رواية بيت البخت الفصل الحادي عشر 11 بقلم اريج البغدادي
-إلى هُنا وتَملئنَي الأحَزان إلى حُجَرُها
إلى هُنا يتَغير الزَمان لـ ألاحزان بِنفسُها أشتَقتُ ألَيَك عُد حَبيبي المَوت لايَليق بعَينك الَذي أحَبُها.
سيد ضَهير بتساؤل: دُرر
-دُرر بخوفه: هاا
-سيد ضَهير: بنيتي يمة
-دُرر بحضنه: والله عبالي ضعت بعد متلكوني
-سيد ضَهير: لتبجين كافي حبيبتي كافي
-: ويمسح على راسي
سألته
-دُرر: شلون عرفتني؟
-سيد ضَهير: من الغترة مالتي نسيتيها براسج
-دُرر: ها هسه اذبها
-سيد ضَهير: لا ابقي بيها
-: رجعنا يم أهلنة
-سيد عباس: درة كفيلج الله لو ما لاكيج جان صحت عليج هسه بالجوامع
-وردة: وربك حتى الجوامع متندلها
-حيدرة: اي تضل تفتر مثل ذيل العجل
-دُرر بضحكة: انجبي ولج
-سيد ضَهير: جيبي ايدج نمشي سوه
-حيدرة بخزرة: تمشون سووه
-سيد ضَهير: مرتي لكك يلا منا
-حيدرة: اول مرة انضغط بس ماكدر اسوي شي
-سيد عباس: والله خطية لعد امشي ويانه أني وقيس
-سيد سلام: خرب بس باعو روان شكد بجت
-سيد ضَهير: شبيها
-سيد سلام: ماعرف نزل عليها غضب الا هسه تبجي بالشارع
-سيد ضَهير: جيبها اني أشيلها
-: مشينه سوة وشفنه مره توزع جكليت
انطت الضَهير جُكليته وباوعت عليه وعليه وكالت
-ما شاءلله عين النبي شلون عائله حلوة
-سيد ضَهير بأبتسامة: بنت اخويه وهاي خطيبتي مو مرتي
-الله يحفظكم يمة
-دُرر بأبتسامة: صحيح روان تشبهك
-سيد ضَهير: الها الشرف
-دُرر بضحك: جنون العظمة
-سيد عباس: باعو ذراع سطرنه شكد يضحك
-سيد ذراع: امشي منا لك تره مالي خلك
-دُرر بهمس: اكلك ضَهير هاي ليش شادين وي ذراع؟
-سيد ضَهير: لان مرح
-دُرر: شو ما مبين عليه
-سيد ضَهير: ولج اشاقه يعني كئيب ميضحك
-دُرر: وهو ليش ميضحك يعني
-سيد ضَهير: بي حاله نفسيه مدري شنو
-سيد قيس: اي نعم بي حاله فنسيه
-سيد عباس بصدمة: شنو شنو فنسيه؟ دكل خ#رة
-سيد قيس: اهوو تره بالغلط
-سيد عباس: لاا عيني فنسيه
-سيد قيس: ضَهير احجي ويا تره مالي خلك وحگ علي
-سيد ضَهير: عوفه عبيس
-دُرر: أكلك قيس
-سيد قيس: كولي خيتي
-دُرر: زينب ليش ما أجت؟
-سيد قيس: ما حبت تجي ضلت يم مهيمن بالبيت
-دُرر: هاا تمام
-: زرنا وصار ليل بالرجعه
ردت اكعد يم الجامة سبقني ضَهير وأشرلي تكعدين بصفي
-دُرر: اريد اكعد يم الجامة
-سيد ضَهير: لا كعدي هنا
-دُرر: أختنك
-سيد ضَهير: الشباك مو بلندن هيانه اكعدي
-دُرر بتضايق: كعدت
سيد ضَهير بخزرة: لا تحجين من وره خشمج درة
-دُرر: مدا احجي من وره خشمي دا احجي طبيعي ترة
-سيد ضَهير: لا شمرتي الحجايه
-دُرر بنضره حزن: يعني هسه اني شمرت الحجاية؟
-اي شمرتيها ومن وراج الهسه اعصابي ترجف
-ليش اني شعليه
-اني شعليه شلون!!… كلسع ضايعه واخلي ايدي على گلبي ها خاف اخذوها ها خاف تاهت
-شنو صغيره اني
-لا كبيرة وماخذه الكون بطولج وعرضج
-شنو تستهزأ
-لا ما استهزأ
-اريد اكعد يم وردة
-ورده يمها مريم كعدي بمكانج واسكتي ادري بيج على الجامة تكومين
-اي لان اختنك اذا ماكو هوى وانت ساد الجامة ومسوي البردة يعني شلون هيج
-ردف ببرود… أغار
-من شنو
-ماريد احد يشوفج
-ويعني ما شافتني العالم من نمشي؟
-لا انتِ تعرفين شي واني اعرف شي سدي الموضوع وخلص
-شنو الي ما اعرفه
-الي بالسيارات ميشوفون ياكلون
-تمام
-: وره دقايق رجع راسه وره ورجع خلا على جتفي وكتف ايدة
-رح تنام؟
-اي خليني ع جتفج نايم
-نام
-خرب درة لتشمرين بالحجي درة
-هاي شبيك ضَهير صدك دتحجي وين اشمر بالحجي
-صگ سنونة وردف… أخخ يالكعبة المصيبة أعظم اذا هاي طريقه كلامج
-ليش شبيه
-اي مو حلوة
-هو اني كلتلك حلوة لو لا
-ميحتاج هي تعكر المزاج
-لعد وخر من جتفي
-ما
-شكلت؟
-فز… شكلت
-كلت ما؟
-كلتت لا
-لا كلت ما
-وحق منو كلت لا
-شوف جذب
-أاا اني جذاب ولج تره اشمرج من شباك
-: ضلينة نشاقه الحد
ما رجعنا وره أيام شفت زينب وسألتها ببابهم واني راجعة وي امي من سوك
-دُرر: هلو زينب شلونج
-زينب بثگل: هلا
-دُرر: شلونج حبي
-زينب: زينه
-دُرر: ليش ما اجيتي ويانة للزيارة فاتتج
-زينب: اي خل تفوتني
-دُرر: صدك شبيج؟ احسج مو على بعضج
-: دخلتني البيتهم
كلت الامي روحي رح اضل هنا شويه وارجع
-زينب: ضايجة منج
-دُرر: من شنو ليش
-زينب: معقوله ما حسيتي بمشاعري؟
-دُرر: ليش شبيها مشاعرج
-زينب: اصلا ما رح تعرفين عموما زيارة مقبوله
-دُرر: زينب ضامة شي عليه؟
-زينب: اي
-دُرر: فهميني شنو خو ما يأثر عليه هل شي بعدين
-زينب: لا ميأثر انتِ مجلبه بأيدج وبرجلج
-دُرر بأستغراب: بـ شنو؟
-زينب: ماكو شي اشاقة، دتقرين خامس؟
-دُرر: لا والله… اكلج يلا اروح أني حيدرة ديصيح
-زينب: يلا حبي الله وياج الله وياج
-: رجعت لبيتنه
-وردة: وين وليتي
دُرر: شبيج حجيت وي زينب ليش ما اجت
(بيت أبو ضَهير)
-: الباب يندگ
-أبو ضَهير: عباس كوم شوف منو بالباب
-سيد عباس: فرهود كوم
-سيد فرهود: سلام كوم
-سيد سلام: ضَهير كوم
-أبو ضَهير: شلون سالفه يا الله أصخر الجلب الجلب يصخر ذيلة
-سيد ضَهير: عمي اني اكوم وهذا عباس محد سكطة غير البوبجي
-سيد عباس: هاي البوبجي وخرجنه منها
-: اجيت اجيت
-سيد ضَهير: اهلاا باع منوو مهد ولبيد وخاصر فوتو فوتو
-سيد خاصر: هسه ورانا مهيمن وذراع وقيس رح يجون
-سيد ضَهير: يا اهلا وسهلا مشتاقين والله
-سيد خاصر وهو داخل: ادري مشتاق ميحتاج تكول حبيبي
-سيد لبيد: فوت لك لا احط بالبلو#عة
-سيد مهد: صدك ضَهير ادخل خل اكلك شغلة
-سيد ضَهير: يا ستار يا ربي
-سيد مهد بضحكة: لا زينه والله
-: دخلوا لـ الأستقبال وصاروا يسولفون ويسلمون
-سيد مهد: ضَهير
-سيد ضَهير: عيني
-سيد مهد: لكيتلي مرة
-سيد ضَهير بأبتسامة: عليك العباس
-سيد مهد: والله
-سيد ضَهير: اي ومنو هاي سعيدة الحظ
-سيد مهد: بنت خالتي
-سيد ضَهير: لعد ماعرفها
-سيد مهد: اي بعيدة متعرفها بس كلش احبها وماحبيت نتراسل وكذا اريد كبل خطوبه بس شنو اخاف تطلع تحب شيء واحرج روحي واحرجها
-سيد ضَهير: شلون لعد غير تتأكد
-سيد مهد: ماعرف والله معليك تدبر تدبر
-: أتصال من هاتف سيد ضَهير
من (كردوس واحد عراق)
-سيد ضَهير: ألوو حبيبي
-كردوس: ول هلاا شلونك ياب
-سيد ضَهير: هلا بأخوي شخبارك مختفي
-كردوس: أشلون ارتاح وعندي أخوان ثنين چنهم ضراير حتى البيت ما اطلعو بسببهم
-سيد ضَهير: ها أيهم وهمام مو
-كردوس: اي والله يلا اني متعنيلك ضلعي
-سيد ضَهير: يا اهلا وسهلا حبيبي تنورني مشتاقلك الله شاهد وين انت هسه
-كردوس: واصل رح اطب منطقتكم
-سيد ضَهير: حياك الله حبيبي حياك الله
-سيد مهد: منو هذا
-سيد ضَهير: هذا اقرب صديق الي وكلش اعزة
-سيد مهد: الله يحفظة بس لهجته من وين هذا
-سيد ضَهير: من تكريت
-سيد مهد: متكول الي من وين لكيته شجابك عليه
-سيد ضَهير: من دوام تعرفت عليه وصرنه اصدقاء مثل الاخوان
-: بعد مرور نص ساعة دخل كردوس ورحب بي صديقه ضَهير وأخوان ضَهير لان كردوس علاقته قويه بيهم وهم كذلك وكأنو عائله وحدة
-سيد عباس: شنو هل كشخة ياااب شنو هاي العضلات والهاينك الاسود تعال خل ابوسك
-سيد فرهود: ديربالك يدور حلوين خاف
-كردوس: هسه على حلاتي أني چني بخور
-سيد سلام: لا كلبي جميل جميل عضلاتك كبرهن بعد
-سيد عباس بأبتسامة وغمزه: نعرف ليش يكبر عضلاته يدور بنات
-سيد ضَهير: كردوس عباس رح يكتلك بمكانك البس السترة البسها
-كردوس: أدري عين لو ليزر ذاك اليوم كالي شنو هاي عضلات رجعت عضلات معدتي توجعني
-سيد عباس: والله وكت المجاملات صارت حسد
-كردوس: يعني تجاملني مو صدك
-سيد عباس: لا عمي تخبل
-كردوس: عيني سيد سويلي طريق هذا اخوك ما اكضب صدقو من كذبو
-سيد عباس: فدوة المحمد صدقو كضو
-كردوس: كضو من وين جبتها
-سيد عباس: فوت لك لا تضل اطك علينه
-كردوس: عباس فد شويه نلعب ملاكمة اني وياك
-سيد عباس: دروح منا دروح يريد يطلع حيفه بيه
-كردوس بضحكة: انجب لك
-: بدت السوالف وكردوس كال الضَهير
-كردوس: ضَهير
-سيد ضَهير: عيناي
-كردوس: والله مادري شلون افاتحك الموضوع
-سيد ضَهير: شنو حبيبي كول عيوني الك
-كردوس: رايد مرة من عندك
-سيد ضَهير بصدمة: مرة! صدك لو تشاقة
-كردوس: اي والله شبيك
-سيد ضَهير: وهاي تاخذها وياك التكريت؟
-كردوس: لا شبيك مو صارلنا فترة بـ بغداد عود قررنا نرجع التكريت وهسه الولد ما قبلو كالو نضل بـ بغداد بعد منرجع التكريت وأنت تعرف اني دوامي هنا ماكدر اطلع من بغداد
-سيد ضَهير: اي تقدم ونتشرف حبيبي
-سيد عباس: شنوو شكو شكو
-سيد ضَهير: اسكت بس احجي الك تطشر السالفة
-سيد عباس: هاا تطشر والله اذا ما اطشركم مدام متقبلون تسروني
-كردوس: بعدين بعدين
-سيد عباس: طببعاا طبعا غير عندك عضلات طبعا اتدور بنات
-كردوس: ولك شنو مصاحب صاحبتك وتكول الي ادور بنات وضايج
-سيد عباس: لا حبيبي النسوان هن يجن الك ميحتاج تروحلهن
-سيد ضَهير: عباس حبيبي
-سيد عباس: ها
-سيد ضَهير: كوم منا لا انطيك چلاق اشكك نصين
-سيد عباس: اصلا رح اطلع وي خاصر بس قررت اجعص جوكم قبل لا اطلع يعني ميصير تتهنون كبل
-كردوس: باع الخبيث
-سيد عباس بضحك: شعبالك
-: صار الليل
(بيت أبو دُرر)
-حيدرة: يمة أبويه ما رجع؟
-أم دُرر: لا يمة شو هو طلع بدون مايكول وين
-حيدرة: لا كال راح زياره لـ كربلاء وي صديقه أبو نهال
-أم دُرر: والله بعد مادري شو هو ابوك يطلع بدون ما يكول الاحد فجأة اندك عليه يكول اني بمكان الفلاني وهل مكان بعيد
-وردة: شكو يمة
-حيدرة: تلفون ابويه مغلق ليش
-وردة: والله ما ادري خاف بالطريق وميسمع
-دُرر: يلا صار العشه تعالو
-أم دُرر: حيدرة يمة ساعة اشكد هسه
-حيدرة: بالـ١١ ونص يوم
-دُرر: كومو وقبل لا تاكلون بوسو ايدي انت ووردة
-حيدرة: أي مرت السيد عمي
-وردة: دشوفها لازكة بالغترة مالته صارلها مدري شكد
-حيدرة: تشتم عطرة
-دُرر: بكيفي حبيبي بكيفي
-حيدرة: تره وياج مو عليج
-دُرر: لعد تعال بوس ايدي
-حيدرة: يمة باعيها من اطبك وياها تاكلني
-وردة: اي والله شوف شلون
-دُرر: أوكفو اجاني اتصال اوكفو
-أم دُرر: دشوفي بلكت أبوج
-دُرر: هاي من مريم أخت ضَهير
-حيدرة: مريم ما مزوجة بس أشجان مو
-دُرر: اي ومتحب الزواج اصلا
-حيدرة: شنو حجينة عيني
-وردة: عوفها هاي عقلها طكة ونص
-: خابرتها تسلم عليها وضلت تسولف و توادعن
صارت ساعة 2:30 والكل نايم
(كردوس)
شفت ضَهير واكف بالبستان ومكتف ايدة بضهرة ويسبح لابس دشاشه والغترة والضوة مطفي بس شفته بسبب لون الغترة لان دشداشه سودة ومو مبين بالضلام
-ها ضَهير شعندك هنا
-سيد ضَهير: واكف
-كردوس: وين تباوع شنو هل وكفه الغريبه
-ما جاوبني رجعت ردفت
-كردوس: ضَهير شبيك باوعلي… ضَهير
-: ما حسيت الا شخص لزم جتفي وكال
-شبيك!
-: التفت شفته ضَهير… ومن الصدمة كعدت بالكاع ولزمت جبتهي من التوتر
-سيد ضَهير: شبيك كردوس
-كردوس: ضَهير اعترف انت سحار
-سيد ضَهير: وحد الله يمعود اعوذ بالله ليش شنو هل سؤال الغريب
-كردوس: هستوني شفتك واكف هنا والله العظيم شفتك واكف هنا سالتك وكلتلي واكف
-سيد ضَهير: امشي افهمك الموضوع وما فيه
-كردوس بخدر: امشي امشي
-سيد ضَهير: بس أحلفك بالله وبروح ابوك متحجي
-كردوس: لا والله ماحجي كول
-بدأ يسولف اله
-سيد ضَهير: كردوس اني هل سر ما انطي الاحد بس انت صديقي وأخويه بحسبه سلام الله شاهد
-كردوس: والله العظيم ما احجي على عافيتي وشرفي
-سيد ضَهير: باوع… اني من طفل كنت أشوف يفتر عليه وبكل مره اكول هذا ملك الموت يريد ياخذني صرت بعمر 11 ركضت وراه تجرأت ومن ركضت اختفى وتيهني بنص البستان وبليل واني صغير ما اندل البستان وخصوصا بليل
شفت شخص بدأ يتكامل من رجله الراسه على شكل تراب
اني انصدمت رجعت خطوتين وكال الي أوكف هنا حدك
سألته أنت منو جاوبني… اني أنجذب الطاقتك الروحانيه
هنا أدركت اني عندي طاقه بالروحانيات
فـ سألته تساعدني بيها وتخليني اتطور
وجاوبني بنعم… وجان طالعلي بأجمل هيئه رغم أنو هو لابس اسود
وكال اليه من اليوم بأعتبار اني صديقك المقرب و أي شي تريدة اني اساعدك
اني هنا فرحت فرح عميق
بس كال متكول الاحد بوجودي وياك لكن اذا تريد تشوفني اني هنا أوكف ما اروح الغير مكان
وصرت كلما يصير بالـ12 بليل أتاكد انو اهلي نايمين واطلع النفس المكان الي تواعدنا بي ونسوي طقوس وطلسم للحرز وطلسم للسيطرة وكل نيتي هو شخص مساعد الي وما يأذيني صرت مراهق وهو لا زال كلما اريد شي استعان بي باعتباره صديقي بعدين التقيت بـ شخص مُعمم وسولفت اله وارتاحيتله وفهمني هل شخص غير صالح وهو كاعد يسلب مني اشياء مهمة بحياتي لكن اني مو منتبه لان عطائة أكبر من أخذة
رجعت بليلتها ردت أواجها طبيت للبستان بنفس المكان الي تعودنا نوكف بي ونسولف نسوي طقوسنا
وكفت ما لكيته حسيت شخص وراي وريحة دخان مالت حرق
التفت لكيته هو بهيئتة الحقيقيه
-كردوس: اعوذ بالله وشلون شكلو؟
-سيد ضَهير: شخص ضخم مضلم وكالي
-ادري بيك عرفت بالحقيقة لكن بمجرد أي خطأ منك أدمر حياتك واختفى بعدها
واني انصدمت شلون هيج يتخلى عني بهل سهوله ويهددني بشكل قاسي ولا عبالك اصدقاء
رجعت للمعمم وكال الي انو هم هيج الجن ما عدهم صحبة حقيقية ويتخلون عن الشخص بمجرد ما يكشفهم وبالحقيقة هو يسحب بطاقتك ويخفضها من ناحيه السعادة والانشغال الحيائي ومخلص حياتك طقوس ويا ولاحظت فعلا اني ما اطلع مع اصدقائي ولا احب الكعدات ولا الجمعات واللمات بين الاهل والاصدقاء وبمجرد ما اشوف لمة أتهرب وأحس بضجة
وراها أبتعدت بعد شديد عنة ورجعت الصلاتي وبالأحلام ضل يهددني ويكول
-صدكني يا ضَهير رح أضايقك بكل حياتك ورح أتهيأ الأي شخص بهيئتك وأضايق كل اقاربك حتى يبتعدون منك مدام رجعت تتقرب منهم
ومن هنا عرفت سبب خوف الناس مني ودائما بوجهي شرارة لكن لمن دخلت 20 اشتريت كتاب ديني أقراه وبي خدام صالحين وعينتهم لحمايتي وبعدين اشتريت خاتم من معمم ثاني وبالقوه باع الخاتم وطلع بي خادم أقوى من هذا ووكلته عليه حتى لا يأذيني وهل كتاب هو يساعدني بتقويه خادم الي بالخاتم
يعني هل كتاب أقراه ينطي حافز قوي للخدام حتى يحموني ويبعدون عني الشر و أي شخص يحاول يأذيني ما تفوت اله لكن هذا الغير صالح يتهيأ للأشخاص الي قريبين مني حتى يبعدهم لان ما يكدر بعد يأذيني بس بهاي الطريقه ويرعبهم ويبعدهم لكن خادم الخاتم هو درع حمايتي ويحذرني من الشر
-كردوس بصدمة: دخيلك ربي يعني انت روحاني
-سيد ضَهير: وعميق بالروحانيات اعرف الشذرة مالت الخواتم من أول نظرة اذا بيها خادم أو جن أو اصلا مابيها واني أشتري خواتم فارغة وأوكل عليها لحد ما يصيرلي خادم بيها
-كردوس: وشلون توكل
-سيد ضَهير: لا ميصير هذا سر فقط بهذا الكتاب هو الوحيد الي يخليني أوكل لذلك مستحيل اتركة وابتعد عنة وصاني بيه معمم
-كردوس: شنو يصير اذا قريته واني مبتدأ وبعيد عن الروحانيات
-سيد ضَهير: تنصفق لان ميصير أصلا هذا الكتاب خطير وما موجود بأي سوق ولا أي مكتبه دينيه هل كتاب سماوي
-كردوس بصدمة: شلون سماوي؟
-سيد ضَهير: معليك يلا هسه عرفت واسكت ممنوع تحجي
-كردوس: وخر فراشي ونومني يم عباس
-سيد ضَهير بضحك: روح يم عباس روح
-: نامو وصارت ساعة 3:00
(أتصال على هاتف حيدرة من أبويه حبيبي)
-حيدرة بـ فزة: أي يا الله واخيرا… الو يابه
-ألو سلام عليكم
-حيدرة: وعليكم سلام منو؟
-أنت شنو تقرب لـ صاحب الهاتف!
-حيدرة بتوتر وقلق: كول حبيبي أني ابنه
-حبيبي أحنا بالمستشفى الفلانيه بـ بغداد أبوك مندعم ويلفض أنفاسه الأخيرة
-حيدرة بصدمة: جاي جاي…
يمة كومي يمة أبويه بالمستشفى مدعوم ويلفض انفاسه الاخيره
-أم دُرر بصدمة: كوومن بناتت ابوجن رح يموت كومن
-دُرر: كمت على رجلي ورجعت وكعت وكوه البس الحجاب
-: وصلنه وشفنه والدي بالغرفه فعلا بأنفاسه الاخيره
-أبو دُرر بدمعه وأبتسامة: حيدرة بويه
-حيدرة وهو يبجي: كول يابه أمرني
-أبو دُرر: عينك على امك وخواتك بعد ابوك
-حيدرة بدموع: لا تكول هيج بويه نضيع بدونك بويه
-دُرر بدمع: لاا يابه لتكول هيج احلفك بروح الحسين
-وردة بدمع: والله اموت وراك
-أم دُرر بدمع وبرود: عوفوه واطلعو
-: طلعنا وضل يوصي أمي بدون ماندري شنو الوصايا
بعد مرور دقايق
أحنا واكفين ومتوترين وحيدرة حاضن وردة لان تبجي بصوت عالي وهو مدمع أني واكفه واحس اعرف النهايه رجعت كعدت واني اتذكر لحظاتي الحلوة وي أبوية وأبجي أفكر شنو يصير بحالنه واكيد ننكسر بدون أبويه لان علاقتنه مو قويه بأحد وقليله بالكل
قاطعت افكارنا أمي
طلعت أمي من الغرفة مالت والدنا
تبجي وهي منزلة راسها وكالت….
أنتضروني على بارت
