رواية بيت البخت الفصل التاسع 9 بقلم اريج البغدادي
ضَعي يدُكِ عَلى قَلبي وأسمعَ ما يَلي
أشَعُري بنَبضي أشَعُري بحُبي لكِ
يَا سُري وسَردي وكُلي مِن يَا هَامتي إلى طَرفي.
-: جاوبت هذا الشخص المُضلم
بتوتر ورعب
-سيد ضَهير بتوتر: بسم الله الرحمن الرحيم سلام قولاً من رب الرحيم
لا طبعاا ما أجي
-براحتك
-: وبعدها أختفى وصرت مااشوف غير ضلمة وأحس اريد أطلع منها لان بدت تتلاشى بجسمي على شكل خدر
-: داخل الغرفة وصوت الجهاز سمعة الجميع
والدكتور الأخر يضغط ع قلب سيد ضَهير كال الدكتور المسؤول بتوتر
-الدكتور: أنطيني الأنعاش فوراً بعد ميفيد الضغط
-: انعاش أول!
أنعاش ثاني!!!
أنعاش الثالث….
-ولد عم ضَهير جميعاً بالردهة بتوتر يقرون
-:نادي عَليا مُظهر العَجائِب
-تجَدهُ عَونا لَكَ فَي النَوائِب
-كُل هَماً كُل غَما سَينجلي
-بِولايَتكَ يـاعلي يـاعلي يـاعلي
فتح عيونة سيد ضَهير وأرتفع صدرة بشكل سريع مع شهگة ورجع نام
لكن بأنفاس سريعة
فرحو الدكاترة وطلعت السستر تبشر عائله السيد ضَهير
-السستر: الف الحمدلله كعد من النعشه الثالثه
-سيد مهد: ليش شنو توقف نبضه
-سيد سلام: لك أي متسمع صوت الجهاز
-سيد مهد: هااا، الحمدلله الف الحمدلله
والشكُر
-أبو ضَهير: اللهم ربي أشكُرك وأنت خَير العطاء والأجابه ما خيبت دعواتي
-دُرر: الحمدلله بس شوكت أكدر ادخل للغرفة؟
-السستر: تدخلين حبيبتي بس مو هسه عالاقل باجر بس نشوف أمرة
-أبو دُرر: لتتعجلين بابا بس يستقر وضعه تدخلين
-سيد خاصر: زين سلام شعجب هسه توقف نبضه ورجع مو كلتو أستقر امس
-سيد سلام: والله مادري اني هم أستغربت
-: أجى سيد عباس بلهفة
-سيد عباس: السلام عليكم يابه شلونكم
-: سيد لبيد ومهد وخاصر بسلام حار بأعتبارهم مملتقين لمدة طويلة تقريباً
-سيد مهد: هلا وغلا الحمدلله وانت
-سيد خاصر: هلا بالحبيب
-سيد لبيد: شلونك أمورك
-سيد خاصر: لك عباس
-سيد عباس: هاا
-سيد خاصر: لك أخوك مات ورجع الله حياه مادري شلون
-سيد عباس بصدمة: ششنووو!
-: سيد لبيد بگرصه وهمس لـ خاصر
-سيد لبيد: ألا تحجي هي دو#دكي
-سيد خاصر: أخخ يمعود هسه قابل جذب
-سيد مهد: ثول باع شلون خليت الولد يفرفح يركض بالردهة
-سيد لبيد: ضامهن اله كلهن سوالفه السواهن
-سيد خاصر: ملبود ماتسكت لا البدك بالردهة
-سيد مهد: عوفه لتخلي عقلك بعقله صير أنت أعقل
-سيد لبيد: استغفر الله متحملك على عمة عيوني الله شاهد بس خل يصير الرجال زين اذا ما أشرمك نصين
-: بعد مرور يوم كامل مفرح
لكن سيد ضَهير من شخص قوي
إلى شخص ذبلان والهالات الي تحت عيونة واضحة بشكل مرهق وعيونه وبياض عينه أحمر
ونايم جنبه سيد سلام كاعد ومكتف كفوفه ويهز برجله بتوتر
كعد وكال
-سيد ضَهير بتعب وصوت ناصي: وين دُرر
-سيد سلام: هلاا عمامي وخوالي كعد
-: سيد ضَهير ضل يلف راسه يمين ويسار
تقرب منه سيد سلام وضل لازم أيدة ويبوسها ويسأله
-سيد سلام: تدور على منو بعد روح أخوك
-سيد ضَهير بنضرة تعب: دُرر
-سيد سلام: صار هسه أصيحها
-: طلع للردهة بشكل سريع وكال
وينج دُرر ضَهير يريدج
-أبو دُرر: اللهم صلِّ على محمد وآل محمد كعد؟
-دُرر بركضه: رح اروح أشوفه
-سيد عباس بضحك: ها شنو كال اريد عباس؟
-سيد خاصر بضحك: قصدك كال أريد خاصر صارلي هواي مشايفه
-سيد قيس: أنجب انت وياه يسأل عليه لان مشتاقلي خطية
-سيد مهيمن: خايب ماتنجبون كلكم
-سيد قيس: ها بقت عليك دكول سأل عليه
-سيد خاصر: أهو يغار هذا اخوك
-سيد مهيمن: وأخوه ماعندة أسم؟ لو جوارينك
-سيد خاصر: أبن عم الخياط الي خيط بدله العرس
-سيد فرهود بضحكة عاليه: خرب شلون تلاثه التمو
-: واكفين تلاثتهم يروحون ويرجعون بالردهة خاصر وعباس وقيس والسوالف متخلص
(غرفة سيد ضَهير)
-دُرر بفرحة: ها ضَهير
-سيد ضَهير بتعب ومغمض: انطيني أيدج
-: دُرر لزمت كفه
-دُرر: شلونك زين
-سيد ضَهير ببطئ: زين… زين
-دُرر: أن شاءالله شويه شويه تتحسن قبل شويه رعبتني من الي صار بيك
-سيد ضَهير بخزرة متعبة: شمدريج؟
-دُرر: شلون شمدريني صوت الجهاز عالي من توقف نبضك
-سيد ضَهير: ها… الجهاز
-دُرر: ليش شنو على بالك
-سيد ضَهير: ماكو شيء عيوني، بس اريد اطلع من المستشفى أختنكت
-دُرر: هسه نسأل الدكتور ونحاول نطلعك بأقرب وقت بس تشد حيلك وتطيب
-سيد ضَهير: مابيه شي اريد اطلع
-: سيد عباس بتسلل دخل للغرفه وسمع سيد ضَهير يكول اني بخير بس اريد اطلع
-سيد عباس: طبعاً بخير عيني طبعاا
-سيد ضَهير بأبتسامة: عبيس تعال
-سيد عباس: ياعبيس لو صدك تحبني جان صحتني بس صدك لو كالو الأم الي تربي مو الي تجيب
-: دُرر ضحكت من كُل كلبي وحاولت أفهم شلون ربط المواضيع
ضحك سيد ضَهير بصوت عالي ووجعته العمليه
-سيد عباس بهمس: أسكتت يمعوود هسه يسمعوك خرب أنه الا يطلعوني من ياختي
-دُرر: خرب يومك عباس شلون رهمتها
-سيد عباس: قهر يمعودة دباعيه باقي بس أحنطة
-سيد ضَهير: وينطيك كلبك تسويني أمون؟
-سيد عباس: لا يابه غير احبك تعال ابوس راسك
-سيد ضَهير: اه اني أجيك يعني
-سيد عباس بتقرب: وهاك هاي بوسه الجتفك يارب تكوم بالسلامة والله البارحة شحتت خاصر وقيس واني ضليت أبجي وره المستشفى كلسع اكول خاف يصيرله شي
-: حضنه سيد ضَهير وضل يبچي عباس على صدر ضَهير وقاطعهم دخول خاصر وقيس بتسلل بدون مااحد يدري بيهم
وشافوا سيد عباس يبچي
-سيد خاصر بهمس: لك هاي عباس يبچي
-سيد قيس بضحكة ناصيه: صوره صوره
-: أخذ صورة سيد خاصر السيد عباس بس طلع مشغل فلاش وطلعو ركض بالردهة يتمضحك هو وقيس
-سيد عباس: دُرر هاي اخذولي صوره؟
-دُرر بضحكة: أيي اخذولك صوره وشردو
-سيد عباس: خرب هُبل اوكف هسه اجيك خل اروح امسح الصورة
-سيد ضَهير بضحك: روح قبل لاينشروها
-سيد ضَهير: دُرر
-دُرر: عيني
-سيد ضَهير: أبوس عيونج يابعد عيني
-دُرر بخجل: ها
-سيد ضَهير: ترة ما نسيت وعدي ألج بالزيارة بس اصير زين نروح
-دُرر: اي اكيد ان شاءالله بس صير زين
-: دخلت أم ضَهير بعد ما سمعت بـخبر
تحسن سيد ضَهير هي وعلويه أشجان ومريم وأم مهيمن وأم دُرر
دخلن وسلمن على دُرر وضَهير
-أم دُرر: شلون صرت يمة بخير ان شاءالله
-سيد ضَهير: الله يسلمج أمي
-أم مهيمن: دوم يارب والله ماتدري شكد فرحنة ماشالتنه الكاع
-أم ضَهير بحضنه ودمعة لـ ضَهير: يمة أبني خوفتني عليك يابعد عمامي وخوالي
-سيد ضَهير بأبتسامة خفيفه: ماكو شي يمة الحمدلله
-: بعد ساعتين سلموا أهل دُرر على أهل ضَهير وترخصوا منهم حتى يرجعون رجعو بسلام
بعد أربع أيام
بدو يتجمعون بأستقبال أبو ضَهير
وطلع ضَهير بسبب أصرارة أنو هو بخير حتى ميضل أكثر من هيج بالمستشفى
رجعوه للبيت أبو ضَهير وأخوانة وعمامة
حتى يوصلون الناس السيد ضَهير نام بالمضيف حتى يستقبلهم
-: سيد خاصر وسيد عباس وسيد قيس ملتمين ويحششون
-سيد خاصر: هسه شنو ليش منومين سيد ضَهير بالاستقبال شرح مع المثال لو شنو
-سيد قيس بأستغراب: شلون يعني
-سيد خاصر: حتى يبين داچيه ببطل
-سيد قيس بضحكة عاليه وصفك على أيد خاصر: ايي بعلي
-سيد عباس بقترب: شكو؟ تضحكون ومتكولون الي على شنو
-سيد خاصر: على أخيك
-سيد عباس: شبي
-سيد خاصر: هو شنو يحتاج كلام دشوف شلون ملفلفيه بالاستقبال ليكول دولمة
-سيد قيس: اي بعلي ناقصه بس نكمطة
-سيد خاصر بضحكة: بزر أنفاس
-سيد عباس بضحكة هستيريه: خرب أبليسكم
-سيد سلام: على شنو دضحكون؟
-سيد خاصر بصدمة: لا كلشي ماكو هيج
-سيد قيس: لا ماكو شي
-سيد سلام بخزرة: أها عبالي
-سيد مهيمن بصوت عالي: تعال سلام أفرش وياي المضيف
-سيد سلام: اي أجيت
-سيد خاصر: روووح سبع أحجارات
-سيد عباس: طبعا سلام وذراع كطاعين رزق
-سيد قيس: لا هذولا مستهت#رين مشايفين خوفه من عدنه خل نطيهم عين حمرة
-سيد خاصر: اي والله هذا ملبود هم مجلوب عليه بس بسيطة خل اسويله فركة أذن
-سيد عباس بضحكة: نجمعهم تلاثتهم نربطهم بالكاع ونجفص بطنهم
-سيد خاصر ضحك ورجع سكت: شلون بلا نربطهم بالكاع؟
-سيد قيس بضحكة: يلزكهم بعلچ بوبي ههههايي
-سيد عباس: ها كمت أطك عليه
-سيد خاصر: لا محمد لا لا مو هيج اتفقنه لا
-سيد قيس: هاي منو رح يجي
-سيد ذراع: صم حلكك
-سيد قيس: منو هذا صم حلكك
-سيد خاصر بضحكة ناصيه: لاصدك منو
-سيد ذراع بخزرة: تره الزكك بالحايط لك
-سيد عباس: هم سفط جسر الهندية
-سيد ذراع: مو أدوس على روسكم والله لحد يشاقه وياي مالي خلك
-سيد عباس: هو يايوم الك خلك درع
-سيد خاصر: أهو ما نحب الكئابة
-سيد ذراع: كئابة لو قرايه دنجب يلا
-سيد خاصر بضحكة: ها ها دمك خفيف بس تخاف نحسد روحك الرياضيه
-سيد قيس: تعالو خل نوكف بالباب نستقبل الأجاويد
-سيد عباس: طي#ط وحزامك رخي
-سيد خاصر: هاي شنو تره احنا نكفي ونوفي
-سيد قيس: دمشو دمشو
-: ضلوا يستقبلون العالم فعلاً والكل تعجب على مظهرهم الجميل وشلون كبرانين
صارت الكعدة بالمضيف وبدو يسولفون وتاخذهم الأحاديث من سيد ضَهير وطالع
وبالختاميه أنتبهوا العباس وقيس وخاصر
-أبن عم أبهاتهم منهل: ما شاءالله لو تلاحظون شلون كبرانين قيس وعبيس وخاصر
-سيد قيس بأبتسامة: الله يسلمك
-سيد خاصر بهمس لـ عباس: أكلك چا شنو نرجع بالكماط
-سيد عباس: دعوفه خل يكمل حجي
-سيد منهل: أي ولدنا شوكت تزوجون بعد كبرتو هههه
-سيد خاصر بهمس لـ عباس: أكلك باع هذا الفايخ عمره 38 عايش حياتة بمرح ويريد يكبسنا
-سيد عباس: أي والله… من تزوج عمي من تزوج
-سيد منهل: أني أيس يعبيس مني
-سيد عباس: عود ليش
-سيد قيس بضحكة: ليش ما تنطوها هيه موافقه يحبها وتحبه بمشاعر صادقه
-سيد منهل بضحكة: هههههاي بالضبط
-سيد عباس: يعني الي نفهمة تحب وما انطوك ياها؟
-سيد منهل: أي عمو اي
-سيد خاصر: أوف أتاثرت
-: وغمض وحط راسه على ركبة سيد عباس
-سيد عباس: باع هذا الجذاب
-سيد قيس بضحكة: شكد چذاب عود متأثر
-سيد خاصر بضحك: هسه غير ياكلون هوى
-أبو مهيمن بضحك: طبعا انتو ماكو تذكروني بشبابنه أني وأبو ضَهير وأبو لبيد
-سيد خاصر: لاعمي ابو مهيمن لهنا وكافي
-أبو مهيمن: أه شكو
-سيد خاصر: أبو خاصر وليس أبو لبيد
-سيد لبيد: دنجب بابا انجب اني غير أكبر منك بدقايق
-سيد ضَهير: هههه مو ديكول الك اكبر منك بدقايق يعني لازم تحترمة
-سيد خاصر: أنت شكعدك ارجع نام
-سيد ذراع بضحكة: ها خاصر سلامات
-سيد خاصر بصوت عالي: صلووو على محمددد وال محمممددد
-: الجميع ضحك وصلى على محمد وآله وسألوه ليش؟
-سيد خاصر بفرحة: درع ضحكك
-سيد عباس: هاذهِ تستحق أحتفالا
-سيد قيس: أي هاي الضحكة الچنت محروم منها
-سيد خاصر: باع وجه قيس لو محروم من الولد مايحزن هلكد
-سيد ذراع: خاب أهو ابتلينه ضحكنه
-سيد سلام بخزرة: أعرف بشنو أضبهم
-سيد فرهود: اي عيني حبيبه روحي ههه
-سيد خاصر بتلعثم: بعد روحي فرهودي الاحبه
-: صارت 10 بليل وقلت الضيوف
أجو بيت أبو دُرر يسلمون ويوصلوهم
-سيد عباس: هلا وميه هلا تفضلو تفضلو
-سيد ضَهير: سلام منو أجى؟
-سيد سلام: ءحم عيني نسابتك
-سيد ضَهير وهو يعدل بروحة: اي خل يجون
-سيد قيس: العبب صار زييين
-: دخلو بيت أبو دُرر وسمعو صوت صرخه دُرر…
