رواية دية الصلح الفصل الخامس عشر 15 بقلم مرج البحر
البارت 15
سولاف تعشو وكملو واني تعشيت بالمطبخ
وكملت العشه وفتت للغرفه احمد مااعرف
وين طلع كعدت بالغرفه كلبي نار طكيت من البجي على خواتي واخويه حيل مشتاقتلهم
لو بس اسمع صوتهم منا وجع كلبي على سامر
صارت الساعه ١١ سمعت احمد يقفل باب المطبخ بسرعه سويت روحي نايمه
احمد رجعت البيت لكيت سولاف نايمه ما ردت
اكعدها كلت خطيه تعبانه
رحت طلعت ملابس بدلت انتبهت على سولاف
عيونها مدمعه عرف مو نايمه اجيت يمها
سولاف كومي ادري بيج كاعده
سولاف : عزه هذا شلون عرف ضليت نايمه ما حجيت
احمد : خطيه عبالي كاعده لان اجيت اكلج شي يفرحج بي بس يله انتي الخسرانه
سولاف : كمزت من مكاني وصحت شنو هو اكيد خبر على اخواني
احمد : ثووول هو هيج اليكعد كمزتيني
سولاف : انتبهت عليه شكله شلون جان من الهبطه ما سيطرت على نفسي ضحكت بصوت عالي هههههاي
احمد : وسم صوتج بس شلون ضحكه تخبل
سولاف : يبووو حتى بالكلام الحلو تشتم
احمد : تعالي شوفي كلبي شلون يدك سريع
سولاف : يله لا تضيع الموضوع شنو الحجي الي ردت تكوله
احمد : باجر راح اخليج تخابرين اخوانج وتحجين وياهم بس ممنوع احد يعرف
سولاف : تحجي صدك
احمد : اي وداعتج اتصلت على العامله وطلبت
منها باجر تروح على اخوانج حتى تخابريهم وتحجين وياهم
سولاف : الله يريحك والله تسوي فضل تدري بيه كلبي نار عليهم شيجيب باجر واسمع صوتهم
احمد : اريدج تبقين هيج واسمعي الكلام وما راح احرمج منهم ويجوز اوديج تشوفيهم
سولاف : صدك الله يفرحك والله اسوي الي تريده بس خليني اشوفهم
احمد : جا اسمعي كلامي وخليني اخذ الي اريده مثل كل زوج وزوجه وخلينه نعيش وننسه الصار
سولاف : انطيني وقت بلكت نكدر ننسى
احمد : سولاف اني عكب باجر راح اروح
سولاف : اكلك الوقت اتاخر يله نام علمود باجر
اكعد احضر شغلاتك خاف شي ناقصك
احمد : كبر اني شنو صار ساعة احجي
سولاف : شبيك اني شنو كلت يله نام
اجه نام على الجربايه واني تمددت بطرف تقرب عليه وطبك جسمه عليه ما رفضت
وهو باسني وشويه شويه كام يتجرئه بلمساته
لحد ما صار الي يريده واني ابد ما مانعت
كلت كلشي علمود بس حتى اشوف اخواني
خلص كام الحمام سبح ورجع وكمت اني وراه
سبحت ورجعت وكفت امشط شعري جنت لابسه دشداشه قصيره وفوكاهه روب من دخلت الغرفه نزعت الروب باوعت بالمرايه
لكيته صافن عليه تجاهلت نضراته خليت
مرطب الشفتي وخليت عطور اجه هو وكف
وراي وخر شعري وباسني بضهري واخذني الجربايه وهم نام وياي مره ثاني خلص وكام
اني تغطيت ودرت وجهي ونمت .
كعدنه الصبح احمد سبح وصلاه واني هم سبحت وصليت كمت سويت ريوك ل احمد تريك وطلع
احمد : طلعت الصبح خلصت كم شغله رجعت
الضهر تغديت ونمت كعدت العصر رحت يم ولد صديقي صار المغرب رحت الاسواق جبت شغلات ل سولاف ورجعت البيت ..
سولاف : كاعده وانتضر احمد يجي سمعت صوت الباب ركضت عليه عفيه شوكت تخابر عليهم اريد احجي وياهم
احمد : هههه هاي شبيج انطيني مجال خلي ادخل
سولاف : بروح ابوك طول اليوم انتضر عفيه
بس اتصل الله يخليك
احمد : ماشي روحي الغرفه وهسه جاي وراج
سولاف : يله انتظرك
احمد : ماشي
سولاف : رجعت الغرفه ضليت اروح وارجع بالغرفه من التوتر
احمد : نزلت المسواك واخذت الشغلات الي جبتهم ل سولاف ورحت الغرفه لكيتهه واكفه
طلعت تليفوني واتصلت على العامله وكلت تنطيني اختهه تحجي وياهه انطيت التليفون ل سولاف حجت وي اختهه كامت تبجي
اني ما تحملت طلعت من الغرفه رحت كعدت
بالمضيف ضليت تقريبا نص ساعة كلت خليهه
تحجي وياهم براحتهه
سولاف : احمد انطاني التليفون وطلع اني حجيت وي ايلاف كمت ابجي واني اسمع صوتهه سالتهه على رفل ورهف وعلى كافل
حجيت وياهم وهم يعاتبوني شلون عفتهم
وهمه مايدرون غصب عني هذا الشي ضليت
احجي وياهم نص ساعه وصيت ايلاف عليهم
وصيتهه تاخذ علاجهه وحجيت وي ام حسين
العامله كتلهه تجيبلهم كل احتياجاتهم وسديت التليفون وهمه يبجون ..
احمد : كاعد واجت امي كالت يمه احمد ما تغير رايك وتعوف الموضوع ولا تروح باجر ولك والله كلبي نار يمه بروح ابوك ابقى لا تروح
لا يمه لاتخافين ماكو شي واني مو جاهل
اني رجال طول بعرض خليها على الله
ماكو شي
كمت اشوف سولاف دخلت الغرفه لكيته هادئه
سولاف : تدري من سمعت صوتهم وسمعتهم يبجون زادت نار كلبي والله مشتاقتلهم واشكرك لان خليتني احجي وياهم
احمد : هذا الي اكدر اقدمه الج
سولاف اذا اعصابج هادئه كومي اكو شغلات جبتهن وياي هسه خليهن وي الملابس الي بجنطه باجر اخذهم وياي
سولاف : حاضر كمت خليتهم بالجنطه وهو كاعد يشرب جكاير وتأفف ما اهتميت لان كافي الي اني بي
رحت سويت العشه وصحتله كال مااريد
رحت انطيت الامه واخواته وكلت احمد ما يريد رجعت الغرفه لكيت احمد كاعدت وبيده دفتر زغير يكتب بي من دخلت سد الدفتر وخلاه بالكنتور ورجع كعد يمي وكال
احمد : سولاف اني باجر راح اروح ديري بالج على امي وعلى اخواتي وعلى نفسج
سولاف : شنو السالفه قابل وين رايح ان شاء الله ترجت بسلامه
احمد : هاي دنيا ….
يتبع ….
