رواية طبيب القرية الفصل السادس والعشرين 26 بقلم صفاء حسني
بسم الله الرحمن الرحيم
وبه نستعين
الحلقة السادس والعشرون
طبيب القرية
صفاء حسنى الطيب
سليم كان بيبكي ويتكلم مع نفسه
سليم :هو أنا إيه اللي عملته صح ولا غلط اه كنت مش مصدقها اه كنت خايف تتجوز نور بعد ما قالت لي الحقيقه وتختفي من حياتى واكون وحيد لما سبتها وروحت اسأل الدكتورة شمس والدكتور عز سمعتهم وهما بيتكلموا …
…..
فلاش ***
شمس :انت ليه سمحتلها تقول كل حاجة دخولها في حياتنا كان غلط من البدايه كنا زمانا عايشين مع ابننا ومكانش عرف حاجه عن ماضيه .
عز :فكره انك تشترى ولد من البداية غلط ومن يوم ما تعبت وهو عمل لي تحليل واخد عينه وعرف اني مش ابوه وهو اتجنن ..
شمس: وانا ما صدقت كرهت سليم في زبيدة وفهمته أنها قضت ليله مع واحد وضحك عليها وباعته لينا بشرط تفضل معاه وهو بقى يكرهها …
عز :ما انتي مجنونه وده السبب إللي خلاه مصمم يعرف كل الحقيقه وهي كانت هتتجوز نور وهتسافر معاه والسر يموت بس غبائبك أن يشوف التحليل وبعدها الكلام إللي قلتيه وهيا معملتش حاجه ايه كرهك ليها ده ..
شمس :علشان هربت منها لم اخدنا الولد منها وما صدقت أنها اتقبض عليها فجاءه الاقيها قدام عيني وكل ما احاول اتخلص منها مرة عريس ومرة تسمم في الاكل وهي متمسكه بيه لدرجة اللي يشوفهم يفتكروا ابنها بجد ولم كبر أفتكر انها هى أمه بجد وفضل ينادى ليها يا ماما ومينامش إلا في حضنها …
عز :وكمان كان بيقولك ماما وقالي يا بابا انت خوفتي لما نعمة بلغتك أنها هتقول كل حاجه ل سليم لازم تتخلصي منها وتمنع يحصل لقاء ما بينها وبين مالك
خوفتي برجوع الولد لابوه صح ..
شمس :صح لو كان عرف أنها عايشة وهي عرفت أنه عايش كانت أخدت سليم ورجعته عند ابوه واتحرمت انا منه وأنت كمان بسببها ..
عز :بس لولا فضلها مكنتش معاكى دلوقتي لما اتبرعت بجزء منها ليا علشان مااموتش..
شمس : ما انا اتجننت ليه عملت كدة ليه تعرض نفسها للخطر وتتبرع بجزء منها علشانك..
عز :علشان اعتبرتنا أهلها بجد وكمان خافت علي سليم يحس أنه يتيم ويخسر ابوه وأمه مرة تانيه استحملت تكون في نظره داده زبيدة
ميخسرش البيت ده والام والأب اللي هما انا وانتى …
شمس : كان نفسي تختفى من حياتنا او تتجوز نور الى هيتجنن عليها علشان يتجوزها وهي رافضة ..
عز :علشان هي بتشعر بواجب نحو سليم وبتشعر أنها أمه غصب عن الكل ومش عايزه تسيبه إلا لما يتجوز وتطمن عليه بس الحاحك انك تشوهي صورتها قدامه ده خلاه عايز يعرف الحقيقه…
شمس :علشان نعمة عندها حق هي سارقة وبتسرق الرجالة وأنت وقعت في حبها صح علشان كدة سمحت لها تقول كل حاجه انا كنت شاكه …
عز :احب مين انتي بجد انخبلتي والله بحس أنها اعقل منك رغم سنها الصغير انا اقتنعت برأيها بالعكس لما هي بلغته احنا طلعنا بعيد عن الموضوع مفهوم ومش عاوز كلام تاني …
شمس :طيب لو قرر يسيب البيت ويرجع لبلده هتعمل ايه وقتها .
عز :ده من حقه يعرف أصله اي كفاية انانيه احنا مش اشترينا عبد احنا اشترينا روح تنور علينا حياتنا وأي كذبة لازم في يوم تنكشف ممكن علشان بحبك خالفت مبادئي والقانون لكن لما بقيت بين الحياة والموت والطب إللي ما حافظش علي عهده أداني درس كبير لما ملاقتش علاج ليا إلا مع ممرضة فهمتي ليه دلوقتي انا وافقت علشان فوقت يارب انتى كمان تفوقي مهنتك كدكتورة نساء جننتك ازى كل يوم واحده تجيب اولاد قدمك وانتي عاجزة مش قادره تجيبى صح …
شمس :بتعيرني بعجزى وده بايدى مش من عند ربنا ..
عز :ونسيتى ده لما سلمتي ودانك للشيطان صح وغرقتيني معاكى أظن كدة خلص الكلام وننتظر سليم يرجع ونشوف قراره واوعي تلعبى لعبة تاني مفهوم …
باك **
سليم :كانت مفاجأة كبيره و صدمه سمعتها قلت اكيد انتى كمان عارفة أن ابويا عايش ومين إللي باعني انتي والا هو انا لازم اعرف الحقيقة ووقتها طلبت منك تمضي علي ورق حضور ورسومات في المستشفى وكان في وسطهم ورق الجواز العرفي ما بينا علشان وقت ما ارجع اعرف أن كنتي صادقة و لا لأ وللاسف طلعتى انتي الحاجة الحقيقية في حياتي ولازم أعاقب مالك ونعمة والدكتورة شمس وعز ونور …
كل واحد فكر يجرحك او يجبرك علي حاجة او ياخدك منى …
تأتي نهر من خلفه
نهر : وأنت فاكر كدة انت صح بالعكس انت بتخسرها هي كمان ..
سليم :اخسرها علشان بحميها ..
نهر :بتحميها من ايه هي قويه تقدر تحمي نفسها مبادئها وأخلاقها خلوها قدرت تتغلب عن كل خطر مرت بيه في حياتها ..
سليم زي الطفل الصغير يبكي
نهر : بس هما هيحرموني منها صدقيني هي كل حياتى مش عارف اوصف حبي ليها .
نهر :هقولك انا فاكر اول مدرسة كانت في المدرسة ومدحتك ..
سليم :اكيد فاكرها ميس رشا ووقتها فرحت جدا وجريت علي حضن ماما زبيدة وحكيتلها وكانت فخورة بيا كانت دائما وقتها فاضيه ليا مع كل مشاغلها لكن اول ما ارجع من المدرسة تكون منتظراني بالأكل وتعرف اخدت أي وتظبط شغلها علي حساب يومى انا مكنتش بحس أنها كانت بتشتغل أمتي وفي الوقت ده حسيت .. ويسكت
نهر :أنها هي أمك مش الدكتورة شمس صح ..
سليم :صح كنت وانا صغير بقولها ماما لما كبرت شوية زعقت لى الدكتورة شمس وقالت أنها مجرد داده في البيت
لكن انا أصريت اقولها ماما زبيدة لحد ما وصلت ل اعدادى جات شمس وقالت أنها عشيقه بابا وعاوزة تاخده منها..
نهر :كرهتها وقتها …
سليم :مقدرتش لكن فكرت مكونش انا أقرب حد ليها وهيا يعني اي عشيقته يعنى بتحب أبويا اكتر مني ومين فيهم امي الحقيقية كان جواب الدكتور عز زبيدة هي أمك الحقيقية ….
اتلخبطت مبقيتش فاهم حاجة تصورت أنها جابتني في الحرام من الدكتور عز وكرهت الدكتور عز …
نهر :ومقدرتش تكرها برضو ..
سليم :فضلت اصرخ فيها انتي مين أمى ولا لأ ولو امي يبقي إنتى عشيقته صح
نهر :ردت عليك بأيه …
سليم اخدتني في حضنها …..
زبيدة : شايف ايه ياولدى مش حاسس اني أمك خلي إحساسك يقولك …
سليم : رديت عليها : ليه عملتي كدة ليه وافقتي اتكتب باسم واحدة غيرك لو انتى امي…
سكتت ومردتش عليا وكانت الدموع في عينيها مكنتش فاهم وقتها ليه…
نهر : طيب امتى عرفت أن عز مش ابوك
سليم : يوم ما أحتاج لعملية …
نهر : كان عنده أيه بالظبط …
سليم : ورم في العظام وكان لازم يستبدل الجزء إللي فيه ورم بجزء خالي من المرض …
نهر :يا خبر طيب مين إللي اتبرع …
سليم :هي إللي اتبرعت …
نهر بذهول : ليه عرضت نفسها للخطر ليه ….
سليم :علشان معرفش أن عز مش ابويا لأنى وقتها كان لازم ياخدو مني انا علشان انا ابنه وكان لازم اعمل تحليل بس هيا سبقت وحللت واتطابق مع عز …
نهر :علشان متحسش انك يتيم ياه انسانه عظيمة جدا وأنت مشاعرك زى ما قلت ليك حب الطالب للمدرسة إللي مدحته فكر فيها هتوصل ايه العلاقة أللى بينك وبين عمتوا زبيدة ورجاء بلاش تخلي عمتوا زبيدة تهرب من حياتكم علشان الأب ميخسرش ابنه ..
سليم فجأة يتحول ويتعصب…
سليم : انتي بتعملى كل دا علشان خالك وأيه إللي جابك عندى وعامله نفسك دكتورة نفسية روحي شوفي حالك …
نهر في سرها يا خبر ده كل وقت في حال شكله بجد لازم يتعالج ويفوق …
تقوم وتترك سليم وترجع عند زبيدة
زبيدة :تفتح عينيها وتبدء تستوعب إللى حصل وتتذكر الحديث …
نهر :حمد الله علي السلامة انتى كويسه دلوقتي …
زبيدة :فين سليم …
نهر :سليم في الجنينه بس انا عاوزة اطلب منك طلب …
زبيدة :عارفه ابعد عنه علشان يقدر يستوعب الحقيقه …
نهر : انتى كنتي عارفة أنه بيتعالج عند دكتور نفسي وسابه…
زبيدة ‘:اه مين إللى قالك ….
نهر :حضرة المقدم معتز هو إللي بلغني وانا بدور علي خالي …
فلاش **
تجري نهر تسأل عن مالك …
نهر :لوسمحتي غرفة مالك صقر الاقيها فين …
الاستعلامات :في غرفة 17 الدور التاني
نهر :شكرا جدا ..
تقترب من الغرفة وتفتح الباب ..
معتز :ممكن تسمعيني قبل ما تدخلي لخالك ..
نهر :خير يا حضرة المقدم ..
معتز :في حاجات هتحصل الفترة الجاية هتكون صعبة علي الكل …
نهر :حاجات ايه تاني …
معتز : سليم كان بيتعالج عند دكتور نفسي…
نهر :نعم ازاى وازاى بيمارس مهنة الطب ده خطر علي المريض …
معتز :اولا هو مش مجنون ولا حالته صعبة مجرد انهيار مع صدمات وحاجات عرفيه أصبح متقمص في الشخصية احيانا يكون دكتور عاقل لما بيكون مع المرضي لكن لما بيكون مع زبيدة بيكون شخصية تانيه خالص …
نهر :بيكون شخصية تانيه ازى ممكن افهم …
معتز :بيكون مالك صقر …
نهر : نعم ممكن افهم ازاى …
معتز :من ساعه ما عرف أن اكتر شخص حبته زبيدة هو مالك وقصة إللي حصل أصبح يتعامل معاها علي أنه مالك حبيبها إللى يخطفها من كل الناس يعمل إللي مش قدر يعمله زمان…
نهر :وعمتوا زبيدة عارفة ….
معتز :هي إللي شكت لما شافت تصرفاته لدرجة مرة افتكرت أنه لبسته روح مالك لما كانت فاكرة أنه مات …
نهر :انت عرفت ازاى…
معتز :من الدكتور نور والدي وأقرب شخص لزبيدة يعتبر صديق ليها وبتستعين بيه في كل حاجه
تفتح الباب متلاقيش خالها وتدور عليه وهي بتفكر …
باك ****
زبيدة :اه انى عارفة ومش خابرة اعمل ايه والمشكلة أنه جيه اهنيه وعرف حاجات كتير زودت الحالة عنديه شوفي وصلت لايه لأنه مكملش العلاج أسبوع وقرر مرة واحدة أنه يسافر أحيانا يحس أنه مريض وعايز يتعالج واحيانا يرفض دا …
نهر :ووجوده هنا ممكن يكون سلبي ..
زبيدة :وممكن يكون ايجابي …
نهر :ازاى …
زبيدة :وجوده معاكى هيفهم أنه سليم مش مالك …
نهر : انا موافقة بس هنعمل اي…
زبيدة :اختفي من حياته وميفضلش حد غيرك قدامه …
نهر :هيدور عليكى وهيتجن جنونه …
زبيدة :لكن لو في واجب قدامه وناس مريضة محتاجة مساعدة مش هيتأخر لفي بيه في كل كفر في الصعيد بحجة يدور عليا وفي نفس الوقت يعالج كل مريض في الوقت دا هيرجع سليم اللي اعرفه من زمان وربيته …
نهر : فكرة ومغامرة حلوة نفسي أعملها من زمان تكون عمل خير وكمان اساعد الناس البسيطه وانتي هتروحى فين ؟ ..
زبيدة :هروح اسكندريه ومعتز هيساعدنى هو إللي هيبلغكم عن مكاني الوهمي …
نهر : وأول ما يفوق ويعرف انك ام بالنسبة له هيكون خف ووقتها ترجعي …
زبيدة :بإذن الله ….
نهر :بس خالي هنقوله ايه…
