رواية ارهقني الفجور الفصل الثاني 2 بقلم نوسه حمد
الغفير بتاع المدرسه قال لي انتي المقعدك شنو والمدرسه بقت فاضيه قلت ليهو منتظرا علا قال لي علا منو ماف علا جوه قلت ليهو لا قاعده جوه الحمامات المهجوره قال لي الحمامات دي مسكونه ماف اصلا طالبه بتدخلها انتي متاكده قلت ليهو انا متاكده شفتها بي عيني وكل يوم بتمشي وبتطلع متاخره قال لي الله يستر وشال ليهو عكاز ومشا اتكلم مع روحو وكل ما اقول ليهو عمو في شنو اقبل علي واقول لي هوس شكلو خايف زاتو يدخل الحمامات بقيت ادعي في ربنا انو علا تكون كويسه وما تجيها حاجه دخل قدامي وانا وراهو وياريتنا ما مشينا اول شي لقينا علا وشلتها يشربو في سجاير وعلا قاعده في زاويه تتكلم فيديو مع ولد وفاكه شعرها وتشرب في سجاره زي المناظر البنشوفها في الافلام لمن شافن الغفير لمن انخلعن وغلبن اعملن شنو هو طوالي قعد ينبز فيهن وصورهم فيديو وطلعهم من المدرسه قال ليهم بكره ح اوريهو للمدير انا قلبي قعد ادق ومصدومه من المنظر الشفتو ما قادره اتجاوزو معقوله الكنا بنشوفو في التلفزيون يحصل حقيقه انا بقيت خايفه ومرتبكه اول ما طلعنا من المدرسه استلمني وضربني وشرطن لي ملابسي والناس اتلمو فيهن وفكوهن مني علا قالت لي كل منك اقسم بالله انا ارفدوني الحله ما بتشيلينا الاتنين ما رديت عليها في واحده قالت ليها خليك منها نحنا هسي في المصيبه الحاصله دي لازم الفيديو اتحذف من التلفون علا قالت ليهن اتحذف كيف ما ح نقدر قالت ليها كيف ما بنقدر مسكت تلفونها واتصلت لي ولد اسمو علاء قالت ليهو انت وين حاصل حاصل حاصل عاوزنك تتصرف تمسك الغفير وتمسح الفيديو انا بقيت منططه عيوني كمان ديل عصابه علاء دا منو في واحده فيهم اشرت علي علا قالت لي طيري ياخ ما اشوف خلقتك
اتسرعت في خطواتي وخليتهم يعملو في خطه عشان يحذفو بيها الفيديو لغايه ما وصلت البيت وكالعاده امي منتظراني ملهوفه عشان تسالني عملت شنو في المدرسه لقتني مبهدله وحالتي صعبه وجسمي كلو خربيش اول كلمه قالتا لي علا عملت فيك شنو ومالك بسم الله وانا ابكي غالبني افتح خشمي واقول حرف دخلت غيرت ملابسي ورقدتا في السرير ارجف امي حاولت تتكلم معاي بس كنت ما برد وياريتني سمعت كلامها وما باريت علا بس الحمد لله حصل الحصل امي مشت السوق وجابت ابوي اهلي كانو بخافو علينا شديد ابوي هادي ما قاسي بقا يتكلم معاي بهدوء ويسال فيني بس انا كنت ماقادره اتكلم ما عاوزه افضح بنات الناس ابوي اتكلم معاي قريب الساعه ما رديت عليهو وامي قلبها كعب بقت تقول لي في ولد لمسك في زول هبش جسمك ورينا يا بتي عشان نشوف المصيبه الوقعنا فيها دي جنسها شنو قلت ليهم خلوني ياخ اول مره اعلي صوتي امي دايره تضربني ابوي مسكها قال ليها كلمه عمري ما انساها قال ليها بتي انا واثق منها ماف زول ح يلمسها ولا ح تخزلني انا متاكد الحاصل عليها شكله بنات وهي خايفه م عايزه تتكلم ما تضغطي عليها خففي عليها وما الا اوريك انا امي طلعت وابوي طبطب علي قال لي نومي واخدي راحتك بكره ما تمشي المدرسه بعد طلعو مني قعدت ابكي وشبعت بكا ما صحيت الا تاني يوم بصوت امي بتصحي فيني للمدرسه ابوي قال ليها خليها ترتاح انا ماصدقت رقدتا واتكرفستا الخوف داير يكتلني وبقيت اتكلم مع نفسي المدرسه الفيها علا وشلتها دي ح تكون عباره عن حرب ما تعليم بالذات هن افتكرني اني فتنتهن للغفير وانا كنت منتظراها وهي اتاخرت
تالت يوم مشيت المدرسه من بره لقيت ورقه مكتوب فيها قائمه فيها اسماء طلاب تم فصلهم لمده شهر وانا من ضمنهم انا حيلي مات وجريت غرفه الغفير والمدرسه كلها تعاين لي واتغامزو قلت ليهو انا ما معاهم ليه فصلوني قال لي انا ما جبت اسمك وسالوني قلت انتي كنتي منتظراهم وفي واحده من البنات قالت انتي زاتك معاهم وبتشربي سجاير انا بقيت اتكلم مع نفسي معقوله بالسهوله دي يكذبن فيني وعشان شنو وبقيت اتحسبن مشيت لي استاذه منال كانت حزينه شديد قالت لي انتي يا نوسه القلت هاديه وبت ح ترفعي راسي من اول اسبوع تنزلي راسي وانا دموعي سيل بقيت احلف ليها اني انا ما معاهم وبقيت احكي ليها بالحقيقه قالت لي انا مصدقاك بس المديره كيف تصدق وصنفوني اني منحازه ليك عشان كده بعدت من الموضوع ما ح اقدر اعمل ليك حاجه يا بتي ربنا يهون بس قعدتا ابكي واتجرست جرسه لمن خلاص روحي دي طلعت مشيت للمديره اول شي طلعتني في الطابور وجلدتني جلد قالت لي عشان تبقي بت ناس انا ما موجعني الضرب اكتر مما وجعتني كلمتها لي وانا طالعه شايله شنطتي عيني وقعت في صفيه وكانت تبكي شديد بس خايفه تقرب مني حسيت الدنيا اتعدقت علي شديد من اول ايام مدرسه رجعت البيت وكلي خيبه امل بتاع الدكان الفاتح في المدرسه ناداني وقال لي مالك راجعه بدري قلت ليهو فصلوني قال لي ليه فصلوك ماقدرت اتكلم قال لي بسبب البنات البتشرب سجاير صاح انتي ذنبك شنو حسيتو عارف اي شي قلت ليهو انت بتعرفهن قال لي اي بجن يومي يشترن مني سجاير وحافظهن بالواحده بس انتي نهاي ما حصل جيتي اشتريتي ليه صنفوك معاهم بقيت احكي ليهو قال لي اول شي شهر ما كتير ح يمر سريع بس البت الاسمها علا دي ابعدي منها بت اهلا ماقدرين عليها القروش عمتا قلت ليهو بس دي صحبتي من نحنا اطفال حسا بي مخلصه قال لي معليش ي بتي الناس بتكبر ونفوسها بتتغير وعشان تحافظي علي نفسك خلي بالك في قرايتك قلت ليهو شكرا عمو رجعت البيت وامي قالت لي مالك قلت ليها رفدوني لمده شهر انخلعت لمن شهقت قالت لي مالك عملتي شنو حكيت ليها بالقصه امي لمن هبطت وجسمها عرق وضربات قلبها انا كنت سامعاها قالت لي دا الخايفو منو انا معقوله البنات ديل اكونن كده وعلا اهلا عارفنها قلت ليها يمه انا ما عارفه حاجه امي لبست توبا وقالت لي ارح طلعنا مشينا المدرسه امي دخلت للمديره وسلمت عليها قالت ليها بتي ما معاهم بتي ما بتعرف الحاجات دي وبس مصيبتها انها قامت في الفريق وما لقت غير علا صديقه وبتخاف ترجع براها المديره تعاين لي بي تحت النظاره فتحت الفيديو لي امي طوالي امي قالت ليها هدي بتي واقفه ساي وكل البنات ديل بشربن وظاهر عليهن قله الادب قالت ليها البقعد بتك في الزمن دا شنو امي حلفت ليها انو انا بخاف وبقعد بنتظر علا قلت ليها يا استاذه اسالي صفيه كانت بتنتظرها معاي واسالي بتاع الدكان البره انا ما قاعده اشتري منو قالت لي والعرفك شنو انهن بشترنو من الدكان حكيت ليها بي كلامو المديره استدعت صفيه وسالتها صفيه كانت خايفه وشكلها فهمت غلط وهي النوع الخواف اول ما جابوها البت لمن هبطت تبكي وتقول للمديره والله انا ما معاهم انا ابوي بقتلني انا ما بعرفهم بتعرفهم نسيبه المديره قالت ليها صفيه اهدي مافي شي نحنا بس عاوزين نستفسر واحكي بكل صدق لو كذبتي في حرف انا ح ارفدك معاهم بقت تقول ليها عليك الله لا ابوي بقتلني وشكلها بتخاف من ابوها شديد المديره قالت ليها نوسه قاعده تدخل معاهم الحمامات قالت ليها نوسه بتنتظر علا وعلا كانت بتكورك فينا بتقول ليها امشي كان ماشه ونسيبه قالت لي انا بخاف ارجع براي كم مره انتظرت معاها لمن هم طلعو وخليتهم مشو وانا مشيت بس اول امس انا كنت غايبه وعيانه ما جيت المدرسه ما عارفه الحاصل شنو المديره قالت ليها تمام يا صفيه ويلا علي فصلك صفيه كانت خايفه ونظراتها لي بحنيه كان نفسي احكي ليها وابكي المديره استدعت الغفير وبتاع الدكان الغفير حكا ليها الحقيقه قال ليها البت دي ما كانت زاتو فاهمه انهم بعملو فشنو وبتاع الدكان برضو قال ليها والله كلهن بعرفهن وبشترن مني الا البت دي الحق يقال ما تظلموها المديره شكرتهم واعتزرت لي قالت لي البنات ديل ح ينزلو بعد شهر ما عندك فيهم شغله تخافي ليه ترجعي براك والشارع كلو ملان طلبه يعني اكيد بكون في طريقك في بنات ماشات امي قالت ليها لا لا اطمني بتي اخدت درس قالت لي يلا علي فصلك الفرحه دايره تقتلني حضنت امي شديد وقلت ليها شكرا يمه ومشيت الفصل لاقتني استاذه منال قالت لي كنت متاكده انك ما معاهم والحمد لله ومن هنا اعملي حسابك قلت ليها حاضر دخلت الفصل وكملت اليوم الدراسي وكنت مبسوطه وعرفت الصديقه الحقيقيه هي صفيه شكرتها وقالت لي نوسه انا من سمعت الخبر الدنيا مسخت لي انتي مافيك صفاتهم الحصه كانت عند استاذ احياء سلم علينا وقال لينا نبداها بالتعاارف وكل واحده كانت بتقول اسمها لمن جا دوري قال لي دقيقه انتي ليه مبهدله كده وملابسك مقطعه الفصل كلو قعد اضحك وانا قلبي انكسر وبقيت اتمتم غلبني اقول ليهو ما عندنا عشان البنات يضحكو علي تاني بقيت منزله راسي وجواي قلبي متقطع وضربات قلبي زادت بالحسره قلت ليهو انا نسيبه قال لي تمام يا نسيبه خلصي وتعالي لي في المكتب بعد الحصه تنتهي قلت ليهو حاضر انتهي تعارف وانا حصتو ما فهمت ليها اي شي ومن هنا عرفت الاستاذ لمن اكون ما مريح لو دخل ليك الكتاب في راسك ما ح تفهمو انتظرت الحصه انتهت وقلبي كان بتقطع بسبب تنمر الاستاذ علي وضحك البنات فيني مشيت ليهو في المكتب وانا منزله راسي قال لي تعالي دخلت وبدا يسال فيني اسئله غريبه ماليها دخل بالمدرسه جاني احساس غريب استاذه منال جات داخله سلمت عليهو قالت ليهو كيفك يا استاذ علاء انا هنا انخلعت واتزكرت مكالمت البت المع علا لمن قالت ليهو ضروري يا علاء تتصرف بقيت مافاهمه شي ياربي دا اسم علي مسمي ولا دا ياهو علاء صاحبهن تتوقعو شنو ………….يتبع
