أسد الباب حتى انام
اني ادفع بلباب وهو اندفع عليه باوعت لكيته شهم مبدل لابس تراك وجاي
جمانه السعيدي
شهم وووين وين ليش اسدين الباب
دلال انت وين رايح
شهم دخلت وتمددت على السرير اريد انام
دلال وين تنام لو مثل البارحه
شهم البارحه نومت تعبان بس اليله نومت مقاتل
دلال شنو قصدك
شهم افهمي مثل ماتفهمين اني بعد انام هنا وما انام جوه
وحدي اصلا اني خطيه انام ووحدي
دلال وكفت قريب على وتخصرت وهسه شلووون
شهم طفرت سحبتها ووكعته على السرير
هسه نامي ولاتسوين وكاحه فهمتي
دلال لا انت حيل زودته
شهم موكلنا ماكو وكاحه بعدين ليش زودته زوجتي وحلوه واريد انام يمه شنو العيب بلموضوع
دلال باختصار هاي الليله جانت ليلة عرسنا الحقيقيه
صرنا زوج وزجه حقيقين
ثاني يوم جابلي حلقه
شهم اعذريني حبيبتي لو عندي اجيبلج ذهب اكثر انتي تستاهلين بس اوعدج اله اغطيج بلذهب
دلال الله يحفضك اليه انت الذهب الحقيقي بحياتي
ماكدرت اضم هذا الخبر عن خاله وكانت فرحته شكبرها
ورا يومين جابلي غرفة نوم جديده بس مشتريه بلاقساط
جمانه السعيدي
دلال ماكو داعي تكلف نفسك
شهم العروس لازم تكون اله غرفة نوم حلوه وجديده
وجابلي تلفزيون مستعمل حلو وزغير خلا بغرفتي
ووراها بأسبوع
واخذني القبر بابا خلاني ازوره
شكد بجيت يم القبر وبعدين كتله بابا لاتخاف عليه
شهم يمي ويحميني من الزمن
حنان ضلت تسئل ودقق مامصدكه شهم الي جان يحبه ويموت عليها لكه وحده يحبها غيرها
وكانت الكارثه لمن سمعت زوجت شهم دلال
اي دلال الطفله الزغيره الي كانت عايشه ابيتهم
اول شي راحت الشهم للمحل
شهم كاعدين نرتب بلغراض ومآ اشوف غير حنان فوك راسي
بلبدايه ضنيت انها مستطرقه وجاهلته وخليت صديقي يتعامل وياها
بس هيه عافته واجتني
جمانه السعيدي
حنان عبالي مزوج وحده بيه خير وحده مثقفه
وحده بت ناس طلعت مزوجلك زعطوطه
شهم احترمي نفسج هذا مكان عمل وبعدين حياتي الخاصه ما الج شغل بيه
اني أدخلت بحياتج ادخلت بختيارج
كتلج منو ازوجتي
حنان لا بس فضول مني ردت اشوف الي اخذت مكاني تسوه لوماتسوه
طلعت دلال بنت الريف
اشبع بيها اني بعد ما انقهر لان انت اخذت زبالة البنات
شهم احترمي نفسج انتي وين توصلين من دلال
انتي ربع اخلاقها ماتوصلين
انتي ذره من تربيته ماتوصلين
الحمد لله والشكر الي كشفج على حقيقتج
وطلعج من حياتي
حنان دروح شوف ذوقك شلونه راح مزوج دلال
شهم انتي لزكه مو كلنا ما اريدج
خلي عندج احساس وبتعدي عني
حنان طلعت منه ودمي يفور شلون يبدلني بدلال
اني مايقبل بيه ويفضلها عليه
جمانه السعيدي
رجعت للبيت وبديت اجمع معلمومات عنه وعن دلال
آريد ادمر حياتهم ثنيينهم
دلال ماتاخذ شهم مني واعوفه اله بسهوله
شهم رجعت للبيت ودمي يفور من حنان وصل بيها الحال
تجي وراي للشغل
دلال هلوووو حبيبي شبيك موعلى بعضك
شهم لا مابيه شي ضغط شغل
شنو رائيج نروح نعقد
دلال فدوووه الحبيبي
حضري نفسج باجر نروح نعقد بلمحكمه
حتى تصيرين باسمي رسمي
دلال اني باسمك من زمان من يوم شلتني بيوم عرسك وبستني
هاي البوسه صارت ختم ثابت
مكتوب عليها حب للابد
جمانه السعيدي
شهم الله اليوم غزل زين خل اختم الخد الثاني بوسه
دلال لأ الختم الثاني بعد عقد المحكمه
رحنا ثاني يوم وعقدنا وصرت زوجت شهم رسميا
دلال بديت اقرا اريد اتحضر للامتحان لازم السنه انجح بعد مابيها مجال ابد
وبيوم دك التليفون وردت خاله اقبال اني بغرفتي
اقبال دلال هاي صديقتج تريدج على التليفون
دلال وكفت على الدرج صديقتي اني مامطيه رقمنا لاي احد
صديقتي منوووو ما كالت اسمها
اقبال تكول صديقتها من الاعداديه
دلال هسه نازله واشوفها منووووو
