رواية ليلي والذئب كامله وحصريه بقلم جمانه السعيدي
اني ليلى محاميه مواليد ٩٦
عائلتنا تتكون من ست بنات وامي وابوي
اني من عائله مستوره ولله الحمد
اني وكل خواتي خريجات بس ازغر وحده تدرس
كلية صيدله بعدها ما متخرجه
ابوي رجال بسيط بس مرزوق رب العالمين منطي على كد نيته
وأمي انسانه مثاليه تحجي بس بلخير
لا تدخل بااي احد ولا تحب المشاكل
قريبه من رب العالمين
ماعدها غير الدعاء اي واحد يضوجها
ماتحجي علي بس تدعي وبس
اختي الجبيره مدرسه متزوجه عدها اطفال ثنيين
زوجها موضف حياتهم حلوه متفاهمين
واختي الثانيه هم مدرسه متزوجه وعدها اطفال ثنيين
زوجها تاجر خير من الله
والثالثه معلمه جامعيه مزوجه صار خمس سنوات بس ماعدها اطفال
الرابعه خريجة إدارة واقتصاد مزوجه وعدها طفل واحد
واني رقم خمسه اني احب مهنة المحاما من جنت زغيره
حيل عاجبتني هاي المهنه
اهلي ماقبلو ادخل محاما بس اني صممت
اني مااشوف نفسي غير محاميه
وما تعجبني اي مهنة غير هاي المهنه
قبل سنتين اتخرجت
طلعت هوية محاميه وبديت اروح للمحكمه
بلبدايه اشتغل وياا استاذ مختار كان يدرسني بلجامعه
هو الي اتبناني بلعمل لان اني كنت من الاوئل
وهو اكثر واحد كان يعرف مستواي ويشجعني
صار سنتين اشتغل ويااا عرفت كل دهاليز القضايا
لان اني اشتغل بفكر وتركيز
وهاي السنه طلعت بمكتب وحدي
عندي شغل خير من الله الحد الان مااستلمت قضيه
اذا ماا أخذت حق موكلي
الحمد لله عندي سمعه ذهب
واتساهل وياا العالم بلاتعاب صار عندي زبائن
وشغلي خير من الله
جمانه السعيدي
الحد الان كلشي تمام
قصتي بدت من اليوم الي قررت اطلع اشتري من السوك كم حاجه
شوية ملابس على كم عطر وحذاء
تعرفون شغلنا يعتمد على الكشخه لازم اكون انيقه حتى المقابل يقتنع ويسلمني قضيته
وبعدين اشوف شغلي
الحمد لله اني على مستوى عالي من الجمال والترتيب
المهم طلعت للسوك يوم الجمعه
اشتريت ملابس وحذاء ودخلت على كوزمتك
حتى اشتري عطور ومرطبات
الكوزمتك معروف جدا وبضاعته اصليه ودائما زبائنه ناس راقيه
المهم دخلت
جاي اشوف العطور والشغلات الي احتاجها
اخذت كم شغله ورحت للولد صاحب الكوزمتك
حتى ياخذ حسابه
ولد شاب تقريبا بعمري شكله حلو ومرتب انيق
لبق مثقف عنده جاذبيه وكارزما مو معقوله
جان اكو ثنيين نسوان واكفات قبلي جاي يسئلنه
على مواد تجميل وشغلات
مره جبيره وبنيه شابه
اني وكفت وخليت الأشياء الي اختاريتها على الميز
ليلى…مكن تشوف الحساب
راسا التفت عليه هاي المره ااجبيره
….يااا ست ليلى شلونج شلون صحتج
( وحده من زبايني رفعتلها قضية ورث كسبتها اخذت حقها
اخوها كان رافض ينطيها حقها ويريدها تتنازل بدون مقابل كان يهددها بلقتل بس اني كدرت اوكفه عد حده واجيبها حقها )
ليلى…اهلا وسهلا
…عيوني هله بيج شلونج شلون صحتج
ليلى…الحمد لله تمام
….اني ادفع بمكانج
ليلى….لا عيوني شكرا
المهم اني انطيت الولد حساب الشغلات الي اخذتهن
وطلعت
الولد صاحب الكوزمتك اسمه ميمون سائلها عني لان شافها تسلم عليه بحراره وكلمه والثانيه وكالت ست
شكرا ست ابد ماانسى فضلج
ميمون….منو هاي ام نرجس
ام نرجس…هاي محاميه فد شاطره ومحترمه وحقانيه
وشكد شايله اخلاق ومرتبه
ميمون….تمام مبينه شاطره حتى مشيتها تختلف
ام نرجس….شكد اتساهلت ويانا
جمانه السعيدي
عرف ميمون اني محاميه وسمعتي سابقتني
ميمون…ممكن رقم تليفونها خاف احتاجها
ام نرجس…اي اني حافظه رقمها بلتليفون سجل يمك الرقم
ليلى….اني مااعرف شخصيتي عجبته
لو لان محاميه لو كلام ام نرجس عني حببه بيه
اني ابد مااخذت ابالي كلش عادي عندي ناس تشوفني بلشارع وتسلم عليه
المهم بعد يومين بلضبط اجاني اتصال
ليلى….تفضلو
ميمون….المحاميه ليلى
ليلى…اي تفضل
ميمون …عندي قضيه وأريدج تلزميها
ليلى…اي تفضل تعال للمكتب ونتفاهم
ميمون….اني مااكدر اجي للمكتب لان عندي شغل
بس الصبح فارغ وانتي بلمحكمه
ليلى…يعني ماعندك وقت نص ساعه
ميمون….على فكره اني اعرفج وانتي تعرفيني
اني صاحب كوزمتك سحر العطور الاوربيه قبل يومين اجيتي اخذتي مني كم شغله
ليلى…هااا اي اذكرت
ميمون…اني مااكدر اعوف شغلي العصر وبليل لان
يكون علينا لود
ليلى…خلاص الصبح
ميمون…مو بلمحكمه لان اريد احجي وياج براحتي وافهمج
ليلى…وين تحب
ميمون…اي مكان يعجبج
ليلى… اني ماعندي وقت هواي هي نص ساعه
ميمون..كلش كافيه
ليلى…تمام باجر شوف مكان مناسب
ميمون …راح ادزلج المكان برساله
ليلى…تمام انتظرك
جمانه السعيدي
ثاني يوم الساعه بلعشره دزلي العنوان
كافتريا قريب على الكوزمتك
طلعت من المحكمه الساعه عشره وكنت مستعجله
لان عندي مرافعه الساعه ١١
وصلت لكيته ينتظرني كاشخ والعطر تارس المكان مااعرف ليش يلمع كلشي بي يلمع
بشرته تخبل شعره مااعرف شنو نوع الكريم الي خاله
الصراحه شكله مبهر
ليلى…صباح الخير
ميمون…صباح الخيرات
ليلى…ممكن تستعجل لان عندي مرافعه الساعه ١١
ميمون…سغلتج متعبه تركضين هيج وترجعين هيج
ليلى.. اكثر ما تتوقع
ميمون…الله يساعدج
ليلى…ممكن تدخل بلموضوع كبل
ميمون…بس نطلب شي جاي لو كهوه
ليلى….كهوه ساده
ميمون….دقيقه
ااشر للولد واحد كهوه وواحد جاي
ليلى…تفضل احجي اسمعك
ميمون…بختصار اني عندي عم واحد بعد وفاة جدي
عمي صمم ياخذ البيت يكول جدي كتبله تنازل عنه
وهذا الحجي موصحيح
لان جدي بااخير فتره تمرض وابوي وامي اكثر ثنيين
اعتنو بي وكان عايش بيتنا
الي هو بيت جدي اصلا بعد وفاة جدي
عمي كال اطلعو برا البيت بيتي
وعنده أوراق التنازل
واحنا متأكدين هو مزور الاوراق وهذا الحجي مو صحيح
ليلى….ممكن اجيبلي طابو البيت والأوراق الي عمك
ضهرهن حتى يطالب بلبيت
ميمون…يعني ممكن تعرفين اذا كان الورق مزور
ليلى…اكو لجنه مختصه بهذا الموضوع
تكدر تكشف التزوير
بعدين مستحيل جدك يكتب تنازل
لازم يكون كدام موضف من
دائرة العقاري ويكون اكو شهود ثنيين
بما انوانت تكول جدك كان بيتكم
وماصار هذا الشي ممكن نكشف التزوير
ويرجع الحق الاهله
ميمون….ولله تستاهلين اي مبلغ تطلبي اذا طلعتي حقنا
من عمي
ليلى…شكد صار جدك متوفي
ميمون…شهرين وكل يوم عمي جاي مهددنا اطلعون من البيت البيت بيتي
ليلى…اريد الاوراق الي راح اكولك عليهن
وإنشاء الله يرجع الحق الاصحابه
ميمون…شكرا جزيلا
ليلى…شربت الكهوه ورجعت للمحكمه
ثاني يوم جابلي كل الاوراق واجا للمحكمه
كنت محتاجه كم شغله يعني استنساخات
وهويته وهوية ابو استنساخ
واخذته للعرضجي حتى يكتب الشكوى
ولهنا هو طلع من المحكمه واني بلشت اشتغل على هاي القضيه
انتظرونا قصه شيقه
