رواية قصة امي كامله وحصريه بقلم جمانه السعيدي
القصه حقيقيه
اسيل عمري ٢٣ سنه مزوجه وعندي طفل
ولد عمره سنتين
احنا من سكنت بغداد
عندي مشكله من ولادتي الهاي اللحظه مجاي يصير الها حل
احنا عائله تتكون من أربع نفرات
ابوي وامي اني الجبيره اسيل واختي الثانيه مريم
عمرها ٢١ سنه
ابوي مهندس بدائرة الكهرباء وامي خريجة معهد
فنون جميله
امي ازغر من ابوي بسبع سنوات
امي حلوه بشكل ومعتنيه بنفسها
عجيبه امي شكد حلوه وراقيه
ولا اذكر بيوم من الايام شفتها مبذهله لو شكلها موحلو
تلبس بلبيت شغلات بناتيه تخبل عليها
تلبس من ملابسنا احنا تلبس نفس الملابس
ما تنام اله تخلي كريم مرطب وعطر قبل النوم مميز
شعرها واصل جوه خلفيتها شكد حلو وثخين
لا عبالك شعر بنيه بلعشرين
شكد معتنيه بشعرها
بيضه عيونها يخبلن كلشي كلشي بيها حلو
اذا طلعنا اني وياها يتوقعون اختي
محتفظه بجمالها وشكلها الحلو
جسمها رشيق ولا عبالك حبلانه وجايبه
اني صار عندي كرش بسبب الحمل والولاده وهي لا
جسمها شكد حلو
ابوي ازوج امي لان شافها اول مره ونعجب بيها
اجا تقدملها واهلها وافقو علي
الحد الان كلشي تمام
اولا زواج بلتوافق ولكل مقتنع
ثانيا بنات ثنيين بيت ملك جبير وحلو
راتب محترم شنو الي ناقص
هسه نسئل وين المشكله بلموضوع
المشكله ابوي ابوي انسان لا يطاق عصبي انفعالي
متخبل من امي رغم هي ابد ما مقصره ويااا
متخبل منها لان معتنيه بشكلها
تبين ازغر منه بعشرين سنه
من تطلع هي ويااا يسئلوها هذا ابوج
هو يسمع ويتخبل شلون يكولون ابوج
ابوي اسمر وضخم وشكله موحلو هواي يشرب جكاير
صوته كلش خشن
شفايفه زرك من التدخين
يعني جديات مبين ابوها مو زوجها
مره طلعت هي ويااا بعد زواجهم بخمس سنوات
اكو وحده مره جبيره
كايلتلها هذا ابوج اريد اخطبج منه
امي ضحكت وكالتلها زوجي مو ابوي
بيومها ابوي تخبل على امي
شلون اضحكين انتي مكيفه اشافت منج وطلبت ايدج
مبينه معرسه ومخلفه
اشافت منج لازم انتي حجيتي كدامها شي
تكله كلشي ما حجيت هي سئلتني
واني جاوبتها
بليلتها امي انهزمت نامت بلغرفه الفوك بس حتى تخلص من كلامه
شخصيته خليط عجيب مانعرف شنو يريد
لو شنو يحب يمشي عكس الناس
على طول يتهم امي بشرفها بس لان مرتبه ومعتنيه بشكلها
يكولها انتي عندج شي مو خاليه
رغم هو يعرف كلش زين شنو امي وشنو اخلاقها
هو من الداخل متأكد هيه ماعدها شي
بس يحب يضوجها ويزعجها يحب يقهرها
يحب يشوفها زعلانه وضايجه
جمانه السعيدي
مااعرف شنو السبب يمكن ابوي مريض نفسي
الزلم كلها تحب تكون الزوجه مرتبه وحلوه على طول
اله ابوي عكس الرجال كلها
هواي اسئل امي ليش صابره علي
شلون متحملته
تكول ماعندي مكان اروح علي
اهلها ماتو عدها اخت وحده مزوجه بلبصره ووحده
مزوجه بلكوت
تكول مااكدر اروح اسكن ويا النسابه
وماعندي مكان اليه اعيش بي لهذا السبب اني متحملته
وصابره منتظره الفرج من رب العالمين
بلبدايه ابوي اول ماازوجها ماقبل تتعين بااي وضيفه
الصراحه راتب ابوي خير من الله
احنا ما محتاجين شغل امي
اكيد ابوي بينه وبين نفسه يخاف تتعرف على رجال غيره
وضيع من ايده
عجيب امر ابوي
الي يحب مره يدللها حتى تبقى ويااا
مو يقسى عليها
ابوي يعتقد اذا دللها وسمعها كلام حلو
راح اضيع منه راح تشوف نفسها علي
بس اذا حسسها دائما بلنقص مراح تباوع الغيره
وهذا المعتقد كلش غلط
دائما يعيرها ويكول انتي ماعندج مكان ترحين علي
محد يريدج
ماعندج اهل خلفله عليه متحملج
شخصية متناقضه مايعرف شيريد
حول حياتنا الي حجيم بسبب أفكاره العجيبه
امي تكرها وتكره وجوده بلبيت
تحس هو ناقص ويحاول يشمر نقصه عليها
ساكته ومتحمله ابوي الي ما ينحمل بس لان ماعدها مكان تروح علي
وماتريد الناس يكولون عليها مطلقه تخاف على سمعتنا اني واختي
شكد مااحجي على الخلافات اليوميه
ركزو خلافات يوميه لان ماكو يوم يعدي بدون مشكله
سببها ابوي مااكدر اشرح الحياة شلون ماشيه بيتنا
بس يدخل ابوي للبيت يبدي الهجوم على امي
رغم بيتنا يلمع من كد النظافه
وطبخ امي يجنن
بس رجال زايح نعمته بايده يتخبل اذا سمع واحد يحمد باامي
لو يكول عليها حلوه ومرتبه
لو يكول عليها معدله وصاحبت بيت
ينزل غضب علينا
رده يكون قاسي بشكل
ابوي…….ااي همه ماعايشين ويانا وماشايفين حياتنا
مره ما تنحمل النهار كله محمره وحاصره جسمها
بملابس مال زعاطيط
ماتحترم نفسها وتكول عيب على عمري هاي الملابس
من تطلع تلمع روحها حتى الزلم تباوع عليها
تريد الناس يكولون عنها زغيره
بناتها بطولها وهي تتصرف مثل المراهقات
امي بس يبدي يحجي عليها تدخل بغرفتنا وتطبك الباب حتى لا تسمع صوته
دائما اكول شنو هاي القابليه الي عدها
عفيه صبر وتحمل لو اني اكتله خلاص وادخل السجن ارحملي من شوفت وجها لو اسمع صوته
جمانه السعيدي
للبيت أشكال يتسوك
من تطلب منه فلوس مايقبل ينطيها
يكول حرام بيها الفلوس تخلصهن حمره وتراكات
وعطور
اريد واحد.يحلل نفسية ابوي ليش هيج كارها
وكاره وجودها بحياته
رغم اي واحد غيره لازم يفرح اكو بحياته هيج مره
حلوه مرتبه انيقه طريقتها بلكلام شكد حلوه
مو ثرثاره لو همجيه تاخذ الأمور على كد حجمها
ما تكبر المواضيع
الي يحجي وياها يحسها تعرف كلشي
كل المواضيع تفتهم بيهن
اني دائما احس امي مظلومه ويا ابوي
امي تستحق واحد احسن من ابوي شخص يقدرها ويهتم بيها مو واحد يتعارك وياها طول النهار بدون سبب
المهم اني بس دخلت معهد تحليلات بااول سنه
تعرفت على ولد يدرس وياي
ولد مؤدب من عائله راقيه
ابو قاضي انسان محترم ومعروف
بس امه متوفيه
عنده اخ اكبر منه محامي مزوج عنده اطفال ثنيبن وعايش وياهم بلبيت
اول سنه كانت بلنسبه النا سنه تعارف
الولد كلش مؤدب وابن خير عينه مليانه
ابو مشتريله بيت حتى يزوج بي
بس منتظره يخلص معهد ويختار بنت الحلال الي تستاهله
اول مابدت المرحله الثانيه عرض عليه الزواج
الصراحه اني فوك الحب والإعجاب بشخصيته كنت اريد اطلع من بيت اهلي
بيت اهلي الي مابي بس المشاكل
اكره الساعات الي ارجع بيهن من الدوام للبيت
اكره ريحة بيتنا
اكره كلشي بلبيت
بس امي احبها وعلمودها باقيه وساكته وراضيه بهذا الوضع
جمانه السعيدي
المهم ابو منذر من سمع ابنه يريدني
ويحبني وافق على طول بعد ما سئل عنا
وعرف احنا عائله محترمه
حددنا موعد واجا يتفاهم وياا ابوي على موضوع الخطبه
ابوي من سمع ابو قاضي وقاضي معروف مو كلشي
راسا وافق علي
انخطبنا بلسنه الثانيه معهد وقررنا الزواج من نخلص دراسه
قبل التخرج ازوجنا
بهاي الفتره ابو اثث بيتنا واشترا شكو شي ناقص بلبيت
اني ابد ماادخلت باثاث البيت
لان منذر دائما يكول عوفي كلشي ابوي ذوقه بلاشياء
رهيب
ومايشتري شغله عاديه كله اصلي أحدث موديل
طبعا عمي ابو منذر شخصيه محترمه بشكل
طول وهيبه وكارزما وحضور طاغي
اذا كعد بمكان وبدا يتكلم الكل ينتبه علي
يعني شخصية القاضي طاغيه علي بكل مكان
انسان متحضر جدا
اول ماخلصنا امتحانات حددنا موعد زواجنا
زواجنا مميز بشكل
حضره شخصيات واصله
ناس من الدوله
بعرسنا كانت اول مره ابو منذر يشوف امي
اتوقعها اختي
صدكووو من سلم عليها اول مره كللها عمو
ابو منذر…شلونج عمو
امي…اهلا وسهلا ترا اني ام اسيل ام العروسه
ابو منذر…اكيد تشتاقين
امي…صدك مااتشاقا اني امها
ابو منذر…نلزم الخشب اتوقعتج اختها لان زغيره
امي…تسلم من ذوقك
الحمد لله زفونا البيتنا بيتنا حلو وجبير
اتفاجئت بالترتيب والاثاث
كلشي حلو وراقي احلى مما توقعت
بعد اسبوع من زواجنا رحنا التركيا بقينا عشر ايام ورجعنا
كل أسبوع اروح مره الاهلي بس اروح بيت حماي حتى اشوف عمي مرتين اواتلاثه
الحديث وياي ممتع بشكل
دائما من احجي وياا اكول ليش ابوي يختلف
موهذا عمي شخصيته شكد حلوه
شبي ابوي راكبه جني
بعد زواجي بسنه وحده أتقدم ولد ابو صديق ابوي يداوم
بدائرة الكهرباء ويا ابوي
أتقدم المريم يطلب ايدها
الولد يشتغل مهندس بدائرة الكهرباء
تعيين جديد اكبر من مريم بست سنوات
الصراحه الولد ابد ما يتعب اول مره شاف مريم
راسا بنفس الكعده كال نتفق على تفاصيل العرس
الولد عايش بيت اهله عائلتهم تتكون من ابو وامه خوآت ثنيبن وأخ ازغر منه
ابوي لان يعرف ابو وافق راسا
الولد مؤدب وما يتعوض ابد
بعد سنه وحده من زواجي انخطبت اختي
حتى بعدها ما مكمله دراستها بس احنا اتفقنا تكمل دراستها وبعدين تتزوج
العريس وافق تكمل دراستها وبعدين يتزوجون
الوحيده الي جانت ضايجه من زواج مريم امي
لان جانت تنهزم من المشاكل ويا ابوي
تجي يمنا بغرفتنا حتى تنام يمنا بلغرفه
اذا ازوجت مريم ووين راح تنهزم
من ابوي
يمكن راح يستفرد بيها ويعذبها
انتظرونا
