رواية الثعبان الفصل الرابع 4 بقلم فريدة الحلواني
صباحك بيضحك يا قلب فريده
+
هتقابلي ناس في حياتك مرضي نفسيين…كل همهم انهم يهدوكي و يخلوكي تفقدي الثقه في نفسك…
+
تبقي هبله لو صدقتي كلمه مالي بيقولوها….لما حد منهم يقولك كلمه انتقاد بصي في عينه جامد و ابتسمي …قوليلو انا عاجبه نفسي و ده الاهم
+
اقسم بالله هيتحرق من جواها
+
انتي جميله من جوه و من بره و احسن منهم مليون مره…انا واثقه فيكي
+
و بحبك
+
اصعب شعور ان تكون نسخه من احدهم شكلا…و علي النقيض في الجوهر
+
كيف تثبت انك مختلف..ذلك هو السؤال الصعب
+
رغم غضبه من ذكر اسم اخيه …و اعجابه بتلك الفاتنه التي تقف بزهول امامه
+
الا انه مثل الابتسام بعدما تحرك من خلف مكتبه ليتجه اليها
+
مد يده ليصافحها و هو يقول : يوسف الدميري…واضح انك قابلتي اخويا…نظر داخل عيناها بقوه و ضغط علي كف يدها ثم اكمل بغل مكتوم : اخويا ….التوأم
+
مع اخر ما نطقه و ضغطه علي يدها…فاقت من صدمتها ……. قامت بسحب كفها عنوه و هي تقول بثبات : اها فهمت….سوري اصل الشبه بينكم فظيع …تقريبا مفيش فرق خالص
+
ابتسم ببرود ثم قال و هو يدعوها للجلوس حينما اشار الي احد المقاعد : فعلا ناس كتير بتتلغبط بينا ….كتم غيظه وهو يكمل بمغزي : في الشكل بس طبعا …انما الطباع مختلفه تماما
+
كادت ان تساله بفضول و لكنه منعها حينما قال بحسم : المهم ….نتكلم في الشغل افضل …بس الاول تحبي تشربي ايه
+
تنحنحت باحراج دارته سريعا ثم قالت بثقه : شكرا مش هقدر …انا كنت محتاجه حراسه تكون معايا الاربعه و عشرين ساعه
+
رد عليها بعمليه : حضرتك بتشتغلي ايه …و ايه نوع الخطر الي اتعرضتيلو عشان تطلبي حراسه …
+
قبل ان ترد عليه رفع كفه امامها و اكمل بتحذير : يا ريت اعرف ادق التفاصيل و بصراحه عشان اقدر احدد العدد الي هتحتاجيه و كمان نوعيه الرجاله الي هتقوم بالمهمه
+
زوت بين حاجبيها و رددت باستغراب : نوعيه الرجاله…هو في حاجه اسمها كده
+
يوسف : طبعا يا فندم…بمعني مثلا لو بنقوم بحراسه مغني او لاعب كوره….مش زي ما هنحرس رجل اعمال او وزير مهدد بالاغتيال …
+
هزت راسها بتفهم ثم قالت : اها تمام …انا بشتغل كيميائيه في شركه عصام المنيسي ….مليش اي اعداء …بس امبارح اتعرضت لمحاوله اختطاف
+
ابتسمت دون اراده و هي تكمل : و لحسن حظي ان اخو حضرتك كان معدي من نفس المكان بالصدفه و هو الي انقذني
3
ابتسم بجانب فمه مما ينم علي استهزاءه بما قالت و رد ببرود : اااه فعلا من حسن حظك
10
ظل يسألها بضعه اساله حتي يعلم جميع جوانب حياتها …و هي ردت عليه بتحفظ شديد لاحظه بسهوله
+
بعد ان انتهي وقف من مجلسه و هو يقول : كده فهمت الدنيا…بس هحتاج اروح معاكي البيت عشان اعاين المكان انا و رجالتي
+
وقفت بدورها و هي تقول : مفيش مشكله اتفضل حضرتك
+
بينما كان يجري بعض الاتصالات الهاتفيه التي تخص عمله…تفاجيء بوجود ناتالي امامه
+
اغلق الهاتف دون حتي ان يلقي السلام علي الطرف الاخر ثم نظر لها بغضب و قال : متي جأتي …و لما لم تخبريني برغبتك في الحضور….اقترب منها بسرعه ثم امسك خصلاتها بقوه ….
+
اكمل بغل : هل جننتي ناتالي …تاتي من ايطاليا الي مصر دون علمي …
+
صرخت بالم بعدما ضغط علي خصلاتها مع اخر كلمه ثم قالت برعب : اردت ان اصنع لك مفاجأه…لقد اشتقت لك حبيبي
+
ملست علي صدره رغم المها في محاوله منها لتهدأته ثم اكملت : الم تشتاق لناتالي حبيبتك…الم تخبرني انك لا تجد راحتك الا معي
+
جز علي اسنانه غيظا ثم دفعها لتبتعد عنه بعد ان ترك خصلاتها و قال بوقاحه : تعلمين انك لست حبيبتي…لا امتلك قلبا كي احب به
+
و وجودك هنا الان ستحاسبي عليه و بشده
+
بكت بحزن و هي تقول : هل هذا استقبالك لي بعد غياب ثلاثه اشهر…اعتقدت انك ستطير فرحا حين تراني
+
لطمه قويه هبطت علي وجنتها و هو يقول بمنتهي القسوه : افعال العاهرات لا تأتي بثمارها معي….
+
تعلمين طبعي جيدا …حتي اذا كنت ارافق امرأه و مللت منها…تظل تحت سطوتي …لا تقوي علي معرفه رجل غيري …او حتي التنفس دون امر مني
+
و اذا كنت فضلتك عليهن …ليس حبا فيكي…بل لانك تجيدين ارضائي في الفراش ليس الا…
+
لم يهتم ببكائها و هو يكمل : لكن تلك المكانه التي اعطتك اياها …من الواضح انها جعلتك تصابي بالغرور….و انا من سيعيدك الي مكانك الطبيعي…نظر لها بشر و اكمل : اسفل حزائي
+
دخل عليهم رامي و علي وجهه علامات التجهم …لم يهتم بتلك التي تنوح بقهر و انما قال لعيسي : مصيبه يا تعبان
+
نظر له نظره جحيميه في انتظار اكمال حديثه
+
زفر رامي بحنق و كاد ان يكمل حديثه …الا ان عيسي منعه و هو يقول : اااااايه ….انت كبرت و خرفت و لا ايه …من امتي بنتكلم قدام حد
+
رامي : حد مين …دي ناتالي و مش بتفهم كلمه عربي
+
ضحك بشيطانيه ثم قال : و ايش ضمنك مش يمكن بتشتغلنا…انا بشك في صوابع ايدي يا رامي
+
نظر الي التي تجلس بحزن معتقده انها ستستدر عطفه ثم قال : اصعدي الي الاعلي…انتظريني الي ان اقرر معاقبتك ايتها العاهره…..هيااااااا
+
انتفضت من مجلسا مهروله الي الخارج تجنبا لبطشه…
+
هز رامي راسه بعدم رضي و قال : ايه الوليه دي …الكرامه في زمه الله
+
عيسي : سيبك من امها و قولي حصل ايه
+
رامي : جوزيف قالب الدنيا بعد ما عرف ان نور طلبت حراسه خاصه
+
تحولت عيناه الي جمرا ملتهب ثم قال بجنون : هو بيراقبها من ورايا …دانا اقتله …من امتي بيدخل في شغلي
+
رامي : انا اتفاجأت انه عمل كده …
+
عيسي بغضب جم : و مبلغنيش برغم ان يوسف راح معاها البيت من كام ساعه و تقريبا اتفق و خلص معاينه ….يبقي ليه ميقوليش
+
رامي : ماهو ده الي هيجنني
+
عيسي بدهاء : جوزيف بدأ يلعب عالونجين يا رامي…و انا مش هسمحله بكده….موتي و سمي اكون ماسك شغل و حد يحط مناخيرو فيه
+
اعقب قوله بالاتجاه ناحيه الباب ناويا الخروج …وقف رامي في طريقه كي يمنعه و هو يقول : اهدي بس و قولي ناوي علي ايه
+
دفعه عيسي بقوه طفيفه كي يتخطاه و هو يقول بهمجيه : هطلع ميتين ااااامه….و فقط انطلق الي الخارج ناويا الذهاب الي المدعو جوزيف كي يعرفه جيدا…من هو الثعبان
+
بعد ان صعدت نور الي شقتها …تركت يوسف و معه بعضا من رجاله يتفحصون محيط البنايه من جميع الاتجاهات
+
و من بعدها …صعد اليها …رحبت به هي و الاء و معهم هبه …ثم طلب منها معاينه الشقه
+
انتهي اخيرا من فحص المكان بعنايه ثم جلس معهم و بدأ الحديث بعمليه : مبدئيا الشقه دي استحاله اعرف أئمنك فيها
+
تطلع له الثلاثه بزهول فاكمل بحكمه : اولا الشقه ليها بابين ….دي مش مشكله اوي
+
الاء : امال فين المشكله يا فندم
+
يوسف بعمليه : العماره فيها تلت عيادات لدكاتره كبار….و مكتب محامي
+
معني كده ان ناس كتير بتتردد عليها و صعب نقدر نعرف هما فعلا جايين يكشفو مثلا او عندهم ميعاد عند المحامي…او ليهم غرض تاني
+
نور : اها فهمت طب و ايه الحل
+
زم يوسف شفتيه بجزل ثم قال : هنضطر نأجر فيلا تقعدي فيها مؤقتا لحد ما الخطر الي حضرتك حاسه بيه ينتهي او نوصل للي كانو عايزين يخطفوكي و نعرف عايزين منك ايه
+
نظر له بخبث متواري ثم اكمل : انا تقريبا مطلوب مني حمايه حد معرفش عنه حاجه …و لا ايه هو الخطر الي معرض ليه و ايه سببه
+
حضرتك كده بتصعبي المهمه عليا يا فندم
+
نظرت له ببرود ظاهري رغم ارتعاشها من الداخل ثم قالت بثبات تحسد عليه : انا نفسي معرفش …اكيد لو في حاجه هقولك
+
الاء : مش محتاجين نأجر حاجه…فيلا باباها الله يرحمه لسه موجوده ….فضلنا نقفلها و نعيش هنا في شقتي ….دمعت عيناها ثم اكملت بحزن : اختي الله يرحمها طلبت مني تفضل نضيفه و منفرطش فيها ابدا…كأنها كانت حاسه اننا هنرجع لها في يوم
+
يوسف بتأثر : الله يرحمهم…تمام …لو ممكن تديني العنوان و المفتاح عشان اعاينها و اشوف ايه الي هحتاجه فيها و بكره باذن الله الساعه عشره هكون عندكم عشان تتنقلو هناك
+
داخل مبني المخابرات العامه …خاصا داخل مكتب عمر الغنيمي…..كان يقف هشام امامه بوجل
6
نظر له عمر بغضب ثم قال : اكتشفت…..هو في حاجه عندنا فالمخابرات اسمها اكتشفت يا سياده الرائد
+
رد هشام بتبرير : يا فندم محدش يعرف عن اخوه ده حاجه ….لما عملت استعلام عليه كل الناس أكدو انه عايش لوحده و انه انسان محترم و خلوق…..محدش جاب سيره اخوه
+
زفر عمر بحنق ثم قال بذكاء : أصغر التفاصيل هي الي بتوصلنا للهدف يا باشا….اوعي تكون مفكر أن القضيه مجرد بنت المافيا عايزه تجندها او تقتلها
+
نظر له هشام بعدم فهم فابتسم له باستهزاء ثم اكمل : اتفضل هاتلي ملف القضيه انا هدرسه بنفسي و ابلغك تعمل ايه
+
رفع يده جانب راسه ليؤدي التحيه العسكريه و هو يقول : تمام يا فندم ….خمس دقايق هيكون قدامك
+
تركه و رحل سريعا كي ينفذ ما طلبه منه تحت نظرات عمر الناريه ….و التي لانت سريعا حينما سمع رنين هاتفه يصدح بنغمه سمكته الخاصه
5
رد سريعا بنبره تقطر عشقا ذاد مع الايام : حبيبي الي واحشني
+
اقتحم مكتبه دون استأذان بعد ان ذهب له بنفس الطريقه المتواريه
+
انتفض جوزيف من مقعده و هو يقول بغضب : عيسي…انت اتجننت اذاي تدخل عليا كده …انت اتعديت حدودك اوووي
+
لم يهتم بكل ما قيل بل رد عليها بنبره خرجت من الجحيم : من امتي و انت بتدخل في شغلي ….و ليييييه
+
فهم جوزيف ما يعنيه فساله باستغراب : عرفت ازاي
+
ابتسم عيسي بسخريه ثم قال : مأخدتش لقب التعبان من فراغ يا جو….غير ان رجالتك خايبه مش مقدره هي بتتعامل مع مين…و ادخلت في شغل مين
+
سؤال واحد بس ….ليه عملت كده و ازا لسه بقول يا هادي
+
جوزيف : الصراحه معنديش صبر للخطه الي انت قولتها …البنت دي خطر علينا و معتقدش انك هتقدر تضمها للمنظمه….يبقي نقتلها و نخلص
+
عيسي بغل : طبعا ده راي عصام ابن الكلب صح….متغاظ من البنت عشان مجاتش سكه معاه فاقنعك بكده
+
خليني معاكم و هقول قتلها هو الحل….تفتكر بعد ما شكت فيه …او الاصح انها متاكده انه مش مظبوط
+
مش هتكون مأمنه نفسها…بقالها تلت سنين شغاله معاه…كل الفتره دي مقدرتش تمسك و لو اي حاجه بسيطه عليه….بلاش كل محاولاته معاها عشان يعرف التركيبه ده مخلهاش تاخد احتياطها
+
طب خد الكبيره بقي….معني انها تلجأ لطلب حراسه خاصه يبقي أتأكدت انه ناوي عالغدر معاها
+
جوزيف : مش هي طلبتها بعد الفيلم الي انت عملته
+
ضحك بشيطانيه ثم قطعها فجأه و قال : ده الغباء بعينه لو فكرت كده
+
كانت هتتخطف بالليل …تقوم الصبح تروح لشركه الحراسات …فكرت امتي و اختارتها علي اي اساس
+
و اصلا يوسف اخويا عشان حد يقابله لازم يكون اخد ميعاد قبلها بشهر عالاقل
2
تطلع له جوزيف بزهول ثم قال : مفكرتش كده
+
رد عليه بوقاحه : عشان بدأت تلغي عقلك و تسلمه لابن الكلب ده الي هيضيعك و يضيعنا معاه
+
جوزيف : تمام …انا هسحب رجالتي و اسيبلك حريه التصرف…نظر له بتحذير ثم اكمل : بس لو فات شهر و مكنتش التركيبه معايا او اقنعتها بالشغل معانا …تقتلها من غير ما ترجعلي او انا الي هعمل كده بنفسي
+
مش هستني حتت عيله تهد كل الي بنيته طول السنين الي فاتت
+
تطلع له بشر ثم رفع اصبعه السبابه ملوحا به و هو يقول بقوه و حسم : اياااااك….شوف اياك تفكر تدخل في شغلي و لا تديني اوامر
+
بقالي سنين شغال معاك مفيش عمليه مسكتها و فشلت…لو فكرت بس تدخل….انا الي ههد المعبد علي دماغنا كلنا….و فقط تركه يغلي كالمرجل و غادر دون ان ينتظر حتي ردا منه
+
لم يتجرأ احد عليه من قبل …بل لم يجرؤ احد علي الوقوف امامه…يقسم داخله اذا كان شخص اخر غير الثعبان ما تردد في قتله
+
نفخ بقوه و غضب ثم قال بوعيد : انا الي عملتك يا تعبان….شكلك اول ما كبرت هتلف عليا انا….بس مش هتقدر …و لا هسمحلك بكده
+
بعد مرور ساعتان قضاها داخل سيارته يجوب بها الشوارع دون هدف محدد….عقله يعمل كالاله دون توقف …
+
ماذا حدث له منذ ان رأي صورتها….قبل ذلك حينما يسند اليه مهمه من الزعيم …لا يتردد …بل كان لا يملك الصبر كي يحاول مع احدهم
+
اسهل شيء عنده القتل و بدم بارد …لا يرف له جفن حينما يفصل عنق رجل عن جسده…او يطلق احد رصاصته التي لا تخيب علي اخر
+
ما جعله عقله يجن حقا…انه يعلم بل متأكد ان تلك النور لن تقبل ابدا الانضمام لهؤلاء القتله حتي لو دفعت حياتها ثمن لرفضها
+
اذا …لما لم يقتلها و ينهي الامر سريعا…حدسه ينبأه أن طريقها وعر …و اذا لم يرجع عنه …سيسقط في بئر سحيق و يغرق في ظلامه
+
ظلام…و هل يصح ان يتواجد الظلام مع النور ….حقا لا يعلم
+
و في ظل تلك الافكار المتزاحمه داخله أتخذ قرار لا يعلم من أين اتي به
+
امسك هاتفه الملقي امامه فوق مقدمه السياره التي صفها بجانب الطريق
+
عبث به ليخرج رقمها المسجل لديه…و دون ذره تفكير قام بالاتصال عليها رغم تأخر الوقت
+
مره و أثنان لم يجد ردا….قرر ان يرسل لها رساله تحسبا لعدم اجابتها علي رقم غير مسجل لديها
+
و كان مفادها ( انسه نور…اسف ان أتصلت في وقت زي ده …بس فعلا الموضوع مهم…انا عيسي …من فضلك ردي عليا و لو نايمه اول ما تصحي كلميني )
+
اما هي….كانت تجلس مع خالتها و رفيقتها يتسامران سويا بما انها قررت ان تأخذ أجازه من العمل بضع ايام حتي ترتب حالها
+
و حينما صدح هاتفها برقم غير مسجل …نظرت لهم و قالت بوجل : الساعه اتنين ….مين هيتصل بيا دلوقت
+
هبه : طب ردي شوفي مين يمكن حاجه مهمه
+
نور : لا يا انطي ده رقم غريب
+
الاء : يمكن يوسف
+
و قبل ان ترد عليها كان الرنين الثاني قد انقطع و انطلقت نغمه الرسائل بدلا عنه
+
زوت بين حاجبيها و هي تقول : ده بعت رساله …اعقبت قولها بتفحصها ثم قرائتها بصوت عالي مما أثار فضولهم جميعا
+
بعد ان انتهت قالت الاء باستغراب : عيسي….جاب رقمك منين و هيكون عايز ايه في وقت زي ده
+
لم تترد في محاوله الاتصال به و هي تقول : هنشوف ….وضعت الهاتف فوق اذنها و قبل ان تفكر حتي في الانتظار
+
كان يرد عليها بأدب : أنسه نور…بعتزر عن اتصالي في وقت زي ده
+
نور : و لا يهمك يا فندم …اتفضل…خير في حاجه
+
عيسي بثبات : يوسف اخويا حكالي عالي حصل معاكي …و انا اقترحت عليه حل اتمني توافقي عليه
+
ردت عليه بعصبيه طفيفه : مع احترامي لحضرتك و انكم اخوات…بس هو ينفع ان استاذ يوسف يحكي عن شغله لاي حد كده مهما كان مين..لا و كمان انت الي متصل تقولي الحل الافضل بالنسبالك …واضح اني أخترت غلط و….
+
قاطعها سريعا بنبره غاضبه : حيلك …حيلك….ايه كل ده
+
اولا طبيعي اني اعرف لاني شريك معاه….ثانيا اكيد انتي حكيتيلو ان انقذتك مالي كانو هيخطفوكي بعد ما اتصدمتي لما شوفتيه صح
+
ردت عليه بغيظ : ايه ده….كمان حكالك ادق التفاصيل
+
ابتسم بثقه و قال : اكيد لا….بس دي حاجه بديهيه يعني …انا و يوسف تزأم متماثل القريبين مننا بس الي بيعرفو يفرقو بينا
+
اكيد اتصدمتي اول ما شوفتيه ..و طبيعي بعد ما يعرفك علي نفسه انتي بردو هتقوليلو شوفتيني اذاي و فين….بس كده مش محتاجه ذكاء يعني
+
كادت ان ترد عليه بغل بعد ان اشعرها بغبائها…و لكنه اكمل سريعا بكذب : و بما اننا شركاء …بالتالي اي شغل لازم اعرفه او ياخد راي فيه
+
زفرت بحنق ثم قالت : اها …فهمت …و ايه راي سعادتك بقي
+
ابتسم بخبث لقربه مما انتواه ثم قال بثقه و ثبات : …..
+
ماذا سيحدث يا تري
+
سنري
+
انتظروووووني
+
بقلمي / فريده الحلواني
