رواية في كفة راجحه الفصل السادس 6 بقلم برنسيس بلقيس
البارت السادس
في الطريق الي أحد المولات التجاريه كان مراد يقود سيارته وتجلس ساره بجواره
ساره :معلش يا مراد مقدرتش أخرج معاك امبارح عطلتك
مراد :ولا يهمك انا فاضيليك اليومين دول بتعلمات من والدك
ساره بحزن:تعرف أن احنا بقالنا كتير ماخرجناش مع بعض من ساعه ماشتغلت مع بابا
ثم ا ردفت قائله هو انت ليك صديق قريب منك يا مراد
مراد وهو يركز في القياده :اه ليه عصام صاحبي الوحيد اللي لسه معايا وشبهي فكل حاجه
ساره بحزن وهي تتمتم:شبهك ياخساره
تابعت ساره الحديث مستغله انفرادها به قائله :
مراد انت مبسوط في حياتك يعني لما بتيجي تنام بتحس أن ربنا راضي عنك
أوقف سيارته فجأه وقال ايه لازمه الاسئله دى كلها ممكن اعرف
ساره بارتباك:ابدا يا مراد انت أخويا الكبير وكنت بدردش معاك
ثم سمعت ساره أذان الظهر وكان يوم جمعه فقالت
ياه يا مراد سبحان اله احنا وقفنا جنب جامع كان زمنا دلوقتي بندور علي مسجد عشان نصلي الجمعه يلا ولما أخرج هستناك هنا
مراد ببلاهه:يلا فين
ساره :يلا نصلي الجمعه ثم أخذت حقيبتها واستعدت للاتجاه نحو المسجد ولم تعطيه فرصه للاعتراض
مراد بحزن وهو يتجه نحو المسجد بخطوات ثقيلة :وهو اللي زيه ربنا هيقبله
في المطار
اتجه حازم نحو إياد قائلا بصياح مفاجئ :إياد
انتفض إياد قائلا :ايه يا بني آدم ده انا قطعت الخلف براحه
فضحك حازم وقال:لا اوعي تقطع الخلف انت لازم فصيلتك ما تنقرضش لازم تتكاثر عشان تحسن النسل المصري
اياد:خفيف أوي كنت عايز ايه
حازم وهو ينظر اليه بنصف عين يعني مش عارف ثم أردف بتوسل :ايه يا عم الأخبار انا حاسس أنكو نسيتوا اني اتقدمت
اياد وهو بتصنع الحزن:والله يا حازم انت صاحبي وكنت أتمنى تبقي جوز أختي
فاقطعه حازم اوعى تقولي أنها رفضت طب خليها تقعد معايا الاول انا هستنه رأيها كمان يومين ماشى
اياد:والله يا حازم هي قالتلي خلاص ثم سكت واكمل بابتسامه خلاص هترد عليا بليل
حازم:يعني مارفضتش
اياد بمرح:لأ
هم حازم بضربه وهو يقول روح ياشيخ
ولكن نظر له اياد بنظره تحذريه فاردف وهو يضع يده جانبا :وتعالي بسرعه وقولي انها موافقه
في المسجد أحس مراد أن كل كلمه هو المقصود بها فقد كانت الخطبه تتكلم عن التوبه
أحس مراد بارتجاف قلبه والفه وراحه لم يشعر بهما في اي مكان
بعد الصلاه خرج وجد ساره في انتظاره وركبا السياره فقالت ساره
تعرف يا مراد أن ربنا بيحبك أوي
نظر لها في دهشة :بيجبني انا
فقالت:طبعا عشان اختارك من وسط ناس كتير عشان تسمع خطبه النهارده كانت مؤثره اوى
فنظر إليها طويلا ثم قال:انت طيبه أوي ياساره
ساره:وانت كمان يا مراد
نظر لها بحزن قائلا :مش بقولك طيبه
ساره بحنان:متخافش ربنا دايما مع الطيب وما بيضيعهوش ابدا
في المساء في فيلا إياد الحسيني
اياد وهو يجلس علي الاريكه بجوار والدته:
لولو
يالولو
جاءت ولاء مسرعه:عيون لولو نعم يااياد
إياد :مالك ياختي كفي الله الشر
ولاء :كده بردوا يااياد ده انت أخويا وانت ف قاطعها اياد قائلا
روحي اعمليلي كوبايه نسكافيه واختصري
ولاء:من عونيا الجوز يالوز وانصرفت
فضحكت والدته وقال اياد بتعجب :يالوز؟هي مالها ديه
صفاء :أصلها فرحانه عشان هتقولك بموفقتها علي حازم
في فيلا حسين المليجي
عادت ساره ومراد بعد يوم طويل
وفي غرفتها كانت تتحدث مع مني في الهاتف
ساره بضيق:اعمل ايه يا مني كل شويه زفت وليد يرن اضطريت أرد عليه
وقعد يقولي اسمك بحبه و هواياتك ايه وعامله ايه تحسي حافظ مش فاهم
فضحكت مني معلش يابينتي استحملي هانت
ساره بفرحه:بس عارفه مراد ده طلع طيب والله حاسيت انه عايز بس اللي ياخد بايده
