رواية لمن تقرع الاجراس الفصل الخامس 5 بقلم ملاك الشويرف
يدك علي احببته❤️
وتعليق قنين ❤️
ضيفوا اهلكم وناسكم حبايبي❤️
_________________________________
نجمة. زعما يتكلموا
جنى. معندهمش شن يتكلموا مليهمش بيا انا اي علاقه وكان خواتهم ميبوهمش يركبوا معاي ينزلوا انا مجبرت حد.
نجمة. لالا ميصير شي مدوري شي
+
طق طق طق
نجمة. خش
+
جنى. متلفته تتفرج علي روشن يلي ف جنب السرير تتفرج علي الشباب كيف يحطوا ف البضاعه امتاع الدردشه
+
وسام. خش وتحمحم
+
نجمة. خيرك ياوليدي شن في
جنى. تلفتت تشوفله وتكلمت.
+
جنى.قصدي شن ادير اطق علي باب الدار يلي انا فيها.
وسام. غير اصبري.
نجمة. خيركم انتم الزوز
جنى. امي كلميه يطلع من بحداي خير ما نرتكب فيه جريمة شويه وخشت ندى خيرك خيرك تصيحي شن في وشافت وسام مركز ف جنى
نجمة. اطلع ياوليدي وفكينا من المشاكل
وسام. طلع ومتعفلق من لقطه جنى كيف حرجاته
نجمة. تلفتت لجنى طول خيرك يابنيه شن في
جنى. مافيش شي
نجمة.شن هو يلي مافيش واضح في شي
جنى. شن تبيني نقولك مثلا ياامي
ندى. قعمزت.
جنى. شافت ل ندى. امتى نضتي انتي
ندى. والله من امي هزبتني😂 بش نضت بعدها سمعت عياطك علي وسام جيت
جنى. ابتسمت. وشافت ل حناها وقعدت تتكلم.
نجمة. تشوفلها. قولي كل شي من غير كدب
جنى. بدت تحكي
نجمة. مسحت علي وجها. من جيهة عندك حق ومن جيتك هو عنده حق
جنى. ناضت وفتحت شنطتها وتلفتت علي كلمه عنده حق عنده عينه مش عنده مليشي ليا اي اي دره علاقه وكان راجل يجي جيهتي
نجمة. عيب يابنتي مش هكي احترميه راه اكبر منك ب 5سنين انتي عمرك 23 وهو 27.
جنى. تلفتت وطلعت اللبسه يلي بتلبسها وشافت ل حناها بالنسبه ليا العمر مش مقياس ابدا. في ناس كبيره وعقلها صغير زي حاله وسام وناس صغيره وعقلها كبير ف متحكميش ع حد من عمره. او شكله الخارجي
+
نجمة. كلامك صح بس يابنتي خايف عليك وسام
ندى. ياحناي عندها حق جنى مليشي بها علاقه وبعدين هيا مليهاش تلاته ايام تعرفه امتى شافاته هيا ف حياتها
جنى. ابتسمت ل ندى وانشاء الله وصلت يا امي الحنينه. او حناي حبيبتي.
نجمة. زيدي انتي سي ندى صبي البنزينة علي النار.
ندى. خافت. والله هدا كلام الحق وطلعت خايفه.
+
جنى. ضحكت علي جنب.
نجمة. ديري رايك شكلهم الشباب بدوا يحطوا ف الحاجات ف السياره
جنى. اي سمعتهم انا نبدل ونطلع نلقاك واتيه
نجمة. باهي غير نشوف الحاج.
جنى. تمام ديري رايك.
+
_________________________________
+
وسام. طلع طرف دخان وقعمز ف الطاوله يلي ورا جنان جده مكانه المفضل جاه وجاه اتصال من ميان.
+
ميان. الو وينك وسام خيرك مغيب حبيبي
وسام. الحمد الله ميمونتي كويس كيف حالك انتي شن مدايره
ميان. اهو ماشيه خيرك مختفي استحشتك نبي نشوفك
وسام. قعمزي وهني روحك وين بتشبحيني انشاء الله
ميان. ضحكت بخفه بش قتلي بتمشي انت والعيله ف منتجع
وسام. اي
ميان. قلبت عيونها بملل اي بابا حجز فيه بعد زن فوق راسه.
وسام. كيف كيف.؟!
ميان. خيرك بيبي حبيبي مش عاجبك ولا كيف
وسام. لا غير استغربت
ميان. ضحكت متستغربش معاي كل شي يصير مش تنسى نبي نشوفك نحظنك عاد ليًا سنين معاش شفتك من سفرتك ل تركيا
وسام. استغفر الله العظيم شن تحظنيني اهيا
ميان . شن فيها يعني بش خطيبي
وسام. وقت نبدا قاري الفاتحة تكوني مرتي كل شي عادي
ميان . انسى انسى. بعدين خيرك متغير مش زي زمان بش كنت تقولي وقت كنت ف تركيا مستاحشك موت ونبي نحظنك
وسام. لازم تتعلمي ياماما انه مش كل كلام ينقال يتنفد قصدي في قول بلاش فعل
ميان. نفهم من كلامك انك مش قد كلمتك
وسام. بصوت عالي. صبر ايوب يارب صبر ايوب
ميان. معاش تعلي صوتك عليا هذا كله ومش قاعده مرتك وكان مرتك شن ادير فيا
وسام. شن ريتي منه انتي التهزيب والتكشيخ بنتي. هي شن تبي من الاخير
ميان. ابتسمت نبي نشوفك
وسام. تمام نوصل وساهل طفى دخانه يلي قريب داب علي صبعه وهو مدخناش وتلفت وشاف يوسف
+
يوسف. احساسي مخابش لا انا ولا اياد
وسام وقف وفي شني انشاء الله
يوسف. لا شي سلامتك خيرك حسيت ف برود ف علاقتك مع ميان شن صاير
وسام. معاش خاطري فيها انسانه ماديه ياراجل
يوسف. الله الله ايام زمان هبلت عليها وخطبتها حرام عليك تعشيم البنت ليالي عشق وغرامً
وسام. يوسف شن تبي مني من الاخير ونبي اخطاني ترا
يوسف. معاش تبيها افسخ خير ما جدك يطلع العرس
وسام. كيف صار
يوسف. قال جدي من قبل ما تجي نبي نفرح ب وسام
وسام. مش عارف مانبيش ناخد قرار نندم عليه
يوسف. ف سره والله طحت وما سميت يا ولد عمي وف جنى نهارك بوك اسود.
وسام. شن اتمتم وين سارح
يوسف. هيا العيله كلها ف سياراتها
_________________________________
+
سليمان ف سياره زياد ومعاه بوه ومعاه هدايه ومرته وزياد يسوق بيهم
+
سكينه طلع بيها ولدها نادر ومعاه ليال وندى
+
و زهير طلع بيهم ولده لؤي ومرته وبناته
+
ومحمود طلع بيهم ولده محمد. وبناته
+
وفي سياره فيها يوسف ووسام واياد وائل
+
وسياره فيها جنى ونجمة.
+
*ملاحظه*.
محمود مرته ميته.
+
جنى. فتحت اغنيه
حبي الك هو الخلاني اكثر بني ادم اناني بدي اضل قدامي وننسى كل الناس ولو ماكانت ايامي كلها معك حتى واحلامي يمكن كنت انت حدا تاني وما عندي احساس وقعدت سارحة ف قصتها هيا وحبيبها علي يلي حباته و********* وبعدين انصدمت فيه؟! من بعدها سكرت علي الحب وسريبه. زعما شن قصة جنى شن وراها من اسرار.
+
نجمة. غيري ه العفن والنكد ونبي حطي اغاني ليبيه زي علي النار سخن شاهينا😂 😎
+
جنى. ضحكت😂 حاظر وحطتها وقعدت تصفق
+
زياد. يجري وبس يبي يوصل هو الاول
كان محمد يلي هو جدي مقعمز ف جنب زياد وزهير من الخلف ف جنب مرته وهدايه
+
جدي. والله يا فرخ الفروخ ماتنقص السرعه الا تشوف مني شي ما عمرك شفته
هداية. مستمتعه😂 وكان تلقى زياد يطير بيها
+
سليمان. نقص السرعه زياد
+
زياد. ونبي تبيني نقعد اخر واحد مانيش
+
جدي. بالعكوز يضرب ف زياد نقص ياحيوان نقص يلي متستحيش😂😂😂😂😂😂😂
+
زياد. اهههه ياربي معاش تضرب خير ما السياره نفقد عليها السيطره وندير بيكم قول ونباتوا ف القبر اليوم
+
جدي. خزي ياحيوان
+
سليمان. فرخ بلا ربايه
هداية. عاجبها الجو وتضحك علي السامط
+
نجوى. تعرفوه ديما وهو يجري خيركم مكلمتوش وسام ولا اياد
سليمان. فاتت علينا
جدي. ياريتني ركبت مع جنى وامك كنهدا مش توا نترجى ف كلب زي هدا
زياد. شد فرينوا كبس
جدي. جي راسه ف الروشن اه ياربي😂😂😂😂😂😂🤦♀️
_________________________________
جو الشباب مش طبيعي مخلو ما داروا عياط وتصفيق وضحك وقرمه مخلوش حاجة ف حالها😂😎.
+
جنى. شن رايك حناي ف سواقتي والجو معاي
نجمة. معاش تقولي حناي قلت قولي امييييي وميه توميك 😂🤦♀️
جنى. ضحكت حاظر يا امي اي قوليلي
نجمة. مش عادي الجو اي ونسيت نقولك نبي نمشي معاك ل طرابلس مستاحشتها ونبي نمشي ل عيله خوي غادي ومنها نسايرك
جنى. اببتسمت تنوريني والله
نجمة. ضحكت. كيف مالا نسيب بنيتي حفيدتي.
جنى. ضحكت. لا كيف تسيبيني😂 نطلعك كل يوم نذهور بيك
نجمة. اي خاطري ف دوره غلي طرابلس نين
نشبع تنهدت وسكتت
جنى. خيرك
نجمة. تفكرت امك يابنتي نار ف قلبي نار
جنى. نبي نخبرك حاجة امي
نجمة. شن في
جنى. احتمال امي وبوي ماتوا من حاذث مدبر وكانت تسوق بدهوذ
نجمة. شهقت شن تقولي انتي كيف عايشه حياتك هكي وانتي تعرفي هدا كله ومابلغتيش
جنى. طبعا بلغت واليوم درت مكالمه فتحت محظر ونعرف من وراه هدا كله.
نجمة. اه ياربي كون معانا
جنى. هم السابقون ونحن اللاحقون ف النهاية كلنا نهايتنا تراب فقط
نجمة. بس مش قتل يابنتي 💔🔥 مش قتل قضاء الله لا حكم عليه بس مش موت مدبر.
جنى. كلنا ليها وحسبي الله ونعم الوكيل وبس مش اكثر ولا اقل وحتكون وراه الموضوع لين ننتقملهم.
نجمة. ردي بالك ولاد الحرام كاترين يابنتي
جنى. هدا هو. خيره زياد يجري😂🤦♀️ قريب طيرني
نجمة. حي عليه من الحاج😂 وبوي
جنى. وربي احسن واحد فيهم😂
نجمة. جوه ديما فايح لكن كان يزعل يزعل يزعل
جنى. ووه ديما هكي يلي جوهم ديما مليح
نجمة. اي هدا هو. حسيتك منسجمتيش مع بنات خوالك
جنى. دارت فليتشه علي اليمين بش تمشي ف الطويل نين توصل القريه. مش منسجمتش احسن وحدات دعاء وندى والباقي عادي
نجمة. لالا كلهم كويسات يابنتي
جنى. نعرف بس يلي نسجمت معاهم هادوا والباقي عادي
نجمة. حاولي تندمجي فيهم عيله احني
جنى. انشاء الله
نجمة. خيرك انتي وسام
جنى. ماخيرنا شي ومعاش تجبديلي سيرته.
نجمة. يالطيف
+
_________________________________
+
الكل وصل وكان شالي للنساوين وشالي للرجاله. كانوا ف جنب بعض الشاليات
+
جنى. نزلت شنطتها وساكوا حناها. وخشت ل شالي حطت الحاجات ف الدار الكبيره. وولت درست سيارتها كويس.
+
جدي. مزال انا اصلا نركب معاك يافرخ الفروخ
سليمان. ركبلي الضغط منه
زهير. 😂😂😂😂 تي معروف هوف. الجري وديما يبي يوصل اول واحد مش حاجة جديده
محمود. باهي يلي مدارش بيكم حادث😂 كله الباقي عادي
سليمان. لا هو علي شوي ونطر سياره جنى😂
جدي. كنهذا الكلب موته علي يديا
+
زياد. خش بينهم يمضغ ف المستكه موتي وجنوني نعرف ليش ديما تقرموا فيا😂
+
جدي. شد ودنه
زياد. 😨 اههه😨 حاره ياجدي سيب ودني
جدي. زاد قرص ودنه
زياد. اههه وووه
+
سليمان. 😂😂❤️.هههههه يستاهل
محمود. سيبه يابوي هدا وقت طيشه
زهير. 😂 مسكين😂 بس يستاهل قله التفكير يلي عنده وكان صارتلكم حاجة الحديد يتعوض والروح متتعوضش
سليمان. صح اي
+
جدي. طلق ودنه
زياد. ربي يسامحك ودني تقطعت😂 وطلع شاذ ودنه من الشالي امتاع الشباب
+
يوسف. قدم يضحك 😂 يناري ودنك حمره
زياد. تعرف معاش نحس بيها😂🤦🏻♂️
قدم اياد. تستاهل هدا من طيشك.
زياد. علي ساق بيهم مره تانيه.
محمد. خود درس😂
زياد. تلفتله ريتوا يلي ينصح ريتوا🙂 شوف روحك قبلي
محمد. خبطه علي كتفه روق ولد العم ومتفشش غلك فيا
وسام. سكر تلفونه وقدم يضحك شن صاير خيركم
محمد. كل خير
وسام. رفع حاجبه شن في
محمد. مافيش شي ومشي
وائل. مدورروشي
وسام. هدا هو مبعدك خوك معاق التفكير والمشاعر.
وائل. باهي خلاص سكروا السيره.
زياد. عندك قطره ودان وسام
وسام. ضحك لا ليش
زياد. ودني اليمين معاش نسمع بيها مليح😂
يوسف. مش منك 😂
وسام. هههههههههههه جدي ولا شن درت
وائل. شن هو يلي مداراش قريب قلب بيهم السياره وقريب طير سياره جنى
لؤي. غريبه مهزباتكش 😂
+
جت جنى. علاش بنهزبه
زياد. ابتسم. اهو بنت عمتي تفهم ف الجو😂
جنى. ابتسمت 😂 كيف عاد حتى انا كنت زيك وبوي نتفكر فيه😂 بيهبل هذاكا زمان ايام الطيش ديما وانا ف الحوادث
زياد. 😂 نفهم من كلامك زيني
جنى. متفرحش من تلاته سنين هدا توا لا😂 عقلنا😎
اياد. حصل من يسايره😂
جنى. هههههههه شوفت جدي مسكين كيف قرصله ودنه
يوسف. يستاهلها بش مره تانيه ميجريش
زياد. يالطيف 😂 درتوها قضيه
جنى. مدورش
وائل. شن الجو جنو
جنى. سلمت مليح وانت
وائل. ماشيه. نبيك ف موضوع
جنى. انشاء الله خير
وسام. يشوفلهم ويبي يعرف الموضوع ومع جنى بدات علاش.
اياد. مواضيع وجو احني😉😂
جنى. هني روحك سلم ولدي
اياد. ولدك😂 نداذك الزح.
جنى. 😂 يلي هو نضف عقلك المسوس
وائل. شني
جنى. تمام اصبر نغير حوايجي قريب نموت من النو ف الجو
وائل. طرابلسيه😂 نو قولي حمو
جنى. شقلبت عيونها نووووووووو😂
وائل. بري بري بش نهذرزوا
جنى. تمام. وخشت ف جنب البنات. بش تاخد حوايجها وتبدل
+
وسام. شن تبي فيها
يوسف. واياد مركزين.
زياد. ونبي الهى بخطيبتك وخش ل الشالي
وسام. مدورش كلام زياد وركز مع وائل
وائل. موضوع شن في انشاء الله خير
وسام. بنت عمتك هادي راه مش زي يلي تكلم فيهم
وائل. احترم نفسك ونضف عقلك الخامر مافيش شي من يلي خطر علي بالك موضوع شغل نبيها فيه لان انا وياها ف نفس المجال وف الجديد انتبه ل كلامك خصاره الاحترام والقدر يلي كنت عاطيهولك وطلع من بحذاهم
+
مشي قدام البحر يتمشى.
+
يوسف. تلفتله علاش هكي شن تحس انت شن قاعذ ادير انت معقوله هكي تهين الولد قدامنا كان انت جي حد هانك تشرب من دمه الزفت انتبه ل كلامك راه مش عيل انت
اياد. امان وخلاص !! امانننننن وبس شن قاعذ تخرف ياراجل شن فيه عقلك هدا واشر علي راس وسام
+
وسام. تعفلق ومشي جيهة الشالي.
+
يوسف. انا معاش عارف شن نتصرف معاه هذا
اياد. ولا انا.
+
_________________________________
+
لبست قفطان تحت الركبه لونه احمر فيه ورود وفيه حزام Dior اسود حطت واقي شمس وروج احمر وطلعت من الشالي. وهيا ماشيه شافت وسام بيخش شافتله من فوق لا لوطا
+
وسام. شافلها واول مره يركز فيها علي شكلها علي شعرها علي الخراص يلي لابستهم مع القفطان او القفطان يلي كان منظره ملفت. فاق من شروده. ورفع حاجبه. شن هدا
+
جنى. عفوا قلت حاجة
وسام. نقدر نتكلم معاك شويه
جنى. لا شويه ولا شويات اخطاني بش انا بنت مش مزبوطه
وسام. سكرلها فمها.
+
هداية. طلعت وشافت المنظر
جنى. ضرباته كف
هداية. حي وحطت يدها علي فمها وسكرت الباب وهيا خايفه.
وسام. حط يده علي خده. شني انتي شن قله الادب والاحترام يلي انتي فيهم اكبر منك راه تجي تمدي يدك عليا يا محترمهههه انا الحقير يلي جيت بنتأسف وبنبرر تصرفي
جنى. لي لحظه حست روحها حقيره. ءء. وسام
وسام. وسام النم مش وسام.
جنى. آسفه مكانش قصدي ندير شي زي هدا بس
وسام. بس شني هنتيني انتي قللتي من قيمتي
جنى. ماه لوكنت تحترم نفسك حتى شويه محطيتش يدك علي فمي ياققليل الادب
مع هدا تأسفت.
وسام. تمام تبي تسمعي شن بنقول
جنى. اصبر نجيب مفتاح سيارتي.
وسام. مافيش داعي اهو مفتاح سيارتي الحقيني.
+
مشت وراه وركبت السياره.
+
جنى. به وبعدين
وسام. عارف اني كثرت علي ما وصوني وتدخلت ف هلباٍ حاجات مش ليا وقلت كلام منقصدش بيه شي اسف علي كل شي درته
جنى. ابتسمت. عادي مصارش شي. وفتحت الباب بتنزل.
وسام. جنى.
جنى. شافتله نعم
وسام. يشوف ل الروج تعفلق. نقول حاجة متزعليش مني
جنى. قول.
وسام. ف طرابلس وين ماتبي تمشي بعيد علي عيلتنا ومصراته بتحديد البسي قفطان ديري مكياج انشاء الله تتطلعي عريانه ملياش بيك اي علاقه بس اهني مكان محترم مافيش حاجات زي هكي خليك علي الكاجول احسن. منبيش حد من عمامي يدوي عليك يا جنى ولا الشباب فهمتيني متفهمينيش غلط.
+
جنى. شوفتله. تمام اعطيني الوايبس يلي ف جنبك
وسام. مدهولها تمام.
جنى. مسحت فمها هي سلام.
وسام. كان يبي اي موضوع يهدرز فيه مع جنى. خلاص مش زعلانه
جنى. ابتسمت. لا مش زعلانه. ونزلت
وسام.نزل وراها
+
تهدرز مع روحها. جنى.الجو نو مش عارفه كيف بنمشي ل طرابلس اناً
+
وسام. عندك مشيه ل طرابلس
جنى. اي اليوم
وسام. علاش عندك حاجة
جنى. اي عندي وراق ضروري نسلمهم
وسام. نرفعهم انا
جنى. لالا شكرا.ضروري انا نسلمهم بروحي
وسام. تمام نسايرك راه كان تبي
جنى. صحيت وخشت
+
نجوى. بنات اخر زمن الشعر المطلوق والقفاطين معندناش الجو هذا ف البلاد
+
نجمة. مش كل حد تحكمي عليه من شكله نعرف ناس لابسين الخمار والقوانطيات والعبايه الشرعيه. ويما دايرين ف معاش تتكلمي علي اعراض الناس حتى وكان.
+
جنى. حسيت وكأنك تتكلمي عليا. مرت خالي نجوى.
+
سكينه. ابتسمت.علي جرأة جنى هيا ونجمة
نجوى. انخطف لونها لا حشاك يابنتي
جنى. عادي يعني يلي قلتيه كله يوصفني بس خلي بالك من بنتك ومن بنات خواتك قالول ناس زمان. ياما تحت السواهي دواهي. صح ولا واياك يا مرت خالي تتكلمي علي لسانك تلميح عليا.
نجوى. فهمتيني غلط يابنتي
جنى. مش بنتك انا بنت هاجر بن صالح. وبس
وخشت للدار يلي فيها البنات بدلت قميص وسروال وطلعت.
+
زهرة. شني يا جنو بتعاونينا راه بنديروا عصبان
جنى. من عيوني غير شويه بس عندي موضوع نكمله ونجي تعاونك انا والبنات
زهره. سلمها الفالحة.
+
طلعت علي الشط شافت وائل
+
وائل. واخيرا وينك ليك ساعه
جنى. هدا هو شن في انشاء الله خير
وائل. زي ما تعرفي كيف متخرج ومحصلتش مكان كويس نشتغل فيه
جنى. تبيني ندورلك
وائل. نبي نخدم ف الشركة امتاعك لو مافيش مانع
جنى. ابتسمت مافيش مانع بعدين اصلا ماشيه ل الشركة جيب ملفك وحنديروا شويه اجرائات ومبروك عليك😂
وائل. بسرعه هادي
جنى. ههههه اي.
وائل. شكرا جديات
جنى. وين ملفك
وائل. مجبتاش قاعد عند واحد صاحبي نكلمه يجيبه
جنى. تمام مالا كلمه لان ف العشيه ماشيه انا
وائل. ف عز القايله
جنى. اي الجو نو والحكاية خاشه ف بعضها
وائل. ضحك جو عليك وربي
جنى. ابتسمت حتى انت. 😂
وائل. خوي محمذ الخرا يأشر من بعيد وهو قارنهم خلي نمشي نشوفه
جنى. مابعدك منه😂 حصله
وائل. حصله وسكتي حصله سوده موده😂😂
جنى. هي نوض ياسر قرمه وناضت تتمشي شافت الشباب يوتوا ف الكانون والحاج مفرش حصيره مقعمز فيها هو ووو لاده وشويه من البنات والشباب
+
زهره. جيتي وربي جابك😂 هي تعالي مدي يدك واحشي معانا
جنى. ابتسمت حاظر.
دعاء. صحبة مع امي من غيري😂
جنى. العفو😂 خيرك مرت خالي اكيد بنهدرز عليها
زهرة. هني روحك يابنيه وخليني انا وبنت حماتي😂
جنى. مقالك حد تكلمي ورقصت حواجبها😂
دعاء. تفو باهي😂
نور. ووه ياربي حاسه روحي مضايقه
نجمة. مضايقه حتى من شلاتيتك😂 انتي.
________________________________
+
في العشيه. بعد ما فطرنا وقسمنا العصيان بين الرجاله والنساوين كنا فجنب بعضنا
حصران ليهم ولينا. نضت بعد ما خديت شويه منه انا منحباش هلبا. واستأدنت
+
زهير. وين يابنتي مكليتي شي.
جنى. ابتسمت والله ياخالي عندي شغل
سليمان. شغل شني واليوم يوم جمعه
جنى. عندي المبتديئين يلي كيف يتعلموا ف الشغل يعلموا فيهم يوم الجمعه والسبت وانا عندي شويه وراق ضروري نرفعهم.
محمود. ديري بالك علي روحك
جدي. يابنتي اهم شي تروحي بكري قبل المغرب في عصابات ودنيا فيها كل شي
جنى. متخافش عندي مسدس
وسام. كيف عندك مسدس متخافيش تشديه
يوسف. ياخدوه منك العصابات ياجنى ولا البوابه
جدي. مديريش شي تندمي عليه
جنى. ياودي المسدس ب اسمي ومرخص. عندي حتى رخصه الترخيص ف مافيش حد يقدر ياخذه مني
جدي. مشاء الله عجب انا الكبير ب الشيب مقدرت نرخص مسدس
جنى. ضحكت حتى انا راه مديره اعمال كيف كان تبي مسدس بالترخيص عادي نشوفلك
جدي. لالا شن ندير بيه
+
سليمان. ردي بالك من روحك وفكيك منه الجو الزايد.
جنى. متوصيش
نجمة. مش تروحي معاش تجي
جنى. ضحكت متخافيش شنطه الملابس قاعذه راه اي حقا باركوا ل وائل
محمود. خيره
جنى. حيشتغل ف الشركة امتاعي من اليوم وغادي
+
وائل. ابتسم
محمود. مشاء الله وهو قداش ليه يدور امتا قالك
جنى. مبكري واحنا عيله كان مخدمتش عيلتي من بنخدم
محمود. بارك الله فيك.
جنى. سلمك خالي معنديش فيه جميل
محمد. مش محتاجلك راه.
جنى. تلفتله اسفي عليك وعلي عقلك الصغير
وتلفتت ل وائل اعطيني ملفك وهيا معاي ل السياره عندك حاجات بديرهم توقيع ✍️ وشويه اجرائات بش تقعد تشتغل رسمي موضف ف الشركة
محمود. يشوف ل محمد يتحلف فيه.
وائل. تمام هيا
+
جدي. احسن يمشي معاك حد
وسام. طريق السلامة.
اياد. والله مش عاديه ياجنى حتى انا نبي نشتغل عندك😂
جنى. لا رفعت الرايه البيضه😂 شن شهادتك
اياد. مهندس
جنى. اووووو مش عادي تعرف المهندس منذر ال*******
اياد. مهندس معروف ف ليبيا
جنى. يشتغل ف الشركة
اياد. مشاء الله هدا كان استاذي
جنى. اي مقري اجيال
اياد. انا توا نشتغل ف شركة ف مصراته كويسه نوعا ما
جنى. بالتوفيق. تبي شي كلمني ف الخدمه
يوسف. ضحك حتى انا نبي نشتغل
جنى. 😂😂😂 انت هني روحك وبس
+
وائل. جبت الملف هيا.
جنى. تمام وخدت شنطه الكتف وناضت فتحت سيارتها.
+
وائل. جنى م#يتبع
جنى. مريض نفسي يعني شن تبيني نقولك غير ربي يهديه مش شاريه معاه مشكله
_________________________________
رايكم❤️يهمني❤️ دعمكم يحفزني❤️
تحياتي #ملاك_الشويرف
🔥روايات بكابكا🔥
♥️الكاتبة ملاك♥️
🔥روايات بكابكا🔥
