رواية ولي العهد الفصل السابع عشر 17 بقلم نورهان نصار 

الفصل السابع عشر:

مروه هاتفيا ببكاء:ايوا يا أنور ضارب البنت و حابسها..انت لازم تتصرف و تيجي..
أنور بجديه:سنته سودا الحيوان الهمجي…
مروه بتحاول تتكلم:قاعدين هناك كلهم زي ربطه المعلم و مرضاش يطلعني حتي و أمه كرشتني…
أنور بجمود:و الله لأجيب حقكم….

…………………..

روحوا من عندهم و بقوا لوحدهم ف البيت..و يحي طلب دليفري لأميره….و قعد معاها لحد ما الاوردر يوصل…
يحي بحنان خدها ف حضنه:انا بجد مش مصدق اني هبقي أب..
أميره ابتسمت له:لا صدق..اهو كلها ٨ شهور و الباشا يشرف…
يحي بفرح:بصي احنا لازم بكره نروح لدكتوره..او نروح ليه نطلبها و هي تيجي…انا مش عاوز اتعبك..
أميره ضحكت بدلع و فخر بأنه خايف عليها و بدلع:اللي تشوفه يا حبيبي…
و بتساؤل:اومال الاكل أتأخر ليه..
و ابتسمت ليحي:حبيب بابي جعان…
يحي بص لبطنها اكنه بيكلم ابنه و بحنان:حبيب بابي و قلب بابي و سيد الناس كلها…معلش يا باشا بنعتذر عن تأخير الاكل…
و ضحك و كذلك أميره..و فضل يتكلم مع ابنه…لحد ما سمعوا صوت الجرس..
يحي بص لبطنها:اهو الاكل جه يا عم…
و قام راح فتح الباب…و أخد الاوردر و حاسب و قفل الباب..و دخل و بصوت عالي:جايبلك شويه كفته و كباب و طرب بقي انما ايه عنب…
أميره بجوع:الله..الريحه تجنن..استني هقوم اجيب اطباق…
يحي منعها:خليكي زي ما انتي هجيب انا الحاجه..
و دخل المطبخ جاب اطباق و كاسات و مايه و خرج…قرب الترابيزه بتاعه الركنه اللي قاعدين عليها و حط الاطباق..و طلع الحاجه من الاكياس و بدأ يأكل ف أميره بحنان…

حب إيه اللي أنت جاي تقول عليه.. أنت عارف قبله معني الحب ايه..لما تتكلم عليه..حب ايه اللي انت جاي تقول عليه.. أنت ما بينك و بين الحب دنيا..دنيا ما تطولها و لا حتي في خيالك…

في اوضه فريده كانت قاعده علي السرير و بتعيط..بتعيط علي أنوثتها و كرامتها اللي اتهانوا…بتعيط بحرقه و قهر علي كل الوجع اللي شافته معاه..علي كل الذل اللي عاشته معاه…

أما نفس الحب عندي حاجه تانيه..حاجه أغلي من حياتي و من جمالك.. أنت فين و الحب فين..ظالمه ليه دايماً معاك..ده أنت لو حبيت يومين..كان هواك خلاك ملاك..أنت فين و الحب فين..ظالمه ليه دايما معاك..

صرخت بوجع و قهر و بقت تهبد بأيديها علي السرير…و هي بتفتكر أول مره حملت فيها..و رد فعل يحي..

*فلاش باك*

كان راجع يحي من شغله و فريده كانت مجهزه ليه العشا..لسه متجوزين من شهرين و بقت حامل ف طفل ليهم…و فتحت الباب ليحي و هي بتبتسم…
يحي:ديدا وحشتيني اووي..
و حضنها…
فريده بحب:و انت كمان يا حبيبي…يلا تعالي اتعشي…
و اخدته لحد السفره…و قعد يحي و هي كمان..
فريده بتذكر:اووبس هقوم اطفي البوتجاز…
يحي هز رأسه و ابتسم..بس لمح بوكس صغير جمب طبقه..مسك البوكس و فتحه…لقي فيه اختبار حمل و النتيجة اجابيه..يحي فضل دقيقه بيبص للاختبار مش مستوعب أو مصدوم و بعدين بص ادامه و ابتسم…و فريده جات قعدت جمبه بهدوء و ابتسمت…
يحي بتأكيد: حامل؟!!
فريده بفرح:اه…
يحي وقتها دمع و شدها لحضنه….
يحي بجديه و فرح:مفيش شغل مفيش اي حاجه لحد ما اطمن عليكي و عليه..و لو هتوصل اني مش هنزلك الشغل لحد ما تولدي هيحصل…
فريده بضحك:هههههه..يبني بالراحه شويه مش كده…
يحي قاطعها:لا كده ونص…
و حضنها تاني و هو فرحان…

*باك*

كانت لسه علي حالتها منهاره…بقي ده يحي اللي عرفته و اتجوزته…لا مستحيل….

ليه بتجنني كده علي الحب ليه..أنت عارف قبله معني الحب ايه..حب ايه اللي أنت جاي تقول عليه..إنت ما بينك و بين الحب دنيا..و أنت بتخون الوداد من كل قلبك..بعت ودي و بعت حبي ليه بعت قلبي…

كان بيتردد كلامه في دماغها اكنها بتسمعه منه تاني.
كل وعد قالهولها..كل كلمه..كل فعل شافته تاني و حست بيه اكنه بيحصل تاني…

أشتاق لقربك ليه..ظالمه ليه دايماً معاك..كان هواك خلاك ملاك..ظالمه ليه دايماً معاك..أنت عارف قبله معني الحب ايه..بعتني و فاكرني ليه..أنت فين و الحب فين..ليه بتجنني كده علي الحب ليه..حب ايه اللي أنت جاي تقول عليه..

كان قاعد معاها و بيأكلها بحنان…و كذلك هي بتأكله و بتبتسم…
أميره حطت ايديها علي بطنها:هنسميه ايه؟!!
يحي بتفكير:امممم..
و بصلها: أنتي الأول نفسك يكون ايه..
أميره بأبتسامه: ولد…
يحي بأبتسامه:مالك…
و باستعراض:مالك يحي صباح…

لما داب أملي و أنا بتمني ودك..و أنت في قربك ناسيني زي بعدك..ظالمه ليه دايما معاك..كان هواك خلاك ملاك..ظالمه ليه دايما معاك..أنت عارف قبله معني الحب ايه..

أميره بابتسامه:و لو بنت؟!
يحي بحب: أميره!!
أميره بصت ليحي بفرح و حضنته و بحب:ربنا يخليك ليا يارب..و متحرمش منك أبدا…

ياما طول عمري رضيت منك آسيه..كل شكوه كنت بتشوفها بعنيا..

كانت فريده واقفه ف الحمام قدام المرايه و بتعيط…بتعيط بقهر و وجع الدنيا كله..حاسه انها خلاص مبقاش ليها لازمه ف الدنيا…و لا ليها أي اهميه..كلبه و محبوسه..و حبيبها و حبيب قلبها هو اللي حكم عليها ب ده…قررت الانتحار..ما خلاص هتبقي لمين..و كرامتها اللي بقت ف الأرض..و الست ملهاش إلا كرامتها..و حبيبها ضيعها…مسكت موس و قربته من شرايين ايديها…و هي بتعيط بندم…عقلها بيقولها فوقي ده كفر…بس قلبها بيقولها انتي خلاص مينفعش تعيشي و لو عيشتي يا فريده..هتعيشي لمين….و لأيه..لا عندك حبيب و لا عندك ابن….و فضلت كده محتاره بين صوت عقلها و قلبها..و فجأه رمت الموس من ايديها..و مسكت ازازه برفان علي الحوض الكبير و رمتها علي مرايه الحمام كسرتها…و حطت ايديها علي وشها بأنهيار و بقت بتترعش من اللي كانت هتعمله…

أنت فين و الحب فين..ده أنت لو حبيت يومين..كان هواك خلاك ملاك..أنت فين و الحب فين..ليه بتجنني كده علي الحب ليه..حب ايه اللي انت جاي تقول عليه..

…………………….

تاني يوم الصبح…كانوا نايمين..و يحي واخد أميره في حضنه..فاق علي صوت جرس الباب..ف قام و نزل يفتح الباب…و أول ما فتح الباب وقع علي الأرض بسبب البوكس اللي اخده..و دخل أنور من برا و بصوت عالي:بقي أنت تضرب بنتي و تحبسها…ليه بتتشطر عليها شايف أن مفيش راجل وراها يجيبلها حقها…
و شد يحي من التيشيرت بتاعه قومه…
أنور بغضب:ده انا هخلي أيامك كلها سوداا يا كلب يا ابن الكلب…هي فييين…
يحي زقه بعيد و بحده:غلطت و بتتربي..بنتك المحترمه شتمت امي و حماتي و مراتي و ضربتهم كمان..
أميره نزلت من فوق و اول ما شافت وش يحي اللي ورم من البوكس و عينه المزرقه..صرخت بخوف و جرت عليه….
أنور بصوت عالي و حده:هي فيييين؟؟!!!
و طلع بسرعه علي الدور اللي فوق و راح علي الأوضه بتاعه فريده و يحي..و فتح الباب و ملقاش فريده…
أنور:فريده…فريده…
و دخل الحمام لقي ازاز المرايه متكسر و فيه موس مرمي علي الحوض…اتخض لما لقي ده…
و خرج بسرعه و نزل جري و مسك ف يحي و بجنون:البت فين…فريده فيييييين…انطق…
يحي زقه بعيد و بصوت عالي:انا اللي أسألك دلوقتي بنتك المحترمه فين..انا كنت قافل عليها باب الأوضه و الاكل دخلها امبارح بس…راحت فين بقي..هرربت فين…
أنور بتعود:الاقيها بس وديني يا يحي لاخليها تخلعك…
يحي بسخريه:ده لو لحقت..
و بصوت عالي:لأن بعد ما انت تمشي انا هكلم المحامي بتاعي و اطلبها ف بيت الطاعه و يجيبوها هما بقي…
أنور ضرب يحي بوكس تاني و أميره صرخت و جرت عليه..و رمي فازه كانت موجوده علي ترابيزه صغيره جمب الباب..و خرج….
أميره بتحاول تقوم يحي:قوم..قوم يا يحي…قوم…
و ببكاء:طلقها بقي يا يحي..و كفايه مشاكل..خلينا ننتبه لأبننا…
يحي ضمها:تعرفي تهدي..و انا هجيبها بطريقتي و لازم اندمها هي و أبوها علي اللي حصل ده…
أميره بخوف:لالالا يا يحي انت شوفت أبوها عمل ايه…
يحي بشر:انا سكتله بس عشان هروح دلوقتي اعمل محضر….و قام: يلا قومي اجهزي هوديكي عند مامتك لحد ما اخلص المشاوير اللي ورايا و ارجع اخدك…

………………..

أنور خرج من البيت بسرعه و جري علي عربيته…و طلع تليفونه و اتصل علي ناس تبع شغله…
أنور بجديه:عاوز مراقبه علي يحي صباح من دلوقتي..يفضلوا وراه زي ضله..و كمان تليفونه يتراقب…و شوفلي النمره دي عدت علي الكماين و الا لا…(……..)و شوفلي الخط ده موجود فين دلوقتي(……………)
و قفل بسرعه…و طلع بعربيته علي مكتب فريده….

…………………

دولت بخوف:يالهووي يالهووي..أبوها عمل كده…
أميره بحقد:اه…و الاستاذ سابه يضربه من غير ما يردله ضربه واحده حتي..
دولت:مسم..صحيح اللي ليه ضهر ميتضربش علي بطنه..
و بتساؤل:و هو راح يعمل ايه دلوقتي…
أميره بسخريه:محضر في أبوها..و هيطلبها في بيت الطاعه…
و بجديه:نفسي اعرف خرجت ازاي من غير ما نحس…
دولت بغل:واحده قادره انتي مشوفتيش لما نزلت فيه ضرب كانت عامله ازاي..و محدش قدر يشيلها من فوقيه…بقولك قومي يلا نروح عند خالتك إسعاد…
أميره بتعب مصطنع:لا روحي أنتي يا ماما..الا انا تعبانه…
دولت:ماشي هقوم البس و مش هغيب اقعد بس و اشوف هي ناويه علي ايه…

و قامت دولت تلبس و أميره دخلت ف أوضتها ترتاح…

……………………..

راح يحي القسم و معاه المحامي و عمل محضر تعدي ف أنور و كمان طلب فريده ف بيت الطاعه….

………………………

نزلت دولت من البيت و بعد خمس دقايق سمعت أميره صوت الجرس بيرن…ف قامت عشان تفتح الباب…و ابتسمت لما فتحته…و كان جاسم(جاسم يا جماعه مش جاسر بالله عليكم)اول ما دخل باس أميره من خدها و حضنها….
أميره بهدوء:ايه الأخبار يا جسوم…
جاسم دخل و قعد علي كرسي و قعدت أميره علي رجله:أبوها قالب الدنيا عليها…و عمل مراقبه علي يحي…و يحي عمل محضر من شويه و طلبها في بيت الطاعه…
و غمزها:الا ايه اخبار النونو…
أميره ضحكت بصوت عالي و بسخرية:بيسلم عليك اهو…
جاسم:يحي ده غبي..ازاي دخل عليه الحوار ده كله…
و بجديه:و الا انتوا فيه حاجه حصلت بينكم بجد!!
أميره بخوف:و الله لا يا جاسم ما انا قولتلك اللي حصل وقتها…

*فلاش باك*

جه الويتر و نزل الطلبات عصير و معاه أكل…
أميره بابتسامه:الاكل هيعجبك اوي هنا..و العصير ده يجنن..دوق كده…
يحي ابتسم لها و شرب من العصير و بهدوء:عندك حق…
و بدأوا يأكلوا سوا و أميره عماله ترغي ف مواضيع تافهه…و يحي حس أنه بيدوخ….
أميره بخبث:مالك يا يحي…
يحي بتعب:دايخ شويه…
أميره بقلق مصطنع:طب يلا نقوم…..
و قامت و سندت يحي و خرجوا من المطعم و يحي بيحاول يتماسك…و لسه هيركب علشان يسوق..
أميره منعته:لا خليني انا…
و سندته لحد الباب التاني..و رجعت فتحت الباب و ركبت العربيه…و ساقت….و طلعت علي شقه من بتوع يحي……و كان هناك مستنيها اتنين رجاله…
أميره بخفوت ليهم:يلا بسرعه قبل ما حد ياخد باله…
و الاتنين شالوا يحي و دخلوا بيه بسرعه و الشقه كانت اول دور…و فتحت أميره الباب و دخلت و هما دخلوا شايلينه…
أميره:بسرعه حطوه علي السرير في الاوضه دي و قلعوه….
و فعلا عملوا كده…خرجوا من الشقه و أميره قفلت الباب وراهم…و دخلت رمت هدوم يحي بعشوائيه علي الارض و الكراسي و قلعت هدومها و رمتهم ف الارض…و ف الوقت ده دخل جاسم من بره…و أميره خبطت دماغها ف الحيط علشان تورم و تزرق و نامت جمب يحي…..و جاسم وقف ببرود صورها و هي نايمه جمبه…و صور تانيه مش لطيفه…
و ابتسم لأميره و غمزلها و خرج…و بعت الصور دي لفريده و لشريف و محمد….

*باك*

أميره بدلع:اومال لو مكنتش انت صاحب الفكره…و كمان عارف انا اديته ايه عشان يحصله كده…يا راجل ده حتي انت اللي جبتلي مفتاح للشقه و انا معرفش اصلا بوجودها…و ساعدتني ف كله…
جاسم ضحك بشده:اصل انا بعز يحي اووي..اووي اووي يعني…
و بعدين بصلها و بوقاحه:ما تفكنا من يحي بقي دلوقتي…و نشوف حوار النونو بتاعنا اللي عاوزينه يجي….

الفصل الثامن عشر من هنا