رواية علي اكتاف النساء الفصل الخامس 5 بقلم ناديه علي
﷽
على أكتاف النساء
البارت الخامس
لـ ناديه علي
ـــــــــــــــــــــــــــــــ
نورس
::- كعدت الصبح بالأربـعه صليـت وعـندي امتحان
أحـياء ضليت ادرس لحد السـاعه بالسبـعه گمـت بدلـت وصـاح علي
ـ نورس كمـلتي؟ يلا انـروح عندي شغل
نورس:- اي اتريد ريـوگ؟
علي:- لا اني أكل برا انـتِ تريدين؟
نورس:- لا اصلاً ماشتهي لعد امشي خل انروح
علي:- ممنوع شنــــو ماتشتهيـن شلون تركزيـن نـازل أحطلچ توسـت وجبن عالأقـل
ـ مااشتهي والله علي خلـينه انروح
ـ لا ماتروحين بـدون أكل
::- نزل يسـويلـي ريوگ وحطه اليه نزلـت وأخذ جنطـتي منـي وگال
ـ راح احطهـه بالسياره اكلي زيـــــن
::- أكلـت شويه واجتي عمتي
ـ بس هذا الأسبوع أداومين
ـ عفواً؟
ـ شني ماتسمعين؟ بس هذا الأسبوع أداومين
ـ شجاي تحچين شنو بس هذا الأسبوع أداوم؟
ـ البيت يحتاج تنضيف وشغل وعدج رجلج
لازم تخدمينه جايبينچ نخدمج لو تخدمينه؟
ـ والله ياعمتي أم علي أني أخدم نفسي ورجلي
وبس ماجايتكم خدامة سمعتي لولا؟ ودراستي
ماأتركها لو تنطبگ السماء عالگاع
عفتهه وطلعت لگيت علي ينضف بالجامات صعدت گال
ـ درستي زين موو؟!
ـ اي الحمدلله … علي أريد أگلك شيء
ـ اي گولي؟
ـ علي أمك تگلي بس هذا الأسبوع أداومين
صدگ تبطلني؟
ـ لاتهتمين لهذا الحچي سمعي منا
وطنشي منا أمي مره جبيره تحمليها شويه
تمام …علي صدک صليـــــت؟!
ـ اي صليت الحـمدلله
ـ علي ليش منروح للزياره اليوم العـصر حبـاب؟
ـ ادللي اذا ماعـندي شغل انروح ليش لا
ـ اگول علي أبوك وين شـو ماشفـته ابد؟
ـ ابوي مشلــــول بالغرفه ابد مايطـلع
ـ شلون صار مـشلول ؟ اله علاج؟
ـ طلقه تايهه صابـت رجله وانشـل
ـ اف خطيه والله على طاري الشلل
اسمع هالـقصه
ـ قصة__قصيرة
قدر ما تمتلك
كان هذا الرجل يتمتع بالثراء ولكن ابنه الوحيد كان مدلل لا يقدر قيمة ما يمتلك وهنا قرر ابيه أن يريه حياة الفقراء حتى يقدر ما يمتلكه وما يعيش فيه، وبالفعل أخذ ابنه وعاش في مزرعة لأناس فقراء وبعد انتهاء المدة سأله الأب ابنه ما رأيك؟، في البداية شكر الابن اباه، فسأله الاب لما؟، فقال يا ابي لقد عرفت كم نحن فقراء بعد معيشتي بينهم فقد رأيت هم يمتلكون جدول بينما نمتلك بركة في الحديقة، هم يملكون ارض على مد البصر بينما نحن نمتلك حديقة حدودها السور، هم يأكلون ما يزرعون ونحن نأكل ما نشتري، هم يعملون ويتعاونون للحصول على مستوى مناسب بينما نحن نمتلك الخدم، هم يمتلكون أصدقاء وجيران يحتمون بهم بينما نحن نمتلك أسوار وجدران عالية تحمينا، فحقًا شكرًا أن عرفتني كم نحن فقراء وهذا ما ادهش الاب.
علي::- اتموتن على القصص
ـ اي والله شنسوي نخلص وقت
ـ انتو جماعه الملاكمه والجيـم وهاي السوالف مو؟
ـ اي وأنتن جماعه القصص والروايـات والكتـب … شوفي نورس هوَ اكو ولد يقرون كتب بس انتـن تتفاجئن اذا شفتن ولد يقرء قصه
ـ اي مو شسمه نگول ماالكم خلگ تكملون
الروايه بعركاتـهه وبسوالفـهه
ـ ههههههه يابه من تفكيراتچن إني مره قريت
روايه من اول ورقة شمرت الكتاب
نورس ::- وصلـت للـدوام علـي انطاني مصرف وراح دخلت للصف هستوني گعدت برحلتـي واسمع طالبه اخلاقـهه زفت تگول
ـ أگول نورس گالو أختچ وئـــام اتزوجـت غصـب؟
ـ لاحبيبتـي منو گلچ هالكلام كذب بكذب كُلنـه اتزوجـنه بأرادتنه أگول سمـاره انتِ منو کلچ؟
سماره::- حبيـب أختچ
::- هيَ گالـت هيچ واني متت من الحرگه
ضربتهـه راجـدي فريت وجهـه فـر وگتلهـه
::- قسماً عضمـاً اذا جبتي طاري أختي على لسـانچ الزفررررر أفنيچ اموتچ اخنگچ امحيچ من الوجـود طايحـه الحظ
:- رجعت ضربتني راجـدي وتمالخنـه اني وياهه وأحذونه للأداره سولفتلهم واني احلف وهيَ
تحلف خابرو اهلـها وخابروا على زوجي علي
شويه اجه سولفتلهم السالفه وصديقاتي شهدن ويايه علي گال منتضرچ أمتحني أحياء وتعاي أطلعـچ
::- رجعت للصـف وهيَ فصلوهه أسبوع تلگتني صديقتي منتهى وهيه تگول
ـ اهدي نورس ولت هاي الحقيــــــره
ـ شهدأ دخيلچ شهدأ اختييي هاي ياناس ياعالم اختي ماتقرب من زعطوط عمره عشـر سنـوات جايه هاي تحچي على اختي حتى اختي عـرف ماتعـرفها
منتهى::- هيَ هاي الناس تركض للگاعد ومامسوي غير الخيــر بحـياته هانت نورس هانـت فصلوهه الفگر
::- أمتحنت احياء حتى ماعرفت شلون أحل واني العصبيه صاعده لراسي طلعت وصعـدت بالسـياره وشويه اجه علـي ورايـه صعـد بالسـياره وگال
::- عاشت ايدچ كل الحق وياچ واني ماألومچ على أي شيء اهدئي نوروسه ميخالف هيَ هاي اخلاقها تعكس تربيتـها وادل على انو مامتربايه بشكل صح
::- هدئني علـي بكلـماته والحمـد الله وگف وياي وابد ماوكف ضدي اني نورس يحچون على اخواتي وأسكت مستحيل وئـام ودق سـاره نورهـان هذني روحـي ومسـتحيل واحد يعيش بدون روحه
رجعـت للبيت ولگيت الأمه مگلوبه كمـت كنست وعزلت ونضفت ورتبـت اففف جزع ياربي خلـصت وسويت غدء ورحت اقرء قرأن صايـره ماأقره هواي مدالحک كملت وصوت عمتي لهناء
ام علي:- وينج نورس تعاي اغسلي الفرشـات
نورس:- عمه تعبانه عوفيهن لباجر
ام علي:- حقج بطلي عن المدرسه وكعدي اشتغلي محد لازمج حقج اتعبين مدرسه ودراسه وشغل البيت هاملته
نورس:- كلشي ولا المدرسه اموت وماأعوف المدرسه
ام علي:- بنات اخر وكت
نورس::- رحت خابرت علي
هاا علي نروح لولا؟
علي::- اي انروح روحي گلي لأمي خلتحضر روحها
نورس:- اي يلا باي يبو هم هاي اتروح يلا
ميخالف نورس اتحمليها حرام عليج تبقه مره جبيـره رحت گتلها عمه يگول علي خل تحضر
روحها العصر انروح نزور
ام علي:- اي ماشي
::- للعصر اجه علي ورحنه للزياره يالله شگد مشتاقه ارجع للنجف وازور ابو الحسن علي
افف يا محافظتي افف
آما عمتي احقر خلق الله كلهم گدام علي وكُل شويه گالت چاا نورس كلشي ماسوت بس اني اشتغل علي اني امك تعبانه واني مااريد اخربكم واذا هاي اني اشتغل بس اني حاسبتها
بتي وامون عليها
::- بويه من يمي صدگت التمثيليه….
ــــــــــــــــــــــــــــــــــــ
ودق
قريتلهه القصه بطريقه تضحك وهيه تضحك وتطبخ
نضحك ممنتبهين وتبدء الزيت على أيد وديان شاغت روحها وصرخت بكُل حيلها
:- أجتي عمتي أم كرم تركض شكو شكو؟
وديان:- أخخخ يمه الحگولييييييي
ـ راحت عمتي جابت معجون اسنان تريد تخلي
الها اني سحبت المعجون وشمرته
ـ عمه ميصيررر المعجون تخلي على أيدها
أخذت ايدهه وخليتها جوه المي ولفيتها بشاش
أخذت وديان للغرفة
وديان:- اخ ياودق يُمة شنوووو هاي اموت
لعد نار جهنم شلون؟
ودق:- أن شاء الله تصير زينه بس اول بدايه
تحرگچ يروحي نامي بلكي يخف الألم
ثاني يوم
::- اف ياربي والله ضوجه شسوي گاعـده من الصـبح وضوجه بشكل مو طـبيعي خـــــل اروح لغرفـه وديـان بس نايمـه هـاي خل أكـوم اسـوي شغلي احسلي
::- كمـت نضفت وغسلت الملابـس وترست المـبرده مي ورجعـت لگيت كرم ديقـرء بأوراق
ـ كرم شدسـوي؟ شنو هاي الأوراق
كرم:- جاي ادرس قضـيه لموكلـي بريئ بس ديتـهمونه انو هوَ قاتـــــل
ودق::- ياا والله حـرام عليهم ميخـافون الله كرم زين انت هم تتـعرض لرشـوه؟
كرم:- اكيد بس بحـياتي ماوافقت
ودق:- أي والله عذاب القبر يُمـه يموت خـوف الله شگد رحــــــيم بالدنـــيا بس بالآخره تنتهي الرحمه ويبدي العذاب
كرم:- الله يجيرنا ان شاء الله
ودق:- آمين يارب
حسن الظن بالله
*هذه الأيام صعبة على عامة الناس وبالتالي قد تتغير نفسيات كثير من الرجال بسبب صعوبة المعيشة، خصوصًا المسؤولين عن بيت وأسرة ولديهم التزامات مادية أو أقساط…*
*- فالالتزامات زادت أو تضاعفت، والأسعار زادت أو تضاعفت، والرواتب قلت وقلت قيمتها بصورة لا تخفى على أحد…
ومن الملاحظ فعلا أن بعض الرجال بدأت نفسياتهم تتغير إلى الأسوأ…
*وهناك نصيحتان، الأولى للرجل:*
لا تحزن ولا تبتئس، ولا تجعل ما يحدث حولك يؤثر على نفسيتك بشكل سلبي، واعلم أن رزق المال وإن قلَّ، فإن هناك أرزاقًا أخرى كثيرة قد أحاطك الله بها فلا تغفل عنها طرفة عين، واعلم أن الحزن لا يغير شيئا، فكن في كامل طاقتك كي تستطيع مواصلة السير، وخذ بالأسباب واعلم أنَّ الله يدبر أمر السماوات والأرض، ولن ينساك جلَّ في علاه، فهو الذي خلقك وتكفل برزقك.
إحسان الظن بالله من أهم عبادات الوقت الذي نعيشه الآن، فأحسن الظن بالله، وطمئن أهلك، وعدهم خيرًا..
*والثانية نصيحة للزوجة:*
إن ما يمرُّ به الرجالُ هذه الأيام ليس سهلًا، والمرأة الصالحة هي التي تدعم زوجها وبيتها وأسرتها بكل ما آتاها الله من قوة، ولا أقل من أن تُشعر زوجها بالاطمئنان، وتخبره بلسان الحال والمقال أنها راضية شاكرة له جهده وما يفعله لأجل بيته وأسرته ما لم يُقصِّر، ولا أقل من كلمة طيبة تغسل بها همومه ومخاوفه الطبيعية وتبدل ذلك بقوة وثقة في الله تعالى، ولنا في أم المؤمنين خديجة -رضي الله عنها- أسوة حسنة…
– طمأنت قلب النبي -صلى الله عليه وسلم- في أشد وأصعب وأحلك لحظات الخوف عندما كان فؤاده الشريف يرتجف فزعًا.
*المرأة الصالحة أقوى أسلحة زوجها في لحظات الخطر.
*ﷺ اللهم صلِ على محمد وال محمد
حتي تكون أسعد الناس أدع لوالديك وللمسلمين…*
*ومن دعا لوالديه دبر كل صلاة فقد شكر لهما …*
*بر الوالدين توفيق في أمور الدنيا ..وفوز كبير في الآخرة*
*هيا نردد الدعاء لهما :*
*َ {رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَىٰ وَالِدَيَّ وَأَنْ أَعْمَلَ صَالِحًا تَرْضَاهُ وَأَصْلِحْ لِي فِي ذُرِّيَّتِي إِنِّي تُبْتُ إِلَيْكَ وَإِنِّي مِنَ الْمُسْلِمِينَ }*
*{رَّبِّ ارْحَمْهُمَا كَمَا رَبَّيَانِي صَغِيرًا}*
*{رَبِّ اغْفِرْ لِي وَلِوَالِدَيَّ وَلِمَنْ دَخَلَ بَيْتِيَ مُؤْمِنًا وَلِلْمُؤْمِنِينَ وَالْمُؤْمِنَاتِ }*
ـ الله الله والنعم بلله ودق شنو هاي تجنن؟
ـ وئام هاي اطلع الميت من گبره هيـه دزتها الي
ـ زين والله تعرفيـن لو العالم يتوحد ماكو فـقير يبقه بالمجتمـع
ـ اي والله ياكـرم اعـرف بس اكو أبو فلـيس مينطي الربـــع حـتلو عنده اني گلـت هيج وهذا خـرب من الضـحك
ـ شكو شبيك؟
ـ ههههههه حلوه هاي مال ابو فليـس
ـ لعد صدگ قابل كذب؟
ـ لايابه صدگ
ـ كروم انتَ زين بوكت صارو قليل زينين بالحياة ومتديـن بوكت ماكـو قليل تلگه متدينين بالحياة زمنه ديرجع ليورا بيـنما اكو الي يطور نفسه
كرم::- بيـنما هم يلهون غيـرهم حظى بنضره من صاحب الزمان عجل الله تعالى فرجه الشريف
ـ صح لسانك والله
نزلت گعدت …وديان يلا اتأخرنه گومي
گوا گامت
:- گمنه عزلنه البيت ونضفنه ورحنه ندرس
ولج وديان انتِ ليش حلوه؟!
وديان:- هههههه لتصبغين زايد
ودق:- ياا والله اجننين وداعت سيـــــد فاقد شبيچ گومي گومي جيبيلي عصير انتِ مو مال واحد يگُلچ هيـچ
وديان:- احنه ما انحير غير بس بكرشچ
ودق:- وسم يلا وتعاي اكُلج شيء
وديان::- تمام
راحت جابتلي وأجت….. يلا أحچي ولچ؟
ودق::- وديان انتي ليش اتصـــــــلين بس الضهر وبليل ميصير صـلاة الفجر اتضيعيهه اسمعي
كَم مُحرّم مرَّ عليك، و لا زالت مُشكلتك مع صلاة الفَجر لم تُحَل؟. أتعرف ماذا تعني دروس عاشوراء؟، تعني تضحية، فلا تغفوا هذه المرّة، ضحّي بِلذّة النوم، و لأجل الحُسين قُم.
-هالة الجبوري
وديان::- منيلچ هاي المقاله؟
ودق::- ولج اني وخواتي دائما نقرء وحده ادز للثانيه من التلگرام
وديان:- ولج والله شكد احاول التزم بصلاة
الفجر بس ما أگعد ابقه نايمه
:- باعي نامي بـ11 ونص دائمًا واقري سوره الأخلاص 3 مرات وايه الكرسي وسبحي تسبيح الزهراء واقري اخر ايه من سوره الكهف
قُلَ أّنِمًأّ أّنِأّ بًشُـر مًثًـلَکْمً يِّوٌحًى أّلَى أّنِمًأّ أّلهّـکْمً أّلَهّ وٌأّحًدٍ فُـمًنِ کْأّنِ يِّرجّـوٌ لَقُأّء ربًهّ فُـلَيِّعٌمًلَ عٌمًلَأّ صّـأّلَحًأّ وٌلَأّ يِّشُـرك بًعٌبًأّدٍهّ ربًهّ أّحًدٍا
وديان:- والله معلوماتـچ اتجننن حـ أطبق عسى ولعل اكعد لصلاة الفجر
ودق:- وداعت سيد فاقد
اذا التزمتي راح تتعودين
ـ منو هذا سيد فاقد
ههههه هاي اني كلما احلف اكول وداعت سيد فاقد وئام اختي دگول وداعت محمد الحلفي ونورس وداعت مسلم الوائلي ونورهان وداعت عمار الكناني وساره وداعت علي الدلفي
وديان::- حلووووو متونسات انتن
ودق:- ياونسه همزين عندي هنه لو مو هنه
اني ضايعة
ــــــــــــــــــــــــــــ
نورهان
::- خابرت وئـام وحچيتلها كلشي بسالفه سند تعودنه ماانضم على بعضنه شيء وماشاء الله على وئـام رزلـتني مو دلع او هاي السوالف لأن احنه كلنه ماعدنه سالفه الدلع بس شغلة خوف شغـلة زمن مايتأمن بي شغلـة الحياء مختـفي عن بعض الناس قاطع أفكاري دخول مهيمن صحت
ـ مُهيمن
مُهيمن::- هاا نورهانه؟ بيچ شيء شو وجهچ اصفر؟
نورهان::- اريد اكُلك شـيء بس ماأريد تعـصب ابـد وتسوي مـشكله من لا شيء هوَ شـيء ميسوى بس ماأريد اضـم عليك شيء في سبـيل الثقه تبقى عاليه ابيناتنه
::- أول ماگتله هيچ سحب الكرسي وجرني من أيدي گعدني عالچربايه وگعد گدامي على
الكرسـي وگال
:ـ أحچي نورهانه لتخـافين اني بضهرچ حُبا بالأمام الرضا عليه السلام لتضمين عليـه ازغـر شيء دامني بضهرچ لتخافين
نورهان::- باوع اني بحياتي مااريد اضم عليك شيء ابد لذالك راح احچيلك القصه ومابيه ابن عمك سند………………….. حچيتله كلشي
:- معقوللل؟ سنددد؟ سندد ابن عمي؟
ـ ممصدگني؟
ـ لا مو قصة ممصدگچ بس والله متفاجئ
::- اني ماأگدر ابقه ساكته وهوَ غريب عني
ويسمعني هيچ كلمات اصلاً محلوه أخاف
انتَ تكون مو بالبيت ويتمادى
مهيمن::- شوفي نورهان المشكله ماأكدر اطلعه من البيت فشله من عمي بس اني الـه اربي وداعتچ انتِ لاتتواجـدين بمكان بي هـوَ أبد
اختفي واقفلي غرفتج
نورهان::- اكيد مهيمن
مهيمن::- بعد روحي انتِ
نورهان::- بما أنُ گاعدين؟ مهيمن من هوَ علي عليه السلام؟
مهيمن::- علي ابن ابي طالب عليه السلام اكو واحد ميعرفه
نورهان::- مهيمن أسمع
من هوَ عليًا ؟
هوَ عليُ بن ابي طالب
هوَ أميرُ المؤمنين
هوَ وليُ الله
هوَ قالع باب خيبر
هوَ ابو الايتام
هوَ ابو الحسن
هوَ أسدُ الله
هوَ قاتل الجن
هوَ مُحارب الشر
هوَ الساقي على الكوثر
هوَ الضارب ، هوَ الطاعن
هوَ حبيب رسول الله
هوَ باب مدينة العلم
هوَ اول امام في الاسلام
هوَ الذي اعلم الناس بعد النبي
هوَ الذي استشهدَ في الصلاة
هوَ الذي ساند الرسول
هوَ الذي استشهد في رمضان
هوَ زوج فاطمة الزهراء
هوَ اول من آمن بالرسول
هوَ اول من صلى مع الرسول
هوَ اول مجاهد في سبيل الله
هوَ اول خليفة هاشمي
هوَ اول قاضً في الاسلام
هوَ اول من حمل راية الاسلام
هوَ اول تلميذ لرسول الله
هوَ اول من جمع القران
هوَ اول من ولد في المسجد
هوَ اول من استشهد في المسجد
هوَ اول من وضع علم النحو
هو الاول في كُل شيء
هوَ الصديق الاكبر والفاروق الاول
هوَ اول من لقب بأمير المؤمنين
هوَ الحق والشجاعة والدين
هوَ الذي لا فتى الا هوَ
هوَ الذي رجعت الشمس لأجله
هوَ قاتل عمرو أبن ود
هوَ امام الصالحين والاولياء
هوَ حجة الله على خلقة
هوَ امام الأبرار وامام الحق
هوَ أزهدُ الزاهدين.هُوَ المُسَمَّى فِي الصُّحُف بَرِّيّا وَفِي التَّورَاة نَجِيّا وَفِي الإِنجيل إيلِيّا وَفِي الزَّبور أَرِيّا وَفِي القُرآن عَلِيّا .
مهيمن::- كفو لحفضچ والله زين حافظه كل
هاي؟
ـ اي جنت دائماً أحفظ يفيدني بالآخره
أحبچ ياعالم أحبچ….. العصر نطلع
– گول والله
– اي والله
– ياسلام…. ياسلااااام
مهيمن::- ههههههه ولج اموت عليج وعلى اخبالاتچ
ـ واني اموت عليك من تصير لطيف
ـ هاااا چا اني مو لطيف؟ يلا ماكو روحه
ـ يااااا عزاااا
ـ شكووو؟
ـ والله انتَ لطيف ماكو الطف منك
ـ فززتـيني عبالي شو شكو
ـ لايبعد عيوني ماكو شي
ـ نورهانه أني طالع ديري بالچ على نفسچ
ـ ان شاء الله يروحي
ــــــــــــــــــــــــــــــــــــــ
ساره
گاعده حزن وضوجه أصفگ ايد بأيد على عمري وأيامي الي راح تروح هباءً منثورا حچيت لوئـام كلشي بيدي تيلفوني وصلني أشعار من
وئام ناشره على القناة
::- انتِ اختي ابونه آدم وأمنه حـواء انخلقنه عباد مربوبين تاركيـن هزائل الدنـيا أخـلي نفسي شجاعه قويه صبوره مو من يجـي طاري الحب يرچف گلبـچ فكريها بعقلـچ حبيـتي واتزوجتـي وصار عـدكم اطفال اطفالـكم كبرو وأتزوجـو وجابو جهـال وصرتو عجـايز وين تاليتـكم تنهون حياتـكم مو للقبر؟
اختاري شريك حيـاتچ الي يعصـمچ من الذنـوب الي يخاف عليـچ من الهوئ الـطاير الي يهمـه ادق تفاصـيلچ الي ميكسر خاطـرچ بكلــــــمه وحده الي يچبرچ بأي طـريقه الي يموت وميأذيج وبعـدچ زغيره وگدامچ الآلف ولتضنــين الله ينساچ مستحيل
والي گالولچ محلوه گلوبهـــم محلوه همه بشـعين ويشوفون كلشـي بشـع وين اكو بجـمالچ ليضل ابالچ خليـهم يسوون مايـشآون عدهم صحيفه وتنملئ شگد ماكسـرو گلبچ كسرت گلـبهم أضعاف أبتعدي
أبتعدي عنهم وحوش وانتِ بنـص غابه وياهم شجايبهم عليچ شجايبـــــهم لگلبچ ذول ميشـبهوج ابد همج رعاع مستوطنـين عادات سيـئه متليق بيـچ ابد انتِ دارسه مثقفه اكسريهم بعدم أهتمامچ منو اتزوچ؟
الف مبروك يريد ياخذ الثانيه؟ الف مبروك مامهتمه؟ شيهمني اصلا اكسريهم بشهادتچ اكسريهم بالمستقبل الي الله ضامه الچ
وماأوصيچ الآدعيه يروحي
عدهه قناة على التلي تنشر بيها مواعظ
بس أني ياوئام ماخلوني أختار
بس اني ياوئام كسرولي گلبي
بس أني ياوئام ذلوني ذل
بس أني ياوئام ماأذيت أحد وتأذيت
بس أني ياوئام زوجي مو صالح ولا من
الي يسهرون علمود زوجاتهم زوجي من
أول يوم وذلني ماعندي اهل سند ولاعالم
استند عليهم..
رجعت قريت عبارة ثانيه
– أرتفعت معنوياتي عال العالِ سبحان الله وئومـه اخ ياروحي لو تدرين سـاره شگد مشتاقتلچ ومشتـاقه للبنات والله العظيم انتن اخواتي واكثر من اخواتي … اداركت نفسي واني أحچي وأدموعي تنزل وصاح زين العابدين
ـ سـاره سـاره وينچ؟
ساره::- گمت من مكاني ورحتله … هاااا؟
::- باعي اريد تغسـلين هاي الدشـداشه وتكويـنها عدل عندي طلعه سمعـتي؟
– اي بس وين رايـح؟
زين العابدين:- سوي شغلچ ولتسئلين أبد فهمتي؟
ساره::- بعدم اهتمام فهمت اصلاً هوَ اني
من يـوم يومي ماألي قـيمة الكُل بهاي الحياة
يگلي لتدخـلين معليج ولي من خلقـتي شبعت من هالحـجي
زين العابدين:- كافي لغوه شـگد تحچـين يلا
اني طالع من ارجع أريد الغدء جاهز
ساره::- تمام.. راح هوَ واني بقيـت بحسـرتي وحيرتي حياتي عدم اتمـنى اموت ماالي مـعنى محد يحبني ومحد يحترمني اخ حتـى ابن عمي الحبـيته ميعرف بيه اني احبه بـس كان اقرب الـناس الي من بعد البنات يفهمـني وينصـحني اخ بس وين هوَ متزوج والله يالله واني تزوجـت راحت هالايام
”شويه واجت ورد
ـ اگول انتِ شلون وافقتي تتزوجين رجــال متزوج؟
ـ اكلچ بـروح الحسـن ماناقصتچ اني البيه مكـفيني
راحت وغسلت الدشداشه وكويتها ورحت عزلت الغرفه وحطيت اوراقي كدامي
شكتب اكتب عدم وجودي بالحياه لواكتب آلمي وغربتي ووأجعي؟
لحضه لحضة شنو گالت؟ رجال متزوج
زين متزوج؟ شنووو تعالييي ورد…..
ــــــــــــــــــــــــــــــ
وئام
::- كعدت الصبح لگيت الكُل مجتمع
بصاله صحت عموو
ابو متيم::- ها بعد عمچ؟
وئام:- عموو احنه شتگول شگد مقــــــصرين
بحق صاحب الزمان عجل الله فرجه الشريف؟
ابو متيم::- وعلي مقصرين هواي يعنـي لاتعد التقصيرات ولاتحصى
وئام::- اسمع عموو هاي المقـاله لگيتها بالتلگرام
ابو متيم:- شني هذا التلـگرام؟!
وئام::- تطبيق عموو ليش متـعرفه؟
ابو متيم:- لاوالله بعد عمچ احچـيلي المقـاله اموت على سوالفچ
وئام:- فدوه رحتلك عموو اسمع
تلك القلوب التي لم تذكر إمام زمانها صاحب العصر والزمان كل يوم هذه القلوب حتمًا مقابر للشياطين البرزخية، إنّ القلوب التي تُهمل ذكر إمام زمانها صاحب العصر والزمان، كل يوم تُشبه مقابر قاتمة، خالية من نور الإيمان وحضور اللّٰه تعالى. فكما تُصبح المقابر موحشة ومخيفة بغياب الأحياء، كذلك تصبح تلك القلوب عتمة وظلمة بغياب ذكر اللّٰه تعالى وذكر نبيه وآله الطاهرين، وعلى رأسهم إمامنا المهدي المنتظر (عجل اللّٰه تعالى فرجه الشريف).
فكما تُصبح المقابر مأوى للشياطين والأرواح الشريرة، كذلك تصبح تلك القلوب الغافلة مأوى للشياطين البرزخية، التي تتسلل إليها وتسيطر عليها، وتُملأها بالأفكار السلبية والمشاعر السيئة والأخلاق المذمومة.
إنّ ذكر إمام زماننا صاحب العصر هو بمثابة شعاع من النور يُنير تلك القلوب المظلمة، ويُطرد منها ظلمة الشيطان ووساوسه. فبذكر الإمام، تتذكر القلوب عظمة الله تعالى وقوته، وتتذكر وعده بنصرة المؤمنين وإقامة العدل في الأرض.
فيا أيّها العبد المؤمن، لا تُهمل ذكر إمام زمانك (عجل الله فرجه الشريف) كل يوم، واجعل لسانك رطبًا بذكره، ولتكن قلبك مُتعلقًا بحبه، ولتكن روحك مُنتظرة لفرجه.
فإنّ ذكر الإمام هو مفتاح السعادة في الدنيا والآخرة، وهو نورٌ يُضيء الدروب، ويُزيل الظلمات، ويُقربنا من الله تعالى.
* * * * * * * *
#مصطفى_الياسري
ابومتيم:- وعلي مال واحد يمدد رجلي ويبچي چا احنه شگد مقصرين وهالگد گلوبنه سوده
وئام:- تگدر تذكـره عموو دائما دام بعدك بالحـياة
متيم:- وئااام روحي حضريلـي جنطتي باچر
أصعد عندي تحقيقات فوگ راسي بـساع
وئام::- حاضر
گمت للفرفه ..اففف ماعنـده أدين ميخـليني احچي ويه ابووو شحلاته عمـوو اشك اذا متيم طلع ابـنه
هسه شعرف هذا شيلبس لحـضه لحضه هوَ يلبس ملابس ضباط غيـر؟ هو ضابط شرطة
:: اي هيج شي يلا ولچ بـساع حضري الجُنطه
لگيت لبس ضباط واحد خليته وحطيـتله مشط وعطر وساعه بعد شخليله اخليله دفتر وقـلم خاف يحتاجه اي اي خليت دفتر وقلم
كملت موو لالا خل انزل اخليله أكل هوَ گال جنطه والأكل ياكله بالطريق مو؟
– عموو بعد شنو أخليلك؟
متيم بعصبيه:- هاي مالـت عمو بطليها سمعتي شايفتنـي شايب بگد أبوچ؟ بطليها مو زعطوطة
أنتِ
ـ بس اني متعودة أصيح للكُل عمو حتى
للأصغر مني
ماعندي ادين احط لروحي ليش ماعندي
ادين هاي شوفيها
وئام:- ضربني راجدي فر وجهي فر كامشه خدي ودموعي بعيوني مو ايد بويه اخ شبيك
متيم:- اي تعاي خل اشوف شـلون محضره الجنطه ماشاء الله دشداشة؟ وغتره؟
وئام:- اي لعد ماعرف شلـون يحـضرون جُنطه الضباط باوعتله كاتم ضحكته گوا
متيم:- ولي من خلقتـي
وئام:- باوع متيم حباب اذا رحت لهناك وضربت المجرمين لتجي لهنا ماخذ اسلوبك بشـغلك خدي راح من كثر الراجديات الأكلتهم منك گام يضحك واني نزلت مضحكتك يـحضي
وئام::- نزلت جوه لگيت شهد كاعده عالقنفه صحت شهوده تعاي خل نلعب
شهد:- صدگ؟
وئام:- اي شبيج والله وداعـت محمد الحلفي تعاي اني حـ اغمض واعد للعشره وانتِ حـتختلين اتفقنه؟
شهد:- اي عمه اتفقنه
وئام:- يلا روحي اختلي وگولي وئام لتگولين عمه يلا واحد اثنين………….. للعشره
:- يلا ادورر ياترى وين شهوده الحلوه امممم هيَ جوه القنفه لا ما موجوه زين هيه ورى الستـاره
لا مو وراها زين وين اختفت؟…
كُل هذا واني شفتها وين بس اكول خطيه اسـوي روحي ادور يلا شهوده وينچ تعبت مدالگاج افف رحت امشي ع اطرف رجليه لجوه الطاوله جريتها من ايدها تعاي لگيتج وهيَ صرخت ياااا وثنينه متنه ضحك
مصطفى:- والله يالله طفله انتِ خو مو طفله؟
وئام:- وانت شعليك؟
باوع خويه اولاً اني مو طفـله
ثانياً مو بس الأطفال يلعـبون
ثالثاً مهما يكون اي طفل بالبيت لازم تحسسه بحنانك البشر مو بس انطيـك فلوس وروح اشتري الحنان والأحساس لا يُباع ولا يُشترى وخليها ابالك الفلوس متجيب سعاده واني كُلكم داشوفكم تهملون ذول الاطفال الثلاثه وعد وشهد اطفال حسن واستبرق بنت حسين وهسه عن اذنك تعالي شهوده شلتها ورحت والله يالله وين مااروح يطلعلي وفوكاها متكبر
ضل مصدوم فاتح عيونه يطبكم مرض اي والله شلون ناس أخذتها گعدنه على الكرسي اجه
عمو أبو متيم معصب كُلش صاح للعائلة كلهم
… ألتمت العائلة بالصالة
ابو متيم ضرب الملف الي بيده على الطاولة وصاح: انتهى الأمر مناقصة الشركة راحت… واحد سرب ملفات المشروع للمنافسين قبل توقيع العقد وخسرنا الصفقة!
واحد خان الأمانة ملفات المناقصة تسربت قبل ساعات من موعد التسليم والشركة المنافسة قدّمت عرض مطابق لتفاصيلنا وفازت بالعقد خسرنا صفقة بملايين والخاين ابيناتنه
ـ أحجووووا منو بيكممممم خانييييي؟
متيم:- أهدأ بويه گول يالله لمنوا أنطيت اوراق الشركه؟ اخر مره ومنو دخل مكتبك؟
ابو متيم:- امشوووا شغلوااا الكاميرات
وئام:- شغلوا الكاميرات وأخر واحد طلع
من الغرفة أني الكُل ألتفتولي ويرمقون بيه
بنظرات حادة
ام متيم:- شنو جنتي تسوين بالمكتب؟
ـ زوجة حسين گلتلي روحي نظفيها
أبو متيم بعصبيه :- وئام محد غيرچ دخل الغرفة ويه منو أتفقتي وخنتي عمچ؟ طول العمر ماأنغدرت هاي الغدره وهاي أول مره لمن دخلتي بيتي
وئام:- عفواً عمو دتتهمني؟ أني أصلاً ماأعرف شيء لا عن الأوراق ولا عن الشركه ولا بحياتي كُلها أخذت شيء مو الي
حسين:- بالكاميراتتت انتِ أخر وحدة طلعتي من الغرفة
ـ وأذا اني طلعت لاتخبلووووني اني ماألي دخل
ربي شاهدددد ماألي دخلللل ولا أدخلت ولا ورقة لمستتت نظفتها وطلعتتتت
حسن:- چا منو الگال أبوي حريص ومايحچي لأحد والمكتب مايوم انسد بابه هاي عايشين سنوات اول مره تصير
وئام:- متيم تسمعهم؟ متيم أنتَ مصدگني؟
الله عليك متيم أسمع شنو يحچون
متيم:- مصطفى خابر أهلها يجون يتصرفون
وياهه اني گتلكم ماألي دخل بيها
…. مرت ساعات وأجوي ابويه وأمي تقدم
ابويه وسلم عليهم وهم تجاهلوا
… حجوا اله السالفة كلها وكف گدامي گالي
أحچي؟
ـ ابويه أنت أكيد ماتصدگهم والله العظيم الله شاهدددد علية ماأخذت شيء ماألي دخللل
ـ وئام گولي الحقيقة
ـ يمةةةة شبيچ انييي أنييي وئاااام ماأسوي
هيچ شيء لو على گص رگبتي
… ضربني أبوية راجدي كل ماعندة قوة
أبتسمت ودمعوا عيوني أبتعدت عنهم
باوعتلهم وگتلهم:-
ليش يابعد رجفات أديـه
ليش صرتوا وياهم علية؟
:- مسحت دموعي وصعدت على باية الدرج
والكُل يباوعلي حجيت بصوت ثابت وبثقة
ـ أن كُنتم صادقين فجزاكم الله بصدقة
وأن كُنتم كاذبين فالله أشد نقمة
ـ على منو أعتب بيكم؟ على أهلي؟ على أهل زوجي؟ على زوجي؟ الله يرحم بيبيتي يوم
کلتلي أنتِ درة نقية ماراح ترتاحين بحياتچ
إلا تعيشين بوحدچ
… تتذكر؟ أبويه تتذكر؟ گتلك ماأريد أتزوج
عوفني اريد أبقى بدون زواج بعدني زغيره
ماقبلت واليوم؟ اليوم أني بنتك عشت وياك
18 سنه ممصدگني وتضربني؟ وگدامهم كلهم؟
وأنتِ يايمة يگولون الأم حنينة وماتفرط بأولادها
بس أنتِ بحياتچ ماحبيتي غير ولدچ
ياريتني ماعرفتكم ياريتني متربية بدار الأيتام
ولا عدكم….. آما عائلة زوجي العزيز؟
لازلتُ غريبة بينهم ويتهموني كأنني ليس
لدي قلب ولا أحساس
آيا زماناً غدا بالفسق منطلقاً
وضاع فيه جميل الخُلقِ وأنزلقاً
نشأنا في كُنف الأخيار عائلة
زرعوا بنا المجد والأخلاق متسقاً
حرمونا لهوا الصبا كي نستقيم غداً
فكان صبرهم للخير مرتزقاً
ـ وينكم ياأهلي عن هاي الصفات
بس شنو أگدر أگول غير؟
الرگعه زغيره
والشگ جبير
ياناس الأبره ماتحفر بير
واللي يحجي يبتلي على عمره
والساكت خانگته العبره
والطايح رايح حشى گدره
والعايش عايش بالقدره
من زاخوا لحدود البصره
من نگره سلمان البدره
والله واحدنه خلص صبره
شيسوي وشيدبر امره
وألمن يحجي ويفضح سره
ومنهو اليسمع ومنهو اليقرء
شنو هالعيشه الكدره المره
كل يوم مغيمة ومغبره ومحمره
الدنيا ومصفرة
حسبي الله ونعم الوكيل
روان:- اوگفوا أوگفوا موو بس وئام
البارحة دخلت للغرفة…. أني متأكدة
مو وئام سوت هيچ
وئام:- فسروا على راحتكم ماعاد يهمني أبداً
مع السلامة
روان:-…….
يُتبع
