رواية دية الصلح الفصل الثالث عشر 13 بقلم مرج البحر
البارت 13
سولاف : صار اليوم الثاني وكعدت من الفجر
دخلت المطبخ سويت ريوك كعدو اهل احمد
تريكو و راحو الشغل
كعد الافندي ورجعت سويتله ريوك
احمد : تعالي ماكو احد اكعدي تريكي وياي
سولاف : لا مااريد
احمد : واني كلت تعالي
سولاف : ماشي اجيت كدامه واكلت شويه وكمت دخلت للمطبخ شفته ما مرتب فد مره
مخبوص
طلعت كلتله
اريد اسوي ترتيب بالمطبخ بس مااكدر وحدي
احمد : شسوين يعني
سولاف : تجي تساعدني
احمد ماشي بس من تصير ب ٩ اطلع عندي شغل
سولاف : لعد كوم بسرعه
احمد : دخلت للمطبخ وغيرنا مكان المجمده
والطباخ وفرغت الكاونتر وغيرت مكانه
كلت الها اليوم امي اطيح حضج
سولاف : لعد وين اكو احد يخلي الكاونتر يم الشباك والطباخ بغير تجاه وبدون مفرغه
لعد شلون يطلع الزيت وريحة الطبخ
احمد : تدرين اني ولا ادخل بهاي الامور
سولاف : لعد اشتغل واني اتصرف ويه خاله
احمد : كملنا وطلعت سبحت و رحت للشغل
حسيت اكو انسجام بداخلي ل سولاف
والصراحه انعجبت بيها مثقفه و ام بيت
اني ابن ريف مااعرف غير الشغل والبهذله
بديت اتعلم منها شغلات حلوه
سولاف : كملت المطبخ ونضفته طلعت منه كومه وصخ وغسلت الحياطين بالفرشه
وحطيت الاكل على نار هادئه طبخت الهم باميه بالحم
وطلعت للصاله غيرت ترتيب التخم وطلعت اللكراج لكيت بي كومه اغراض مال سيارات
وبراميل نفط كلها نقلتها خلف البيت
وغسلته اكو اشجار مال ورد يم الباب جبت
سكين وقلمتهم ورحت كملت الاكل
باوعت الساعه صايره ب ١١
كعدت على التخم وضليت افكر بااخواتي جاي يسون هسه اكلو شربو اختي منو ينطيهه علاجهه اتذكرت سامر هم سال عليه عرف بيه
تزوجت شنو راح يكول واني رفضته علمود اخواني وهسه تزوجت شخص مااريده ولا مفكره بي وحتى اخوتي مو يمي مااعرف هسه
هو تزوج لا ضلت فكره توديني وفكره تجيبني
فكرت اشرد بس اتراجعت خفت يلزموني
واشبع كتل خليتها على الله
وكمت طفيت الطباخ ونمت ..
احمد : كملت شغلي و رحت للبستان جبت اهلي واجينا اول ما دخلت للبيت شفت كلشي متغير الكراج بحياته مصار بهذا الترتيب
امي تباوع بنظرة اعجاب
كالت ولك احمد شني هاي
احمد : والله مااعرف دخلنا للبيت الترتيب غير
شكل
ام احمد : والله هاي طلعت مسنعه
احمد : لعد شوفي المطبخ
ام احمد : اي والله هاي ام بيت معدله بس لحد يحجي كدامه شي لا تشوف روحها علينا
احمد : صدك هيه وينها شو ماكو رحت دخلت
للغرفه لكيتها نايمه كعدتها
سولاف : فزيت على احمد يكعدني كومي سولاف اهلي وصلو
سولاف : اوك كلشي جاهز بس اصب الغده
احمد : ماشي خلي نشوف طبخج
سولاف : اوك
كمت دخلت للمطبخ صبيت الغده
ونفذت الاوامر بقيت واكفه وهمه كاعدين ياكلون
فجأة دك تليفون احمد جاوب وطلع بره بسرعه….
يتبع …..
