رواية رتبة وظفيرة الفصل الثامن 8 بقلم الكاتبة رسل فهد
رِتبة و ظفيرة
رُسُل فَهد
..
14
اروح لغيرچ ؟
انتِ شبيچ !
دحكي بعيني شتشوفين يا نَذلة
أهو البيدة ظفيرة
دگول حَبل أعدام
يرف گلبة أعلة يا گذلة ؟
-رسُل فهد
109
..
في مكان اخر ..
131
– سئلت ابو منصور عنو ؟
بعدو كد چلمتو لو خِلف
– يا مررررة كافي كافي نص عمرنا راح بالشط
بسبب حقدج
122
– يا رجال اكلك سالفة
– ايش ؟
– لو نفرض بقالك ذكر من ضناك شعتسوي !
70
– من وين يجي الذكر الي يطعن ابن عمو
جزاتو الموت احسن من عارو
83
– كل عمري ما شفت رجال مثلك
انت عدو مو اب بدال ما تروح تشخت راسو
كاعد حدري تدافعلو
48
– خِيرة الزلم والله والله
140
–
يَاسمين ..
33
– اني ما اريد هنا وديني لغير مكان
ما جاوبني راح للمطبخ جابلي اكل
اكلت شوية و عفتة هوَ اجة من الغرفة بأيدة
دَمبوس و يزرف بأيدة بس ميتأثر !
– شگاعد تسوي !!
– تايهيد الوجع
397
خليت راسي ع صَندوگ باوعت للمكان صاير فوضى
اكثر و زيت وسخ تارس الگاع وحَتى هو ملابسة
كلهن تراب وشكلة تَعبان اكو هواي اسئلة براسي
بس المشكلة راسي يوجعني
66
رجعت نمت ماعرف شبية وي النَوم
بَس مهما كان هو احسن من الواقع كعدت
هوَ مموجود رحت للغرفة اشوف الساعة
بـ الاربعة العَصر طَبيت أسبح شوية راسي صار زين
41
رجعت بية الذاكرة للبارحة
هذا شيشتغل ؟ و الابرة الي ضربها شنو ؟
اتذكر اني حسيت براححة بَس الشعور حاستة قبل !
اي رِهام بالعصير و هم من گعدت راسي مَوتني
ذولة شگاعد ينطوني !!!
432
مَرن خَمس ايام و الوضع ينعاد نَفسة
بَس هو ميطلع من البيت بَس من اگعد
من النوم الگا جايب اكل يمكن يستغل نومتي
عبالة اذا راح اشرد !
54
أشرد عادي بَس وين اروح ؟
اني اصلاً اريدة ابقى يَمة
احساس يراودني بكل دقيقه بَس هو ميعوفني
حياتي صارت عبارة عن نوم لان ماكو شي
واحد يلتهي بي
الشخصية الدايحة الي بداخلي ما اگدر اسيطر عليها
اخذت ملابس و رحت للحمام
طلعت انشف بشعري ضفرتة بدون تمشيط
فتحت باب المطبخ
140
طلعت بالگراج باوعت للسما
الله صار هواي مشايفة شارع
فتحت باب الشارع مينفتح! و يعني شنو يوگف بوجهي ؟
خليت رجلي ع السرقي و صعدت فوگ الباب
بَس المسافة عن الگاع عالية
218
صعدت على الباب و طفرت بَس الباب عالي
انظربت رجلي بالَصَبة الي بالباب شاغت روحي
ضليت گاعدة بالباب لازمة رجلي و أبچي
141
اباوع للمنطقة تلعب النَفس البيوت بسايد واحد
و السايد الثاني بَس نُفايات شارع كامل من بعيد
اجة راعي و الخرفان ترسو الشارع
على حظي ؟
397
خفت اريد ارجع للبيت لا يجن يمي
رجلي ما اكدر اجازف و ارجع اعبر خاف اوكع
بچيت وضليت كاعدة بالكاع
5
شفت سيارتة دخلت للفرع
خفت شوية بَس قابل يضربني ؟ لا هو مايضرب
و شحدة والله اكسر ايدة
صيري قوية يَاسمين
167
سرعة السيارة زادت يمكن شافني
ركن السيارة و نزل فاتح عيونة .. يطرگاعة شطلعچ ؟
– دفتح الباب رجلي ما اكدر احركها
182
فتح الباب و گال تكحزي
سندت نفسي حتى اكوم وگفت بس رجلي تعرج
مديت ايدي حتى يلزمها خاف اوگع
و هَم حتى ينقهر علية و ميحاچيني
72
بَس ما لزمها
– طبي طبي تاشوف هاي شصعدچ شون طفرتي
– عادي متعودة
– لا والله أنتِ كارثة
152
قفل الباب هوَ صار وراي
شوية و حسَيت جسمي انرفع من الگاع
جسمي قَشعر بَاوعتلة هوَ ملامحة عادية
حتى ما باوع بوجهي
449
كعدت بالصالة و هو راح للغرفة شوية و اجة
– و اني اگول معقولة ماتسويلها فاينة كل هالمدة
صار خمس ايام ناصب سَيطرة وبساعة الوليت
الگاچ مثل القرد تتشلبين فوگ البيبان
455
– يعني واحد محبوس ترى طگت روحي وين اولي
تالي الله سلط علية الخرفان
– خرفان ؟ ، يا حَبيبي
260
– وديني لدار الايتام
– باچر
– صدگ ؟
– والله ! موگلت رفضوچ ؟
ما جاوب
59
تنرفزت
– عود انتَ ليش هيج ؟
باوعلي و هَز راسة بمعنى شبية ؟
8
– حركاتك متعجبني و لا عبالك ناسيتلك
من ضربتني ابرة ترى اني حتى صوت زلم بالبيت سمعت
و انت مبين من شكلك مو راحة و ضام شي
115
و هاي ام شعر الاحمر ترى ادري بيك ضربتها
و هي كامت تبجي احسن الك احچي الحقيقة
لان عقلي تعب واني اسوي احداث بكيفي
154
– و انتِ منو ؟
ما جاوبتة بس صدگ انقهرت
رجعت للغرفة خليت السماعات و نمت
266
بَعد بيد منو راح أصير ؟
يَاسمين هَذا منو ؟ و ليش سامحتلة يتحكم بيچ !
شفت الباب انفتح دخل هوَ
اشر بأيدة وخرت السماعات
11
– نصي الصوت تاتسمعين الباب من يندگ
فِتح الكنتور و سحب صندوگ اخذ سلاح
فتحت عيوني يعني هذني كلهن اسلحة !
– هاي شنو ؟
ما جاوبني اخذة و طلع
33
اكثر شي مزعج من تحاچي احد و يتجاهلك
هذا شبي عجزت افسر شخصيتة !
194
قطعت افكاري صوت سَحب الاقسام
و صوت الطلقة يمةةةةة !!
ركضت للفراش غطيت راسي كتل نفسة ؟
انفتح الباب و اخاف ارفع الغطة
سمعت حركة رِجل يمي و اني الخوف
سَيطر على جسمي
163
انرفع الغِطة و أني ضاغطة على عيوني
ما اگدر افتحهن
– يَول عَش ترجفين ؟
179
إنفجرت بالبچي يمكن صوت الطلقة چان سبب
اني اكو شي بداخلي يوجعني صعب شعور
الانسان يحس روحة تايه و بمكان مَيعرفة
43
.. الما يگدر يگول البي ما يلگة اليعذرونة..
المُصيبة الماي مابي لون من يفگد عزيز
شلون يگدر ينخطف لونة ؟
535
گعد گبالي و خَلة السلاح بحضني
يولي اني تا انضفو و رميت بالغلط عش هيج تبجين ؟
مَد ايدة مِسح دموعي
260
– تعلمي تگوين الروح و تخليها حتى الموت ما تهابو
– ما اريد هو اني اريد اموت
39
– توء ، چذب لو تردينو چان ما خوفچ شي
انتي تگولين اريدو بس من يجي كل همج تخلصين روحچ
– لا
– اششش ، گومي
66
جاب مُسدس و فرغ الطلق و خلا بجيبة
سحبة و ضرب طلع بَس صوت
– كضبي و سوي نفسي
– لا اخاف
141
– تعلمي كلشي تخافين منو سوي
تا متخافين منو بعد
– بَس مو السلاح ماريد
– جَبانة
59
لا مو جبانة اخذتة منة اول مرة ما گدرت
كال عيدي لحد متگدرين ضغطت قوي انسحب
– يلا ارمي
وجهتة عليه و ضربت
ضحك و گال .. مركزة على أهدافچ ذيبة
817
اخذ السلاح الچبير الي طلعة من الكنتور
– كضبي
لزمتة عبالي خفيف اثگل مني .. ما أگدر
رَجعة بالكنتور و گعد يمي
– تخابرين تَكچ ؟
– دُرة ؟
ابتسم و كال اممم
572
ياريت .. اتصل و طلع
اجاني صوت امها سلمت عليها و انطتني دُرة
– هلاو ياسة لج انتي يَمة ؟؟ هذا رقمة
– اييي بيت خالي ما رادوني
– لج و شلون عايشة يمة
– مادري بس هو حباب يعاملني حلو
126
– لج شنو يعاملج حلو هو اصلا مو راحة
انتي ليش طلعتي من بيتنة
– احسن دُرة
– وحدكم بالبيت !
– ايي
– ياسة شلون تعيشين يُمة تعاي رجعي يمي
معليج حتى اذا رادت تزوج امي اخليها
84
– لا دُرة انتو ما عايزين
و اني راح اخلي ياخذني لدار الايتام
– ياسة تعاي يمي بس تروحين هناك تنسيني
28
– لا لج والله ما انساج
باعي هو صدك دار الايتام ميقبلون عمري
يگلي رفضوچ
– هو شنو شغل و يرفضوچ خلي يجيبج يمنة
عوفي ياسمين هذولة ميتأمنون ليكتلچ
– لا لج هو طلع حباب والله
حتى علمني على السلاح
– عزا يمة لج ياسمين عوفي
187
شفتة اجة يلا باي هم اخابرج مرة ثانية
انطيتة التليفون
– بعد خو ما نسيتي شي ؟
288
ما جاوبتة بَس حصرتني الضحكة
تمددت بالفراش و هو طلع نمت
بس داخلي شعور يجنن قبل شوية جنت ابجي
شگاعد يصير وياي !
191
ثاني يوم كعدت الظهر لكيتة كاعد يخابر
فاتح السماعة و يسوي چاي صوت بنية بس
مو غريب عَلية
21
– ابوية صاير نار من وراك ايمتى ترجع
والله مشتاقة
– على النزول الجاي گليلو عندو هواي شغل
اذا ميكملو يتعاقب
– عجزت و اني اقنعو والله بس ميصدگ
يكول اخاف من فواينو
– هههههه
69
دخلت عض شفتة و اشرلي لتحچين
– و ليش ما احچي ؟
سد المكالمة وتقرب يمي
– عش تسوين هالمصاخة!
– انت مو كلت التخافين منة سوي ؟
غَم گصتة .. مو هيج يَغضب
761
اني ادري بيها حركة مو حلوة بدرت مني
بس ليش سويتها !!
30
طلعت بالكراج افتر ماكو شي واحد يسوي
عمي ببيت خالي جنت سايبة والحياة حلوة
لو ما عيسى الحقير
196
هو طلع مدري شسوة بالميزانية مال الكهرباء
– يلا شوكت توديني ؟
– العصر
– احلف
– والله تا اخلص منج و ارد للغربية
– متروح و لازمتك ؟
– ول يابة طلعت ساعة انگلبتي قرد فوگ البيبان
تا النوب اروح للغربية و اعوفج ؟
248
عوجت حلگي ما جاوبت
– و الورقة البيها رقمي تزتيها تحرگيها وَريتيني ترى
– اصلا من زمان ذبيتها
– عَفية
177
أبتسمت و رفعت حواجبي
– لان حفضتة بعد ميحتاج
حاول ميضحك لم شفتة لداخل حلگة
بس ماگدر بَينت اسنانة
– طرگاعة طرگاعة
890
اني جنت شاكة يقشمرني من يكول اخذج
بس من صار العصر و شفتة اجة ياخذ ملابس
– تحضري تانروح
29
اني بَس اريد اكمل مدرسة هذا هدفي
لان بدونة ما اكدر احقق احلامي !
بَس بنفس الوقت ترعبني فكرة بعد ما اشوفة !
يجوز هو ينساني اني شلون انسى ؟
120
طلعت ويا بَس مبينة على وجهي الكَسرة
رغم اني ردت اروح بس گلبي يوجعني
صعدت و مِشت السيارة الدرب طويل
اني ما حچيت بَس احرك برجلي
16
– بيچ يول ؟ ركدي
– مابية شي
گلبي يگول مَيتخلى عَني و يعوفني
و عقلي يگول مو انتِ ردتي ؟
60
وگف السَيارة يم بناية.. دحكي
و اشرلي بأصبعة على اللافتة الجبيرة
دار الأيتام للبنات
– تنزلين ؟
– اممم
366
طَفة السيارة ..
– عَش متعجبج العيشة ؟
– لان ما اريد اعيش وياك و انت الله اعلم شنو
وهاي الاشياء الگاعد تنطوها الي تخلي راسي يموتني
4
عقد حاجبة و أندار جسمة عَلية
– منو منطيها الج غيري ؟
– محد بس من رحت يم جيران بيت خالي
هم من گعدت هيج راسي يوجعني و بالليل هم
حسيت بشعور حلو بس هي ما ضربتني ابرة
21
– يول هجستي الراحة نفسها نفسها ؟؟
– لا من ضربتني الابرة احلا ، بس هو شنو ؟ منوم ؟
– اخذتي منها شي حباية ، اكل ؟
– عَصير
71
غَمض عينة و خلة ايدة بين حواجبة
شَغل السيارة و رَجعنة لنفس الطريق
– هاي وين نزلني
– جبتج خاطر ما اكون چذاب بنظرچ وانا حلفت
587
– بس اني ماريد ابقى يمك گلبي ما مرتاح
احس اكو شي
13
– ول يابة وريتيني انتي شنو التردينو ؟
– اهلي .. و ابتسمت
تكدر تجيبهم ؟ لان لو هم موجودين
متسوون بية هيج
86
– يولي شمسويلچ ؟
– عوفني بحالي مَشكول الذَمة
65
ضحك ..
– تكملين مدرسة ؟
7
– اتمنى بس بعد وين جنت اكول ام دُرة اذا
بقيت وياها اكيد السنة الجاية تخليني اداوم
تالي عمهم الحقير شد وياي
– تكملين دراسة وي بنوات ابو قيصر بالغَربية
بس اكو شروط
– شنو ؟
.. احس الفَراشات ترست بَطني من الفرح
159
– تعيشين حالچ حال البنوات تحسبين ابو قيصر ابوچ
ماكو طبة وطلعة بَس درب المدرسة الى
ان ينعرف مكان السگط عمچ تا ازتچ يمو
حتى ما اخبر عن مكانو المهم اخلص من حملچ
269
– وشمسويتلك ؟
ما جاوب بَس زُفر نفس طويل
و أردف بكلمة صَدمتني ..
957
ارشد :
891
..
سَميحة ..
116
طلعت على صياح ابوية أرشد صار وقت نزولة
و هَم ما نزل و ابوية يصير اعصاب بس ميحچي
يخاف من سوالفة
32
عصام و محمد منزلين روسهم
ابو ارشد : چم مرة گايل هذا الملحد مايعتب بيتي
محمد : يابة والله هو اجة عجل اطردو
– اي تطردو ولك هذا مامعترف بربو السوا
و انت تضيفو
146
عصام : يابة نطلب السموحة منك
محمد جاهل و غلط
– هساع يعني انت چبير ؟ هو انت انگس منو
231
فراس : يابة اتركهم دواهم بعدو بالدوام
– خلي يضب روحو هذاك اهو اذا شفت
الكراب اعوج كول من الثور الجبير
125
باوع لأمي و گال
– ستة ولچ وما بيهم اليريح الگلب
– عش تلومني اگدر اكضبهم كل واحد چتفو هاعرضو
اعلمهم الزين و الشين من تالي
172
– دَحچ يول انت ويا اذا لمحت ضلو هالقذر
براس الشارع مو عتبة البيت اجيبو و اطبخ
لحمكم عشا في سبيل الله
140
عصام : فوگ ما تذبحنا تاكلون لحمنا
عَجل غير موتة هاي مال عدو مو والد
285
ابوية شال سبحتو و ضربو راد يكضبو و هو حضنو
و تحولت الرزالة ضحك ..
72
عجل يابة لو تدري بگلب بتك يهوى منو
چان فلعت راسي بدون مايرفلك جفن
هوَ ليش الگلب دوم يحب الي مو الو و يورط نفسو ؟
740
رحت للغرفة ابو شاهين تاشوف عندو ملابس
مو نظيفة بس دوم ياخذني الواهس اكلب بغراضو
يتركلي فلوس قليلة بالمجر الي يم راسو
يگول اذا تعتازين اخذي
54
دحكت الفلوس ع حطتهن صار شهور
بس بصفهن قُراصة شعر مال بنات صغيرة
اخذتها لبستها حِلوة ماكو غير هدى بت فراس
545
نزلت اخذت تليفون ابوية و خابرتة
گال بالنزول الجاي يلا اجي
بس سمعت صوت بنت يمو و سدة
50
صحت لأسيل و فَرح يجن ننظف الحوش
والله يكسرن گلبي هالبنوات همزين ارشد ما بطلهن
من المدرسة الله هدا عليهن
276
طَبت امينة و بناتها جابها ابو قيصر نسيبنا
و صار البيت هوسة عدها اربع بنوات كل ما ربها
يرزقها بولد يموت ببطنها هاي المَرة الثالثة
91
كل مرة امي تريد تاخذها تسويلها
حجاب او ناس تسوي رُقية تايقرون عليها
بَس يخافن من ارشد يكول ايمتى ما الله
يكتبلو يصير يصير ان شميت ريحة خَبر هايطات
عتبة الباب ما يحتاج أكول شعسوي
160
عجل لو يدري بيچ سَميحة شعيسوي ؟
يربي والله احبو حُب طاهر و اريدو ينهدي بَس ..
506
و انتِ تركتي الزلام كلها تحبين مُلحد ؟؟
لا هو بدى ينهدي والله
521
وانتِ متعرفين مَصير القبلچ من هوت گلوبهن شصار ؟
تتذكرين نور الي محو ذكرها من الاصل !
و أولهم اخوچ
و هي الي حَبتو ابن عالم و ناس و تقدملها
لو ما رفضهم چان ما غلطت هذيچ الغلطة !
170
لا مهما يكون لازم متغلطها لان كلفتها عمرها
و سمعة اهلها و هوَ اختفى من الوجود
5
و مِسك !
لا مِسك خانتو وهي على ذمتو
363
ربي اذا مو نصيبي ليش دخلتو لگلبي !
عش الانسان ميمد رجلو على گد غطا
ليش دومو ما يهوى الا الصعب و يكسر گلبو گوة
286
الظروف ما تتغير الا اذا ما نَدر
ابعد الف متر عن الناس الما مسموحلي افكر بيهم
ليش اعذب الروح و هيَ امانة ؟
25
يَاريت انتي من عائلة عادية !
سميحة اصحي اصحي !
اجة هالصوت بَس بَعد ما فات الاوان
و حُبي الو احتل الروح و أسرها
73
غَمضت و اتذكر حديث البارحة
– إذا تحبني ابدي صَلي
-يولي ما مليتي ؟
– عجل لا تجينا بعد دامك الرب التعب عليك ناكرو
ما تنكرني اني !
219
– يولي وحدة وحدة خل نعرفكم بالاول
شون عايشين شنو الطقوس هم اليعبدو نصهم ما يصلون
110
– ماكو طقوس بس اكو رب خالقك الو حق يمك
و انت واجب عليك تعملو تامتتحاسب بَعدين
– تصومون و تصلون و بعد ؟
56
– اثنينهم لا شيء اذا ما جان گلبك مخلص و نظيف
ويحب الخير لغيرو و تدخل علاقة حُب بينك و بين
رب العالمين تعتبرو رفيقك بكُل الدروب
7
– اممم هذا ارشد والله خوش يربي
– عجل هوَ اكو منو ؟ والله يسوة الدنيا كلها
– يلا رايح ليلچحوچ و باجر حضريلي محاضرة جديدة
478
…
يَاسمين
7
أرشد : أعقد عليچ و أخذچ للغربية
– تعقد علية يعني تخطبني ؟؟؟؟؟؟
– نَعم
1.7K
– لا والله شايف روحك شكبرك ! ماريد اتزوج اصلاً
– يولي و اني بحالچ !
اساساً محد يعرف بهالسالفة غير ابو قيصر
لانو ماكدر اگعدچ يمو و انتي متعوديلي بشي
171
– لا عيني ما اريد ماريد تالي عمري اتزوجك !
ما جاوبني فوگ راسي چان مربع جلد نَزلة
بالوسط اكو مراية
79
– دحكي بخلقتچ يول والله عايشة اللحظة
خليت ايدي على وجهي
– و شبية ؟ ترى اخبل !
– عجل متهجسين روحچ مسودنة
ما جاوبتة هوَ هم سكت
203
مسافة الدار عن البيت بعيدة
وهاي المسافة الي مشينة بيها مرتين
بَس حتى اشوف الدار !
والله هو مسودن مو اني
47
چان كلامة مثل المُخدر سكتني الطريق كلة
ياسة كملي دراستج و توضفي و أبني حياتچ بيدچ
تضلين مَكفخة ناس تشمرچ على ناس !
34
بس شنو يخطبني ! شراح يستفاد
باوعتلة و حچيت
4
– أجي وياك بَس متخطبني
– عذريني أستحرم !
– شنو استحرم
1.2K
ما جاوبني وصلنة للبيت رحت گبل للغرفة حتى هو ينام بالصالة
غَمضت عيوني بَس بعد كلامة وين اكو نوم ؟
18
اتذكر من جنت اروح مناسبات وي بيبي
يعني يخطبني البس بدلة و يحطولي مكياج ؟
لا عيني و يبوسني بالخطوبة ما اريد
763
بَس ياسة متنقذچ غير دراستچ
احلامچ شلون تحققيها ! و فَرضاً طلعتي منا
وين تروحين ؟ اني ما مأمنة بأحد غيرة !
5
يَاسمين بَس هو ضربچ ابرة البارحة
و انتي متعرفين حتى السالفة شنو !!
لالا هو گال حتى ميأذوچ ! بَس هم منو ؟
68
رفعت الغطا و رحت فتحت الباب
لگيتة گاعد يدخن باوعلي صَغر عيونة
– هو انتَ البارحة ليش ضربتني ابرة ؟
98
اشرلي بأيدة يم راسة معناها اني مخبلة
– سوادين الليل ؟
188
– گلي شصار ترى اني مو جاهلة
اكو شي صار بس ما اعرف شنو و اني حتى
سمعت صوت زلم بالبيت
– شيخصچ ؟
24
– شنو شيخصني ترى خَبلتني
لا عبالك لسة ماناسيتلك سالفة الدكتورة
– شسَوتلچ ؟
431
ما جان بأيدي غير الـ MB3 و السماعات
ضربتهم بي كل قوتي هوَ ضحك بصوت عالي
نسيت السَالفة و انصدمت بضحكتة..
حلوووة
1K
بعدين صحيت
ضجت من كلامة ينرفز ينرفز
كلما يشوفني محترگة و اريد احجي موضوع مهم
يسكتني بحچاية
33
طلعت بالگراج احس دخان يطلع من راسي
باوعت للسما رجعت سويت حركتي الاحبها
و كعدت على الصبة سندت راسي على الباب
مال المطبخ نمت ..
31
حَسيت بي يگعدني بس اني ما اريد اجاوبة
انرفعت من الگاع مَثلت اني نايمة بس مو بشطارة
خلاني على الفراش و هِمس بصوت
– گولي شيلني يول ترى بالخدمة
2.5K
غَمضت عيوني قوي احاول اتناسى الموقف
گعدت الظهر ثاني يوم بَس ما لگيتة
مَرت الايام ويا و كُل يوم تعلقي يزيد
شلون يا رَبي
75
و لمن رِسخ كلمة يخطبني بدماغي
ما صار عقلي يفكر بغير شي بَس هوَ
تجيني مَرات اريد أروح اگلة
اي موافقة بَس الزم نَفسي و انام و من اگعد فرحانة
لان حفظت كرامتي و مارحتلة
201
هو غرس روحة بگلبي من يوم الي گال
گولي خالي و انطاني رَقمة لان كل عمري
مَحد عاملني هيچ
119
اني اشوف هواي شباب تذب كلام بالشارع
بس تلعب نَفسي هو حتى مگايلي حچاية حلوة
ليش ما افكر بغيرة !
136
جانت هاي اللحظات بحياتي صَعبة
اني كاعد اعاني من شي بس ما اعرفة شنو
وولا عندي احد اگول الة يوجعني شي
بس اني مو مريضة
86
الي عرفتة كل هالفترة هو عندة نزول بس ما راح لاهلة
بقة هنا لان من بدة الدوام رجع يطلع من الصبح
و يجي العصر
1
جان كل الايام عادي بس اخر يوم دوامة چان
كل ساع يدگ تليفونة و يحاچي اهلة العصر اندگ الباب
راح هو فتحة دخل ابو قيصر
8
سلمت عليه و فتحو الغرفة المقفولة
– امان ؟
– شَاهينة وفية و ابصم بمكانها
ابتسمو.. نضراتهم علية جانت شيقصدون!
401
باوعت للغرفة كلها من هاي الصناديك
معقولة هاي كلها اسلحة !! شيسوون بيها
بقو يتناقشون ع الاسعار و الانواع بس اني ممفتهمة شي
رحت للغرفة وضليت كاعدة بيها
109
ب ثمانية انفتح الباب دخل هوَ
– دحكي يول باجر نزولي و بالغربية الامة محترگة
ماكدر اطول چثير
30
تجين وياي لو تردين يم خوالچ !
انا الاكدر عليه سويتو و طلعت من خطيتچ
– رجعني لخوالي
– خوش كلام يلا تهيري
264
اني ما اريد اقبل بسرعة
هيَ بس عزة النَفس باقية و هم اخسرها ؟
91
بدلت بس دمعتي بطرف عيني لكيتة هو كاشخ
اخر شياكة حقة ميدري الي بگلبي شنو
صعدت و چان ابو قيصر يقفل الباب
صعد و حَرك السَيارة
37
شوكت ارتاح يا رَبي والله تعبت
ما فتحو وياي اي موضوع هم يحچون مواضيع تخصهم
ردت انام بس النوم طار من عيوني
10
سواد الليل چان يشبه الايام المستقبلتني
و الگلوب الي راح انصدم بسوادها
115
حتى يكون الانسان قوي لازم تاخذ الايام
و الخذلان والمتاعب و الصعاب الحصة
الكبيرة من عُمرة
19
أني ما ردتة يتخلى عني !
ردت هو يفهمني من وحدة و يعرف اني شنو
متعبني لان هو السبب
29
لمن صار الفجر يالله دخلنة دهوك اني اعرفها
من بنائها و جبالها و كل ما يصير البيت
اقرب اكول هسة يرجعني معقولة هو يكره عيسى
شلون يخليني يَمة !
125
دگ تليفونة ارتبك
– جاوب
– هلا عمي .. هلا بتاج الراس .. جاي والله
بس ازدحامات وعيونك.. لالا كلشي ولا تغتاض
ول يابة شعندي غيرك احبل اجيب ؟
…. هههههه لا والله ما لاعب يلا ساعتين و اني حدرك
92
سد المكالمة و زفر نَفس بصوت
– خوفي لا موصليلو خبر عنها
– لا .. وذا كلو امانة ورديتها
– وهوَ يقنع ؟ انا مسوي روحي متعقد تاميحچي شي
25
– وهو انتَ بَس هاي ترى ! ليش اكو غيرها ؟
– شتدري بية اضم عنك ؟
لو ما امها تجيني اني اوصللها !
129
– عش تهدها عجل ؟
– لو ما مأمن من دگتو مايهوى غيري
ما اهدها
1.1K
صدگ چنت بوقتها مطبقة المثل مال
مثل الاطرش بالزَفة
178
– دخلنا للشارع و وگف السيارة گبال الباب
عبالي راح ينزل وياي دار وجهة علية
– ما تنزلين ؟
106
الدمعة ما سيطرت عليها فتحت الباب و نزلت
مسحت عيوني و باوعتلة هوَ غمض عيونة
– التليفون بي شريحة
71
وگفت يم الباب و هو رجع السيارة
لوحتلة بأيدي و دگيت الباب
أبتسم و دَزلي بوسة بالهوى
554
ما چانت بوسة
انتظرتهم يطلعون من الشارع و گعدت على الرصيف
طلعت كل الدموع الموجودة بعيني
غرست اظافيري بجهة گلبي
كلةةة من وراك كلةةة
157
رجعت دكيت الباب فتحة عيسى
انصدم من منظري ما حچة شي طَبيت
گبل و كعدت بالاستقبال نمت على القنفة
اجة هو يم راسي
– اخذ الي يريدو و تركج والله تستاهلي
ما كذب ارميا من قال العرق دساس
290
– شوف وحق الله اخابرة و اخلي يجيك
اذا متعوفني ترى هو گالي بس احد يأذيج
اسجنهم كلهم
100
ماجاوبني.. عافني و راح
و اني من گد البجي نمت كعدت على
صوت خالتي و خالي واكف يمها و اسمهان
همزين ارميا ماكو
11
– وين كنتي صار شهر ؟
– بدار الايتام وين يعني غير انتن
شمرتني بالكراج و قفلتن باب المطبخ علية
7
رحت يم خالي ابچي
– خالو والله لو شايف شسون بية
اسمهان شمرتني بالشارع و ضربتني تالي هذا
الرجال الحباب اخذني لدار الايتام
و طلعوني كالولي بعد منتحملج صرتي جبيرة
214
حضني هوَ و گام يغلط عليهن و هن يكولن والله كذابة
كال تعالي نامي بغرفتي فرشت بالكاع و نمت
كعدت العصر اسمهان ودها تاكلني
39
خالتي شكلها لطيف حتى مو مال هيج سوالف
بس اسمهان تحشي بيها الحية
تفكيري كلة مو يمهم منتظرة شوكت يجي الليل
ينامون و اخابرة
574
…
سَميحة
69
من يوم الي ابوية كاللهم بعد ميجي
اني ما شفتو هالنوب لا هو و لا ارشد
و الگلب صاير وصلتين
144
ابو شاهين صارلو شهر ما جاي للغربية
واجبين و نزول و ابوية و عمي ابو منصور
صايرين نار بسببو اول مرة هيج يطول
46
خبرنا اليوم ورا اذان الصبح يجي
و ضليت منتضرتو اني و امي سَهلة
اجة بس شكلو تعبان
15
صبيتلو ريوك اكل بس قليل
حضرتلو الحمام اجة ينام كال
انطيني حباية نزلت اجيبلو لمن صعدت
– يول منو طاب للغرفة ؟
– خير ؟ ناكص شي اني يومية افوت
42
حك خشمو و اشر على المجر
– هينا جانت كماشة شَعر وينها ؟
435
اتذكرت اني لابستها جريتها من شعري و راويتها الو
– دحك هاي ؟
اخذها من ايدي گلبها كال اممم
28
– حسبت هداوي شامرتها ،
– تؤ ، مو هدى
323
رجعها لمكانها و سد المجر انطيتة الحباية
و طفيت الضوة و سديت الباب و اني مَصدومة
شنو قصتها !!
59
من أيمتى ابو شاهين تهمو قراصة !!
معقولة هيج واصل مرحلة محتفض بهيج شي ؟
نفرض الي افكر بي صحيح
منو هاي ؟ و شلون هيج غيرتو ؟
و شنو من دفاتر عتنفتح لو احساسي صحيح ؟
219
…
33
بدلت و رحت للاسواق اشتريت حلويات
و رجعت بس ما رحت لغرفة خالي
فرشت بالاستقبال
11
فتحت تليفوني لكيتة يتصل
ما جاوبت اول مرة علمود يحس اني ثگيلة
رجع اتصل اول ما انسد .. جاوبتة
155
– الو
– شلونك
– هلا حبيبي
– شنو ؟
– شلونك شلونهم الاهل
– يا اهل ؟
607
سكت ثواني و كال
– يولي كاعد يم الاهل شونج !
– زينة و انت
– تهمج اخباري ؟
– لا بس لازم ارد السؤال
– اممم .. يلا بعدين احاچيچ !
279
سديتو و حسيت براحة من سمعت صوتة
يا ربي شلون ويا ؟
379
…
رسُل فهد
