رواية هجران القلوب الفصل السادس 6 بقلم شروق الشمس
هجران القلوب
البارت 6
الكاتبة شروق الشمس
……………………….
علي يكول لعود لخيزران
في سرها
وأنت السر فيها….والسر لا يقال
وأنت الذي بين القلب والروح
سر. …وبين العين والجفن …..حلم
وبين النبضه والنبضة ….حياة
بل أنتَ كل الحياه
……………………………………..
نرجس تاخرت بالمكتبة اريد اروح اشوفهة جان تطلع
هاي وين صرتي
يو يابة والله كتل عبالك يوزعون حلاوة لحد مااخذتهة طلعت روحي وها شفت هم صديقاتي بقيت احجي وياهن ونسيت نفسي وبعدين اتذكرتك وهسة لازم تاخذني ناكل ازبري و
بس ولج تنفسي شوية لوك لوك لوك شبيج
ها مابية شي اريد ازبري
يلة امشي نروح … اخذتهة اكلنة واخذت ويانة للبيت جانت امي بيت خالي كريم
وديت نرجس واني رحت يم خوالي
وجان تجي زهره ماشاء الله شلون كبرانة اخر مره شفتهة من جانت ناجحة للرابع
هلا حجي شلونك
هلا يابة اللة يسلمك بخير انت شلونك ماكو دوم اسأل عليك
اي والله بالدوام
اللة يوفقك يارب
ها يلبطة شلونج
احم زينة عمو الحمداللة
لا وين لسانج ولج ماعرفتج متغيره لو مو لوالد. وياج
طبعاً ماتعرفهة لانك صار فتره ماكو وبطتي صارت بالمتوسطة
لا لا لا بابتسامة ماشاءالله ماشاءالله واللة والايام تمشي وكبرنة هم مانحس بيهة بعد
اي والله بعد هاي لدنية الحمداللة
احم حجي اعذرني يجوز اتجاوزت بكلامي بس والله عزيزه علية زهره اعتبرهة مثل بنتي لا تاخذ بكلامي
لا ابني ليش مانعرفكم احنة حشاك من لتجاوز
الله يسلمك ويحفظك يارب
حبيبي الغالي بس اذا مابيهة زحمة جهزلي لطلب بسرعة لان عندي خطار
تدلل حجي انت وخطارك
رحت جهزت لطلب وانطيتة اله لصراحة ماكدرت احجي وية زهره لان ماشاء الله كبرانة واني عبالي نفسهة ذيج لبنية لصغيره
ماحجيت وياهة لانه دخلت سن الشرعي بالعمر وثانيا محرم عليه اني وهي مو طفلة
ثالثا لو مهما يكون كلامي محترما اكيد ابوهة يخاف علية لذالك ماحجيت وياهة
خلص اليوم لا جديد بعد ثاني يوم حضرت نفسي بعدهة اطلع للدوام وخلصت ايام الاجازة لتحقت وعفت كلشي وراية
يلة يمة بحفظ لرحمان يارب
طلعت بس رحت من طريق لمدرسة ياريت المحهة واشوفهة ويرتاح كلبي اخ ياعود لخيزران
امشي واحجي وية روحي ياربي لو بس نظره منهة تكفيني انتضرهة سنين اشاره منك ياربي احسهة عاشت وية روحي
بعدني ممكمل وجان المحهة بزي لمدرسة اويلي من لصبح مندمجة تقره بالكتاب ممنتبهة احس لزمن كلة توقف عندي بعد ماكو ناس بالكره الارضية مااعرف شلون شالت راسهة وشافتني كبالهة
خلت عينة بعين واخذت كلبي ببتسامتهة
اويلي ياب فدوه اروح لهل بتسامة اني
من لصبح امي شكد دعتلي وشفتج كبالي
احس براحة نفسية من شفتهة لا ارادين
بقيت وطولت صفنتي بيهة
گالت وين صافن
گلت بعيونج
اگول شلون عايش جنت من دونچ
لماعنده حبيبة يعيش نص انسان
من شفتج عرفت لدنية من لونج
ونفس كل مره من بعد صفنة طويلة اصحة على روحي كلشي مختفي من كدامي وهي ماكو
الحمدلله ولشكر الك يارب لان كحلت عيني بشوفت محبوبي
مااعرف احساسي وياهة شنو بس احس ارتاح من اشوفهة احس لعالم يتوقف بنظره منهة
التحقت وبدت رحلتنة بالعذاب ليومي بالدوام
اتصلت بيه نرجس وانطتني خبر وفاة ابوية الي بعمره ماصارلي اب شكد جنت اتمنة عندي اب حنين يحاسبني على كلشي بحنية وخوف
من التحق اسمع دعاء منه يسأل ها بوية شو تأخرت شوكت تنزل من لدوام حتى لو مزوج لثانية او هوه وامي منفصلين احس بغصة صارت بداخلي لا اكدر احجي ولا ابلعهة رغم كلشي سواه بيه وبس نسيت بهاي لساعة
اركض على كلبي مو على رجلية رحت للامر مالتي واخذت امر نزول
نزلت بملابس لدوام
رفعت تليفوني واتصلت بخالي كريم
الو
الو ها خالي
هلا وليد لبگة براسك
الله يسلمك خالي انت وين
بالمستشفى خالي بس نكمل الاجرائات نطلع
لا لا خالي بقي بالمستشفى بس ترجعة للبيت يستعجلون بشيلتة. واني اريد اشوفة الاخر مره امانة خالي اذا تعزني خلي لحد مااجي
هاي هي وليدي لا تشيل هم ننتضرك لا تستعجل طريق خطر ابني لمات مات بعد
اي اي خالي
سديتة منة وصديق وياية ماخلاني انزل وحدي اجه وياية
احس كلبي محمل هواي كلام اله هواي استفهام عندي بيهن
افكر وافكر ماحسيت اله واني كبال لمستشفى
غمضت عيني واحس رجعتلي كل ذكرياتي وياه بس مالكيت ذكره حلوه كلهن مرات
دخلت توجهت للثلاجات شلتة وجان جسمة ثلج ابوية ماباقي بي شي باقي بس اعظام
كلت بصوت متحجر ولدمعة مانعهة كوه تنزل
كلته الله جنت اتمنة تشيلني وتلاعبني
اتمنة من اصيح بوية تكول هلا يبعد ابوك
ليش حرمتني منك ليش حرمتني من مداراتك الله اعلم شكد صارلك هيج كل لغبتة عنك هوه شهر هيج صار بيك ليش يابة
نزلتة بالتابوت وغطيتة ماخليتهم
شلنا ورحنة لبيت امي لبيت اختي كلهة عارضت وماقبلت رادو لبيته اخذه
كلتلهم محد اله حق يعاتبة غيرنة احنة
محد نحرم منه غيرنه
محد تأذه منه بس احنة
ورغم كل لسواه بينة واحنة نحبة ماكرهنا
نزلتة بيتي وصح من كل كلبي احس انفجر لو ماصايح
اااااااااااخ يااااااااااااابة ولج يممممممممة جبته واجيتج
لج نررررررجس تردين ابو هذا ابوج تعاي عاتبي وفرغي همج
اتمنين بيوم انام بحضن واشكيلك همي
كبرتني قبل عمري يابة
مااحسبت لموت هيج مستعجل عليك
جانت احساباتي مو هيج ردت اوصل واجمعك بينة ونعيش سوه حتى لو ماتحبنة
موتك وجعت كلبي يااااابه
نرجس……. ليش ياابوعلي ليش لليوم ماكتلي ها بوية محتاجه شي تردين شي كبرت وعيت للدنية عبالي اخو هوه ابوية
جنت اتمنة مثل لبنات اضمك لحضني واخذ ذكره وياك
شلون الطم عليك واني ماعندي مشاعر الك
شلون احزن عليك واني مااعرفك
شلون اصرخ بوية وانت مامعترف بية
ليش ليش تكرهنه المن خلفتنة اذا تكرهنة
اتمنيت اعاتبك هيج وانت حي مو ميت
روح يتبة مودع بالله بحفظ لرحمن ياااااابه
محالل وموهب بس مامبري لذمة بتربيتي
مامبري لذمة بحرماني منك
مامبري لذمة بفراكي عني
مامبري لذمة بحرماني منك
ام علي…… تمنيت كل لمرينة بي ياابن عمي حلم تمنيت ارجع لذاك عمري وانت مدللني وتحبني تمنيت لصار لة ماصاير هدمت حياتنة بزواجك. لثاني خربت كلشي الك بالكلب مسامحتك وباريتك لذمة لجل الايام لحلوه لعشتهة وياك
مودع بالله لرحمن
اااااخ يااااابه نمت مرتاح لو متعلعل نمت جوعان عطشان
وصيت بينة بوية لو هم فرقت بينه متت واني مااعرف اخواني واخواتي لا جمعتنة ولا عرفتنة تعبتني اهواي تعبتني ياااااابة
عتبنه ع الوكت والدنيا والناس
الخانو شوكنه وخنكو هوانـا
فتحنا كلوبنا بلا مستحه وخوف.
و إجــو كدامنا الجانــو ورانــا
جنه نشوف كلشي وكلشي نقراه
عدنه عيون بس مدري شعمانـه
غدر بينا الوكت بس ماصحنا ياحيف
انحنه ﻇﻬﺮ الوكت بس ماحنانـه
اذا صاحبك خانك سهله وتهون
بس شلون بالخانــــه
اخذته ورحت لبيته ههههه لاعبالك عدهم ميت ولا شخص راح منهن متسابقات ياهية الاجمل تطلع بيوم لجنازه
كلت هنه هذني لفضلتهن علينة
هنه هذني لعاقبتني علمودهن وحرمتني احلى ايام طفولتي من حضن امي بسببهن
نزلنا بالهول محد تقرب عليه لا ولد ولا بنية لا اخ ولا اخت اثاري بس احنة مانحمل بگلبنة
اشرت لخوالي وشلنا طلعنة للنجف احس كلبي ماارتاح بعدني اريد اشبع منه نزلنة كدام لمغيسل ماخليت احد ينزلة اله اني نزلت بيدي على صبة لمغيسل لدمعة ولعبره خانكتني ادموعي تنزل عليه بلا توقف راد لمغسلجي ينزعة ماخليتة
لا حجي اني اريد كلشي بيدي بس علمني
نزعت دشداشتة
يابة اعذرني صبة لمغيسل باره لا تفز يابعد حيلي
وبدينة نغسلة ونسبحة كله بيدي
حمام الستر ولرحمة يابة حمامك هنة وراحة يابة
وهاي بدينة بااخر شي اخر ملبس الك ريتة ملبس لراحة وخفت لعقاب
لا تخاف بوية راح اقرالك قرأان بصوتي للصبح بالكيي الله يخفف وحشة لقبر عليك
وبعد ماخلصت واخذنا زرنة الامام علي
نزلتة بدار حقة
يساعدك الله شلون تحمل كل هذا لتراب
رجعت وظهري مكسور عيوني طفن بعد مااشوف بيهن لكيت عمامي ناصبيت چادر بيتة وكفت بفاتحتة 3 ايام بس اول يوم للصبح أقرأ القرآن الكريم
بعد ماخلصت لفاتحة دخلت لنسوان ابوية
كلت
يابة لتريد جهالهة تبقة بالبيت واخليهة بعيني
ولماتريد اخذ اخواني وهي ترد الاهلهة
مرة ابوية لچبيره منتهية من لمرض ماكلهة اكل بس نفس ذاك جبروتهة وقوتهة
كالت الله لا يعوزنه الك والامثالك ابوك ومات بعد مالك جية لهنا وانتهت كلشي بعد لا الك اخوه ولا اخوات ا جع الامك علي
تدللين مره ابوية. بس لا تخافين مااداعي بشي من ابوية بس ردت ادي اخر واجب الية
وانتي مرة ابوية لثانية
اني اخذ جهالي وا وح الاهلي لا اريدكم ولا اريد شوفتكم بس انطوني حقي.
خوش بالنسبة الية كل حق ماعدجن يمي.
والباقي من ابوية انت تنجازن اثنينجن
بس لصوج بية اني ردت اتعامل بااصلي وياجن بس انت مو مال هيج مااخذتن عبره من لصار
الله موجود ويعرف
لا تسوي نفسك زين براسنة وجنت شامر ابوك وماتعرف بي
ههههههه ضحكتيني كل لعفته هوه شهر ملتهي بالدوام نسيتي حابة اذكرج من جانت ريحتة طالعة وهوه حي وثنينجن ماتقبلن تسبحنهة
يلا يلا كافي لغوه واطلع بره صاير رجال براسنة
رجال وغصب ماعليج ويجي يوم تحتاجيني وراح اعلمج لزلم شسوي
طلعت اغلي منهن بلا تربية
طلعت امشي مااعرف وين متجه نرجس تتصل بيه بس كتلهة
يابة لا يضل بالجن نامن اني اتأخر
وصلت للشط كعدت على لحافة الله ذب علية بچي مال صدك يتيم ولدنية لاعبة بي
اووووف ياعود لخيزران لو شفتج هسة ارتاح صدك بس منين اجيبج
ههههه واني حتى اسمج مااعرفة
مرت ايامي متشابهة خلصت اجازتي ورجعت التحقت كل لوحده عزتني بعد يومين اتصلت نرجس
هلا يابة
هلا بنيتي
اريد لبشاره
من عيني
نجحت للرابع وبمعدل خرافي
هلا هلا بالرافعة راس ابوهة امري ودللي لتردينة يجرالج
كيفك كلشي منك حلوه حبيبي
ادللي بس انزل لتردينة يمج
لوالده شلونهة
نعمة بخير
بعدهة معتكفة
اي تكول اله تخلص لعده
لج بابة كوليلهة انتي ماعليج عده لان هاجرج ومنفصلين
كلت بس تكول عده لازمة لخاطر ايامنة لحلوه
براحتهة خليهة
يلة اخذ راحتك حبيبي
بامان الله يابة.
مع لسلامة
راحت نرجس وكلشي عادي لا جديد ينذكر
بيوم نرجس جانت كلش مريضة واخذتهة للدكتور هوه مو دكتور ممرض بمنطقتنة بس كلش يفتهم
كاعدين ننتضر سرانة وجان اطب عود لخيزران اويلي شلون كلبي متلهف عليهة هلمره هي وياهة ابنية من عمرهة بقيت مركز بيهة تبد ما فعت عيوني وشيصير خلي يصير
ااااااخ ولج عطبتي كلبي ياعود لخيزران
اويلي جان تخزرني وترفعلي تك حاجب بمعنى شكو تباوع هيج علية او مضيع شي هي افتهمت حركتهة
دس احسهة غازلتني بيهن طلعت بره لان لو ابقة مااكدر الزم نفسي بعد
اشو رجعت لكيت نرجس كاعده يمهة ودك اسوالف
هيج الله وتطلع صديقتهة اله امشي واوزع صدقات
كعدت وسويت نفسي ممنتبه عليهن بس اني لينتبه عليه حتى گلبي يرجف مو بس ايدي
يحجن ومندمجات لا يلكعنة چماله عدهة لدغة بالراء اويلي غير اموت على لمميز
هادئة نازكه لصوت عذيبي تمنيت ماتخلص هاي لكعده طربت على صوتهة ومن تكول لا لج نوجس اويلي حتى اسم اختي حبيتة هههههه
يله يابة سرانه
اوووو يابة عادي صديقي تدخل قبلنة لان مستعجله خطية
بخدر احجي اي يابة ليش لا تدللين انتي وصديقت احم اي يابة تفضلي
دخلت وطلعت ياريت ماطلعت ولا عذبت گلبي وكفت كدامن. جان تكول
شكواً لان ندخلنة قبلكم
لا اهنا گلبي علن استسلامه
من ارتباكي كلتلهة لا تدللين خوية
ههههه
خرب بالحظ لا تحجي عمر من حجيت تكول خوية اخاف عايزه التمت هسة
بعدين تندمت لان نظرت الهة لان ماغضين نظر منهة بس والله مو بيدي غير كلبي مورم عليهة
طلعنة بالطريق سألت نرجس
ها
منو هاي
منو
صديقتج
هجران تقصد
اي ولج اي ضيم كلبي
هاي شبيك
لا هيج
علاوي احجي اني مو اختك لا تضم علية تعرفهة
اعرفهة؟ لج كولي تعشقهة كولي هايم بيهة
اكلج اكثر
جذااااااااب
هاي عليمن
لا لا اسفة والله بس ندمجت وياك من يمتى تحبهة
اوووووو من سنين
يعني شكد
صار 4 اسنين
اي
شنو اي
كمل
شكمل كلشي مااعرف عنهة لا اسم ولان من وين ولا اي شي
ههههههه لا بشرفك
نرجس الزمي حدج وحترمي مسويج ادمية وجاي احجيلج
ههههه لا بس انصدمت لصراحة ليش تسأل عليهة
نرجس امنج سر
كول والله مااحجي
صح غلط احجيلي لان افتح عينج بس انتي لوحيده الامن بيهة بعد امي
اي يابة كول
من قبل 4 اسنين صادفتهة بس نضرات بيناتنة. هي مااعرف شنو نضرتهة الية بس اني ميت بيهة كل مااطلبهة من الله يخليني اشوفهة واني بااعز الحاجة لشوفتهة بس ابد لا حاجي وياهة ولا اعرفهة خفت من الله خفت من لحرام بس ردت اعرفلهة طريق واخطبهة لان ميت بيه ساعديني نرجس
يعني شلون
جيسي نبضهة تقبل بية لولا بس توعديني ماتضمين علية شي
وعد والله يوم عيد تاخذ هجران
انتضرج
انشالله باجر اجيبلك لخبر ليقين
على فكره ماناسي هديتج بس منتظرهة تخلص
تسلم ياغالي ربي يحفظك الية
وصلنة للبيت وجنت شوية مرتاح هههههه هجران اسمهة هجران وية نرجس ياسبحانك ياربي
بهاي ليله ماكدرت انام صليت شكر للرب ومن لصبح طلعت جبت ريوك النة ونطيت لصدقات لنذرتهة ورجعت
جان من اسعد ايامي هذا اليوم
شميته من ابعيد عطرك عرفته
واسال نسيم الهاب هم ولفي شفته
شفته بهضم وبضيم يتوجل عليك
ورغم البعد يفلان مالحضه ناسيك
تريكنة وخلصنة بعدهة طلعت للصايغ لكيته مخلص صغت اسم نرجس وقدمته الهة بنجاحة
باباتي لغالي تسلم يجنن حضنتة وبستة
بعد كم يوم ذكرت نرجس علمود الاتصال وتاخذ موافقة هجران اليوم اكثر يوم احس كلبي يدك بيه اوف ياربي اذا بس راح اسمع صوتهة هيج كلي ارجف لو تصير حلالي شيصير بيه
نرجس اتصلت على حبيبة كلبي فتحت سبيكر وتحجي بس صلطنت على صوتهة من كالت الو نوجس
فزيت على كلمة
