رواية متلازمة الحب كامله وحصريه بقلم جمانه السعيدي
هاي القصه داخلها سر
او داخله قصه ثانيه اتمنالكم متابعه ممتعه
ياسمين معاون صيدلاني مواليد ٩٩
اني بيضه وعيوني صفر شعري سرح طولي ١٦٠
وحيدة امي
اني وماما عايشين وحدنا بيت جدي اهل امي
بيت قديم وبسيط
اهم شي لامنا نعرف المنطقه والمنطقه تعرفنا
منطقه شعبيه
بس ناسها اصيله واحد يحب الثاني وواحد يسئل عن الثاني
امي ابد ماتشبهني ولا اني اشبها
امي سمره ضعيفه طويله اني بيضه وحلوه اكصر من امي
اني ابد ماشايفه ابوي من انولدت لكيت ابوي متوفي
حتى ماعدنا اله صوره بلبيت
امي تكول بيتنا احترك من جنتي زغيره وماعدنا اي صوره
بلبيت تخص ابوي او بيبي
ابوي كان ساكن وياا امي بيت جدي
كان يشتغل عامل بناء
اني وامي اكثر من بنت وأم احنا صديقات
خوات لغة التفاهم بينا عجيبه تفهمني من نضره
واحس عليها حتلو ما تحجي
جمانه السعيدي
امي ممرضه قديمه وعدها شهادة قابله
يجن النسوان للبيت اجيبهن
عدنا غرفه خاصه للولاده امي مجهزتها بكل الأدوات
والشغلات الي تخص الولاده
ودائما ريحة الديتول طالعه من الغرفه
امي تكول اني تقريبا مجيبه ٥٠٠ وحده الحد الان
اكو دكاتره ومعلمين اني كنت القابله يوم ولادتهم
عمر امي حاليا ٥٩ سنه
وضعنا المادي كلش زين ماناقصنا شي
من جنت زغيره امي تاخذني وياها للمستشفى لان تخاف عليه ابقى وحدي بلبيت
وما تثق تخليني يم احد
امي كلش تعاني من عدم الثقه بلناس
يعني مستحيل تعوفني اطلع وحدي ابد
دائما تكول الناس ماتتامن ماعدها ثقه بااي احد
بلدنيا
بعد ما تخرجت وبحكم شغل امي بلمستشفى
الي صار اكثر من ٣٠ سنه تشتغل بلمستشفى الكل يعرفها ويقدرها
تقريبا كل الي بلمستشفى يحبوها ويقدروها
لان امي دائما سباقه بمساعدة الناس
حتى مرات يجن نسوان فقيرات اجيبهن بلبيت بدون ماتاخذ فلوس منهن
لا وتخليهم ملابس واكل تكول خطيه ماعدهن
المهم امي توسطتلي يم دكتور اسعد حتى اشتغل بصيدليته
اشتغل بصيدليه منا لمن يطلع التعيين امي تحاول تخلي واسطه حتى يطلع اسمي
بلتعينات
المهم امي العصر توصلني بايدها للصيدليه
ومن اخلص تجي تاخذني
ياسمين…ماما ليش تعبين نفسج اني اكدر عادي ارجع وحدي
امي…ابد مستحيل اعوفج ترجعين وحدج
ياسمين…اني موزغيره وافتهم
ماما…لو يصير عمرج ٥٠ اخذج وارجعج بايدي بس اذا تزوجين انسان محترم ساعته أأمن عليج
واعوفج تطلعين وترجعين وحدج
أثناء دوامي بلمعهد اكو ولد اسمه ماجد
كان دائما يحاول يلفت انتباهي بااي طريقه
بس اني عندي قوانين لازم امشي عليها ممنوع اتخطاها
أوامر امي مااسمح الاي احد يقرب عليه
وابتعد عن الولد ومااحجي وياهم
ماجد حاول اكثر من مره يحجي وياي بس اني صديته
وماقبلت احجي وياا
دز عليه اكثر من مره بس اني ماقبلت احجي وياا
لاهو ولا غيره كنت أحاول اخلي حدود بيني وبين الناس
طبعا هاي أوامر امي جمانه السعيدي
امي تخاف عليه بشكل مبالغ بي
موجاي اشوف البنات يطلعن ويرجعن عادي وحدهن
ويحجن ويا الشباب وبمكان العلاقه اربعه وخمسه
بس اني كلشي مننوع مااكدر اخالف أوامر امي
لان ماعندي غيرها
من اجيت اشتغل بلصيدليه لكيت ماجد يشتغل بيها
من شفته تفاجئت
وهو ابتسم من عرف اني الي راح اشتغل وياا بلصيدليه
امي….سلمتني الصاحب الصيدليه لان هو يكون دكتور صيدلاني ويكون الأخ الاكبر الماجد
دكتور اسعد
بس ما يتواجد دائما بلصيدليه
اكثر شي ماجد يكون موجود بس اذا عرفو اكو تفتيش
يتصلون على دكتور اسعد يحضر راسا
اما ادارة المكان كانت بأيد ماجد
عافتني امي وراحت
ماجد…اهلا وسهلا نور المكان
ياسمين…اهلا بيك
ماجد…وأخير راح يجمعنا مكان واحد
ياسمين…مكان عمل ممكن ماتجاوز حدودك وياي
ماجد…هو اني اكدر اجاوز حدودي وياج لو اكدر جان
سويت شي من زمان
مو باقي واكف بمكاني
ياسمين….اني جايه هنا حتى ادرب على العمل بس اذا تزعجني اعوف المكان
ماجد…لا ابد مراح ازعجج بلعكس اني فرحان راح نشتغل سوه
ياسمين…اني من داخلي كنت مرتاحه الماجد بس امي شلون بيها امي ماتقبل
اجت امي المغرب حتى ترجعني للبيت
ياسمين…تعرفين ماجد كان طالب وياي بلمعهد
امي…اخو انسان كلوش محترم دكتور اسعد معروف
ياسمين…ماجد يحاول يقرب عليه ويحجي وياي
احس عنده مشاعر اتجاهي
امي… ممنوع تامنيين الاي احد احنا شنعرف منه الناس
ياسمين…ليش ماعندج ثقه باي احد
ترا اكو ناس طيبه ومحترمه
امي….الناس ما تنعرف اله بعد ماتعاشريهم
وهم بعد ما تعاشريهم بعدج ماتعرفين باي وقت ممكن
يتغيرون عليج
اني امج يما شفت وعفت خليج حذره
ياسمين…ترا احنا نشتغل بمكان واحد يعني شلون
امي.. خلي بينج وبينه حدود ولا تحجين اله بلشغل وبس
ياسمين.. ترا هذا الحجي على زمانكم الاول
هسه الناس تغيرت
امي.. ..من انوجدت الخليفه انوجد وياها الغدر
لمن ابن آدم انقتل على ايد اخووووو
كان أول الخلق ومايعرفون شي عن الغدر والحقد
تردين هسه الناس تمشي عدل
بعد ماصاحبت الشيطان
ياسمين…بس اني جبيره وافتهم واكثر أميز الصح من الغلط
امي…مادام اني موجوده مااريدج تقربين الاي احد
لازم تأمن عليج
ياسمين…لو بس اعرف ليش هلكد خايفه
امي….لان احبج وماعندي غيرج اريد احافظ عليج
جمانه السعيدي
ياسمين…كل مره اتناقش وياا امي اطلع خسرانه
مقتنعه برائيها وما تقبل تغيره
الصبح ابقى نايمه اكعد الضهر من ترجع امي تكعدني
نتغدا واسبح وابدل احضر نفسي
علما امي ترتاح بعدين تاخذني توصلني للصيدليه
وترجع للبيت بعد الأذان من يخلص شغل الصيدليه
اتصل عليها تجي ترجعني
بلبدايه ماجد كان يحجي ويااي كلام عادي وكانما جاي يختبرني بعدين كان يحجي كلمه اوثنيين غزل من ضمن الكلام
كنت ازعل منه لان هو يعرف اني ماأحب هذا الكلام
مادام ماكو بينا اي ارتباط يعني ماكو داعي الهذا الكلام
ماجد…ممكن تنطيني فرصه اشرح مشاعري اتجاهج
ياسمين…اذا تريد علاقه وغراميات واتصالات اني اسفه
مااكدر اني وأعدت امي مااسوي هيج شي
ومااريد امي تزعل عليه
ماجد…شنو رايج اتقدملج ننخطب ولمن اكون نفسي نزوج وهيج لا نعصي رب العالمين ولا نخالف أوامر امج
ياسمين…اسئل امي واشوف رائيها
من رجعت للبيت حجيت الامي الي صار
امي…خل اسئل دكتور اسعد واشوف شنو رائيه اذا قبل يتكفل هذا الموضوع ويكول اخوي بركبتي
اني اتكفله اوافق واذا لا راح تعوفين الصيدليه
والشغل اني مااريدج تتعرضين الاي قهر
قصه داخلها قصه انتضرونا
