رواية ثأرهم وقلبي الفصل الرابع 4 بقلم الكاتبة تراتيل
أرسمَك مِلتفِتلي وتطلَع اوّهام
ملامح وجهي مافهمت معانيك
ثكل جرحك كبل خطواتك وياي
شنو شنو عالزعل خفيت رجلك..
من اذب حسرات انشف حروره الصيف
هيج وياي وصلت من اسميك
من اكشف جروحي هيبة گبال الجروح
بكثر ما مشن جنت بروحي امشيك
مطر غيم انتظارك يبس الروح .
لـ عّلي رُشم .
____
_____
مريم: ها أمي حبيبتي هسه جايين شتردين
ايمان: ماماتي حيجون بيت خالتج ام طالب
دگ گلبي بفرحه نزلت ركض اصبح على امي واني
كلي فرحه
زينب: صباح الخير يلعافية
أيمان: هلا حبيبتي صباح الورد يلا ماما بسرعه بس شوي ساعدني وصعدن جهزن امورجن
_ماشي حياتي
رحت ركض ركض نگعتلها التمن طلعت جبن حميت الجاي تريگت بسرعه لگمتين على السريع وصعدت اسبح وابدل، امي ابد ابد ماتخلينه نشتغل ولا تخلينه نمد ادينه على شي.
اجو بيت خالتي سلمت علينه طبو الولد للاستقبال
احنه عادي نطب نسلم بس فضلنه من ندخل الاكل يلا نسلم، نگلنه الاكل واني بقيت اخر وحده
ماشلت شي بقت سلة الخضره خذتها ودخلت صحت بصوت ناصي
_السلام عليكم
الكل رد عليه رفعت راسي اباوع بوجوهم
دورت عليه مالكيته ضجت حيلل وعفت الاكل واني حيل ضايجه كلها بقت تتوسل بيه
حته اكل واني روحي محترگه.
راحو وفصت الهوسه واني باقيه على طنگورتي
مريم: عيني شبيك مالك الحزين
زينب: مابيه شي
_ بطلي تفاهه واحجي
_مابيه شيي مختنگه
_تعالي شو تعالي
جرتني مريم الحضنها وباستني وضلت تمسح على شعري وتگول
_كوليلي منو وياج خلنعل والديهم
كمت من حضنها دافعتها واضربها ربات خفيفه واصيح
_ايييع لجج احسچ رجليي
خزرتني حيلل وگرصتني
_ اشگ حلگج ترا
گمت اضحك وهيه هم گامت تضحك باستني من راسي حيل وگالت
مريم: ديربالج على الجهال ام يزن
طحت بلگاع اضحك وهيه هم خربانه ضحك
تناسيت الموضوع، لليل ضليت اتگلب بلفراش صافنه وافكاري مسيطره عليه وبنص هوسه الافكار الجنت بيها صوت من جواي سمعته يكلي
(كومي زينب شوفي بلكي طالب راسلج)
ستمعت الافكاري وگمت بعد ماتأكدت البنات نايمات خذت نفس واني اردد الخطه براسي
عقلي يعيد بيها لحد ما وصلت الباب غرفه اهلي
وطبيت بخفه وبحذر واخذت الجهاز وطلعت
فتحته اول ماطلعت دخلت على التيلگرام وايدي ترجف خوف وتوتر، اول ما فتح التلي لگيت
اسمه اول اسم وكاتب
طالب: مرحبا
رجفت ايدي وگلبي رجف وياها وجهي عرگ
بلعت ريگ وكتبتله
زينب: مراحب هلا طالب
دزيتها واني ماليني الخوف واكل بأظافري
مالحكت يستقر نفسي ولكيته شايفها ويكتب…
روحي حسيتها خرطت عظامي ترجف عبالك گعدوني بثلاجه اخذت الجهاز وصعدت اتلفلفت بلبطانيه غطيت حته راسي
_ها شلونج
_زينه وانت شلونك
_بخير دامچ بخير، شسمه ردت اگلج
من كتب هيج حسيت هذهو عمري خلص
وراح اموت من المشاعر جسمي ثلج والرجفه
بلعومي مو بس بجسمي كتبتله
_اي گول شنو
_طالعه حلوه ذاك اليوم بيتنه شنو هل فستان شنو عل جمال ومن حچيت وياج وصرتي حمره هيج ؤدت الزمچ واعضچ
_طالب تحبني؟
طالب: ماجنت اشوف جمالج قبل
زينب: عوفنه من هل موضوع انت تحبني؟
_ماادري
_شلون يعني ماادري؟
_ يعني ماادري، بس اني معجب بيچ وبأخلاقچ وبجمالچ.
_اوك
كلامه صح مجان واضح بس اني حبيتتته وحيلللل فرحت بيي
ضل يحجي وياي كلام عادي ولطيف ويتغزل بيه شويه مدري اني احس هيج لحد ما گتله
زينب: ااا شسمه اني اروح بعد ابوي راح يگعد والوقت تأخر
طالب: تمام يحلوه بس منشوفج قبل مترحين
_شلون يعني تشوفني
_دزيلي صوره الج اشوف عيونچ الحلوه
ابتسمت بخجل وبدون تردد دزيتله الصوره الي اخذتها بلفستان بيتهم
طالب: هذا الفستان يجنن عليج
معا انو جان الفستان حيل بسيط جان عباره عن ضيگ من فوگ الصدر مربع الردن طويله ونهايتها عريضه وكلوش ولونه اسود وبي ورد احمر
ابتسمت بخجل ونهيت المحادثه ويا
ثاني يوم ماكو اي رساله منه وثالث يوم هم
لحد ما أيست ومر تقريبا شهر هوه ماكو اني
حيل تأذيت
وبقت الافكار محاوطتني ليش ممكن بعد ميراسلني حته ما بدر مني شي مو زين
هنا حسيت انو هوه طردني طرده محترمه
وبيوم جنت گاعده مبقه شي للدوام گعدت اشوف
شنو ناقصني حته نطلع نشتري للمدرسه
فتحت الجهاز اگلب بي وجان يجيني اشعار
_هلو زينب شلونج
دگ گلبي بخوف وفرحه ضليت افتر بلغرفه والجهاز بأيدي مااعرف شنو اسوي، دخلت على المحادثه وكتبت
_هلا طالب بخير، وانت؟
گبل شافها واني بطني گامت تمغصني من التوتر
شفته يكتب لو روحي راحت ضليت اكل باظافري
واباوع للشاشه منتظره الرساله يدزها وهوه باقي يكتب..
_اسف ماگدرت اتواصل وياج ذيج الايام بس اني جنت حيل مشغول جانن امتحانات الفاينل مالتي وتعرفين الجامعه الامتحانات ملاتها صعبه ويرادلها خلك وكت واني اتنرفز بوقتهن
ابتعدت حته لا اضوجج بشي
زفرت نفس براحه من كلامة حسيت أمنت وطمنت اريد احچي ويا بس احس الحچي ضايع بقيت اضرب صفنات بلمحادثه مااعرف شنو اكول
فا بس گلتله
_لا عادي براحتك اني مدااجبرك على الكلام وياي ولا اريدك تحبني انت حتلو متحبني، مراح اضوج رااح احتفظ بحبي الك بگلبي وننسى كأنه شي مصار.
طالب:: احبچ
زينب:: ها؟؟؟؟
_اي احبچ شبيج….
______
__________
نَص الليّل ويلَمني الوجَع دايْر مدايَر
هدُوء الليّل هوسَة وبَعثرة وضِيم
ليّل المَگبرة بالغُرفة صايَر
عِيشت الهَستوة ميّت
أنهَ عايّش لَچن عايّش بالمَگابر
وحزنِي حَزن البنتَة نهْبت
وقَهر ياكِل شكُو بوَجهي
هدومِي كَلهن مُو بگدِي
وَجهي يشبَة وَجه شايّب
حتىٰ صوتِي مُو بگدِي
أكبَر هوُاي
تَرا جايّ أكبَر هوُاي
وأنهَ جاهِل لچَن حزنِي أكبَر هوُاي
ضِيمي مَكتوب بقصايْد
ضِيمي مَرسوم أعّله وَجهي
تَرا جايّ أكتَب جروحِي
مَجاي أكتَب شِعر شعبيّ .
♕♕♕♕♕♕♕♕♕♕♕♕♕♕♕♕
زهراء
روحي خوت منتظره الدوام على جمر اريد اشرد شوي من واقعي ندگ الباب گمت اشوف منو اجه
الدنيا عصر ابوي گاعد بلاستقبال، فتحت الباب
صار بوجهي عمي وبنته الصغيره لادمها بأيده
ابتسم بوجهي وطب
العم: هلا زهوره شلونج
زهراء: هلا عمي تفضل ابوي بلاستقبال
دخل وسلم على ابوي عمي هذا حيل حباب
ويعاملنه مثل بناته وگفت اسوي چاي وهنا گامو گعدو بلصاله ويسولفون وبنت عمي الصغيره
واكفه يم ابوها وتلعب ويا، ورغم هوه جاي يسولف
بس وياها باقي وفجأه اخذتني ذاكرتي الموقف
من جنت بعمرها، جان عمري 6سنوات بس
جنه نلعب اني وريماس بلحديقه اركض ورى ريماس، ريماس صرخت وتضحك واني اضحك
وياها وراها صاحت صوت اقوى وگفت بمكاني خايفه من شفت ابوي اجه يركض من الصاله للمطبخ ريماس ركضت ختلت جوه الشجر
واني من الخوف بقيت جامده بمكاني اجه وكف گدامي ساحبني من اذاني يجر بيه ويصيح
ظافر: هاي انتِ صيحتتتيييي هاااااي انتِ
زهراء: لا بابا والله لا
لازم اذاني ويجيبني منا ويوديني منا
سحلني من اذاني للصاله امي تباوع وساكته واني اتوسل بيها بعيوني بس تگوم تخلصني منه
بس هيهات الحايط يتحرك وهيه ماتتحرك
خصوص من تتعارك ويا ابوي تصير ماتهتم ابد
دخلني للغرفه وسد الباب ونزع حزامه
دّب الخوف بجسمي وحضنت نفسي صرخ بيه
ظافر: نزعي فانيلتج
زهراء: عفيه بابا فدوه
_نزعييييييي گتلجججج
استسلمت لان مراح يسمع مني ومستحيل يسمعني
نزعت فانيلتي واول ما نزل لحزام على جسمي روحي شاطت حسيت الحديده نبتت بظهري
والحراره كامت تطلع من جسمي وعيوني
واصرخ بعلو صوتي استنجد بأمي مثل اي طفله
بس ماكو اي فائده، كلما بچيت اكثر زاد ضرب
وقوه لحد ما تعب واني هم تعبت وصوتي راح
تقرب مني لزم شعري بأيده
_راح اروح واجي اذا الگاج گبال خلقتي اموتچ
فهمتيييي؟
حركت راسي بـ اي حتلو حالتي يرثا الها بس
المهم اجاوبه لان اذا ماجاوبته ماعنده مانع يرجع
يكمل عليه….
صحيت من هل ذكرى المشئومه على صوت ضحك عمي هوه وبنته لگيت عيوني من وحدهي منزله دموع مسحت دموعي بسرعه قبل لااحد يلاحظ، لان راح ادخل تحقيق عليهن
اخذ الچاي وديته واسمع ابوي يحچي ويا عمي
يگله
ظافر: لا هوه بس يگلي اريد منكم مره
انطي اني منتظر منه حچايه
فتحت عيوني بصدمه عليه خازرته وعمي يباوع
عليه ومبين عليه نظرات الشفقه…..
ملامح وجهي مافهمت معانيك
ثكل جرحك كبل خطواتك وياي
شنو شنو عالزعل خفيت رجلك..
من اذب حسرات انشف حروره الصيف
هيج وياي وصلت من اسميك
من اكشف جروحي هيبة گبال الجروح
بكثر ما مشن جنت بروحي امشيك
مطر غيم انتظارك يبس الروح .
لـ عّلي رُشم .
____
_____
مريم: ها أمي حبيبتي هسه جايين شتردين
ايمان: ماماتي حيجون بيت خالتج ام طالب
دگ گلبي بفرحه نزلت ركض اصبح على امي واني
كلي فرحه
زينب: صباح الخير يلعافية
أيمان: هلا حبيبتي صباح الورد يلا ماما بسرعه بس شوي ساعدني وصعدن جهزن امورجن
_ماشي حياتي
رحت ركض ركض نگعتلها التمن طلعت جبن حميت الجاي تريگت بسرعه لگمتين على السريع وصعدت اسبح وابدل، امي ابد ابد ماتخلينه نشتغل ولا تخلينه نمد ادينه على شي.
اجو بيت خالتي سلمت علينه طبو الولد للاستقبال
احنه عادي نطب نسلم بس فضلنه من ندخل الاكل يلا نسلم، نگلنه الاكل واني بقيت اخر وحده
ماشلت شي بقت سلة الخضره خذتها ودخلت صحت بصوت ناصي
_السلام عليكم
الكل رد عليه رفعت راسي اباوع بوجوهم
دورت عليه مالكيته ضجت حيلل وعفت الاكل واني حيل ضايجه كلها بقت تتوسل بيه
حته اكل واني روحي محترگه.
راحو وفصت الهوسه واني باقيه على طنگورتي
مريم: عيني شبيك مالك الحزين
زينب: مابيه شي
_ بطلي تفاهه واحجي
_مابيه شيي مختنگه
_تعالي شو تعالي
جرتني مريم الحضنها وباستني وضلت تمسح على شعري وتگول
_كوليلي منو وياج خلنعل والديهم
كمت من حضنها دافعتها واضربها ربات خفيفه واصيح
_ايييع لجج احسچ رجليي
خزرتني حيلل وگرصتني
_ اشگ حلگج ترا
گمت اضحك وهيه هم گامت تضحك باستني من راسي حيل وگالت
مريم: ديربالج على الجهال ام يزن
طحت بلگاع اضحك وهيه هم خربانه ضحك
تناسيت الموضوع، لليل ضليت اتگلب بلفراش صافنه وافكاري مسيطره عليه وبنص هوسه الافكار الجنت بيها صوت من جواي سمعته يكلي
(كومي زينب شوفي بلكي طالب راسلج)
ستمعت الافكاري وگمت بعد ماتأكدت البنات نايمات خذت نفس واني اردد الخطه براسي
عقلي يعيد بيها لحد ما وصلت الباب غرفه اهلي
وطبيت بخفه وبحذر واخذت الجهاز وطلعت
فتحته اول ماطلعت دخلت على التيلگرام وايدي ترجف خوف وتوتر، اول ما فتح التلي لگيت
اسمه اول اسم وكاتب
طالب: مرحبا
رجفت ايدي وگلبي رجف وياها وجهي عرگ
بلعت ريگ وكتبتله
زينب: مراحب هلا طالب
دزيتها واني ماليني الخوف واكل بأظافري
مالحكت يستقر نفسي ولكيته شايفها ويكتب…
روحي حسيتها خرطت عظامي ترجف عبالك گعدوني بثلاجه اخذت الجهاز وصعدت اتلفلفت بلبطانيه غطيت حته راسي
_ها شلونج
_زينه وانت شلونك
_بخير دامچ بخير، شسمه ردت اگلج
من كتب هيج حسيت هذهو عمري خلص
وراح اموت من المشاعر جسمي ثلج والرجفه
بلعومي مو بس بجسمي كتبتله
_اي گول شنو
_طالعه حلوه ذاك اليوم بيتنه شنو هل فستان شنو عل جمال ومن حچيت وياج وصرتي حمره هيج ؤدت الزمچ واعضچ
_طالب تحبني؟
طالب: ماجنت اشوف جمالج قبل
زينب: عوفنه من هل موضوع انت تحبني؟
_ماادري
_شلون يعني ماادري؟
_ يعني ماادري، بس اني معجب بيچ وبأخلاقچ وبجمالچ.
_اوك
كلامه صح مجان واضح بس اني حبيتتته وحيلللل فرحت بيي
ضل يحجي وياي كلام عادي ولطيف ويتغزل بيه شويه مدري اني احس هيج لحد ما گتله
زينب: ااا شسمه اني اروح بعد ابوي راح يگعد والوقت تأخر
طالب: تمام يحلوه بس منشوفج قبل مترحين
_شلون يعني تشوفني
_دزيلي صوره الج اشوف عيونچ الحلوه
ابتسمت بخجل وبدون تردد دزيتله الصوره الي اخذتها بلفستان بيتهم
طالب: هذا الفستان يجنن عليج
معا انو جان الفستان حيل بسيط جان عباره عن ضيگ من فوگ الصدر مربع الردن طويله ونهايتها عريضه وكلوش ولونه اسود وبي ورد احمر
ابتسمت بخجل ونهيت المحادثه ويا
ثاني يوم ماكو اي رساله منه وثالث يوم هم
لحد ما أيست ومر تقريبا شهر هوه ماكو اني
حيل تأذيت
وبقت الافكار محاوطتني ليش ممكن بعد ميراسلني حته ما بدر مني شي مو زين
هنا حسيت انو هوه طردني طرده محترمه
وبيوم جنت گاعده مبقه شي للدوام گعدت اشوف
شنو ناقصني حته نطلع نشتري للمدرسه
فتحت الجهاز اگلب بي وجان يجيني اشعار
_هلو زينب شلونج
دگ گلبي بخوف وفرحه ضليت افتر بلغرفه والجهاز بأيدي مااعرف شنو اسوي، دخلت على المحادثه وكتبت
_هلا طالب بخير، وانت؟
گبل شافها واني بطني گامت تمغصني من التوتر
شفته يكتب لو روحي راحت ضليت اكل باظافري
واباوع للشاشه منتظره الرساله يدزها وهوه باقي يكتب..
_اسف ماگدرت اتواصل وياج ذيج الايام بس اني جنت حيل مشغول جانن امتحانات الفاينل مالتي وتعرفين الجامعه الامتحانات ملاتها صعبه ويرادلها خلك وكت واني اتنرفز بوقتهن
ابتعدت حته لا اضوجج بشي
زفرت نفس براحه من كلامة حسيت أمنت وطمنت اريد احچي ويا بس احس الحچي ضايع بقيت اضرب صفنات بلمحادثه مااعرف شنو اكول
فا بس گلتله
_لا عادي براحتك اني مدااجبرك على الكلام وياي ولا اريدك تحبني انت حتلو متحبني، مراح اضوج رااح احتفظ بحبي الك بگلبي وننسى كأنه شي مصار.
طالب:: احبچ
زينب:: ها؟؟؟؟
_اي احبچ شبيج….
______
__________
نَص الليّل ويلَمني الوجَع دايْر مدايَر
هدُوء الليّل هوسَة وبَعثرة وضِيم
ليّل المَگبرة بالغُرفة صايَر
عِيشت الهَستوة ميّت
أنهَ عايّش لَچن عايّش بالمَگابر
وحزنِي حَزن البنتَة نهْبت
وقَهر ياكِل شكُو بوَجهي
هدومِي كَلهن مُو بگدِي
وَجهي يشبَة وَجه شايّب
حتىٰ صوتِي مُو بگدِي
أكبَر هوُاي
تَرا جايّ أكبَر هوُاي
وأنهَ جاهِل لچَن حزنِي أكبَر هوُاي
ضِيمي مَكتوب بقصايْد
ضِيمي مَرسوم أعّله وَجهي
تَرا جايّ أكتَب جروحِي
مَجاي أكتَب شِعر شعبيّ .
♕♕♕♕♕♕♕♕♕♕♕♕♕♕♕♕
زهراء
روحي خوت منتظره الدوام على جمر اريد اشرد شوي من واقعي ندگ الباب گمت اشوف منو اجه
الدنيا عصر ابوي گاعد بلاستقبال، فتحت الباب
صار بوجهي عمي وبنته الصغيره لادمها بأيده
ابتسم بوجهي وطب
العم: هلا زهوره شلونج
زهراء: هلا عمي تفضل ابوي بلاستقبال
دخل وسلم على ابوي عمي هذا حيل حباب
ويعاملنه مثل بناته وگفت اسوي چاي وهنا گامو گعدو بلصاله ويسولفون وبنت عمي الصغيره
واكفه يم ابوها وتلعب ويا، ورغم هوه جاي يسولف
بس وياها باقي وفجأه اخذتني ذاكرتي الموقف
من جنت بعمرها، جان عمري 6سنوات بس
جنه نلعب اني وريماس بلحديقه اركض ورى ريماس، ريماس صرخت وتضحك واني اضحك
وياها وراها صاحت صوت اقوى وگفت بمكاني خايفه من شفت ابوي اجه يركض من الصاله للمطبخ ريماس ركضت ختلت جوه الشجر
واني من الخوف بقيت جامده بمكاني اجه وكف گدامي ساحبني من اذاني يجر بيه ويصيح
ظافر: هاي انتِ صيحتتتيييي هاااااي انتِ
زهراء: لا بابا والله لا
لازم اذاني ويجيبني منا ويوديني منا
سحلني من اذاني للصاله امي تباوع وساكته واني اتوسل بيها بعيوني بس تگوم تخلصني منه
بس هيهات الحايط يتحرك وهيه ماتتحرك
خصوص من تتعارك ويا ابوي تصير ماتهتم ابد
دخلني للغرفه وسد الباب ونزع حزامه
دّب الخوف بجسمي وحضنت نفسي صرخ بيه
ظافر: نزعي فانيلتج
زهراء: عفيه بابا فدوه
_نزعييييييي گتلجججج
استسلمت لان مراح يسمع مني ومستحيل يسمعني
نزعت فانيلتي واول ما نزل لحزام على جسمي روحي شاطت حسيت الحديده نبتت بظهري
والحراره كامت تطلع من جسمي وعيوني
واصرخ بعلو صوتي استنجد بأمي مثل اي طفله
بس ماكو اي فائده، كلما بچيت اكثر زاد ضرب
وقوه لحد ما تعب واني هم تعبت وصوتي راح
تقرب مني لزم شعري بأيده
_راح اروح واجي اذا الگاج گبال خلقتي اموتچ
فهمتيييي؟
حركت راسي بـ اي حتلو حالتي يرثا الها بس
المهم اجاوبه لان اذا ماجاوبته ماعنده مانع يرجع
يكمل عليه….
صحيت من هل ذكرى المشئومه على صوت ضحك عمي هوه وبنته لگيت عيوني من وحدهي منزله دموع مسحت دموعي بسرعه قبل لااحد يلاحظ، لان راح ادخل تحقيق عليهن
اخذ الچاي وديته واسمع ابوي يحچي ويا عمي
يگله
ظافر: لا هوه بس يگلي اريد منكم مره
انطي اني منتظر منه حچايه
فتحت عيوني بصدمه عليه خازرته وعمي يباوع
عليه ومبين عليه نظرات الشفقه…..
