رواية اسيرة ريان الصعيد كامله وحصريه بقلم هويدا زغلول
اهلا بكم في روايات ميكس نقرأ لكم ونكتب من اجلكم
ريان كان واقف قدام ابوه ووشه كله غضب وبعدها قال
ريان
ازاي يعني عايزني اتجوزها يا بوي وانت عارف ان البلد كلها مقلوبه بالكلام عليها والناس من يوم اللي حصل وهم مش سايبين سيرتها في حالها وعايزني اروح احط نفسي وسط كل الحديت ده
في نفس اللحظه ابوه ضربه بالقلم جامد وقال
الاب
واوعاك تنسى مين السبب في اللي حصل لها يا ريان انت اللي سيبت لسان الناس ياكل فيها وانت اللي وقفت ساكت لما الاشاعات طلعت عليها وانت لازم تصلح غلطتك وتصلح اللي عملته في بنت عمك
ريان
اشاعات ايه يا ابويا بنت اخوك مش بنت بنوت وانت عارف الكلام ده كويس قوي
الاب
مين السبب في الكلام ده مش انت انت اللي عملت فيها كده هتطلع وهتقول الكلام ده كدب وما حصلش اي حاجه منه وهتتجوزها يعني هتتجوزها
ريان
انا ممكن اجيب لك واحد يخلص لك المسلسل ده ويطلع ويقول ان هي بنت بنوت وانا اخلص من الحديد ده واصل
الاب
الكلام ده مش هيحصل ابدا انت اللي هتتجوزها علشان لما الكلام ده يتنفذ الناس كلها هتقول ان اللي حصل ده مش حقيقي
ريان
بجى ريان النجعاوي هيجبر نفسه على جوازه بالطريقه دي لا والناس كلها تبصلي وتضحك عليا بقى انا اللي نص بنات البلد بتجري ورايا اتجوز دي
الاب
اعمل حسابك زين لو ما روحتش واتقدمت ليها بنفسك اني هعتبر ان ماليش ولد اسمه ريان دي بنت عمك واني مستحيل اسمح انها تتكسر ولا يتهد عمرها بسبب غلط انت كنت السبب فيه
وبعد شويه كانوا قاعدين في بيت عثمان ابو قمر وكان البيت بسيط جدا
ابو ريان دخل وقرب من اخوه وقال
الاب
ازيك يا اخويا اني مجولتش اجيبك لعندي وقلت لازم اجي بنفسي علشان اطلب يد قمر لريان الاصول بتقول اكده لازم اجي اطلب العروسه من بيتها
عثمان اتصدم وقام بسرعه ومسک ايد اخوه وقال
عثمان
والله مش مصدج الكلام اللي سامعه معقول بنتي هترفع راسها من تاني بعد كل اللي شافته
الاب
ريان غلط ولازم يصلح غلطه دلوجت نادي على عروستنا وهي اللي تقول كل اللي عايزاه
وفي الوقت ده خرجت قمر وقالت
قمر
اني موافقه يا عمي على الجواز بس عندي شرط واحد وبس
عثمان
شرط ايه يا بتي
قمر رفعت عينيها وبصت لريان وقالت
قمر
شرطي ان العصمه تكون في ايدي انا ايه رايك يا عمي
ريان قام وقف وقال
ريان
عصمه اي اللي هتكون في ايدك انتي اتجنتي عاد ولا اي لا طبعا ما فيش الكلام الفارغ اللي انت بتقولي عليه ده رايك ايه يا ابوي في الكلام ده
الاب
الكلام اللي قلته له قمر هيتنفذ ماشي يا بنتي اللي انت عايزاه هيحصل الفرح الخميس الجاي
ريان قام من مكانه وهو متعصب جامد وخرج من بيت عثمان من غير ما يبص لحد وكان وشه كله نا
الاب
متزعليش يا بتي من اللي حوصل دلوجت ولا من طريجته اني عارف ولدي زين جوي وعارف انه عنيد ومتكبر بس تربيته هتكون على ايدك واني واثق ان ربنا هيعدل الحال
وبعد شويه رجع ريان البيت وطلع اوضته وبدأ يفتكر اللي حصل
فلاش باك
كان الباب خبط عند قمر وفتحت وهي مستغربه
وأول ما شافت ريان وشها نور وقالت بفرحه
قمر
معقول ريان عندنا اني مش مصدجه والله اتفضل يا ابن عمي
ريان
كيفك يا بت عمي عامله ايه اني عرفت ان عم عثمان مسافر يومين وجولت اجي اطمن عليكم
قمر
الحمد لله بخير اتفضل ادخل بس معلش سيب الباب مفتوح لان زي ما انت عارف انا عايشه لوحدي
بعدها ريان هيدخل يقعد ويقول
ريان
معجوله هتسيبيني اكده من غير حتى كبايه شاي ولا عصير شكلك بخيله يا قمر
قمر
عيني الاتنين ليك يا ابن عمي وبعدها دخلت المطبخ وهي فرحانه جدا وخرجت ب كوبايات وقعدت ولقيته وبيقول لها
ريان
تصدقي يا بنت عمي لحد النهارده انا معيش رقم تليفونك انت مش بتدي رقمك لحد ولا ايه
قمر قالت فرحه
ايه الكلام اللي انت بتقول عليه ده هو انت اي حد ولا ايه عيني ليك يا ريان بس هجيب التليفون من جوه علشان خاطر انا مش حافظه الرقم
وبعدها دخلت وهو طلع كيس المنوم من جيبه وبعدها حطه اي العصير وبعد شويه خرجت قمر ولما شربت العصير نامت وبعد شويه قامت وقالت
قمر
ايه اللي حصل فيا انت عملت فيا ايه منك لله
ريان
عملت فيك ايه انا كنت فاكر ان انت من البنات اللي ما بتجيش بالساهل بس طلعت عادي في حد يدخل راجل بيت وحتى لو كان قريبه
قمر
حسبي الله ونعم الوكيل فيك انا مش هسكت عادي على اللي انت عملته فيا ده
ريان
معقول هتفضحي نفسك بنفسك يا قمر عيب يا بنت عمي الكلام ده انا ما اقبلوش عليك اخرك شين هيترمه لك وخلاص على كده
وبعدها يسيبها ويمشي وبعد يومين ابوها هيرجع من السفر ويلاقيها قاعده عماله تعيط ويقول لها
الاب
وا وا وا مالك يا قمر يا حبيبتي في ايه اللي حصل خلاكي بالمنظر ده حد زعلك ولا ايه
قمر
انا يا ابويا والعمل فيا كده ابن اخوك وبعدها قالت ليه على كل اللي حصل
وفي وسط الدار سليمان ابو ريان كان عثمان واقف مكسور وهو بيقول لاخوه
عثمان
اني مش هسكت على اللي حصل لبتي يا ريان خلتها ما تعرفش ترفع عينها في حد
ريان
بنتك اللي سهله يا عمي وهي اللي بعتت لي علشان خاطر اروح لها بس عشان قلت لها ما ينفعش نعمل كده ثاني بقى كتبت عليك وقالت لك ان انا عملت كده غصب عنها
الاب
اخرس خالص بدل ما اخليك تندم طول عمرك
انا مش فاهم حاجه خالص فهمني يا عثمان ايه اللي حصل
وبعدها عثمان قال له على كل اللي حصل
ريان
ده مسلسل بقى انت عامله انت وبنتك علشان خاطر فاكر ان انا ممكن اتجوزها وتبقوا من كبارات البلد والكلام ده لا يمكن يحصل ابدا
عثمان
حسبي الله ونعم الوكيل فيك على اللي انت عملته ده بس اعمل حسابك ان انا مش هسيب حق بنتي ابدا ولو حسيت اني اقتلك هقتلك
بعدها سابه ومشي ومن اليوم ده ابو ه كان بيفكر في الجوازه منها لحد ما راحوا يتقدم لها
باك
وبعدها رجع سليمان البيت وكان وشه كله هم وحزن ودخل اوضته نبويه دخلت وراه وهي باصه ليه باستغراب وقالت
نبويه
هو الكلام اللي جاله ريان ده صحيح يا سليمان انت فعلا روحت وخطبت بنت اخوك لولدك ولا ايه هو انت فاكر ان ابني ممكن يتجوز واحده البلد كلها بتتكلم عنها من الصبح لليل
سليمان
ايوه يا نبويه روحت وخطبتها وكمان الجواز هيتم غصب عنك وغصب عنه لاني مش هسمح ان بنت اخويا تضيع ويتكسر قلبها اكتر من اكده واللي عمله ولدك لازم يدفع تمنه
نبويه
انت شكلك كبرت وخرفت يا راجل على اخر الزمن ابني يتجوز جوازه زي دي لا والله ما يحصل طول ما اني عايشه
سليمان
اجفلي خشمك يا وليه انتي هي مين دي اللي بتتكلمي عنها بالطريجه دي دي بنت اخوي من دمي ولحمي ولو ولدك ما اتجوزهاش اني هتبرى منه ومنك كمان واسمعيها مني زين لو فضلتي تعترضي اني هطلقك وارميكي برا الدار وتشوفي وقتها هتعملي ايه
نبويه اتصدمت وسكتت وهي باصاله ومش مستوعبه اللي سمعته
وجيه يوم الفرح والدار كانت مليانه ناس لكن الفرحه ما كانتش باينه على وش حد
ريان كان واقف لابس جلابيته ووشه كله ضيق وقمر كانت قاعده ساكته وعينيها في الارض
كتب الكتاب وكانت العصمه فعلا في ايد قمر
وبعد ما الناس مشيت طلعت قمر الاوضه فوق
بعد شويه دخل ريان وقف قدامها وقال ببرود
ريان
اسمعي يا قمر علشان نبقى واضحين من اول يوم شهر ولا شهرين وهطلقك اني مستحيل اكمل عمري مع واحده الجوازه دي كلها كانت غصب عني سامعه ولا لا
قمر
ما تخافش يا ابن عمي اني اكتر واحده نفسها اليوم ده ييجي بس للاسف مش انت اللي هتطلقني انا اللي هطلقك وارميك
ريان
انت عارفه ان لولا ابوي غصبني عليك كنت عملت فيك ايه دلوقتي كل دفنتك عايشه
قمر
مش عايزاك تكون قلقان من اليوم ده هيجي يعني هيجي بس مش انت اللي هتدفني انا اللي هدفنك عايش يا ريان اللي انت عملته فيا مش بالساهل واصل
ريان بص لها شويه وسكت وبعدها لف وخرج من الاوضه وسابها لوحدها
وفي نفس الوقت دخلت نبويه اوضة سليمان وهي متعصبه
نبويه
شوف عملت ايه يا سليمان شوف وصلتنا لايه
لكن فجأه سكتت سليمان كان نايم على السرير بشكل غريب قربت منه وقالت
نبويه
سليمان قوم يا راجل متنامش بجلابيتك اكده قوم غير هدومك
سليمان يا سليمان رد عليا
وفجأه وشها اتغير وصرخت بأعلى صوتها
نبويه
الحقونااااااا سليمان يا ناس سليمان مات
وفي لحظه البيت كله اتقلب في البيت كله
وفي العزاا دخل ريان وقال ل قمر
ريان
اني وقفت ابوكي بره علشان ياخدك معاه وهو ماشي خلاص وجودك اهنيه مبجاش ليه لازمه اني كتبت عليكي جدام الناس كلها وعرفوا انك بقيتي مرتي وخلاص اللي كان لازم اعمله عملته ومن ساعه ما ابويا مات واني مش طايج ابص في وشك واصل
قمر رفعت عينيها ليه بمنتهى البرود وبعدها حطت رجل على رجل وقالت
قمر
هو في حد بيطرد حد من بيته برده يا ابن عمي
نبويه
ايه الكلام الفارغ اللي بتجوليه ده بيت مين اللي بتتكلمي عنه اني مش فاهمه منك حاجه خالص
قمر
الفيلا دي مكتوبه باسمي وعمي الله يرحمه كتبها ليا بنفسه
ريان اتصدم ووشه اتقلب مره واحده وقرب منها بسرعه ومسكها من دراعها وقال بعصبيه
ريان
انتي اتجنتي عاد ولا ايه ايه الحديت الفارغ ده هو انتي فاكره اننا هنصدق الكلام اللي بتجوليه ده
قمر بعدت ايده عنها بعنف وقالت وهي باصه في عينه
قمر
شيل ايدك عني لاحسن والله العظيم هتشوف وش تاني خالص اني مبجيتش قمر اللي كنت تعرفها زمان ولا البنت اللي كانت بتسكت وتعيط من بعيد اني دلوجت بقيت واحده عمرها ما هتسمحلك تكسرها تاني سامع ولا لا
ريان فضل باصص لها وهو مش مستوعب اللي بيسمعه
وبعدها لفت قمر ومشيت طالعه على فوق وهي رافعه راسها
نبويه قربت من ريان وقالت بخوف
نبويه
البنيه دي شكلها ما كانتش بتتكلم من فراغ يا ولدي اني جلبي مش مطمن للحديت ده واصل روح كلم المحامي وشوف اذا كان الكلام ده صحيح ولا لا
ريان
حصل امتى ده بس البنت دي اكيد بتكدب وبتحاول تخوفنا مش اكتر
نبويه
روح واتأكد وبعد اكده ابجى اتكلم يا ريان
وفي اليوم التاني دخل ريان مكتب المحامي وهو متعصب وقال
ريان
اني جاي اسألك سؤال واحد وعايز منك رد واضح الفيلا اللي احنا عايشين فيها دي باسم مين
المحامي
كنت خابر ان انت هتجيلي بس ما كنتش متخيل ان انت هتيجي بالسرعه دي بس انا هقول لك على كل حاجه
باسم الست قمر يا ريان بيه والورق كله متسجل قبل وفاة الحاج سليمان
ريان اتجمد مكانه وحس كأن الأرض بتتهز من تحته وقال بصدمه
ريان
مستحيل ليه ابويا يعمل فيا كده انا مش خابر هو انا مش ولد ولا ايه
المحامي
ويا ريت الموضوع يبقى على الفيلا وبس الفيلا دي الحاجه الوحيده اللي عارفه بيها قمر انما الارض الشماليه الكبيره مكتوبه ب اسمها برضه
ريان
ده انا ادفنها حيه قبل ما تفكر تاخد كل ده مني انت ما تعرفش انا ممكن اعمل ايه
المحامي
لا خابر زين انت ممكن تعمل ايه بس اللي اقدر اقولك عليه أن اس تصرف منك مش هيكون في صالحك واصل ياريت تفكر بعقل
وبعدها خرج ريان وفي الفيلا راح عثمان ونزلت قمر من فوق
عثمان
بقول لك ايه يا بنتي كفايه مشاكل لحد كده انت مش قد ريان واللي كان هيدافع عنك خلاص مات انا بجد خايف عليكي
قمر
وانا قد يا ابوي ما بخافش من اي حد وما تعرفش انا هعمل فيه ايه بسبب اللي عمله فيا ده
الاب
اسمعي كلامي زين يا بنتي انا خايف عليكي ومش معني ان بقي معاكي فلوس يبقي الحوار هيعدي كده بالساهل
قمر
سيبك من الكلام اللي انت عمال تقوله ده وخليني في الكلام اللي انا عايزه اقول لك عليه انت مش هتمشي من الفيلا دي وهتفضل قاعد فيها ومن النهارده انت هتكون كبير البلد
عثمان
شكلك اتجنيتي انت مش بس بتشتري عداوه ريان ده انت عايزه موتنا يكون قريب لا طبعا انا مش هعمل الكلام ده
قمر
هو انت مش ناوي تنفذ وصيه عمي ولا ايه يا ابويا
وبعدها بدأت تفتكر اللي حصل
فلاش باك
قمر كانت عامله تعيط وفي الدار وراح ليها سليمان
سليمان
ازيك يا قمر عامله ايه يا حبيبتي انا كنت عايزه اكلم معاكي كلمتين
قمر
اتفضل يا عم تعالى وبعدها دخل وقمر قالت ليه
والله العظيم يا عمي اللي حصل ما بيني وما بين ولدك ده كان غصب عني انا من كتر حبي فيه مكنتش خابره أن ممكن يعمل فيا أكده
سليمان
انا عارف بالكلام ده يا بنتي وجاي النهارده علشان اقول لك حاجه واحده انا هجيب ريان لحد عندك واخليه يتجوزك ومش بس كده انا كتبت لك الفيلا باسمك
