رواية فاتن وجميلة الفصل الثامن عشر 18 بقلم مروة حجازي
البارت الثامن عشر
وصلت سيارة فارس الى القاهرة الساعه الثانيه عشر ظهرا الى الشركة التى كان يعمل بها اخاه محمد
فارس ..السلام عليكم
الاستقبال ..وعليكم السلام
فارس ..كنت بسال عن شخص اسمه محمد عبد الرحمن القناوى
الاستقبال ..اة كان فعلا من شهر بيشتغل هنا بس اتفصل
فارس ..طيب ممكن عنوانه
الاستقبال ممكن تاخده من عم ابراهيم فى شؤن العاملين .
فارس ..السلام عليكم
عم ابراهيم ..وعليكم السلام يابنى اتفضل
فارس ..كنت عاوز عنوان المهندس محمد عبد الرحمن القناوى
عم ابراهيم ..عنوانه ليه فى حاجه
فارس ..ابدا يا حج دا انا جاي له من طرف واحد صاحبه قالى انه هيشوفلى و بتصل بيه تلفونه مقفول بس وجيت سالت عليه قالوا فى اجازة و اتفصل
عم ابراهيم ..بحزن دا من اكفاء الموظفين فالشركة و خدوم ومحترم جدا وكل اللى فى الشركه بيحبوه بس قوانين العمل و اتحول للشؤن القانونية وبعتنى له جواب ومردش
كان واخد اجازة عشرة ايام و غايب بقاله شهر و اتفصل . اذا وصلت ليه يابنى خلية يكلمنى لانى بتصل بيه و تليفونه مقفول واخرج ورقة وكتب عليها العنوان .
خرج فارس من الشركة وقال لاخوه ماحدث
زين .. انت ليه ماقولتش انك اخوه
فارس .. انت سمعت ان ام فاتن مالهاش حد يعنى ممكن فاتن تكون قاعده لوحدها ولو حد من الشركه على اتصال بيها ممكن تخاف وتهرب .
زين ..بعدم اقتناع ممكن تعالى بقى ناكل لقمة لحسن خلاص تعبت
جلس فارس وزين فى الكافتريا امام الشركه
فارس ..بس تعرف الناس هنا بتحبه اوى
زين ..فعلا كان طيب اوى اوى بس سبحان الله اكيد فى حكمة ربنا عملها يمكن علشان اتجوز انا اسيل هانم ههههههه
فارس ربنا يخليها لك .
بعد تناولهم الطعام والاستراحه قاموا بالتوجه الى بيت اخوهم اخيرا .
زين ..طرق الباب ولكن لا احد يجيب
فارس .. خبط تانى
زين ..وهو يطرق الباب
فتحت باب الشقة التى امامهم ايوة مين حضرتك
فارس ..بلهجه قاهريه السلام عليكم
الشخص ..وعليكم السلام
فارس ..هو البشمهندس مش موجود
الشخص ..ايوة يابنى دا سافر مع زوجته وبنته فاتن بس مش عارف سافروا فين هما دايما بيروحوا شرم او الاسكندرية ليهم شقة فى الاسكندرية وشالية فى شرم .
فارس ..طيب متعرفش عنوانهم لان الشغل قالب عليه الدنيا مش عارفين نوصلوا
الشخص …للاسف لا بس معايا ارقام الارضى لان شبكات المحمول وحشة اوى هناك
استنى اجيبلك الارقام .
الشخص ..انتوا معاه فالشغل صح
فارس ..ايوة
الشخص ..وياريت تبقى تطمنى عليهم دا رقمى وأسمى
فارس .. ان شاء الله يا استاذ جاد و متشكر جدا .
زين ..انت ليه ماقولتش اننا اخواته
فارس ..علشان لو فاتن عرفت اننا بندور عليها ممكن تهرب
زين ..للمرة الثانيه بعدم اقتناع يهز راسه فى صمت .
طيب احنا هنبيت فى اي اوتيل للصبح وبكرة نشوف هنعمل ايه .
فارس …تمام
صعدوا الى الجناح الذى حجزوا واتصل فارس بوليد وارسل له الارقام حتى يرسل لهم العنوان
وتحدث زين مع زوجته .
……..
فى قنا
دخل عبد الرحمن الى السريا ليجد محمد اخاه واسيل
عبد الرحمن ..مالك يابتى
اسيل ..مافيش ياعمى
عبد الرحمن …ماالها بتك يا محمد
محمد ..والله معارف يا خوي عمال اسألها مالك من الصبح وهى مافيش مافيش
عبد الرحمن .. تعالى جارى يا بتى
اسيل ..جلست بجوار عمها
عبد الرحمن ..مين مزعل ست البنات
اسيل ..بغضب طفولى لا يليق الا بها لانها تشبه الاطفال والله ياعمى انا مش زعلانه انا هطق قولت لسي زين ياخدنى معاه مصر قالى لاه وبعدين من شوي بكلمه بقوله وصلت لفاتن قالى لاه واحتمال يسافروا اسكندرية وشرم اتغاظ انا بقى ولا لاء
عبد الرحمن ومحمد وهم يضحكون على طفولتها
عبد الرحمن . خلاص بقى يا ست البنات احنا اول ما نلاقى فاتن هأمره امر انه يفسحك فى شرم ودهب والغردقة واسكندرية والقاهرة هه مبسوطه
اسيل ..بابتسامه فرحه مثل الاطفال ربنا يخليك ليا عمى و قبلته وراحت على المطبخ
……
فى الاوتيل
فارس نائم فى غرفته ويستيقظ على اتصال من وليد
فارس ..ايوة يا زفت
وليد ..ماشي يا خالى شكرا
فارس .. خالك يابنى انا اكبر منك ب7 سنين بس دا انت شحط
وليد ..طيب يا فراس العنواين اهى بس دى مش باسم خالى محمد دى باسم فاتن محمد عبد الرحمن القناوى
فارس ..يا اذكى اخواتك مهى بنته الوحيده
وليد ..طيب متذؤش الله انا بس بعرفك
فارس .. ابعتلى العنوان فى رساله وغور خلينى انام لى ساعه ورايا سفر .
نام فارس مرة تانيه وراى اخاه محمد
محمد ..يبتسم له قريب ياولد ابوي قريب
فارس ..محمد انت فين
محمد ..انا حواليك انت وفاتن فاتن وصيتك
وتلاشت الصورة ليرى واحده جالسة وظهرها له ولكن تقوم لتنزل من يدها طفله صغيرة
ينادى عليها انتى اللحقى بنتك تنظر له من تحت نقابها خليها معاك دى جميلة .
يستيقظ من نومه بسم الله الرحمن الرحيم
مين دول .
يجد اخاه زين يطرق الباب
فارس ..فتح له تعال يا خوي
زين .. يله يا فارس نلحق طريقنا
فارس ..حاضر اتوضى و اصلى و ننزل نفطر
فى الاسفل رن هاتف فارس من والده
عبد الرحمن ..صباح الخير يا ولدى
فارس ..صباح الخير يا حج
عبد الرحمن ..بقولك يا فارس هى بت محمد واحده ولاه تنين
فارس ..لاه يا بوي واحده بس اسمها فاتن
امال مين جميلة
فارس .. اتفزع ووقع الشاى من يده اية
معرفش بس هى بنت واحده
عبد الرحمن ماشي يا ولدى هتسافروا امتى فارس ..كمان نص ساعه يا بوى ان شاء الله
عبد الرحمن بس كنت عاوزك تعرف هى فى كلية ايه و سنها قد ايه
زين ..مالك يا فارس
فارس ..قص عليه الحلم الذي رأه وسؤال والده جميلة
زين ..جميلة هو اخوك عنده بنت تانيه اسمها جميله
فارس ..مش عارف طيب بس انا دلوقتى ابوي طلب اعرف كليتها فين واحنا مش هينفع نروح لجاد ونسأله
زين .. يفكر مش عارف بص احنا نقوم نشوف طريقنا وبعدين نفكر
