رواية كسرتني قوتك الفصل السابع عشر 17 بقلم سهيلة سعيد
الحلقة السابعة عشر { ١٧ } 
سليمان : طب خشي نامي دلوقتي ولما نقوم نبقا نتكلم
ريناد : مش هعرف انام هنا انا خايفة
سليمان : تعالي طيب 
( تروح وراه ، يدخل الاوضة )
سليمان : نامي ع السرير وانا هنام ع الكنبة قصادك هنا
( تطلع ريناد تنام ع السرير وتستغطى وينام سليمان ع الكنبة ، ف بيت عابد ، عابد نايم ، تدخله جودي )
جودى : عابد .. عابد
عابد : ايوة ي قلبي ايوة 
جودى : ريناد مجتش ل حد دلوقتي
عابد : الساعة كام ؟
جودى : 5 ونص الصبح
عابد ب خضة : لا بجد !!!!
( يعدي الوقت ، تدق الساعة 10 الصبح )
سليمان : ااااه .. اااه
( تصحى ريناد )
سليمان : ااااااه 
ريناد : سليمان !!
( تقوم ريناد تقرب عليه )
سليمان : اااه
ريناد : سليمان انت كويس ؟؟
( يفتح عينه ب العافيه وعرقان )
ريناد : تعبان ؟؟
( يشاورلها ب اه ، تحط ايدها ع دماغه )
ريناد : سخن اوي .. استنى
( شوية وترجع جايبة ماية وقطن ، تلاقيه نايم بس عمال يتوجع ، تعمله كمدات ، تلاقي اللزق باين فيه دم ، تجمد قلبها وتقرب تبدأ تشيله )
سليمان ب وجع : اااااه
ريناد : معلش استحمل 
( تشيله خالص ، تقوم تدور ع قطن ولزق ، تلاقي ف التواليت ، ترجع تنضف الجرح وتحط القطن واللزق وتكمله الكمدات ، يعدي الوقت ، ريناد قاعدة ف الارض وساندة دماغها ع الكنبة نايمة ، يصحى سليمان ، يلاقي قطنة الكمدات ع دماغه ، يشيلها )
سليمان : ريناد .. ريناد
ريناد : ايوة
سليمان : قومي نامى ع السرير
ريناد : انت كويس ؟
سليمان : اه
( تحط ايدها ع دماغه )
ريناد : الحرارة نزلت الحمدلله
سليمان : شكراً .. ع الي عملتيه 
ريناد : العفو
( تقوم ريناد تنام ع السرير ، سليمان يلاقي الكمدات جنبه ف الارض ويلاقي جرحه متغير عليه ، يبص ل ريناد نايمة ، يعدى الوقت ، يصحى سليمان ، يقرب عند ريناد )
سليمان : ريناد .. اصحى
ريناد : شوية بس شوية شوية
سليمان : يما انا مش بصحيكي للمدرسة اصحي
( تقوم ريناد مخضوضة )
سليمان : قومي عشان ماشيين
ريناد ب فرحة : بجد بجد 
سليمان : ايوة يلا
( تجري ع التواليت تغسل وشها وترجع )
سليمان : اقلعي
ريناد ب خضة : نعم 
سليمان : هدومك اتوسخت البسي اي حاجة م الدولاب دة
ريناد : لا مش مهم
سليمان : سمعتي .. ولا افضل حابسك هنا ؟
ريناد : مش هينفع جودي هتقولي جبت الهدوم دي منين 
سليمان : جودى ايه احنا مش رايحين البيت
ريناد : اومال رايحين فين ؟!!
سليمان : هتعرفي لما تخلصي
ريناد ب يأس : انا فكرتك هتروحني
سليمان : لا لسة كمان شوية .. هتخلصي بقا ولا امشي واسيبك لوحدك 
ريناد : طيب خلاص استنى
( تدخل ريناد الاوضة تفتح الدولاب تلاقي في شوية هدوم بنات )
ريناد : ايه الاشكال دي !!
( تطلع فستان لونه ابيض قصير جداً ومفتوح من قدام ، تدخله تاني ، تطلع فستان احمر قصير بنص كم ضيق ل حد فوق بطنها وباقيه واسع ومفتوح بسيط من قدام ، تلبسه ، تلاقي صندل احمر تلبسه ، تقرب ع المراية تسرح شعرها ، تلاقي روح احمر تحط منه وتطلع )
ريناد : سليمان .. انت فين انا خلصت
سليمان : جاي
( تقف ريناد عند باب الشاليه ازاز تتفرج ع برة ، يطلع سليمان يشوفها من ضهرها يتخض ، مبيحبش اللون الاحمر 
)
سليمان : ايه الي لبساه دة ؟!!!!
( تلف ريناد )
ريناد : وحش ؟
( يشوفها لما تلف يفضل باصصلها ، يسرح فيها ، اول مرة اللون الاحمر يحلى ف عينه كدة 
)
ريناد : هو اكتر حاجة مقفولة .. اغيره ؟
سليمان : ﻷ
ريناد : حلو يعني ؟
سليمان : مش مهم يلا
( يفتح باب الشاليه ويطلع وهي تطلع وراه ، يمشوا ع الشط )
ريناد : هنروح فين ؟
سليمان : هتعرفي
( يقربوا ع يخت ع الشط )
سليمان : اركبي
ريناد : اركب فين ؟؟
سليمان : اليخت
ريناد : مستحيل طبعاً
سليمان : هتركبي ولا اركبك انا ؟
ريناد : قلتلك مستحيل 
( يشيلها )
ريناد : سليمااان
( يركبها ويركب )
ريناد : مبحبش كدة خليني انزل 
سليمان : مافيش نزول
ريناد : انا بخاف من كدة نزلني 
سليمان : قلت لا وبعدين م انا راكب معاكي متخافيش
( يشغل سليمان اليخت ، تجري ريناد تقعد مرعوبة ، يمشوا ، ف القسم ، عابد وجودى قاعدين )
الظابط : طب فات اد ايه ع اختفائها ؟
جودي : هي ك العادة بتيجي م الشغل ع 12 ونص بالكتير مجتش ل حد دلوقتي
الظابط : يعني بقالها 13 ساعة .. مقدرش افتح محضر قبل 24 ساعة
عابد : احنا عارفين بس متعشمين ف حضرتك انك تبدأ ف الاجراءات ب شكل غير رسمي مؤقتاً
الظابط : انت تؤمر ي عابد باشا هعمل الي اقدر عليه
( ف اليخت )
ريناد : وقف بقا انا معدتي وجعتني 
سليمان : شوية بس .. هتلاقي ف الشنطة اكل افطري
ريناد : مش عاوزة
سليمان : سمعتي ولا ارميكي من هنا
ريناد : مش هتحرك من مكاني انا 
( يوقف سليمان اليخت ويقوم يفتح الشنطة يطلع منها سندويتشات يديهالها تاكل )
سليمان : بتاكلي زي المسروعين كدة ليه !!
ريناد : خاطفني من امبارح ولا عشا ولا فطار ولا غدى عاوزني احسس ع الاكل يعني
( تكمل اكل ، يقوم سليمان يقلع التيشيرت )
ريناد : بتعمل ايه ؟
سليمان : نازل الماية .. تنزلي ؟
ريناد : هو احنا حايين نصيف انا عاوزة اروح
سليمان : مافيش مرواح
ريناد : يعني ايه
سليمان : يعني زي م سمعتي مشيان من هنا مش هيحصل غير بقا لما يجيلي مزاجي واهدى من اختك خالص كدة واهدي اعصابي 
ريناد : يادي اختي الي انت حاططها ف دماغك هموت واعرف عملالك ايه بس
سليمان : متعرفيش احسن
( يمشي تمسك ايده )
ريناد : تعالى هنا شغل البتاع دة ورجعني
( يشيل ايدها )
سليمان : انتي سمعتي الي انا قلته من شوية ولا مسمعتيش .. اهدى ها اهدي 
ريناد : طب ماشي انا هروح
( تقرب عند طرف اليخت )
سليمان : هتنطي يعني ؟!
ريناد : ايوة هنط حالاً لو مروحتنيش 
سليمان : نطي 
( ريناد واقفة )
ريناد : مش هامك يعني ؟؟
سليمان : تؤ وهيهمني ليه .. انتي اجبن من انك تنطي م الارتفاع دة اصلاً .. نطي 
( تتغاظ ريناد ، تجمد قلبها وتنط ، يتخض سليمان )
سليمان : انتي ي مجنونة 
( تقب ريناد ع وش الماية )
سليمان : خليكي بقا تحت 
( تغطس ريناد وتقب تاني )
ريناد : سليماااان 
( يقعد سليمان ياكل الساندويتشات )
رينان ب صريخ : الحقني !!!
سليمان : ماليش دعوة
ريناد : اااه 
( تغطس ريناد ، يستغرب سليمان انها سكتت )
سليمان : غرقتي ولا لسة
( متردش ، يقوم يبص عليها ميلاقيش حد ، يتخض )
سليمان : ريناااد !!!!
( مافيش حد ، ينط ف الماية ، يغطس ويقب مافيش حد )
سليمان ب خضة : ريناااااااد
( يغطس تاني ، يلاقيها تحت كل مادا م بتنزل وروحها كأنها بتروح ، يعوم بسرعة ل تحت ، يقرب يمسكها ويطلعوا ع وش الماية ، يمسكها ويلف عند السلم ويطلعها ويطلع ، يقرب عليها )
سليمان : ريناد .. ريناد !!!!
