رواية المننتقم العاشق الفصل الرابع 4 بقلم اميرة موسي

طلعت همس من المدرسه لاقيت باص المدرسه مشي و سابها فقررت ترن علي باباها وتقول له الل حصل رنت همس علي محمد وحكتله اللي حصل بعتلها السواق يروحها البيت روحت همس البيت غيرت هدومها واكلت وقعدت تذاكر وبعد ساعات وتحديدا بليل همس وعيلتها علي الاكل. اتكلمت نجلاء: كنتي فين النهارده مجتيش بباص المدرسه لي.

همس: صحبتي تعبت فجأه وكان لازم اكون معاها. نجلاء: مين صحبتك؟ ردت همس وقالت اسمها فاطمه. ردت نجلاء مين فاطمه دي بنت مين. ردت عليها همس بنت عمو نبيل. ردت نجلاء بعصبيه: مش دا للي باباها شغال سواق عند عمك وليد. ردت همس بخوف من مامتها عشان قالتلها متتكليمش مع حد اقل منك في المستوى الاجتماعي. همس بزعل ووشها في الارض وقالت ايييي!!.. ايوه . نجلاء بعصبيه: قولتلك قبل كدا الناس دول بلاش الناس دول مش من مستوانا مش بتسمعي الكلام لي. همس كانت خايفه وقالت . مامي هي كانت تعبانه وصعبت عليا اوي. نجلاء بزعيق: قولتلك برضو ملكيش دعوه ولا انتي وحشك عقاب زمان. همس دموعها نزلت: لا ونبي ي ماما مش هتكرر تاني بس بلاش ضرب والنبي ي مامي. محمد والد همس: اسمعي كلام مامتك فاهمه ولا اي مش كل شويه نفس الكلام انتي اي مش بتفهمي. همس دموعها نزلت.: حاضر مش هتكرر تاني،

محمد: اومال علي راح فين ، نجلاء: علي راح يسهر مع صحابه شويه لسه مكلمني من شويه وقالي

قامت همس من علي الاكل وهي زعلانه من معاملة مامتها وباباها ليها وعلي طول بيزعق معاها ومحدش بيحبها وراحت اوضتها ودخلت تنام

في بيت مراد

مياده والدته : متعرفش الشغل بتاع بليل بيخلص الساعه كام في المصنع ي محمود. محمود: علي 12كده وبعدين متقلقيش دا مصنع محمد الرفاعي يعني محدش يقدر يقرب منهم متخافيش علي الواد كدا خفي خوف عليه ومتقلقيش ولا تخافي عليه مبقاش صغير ؛ مياده: كان لازم يعني شغل بليل ربنا يصلح حاله وبعدين انا عندي كام مراد يعني هو واحد؛ محمود: ادعيله ربنا يصلح حاله وسيبي كل حاجه علي ربنا . مياده: ونعم بالله

محمود قال: الحمدلله وقام من على السفره يغسل ايده.

في مصنع محمد الرفاعي

وتحديداً عند مراد في المصنع كان شغال طول الليل وكل تفكيروا في همس مطلعتش برا المدرسه ليه ..

في فيلا محمد الرفاعي

و في صباح يوم جديد قامت همس من النوم لبست وخرجت تروح المدرسه وصلت همس قدم المدرسه وفضلت واقفه شويه وبعد كدا دخلت بعد نص اليوم طلعت همس من المدرسه هي وكل البنات اكتشفوا ان باص المدرسه بايظ ومحتاج شوية وقت و كانوا البنات مخنوقين عشان هيستنوا شويه لحد ما الباص يتصلح بعد لحظات تليفون همس بيرن طلعت همس الفون بتاعها تشوف مين وكان مراد اللي بيرن ظهرت ابتسامه علي وش همس غصب عنها وردت لانها كانت مخنوقه من موضوع امبارح. ردت همس علي مراد. الو، مراد: انتي فين باص المدرسه اتصلح ولا لسه. استغربت همس اي للي عرفو ان الباص بايظ: مين قالك ان الباص بايظ. مراد: مصادري الخاصة اطلعي بره المدرسه عايز اشوفك. همس: لا مش هينفع الباص فاضلو شويه ويتصلح. رد عليها مراد: لسه بدري ممكن الموضوع يدخله في ساعتين. همس: مين قالك كدا وبعدين قولتلك مش هينفع. مراد: خمس دقايق ي همس لو مطلعتش من المدرسه هدخل اجيبك انا سلام قفل زي كل مرا مستنش حتي ترد عليها…

فلاش باك

دخل مراد المراد المدرسه علي اساس انه الفراش الجديد وبوظ كل الباصات بتاعت المدرسه حط في كل الباصات ميه على البنزين وبتالي مفيش باص هيدور و محدش هيتوقع ان البنزين عليه ميه وان دا السبب …

عوده من الفلاش .

طلعت همس من المدرسه وشافت مراد واقف مستنيها قربت عليه ووقفت قدامه. همس: مينفعش كدا ممكن حد يشوفنا. مراد: متخفيش ماحدش هيشوفنا. همس هروح فين دلوقتي ولو الباص اتصلح وهما روحو هروح ازاي انا كفايه اتاخرت المره اللي فاتت وحصلت مشكله بسببك و مامتي كانت هتعاقبني و بابا زعق ليا . مراد: لسه بدري على ما الباص يتصلح تعالي نروح الجنينة زي المره اللي فاتت. همس: بس ؛ مراد: مابسش ولا حاجه يلا ومسك مراد ايد همس وفضلوا ماشين مع بعض لحد الجنينه كلها ورد. . وصلت همس مع مراد لجنينه وكانت مبسوطه اوووي وفضلت تعلب وتجري وهي مبسوطه وتتنطط من هنا الي هنا وتقول مش مصدقة اني جيت هنا. فجأه سكت وقالت بزعل يالهووووي مامي هتعرف وهتزعل مني اوي عشان كلمت حد غريب وراجعت لعبت تاني وقالت. هي هتعرف منين يعني اكيد مفيش حد هنا يعرفها وكلمت لعب عادي وسكتت تاني وكملت بزعل يالهووووي مامي ممكن تضربني.وقعدت في الارض بزعل فجأه قامت تاني وفضلت تجري هنا وهنا وتلعب في الورد وكانت فرحانه اووي وفضلت تتكلم بصوت عالي. احلي يوم انهارده في حياتي كلها. كل دا ومراد باصص عليها بستغراب. مش مصدق ان دى بنت حد زي محمد باشا صاحب الشغل بتاعه المفروض تكون الامور دي عندها عادي لان باباها معاه فلوس المفروض بنته متكنش محتاجه حاجه. تعبت همس من اللعب وقعدت في الارض بصلها مراد بابتسامه. مبسوطه ردت همس عليه اوي اوي يـ مراد. مراد مش مصدق ان ابسط حقوقها وهي طفله مش بتاخدها رد عليها مراد: لو سمعتي الكلام كل يوم هنروح مكان شكل. ردت همس بحماس: بجد، مراد: بجد. فجأه فون همس رن وكانت صحبتها فاطمه. ردت همس: الو

فاطمه: انتي فين يلا عشان الباص اتصلح. همس ماكنتش عارفه تقولها اي بصت علي مراد مراد فهم ان في حاجه اخد من همس الفون لانها ماكنتش عارفه ترد تقول اي. سمع صوت واحده بتقول الو همس سامعني ها بقولك الباص اتصلح مراد عمل ميوت لصوت وقال لهمس تقولها انها في الحمام. همس ماكنتش عايزه تكدب بس في الاخر ردت وقالت انها في الحمام خمس دقايق وجاية. اخد الفون من همس وقفل في وش فاطمه ماستنش انها ترد.مراد: يلا عشان اوصلك قبل ما حد ياخد باله. اخد مراد همس وصلها لحد المدرسه وبعدين مشت همس شويه ورجعت تاني لمراد. بصلها مراد بستغراب اي راجعه تاني لي. واقفت همس قدام مراد، وشكرته علي اليوم ودخلت المدرسه بسرعه. مشي مراد لما اتاكد ان همس وصلت الباص بتاعها وروح لبيته روحت همس البيت وكانت فرحانه اوي دخلت البيت وهي بتجري وفرحانه لدرجه انها مخدتش بالها من هناء وهي جايه عليها وخبطت فيها. هناء استغربت اي ال مفرح همس كدا سالت هناء همس’: فرحانه كدا لي انهارده

ردت همس عليها: اوي ي نانا فوق ما تتخيلي

هناء: ديما ي حبيبتي فرحانه طبطت هناء عليها طب يلا روحي غيري هدومك لحد مل احط الاكل ليكي، ردت همس عليها اوكي دخلت همس الاوضه تغير وبعدين طلعت اكلت وخلصت اكل وقامت تذاكر طول الليل عماله تفكر في اليوم وكل شويه تضحك، مراد روح بيتو وكان مدايق من نفسو انه لحد دلوقتي مش عارف يحقق انتقامه فقررر ان لازم همس تتعلق بي اكتر عشان ياخد للي عايزه بسرعه،

رجع ابو همس من الشغل تعبان ونام بسبب اليوم كان طويل محدش فيهم فتح نت وشاف القرار للي نزل ان مفيش مدرسه بكره بسبب الاحوال الجوية،

صحيت همس من النوم بكل نشاط ولبست وراحت المدرسه مع باباعا؛ اكتشفت همس ان مفيش مدرسه انهارده واستغربت ازاي معرفتش، لسه هترن علي باباها افتكرت مراد ونفسها تلعب زي امبارح. رنت همس علي مراد. مراد كان نايم في بيتو وتليفونو رن بياخدو من جانبو عشان يرد اول مراد ماشاف ان همس هي اللي بترن عليه مكنش مصدق نفسو و رد عليها بسرعه

مراد: الو همس ازيك

همس: الحمدلله تمام كنت عايزة اقولك علي حاجه

مراد: اي قولي

همس: انا روحت المدرسه انهارده واكتشفت ان مفيش مدرسه فايييي يعني لو تيجي زي امبارح..

مراد: مكنش مصدق انها هي اللي طلبت منو يجي. مراد: نزل قرار امبارح ان مفيش مدرسه بسبب الاحوال الجوية ردت همس عليها وهي هي بتترتعش من البرد: انا نمت امبارح معرفتش وبابا مقاليش ان مفيش مدرسه

مراد: خمس دقايق وهكون عندك

همس: اوكي