رواية طبيب القرية الفصل السادس 6 بقلم صفاء حسني
الحلقة 6
.
.
سليم :قتل ايه قتلتى مين يعني …
زبيدة : دى حاجه قديمه وخلصت يا ولدى سليم ليه عايز تفتح دفاتر قديمة.
سليم :لان من يوم ما وعيت علي الدنيا وانا مستغرب أن اسمى ب اسم الدكتور عز وكنت فاكر انى ابنه وانتى أمى طيب ازاى عايشة معاهم وهو متجوز واحدة تانى وكل السنين بكره عز لانى كنت فاكره ظالمك او ضحك عليكي لحد ما تعب وطلبوا تحليل للمتبرع وطلعت مانفعش استغربت ولما شوفت نتائج التحليل اكتشفت أنه مش بيخلف وانى ابنه علي الورق ولما جيت اتكلم قلتيلى لما تكبر احكيلك كل حاجه، رغم كنت في الثانوية وقتها يعنى مش صغير ،ولحد النهارده نفسي افهم ليه انتى خايفة ليه هربتى من بلدك ، وفين أهلك ومين ابويا ولو كنت ابن حلال و وووو.. الف سؤال في بالي يا أمى ..
زبيدة :اكدة ياولدى يعنى انا في نظرك وحشة قوي كدة والله العظيم انت ابن حلال …
سليم : ماقصدش يا امى احب علي راسك عاوز اعرف كل حاجة هاتجنن حتى علشان في يوم لو حبيت بنت واكيد هأتقدملها اعرف مين اهلي..
زبيدة :حاضر يا ولدى حاحكيلك بس توعدنى بعد ما اقولك اوعى تفكر تدللي هناك واصل ولا تنبش في الماضي ….
سليم :علي حسب يا أمى إللي هتقوليه ودا حقى..
زبيدة :اهم حاجة لازم تكون خابرها انك ابن حلال وأمك اتجوزت علي سنة الله ورسوله …
سليم :طيب ليه سابك وليه كل دا وهو فين…
زبيدة :قلتلك ايه متتحدتش كتير وانا بحكى معاك لان الماضي في الماضي وكل شئ قسمة ونصيب يا ولدى..
سليم :حاضر يا أمى …
زبيدة :يحضرلك الخير يا ولدى في الاول انا كنت بت الجناينى حدا ابوك وكان اسمه مالك صقر القناوى وهو ابن خالتى الصغيرة ودا مكنتش اعرفوا إلا بعد ما انتشر في كفر غريبة ان ولد النائب عاوز يتجوز بت الجنايني في الوقت دا مكنتش مصدقه واصل لأن كان معروف عنه انه العوبان وبتاع نسوان…
سليم :هو كان متعلم يا أمى …
زبيدة :اه يا ولدى كان في جامعة في لندن بيتعلم فيها حاجة كدة اسمها الرسم والزخرفة …
سليم : اسمها فنون جميلة …
زبيدة :صوح يا ولدى…
سليم :آسف يا أمى علي المقاطعه كملي
زبيدة :انا كنت بدرس تمريض عشان أكون ممرضة لان مفيش جامعة حدانا للطب رغم وقتها كنت جايبة مجموع الطب بس حدانا البنته متتسيبش بلدها وتدلى علي مصر للتعليم …
سليم :ليه ما كان في دفعتى بنات كتيرة جم من الصعيد وكانوا في بيت سكنى وقتها …
زبيدة :الناس البسيطه يا ولدى ملهومش في الحديت ده …
وانا خلصت ثانوية عامة دا كان معجزة لانى وقتها اقرب مدرسة كانت بعدينا ب 3 كفور وكنت بروح علي الامتحانات يبقي يخلونى اتغرب عن الكفر وعن الدوار واروح البندر ؟!!
سليم :بس جيتي وعيشتى وربيتى ولد وشيلتى مسؤوليته …
زبيدة :صوح لكن وقتها الظروف هي إللي ساعدتنى ..
سليم :طيب احكيلي كل حاجة ..
وفي نفس الوقت بدأ الخال يحكى لنهر..
نهر :احكيلي الأول يا خال وبعد اكدة هنشوف مين إللي جاي ومين لا ..
مالك :لسه مصممة يا بت صفية …
نهر :ايوه ومش هشوف حاجة الا لما اسمع الحكاية كلها …
مالك: أمري لله معرفش ازاى وقعتينى في الحديت ..
نهر :مش انا بنتك يا خالى وأنت إلى ربيتنى بعد ما بابا مات يبقي لازم اعرف كل الحكاية ..
مالك :حقيقي يا ابنيتى بعتبرك اكده وبدموع ولو ولدى لسه عايش هو وزبيدة كان زمانهم معايا هنا وكنت جوزتهولك ..
نهر : بحزن هو انت كان عندك ابن ومات …
مالك يا دكتورة …
نهر :يعنى معنى كدة انك اتجوزت زبيدة …
مالك : صوح يا بنيتي مخبرش ليه ماكنتش مصدقاني ممكن كانت حاسة
نهر :طيب امتى صدقتك ..
مالك :لما سمعت صوتي وانا بقرأ قرأن في خطبة الجمعة ..
نهر :بجد ازى ..
مالك :ازى ايه يا دكتورة علشان كنت مستهتر وقتها…
نهر :ماقصدش يا خالى بس نفسي اعرف ايه إللي حصل …
فلاش باك*****
مالك :عملت كل اللي انت قلتلي عليه ومصدقتنيش برضه وما نابنى إلا اني خسرت البنات إللي كنت عارفهم…
شاهين : ما انت طول ما بتفكر كدة مش هتصدقك لازم تصدق من جواها انك اتغيرت علشان الخطه تمشي ..
مالك :يعنى اعمل ايه كل الكفر بيتكلم عن ابن النائب إللي وقع في حب بت الجناينى وابويا رافض …
شاهين :وأمك كمان رافضة …
مالك :هي بتحب زبيدة جدا لأنها بنت أختها واكيد هتفرح..
شاهين :اعرف منها كل حاجة عن زبيدة بتحب اي بتكره اي مين فارس أحلامها النظام دا …
مالك :انت شايف كده …
شاهين :اكيد يا ابنى اهى محاوله مش هي كسرتك قدام كل اللي في القصر لازم تعرف نقطة ضعفها وقوتها ويوم فرحها سيبها كدة أكبر كسرة ليها …
مالك :لا طبعا …
شاهين :اوعى تكون وقعت في حبها بجد …
مالك :هههه لا ادوق العسل والذبدة الاول وبعد كدة ارميها وهشوف بقي شكلها قدام كل الكفر لم تطلق من تانى يوم فرحها…
شاهين:انت طلعت شيطان وبكدة يبقي كسرتها ..
مالك: بس في مشكلة أنها بنت خالتى يعنى كدة هكون كسرت أمى كمان..
شاهين :واضح انك حنيت ..
مالك : صراحه شوية لا طبعا …
باك ******
نهر :هو دل شيطان ازاى سمعت لواحد زى دا يا خال ..
مالك : الحقيقه وانا كمان كنت شيطان يا ابنيتى لكن عايزة ايه من شاب طايش ومتدلع كل طلباته مجابة و تتنفذ ومرة واثنين لعب مع البنات ووصلت أن عملت علاقة وعمر ما ابويا ما قال حرام و لا عيب كنت عايز اتصاحب مع مين الا شيطان …
نهر :طيب زبيدة كان ذنبها ايه؟ وازاى صدقت انك اتغيرت ؟
مالك: بعد ما مشيت علي الخطه قعدت مع امي وسالتها ..
فلاش باك *****
مالك :أمى قولى لي رايك في ارتباطى بزبيدة….
وردة :خبرني انت بجد بتحبها والا بتلعب بيها زى غيرها…
مالك : مكنتش جيت وطلبت ايدها منكم …
وردة :وعرفت رأيها قبل ما تطلب ايديها
مالك :لاه انتى خابره اكتر منى طبعها مقدرتش اقولها ..
وردة :اكيد دى بت عاقلة وعارفه هى فين وأنت فين …
مالك :ليه يعنى مش بت أختك يعنى قرايب وفي نفس المستوى…
وردة : وأنت فاكر ده سهل علي لما اختى تكون خدامة عندى وكمان قدام عيون ابوك طول الوقت…
مالك :انتى ندمانه انك اتجوزتى من ابويا
وردة :لاه طبعا لكن انا بعشقها لكن هو لسه متعلق بحب اختى ياما كنت بطلع عليه وهو بيشوفها من بعيد ويوم ما هى خلفت زبيدة كان شايط وهيتجنن.
مالك :انا اول مرة أحس بالحزن إللي في صوتك دا …
وردة :انت يا ولدى مكنتش شايف ولا حاسس بأي حاجة وانا عارفة انك ماتغيرتش لأنك شبه ابوك لما بتكون عايز توصل لحاجه او تكسر حد بتلعب لعبة علشان توصله هو لعب عليا علشان يكسر اختى لما جدك رفض جوازهم رغم أن روحه في اختى ..
مالك :احساس صعب لما تعيشى مع حد وانتى عارفة أنه مش بيحبك ازاى قدرتى تعيشي اكدة ..
وردة :لازمن اصبر علشان الاهم انت واختك ذنبكم ايه …
مالك :حبيبتى يا أمى انا آسف جدا ..
وردة :اوعي تكسر زبيدة يا ابنى اكتر حاجه توجعنا أن لما نحب حد يكون بيضحك علينا …
مالك :صدقينى انا بحبها ونفسي اتغير علشانها…
باك ****
مالك :مش عارف وقتها ازاى لسانى نطق بحبها ممكن صدمه ان أمى مكسورة بسبب لعبة لعبها ابويا سليم كسر بيها قلب ام زبيدة وامى…
نهر :وممكن تكون فعلا حبيتها يا خال
مالك :كنت يا بتى وقتها محتار من الكره إللي في قلبي وكمان الحب..
نهر :وامتى هي صدقتك …
مالك : كنا في الوقت دا دخل رمضان والإمام إللي المفروض يجى من البندر مجاش وكان لازم حد يقوم بالتراويح ولازمن يكون صوته حلو في الأذان …
نهر :وحصل ايه وازي انت بقيت الإمام
مالك :اتدبست كانوا ولاد عمى بيهزورا
فلاش باك ****
محمود : طيب هنصلي التراويح ازاى يا عم الحاج …
الحاج :ممكن اي حد حافظ القرآن من اللي كانوا بيصلوا الجمعة هو إللي يصلي بالناس…
مكرم : كلهم ناس كبيره يابا الحاج سليم مش هيقدروا يقعدوا طول الليل…
محمود :أي رأيك انت يا مكرم تصلي بينا…
مكرم :مينفعش نفسي قصير وصوتى مش حلو ايه رايكم في مالك بسم الله ماشاء الله بقى ملتزم ومش بيفوت فرض وكمان صوته حلو ايه رايك يا با الحاج ..
الحاج سليم :والله مخبرش يوافق ولا لا …
مكرم : اكيد يوافق لأنه مش يقدر يخلف كلمة النائب ويصغره قدام الكبرات هنا وشوف ازاى الموضوع دا يفيدك في الإنتخابات ويخرص كل اللي يقول أن ابن النائب مش مليح …
محمود :صح والله ونسكت كلام المنافس لينا الجيار الى مطلع اشاعات علي الويلد مالك …
الحاج سليم :مدام انتم مصرين يبقي مالك ينفذ …
مكرم :وممكن يحط المصحف قدامه وهو بيقرا عادى …
الحاج : يا محروس نادى علي ولدى بسرعه …
محروس :حاضر يا عم الحاج…
وبعد قليل يوصل محروس..
محروس :عم الحاج سليم عاوزك في المقعد يا بيه …
مالك :هو قالك كدة ..
محروس :ايوه ومنتظرك هو وكبرات الكفر …
مالك :حاضر انا جاي …
كان لابس جلبية ومعطر نفسه وكوفية علي رقابته ودخل علي المقعد مالك : السلام عليكم ورحمة الله وبركاته ..
الجميع : عليكم السلام ورحمة الله وبركاته ..
سليم :تعالي ياولدى عاملين جلسه ترحيب برمضان وبنودع شعبان وكل شاب يقرأ بعض من آيات القرآن..
مالك :كل سنه وانتم طيبين اكيد انا أكون سعيد يا ابوى…
محمود :نورت الجلسه يا ابن عمى..
مالك :منور باهلها يا ابن عمى…
بدأت الجلسة وبداء الناس الكبيرة تقراء وبعدها الشباب ..
لحد ما وصلوا لمالك…
.
