رواية لعبة القلوب الفصل الرابع عشر 14 بقلم بختة لحويشي

                                              

🔥لــعــبــة الــقــلــوب🔥

💔الـنـهايـاتُ تعيسةٌ جـدًا ..فلا تنبهِرُو بـالـبـدايـات.💔

✒️⁩بـــقـــلــــم:بـــخـــتـــة لـــحـــويـــشـــي⁦✒️

🍯الــحــلــقــة الــــرابــــعــــة عـــشــــر🍯

+

                              

#اصبحنا_وأصبح_الملك_لله🧡📿

+

                              

حلت عينيها وهيا تشوف في سقف تع شومبرا ديالها… رجع من جديد دخل حياتها بطول ولعرض…6 شهر وهيا نسياتو حسبت عمرها لا تتفكرو….بصح كلش عاكس عليها لدرجة لمنام ومخطهاش…. تنهدت وناضت…. لقاتها 10…دخلت ديركت بعتت ميساج لاشراق….

+

                              

منى:”على 13:30 نتلقاو في الحومة الفوقانية…”

+

                              

خرجت من شومبرا وراحت لدوش تكيفت ڨارو ورجعت دارت ريحة ودوشت وغسلت فمها وخرجت وهيا تخمم واش يصرا….غير خرجت لقات مكاين حتى واحد عرفت بلي خرجو….تنهدت هذي هيا حالتها اغلب وقتها وحدها واغلب عائلتها ضال برا….امبعد كي تولي طفلة ماشي مليحة يجو يلوموها….بصح نهار لي طاحت وكانت محتاجة كتف تتسند عليه لقات غير دخان وزطلة لي نساوها في همها….تنهدت وراحت جبدت بيدون تع تسياق وبدات تسيق وهيا راسها يخمم غير في ديدين… بكري كانت تخمم غير تخلي زاكي يحبها ودوكا سبحان الله رجعت تخمم غير ديدين رجع دا عقلها….6 شهر وهيا قريب تهبل عليه وهيا كل يوم تخمم فيه وكي نساتو وعاشت رجع….تنهدت كي كملت وراحت غسلت يديها وهيا تشوف في روحها في لمرايا تع دوش….

+

                              

منى:مكاش حاجة تستاهل نتعب روحي عليها ولا نخمم فيها بزاف….ربي يسهل على كل واحد ويسهل على كل حاجة….

+

                              

قالت هكدا وراحت لكوزينة دارت كسكروط فيه خبز وفرماج وكاشير وهريسة وبدات تاكل….هبطت راسها تشوف في كرشها….

+

                              

منى:سمحيلي كرشي راني غبناتك….كان يفتحوك يلقاوها معمرة غير بلفرماج….

+

                              

ناضت مسحت فمها وراحت لشومبرا جبدت شعرها وجبدت سروال نواغ مزير…مع تريكو نواغ وباسكاتها لبيضة لي تعشقها ودارت شوي مكياج هذي المرة يبرز جمالها الجزائري….

+

                              

#يــتــبـــع….⁦❤️⁩

#ارأكـم_تـوقـعـاتـكـم…💗

#Bakhtouch🖤

+