رواية ارهقني الفجور الفصل السابع 7 بقلم نوسه حمد

الغفير قال لينا انتن عاوزات شنو اطلعن سريع من المدرسه قلت ليهو لا م ح نطلع الا تورينا الحكايه من الاول للاخر قال لينا حكايه شنو خلاص كل الناس عرفو الحكايه وعرفو البت الولدت قلت ليهو لا انت كذاب لانو انا معاي ما يثبت انو صفيه ما كانت حامل يا تتكلم بالحقيقه يا نبلغ البوليس كنت بهدد فيهو بقلب قوي وكنت متغاظه منو ابيع نفسو عشان القروش قلت ليهو هسي لو دي بتك بترضا فيها تهمه زي دي ولا عشان عارفين انو صفيه مسكينه وما عندها سند بتكلم معاهو كده وهو بعاين ورانا فجاه سمعت صوت وراي قال لينا انتو المقعدكم للان شنو اتلفتنا ولقيناهو استاذ علاء انا لمن هبطتا وسعاد دايره تجري تخليني جريتا من طرحتها وقلت ليها انتي مجنونه قعد اكورك فينا قال لينا عاوزين من عم صلاح شنو قعدت اتمتم قال لي اتكلمي عديل قلت ليهو انا عاوزه اعرف منو هي مني الولدت قال لي انتي ضابط قلت ليهو لا بس انا صاحبت البت الانظلمت وسمعتا اتشوهت قال لي منو دي قلت ليهو صفيه بقا ساكت واعاين لي قلت ليهو يا استاذ صفيه كانت عيانه قبل المدرسه وودوها المستشفى وكانت عندها ملاريا وانا مشيت للدكتور بنفسي وااكد لي انو صفيه ما كانت حامل والتقرير معاي اديتو التقرير بقا يعاين لي وكرفس الورقه وقبل علي عم صلاح قال ليهو الكلام دا صحي عم صلاح بقا اتمتم غلبو اتكلم قال ليهو اتكلم ومسكو من جلابيتو وبقا خانقو انا بقيت افك فيهو قلت ليهو عليك الله فكو بموت في يدك قبل علي وقال لي سوقس صاحبتك واطلعي دايره اتكلم قال لي سوقي سعاد واطلعو ولسه ماسك عم صلاح انا قلبي طار شيلت الورقه من الارض وانا وسعاد جرينا جري لدرجه انو ما كنت حاسه بي نفسي كاني بحلم قلت ليها كل توقعاتي غلط علاء بمثل علينا ولا فعلا زعلان عشان الغفير اتهم صفيه قالت لي ما عارفه وسعاد كانت شجاعه اكتر مني قالت لي ارح بالباب المهجور بنسمعهم وما بشوفونا واول ما استاذ علاء يجي طالع نجري سمعت كلامها ومشينا بقينا نسمع فيهم علاء كان منفعل قال ليهو كيف تكذب كذبه زي دي وتظلم بت قدر بناتك وتشوه سمعتها هسي بترضا الكلام دا لي بناتك قال ليهو ما انا القلت قال ليهو طيب القال منو قال ليهو قالت علا وانا صدقتها قال ليهو كيف تشهد علي حاجه زي دي تتزكر لمن كنت في القسم انت شهدت انو الولدت صفيه وانا وقفت القضيه عشان البت سمعتا ما تتشوه اتفاجا تاني يوم البت سيرتها علي كل لسان بسببك قال ليهو لا والله انا ما قلت حاجه غير في المحضر البنات هم القالو وبعدين انت عارف رغده لمن عرفت علاقتا معاك عاوزه تخرب عليها وهي النشرت الكلام عشان صفيه تترفد ودا كلو غيره وانت كان تحدد موقفك قصادهم انا ماعندي دخل في قصصكم دي انا لي بشغلي قال ليهو طالما عارف كل الكلام دا ابقا عندك دخل وانا بكره بشوف الموضوع دا وحسينا انو استاذ علاء داير اطلع طوالي جرينا وانا ما قادره اتمالك اعصابي سعاد قالت لي سمعتي الانا سمعتو قلت ليها سمعت وراسي شاطب انا حسيت بي صفيه انها مايله لي استاذ علاء وفجأة حصلت القصص دي لحقو متين احبو بعض وصفيه جاتا القوه من وين الامور اتلخبطت قالت لي شديد وانا هسي دا كلو ماهاميني صفيه من النوع الاستسلمت للحب في فتره مراهقتا ودي حريه شخصيه مافي زول بقدر اتحكم فيها ولا حتي اهلها بس الهاميني هي وين وكويسه ولا الحاصل عليها شنو قلت ليها انا كمان دا همي واسمعي يا سعاد ما تثقي في زول نهاي قعدت تضحك قالت لي انتي ما وثقت فيك الا لمن لقيتك عاوزه تثبتي براءه صفيه وما ارتحتي الا لمن وريتي الناس الحقيقه حتي قلبي اطمئن ليك نوسه انا انسانه غامضه شديد لا عندي في الصحبه لا غيرو بس انتي حسيت قلبك ابيض وانتي الحا تدافعي عني في وجودي وفي غيابي وقلبي حباك قلت ليها انا كمان من اول يوم وثقت فيك قالت لي ربنا اديم خوتنا ودعتها وفاتت قالت لي بكره احتمال نفهم

مشيت البيت وراسي فيهو الف سؤال امي لاحظت لي قالت لي بتفكري فشنو طبعا اهلي ديل قريبين مني شديد بلاحظو لي اي تغير في ملامح وشي عاينت ليها وما رديت قالت لي وشك ما مطمن في حاجه لو في حاجه صارحيني انا امك ستر وغطاء عليك قلت ليها يمه انا بخاف مرات من رده فعلك قالت لي بعد تعرسي وتلدي بعدين وتجيك رده فعل زي رده فعلي دي ح تعرفي انو كل رده فعل مني كانت خوف عليك ما تقييد لي حريتك قلت ليها طيب يمه معناتا انا استحمل بس قالت لي بالظبط كده اها صارحيني قبل ابوك اجي ويشغلني قلت ليها يمه في حاجه حصلت غريبه شديد قالت لي حاجه شنو حكيت ليها بي العملناهو انا وسعاد والكلام القلناهو للغفير طوالي قالت لي انتي القلب القوي دا جبتي من وين يابت انتي جنيتي انتي موكلنك علي القضيه دي قلت ليها اها شفتي دا الح يخليني ما اكمل يمه انا غلط ما غلطتا ليه هو يكذب فيها ويشوه سمعتا هسي لو دي بتو وكمان ما كده شهد في المحكمه انو هي فعلا الولدت بالحرام واستاذ علاء اتستر عليها وقفل ملف القضيه يمه الغريب في استاذ علاء عمل كده ليه وكان مصدق انو فعلا الولدت صفيه بس لمن وريتو التقرير مسك الغفير من رقبتو قلنا يموت وطردنا امي قالت لي شكيتك علي الله لا لا دا كلام ما بنسكت عليهو تلقي الغفير مات واقولو قتلتنو انتن قلت ليها مات شنو هو فيلم هندي يمه افهمي للنهايه بعد طردنا سمعنا كلامن وعرفت انو استاذ علاء عمل علاقه مع صفيه وفي بت بتحبو يوم دقت صفيه في نص الشارع وانا ما كنت فاهمه شي تاني طلعن فيها الاشاعه دي عشان يرفدوها والولدت منو للان ما معروف في حاجات كتيره ما مفهومه قالت لي انا القاطع قلبي انكن فهمتن الحب والولاده في الثانوي بنات صغار اطلع منكن الكلام دا قلت ليها يمه الزمن دا اتغير اتوقعي يحصل اكتر من كده بس انتي ابقي علي اخواني عشره قالت لي اخوانك ما فاهمين شي انا فيك انتي قلت ليها اطمني من ناحيتي ما تخافي نهاي قالت لي خلاص بس الموضوع دا تاني ما تسكيهو قلت ليها ما بوعدك بس ان شاءالله الحق يظهر وصفيه ترجع لي اهلا قالت لي ان شاءالله كدي نومي ارتاحي ليك حبه عشان تقومي تقري قلت ليها حاضر مشيت صليت وجيت نومتا نومه طويله

تاني يوم مشيت المدرسه خلال اليوم الدراسي استاذ علاء ناداني كنت خايفه بس قويت قلبي ومشيت

سلم علي ولاحظت ليهو انو ليهو فتره ما زي زمان ما بشاكلني ولا مقاصدني قال لي كيف مع الدراسه قلت ليهو تمام قال لي تعرفي حاجه عن صفيه قلت ليهو لا زميلتي بس ومشيت بيتهم اطمئن علي امها وعرفت الحقيقه بعد هي حكت لي انو بتها عيانه وابوي مشا معاي الدكتور عرفنا الحقيقه قال لي ياه دا كلو عشان هي صديقتك ولا عندك هدف تاني وعلي علمي انها الفتره الاخيره اتغيرت منك واتحولت قلت ليهو فعلا بس انا اكتر واحده عارفه صفيه مسكينه قدر شنو انا عشان نصحتها تبعد عنك هي زعلت قال لي ليك حق يا نوسه تنصحيها انا انسان سيئ شديد رغم اني كنت سيئ بس حبيت صفيه انا قلبي بقا شغال يضرب واتفاجأت بي كلامو قلت ليهو بتهظر صاح قال لي لاحظي اني انا استاذك اهظر معاك لشنو انا بس حسيتك حبيتي صفيه شديد عشان كده عاوز افضفض ليك عشان لو عارفه مكانا تخليها ترجع وانا ح اقيف قصاد العالم واتزوجها غصبا عن ابوها وما اكذب علي لمن اتهموها انها هي الولدت انا نهاي ما اقتنعت وكل ما اجي افتح الموضوع امي بتقفلو خوفا علي سمعه المدرسه بس امي مصدقه الكلام في صفيه لكن راي امي ما بهمني انا عايز اعيش زول سوي والناس تحرق بي جاز والكلام دا ما يطلع منك وممكن اقول ليك طلب قلت ليهو اتفضل قال لي علا عمرها ما كانت بتحبك بتكرهك وبتكره نجاحك ابعدي منها البت دي ما هينه وعلي فكره هي وشلتها كنا بنتلاقي بالمساء في البحر انا شخصيا شبه انفصلت منهم بالذات لمن اختفت صفيه واكتشفت اني بحبها لانها بريئه وطيبه وبت ناس بتخاف علي نفسها شديد يلا امشي فصلك والحكيتو ليك دا ما تحكيهو لي زول قلت ليهو حاضر من داخلي فرحت انو صفيه قدرت تغير انسان سيئ لزول كويس سعاد لقيتا منتظراني عشان تعرف قلت ليها سالني من مكان صفيه وكده قالت لي م عارفه بس شكلو حباها قلت ليها شكلو وربنا يجمع بي صفيه قالت لي اسمعيني نهايه اليوم نمش بيت ناس صفيه قلت ليها تمام

نهايه اليوم مشينا لي بيت ناس صفيه ولقينا امها قاعده والهم بدا ياكل في لحمها لمن شافتني فرحت فرح قالت لي مالك طولتي مني قلت ليها حقك علي بس كنت مشغوله قلت ليها دي زميلتي سعاد سلمت علينا وفضلتنا قلت ليها ما عرفتي حاجه عن صفيه قالت لي لا والله وبدعي انها تكون كويسه وماتجي راجعه ابوها حالف عليها واعماما قالو ليهو بتك ولدت بالحرام وانا واثقه من بتي ما بتعمل كده وهو عشان ما بعرف عنها شي صدق ويومي اطلع سكينو اسنها وحالف قسم يشوفها يقطع رقبتها قلت ليها يمه لازم تفهميهو انا اثبت انو الولدت ما صفيه تتزكري لمن شيلت الفحوصات قالت لي اي زمن قلتي دايره تاخدي ليها اذن قلت ليها لا انا ما عاوزه اخد ليها اذن عاوزه اثبت برائت صفيه واثبتها قدام المدرسه كلها بالتقرير الكتبو لي الدكتور المشيتو ليهو ام صفيه قعدت تبكي قالت لي ما عارفه اقول شنو بس يابتي الله يحفظك ويغطيك بنتكلم معاها كده ابو صفيه جا طردنا وكورك فينا قال لينا تاني ما تجو هنا طلعنا ونحنا بنرجف سعاد قالت لي ابوها مجنون قلت ليها عيان لانو اتغدر بيهو ودا ما موضوعنا نحنا لازم نعمل حاجه نوقف ابوها عند حدو قالت لي نعمل شنو قلت ليها ح تخافي ولا تواصلي معاي قالت لي معاك لمن ننصف صفيه بقيت ماشه قدامها وهي وراي تقول لي وريني ماشه وين قلت ليها امشي بس مشينا لغايه ما وصلنا القسم سعاد خافت قالت لس جنيتي انتي قلت ليها ما جنيت اصبري ح تفهمي انا ماشه لشنو قالت لي انا قسم وشرطه ما معاك نهاي بنتظرك هنا ……….تتوقعو نوسه مشت القسم لشنو وهل ح تقدر تنقذ صفيه من شر ابوها