رواية ازهرت وسط الرماد الفصل السادس 6 بقلم ميار

شفت الخوف يرجف كاتلة الخوف

درب حُبك ضياع وامشي والتاف

ترى اليسمع سمع مو مثل اليشوف

سمير صبيح

༺༺༺༺༺༻༻༻༻༻

ياسمين:: كتله اي ونزلت واني افكر شبي شنو الغيره

دخلت للمطبخ اساعد نور بالغده كملنا كل شي

رحت نظفت الاستقبال كلت خلي اشوف الحديقه

شبيه ما بيه رحت لكيت إيهاب يخابر باوع عليه اجت عيني بعينه ضحك بوجهي واسمعه كول لاا ماكدرت اجي باجر اجي مكدر اعوف اختي عفته ورحت للمطبخ من سمعت

صوت الولد جوو لبست حجابي دخلوو وراحو شافو اختهم

وجعو يغسلون

سليم:: هاا لج ام رصعات شلونج

ياسمين:: ابتسم بوجهه كتله زينه وانت

سليم:: شتشوفين

ياسمين:: ما ادري شو اباوعلك

وكف گبالي وحط ايده على خاصرته اني سوه هيج اريد

اسكت من اضحك ما اكدر متت ضحك عليه وهو بقى

يباوعلي استحيت منه كتله ما بيك شي باوعت لكيت

إيهاب يضحك كلت بصوت ناصي دخيلك ربي اليوم ابو طنكوره بس يضحك شبيه عفته ردت اطلع جان سليم

سليم:: سمعتج تره

ياسمين:: عادي رحنه صبينا غده واجو كلهم كعدو ياكلون

وعذراء هم كاعده تتشاقه ويا اخوانها

إيهاب؛؛ الفرع الثاني الي فتحنا للمكتب نريد نسوي افتتاحيه

عذراء:: الله وين تسونها

إيهاب:: هو بالمكتب

عذراء:: لعد نجي

إيهاب:: هو بس احنه والي بالمكتب ونسوانهم

عذراء:: خوش علمود نروح كلنه

إيهاب:: هلا بيكم

ياسمين:: شفته يباوعلي ضحكت بوجهه ودنكت اكمل اكل لان جوعانه خلصنه اكل وشلنه المواعين نور تغسل

واني اشطفهم نظفنه البيت واني صعدت غيرت ملابسي

لان صارن كلهن مي لبست تراك مستور حطيت عطر واجيت انام دخل إيهاب باوعلي واجه يمي

إيهاب:: هاا شسوين

ياسمين:: ما اسوي شي نعست اريد انام

إيهاب:: نامي على الجربايه اني طالع

ياسمين:: كمت رحت تمدد على الجربايه اباوعله لبس قميص ابيض وبنطرون اسود ومشط شعره ورش عطر

واني باقيه صافنه عليه مركزه بكل حركه يسويه رفعت

عيني شفته يباوعلي ويبتسم

إيهاب:: هاا عيني شبعتي

ياسمين:: هااا

إيهاب:: شبيج

ياسمين:: شنوو

إيهاب:: ماكو شي باي

ياسمين:: طلع واني ستوعبت شسويت شكو صافنه عليه

يا فشلتي دوم مفشله روحي نمت ما حسيت غير على صوت المي عرفت رجع ودا يسبح اخذت حجابي ونزلت

لكيتهم كلها نايمه الساعه ب11 غسلت وجهي واخذت تفاحه وكعدت اكلها شويه ونزل ابو طنكوره

إيهاب:: شبسرعه نزلتي

نزلت غسلت وجوعانه

إيهاب:: اني هم جوعان راح اسوي اكل تاكلين

ياسمين:: شتسوي اكل

إيهاب:: بيض وطماطه

ياسمين:: لا اني ما اكل البيض

صدكك!

ياسمين:: اي والله ما اكله

إيهاب:: اسويلج جاي ويا الجبن

ياسمين:: لا اني اسوي

إيهاب:: براحتج

ياسمين:: سويت جاي وصبيت الي واله ولسليم كلت اروح اصيحه باوعت إيهاب يسوي اله اكل اجيت يمه كتله اني اكمله روح صيح سليم ياكل ويانه بقى يباوعلي شويه وهز راسه إيهاب من النوع ما يحب يحجي هواي يعني حتى لو يريد يحجي يختصر بالكلام كملت حطيتهم على الطبله وكعدت انتظرهم شويه واجو يضحكون كتله هاا سلووم

شوف ردت اكل بس كلت ما اكل الا اصيحلك

سليم:: بويااا شنو من اخت اخت عندي تسوه إيهاب

إيهاب:: امشي لك تسواني ام اخدود مزروفه

ياسمين:: يمتى اخدودي مزروفه والله ما بيهم شي

سليم:: ما عليج بيه تعالي اكلي

ياسمين:: عذراء خلي اصيحها تاكل ويانه

سليم:: عوفيها نايمه

ياسمين:: كعدنا ناكل اني اكلت شويه وصعدت فوك لكيت رواء مراسلتني تحاجينه شويه وكمت فرشت اسناني وكعدت على القنفه اباوع بموبايلي رجعت تمددت وتغطيت الغرفه بارده بقيت اباوع ماشا والدب احبها

شويه واجه إيهاب سمع صوت ماشا بقر صافن عليه

باوعت عليه ضحك وراح تمدد على الجربايه

إيهاب:: تصبحين على خير

ياسمين:: اجمعين

نصيت الموبايل لان صوت الموبايل جان عالي كلت خطيه

خلي نام صرت حبابه لان صار حباب وياي شويه وسديته

بقيت كاعده ما نعسانه اخذت موبايلي ونزلت على ضوه

الشاشه كعدت بالمرجوحه بالحديقة اباوع الهوى عالي والجو بدأ يبرد مر الوقت شويه وحسيت اكو احد وراي درت وجهي لكيته إيهاب

إيهاب:: ليش كاعده اهنا بويا

ياسمين:: بقيت صافنه عليه ما ادري شحجي

إيهاب:: مو احاجيج

ياسمين:: هاا عيني

إيهاب:: ليش تنزلين بالليل ما تخافين

ياسمين:: ليش اخاف بالبيت. تره مو بالشارع

هز راسه اي وكعد يمي يهز بالمرجوحه كتله

وانت ليش نزلت مو تريد تنام

إيهاب:: شفتج نزلتي كلت تخاف

ياسمين:: لا ما اخاف

إيهاب:: شنو ترحين للحفله

ياسمين:: اي متحمسه سليم يشوفني المكتب

إيهاب:؛ بس الشركه احلا

ياسمين:؛ عادي غير مره اشوفها

إيهاب:: تحبين ترحين لاهلج

ياسمين:: صدكك اروح

إيهاب:: اي ترحين

ياسمين:: اي حباب اخذني

إيهاب:: خوش باجر اخذج قبل لا نلتهي بالتجهيزات

ياسمين:: سكتت يعني ما احظر واني اريد اشوف الحفله

حسيته ما يريدني احظر الحفله كتله لا من يخلص الافتتاح وديني باوعت عليه بقى ساكت حسيته خايف من شي وما يريد روحتي.

إيهاب:: انتي ليش تردين ترحين تعرفين المكتب

ياسمين:: سليم وعذراء يكولون حلو اهناك. باوعت سكت واضح ما مرتاح شويه

إيهاب:: كومي بويا انام مو زين السهر

ياسمين:: كمنا دخلنا طفرت قبله اركض على الدرج احب

اصعد الدرج

إيهاب:: لج لا اطيحين

ياسمين:: لا احب هاي الفقره من اصعد درج وصلت قبله

طبيت للغرفه كعدت على القنفه دخل إيهاب

إيهاب:: لج لو طايحه من الدرج شلون شسوي

ياسمين:: هااا

إيهاب:: شبيج فهيتي كتلج لو واكعه

ياسمين:: لا والله متعلمه

إيهاب:: بطليها عاده مو حلوه لا يصير بيج شي

ياسمين:؛ بقيت ساكته راح هو غسل ودخل نام واني هم نمت كعدت الصبح على صوت ابو طنكوره ضجت كلت

يبووو اريد انام انسد الاتصال واني كملت نومتي ما كعدت

غير ساعه 10 غسلت وجهي ونزلت صبحت عليهن ما اريد

اكل لكيت نور مخبوصه كمت انظف وياها سويت شعري كبايه عاليه كعدت انظف وعذراء كاعده يمنه تسولف ويانه

نور:: يمااا متت تعب

ياسمين:: كعدنا بالمطبخ نور طابخه مقلوبة كمت اني

نفسي لعبت دشداشتي تنكط مي كلتهن راح اغسل وانزل

بساع صعدت اركض على الدرج سبحت ولبست تراك وظفرت شعري ونزلت يمهن نحظر غدا شويه واجو الولد

عذراء:: وين إيهاب

سليم:: يوصل نورهان ويجي

عذراء:: يعني ما نخلص منها شلون

سليم:؛ انتي شتدرين هاي من جبتي بنت الناس المن كافي ترا ساكت الج ما اكدر احاجيج

عذراء:: عبالي يعقل ويبطل يمشي وراها

سليم:: لا تعرفين كلش زين ما يعوفها بس شتكولون لربكم

من جبتي هلبنيه وهو حتى ما يدري بيها وين ما وين

عذراء:: كافي اسكت

سليم:؛ هاا شوفي ضجتي من الحقيقه كافي تسكتين عنه لج باعي بنت الناس صايره مكفخه جوه ايده وانتي قابله بوضعه

عذراء:: لا ما قابله بس عبالي يعوفها ما تشوف ما تحبه

طامعه بي

سليم:؛ قنعي روحج إيهاب يعوفها

ياسمين:: كافي براحته خلينه ناكل جوعانين حبابين سكتو بقو يباوعولي سليم هز راسه بأسف وراح يغسل واحنه كعدنه ساكتين اني كوه كاضه روحي ما ابچي اجه إيهاب سلم محد رد عليه بس اني رديت كتله هلا بيك باوع عليهم

إيهاب:: خيرر شكوو

سليم:: سلامتك اكعد اكل

ياسمين:: كعد ياكل واني اكلت شويه بس اريد اصعد فوك

اريد وحيدي ابقى دخلت للحمام سديت وكعدت ابجي

زين ليش ابجي ليش محروكه روحي منه وادري عنده علاقه

شكوو ابجي بس لا ابجي على حالي الي صرت عله على گلبه شلون اخلص منه ربي خلصني ما اريد ابقى وياه

غسلت وجهي وطلعت اباوع عيوني حمر نشفت وجهي بالكلينس وكعدت على القنفه اباوع بموبايلي تعبت فوك

تعب البيت تعب إيهاب الى الله بلاني بي شويه واجه إيهاب

إيهاب:: صفنت عليها عيونها حمر اجيت يمها شبيج أسوو

ياسمين:: سلامتك ما بيه شي

إيهاب:: ليش تبجين احد ضوجج

ياسمين:؛ باوعت عليه كتله شنو يمهك اذا احد ضوجني

لو راح تحل مشكلتي

إيهاب:: كعد يمها شبيج بويا احجي

ياسمين:: ما بيه شي بس اريد ارجع لاهلي طلگني ليش مخليني معلكه

إيهاب:: ما اكدر اطلگج هسه بس فتره واني بنفسي اطلگج

وارجعج بيدي

ياسمين؛؛ كافي يوميه فتره فتره تعبت منك

إيهاب:؛ كافي كومي غسلي وتعاليلي

ياسمين:: ما عليك وخر مني شبيكك

إيهاب:: كومي انروح اني وياج ننزل نجيب حلويات

ياسمين:: هههههه شنو زعطوط وتسكتني بحلويات

إيهاب:: لا بويا عمرج 30 سنه بس كومي

ياسمين:: اني اكوم وخرر مني كمت عسلت ورجعت

ابحوش بملابسي اطلع حركتي بيهن حسيته وراي

شبيك شتريد ما بيه شي اريد اروح لاهلي

إيهاب:: كافي شكد تحلين

ياسمين:: اي مليت افهم عليه

إيهاب:: يلا انزلي نروح

ياسمين:؛ لو تمووت ما اطلع وخر رواء تتصل

إيهاب:: يعني ما تسمعين حجايتي

ياسمين:: اي

ما حسيت غير شالني ودنك اخذ حجابي من القنفه وييين

ماخذني نزلني ياااا إيهاب نزلني حباب

إيهاب:: لعد تمشين كدامي للسياره

ياسمين:: كتلك ما اريد اطلع ضايجه شبيك وياي

إيهاب:: بس اني كتلج تغيرين جوو

ياسمين:: ما اريد حباب صدك نزلني واني صعدت للغرفه

ضايجه شلون اريد ارجع لاهلي شلون بيه بقيت كاعده صار المغرب نزلت لكيتهم كاعدين

نور:: تعالي اكعدي

ياسمين:: لا اريد اكعد بالحديقة ضايجه

نور:: بكيفج

ياسمين:: طلعت بره كعدت بالمرجوحه الهوى عالي وصوت الاذان احب اسمعه لمن كمل شويه ودخلت

توضيت ورحت صليت بالاستقبال بقيت ادعي ربي يقوي

گلبي ربي اريد اخلص ما اريد ابقى بينهم هو يحبها ليش

خليتني بينهم كمت لميت السجاده ورحت اساعدهن

بالعشا كملنا الكل ساكتين حطيتنه الاكل بالاستقبال

منتظرينهم اجو كعدت بسد سليم سميت واكلت

رفعت راسي اريداخذ باوعت إيهاب يباوعلي شربت مي وندست سليم

سليم:: هااا

ياسمين:: وجهي بي شي

سليم:: شوو باوعي اشوف

ياسمين:: ضحكت عليه بقى صافن بوجهي

سليم:: تخبلين

ياسمين:: شبي اخوك يباوعلي هيج حتى خفت

سليم:: ما عليج خويا اكلي

ياسمين:؛ اي اكلت شويه وطفرت للمطبخ شويه

واجه إيهاب وراي باوعت عليه اريد اشوف شيريد

إيهاب:: حطيلي الفحم

ياسمين:: ما اعرف اخاف

إيهاب:: احسن ما تضحكين ويا سليم حطي الفحم

ياسمين:: واني كتلك ما اعرف شبيك تلح

اجه كمش ايدي بقوه صحت بوجع اخخخ ايدي شبيك

إيهاب:: لا اعلمج غير ما تعرفين

ياسمين:: اي بس ايدي توجعني والله

عافها رحت غسلتها صايره حمره متت مو الوجع الدمعه

بطرف عيني كتله ليش هيج تسوي وياي تعبت منك والله

إيهاب:: بطلي سوالف زعاطيط وما عليه بيج

ياسمين:: بس ما سويت شي

إيهاب:؛ كافي تحجين ولي فوك اريد ادخن نركليه

ياسمين:؛ عفته مليت من حجيه صعدت اخذت جنطه

وحطيت ملابسي كلهم بيها وطلعت صايه وحجاب اجه

إيهاب للغرفه يباوعلي

إيهاب:: شكوو

ياسمين:: اريد اروح لاهلي اذا ما تاخذني اسوي شي بنفسي

والنبي

إيهاب:: ماكو روحه صيري حبابه وبساع رجعي الغراض لمكانهن

ياسمين:: والله اذا ما اخذتني اموت روحي

إيهاب:: انعلي الشيطان عندي شغل ما اكدر

ياسمين:: وداعت بابا اموت روحي كافي تعبت منك

شفته عافني وراح للجربابه عباله اخاف اسوي شي بنفسي

شفت ماعون فواكه وعليه سجينه اخذتها وحطيتها على

ايدي كتله والله اذا ما اخذتني اكتل نفسي بقى فاتح عيونه

مصدوم مني عباله ما اسوي شي اخاف شويه ونبتت السجينه بيدي كامت تقطر دم كتله والله اكتل نفسي كدامك وديني

إيهاب:: اي اي سكتي اخذج بس ذبي السجينه

ياسمين:: لا من اوصل اوخرها

إيهاب:: لججج خلص دمج

ياسمين:: صرخ الا زردومه طك كتله وديني

إيهاب:: امشي كدامي

ياسمين:: مشيت للباب وهو وراي بدون جنطه كتله ملابسي

إيهاب:؛ امشي مايحتاج

ياسمين:: مشيت ما حسيت غير انسحلت من ايدي

طفرت السجينه مني

إيهاب:: انطيني ايدج بساااع راح يخلص دمج بساع ولجج

ياسمين:: عوفها ما بيها شي وديني

إيهاب:: مو بكيفج تعايي

ياسمين:: سحلني للحمام غسل ايدي وحط الخاولي يريد يوكف الدم طلعني كعدت هلى القنفه

إيهاب:: راح اجيب تعقيم بساع لا توخرين المنشفه

ياسمين:: ركض هو باوعت على ايدي الدم مينكطع

ما احس بوجع والله ابددد رجع سريع اخذ ايدي الدم يجري

جاب تعقيم حط بكطنه شويه ومسح على ايدي سمعت صوت سليم

سليم:: إيهاب نفوت

إيهاب:: اي فوت

باوعت دخلو سليم واخته وامه وامهم تباوع مصدومه

ام إيهاب:: اصخام ولج شسويتي بروحج منو يفيدج

سليم:: كافي يمه سكتي

عذراء:: كله منك إيهاب ارتاحيت وصلت البنيه لهيج مرحله

بله ماتت شتكول لاهلها ولك شتكوول راح اموت منك

سليم:: خاف يحتاج خياط يمعود خلي ناخذها للدكتور

إيهاب:: لا ما يحتاج سطحي

ياسمين:: لف ايدي بشاش وكام يباوعلي

إيهاب:: توجعج

ياسمين:: لا ما بيه شي

سليم:: انزلي ويانه جوه اكعدي

ياسمين:: لا اريد انام خويا

سليم:: براحتج

ياسمين:: نزلو بقيت بس اني وياه هو راح للحمام يغسل واني تمددت على القنفه تأخر بالحمام واني اخذتني النومه ما حسيت غير على ايدي يبوسها شفته بارده بقيت مسويه

نفسي نايمه وهو يتلمس ايدي سمعته جر حسره اسمعه

يكول

إيهاب:: والله ما ادري شبيه هيج سويت بالله لو صاير بيج

شي شكول لروحي لو لاهلج

ياسمين:: شهكت مصدومه من رجع باس الجرح من فوك الشاش شويه وكام واني بقيت مصدومه شبي إيهاب من شويه جان يصيح شنو التغير

كعدت الصبح نزلت لكيتهم كاعدين كلهم يباوعلي ما يحجون وياي بقيت ساكته رحت للمطبخ كعدت على الكرسي ابجي متندمه ربي يسويت بنفسي بس والله من العصبية سويت هيج سامحني ردت اكتل نفسي بقيت مدنكه ابجي شويه حسيت انكمشت ايدي رفعت راسي

شفت سليم واكف يمي

سليم:: عبالج زعلانين منج

ياسمين:: والله من عصبيتي سويت هيج

سليم:: لج منو يفيدج سوين هيج والله محد يستاهل

ياسمين:: والله ما توقعت هيج راح يصيربيه هو بس اريد ارجع لهلي والله ما اكول كل شي بس رجعوني فدوه حباب

سليم:: هسه عدنه شغل اصبري خلي بس يخلص الافتتاح ويصير خير

ياسمين:: مسحت دموعي هو يباوع عليه

سليم:: يلا لج اضحكي والله ما يلوكلج تبجين شو اشوف

غمازاتج

ياسمين:: ضحكت على سوالفه شلون يحجي وياي

سليم:: يلا بويا غسلي وجهج وتعالي

ياسمين:: اي هسه كمت غسلت رحت يمهم نزل إيهاب

كعد يمنه

عذراء:: أسوو ترحين ويانه نشتري فساتين لو عندج

ياسمين:: لا عندي مالاتي بعد ما لابستهن جديدات

عذراء:: تمام يوم الخميس ان شاء الله يعني بعد

اربع ايام

ياسمين:: بطلت اني ما اروح ولا اريد اشوف

طفر سليم من يمه يحجي

سليم:: لا عيني ترحين ترحين صار اسنين منتظر هذا اليوم

ياسمين:: خرب واهسي

سليم:: اني ارجعلج واهسج كومي اخذج

ياسمين:: وين نروح

سليم:: امشي ما عليج

ياسمين:: شفت إيهاب خازر سليم كتله غير مره هو هز راسه وسكت لان كل ساعه يصير شي بسببه كتلهم راح اصعد فوك اني اترخص منكم

عذراء:: براحتج

صعدت اني خابرت اهلي وكتلهم على افتتاح كملت اتصالي وسديته و مشى اليوم بالليل رحت اشوف شنو البس شفت فستان لون سمائي وفستان اسود عجبني الاسود كلشش مال مناسبات كلوش وعريض كلت اشوفلي حجاب وياه بعدين

شويه و ابو طنكورات شافت الهوسه

إيهاب:: شتسوين

ياسمين:: ما اسوي شي هسه اعزل الهوسه

إيهاب:: براحتج راح اكعد على القنفه

هزيت راسي ورجعت اعزل بيهن واباوعله هو يلعب بالموبايل مالته شويه وخلصن كتله تعال خلصت

حتى تنام

إيهاب:: عاشت ايدج

ياسمين:: اخذت فرشة اسناني باوعت عليه كاعد ويضحك ضحكت على ضحكته كلت شيسوي وهيج يضحك كتله

على شنو تضحك

إيهاب:: ماكو شي جاي احجي ويا صديقي

ياسمين:: براحتك عفته ورجعت نمت وهو بقى كاعد

فزيت الصبح على صوت موبايله كمت غسلت وبدلت ملابسي ورجعت الموبايل يتصل باوعت عليه شلون اكعده

خاف يتعارك وياي عفته و نزلت لكيت محد كاعد سويت

جاي وحطيت جبن بماعون حتى اكل منه بيض ما سويت

ما اتحمل ريحته رحت صبيت جاي وكعدت اكل شويه واجت عذراء

عذراء:: هاا شتسوين

ياسمين:: اتريك اصبلج تاكل وياي

عذراء:؛ لا ما اريد احس عندي هبوط اريد عصير

ياسمين:: كمت رجت للثلاجه صبيتلها بكلاص وانطيته الها

عذراء:: اكعدي كملي ريوكج

ياسمين:: رجعت كعدت يمها بس ما اكلت شبعت نزل

إيهاب لابس قميص ابيض وبطنرون رصاصي بقيت اباوع عليه اجه سليم هم

سليم:: صباح الخير

ياسمين:: صباح العافيه هههههه

سليم:: هاا ولج شبيج تضحكين

ياسمين:: والله من اشوف وجهك اضحك

سليم:: هم نعمه

إيهاب:: صباح الخير

ياسمين وعذراء:: صباح النور

ياسمين:: كعد يمي وسليم راح كعد بسد اخته

عذراء:: ياسمينه سوي ريوك للولد

ياسمين:: بقيت اباوع عليها ربي شلون اكوللها مكدر اشم ريحة البيض سليم يباوع عليه ويهز بحواجبه

سليم:: يلا كومي سوي ريوك

ياسمين:: هااا

سليم:: يلا كومي

ياسمين:: باوعت عليه ردت ابجي طفر سليم

سليم:: اني اكوم اسوي

ياسمين:: باوع سليم والله مر اكمشه

سليم:: من ساع اتشاقه وياج

ياسمين:: هزيت راسي وباوعت لإيهاب شفته صافن عليه ومبتسم درت وجهي على سليم يسوي بيض وطماطه

كمل وكعدو ياكلون وهو إيهاب ويسولفون

إيهاب:؛ الولد ما اجه علمود البيت

سليم: والله انتظرته البارحه ما اجه

إيهاب:: عوفه امبين ما يريد يشتري

سليم:: لا لا والله بيه مجال بس مدري شبيه

إيهاب:: يلا براحته

ياسمين:: كملو شلت المواعين وهمه سكتو شويه وكالو رايحين سلمو وطلعو كعدت نور وجهالها واجو يمنه

نور:: صباح الخير

ياسمين:: صباح النور

راحت تسوي اكل الها ولجهالها كتلها راح انظف الحديقه بين ما تكملون اخذت الماسحه وطلعت وفرجه انظف

بيها بلشت بالحديقة شلت فرشت المرجوحه نظفته

ورجعته والطبلات وخرتهم نظفت جواهم واخذت الصونده

وعفته تجري بيها ورحت للطرمه هم غسلتها تعبت اخذت

الغراض ودخلت لكيت نور منظفه البيت جوه صعدت غيرت ملابسي ونزلت ركض على الدرج احب هاي الفقره

كمنه سوينه غده تطبخت نور تبسي اباوع عليه شلون تسوي

كتلها اني اغسل المواعين الي توصخن

نور:: لا لا عوفيهن

ياسمين:: انطيني وروحي شوفي ابنج اخذت منها راحت

واني غسلتهم وغسلت ايدي وكعدت انتظر يجون حتى نصب غده رحت جبت موبايلي وكعدت اباوع بي فيديوهات هيج ضحك لمن دخل إيهاب للمطبخ وسليم

وراه

إيهاب:: شلونكم

ياسمين:: هلا بيكم نزلت راسي اكمل الفيديو واضحك

سليم:: ضحكيني وياج

ياسمين:: تعال شوف اشرتله بصفي اجه كعد يمي ونشوف

المقطع ضحك سليم واني طكيتها بضحكه وشلت راسي

شفت إيهاب يهز ايده درت وجهي ما اريد اتعارك وياه عافنه

وصعد لبس تراك ونزل طفيت الموبايل كلت لسليم يلا خويا

روح غسل حتى نتغده

سليم:: هههههه اي رايح

ياسمين:: راح واحنه حضرنه الغذه واجه إيهاب يمنه

واجت امهم من الدوام كعدنه نتغده وجان يكول إيهاب

شي خله سليم وعذراء يغصون بالاكل…….

اشرهن ع الملح والچمهن مـن اغتاض

‏ولا اذلهن جروحي بحظرة المخيط .

يتبع….

لاتنسون التصويت والتعليق بين الفقرات لطفآ

حبايبي لاتنسون تعلقون بين السطور بطلتنا دا تابع

وتحب تعرف رائيكم

السابع من هنا