رواية ارحم وحدتي الفصل الخامس 5 بقلم رحمه احمد
الفصل الخامس
جاسم كان لسه هيتكلم دخل مراد عليهم
مراد:- ايه يا ميرال انتي هنا ليه عمال ادور عليكي
ميرال:- انا جايه اهو
ومشيت ميرال مع مراد وكان جاسم متعصب ومدايق من اللي عملتو ميرال
المجهول:- انا حد اعرف نرمين كويس وكنت خايفه اتكلم قبل ما تسافر عشان لو اتكلمت كانوا هيأذوني نرمين اخدت الشبكه وهتتجوز واحد اغني منك لان نرمين مبتحبش غير الفلوس وبس
جاسم:- انتي كدابه
المجهول:- مش هستفيد حاجه لما اكدب عليك روح الشقه اللي انت جيبهلها هتلاقيها لمت كل حاجه تخصها ومشيت
جاسم كان مصدوم ان نرمين عملت كدا لان جاسم كان بيحبها جدا
سعاد:- في ايه يا جاسم
حكي جاسم كل حاجه لسعاد
سعاد بحزن علي ابنها:- الحمدلله يابني انها جت علي قد كدا وعدت
باااااااك 
مروان:- ايه يا جاسم انت فين كل ده
جاسم:- الچاكيت وقع عليه عصير الداده بتنضفوا وجي
الداده نضفت الچاكيت شكرها جاسم وخرج
روان:- كانت عند البوفيه بتاخد جاتو
مازن:- مساء الخير
روان:- مساء النور
مازن:- احنا اتقابلنا قبل كدا صح
روان:- مش فكره
مازن:- افتكرتك انتي اللي كنتي قدام المول من يومين انتي وصحبتك واختك باين
روان:- ايوه
مازن:- انا مازن وانتي
روان;- وانا روان بعد ازنك
مسك مازن ايديها
مازن:- استني انتي رايحه فين
روان:- انت مجنون ايدك دي متلمسنيش
مازن:- لي هو انا بعوض
روان:- لا انت مجنون بقا
وكانت لسه هتمشي
مازن:- استني طيب ممكن اخد رقمك ونتقابل
روان:- لا
مازن:- طيب ممكن تجيلي البيت نسهر سوا النهارده ومتقلقيش هديكي اللي انتي عوزاه
روان ضربت مازن بالقلم
روان:- انت قليل الادب وده يعلمك ان مش كلو زي بعضوا
مازن كان مصدوم وروان سبتو وجريت
ريم:- مالك يا ميرال
ميرال:- مفيش حاجه هحكيلك بعدين
روان راحت عند ميرال وريم
ريم:- ايه يا مفجوعه مجبتيش جاتو ليه
روان:- مليش نفس
اتصدمت ميرال وريم
ميرال وريم في نفس واحد: – انتي تعبانه
روان كانت خلاص هتعيط
ريم:- في ايه يا روان
روان:- انا عاوزه اروح ممكن
ريم:- اهدي طيب العيد ميلاد قرب يخلص خلاص
ميرال:- انا اتكلمت مع طنط ناهد وانتو هتباتو معايا النهارده
ريم:- خلاص يا روان شويه وهنطلع اهدي ولما يخلص العيد ميلاد نتكلم
روان:- ماشي
جاسم كان قاعد مش طايق نفسوا
مروان:- مالك يا جاسم
جاسم حكي لمروان كل حاجه
مروان:- انت غلطان يا جاسم ولما نقعد مع بعض نتكلم
مازن راح ليهم وهو متعصب
مروان:- مالك انت كمان
مازن حكلهم اللي حصل
مروان بضحك :- انت كمان واخيرا لقيت حد علم عليك انت اللي تستاهل
مازن:- وهو انت مفكر اني هسبها ابدا هتيجي سكه معايا وهتشوف كلهم زي بعض اصلا
مروان:- كلهم مش زي بعض وبكره هتشوف والبنت دي مش شكلها زي اللي تعرفهم
جاسم:- بعد ازنكوا
مروان:- رايح فين
جاسم;- لازم ادي لميرال الصياد الهديه بتاعتها
قرب عليها جاسم
جاسم:- اتفضلي كل سنه وانتي طيبه يا انسه ميرال وهمس في ودنها القلم ده هدفعك عمرك كلو قداموا
ميرال بخوف:- شكرا هديه مش مقبوله
امجد راح عندهم
امجد:- ايه بتتخانقوا تاني
جاسم:- لا يا عمي مفيش خناق انا كنت بدي انسه ميرال الهديه يارب تعجبها
ميرال اخدت الهديه منو عشان امجد ميلاحظش ان في حاجه
ماجد جيه
ماجد:- ايه يا ولاد في حاجه
امجد:- لا اعرفك ميرال الصياد بنتي
ماجد:- ازيك يا ميرال كل سنه وانتي طيبه
ميرال:- وحضرتك طيب يا عمو
ماجد:- اتفقنا يا جاسم ان في اجتماع يوم الاربع عندنا في الشركه عشان نتفق علي كل حاجه تخص الصفقه
جاسم: – طيب كويس
امجد:- هنكون في المعاد انا وميرال عندكوا الساعه 11 يوم الاربع
ميرال اتصدمت بس فضلت سكته عشان محدش يلاحظ حاجه
ماجد:- نستأذن احنا بقا
امجد:- اتشرفت بوجدكوا
ومشيوا من العيد ميلاد
طلعو البنات في اوضه ميرال نامو هما ال3 علي سرير ميرال
ريم:- ايه اللي حصل يا روان
حكت روان كل اللي حصل
ريم:- انسان فعلا قليل الادب ويستاهل اللي القلم ده كان عاوز ميت قلم وانتي يا ميرال حصل اي
ميرال حكت اللي حصل
ريم:- ازاي اصلا يعمل كدا هما مفكرنا ايه شكلهم ناس مش كويسه
ميرال:- تقريبا كدا انا مش عاوزه اروح الشركه يوم الاربع ولا عاوزه يكون في شغل معاهم اصلا
ريم:- الشغل ملوش علاقه لان مفيش سبب هتقدري تقوليه لعمو امجد
ميرال:- ده اللي مخليني سكته ومش عارفه اتصرف
ريم:- وهتعملي ايه مع مراد
ميرال سرحت في جاسم واللي حصل اول ما ريم جابت سيره مراد
ريم :- ميرال يا ميرال
ميرال:- ها
ريم:- ها ايه روحتي فين بقولك هتعملي اي مع مراد
ميرال:- هوافق عليه
ريم:- بجد مبروك يا قلبي
روان كانت في ملكووووت تاني
ريم:- سكته ليه يا روان
روان:- عارفين اكتر حاجه مديقاني اي
ريم وميرال:- اي
روان:- ان اللي منه لله مخلانيش اكمل الجاتو
ريم وميرال فضلوا يضحكوا علي روان
روان:- بتضحكوا علي ايه متيجوا ننزل نجيب جاتو من تحت
ميرال:- يلا ونجيب عصير ونسهر للصبح
روان بفرحه: – هي دي ميرال يلا
نزلوا هما التلاته يكملوا السهره
عند جنينه ڤيلا السيوفي
مازن:- انا مش هسيب البت دي انا هعرف اجبها سكه ازاي
مروان: – سبها في حالها يا مازن دي مش زي الاشكال اللي تعرفها
مازن:- لا كلهم زي بعض حتي بنت الصياد دي اقدر اجبها سكه
اتعصب جاسم علي مازن
جاسم بغضب:- مازن احترم نفسك
مازن باستغراب:- وانت مدايق لي خايف اقطع عليك واجبها سكها هي عجبتك ولا ايه
جاسم:- مازن قولتلك احترم نفسك وملكش دعوه بأي واحده فيهم لو اتعرض لأي واحده منهم انا اللي هقفلك
مازن بخوف من نبره جاسم:- حاضر هسبهلك يا عم انا هروح اكمل سهرتي بره احسن
ومشي مازن
مروان:- في ايه يا جاسم اتعصبت كدا لي هي عجبتك فعلا
جاسم:- لا بس انا مش هسبها علي القلم ده انا اللي هاخد حقي منها انا هعلمها تعمل الف حساب قبل ما تفكر حتي ترفع عنيها قصاد جاسم السيوفي
مروان:- جاسم اللي انت بتعملوا ده غلط ملكش دعوه بيها خلي كل اللي بنا شغل بس وسبها في حالها
جاسم:- ماشي
مروان:- طلاما قولت ماشي يبقا هتعمل اللي في دماغك انا ماشي
جاسم:- بات هنا النهارده
مروان:- لا عشان امي واخواتي.
مشي مروان
راحت سعاد لجاسم
سعاد:- عملت ايه في العيد ميلاد كان حلو
جاسم:- اه كان كويس
سعاد:- حساك مش مبسوط
جاسم:- لا مفيش حاجه
سعاد:- طيب ابوك كلم عمك وهنروح نقرأ فتحه يوم الخميس
سرح جاسم في ميرال اول ما جابت سيره هاجر……..
سعاد:- جاسم يا جاسم
جاسم:- نعم يا ماما
سعاد:- ايه روحت فين
جاسم:- مفيش حاجه تمام يوم الخميس
سعاد:- ربنا يكملك علي خير يا حبيبي
ودخلت سعاد تنام وطلع جاسم الاوضه بتاعتوا وفضل طول الليل يفكر في ميرال لحد ما راح في النوم
يا تري القدر مخبي لكل واحد فيهم اي
وجاسم هينتقم ازاي من ميرال ؟؟؟؟؟
وايه مصير ميرال ومراد ؟؟؟
ومصير جاسم وهاجر؟؟؟
هنعرف ده ف البارات الجايه باااااي
