رواية لسنا ابرياء الفصل الثامن عشر 18 بقلم هيلانا
ما يُثير الرعب فى نفسي
أن يصرخ فى وجهِي
ولا يمزق قلبه معالمي الطفوليه
أن لا يتكدر عيشه لِبكائي
و يرى فى الاعتذار مني انتقاصًا لرجولته ..
__________________________
درت عيوني بالمكان الغرفة فارغة جدران بالون الاسود الضوء
بيه شبه خافت مابيه بس
وطاولة خشبية و گرسين واحد أني گاعدة عليه وثاني مكابلني جان هذا المحقق كاعد ويسألني
وهدوء ساكن يخلخل أعماقي برعب مبينه غرفة تحقيق او شي من هذا القبيل
ايدي الوجع نسيتة من القلق والخوف
بقيت وحدي باالغرفة بس ما بينت خوفي بقيت صامدة وثابته
بس بداخلي بالعة العافية
تنهدت أني ما مسوية شي
أكيد هذا تحقيق عادي فرگت أدية متوترة
أحاول أقنع نفسي وأبث الطمئنانية لداخلي بس قلق أخذ روحي
دقايق وصارت هوسة برا تشخصت عينيعلى الباب جان يدخل المحقق نفسه وجهه يتلاطم
ومرتبك واحد ويا هم لابس عسكري واخر شخص ما
توقعته أبد جان مصطفى
وجه محتقن ينفض عصبية بخطوات واثقة وتحسه يريد ينفجـر
مو مصطفى الي أشوف كل يوم لا شخص مختلف ارتعشت اطرافي بتوتر جان وجههه مغيم
حجة بهدوء:- يله ليان تعالي
عبالك طير وتحررر من فرحة لو ما عيب جان حضنت مصطفى اجيت بصفه واني منصية راسي
باوع لمحقق وبنبرة صارمة كـالة : النا حجي ثاني مو بت عمي التاخذها لمركز وانت ماعدك دليل
كام يبلعم وماأنطق بحرف طلعنة من المركز لسيارة مصطفى بالباب وهذا العسكري ابو نجمات ويانا
لتفتت عليه مصطفى وتشكرة وهو رجع كاله
:
-حككك علينا ابو صوف لو ادري دكتوره بت عمك مستحيل اقبل المحققق ادهم ياخذها لمركزز
رد عليه بحقدد:-هذا الكواد مدفوع اني اعرف غايته واعرف شلون اتصرف ويا انت ماقصرت كفيت وفيت
اتحرك وفتحلي الباب صعدت يمه وهو سلم على هذا العسكري ورجع صعد
اول ماأحرك سياره اخذت نفس بس بعد رجفه بجسمي ودمعه بعيني
شكد جنت حابستها بس لا اردي بجيت
لتفتت عليه حجة بتأنيب:- ليش ما تصلتي بيه
ليان:- ماعرف مو سلام ضابط واتصلت بي
زفر نفس بضيق وهو عينه لطريق-: سلام مايكدر يسوي شي هالقضايا اكبر منة من توكعين بهيج
اي مشكلة اتصلي بيه بعد يعني لو ما لحكتج جان وصلوها لمحكمة واذا وصلت لمحكمة تلاص وحتى اذا مالج ذنب توكعين
رفعت عيني بعينه بصوت يرجف-: ليش همه شنو يردون مني اني ما مسوية شي
مصطفى:-الموضوع اكبر منج همه مشكلتهم سلام ينبش وراهم صاير ابن ابو كلش وراح يأذي الكل
مايعرف يتصرف بذكاء كله تهوبز عندة وهسه يدهرنة ويشكها وشلون اسدها
طفرت ادموعي من خوف مد ايدة سحب كلنس ومده الي اخذته مسحت ادموعي-: مصطفى انت شنو شغلك
مصطفى:-شعليج
ليان-: شلون دخلت لمركزز قبل شوي جان هذا المحقق صاير كلش عليه وطني وهسه نخلس مااحجة
رد بعصبية:-شسوة الج
ليان:-ما سوة شي
ضرب الستيرن بعصبيـة رجعت ليورة بخوف
كـال-: ما اثني كلمتي فضيههه
حجيت برجفة:- ما سوة شي والله بس سالني عن موت المدير
مصطفى-: هين هين الا اطلعها من عيوونه
ليان:- شنو هو
مصطفى:-معليج
تعصبت وضجت منه:- شبيك مصطفى ليش تحجي ووياي اذا كلة شعليج
رد برود:- لان من صدك شعليج بابا هاي سوالف اكبار اكعدي راحة
درت وجهي على جامة وسالتـة بهدوؤء-: شلون مات المدير منو قتلة
مصطفى:- جلب ومات قابل كامت الدنيا
ليان:-رجال مات لا يجوز على ميت غير رحمة ليش تغلط عليه
لتفتت عليه وبنظرات ماعرفت افسرهة-: واحد كواد يشتغل بالمخدرات نتهتت مصلحتهم منه وصفوو
ما يستاهل لا رحمة ولا ز***
ولا يلزم لسانه شكد اكره الفاظة السوقية بس مااحجيت لو ما هو جانت بقيت يم هذا المحقق الزبالة صاير رجال عليه
ليان:-زين مصطفى ليش اخذوني
مصطفى:- مو هو هذا السكط على اخر نفس باالمستشفى ذكر اسمج واسم سلام
حطيت ايدي على حلكي :- عززااا مصطفئ
غمزلي وضحك-: كلب مصطفى
كلبت عيوني شكد ادبسززز هسه احنه بيا حال ويغمز-:شبيك مصطفى
مصطفى-: بيه انتي
ليان:- وشبية اني
مصطفى:- حاركة روحي حرگ
ليان:- شمسويتلك
مصطفى-: ليش شسوين اكثر
باوعلي وابتسم تك خد حجيت بجدية-:هو اني شمسوية اصلا
مصطفى:- ما مسوية
وكف كدام البيت اجيت انزل نتبهت هذا مو بيتنا بيت عموو أندريت عليه بستغراب
-: ليش ما وصلتني لبيتنا
لتفتت علية وحجة بجدية وهو يطفي سيارة
:- أبقي بسيارة شوي واجي
ليان-: مايصيررانزل
ابتسم واشر على البيت بضحكه:- ترا هذا بيت عمج بكيفج تنزلين لا
نزلت احس ريجي ناشف وعطشانه وجسمي يرجف اريد أغسل ماريد ارجع هيج لبيت متبهذلة
ولازم أتصل بابا هم اشوفه رجع لو لا دخلنا لصالة عمة مو هنا يم بيت خالهم ابو العروس
بس سلام اول ما شافني اجاني اتحمد الي بالسلامة
جان راح يحجي بس مصطفى
كاله تعال فوك نحجي شوي قبل لا اوصل ليان
همه راحوو واني دخلت لحمام غسلت وجهي
انوب رجعت اتصلت بابا كال بالليل اجي بقيت كاعدة فوك
نص ساعة وهمه ماكو اخر شي اجاني صوت مصطفى عصبي ويصيح وكفت بطرف درج
بس صوت ما واضح مااعرف شكوو
الفضول شد راية صعدت على طرف اصابيعي
وكفت نهاية درج بحيث اكدر اشوفهم
جان سلام بالكاع وخشمه يكد دم ومصطفى
كامشة من ياخة القميص حجة بثورة عارمة
-: لكككك غبي وتبقى غبي اليوم من وراك اخذو ليان تعرف شنو يعني ليان يعني بت عمك يعني عرضكككك يا سكطط
دفعة وكام وحجة بندم:-اعرف بس والله اني ماادري هيج نذالة توصل وياهم
ضربة على راسه بعصبية:- اي مو هي حلك بلسان لعب مكيف برتبتك وتهوبز مسلميك قضية اكبر منك
سلام:-والخلقك مو رجال وبلا شرف اذا ما حليت هل قضية مجاهد نهايته على ايدي
مصطفى طلع جكارته وشعلها كالـه وهو يشر بصبعه
-: انت مخ ماكو عندك بابة مجاهد مسنود الة ظهر قوي بالـدولة
“كمل بغضب”
-: جماعتك القبلك صفوهم انت لو مااني بظهرك
جاا هسه الحجية ترش ماي ورد عليك بالفتحة الثالثه
رد سلام بضحكة-: وكفوو منك جا الأخوو لمن يراد غير لأهاي الشدايد كمل معروفك وكلي مكان مجاهد وين
مصطفى ما جان عاجبة الكلام ابد رد بسخرية-: هذا شغلكم مو شغلي مجاهد وين
سلام:- زين تدري مجاهد هو خطف يارا
رد بنداهش:- منو كالك
سلام:-هو نفسه اتصل بيه وأنطاني عنوان تقاطع ورجعها
رجع سكتتت مبين عصبي بس يصنع البرود
-: المهم رجعها
سلام رفع تك حاجب-: راح تفوتها الـه وما سوي شي مو هسة خبصت نفسك عرضي وعرضي على ليان ترا يارا اختها هم
رجع عليه بغضب وعيونه تجدح-: لك كواددددد غير من وراء تهوبزز مالتك
سلام ضربة على جتفه وحجة برود:- ابقى احسن منك انت بلا شرف ولا غيرة وبايع ومخلص
ضحكك مصطفى وذاك يباوع بجمود-: اي صح بس عرضي خط احمر اقلها ما عرضت احد يخصني لأخطر من وراك كاعد يلزمونه من ايدنه التوجعنة
سلام :- ما يكدرون واذا ما لزمت مجاهد وخليته يعفن بالسجن اطلع ناقص غيرة ومااستاهل الرتبة شايلها على جتفي
عاد مصطفى مااقصر رجع عليه وضربة بوكس على بطنة وذاك وكع بالكاع ونوب يضحك حمس عليمن تضحك
مصطفى:-عود من تلزمة اكـتلة بالمكان نفسه اذا اخذته لسجن يطلع يتلبك ثاني يوم ماشي
هز راسه سلام وبعده بالكاع شلون اخوة مختلين
نزلت بسرعه رجعت كعدت مثل العاقلة
واني عقلي يودي ويجيب هذا منو مجاهد وليش خطف اختي
مصطفى شنو يشتغل وليش اكو خطر علينا القلق اخذ حيز بكلبي حتى معدتي وجعتني ورجلية بادن من خوف
:- نمشي لو تبقين يمي اليوم
رفعت راسي جان مصطفى مرتكي على درج وصافن عليه:- ها لا نمشي
طلع لسيارة ولحكتة جان يسوق بهدوء كسرت الصمت وحجيت
-: مصطفى
مصطفى :-كلـبي
ليان:- انت تشتغل بالحزاب
حكك ارنبة خشمه وابتسم
:- لا يولوو شهل خيسة
اخذت نفس وعيني عليه-: لعد انت مجرم
جان يطكها ضحكـة وصوت ضحكته ملة سياره
:- يعني لو هيج لو هيج
حطيت ايدي على خدي ودرت وجهي على جامة
-: لعد شكوو غير ذني سلام ضابط بس انت غامض مامعروف شنو تشتغل وبسهوله دخلت لمركزز وطلعتني يعني شنو شغلك
مصطفى:- وانتي شعليج بشغلي
ليان:- تمام براحتك معلية هم صدك
وصلنا لبيت اجيت انزل استوقفني صوته من كـال
:-لا طلعين هل فترة من البيت واتركي دوام بالمستشفى
ليان:-ليش
مصطفى:- احسن
ليان:- هو شنو الحسن إنت ما تقبل تحچي شي بس تتآمر
مصطفى:- اصبري كم يوم لبين ما أسويلچ نقل بمدينة طب
ليان:- يـا ليش مصطفى شبيك
مصطفى-: ما بيه شي هذا صح شكوو ادومين بمستشفيات اهليه داومي بمحكومي واسكتي
ليان:- ماراح تحجيلي شضام عليه
قرب وجهه من وجهي ببتتسامة لعوبة ابتعدت مرجعة ظهري على باب حجة برود-: من صيرين حبيبتي احجيلج
خزرتة وگلبت عيوني ليفوك رفعت عيني بعينه باوعلـي بنظرات حادة الحادة درت وجهي
ونزلت اجيت اسد الباب كال ببتسامه
-: بروح ابوج سيارتي اريدها وعزيزة على كلبي
صدك ضحكت هو كلما انزل اطلع حركتي بالباب سديته بهدوء وورفعت أيدي على الباب
:- هيج هاهيه
-: فدوة لتسمع الكلام
عفته ومشيت رجع صاح وراي
-: مو تكولين لبوج شي
استغربت انداريت عليه:- بس بابا لازم يعرف
مصطفى:-ما حاجة يعرف اني احل كلشي ابوج مريض هيج مشاكل تاثر عليه
هزيت راسي ضحك وشغل سيارتة و كـال
-: فدوة
بتسمت ودخلت لبيت هدوؤء ولا صوت حتى يارا ماكو ثول ولا كالت
اختي وين لا تصلت لا سالت
___________________________
همس يم أذاني اقشعر جسمي نسيت نفسي وفهيت بوجه ملامحة جذابة
بدون وعي تملت شكله الحلو بس عيونه باردة وقاسيه كلامة رجعني لواقع
-: عجبتج
جاوبته بحدة-: لاااا
شبل-: ههههههه اعترفي
يارا:- روح منا يلة
ابتعد خطوة وعيونه تمشي على طول جسمي ورجع يفتح دكم القميص
غمضت عيوني ورجعت ليورة تنشجت حيل وبلعت العافية هسه يجي أحد
وأنفضح همست بتوتر-: شدسوي شبل
:- نفسيه محتاجة بوسة من حلكج حتى تتعدل
يارا-: انت ليش ساقط وما تستحي اوف ايع
شبل:- فدوة لأيع وصاحبة الايع
يارا:- شكد ماصخ لخاطر محمد
رد بنفس نبرة وابتسامة خبيثة على وجه
– : وخاطر محمد مدمن على ريحتج
لويت حلكي بنزعاج تافتتت:- مو أني مخدرات
شبل-: لا يابة گرستال
يارا-: ايع ابو الحشيش
شبل-: شني طلي يول
يارا:-هسه طلي يزعل
استمر يفتح دكمة ورا ثانية واني گلبي صار ببصفحتي من خوف-: شـ..بـ..ل
نزع القميص واشر على صدرة ببتسامة باردة انتي هنا
ركزت جان واشم اسمي على صدرة ماأخفي شعوري
ب
داخلي جان مختلف ابتسمت من دون وعي
هو هم ابتسم واتقرب اكثر لامس خشمه خشمي صرت بحضنهگشيت جان عاري
باقي بس بنطلون همس وهو يعضني من حنجي
-: كولـي ريحيني
حجيت برجفة وانزلت راسي بخجل-: شكول
رد برود وهو يشم خصلات شعري بعثرني وطشر أحساسي:-كولي احبك شبل
فعلا أنـي أحبه هزيت راسي بي جانت هاي علامه كافية عصر خصري بقوة واقترب
رفعني غمضت عيوني بلا وعي باسني بطرف شفتي وسحبه من
طرف رخت ايدي حسيت نفسي حوكع
حضني وضحك
عضيت شفتي بخجل خررب شبيه انسة نفسي ويا
وخرت من حضنة وهو لبس قميصة
-: اروح
كسرت عيني مارفعتهـا بعينه احس نفسي خجلانه مشاعر الندم تنيب الضمير والغلط الخوف كله تجمع
براسي وبس اصير بحضنه انساها
-: الله وياك روح
شبل-: يعني ما ترديني ابقى
يارا:-لا
مرر ايدة على شعري-: اني احبج وداعت عيونج الاحبهن صادق وياج وادري تحبيني
اخذت نفس واحس دمعه شرعت بطرف عيني
-: بس جاي يصير بينا غلط
شبل:-ماكاعد اكدر امنع نفسي منج
يارا:-شبل
رد بحب:-ها يشلعان گلبي
:-احساسي فضيع دا اخون اهلي وياك
اقترب وحضني لصدرة حجة-: اعرف لا تضوجين راح اجي اخطبج هالفترة
يارا:- بس اني ماعرف شي عنك
شبل-: شتردين تعرفين
يارا:-يعني اهلك شغلك حياتك كلشي يخصك
شبل:-اي ميخالف احجيلج
بهل اثنا سمعت صوت سيار ركضت لشباك شفت سيارة مصطفى برا
نرعبت بلعت ريكي رجلية بادن يموتني مصطفى ويوصل الكلام لبابا يدفنوني يم أمي بنجف لتفت عليه
-: عفية شبلل روح اختي وابن عمي هنا
تقدم يريد يطلع من شباك رگضت لزمته من ايدة أبتسم تك خد خزرتة هي وكت بتسامات
-: وين يمعود لا يشوفك دنيا نهار قابل الليل
شبل:-ابقى اتعرف عليهم
سحبته من ايدة:- امشي اطلع من باب المطبخ الخلفي بسرعه
اول ما نزلنا انفتح الباب ودخلت ليان دفعته بسرعه رجعنا لغرفه بقيت اكمززز
:-عززززة شبلللل انفضحت وين اوديك هسه
هو جان يباوعلي برود ولا مهتم رد بجمود:- اهدي هسه واذا اجت نتعرف عليه
يارا:- نهجم بيتك هي مال تعرف بغرفتي
تعال ادخل لحمام وبين مااشغلها اشوي انت تتتطلع تمام هز راسه يضحك وفات جوة بالحمام قفلت الباب
اتنفس برهبه انفاسي مذعورة تحرگت كوة لمراية عدلت شعري واخذت نفس أهدي نبضات كلبي
المتضاربة وجهي بهت لونه
بلعت ريكي ليان بسرعه تشك ياربي
كون ما الكف فدوة بس هل مره
عديها الي بعد اتفل بخلقت شبل اذا
خليته يفوت غرفتي يمة شلون بيه
بعدني صغيرة ما اريد اموت
من ورة شبل العار اصلا
ما يستاهل أموت بسبه
بقيت أحوس بالغرفة وتوتر يقرة مليون أفكر بحل لورطة
__________________________
دليـار::
هو شافتي هيج واعتقد كل ذرة سيطرة وتعقل ما بقت براسة
رفع ايدة علية گبل خلت ادية على وجهي ورجعت ليورة : اسفة اسفة والله
ضرب الستيرن حيل بكل قوتة وفرغ عصبية بي عصرت نفسي ليورة لو ينفتح الباب گبل أوكع
تقلصت حيل و دموعي غسلت وجهي خفت من عصبيتة و تهوري بقيت على حالي صار هدوء
وخرت ايدي شوية اباوعلة يزفر بضوجة وعاصر ادي لحد ما صارن بيض شهگت بجيتي گوة مسيطرة
عاط حيل : صوووتت ما أسسمعلج
خليت ادية على حلكي اسدة اخذت نفس احاول اهدي نفسي رغم خوفي منة بس احساس بداخلي ابد ما رجف حسيت روحي انتصرت
اني هيج وحدة متهورة و عنودية واذا خليت شيء براسي اسوي اسوي لو اكبر واحد يوكف گدامي
البارحة گلت الة ارجعلة الكف الضربة الي و رجعتة لو يرجع زمن اعيد لسويتة
خلة ايدة على وجهة يزفر بضوجة و مسح عليه رجع باوعلي بنضرة قتلت كل شجاعة عدي و ابتسم بخبث
حرك سيارة ومشة سريع يجاوز السيارات و يدخل بشوارع اول مرة اشوفهة
حجيت برهبة: وين رايح ارجع
مجاهد: اششش كلمة ثانية ما راح يصير خير
صحت بخوف: دا اكووول ارجع
خزرني و كمل ولا كأن باوعت من الجام اريد مر بشوارع فارغة شوية شوية البيوت گامت تقل و واغلبها خراب
لو يموتني هسة محد راح يعرف گبل شلت جهازي اتصل بأسوة سحبة مني وشمرة ليورة
التفتت اخذة لزمني من خصري ونبت اصابعة حيل بي انيت من الألم وحاول ادفع ايدة خرمشت اصابعة
جان يسوق بيد وحدة و من حركتي ما يگدر يسيطر وكف سيارة جنت منحنية لجهتة قريبة منة
مديت ايدي لجنتطي طلعت سجينة وجرحت ايدة لعلة خصري بطول دفعني عنة
فتحت القفل بيدي ثانية و فتحت باب بسرعة وطلعت
ركضت ركض انطيت العنان لرجلية حسيت روحي راح اطير
ماعرف وين رجعت بالطريق لأجينة منة اغراضي و مبايلي وكلها هناك
بس اني اركض نگطع نفسي مشيت مسافة طويل بدون ما التفتت ابد ولا اشوف شيء غير طريق
رجلية بادن من تعب حسيت راح اوگع بس ما وكفت لحد ما نجريت من وسطي ليورة وهو واكف وراي
لحكني اتنفست بقوة و گوة اجر نفس صدي يصعد وينزل ودموعي غوشت عيوني كوة مركزة
دليار: ااا اهه عوفنـ….ي
صرخت حيل وانفاسي تلهث: حقييير وخرر عنييي مجاااهد
حضني بثنين اديه و قيدني خلة راسة يم رگبتي وهو يهمس بفحيح: عيونة لمجاهد تعرفين من ارجعج للسيارة شراح يصير
حاولت اوخرة واني اتحرك بكل جهات وحجيت راصة على سنوني: اي اعرف اخنگك وأموتك بيدي
مجاهد: لا برأيي ثنينة نعرف شنو راح يصير
دليار: وخررر مجاهد انتة جاوزت من بداية كبرت سالفة وهية زغيرة اني ما أذيتك ليش تسوي هيج
مجاهد: بس اني اريد أذيج
حجيت نفاذ صبر : لييش ياخييي والله جنت غبية و اعترف وتصافينة شنو البقة ليش تلحگني
حجة وكأن يسأل او ما يعرف: نذالـة ؟
رجعت راسي ليورة اريد اضربة رفع راسة صارت ضربة بصدرة عابتلة حايط مو رجال صرخت حيل اول مرة اصرخ بالهصوت : نسيت انتة عار يا عار عوفنييي
ضحك : حمستيني اريد اعرف تصرخين هيج من**””
بهتت ملامحي بصدمة من اللفاظة و الحجي الگاله و فلولت عصبية ضربتة برجلية من ورة احاول اتحرك
دليار: حباب عوفني فدوة بس گلي بيش أذيتك اذا على كف اسفة والله ماتكرر اضربني انتي مكانة يالله
مجاهد: برأيج نسويهة على كرسي السايق لو ورة اريح
رجفت اني وين احجي وهو وين رجعت حجيت بتوسل وصدري يصعد و ينزل من خوف: حباب بستر زينب عوفي فدوة والله ماشتكي عليك ولا اگول بس عوفني
حجة بعدم اهتمام من كل توسلاتي: ما گلتي وينننن؟
هاي هية بعد خلص صبري صدك صحت بكل قوتي: صخااام مجاهد عوفي لا والله اموتك وجععع حقييير سااافل عااار عوفنييي ياخييي ماعدك شغل وعمل الة دهر دليار
لزم فجي حيل ورفع راسي الة من ورة ركبتي نكسرت خرب اهلك صارت عيني بعينة رغم كل حجية الجان يجيني بهدوء وما شفت وجهة
بس عيونة حمر وعروكة ناطات معصب مفول اصلا واني هم معصبة كلش بس من باوعتلة طار كلشي بقى بس الخوف رجفن رجلية و بهتت ملامحي
فك ادي عني رخيت اجيت اوكع لفاني عليه وهو منبت اصابعة بفجي بدون ما يحجي دفعني حيل الة شوية طرت
وكعت على ظهري بمسافة عنة ضرب راسي بالگاع وادية تشخطن حيل صرخت عليه : اخخخخ سافل
مجاهد: السانج
باوعتلة بحقد و دموعي تارسة عيوني: بذمتك
ضحك واجة يمي گعد على رجلي گبالي جنت رفعة راسي من گاع خلة ايدة على گصتي ودفعني ضربت مرة ثانية بس على كيف
مجاهد: هنا دليار هنا مكانج ..شگد ما طولتي لسانج و لعبتي بغباء هنا مكانج ..كل ما راح تكومين توكفين وتحاولين تحديني
ضغط على راسي حيل ودنگ وحجة يجر بكلمة : مكانج يم رجلية
قهرني كلش نزلت دموعي گوة لازمة نفسي ما اتفل بوجهة رصيت على شفتي ماريد اغلط اني اعلمك والله اطلع كل ثانية مرت هنا من عيونك اني اعلمك بسيطة
با عتلة بحقد رجع حجة : راح اروح والخيار الج ترجعين وراي “غمز ” نسوي لبالي ونرجعج للبيت مثل الـكـ*** “
شال ايدة ويأشر على شارع جان فارغ : اوو انطـلقييي حبيبتي
گام مني ومشة صحت وراه بعصبية: اريد مبايلي شلون ارجع على اجنحة ملائكة
حجة بدون ما يلتفت: مشكلتج بس ترجعين تعرفين شيصير خطوة وراي ما تبقين بعد مثل ما انتي
صرخت بعلوا صوتي حتى تردد الصدى بالجو: عااار
ضحك حيل كذلك ومشة بعيد راجع لسيارتة كعدت بتعب مددت رجلية واني اسب بي
كمت نكتت روحي من تراب و عظامي يوجعني من طيحة رجلية كلش يأذني لان ركضت اخذت نفس جان شارع فارغ حرفياً
شارع ترابي ولا سيارة تمر سافل وين جابني هذا
ركضت واني اصيح احاول احفز روحي : مجاهد ابن ال**” انعل عشيرتك يا دبسزز ياعار
صرخت حيل اركض شوية شوية شفت بنايات و شكم واحد هيج يمشون وبيوت أغلبها هياكل لو خراب
حلو والله رحت بيهة هم زين مو عصرية لو ظهر جان دحت تقريباً هسة يجوز بالعشرة
لان بالتسعة طلعت من جامعة يجوز فوگ العشرة اكدر ارجع للجامعة بدون مشكلة
يالله نقطة هنا بس جهازي خرررب اهلك امداني ماخليتة بيدي
بديت امشي بشوارع شوية مرت سيارات حاولت اوكف بس ماكو طايرات بيد الله حمس
اشترت لشكم سيارة بدون ما انزل ايدي وكفت وحدة بيهة رجال شوية جبير
جانت تكسي بس مبينة قديمة طاگهة دهر اني ماعدي فلوس بس خل يوصلني وادفعلة مناك
فتح جام باوعلي بستغراب من فوك ليجوة اخذ سونار حجيت وحس بلعومي يابس: عموو تكدر تاخذي لجامعة بغداد
: ايي بس بعيدة منا
دليار: لعد وين احنة هسة
: على أطراف****
غمضت عيوني عليي وين ماخذني هذا شبسرعة وصل لهنا : اوفف تمام ميخالف تكدر توصلني بسرعة
رجع يباوع علية بنظرات مزعجة باوعت لنفسي ملابسي كلشي مابيهن بس تراب من وكعة على كيف
جسمي كلة متغطي رفعت ادية شعري هم ما طالع شبي يباوع هيج سألتة بستغراب: اكووو شيء
ركة ايدة وحجة بحنية: يا عميي شجايبج هنا مبينة خوش مبنية
اي كلش من نظراتك حسيت روحي گ*** ما رتاحيتلة
گلبي لعب اجيت اصعد بس تراجعت كافي علية مجاهد نوب يلحگني شايب
وخرت منة : بطلت تكدر تروح اسفة لان وگفتك
: تعااي عمي تعاي اصعدي اوصلج
دليار: لا بطلت الجو حلو هنا اريد اتمشى من رخصتك
شردت امشي سريع بقى واكف شوية نوب لوف سيارتة وبقة يمشي على ممشاي وصاح: تعاي ياعمي شگلنالج هسة اوصلج صعدي
ماحجيت بقة يمشي ويحجي هواي انتي بنية لاتبقين هنا منطقة خطرة ماكو سيارات تجي منا اووو شكد يلغي
بقيت اسرع بمشي لحد ما عت ايدي وخرت منة ورجعت ليورة : شسالفة عمو گتلك ماروح
حجة بنزعاج: واذا ما تررحين المن موكفة ناس
حجيت بدون هتمام ودرت عنة : اسفة وكفتك وذكرت ماشايلة فلوس
حجة من وراي : ميخالف دفعين
دليار: ماعدي فلوس
حجة بنبرة مدري شلون مو راحة وهو يجر بالحجي : مو الة فلوس تگاطعت دنية تعاي اوصلج ونتفاهم بعدين
گلبت عيوني ما انتظرت ثانية گبل ركضت تفاجأ مني بقى بمكانة درت وجهي واني زيطة ركضت بالشارع
مسافة طويلة كمت ماشوفة ارتكيت على حايط مال محل مدري شنو مفلش تقريباً كل مسافة يالله اكو بيت عامر الباقي كلة هياكل
كعدت واني اللهث رحت بية وعلي خليت ادية على وجهي بعد مامنهة تعبت حسيت بسيارة وكفت يمي
تنهدت بضوجة المن وكفتة خرب.. توني اريد اصيح اجة صوت العار مجاهد: صعدي
رفعت راسي الة اباوعلة بحقد: ماا
مجاهد: اصعدي ما سويلج شيء
دليار: كلش صدگتك
تأفف ودار وجهة شوية شمر سيجنة علية وكعت كدامي : هاج سلاحج العاوي وتعاي صعدي يالله اخرتيني
حجيت بضوجة : سلاحي العاوي شگ ايدك
مجاهد: لاتخلين سلاحي يشگ***
خزرتة : هاا وتريدني اصعد وياك
مجاهد: طبج مرض ضلي هنا
دليار: تقبل على نفسك تخلي بنية هنا لوحدهة
مجاهد: اي اقبل
كتلـة بكلبـي كبـر رجعت حجيت بهدوء
– : انطي مسدسك
باوعلي بنظرة” لا الله عليج” بقيت عيني بعينة اتوسلة بعيوني واني كلش منتهية من تعب حرفيا
شمر سلاحة كدامي : اخذي وصعدي بس ما اسمع صوتج ابد ساامعة
هزيت راسي بأي وخذتة وصعدت تنفست براحة لان رجع وكل تعب طلع من كعدت يا يابة متتت
لزمت سلاح حيل وحجيت بتردد : بس سؤال زغنون
صاح بضوجة: شكلتت اني
دليار: بس واحد زغنون
مجاهد: يا لسسانج المايسسكت شتردين
بلعت ريگ: شلون يسحبون اقسام مدري شنو يعني اذا ارايد اصوبك شلون اسويه
باوعلي بتعجب : نرجع خاف طيحتي عقلج وراج
باوعتلة بنظرة استعطاف: بالة سويتلي شيء شلون ادافع عن نفسي
مجاهد: لادافعين ماتحتاحين انتي بس مدي لسانج ياكل سنين عمري البقن
فلتت ضحكة مني خزرني سكتت بقيت اباوعلة بنفس نظرة
حجة بنزعاج: ما اسويلج شيء مالي خلق واريد اوصل وراي شغل
سكتت عنة ودرت وجهي غمضت عيوني بتعب بلعومي يابس و كوة اتنفس يوجعني رجلية انتهن ضغطت على سلاح بيد وذكرت مبايلي
التفتت ليورة بسرعة اخذتة فتحتة اتصالين من اسوة واحد من بابا و ٣ من سجى استغربت رجعت اتصلت بيهة اجس الوضع خاف متصل بابا لو اسوة بيهة
اجاني صوتهة بقلق: همزين اتصلتي وين انتي بالبيت
دليار: لا بالجامعة
سجى: دنجبي اختج خبصتني تگول مريضة وماكو كالت رايحتلج وماترد هسة كتلهة يمي
ضحكت بلهاث من تعب : عفية همزين عرفتج
سجى: هسة وينج شبي صوتج
دليار: بأرض الله سالفة طويل اكولهة بعدين المهم هسة أسوة وين
سجى: بجيبي اندري
دليار: تمام خل اشوفهة ولي وشسمة شكراً على الوكفة
سجى: بأي وقت
رجعت اتصلت بأسوة گبل غلطت: حمارة وينج فوتي گل محاظراتج تعاي وجع ميتة يم سجى منين اجتجن المحبة
شوف هاي اني جنت اتعارك وية الحياة وهية يم محاظرات انعل و شعل هسة
دليار: اي هسة اجي لايضل بالج جنت يمهة و حسيت روحي مو تمام بقيت كاعدة بكليتهة
أسوة: خوش خفت عليج بابا خابرني كتلة دايخة ماتگدر تحجي لان وصاني عليج خاف اكلة مدري وين ويرزلني
دليار: همزين تفكرين
أسوة: نجبي وتصلي عليه
سديتة منهة تنهدت بتعب اخذت نفس و عدلت صوتي وتصلت بابا بقة يسأل و نفس حجي لأسوة كتلة وسالفة منا سالفة منا اقتنع گال شوية واجي اخذجن
رفعت مبايلي ساعلة ب12 احنة نطلع بالوحدة هيج
يا يابة الة شوية رحت بيهة
اخذت نظرة لمجاهد يسوق وهو ساكت شكد كريه لخاطر محمد اذا من بداية راح ترجع المن سويت هيج ركضتني نص العراق
: شبيج تباوعين
حجيت بنزعاج: معجبة
مجاهد: تعلمي تلزمين لسانج لان يوديج بداهية صدك ولا تگعدين شياطيني ستري على روحج
دليار: تمام ..
سكتت خل انجب احسن ..رجعني لجامعة رحت للحمامات ملعوب بحالي لعب غسلت وعدلت نفسي
بطني توجعني من جوع گمت اتمايل تعبانة
اباوع شلون گاعد يسولف وية ممثل الدفعة بكل جدية يعقد حواجبة ساعة بستغراب ساعة بعدم رضى
الضوة يكعس على عيونة البنية التشبه لون شعرة .. صراحة انسان عادي بالنسبة للكل
بس الية اشوفة غير اربع و عشرين ساعة بمخي اسمة يخليني ابتسم برغم احاول اجنب هالشيء
: حگج والله فد شيء يخبل
التفتت على هبة فاگة حلگي ضحكت: شبيج غرتي عليه
أسوة: وجع گمزتيني
هبة: ما جنج وحدة گامزة
باوعتلهة بنص عين : اسكتي اخر محاظرة لاتخليني اطلع ضوجتي بيج
هبة: اوي ومنين ضايجة
أسوة: من روحي
هبة: حبيبتي عادي كلنة ننعجب بهواي اشخاص
أسوة: مو مادري خايفة ادخل بهيج خبصة
هبة: اهلج متشددين
أسوة: لا ابد بابا واثق بينة و مخلينة على راحتنة بس مو اكلج غلط و خاف من نفسي اني لا يمكن اقبل اكسر ثقة بابا حتى لو على حساب مشاعري
هبة: لعد شعدج انطي لنفسج مساحة شوية لا تبقن تضغطين هيج عادي واذا معجبة بدكتور يجوز فترة وتروح بس لان خايفة بقة عقلج محبوس بهاي المشاعر
أسوة: المهم هو اني ليش معجبة بي
ضحكت: تساليني شدراني
أسوة: خاب والله مدري شمالني
هبة: هههههه اسكتي الفاهية
شوية صاح د.هشام: ويـن دليار محمد
صارت صنتة كلهة باوعتلي بعلت شسوي أكوم هوة سأل عنها مو عني واني مادري بيهة وين اصلا
د.هشام: أسوة حذري اختج غياباتهة هواي من كل المواد و مستواهة ضعيف هذا اخر تنبيه لان نبهتهة مرتين
عزا العزاج دليار هسة تنفصل وهية تدخل من باب جامعة تبخر بعد ماشوفهة
أسوة: نعم دكتور اكوللهة
ندگ باب القاعة ودخلت دليار يمة دهر بنص محاظرة اجت مالت لجهة مكتب شافت دكتور گاعد حجت بورطة
دليار: اطــلع
د.هشام: لا تعاي
دخلت وكفت بمسافة عنة : ليش متأخرة
دليار: ها..مادري
ضحكوا طلاب وهية ولا كأن اني الج بسيطة والله فشلة يا يابة
د.هشام: دليار هاي جامعة مو لعب
دليار: اسفة دكتور اخر مرة
د.هشام: نشوف.. طلعي برة
غمضت عيونهة و متأكدة سبتة وطلعت بلعت ريگ من طاحت عينة علية جنت كلش مستحية من تصرفات دليار هاي فترة
ما يمر يوم اذا ما مترزلة او متأخرة لو درجاتهة لو تراسل بالقاعة يبووو ونظرات من نطلع علية لو ما هبة تبشر الجامعة بأسمي تخفف شوية من الاحراج
: خل اسوي لعليهة و بعدين نتفاهم على السعر
مجاهد: السعر مو مشكلة بس هو لازم روحة ما جاي نلزم عليه شيء
: ماتوقعت هذا الحجي منك شبح
مجاهد: عوف الاشباح على جهة استاذ كم يوم ونفذ لتريدة
: اريدك انتة تجهز عليه ما ثق بغيرك تدري
گلب عيونة بملل: دمار يتكفل بي هـ..
قاطعة بعجلة: لا لا الة دمار ماثق بي وشغلة بعجلة يصير ماريد تطلعلي سالفة تعطل الدفعة الأخيرة
مجاهد: ليش ما تثق بدمار ماعتقد سوة شيء
: ما ارتاحلة
مجاهد: مثل ماتريد
: واتعابك
مجاهد: انتة بس اسند ظهري من أحتاج كلش كافي
: ماتريد فلوس
مجاهد: لا ..الفلوس تروح و تجي السلطة ثابتة
: اريد انصحك كأبن ألي بالعراق الاوراق تمشي الفلوس و السلطة تغير لاتثق بيهم هواي انتة بنضرهم گلب يصيد بس
رص على اسنانة بنزعاج : وصل
: انتظرك
قطع الاتصال بدون ما يسمع رد اجة صوت من الشخص المتململ بصفة : ها رزالة ثانية
مجاهد: هذا سلمان خلالي علة
ثائر: يريد نسيبة لضحك عليه و شرد
مجاهد: اممم ماعرف وين ولة وتعال الحگة وجيبة الي
ثائر: عووفة يمعووود ما زهگت منة اني من يمي حقدت عليه
مجاهد: هواي يلح اريد اقتلة
: احمد
: لا يا صخام سلمان يلح هواي بس خل تمشي هاي الدفعة من جهتة و اخلص عليه صاير مزعج
ثائر: وجماعتة
مجاهد: يومين و يسكتون حالة حال البقية…عوفنة هسة مالگيت هذا الگ**** رجل امك
صاح بنزعاج و ظلم وجهة : گاعد وشلوني ليششش تخررب عليي بسييرتة
مجاهد: شعدكم وية الصياح انتم طبلة اذني راح تنزرف مو گاعد بصفك احجي بهدوء
ثائر: ماگدر اهدء من تجييب سيرتة
مجاهد: لاتتتصيح
شمر ثائر المخدة الابيدة عليه : ياهو لمسببلك عقدة من صياح
مجاهد: انتة اكو غيرك
غمزلة: ودليار
مجاهد: اسكت احس ورطت روحي وياهة عفية لسان بيكيسي ولا يسكت
ضحك ثائر عليه وغمز: بس خوش ورطة مو قطعـــة كيك
غمض عيونة بعدم اهتمام: مادري
رجع ثائر ليگدام بستغراب: عليك الله شعجب توقعتك اكلتهة من اول يوم
حجة بنزعاج وهوة يرفع ايدة المضمدة : هاي بس لزمت خصرهة وماحجيلك عن لسانهة يخرب مزاج اكبر واحد
من تصير وياهة ابدك بس كون تسكت تتخلى عن كل رغباتك بسبيل دليار تخلي لسانهة بلهاتهة
ضحك ثائر حيل وهو يرجع روحة على مكتبة بالغرفة الجانت ضاوية و فوضوية بسبب الالعاب و البعثرة
ثائر: ماتوقعتهة منك
: بـابا گـل لميس تعوف لعبتي
التفت عليهم بضحكة: ميس سكتي عن مياس وروحي لماما گليلهة تخلي الغدة يالله
ضربت اختهة حيل وركضت برة الغرفة بجت مياس بزعاج
صاح مجاهد: خااب سكتتت بناتك
كعد ثائر بنتة بحضنة: شبييك عود انتة عمهم من اموت اخليهن عدك وانتة دقيقة ماتحمل
مجاهد: ما تسكت عوزي ازعااج اني
ثائر: تشوفك باجر عگبة جهالك وراك
باوعلة مجاهد بنظرة غائمة على وجهة وگام : لاترسم هيج حياة اليسلب ما يحصل الاشياء لسلبهة من غيرة
ثائر: حتى فرعون تاب
مجاهد: اي لحد ما غرق
ثائر: اغرق
مجاهد: للأسف اني اعرف اسبح
ضحك قاطع عليهم دگة الباب ودخلت زوجة ثائر ببتسامة اختفت من طاحت عينهة على مجاهد
حجت بنزعاج ماحاولت تخفي: تعالوا تغدوا
انطاهة ثائر نظرة ما راضية على تصرفهة فات منهة مجاهد رجفت ورجعت ليورة
حجت بعصبية وتخفي صوتهة: گم مرة گتلك ماريدة يدخل لبيتنة هااا
ثائر: مودة اسكتي عيب لايسمعج
مودة: خلي يسمع اني اريدة يسمع اخوك ماطيقة ولا اريدة هنا
ثائر: انتي گلتي اخوي ماگدر ما اشوفة
مودة: مو مشكلتي شوفة بغير مكان بس لا يدخل بيتنة باوع ثائر رغم كلشي اني قبلت بيك انتة لان اعرفك نظيف ومالك علاقة بأهلك و مصايبهم
قبلت بيك انتة مو بأهلك رجاءا لاتخلينة ندخل بهيج مشاكل
تأفف بضوجة توة يريد يحجي طاحت عينة علة مجاهد الواگف بالباب والاكيد سمع كلشي رجفت مودة بخوف منة كالعادة
وتحركت ناحية ثائر لمر وهج احراج على وجهة بس عيون مجاهد و ملامحة الباردة خلتة يخف من توترة
مجاهد: سلاحي على مكتبك
دور بعيونة بكل مكان : لا ماكو
تأفف بضوجة ارتبكت مودة وحجت بقلق وهية تحرك: خـ..اف البنات ماخذاتة يمة مياس ميسسس
صاحت رايحة ناحيتهن قطاعهة مجاهد: لا نسيتة بمكان ثاني البنات يلعبن برة مابيهن شيء
بلعت ريجهة بتوتر لان وجهلهة الحديث ماتريد تصتدم بية بأي شكل من الاشكال
سلم على ثائر وطلع ورجع الدفو لبيتهم بعد ما جان بارد بوجودة
حتى لو يجي لنص ساعة او يمر تحس البيت يصير مثل المرجل يغلي مدري گلبهة ليغلي من القلق
ماتنكر هواي واكف مجاهد الهم هية و ثائر وخصوصاً هية كون ثائر دائماً يسافر ورة تجارته و شغلة
فمجاهد يمر بين فترات يشوف بنات اخو اذا محتاجات شيء بس المسافة كلش جبيرة بينهم وهيج أمن الهة ولبناتهة
كافي عليهة تحذيرات ثائر لاتجيبين اسمة لاتكولين عدي اخوي وهواي هواي أسرار
___________________نهـاية البارت
التاسع عشر من هنا
