رواية امرأة في الاربعين الفصل السابع عشر 17 بقلم نورا الرماحي
وإنني لم اختر أن
+
أحبك يوماً….
+
ولكن…
+
“قُل لَّن يُصِيبَناَ إِلَّا مَاكَتَبَ اللهُ لنَاَ”
+
وأنت…
+
أصبتني!
2
هلو حبايب گلبي.. بارت قصير هديةلعيونكم 😘😘😘
.
.
12
اليوم سفر حبيبي واتفق وية عمي انو ياخذ السيارة وياه ويجي يروح بيها للدوام حتى يشوف الوضع بالاسبوع الاول من دوام..
+
كعدنا من وكت بالفجر وجنت محظرة جنطته وحطيتله اكلات وكيك سويتله وكليجة سوتله خالتي قبل ايام كلهم حطيتهم اله بعلاكة ونزلها وحطها هو بالجنطة مال السيارة وحتى جنطة هدومه هم حطها هو..
+
كملنا ووكف بالغرفة وهو لابس زي الكلية العسكرية اشكد جانت تلوك لجسمه وطوله 😢
+
التفت باوعلي وسحبني بهدوء لحظنه واني ماسيطرت على نفسي كمت ابجي كام يبوسنى من راسي واني اشهك…
+
يسو… كافي ياعيني موزين للطفل.. صيري سباعية وديري بالج على اهلي الخميس اني يمج واريد هلمرة الاحمر لا احمر خدودج من العض..
كمت اضحكله… اي حبيبي تدلل انتظرك على نار محروس بالله ورسوله دير بالك على نفسك اعرف الكلية صعبة ماهرجان يشكي 😣.
+
يسو… كلها تدريب ودراسة وضغط نفسي الغاية منها حتى يتحمل لان راح يصير ضابط..
النزول خميس وجمعة يلتحق… عقوبات اثناء الدوام…
بصراحة تجي لحضات الواحد يكره نفسه بس للمستقبل نفكر وضع مادي زين احسن من غيرنا وهيبة ومركز..
+
اني… اي حبيبي ربي يحميكم ويحفظكم.. لا اله الا الله
+
يسو… محمد رسول الله… مع السلامة حبيبتي 😘😘
+
اني… مع السلامة عمري 😘😘تروح وترجعلي بالسلامة..
+
جنت دوم نتوادع ونسلم على بعض بغرفتنا قبل لاينزل لان جوة كدام اهله عيب نتباوس ونتحاظن،،،،
+
ونزل سلم على اهله وودعهم وصعد وراح جنت محظرة طاسةمي بيدي رشيتها وراه من طلع…
+
دخلنا وسدينا الباب وطبينا جوة حسيت بوحشة وغربة بدونه وعيوني غوركت..
+
شافني عمي وكال… لا لا عمو لاتبجي باباتى صيري اقوي وافتخري بيه مثلنا اني وخالتج.
تدرين خالتج العام من داوم هم بجت وراه فد اسبوعين بعدين اتعودت..
ان شاءالله عمو هسةتتعودين لاتنقهرين احنايمج بعد باباتى. وباسنى عمو من راسي وخالة حظنتنى..
وكالت… من يخابر راح اكوله زوجتك بجت تدرين البارحة الليل كله يوصينى بيج ويكول يوم هيو ديري بالج عليها صعبة عليها دوامي ومفاركتها الية وتبجي لاتخليها تبجي..
يلة روحي ماما تمددي ماعدنا شي نامي للعشرة اكعدج يلة الله يرضى عليج..
+
حنية عمو وخالة شجعتنى شوية اشكد جنت ممتنة من موقفهم وياية لدرجةعاهدت وية نفسي اهتم بيهم بكل طاقتي ومااخلي اي نقص بشغل البيت.واخدمهم بعيوني…
+
👀📝👀📝👀📝👀📝
+
مرت الايام بثقل وكمت اتعود وخلال اسبوعين من دوامه وروحته وجيته كمت اتعود..
+
واظل كل مايروح انتظر جيته بفارغ الصبر واجمالة جنت اتنسى على ريحته واريده هو مااشتهي شي غيره 😂😂.
3
جنت اكوله من يخابرني مشتهيتك اريدك مشتاقتلك..
+
جان يكول… بت الاوادم اشو صايرة حيل جرئية خليها وشحنيها من اجي اطلع الي قضى والي مضى عليج وعلى جسمج خلي اجي 👌👌.
+
جنت اظل اضحك وابوس السماعة الطول بالطول وهو يكول خلي لج كااافي من اجي ضميلي شوية..
+
وماهر جان يظل يستعجل بينا لان يريد يكلم ابتهال خطيبته لان جانوا يروحون يتصلون بينا بالبوك من الاكشاك ههههه ونظر نقطع الاتصال اني ويسو…
+
بثالث اسبوع اليوم خميس الموافق ٣/١٠/١٩٩٦, جيةيسو يصادف كعدت من وكت حظرت الدولمة الي جان يحبها ولفيتها وحطيتها على الطباخ..
+
ورحت رتبت الغرفةوعطرتها بالبخور وحطيت هدومه مال البيت وجهزتهن على السرير ودخلت للحمام سبحت وطلعت لبست دشداشة شتوية حمرة هو يحبها…
1
وكفت كدام المراية اباوع لبطني وشكله شلون صاير صح مدى يبين علية هلكد الحمل بس احساس حلو عندي اجيب نسخة مصغرة من حبيب گلبي..
+
وكمت حطيت مكياج ومشطت شعري وتعطرت باوعت للساعة ب١١ونص..
+
وكعدت انتظر تالي صاحتنى خالتى من جوة وكالت هيومة اجت سيارة يسو..
+
كتلها جاية دشداشتى جانت حيل طويلة بس تبقي تجلب برجلي من امشي بيها..
+
من فرحتى بجيته نسيت نفسي ونزلت ركض بس ذبيت رجلي من البايات الفوك الاولى
+
وجان تلف دشداشتى من جوة برجلي وافقد توازني الي حاولت الزم بيه واجلب بالمحجر ماكدرت عبالك واحد ودفعني وخلص…
+
وكعت بعد البايات السبعة الي جوة وماسمعت غير اصواتهم وهمة يصرخون…
10
اجانى يسو مثل المخبل وشالني من الكاع وهو يكولي بيج شي حبيبتي ايدي التوت جواي توجعني واحس شي كام ينزل علية مديت ايدي شفته دم💉 كمت اصيح…
+
اني… يسووو ابنا الحكني… شالني وخالتى وزمن جابولي حجاب ولبستنى خالتى عباية وطلقة طلع بينا حبيبي للمستشفى….
+
دخلنا للمستشفى وهو يصيح على الممرضات الحكو على زوجتى تنزف..
ركضن الممرضات صاحن دكتورة من دكتورات..
+
كالوا دخلوه جوة للفحص دخلت وتمددت وكامت تفحصني الدكتورة
+
وكالت هاي عندج اسقاط لازم زوجج يوقع ونسويلج عمليةكورداش…
+
طلعت من غرفةالفحص للممر خالة تسندني وكعدتني بعربانة وكالت لياسين عن العملية… باوعلي بعيون خانكتها العبرة…
+
واني تعبت من الالم وهو ادمرت اعصابه بحيث زمن كالت وصل بيه الحال كعدبزوية وينصي راسه لانشوف دموعه وهو يسمع صياحج من الالم بغرفةالفحص…
تكول كعدت بصفه وطبطبت على جتفه وكتله الله يكومها الك بالسلامة…
+
وقع على الاوراق واخذوني جوة وتمت العملية وطلعوني واني مغمى عليةمن البنج…
+
كاعد ومنتظرنا هو برة من صحيت من البنج…
+
سألت عنه رأسا كالت خالتى برة مايخلوهم يطبون اهنا للردهات.. وكالت… حمدلله على سلامتج والله يعوضكم ماما بالخلف الصالح…
اني
بجيت كتلها… الحمدلله على كل حال المهم ياسين سالم.. شلونه هو خالة😢؟
+
خالة… تخبل عليج… كتله ابني شدحيلك مايصير هيج كل النسوان ترى هيج..
+
كال اعرف يووووم بس هيام رقيقةماتتحمل الالم وسكتاوية بنفس الوكت تكتم… بس يووم طولوا صارت ب٢وماطلعوها..
كتله عادي ابني هسة يطلعوها… بالجايات ان شاءالله تجيبلك ولد يترس حظنك..
كال شنو جايت مستغني عنها انعل ابوالجاهل لابو خيره هيام بالدنيا عندي اموت اذا صار بيها شي…
+
كتله اذكر الله ههههه هسة تكولون هيج وباجر نسمع بطنها متروس منك.
+
وكام يبتسم وطلعوج والحمدلله على سلامتج هسة يتعوض ماما حمدلله طمنتنى الدكتورة…
واحنا نحجي دخلت علينا ممرضة وكالت منو هيام…
+
كتلها اني اجت جيكت وضعي وقاست ضغطي وكالت هسة تجيج الدكتورة وتكتبلج خروج بس اوويلي من رجلج شنو من رجال
+
كل الزلم عدهم ولادات نسوانهم ساكتين الا رجلج الحليوة الضابط جاي رايح ويوصي هنيالج على هيج حب ورجال الله يحفظه الج…
وطلعت راحت عرفنا بعدين يسو دازها علية حتى يطمئن علية..
5
من طلعت قرت خالتى وراها المعوذتين قل اعوذ برب الفلق وقل اعوذ برب الناس
+
كالت خالة… يمة الرحمن من عيونها فال الله ولافالها ربي دخيلك اوف من رجلج راح يجيبلنا العين والله وكامت تضرب بيدها على رجليها من خوفها عليه مايكعد ويسكت..
+
كتلها… فديته يوووم موبيده خطية..
اجتنا الدكتورة وطلعتنى كتبت خروج.. وكالت ممنوع الحمل منا ل٦اشهر مفهوم… وكتبتلي علاج..
+
اجي حبيبي واخذنا وطلعنا ووصلنا للبيت شالني هو حبيبي سودةعليه بحظنه للغرفة وممدني بفراشنا وتنهد وذب نفسه بحظني وكام يبجي….
+
حظنت راسه وكمت ابوس بيه ونبجي سوة كتله… اسفة ماحافظت على ابنا.. وشهكت وابجي..
+
كام هو حظني كال… ماابجي على ابنا لج هيام ابجي من خوفي عليج متت كلت فقدتج لاسامح الله، 😭
2
كتله… فدوةالك حبيبي اهم شي انت سالم
+
يسو… ياظالمة ليش 😢مااعيش بدونج يوم..
اسمالله عليج…
+
حظنا بعض وكمنا نواسي بعضنا ونمنا وماحسينا بنفسنا من التعب…
.
.
.
يتبع
.
.
+
اليوم جانوا عقال مو 😉😉 تصبحون على ماتتمنون 😘😘😘كود نااايت
16
#نورا
+
