رواية بعد ان فات الاوان كامله وحصريه بقلم جمانه السعيدي
صح بعض الآباء ظالمين بس ااكو امهات ظالمات ااكثر منهم انانيات
ويفكرن بس بنفسهن مثل امي
امي وحده انانيه تفكر بس بنفسها وسعادتها وبس
يمكن اني حالتي احسن من هواي حالات
لان لكيت ناس نهتم بيه بعد ماعافتني امي
ااكو اطفال يعيشون بلشوارع وياكلون من الزباله
واكو العصابات تستغلهم للسرقه او البيع المخدرات
او يبيعون اعظائهم
اني كنت طفل محظوظ لان بعد ما عافتني امي
رباني جدي وبيبيتي
بلبدايه راح احجيلكم قصة امي اني ياسين وهاي قصتي من البدايه
امي الوحيده الاهلها بنيه مدلله بشكل مو طبيعي
اي شي تطلبه يكون موجود قبل لا تكمل طلبها
يكون خاضر كدامها
تربت وكبرت وهيه متاكده ماكو شي اسمه لا بقاموس حياتها
حتلو الطلب صعب
او شي مامسموح بي
هيه تطلب ويصير كدامها
كبرت وهيه ماتعرف شنو يعني مسؤليه
عايشه حياتها بلطول والعرض
اني جدي قاضي متقاعد وبيبيتي سابقا كانت
مدير مدرسه
ثنيينهم رواتبهم خير من الله
مستحيل تكون عدهم بنيه وحيده ويرفضولها طلب
بالاضافه جدي عنده املاك وقطع اراضي
بيت جدي جبير حلو الأثاث راقي ومرتب
وبمنطقه راقيه بغداد
امي اثناء دراستها بلمعهد تعرفت على واحد
الظاهر ولله اعلم هو يعرف مستواها المادي من طريقتها بلبس والفلوس الي تصرفهم
والسياره الي تملكها
بدا يقرب عليها شويه شويه
لمن تعلقت بي سنتين بلمعهد وهما وواحد يحب الثاني
الولد أموره الماديه تعبانه
بيت بسيط عنده اخوان ثنيين مزوجين بنفس البيت
وعدهم اطفال ابو ميت وأمه من نوع المتحكمه
كلشي يدخل للبيت ويطلع لازم توافق علي
كلشي كلشي
يعني حتى إذا وحده من الجناين تشتري ثوب لازم الام تعرف بي
يمكن ابوي توقع امي عدها شي باسمها
ايمكن بعد الزواج يطلعون بيت وحدهم
وهيج يخلص من بيت اهله وتسلط امه
والفكر الي عايش بي وكمية المشاكل الي بيتهم
جمانه السعيدي
او يمكن توقع جدي يتوسطله يشتغل شغله زينه
او يفتحله مشروع خاص بي
مااعرف ابوي شنو كان تفكيره بذاك الوقت
وخاصه امي كانت تصرف علي ايام دراستهم بلمعهد
حتى تشتريله ملابس وعطور وياخذ منها مصرف يومي
كانت امي تمشي ورا وهيه مغمضه
اي طلب يطلبه منها تكول حاظر
بعد التخرج قرر يتقدم الامي ويطلب ايدها
اجت امي تفاتح جدي بلموضوع
ماجده….بابا اريد افتح وياك موضوع
جدي…اي كولي
ماجده….اكو ولد جان يدرس وياي يريد يتقدملي
جدي…بيه الخير انشاء الله منو هذا الولد ابو منو
اهله ووين
ماجده….اني راح اكولك كل التفاصيل عن حياته
بس اريدك تعرف شي مهم بلنسبه اليه جدا مهم
اني احبه
جدي….اذا انسان يستاهلج اني اول واحد راح ابارك هذا الزواج
اخذ جدي الاسم الثلاثي والعنوان
اسبوع كامل وهو يسئل ويدقق طبعا جدي عنده معارف هوواي
امي كانت كاعده على نار لان ابوي يتواصل وياها
ويسئلها يمتى الرد النهائي
طبعا ابوي متفق ويا امي
ان جدي ما يطلب مهر هواي والذهب راح يشتري بلقسط
والاتفاق الثاني جدي ينطيهم بيت يكعدون بي
واذا رفض جدي يكعدون بيت اهل ابوي
وهو شارح الوضع التعبان وكمية المشاكل الي بيت اهله
يعني ورقة ضغط على جدي حتى يوافق يسكنون بيت مستقل
وهذا البيت على جدي لان جدي عنده املاك
وواكيد ااكيد لان ابوي بعده ما يشتغل لازم جدي هو الي يأثث البيت ويحصل الابوي شغل
هذا الزواج صفقت العمر بلنسبه الابوي
ولا زم يحارب علمودها
جدي اخذ شهر وهو يسئل ويدقق عن أحوال ابوي
عرف من كميه المعلومات الي وصلته
ابوي مايستاهل يزوج امي
وعرف هو داخل بهاي الزواجه على طمع
يعني ابوي مو هو الشخص الملائم الامي وهاي الزواجه
مراح تكمل
ماجده…هااا بابا سئلت ترا طولت حيل
اني اعرف كولشي عنه جان سئلتني واجاوبك
ما يحتاج هذا الوقت كله
اني اعرف كلوشي عنه
جدي…….هذا الإنسان غير مناسب اللج
ماجده…ومنو الي قرر عماد غير مناسب اليه اني صار سنتين وياا واعرف أدق التفاصيل عنه
اهم شي عندي يحبني ويريدني ومستعد يسوي اي شي
حتى اكون سعيده
جمانه السعيدي
جدي…وصلتي الاهم فقره بلموضوع هذا الإنسان مستحيل تكونين سعيده ويااا
لا مستوى المادي مثل مستواج الي عايشه بي
ولا اهله مثل اهلج
طبعا اهله أصحاب مشاكل وماديين
ماجده…طبعا مو مثل اهلي وين اكو وحده تزوج واحد مثل اهلها اكيد اكو اختلاف بلطباع والعشره والمستوى المادي
بس اني احبه
جدي…مراح تكدرين تتحملين العيشه ويااا
اخذي كلامي وافتهمي انت هسه ماخذج الحماس
بس مراح تكدرين تعيشين عيشته
وهذا الحب راح يختفي بعد اول مشكله تواجهكم
ماجده…واني ااكول لو اعيش ويا بخيمه لو بلشارع
مراح ازوج غيره
اني احبه ومااتخيل حياتي من دونه
جدي…واني رافض هذا الزواج
ماجده…اقتل نفسي اذا ما قبلت
جدي…روحي شتريدين سوي بس هذا الزواج مراح يتم
انت ماتفتهمين اني سئلت عنه
واعرف ااكثر منج هذا واحد استغلالي
اني مااكول فقير لان الفقر مو عيب
بس هذا جايج على طمع
ماجده…اني مااريد منكم شي اطلع بملابسي ذني
حتى اثبتلكم هو مو طماع ويحبني الشخصي
مو علمود الفلوس
جدي…ما مستعد اعوف بنتي الوحيده تخوض هيج تجربه
متأكد منها تجربه فاشله ١٠٠/١
بس حتى تثبتلي هو يحبها
الي يحب وحده لازم يكافح حتى يعيشها بنفس المستوى الي عايشه بي
مو يحطم حياتها
زين هو مستعد المهرج مستعد يسكنج بيت وحدج
لان بيتهم جناين ثنيين غيرج
بيتهم مزدحم وعيشتهم صعبه
بعدين هو لا شغل ولا عمل
ماجده…اسكن وياهم مؤقت منا لمن يشتغل
ونطلع بيت وحدنا
جدي…ليش ما يشتغل هسه ويجمع فلوس المهر
ويكون نفسه وبعدين يرجع يتقدملج حتلو سنه سنتين ميخالف
جمانه السعيدي
ماجده…اي حتى اصير عجوز
جدي….بابا انتي عمرج عشرين بعد العمر كدامج
بعدين انتي هسه خلصتي دراسه
ارتاحي سنه بلكت تحصلين تعيين
ليش مستعجله على الزواج
ماجده….. اني احبه ومتاكده راح اكون سعيده ويااا
انت وافق والايام راح تثبتلك صحت كلامي
جدي…واني ااكول ماكو زواج وخاصه من هذا الشخص
زعلت امي من ردة فعل جدي
ولان هيه ما متعوده على كلمة لا
متعوده اي شي تأشر علي يصير من نصيبها
زعلت وعتزلت بغرفتها ومتنعت عن الاكل
حتى تظغط على جدي يوافق على هاي الزواجه
جدي صمم على رائيه
لان عنده حق هو يعرف امي مراح تكون سعيده بهاي الزواجه
بنته الوحيده ويدور مصلحتها
مستحيل يقبل يشمرها هيج شمره
اليوم الثالث دخلت بيبي الغرفتها لكتها واكعه بلكاع
كامت تعيط
نقلوها للمستشفى جدي وبيبتي
صاير عدها هبوط بسبب قلة الاكل
يومين بلمستشفى على المغذيات والسوائل حتى تسترجع
عافيتها
جدي وبيبي ساكنين بلمستشفى علمودها
بيبي تبجي عليها تخاف تفقدها
الدكتور….ليش هيج لازم تتغذين زين هلمره لحكنا عليج
ايجوز مرة الأخ تروحين من عدنا
ماجده…بس اطلع امتنع عن الاكل نهائي حتى أموت واخلص
لو اخذ سم اموت واخلص منكم
الدكتور…بعدج زغيره ليش تحجين هيج
جدي….ليش بابا منو يستاهل تسوين بنفسك هيج علموده
ماجده…انت تعرف اني ليش سويت بنفسي هيج
بيبي….ياماما ليش تأذيني نفسج
ماجده…..مستحيل ااكمل حياتي بدون عماد
بعد ما طلعت امي من المستشفى
وهيه مصممه على هذا الزواج
قرر جدي يخلي عماد بامتحان ويشوف
شلون يتصرف
لان يعرف امي مستحيل تتنازل عن عماد
ويعرف الرفض راح يزيدها عناد ااكثر وأكثر
جدي…اني موأفق خل يجي احجي يااا
ماجده…صدك بابا ولله عرفت راح توافق لان مستحيل
ترفضلي طلب
احبك بابا راح اتواصل وياا حتى يجي
يشوفك
طلعت امي من الغرفه
بيبي…ياا صدك موافق شعجب وافقت علي
جدي….اني راح اخلي هو الي يرفض هاي الزواجه بنفسه
اني السبب كله مني
بيبي….ليش تكول هيج
جدي…اني خبلته بلدلال الحد ما وصلت المرحله مااكدر اسيطر عليها
انتظرونا….
