رواية لسنا ابرياء الفصل السادس عشر 16 بقلم هيلانا
لم تُدرك الشّمعة ذَات
يوم أنها أحتضنت خيطاً أهلكهَا !
____________________
رديت الباب واني طالعة من صالة العمليات
أنزع بالجفوف البيدي وامشي بالممر
لاكاني أستاذ شريف وجه بوجه باوعلي مدري شلون ودار وجهة ومشة
كشر عن ملامحة
زعلان عود واني شعلية سلام سجنة
دخلت للمكتب رحت للحمام غسلت ورتبت ملابسي
وطلعت گعدت على مكتب
رفعت مبايلي اتصل بابا يجي ياخذني اول ما فتحتة اجتني رسائل مصطفى
“ردي “
وينج “
اني جاي للمستشفى اخذج “
قريتهم وطلعت من صفحتة بس طلع عندة شايفتهن مارديت اعرف هاي الحركة تنرفز
تجاهلتة واخذت جنطتي وأغراضي وطلعت بيدي مبايل اتصل على بابا
گال عندي محاظرة ماكدر اجيج ..تأففت بضوجة الوضعية ماتمشي هيج لازم اخذلي
سيارة خاصة الي يجوز أحاجي بابا هل فترة واخلي يشوفلي وحدة احسن من هذا تبهذل
نزلت من المصعد طلعت خارج المستشفى اشوفلي تكسي ..سمعت صوت هورن وراي
لتفتت جان بسام و مبين توة طالع اشرلي اصعد رحت سلمت عليه توني فتحت الباب
ماحسيت غير بسيارة طبگت بصفي رجعت خطوة ليورة من الخوف حسيت على لحظة ضربتني
باوعت للسايق بنيتي ارزلة جان مصطفى
باوعتله بغيض جان دعمني الحقير
نزل بسام وندارلي و مصطفى هم نزل واجة ناحيتي صرت واكفة بنصهم
بسام:-ها ليان ترحين
توني التفت احجي ويا نتر مصطفى
-: ليش اني هنا واكف طرطور
رد ببتسامة:-لا حشاك بس شفتها وحدها واكفه وردت اوصله زميلتي وصديقتي دكتوره ليان
رد عليه برود مبين من طريقة كاعد يستهززء:- جثر الله خيرك ويكثر من مثالك بس اني موجود يله ليان
اخذت نفس بنزعاج ماريد اضل واكفة بينهم نداريت على بسام تشكرت منة و مشيت منهم
صعدت بسيارة مصطفى لحكني مغندب و عاكش وجهة مخرب حياتي هالرجال
يخليني بمواقف كلش بايخة و محرجة
صعد و حرك سيارة ضليت ساكتة
والصمت استمر لحد ما كسرة من مد ايدي وشغل موسيقى
تنهدت بغيض بس لا شعر من اشعارة التافهة بس هالمرة همزين جان..
هي هيج تبيع روحك لغريب
هي هيج تعوفني واني الحبيب…
همزين طلع عندة ذوق شوية الموسيقى جانت حلوة بحيث اندمجت وياهة
رفعت عيني الة صارت عينة بعيني بدون ما يحجي حاولت افتح حوار و أقطع الصمت
ليان:-مصطفى بابا دزك تجي تاخذني
مصطفى:-اي صح
ليان-: ما جان اله داعي اكدر اجي وحدي مو طفلة ترا
دار عيونة عني يباع للشارع حك ارنبة انفة وحجة بنزعاج-: الثور الوياج الوحيد الماله داعي بالحياة
ليلن:-الثور منوو
صفنت بوجهه حجيت بضوجة:-مصطفئ اني ادوم بالمستشفى مو بعلوة فماكو ثيران عدنه
مصطفى-:جا هذا شارد من العلوة لازم
ليان:-انت تقصد منو
مصطفى:-اكو غير هذا المسوي روحة اختج بسام
ليان-:ما يصير تحجي هيج خلي عندك ذوق وبرستيج بالكلام
باوعلي وضحك بس شنو ضحكه من گلبة تحسه خزرته
:-على شنوو تضحك
تحمحم ورد بستهزاء:- اكره اسوالف المثقفين
ليان:-ترا انغثيت
مصطفى:- عمت عين اليغثج بت عمي
باوعتله بنص عين :- يعني عمت عينك أبو نسوان
رد برود:-انتن ضيم واني گلبي ارجيج
لحظة مال وتقرب علية حجة بهمس:-هو بس انتي وحدج كمر اسبعطش لو ما بت عمي فلا افوتج
كشيت وجهي گبالة وحجيت بحدة-: كافي عاد استحي والله بابا لو يعرف هيج تحجي ويا جان ماباوع بخلقتك وخلاك تجي تاخذني
ثبّت نظراته عليّ ومشاها على كل جسمي أكلاني أكل بجرأة
ورد بنفس النبرة:-والله لو ما أبوچ عمي جان شفتي مصطفى ثاني
ليان:-لا بالله
مصطفى: وداعتچ
ليان:-وشسـوي
ضحك وأني درت وجهي ورديت برود
:- لو جاية ويا ددكتور بسام احسن
باوعلي بنظرات ورد بسخرية-: اتحبن المايع المستخنث
ليان:-هذا الما عاجبك دكتور وانسان واعي ومتفهم مو همجي…
مصطفى:-لازم عاجبج؟؟
باوعت لظافيري ورديت بغرور:-ترا بس ثولة ما يعجبها هيج واحد هم اخلاق وهم ثقافه وهـ…
ماحسيت غير نركع راسي بدشبول قبل لا اكمل صحت بصوت عالي-: اخخخ
لتفتت علية ملامح وجهه غيمت خرة بجهرتك مو جنت تضحك شبيك تخبلت
قرب وجهه من وجهي سحب ايدي وعصرها حيل حسيتها طكت حجة بغضب
-: لا تحاولين تستفزيني حتى ما ينكسرن هالايدين الناعمات
ردت اسحب ايدي منه بس هو يكول عصارة الاميرة جلب ايدي أذتني حيل عيوني دمعن
رصيت على سنوني حجيت بكره
-:هاي ثاني مره تهددني ابن عمي
حجة بنفس النبرة:-توقعي كلشي مني بت عمي
خليت عيني بعينة اباوعلة بحقد عيونة تتجول على تفاصل وجهي نزل نظراتة لشفايفي
رجع باوع بعيوني خزرتة ركز نظراتة وتقرب كلش راد يبوسني بسرعة رجعت ظهري ليورة
سحبت ايدي حيل بحيث طكت هو راص عليه
واني بسرعه سحبت نفسي
دموعي ترست عيني رفعت اصبعي وحجيت بتهديد
-: دير بالك واياك تقرب مني اني ليان على سن ورمح محد يقترب خطوة مني..
حرك سيارة وحجة ببتسامة:- منو كالج اني اجيت اسوي لبالج
ليان:-لعد شسوي تقرة ملامح وجهي
مصطفى:-بالج وصخ اني نيتي بيضة
حجيت بسخرية-: ابيض من بياض البيض نيتك
سكتت واني درت وجهي عنه مااريد ااحجي اكثر جسمي دا يرجف من الموقف وايدي
توجعني جنت لازمتها بيدي ثانيه وافرك على شان يخف الم بيه كابرت على نفسي ما بجيت
بس الوجع لا يطاق اول ما وصلت نزلت وركعت الباب وراي بقوة
صاح وراي بصوت عالي شوية-:مو السيارة الي رادت تبوسج ترا اني فكافي اطلعين حركتج بيه اتكسرت من وراج
تبسرمت مكاني لتفتت اخاف اكو احد بس دنيا ضهرر ماكوو احد رجعت عليه
جان منزل جامة وراجع ظهرة برياحة ليورة وجكارتة بحلكه حطيت ايدي على باب وكزيت على سنوني
حجيت بكره-: مصطفئ حتى بحلامك الوردية تحلم تلمس شعرة من راسي
رد بمكر-:صدكيني لو حاطج بالي اخليج تقدمين نفسج من ذاتج الي مد راسه من جامه
وكمل بستفزاز-: ها ونسوي اكثر من بوسه ترا بوسه مقبلات ما تشبع اممم
شمزيت من كلامه حاولت ابين باردة عگس البراكين لبداخلي اذا نفجرت تحرك مصطفى وعشيرتة
:- روح نام يعمري واحلم براحتك
عفته بس ابتعدت شخط سيارة حيل وراي ما لتفتت روحة بلا ردة .. دخلت قفلت الباب وتنفست براحة
جان كاتم على نفسي قليل ذوق واخلاق
صعدت بدلت ملابسي ودخلت لحمام غسلت
ايدي بصابون وفركته حيل عابت لك مصطفئ لا والله مو مصطفئ جرثومة
اكره اي شاب يقرب او يلمس طرف مني اختنكت ماعرف اكو قهر وحركة وابجي اريد
ابجي على شنو مادري نزلت عيني على ايدي بعدهن يرجفن حرك دمي احس الحرارة تطلع من اذاني
يجوز تحسوه مبالغه بس موقف مو هين اني ابد ما يتقرب مني شاب حتى ويا بنات علاقتي محدودة
احب احافظ على نفسي جوهرة نادرة ثمينه اكره قرب اي شاب مني واذا قرب فلازم بالحلال مااحب شي
يكون مخالف لرب العالمين وبنفس الوقت خيانة ثقة بابا حتى اذا شي مو برضاتي هم تبقى نفسه العبارة خيانه
اريد ابجي حتى ارتاح بس ادموعي عزن نفسهن عليه شكد اكابر
ويا وابين قوية وماهتم بس من انفرد وحدي وينعاد الموقف بالي اضعف
حااولت ابرر لنفسي اخذ واعطي اسباب لنفسي اصوج بي مو بيه بس مافاد حسيت ماراح اطلع من هل گئابة
كمت صليت ركعتين وقريت قران شوي تغيرت نفسيتي شوي اخذت نفس براحه
هاي عود هو ما سوة شي وهيج صار بيه مااريد اتخيل غير شي يمكن انجلط
نزلت سويت غدة مركة بامية لحم وحضرت مقبلات يارا بجامعه هي وبابا بعدهم ما جاين حاولت الهي نفسي وماافكر
باجر خطبتة سلام لازم بالليل انروح نشتري ملابس تجهيز لخطبة وكذا
__________________
يارا::
تأكدت بالأمس بأنني
صديق نفسي الوحيد
عندما لجأت الى النوم
وفي قلبي مواضيع لم أفصح به
لأحد غيري.
:يارا.. ياراا..
انداريت جانت اسراء اجت وراي حجت بلهاث:دوكفي ادري طايرة شبيج.. خليتني اركض وراج كدام الطلاب
يارا:- اسفه ما نتبهت
اسراء-:حكج علقج مو وياج
يارا-: اي هو هم هيج
سحبتني من ايدي وضحكت-: يله تعالي نكعد بالمطعم هم ناكل لان بطني تركص من جوع وهم تحجيلي شكوو
صدوك رحنا لمطعم شوي بعيد عن كليتنا ما دخلنه جوة هوسه بقينه بالحديقة مالت
المطعم حلوة وهادئة راحت جابت فنكر وصاج وبسبي النا خلتهم على طاولة وكعدت
اسراء-:اح أغديج على حسابي مرة الخ عليج
يارا:-هههه مححسستني موكلتني بمطعم فاخر
اسراء:-دنجببي المهم عازمتج بعدين هو المطعم على كد الحال عود من يصير عدج حبيب خلي يوكلج بمطاعم فاخرة
خليت القصبة بالقوطية مالت بسبي رفعت عيوني جاوبتها بملل
:- ماريد
اسراء:-مااصدك
يارا:-والله
اسراء:-من يجي ماتكدرين ترفضي
يارا-: ليش
ردت ببتسامة:- هو قدر كل انسان مكتوب له شي وشخص معين يكمل حياته ويا
يارا:-نكدر نكول قسمه ونصيب
عفست وجها وحجت بنزعاج
:- ماكو قسمه ونصيب كلشي بالحياة اختيار احنه نختار كلشي انريدة بيدنه مسؤلين عن اختيارتنا ونتحمل نتيجة خيارتنا
رديت واني صافنة افكر
-: بس اكو اشياء اتصير اجباري عنك ما بيك تمنعها
اسراء:-اكو هواي طرق نتفادى الاشياء التصير غصب عنا بس احيانا انت تنطي هل اشياء مجال وتنجر شوي شوي
بلعت ريكي بغصة
:-اسراء
همهمت ولفة بحلكها-: ها
فركت ادية بتوتر وحجيت برتباك
:-ءء اكو شخص جاي يلحكني
فكت حلكها ذبت الفة باوعتلي بصدمة وصاحت
-: عزززة… منو شيريد منج من شوكت هل حجي
بعدت الاكل وخليت ايديه على طاولة قربت راسي منها وهي تقربت
:- صوتج لا يسمعج احد
اسراء:-هو منو يعرف فطيمة بسوك الغزل دا ااحجي
جريت نفس بحزن عدلت شعري وبديت احجي الها
-: مرة جنت بالمستشفى وهـ…….
جانت ملامحه تتغير وتنصدم اكثر ويا كل موقف اذكرةحجت بعصبية
-:اااانتي ثولة والله العظيم شلون اهلج ماايدرون
يارا:-اخاف اححجي لبابا والله اذاعرف احتمال حتى الكلية يبطلني منها
كمشت ايدية وحجت بهدوء
-:ياراا حبيبتي باعي الموضوع خطير وفعايل هذا شاب وياج مو شي عادي وحسب كلامج مبين مو شخص عادي فليش ادخلين نفسج بهيج لويصة
يارا:- لج وداعت بابا شكد حاولت اتفادى وابعد نفسي عنه بس هو لازكلي ما دا يعوفني
اسراء-:اذا هيج اااحجي لأبوج وخلي يصرف
يارا:- بابا عندة ذبحة ومريض اخاف يصير بي شي
اسراء-:زين احجي ليان اختج جبيرة واعيه اكيد تصرف بحكمه وتعرف شسوي
يارا:- بلكي تعصبت عليه وصارت مشكله
اسراء-: تتعصب عليج تحجي تسب تغلط عسى ما تكطع نعال على راسج اولا ما تلائم وثانيا تتحملي المهم تخلصين اذا بقيتي اتغركين وتغركين اهلج وياج تلاحكي لنفسج ماطول بعدج على البر
ختنكت وكعت دمعتي حجيت بصوت يرجف ونبرة ضعيفة-: فدووة لا تخوفيني
عصرت ايدي وحجت بجدية:-مااجاي اخوفج دا احذرج ولج تهمني مصلحتج ومن حجيج مبين خطير ويخوف ويجوز كاعد يسلة وياج
– :اي تمام كلامج هم صح بعد خطوبة سلام راح احجي والي يصير خل يصير
هي سكتت واني انسدت نفسي وكلامها خوفني بزايد وسالفه صور تاكل وتشرب وياي
عفنا الاكل وكمنا هي راحت اخوها ينتظرها واني تمشيت لكلية بابا
بقيت منتظرتة جان بالمحاضرة واني كاعدة بالممرر جوة بعدين طلع واجينا جبت الطريق صافننه كل شوي
اكول خل اكولة وارجع ابطل حايرة ومتحيرة
شبل مصيبة متنقلة وياي
مثل الموس واكف بعلومي
وصلنه لبيت سلمت على ليان
ورحت لغرفة غيرت ملابسي ونمت
حتى غدة صاحوو عليه كتلهم مااريد نفسي رازمة من الاكل أهوجس هواي
جاي أصارع الموت احس جني وحدة تطلك ومتعسرة
بس الفرق اطلك بشبل
اخخخ شبل ماعرف شسوي مشاعري مطاحنه وحرب بين عقلي وگلبي اكو شي
بداخلي الة بس احساس الغلط وتنيب الضمير راكبني من راسي لقدمي بابا ما يستاهل الي اسوي بي
ازدحمت بخاطري العبرة والغصة ملت صدري
وين جنت وين صرت لو ضالة بالعدادية اني من دخلت الكلية ما شفت خير
ماعرف شوكت نمت بس صحيت على صوت ليان واكفة على راسي جنها ملج الموت
:-يارااا…
همهمت بنعاس ردت بزعاج-:كوومي شبيج صايرة تنبل مال نوم
يارا:-وين اكوم عوفيني نايمة
ليان-:باجر خطبة سلام ماتردين تشترين شي
سحبت اللحاف على راسي ورديت بدون نفس
-: ماريد عندي هواي وملابس الكلية بعدهم جددد البس شي منهن
كالت على راحتج وراحت هي وبابا بقيت نايمة احس النوم وسلية الوحيدة الخلص بيه من التفكير
ثاني يوم الصبح جانت المشية بيت عموو هواي ناس جاية وبيهم رتب أصدقاء سلام باوعت من شباك
الحديقة الامامية نملت سيارات كله عالية وناس بيه معاكيل وبيه رسمي
لمحت مصطفى يدخن وساند ظهرة على سيارته لابس قميص اسود وحذاء نفس لون وبنطلون اسود وسترة سوداء شي الوحيد المو بلون الاسود
الوردة الحمراء المخليها بجيب السترة يم الصدر لون كيئب بس ويا ياكل ويشرب امانة الله هو حلو بس تصرفاته مستفزة وحقيرة
:-ليان….
لتفتت للصوت الوصلني جانت بت عمي دليار… سلمت عليها هي واخته اسوة
علاقتنه مو كلش قوية بس سلام عازمهم لخطبتة يحب اعمامة كلهم موجودين
دارت بينا احاديث بس سطحية واسوة متفاعله اكثر من دليار شوي البيت يضج بالاقارب ماشاء الله شوي ورحنا لبيت العروس
اني ويارا اجينا نصعد ويا بابا بس لاسف جماعته اخذو مكانة كال مصطفئ ياخذجن ويا
امة محمد كله راحت والعروس أحتمال هسه حامل ومصطفى ماكو مدري وين ولة
يارا جانت تفتر وكل شوي تعدل مكياجها الكل راح بس احنا بقينا
يارا:- شسالفه وين راح صوفي
رديت بدون اهتمام:-ماعرف
يارا:- اتصلي بي شوفي وين
ليان-:خوب اتصلي انتي
يارا:-لعد انتي شعوزج غير انتي جبيرة
ليان:-حبيبي اني متنازلة عن الگبارة انتي شوفي وين
صدوك طلعت تليفونه تريد تتصل وهو صف سيارتة بالباب كالت يله هذا يا وصل طلعنا اثنينا لباب اني صعدت يمة ويارا بوراه
يارا:-شلونك ليش اتاخرت
اتحرك وباوعلها بالمراية
:-جنت يم صاحبتي
يارا:-مستعجل جان دزيتنا ورحت الها
كشر وابتسم بخبث باوعلي وكال
-:ابرد المكينة الها
فكيت عيوني بنذهال وهوو ضحك وعض شفته ويارا مثل ثولة دكلة
-:والمكينة عطلت اليوم على حضنة
لتفتت عليهة:- كافي اسألة المهم اجة وخلص أسكتي
مد ايدة شغل اغنية وهمس قريب مني
-: احب عقلج البسرعه يلكفها
خزرتة ودرت وجهي ادب سزز وبلا اخلاق ولا يستحي اني ماعرف شلون هو وسلام اخوة
الفرق بينهم شاسع من السماء لكاع مصطفئ رب السقوط وطيحان حظ ..شغل اغنية ساجدة
الي سكن بالروح راح ونساني
راح ونساني
راح وملاني جروح راح
ونساني ليلي ونهاري،
طول انتظاري ليلي ونهاري
طول انتظاري راح وملاني جروح راح ..
ويارا اتصفك ويا الاغنية وهو يدكدك بيدة على الستيرن اني جنت ساكتة الاغاني مو جوي
مجرد اذنوب وتخليك مهموم وضايج بس مااكدر احجي يكوم الاخ يتكنة
ندار علية وحجة يحرك بأيدة
-: ليان حسب ثقافتج الدينية اغاني ساجدة حرام
جان يجر بالكلمات جر كمل ويباوعلي بسخرية
وإستهزاء
ليان:-لو نسمع قرءان مثل ما نسمع ساجدة جان محد سبقنا لا بدنيا ولا بالاخرة
لتفتتلي وابتسم بطرف شفته ورد
-:وتااالي
ليان:-ماعرف بس حاول اطهر نفسك كثرة ذنوب مو شي يدعي المفخرة تاليتك لتراب ومحد يشفع لك غير اعمالك ساجدة ما تشفع لك هناك
حجة بجدية-: لو اسبح بماي زمزم ما اطهر
ليان:-منو كالك
مصطفى-:اني اكلچ
ليان:-الانسان بأرادتة يكدر يتغير ورب العالمين غفورا رحيم
تجاهلني ومااجاوب شكد حقير ضجت بداخلي بس ما بينت
وصلنا لهناك جانت الحلفة مبلشة والعروس نوعا ما حلوة شكلها لطيف وصغيرة بقينا شوي
ورجعنا لبيت عموو ومرت عمي ما قبلت لنرجع لبيت كالت نحتفل بيتنا شوي بس بنات عمي راحن ما بقن ودعناهن بالباب ورجعنا…
__________________________
البس ازرق
دليار: شنو ازرق مركز شرطة انتي
اسوة: وجع لا تبقين تصنفين راح اخلص ملابسي و ما مختارة
دليار: خاب لبسي اي شيء
اسوة: شلون اي شيء غير اكشخ الناس تشوفني واول مرة ندخل على اعمامي
دليار: غير تستقر داخلة قصر جانسي هو بيت عمو فاهم حتى ما نندلة وين
أسوة: ميخالف لازم اكشخ..انتي شنو تلبسين
دليار: عندي قميص أخضر انسق ويا تنورة حمرة وشالي الاصفر
باوعتلهة فاكة حلكي: تشااقين
دليار: صدكتي گبر البس الملابس البيجية الشتريتهة اخر مرة
أسوة: ايع شهل ذوق لبسي فستان
دليار: نجبي اني هيج استايلي مخلية الرقة الج
طلعت من غرفة وكفت على درج اصيح منقذ حياتي بالتنسيق: بابا حبيبي تعال شوية حباب
اجة صوت دليار من غرفة: بابا لاتجي احسلك الالوان هنا تصدع الراس
صعدوا هو و ماما لغرفتي دخلت ماما وشهگت الغرفة گلهة ملابس و احذية ومتروسة ترس: شصاير هنا
دليار: اسوة تريد تعتزل الحياة الدنيوية وتبرع بملابسهة
حطيت ايدي على خصري وحجيت : وظل مصلخة شنو
ضربني بابا على رگبتي: الفاظج
أسوة: شنو بابا كلمة وحدة وصف حالة تحاسبني انتة گاعد بصف بتك ذيج
دليار: ذيج بعينج ماعدي اسم
كعدت ماما بصفهة وهية تلم بالملابس: ماما احنة متعودين عليج حبابة بس ذيج غاسلين ادينة منهة
دليار: دلياااار اسمي دلياااار
محمد: شو گومي ذيج خل اگعد مكانج
أسوة: حل هههههه
رند: يالة ماما لا نتأخر رتبن روحجن
گامت دليار لغرفتهة نص ساعة وشوية اجت مكملة و مكيجة ومعدلة نفسهة وكفت بالباب
دليار: يالله كملت
أسوة: خرررب تغثيني من تبدلين بسرعة
اختاري بابا فستان وردي فاتح حلو رغم دليار طلعتة من عيني بس لبستة وكملت خلتلي مكياج بسرعة
وطلعنة وصلنة لبيت عمو الامة مگلوبة سيارات و ناس وهوسة لاگانة عمو فاهم ويا سلام اعتقد لان لابس قاط وكاشخ اتوقع هوة
سلمنة عليهم ودخلنة جوة وبدت سوالف حفلات المجاملات و الركص و الاغاني جان كلش حلو رغم ماتفاعلنة
دليار گامت تغفي من ملل بس اني استمتعت صراحة
رجعنة من وكت ما تأخرنة بابا ما يرتاح لهلهة هههههه مبين بس يريد يرجع
دخلنة للبيت صعدت بدلت ونزلت جوة لكيت ماما و بابا يتابعون مسلسل بدوي ميتين على هيج مسلسلات خصوصاً ماما مودهة قديم
كعدت بصف دليار حاطة راسهة بالمبايل ندستهة: شعدج
رفعت راسهة بستغراب: شعدي
أسوة: بيمن تراسلين
دليار: سجى
أسوة: شعدج انتي وسجى هاليام شو طاگات الميانة كلش
دليار: يعني احجي ماتقبلون اعتزل الناس ماتقبلون شسوي
أسوة: دهر شبيج بس اسأل
دليار: لاتسألين
أسوة: ترة بعدني اريد اسمع سالفة الگتيهة المصيبة
دليار: اشش بعدين مو هنا
أسوة: خلينة نروح نشتري اريد اسهر مادام باجر عطلة
دليار: باجر عطلة
أسوة: اي غير جمعة باجر
شگت الضحكة وجهة : عليج الله
أسوة: والله وجع
دليار: گومي اشتريلج على احسابي
التفتت على بابا : باباتي اريد اروح اشتري انطيني فلوس
رند: وين مولية بهاليل
دليار: ترة بعد وكت ناس بعدهي تعشة
محمد: المحفظة وتندلينهة عليمن تطلبين
دليار: يعني اروح
هز راسة بأي هوة بس يريد يسكتهة و يكمل المسلسل كامت اخذت فلوس و غيرت ملابسهة واني هم طلعنة للمحل قريب
أسوة: ايي شنو سولفي
دليار: يااا بالشارع يافضيحتييييي
دخلنة للمحل بقينة نفتر نشتري دليار كبل گامت تاكل ضربتهة على ايدهة : ادفعي يالة
دليار: شنو الفرق
أسوة:, حرام
راحت تدفع اني رحت جهة البراد امشي وعيني بالعلاگة رفعت ايدي افتحة نخلت ايد فوگهة
نزيت وجريتهة بسرعة رفعت راسي طلع دكتور هشام
حجيت برتباك:ءء اسفة دـ دكتور ما نتبهت
ابتسم بدون مايرد وكفت منتظرتة يشتري حتى اخذ الاريدة انتبهلي واكفة صار على جهة : تفضلي
تحركت جهة البراد صار وراي هوة واني كدام تقربت راح ادخل بالبراد من توتر يمة
گمت ماعرف الببسي من عصير حتى نسيت شريد اخذت كلشي يطيح بيدي من الارتباك
شلت الببسي ثنين بيدي ورالتفت من توتر زلك واحد منهم لزمة هوة : الله على كيفج
وجهي صخن من خجل يبوو هسة يگول علية ثولة اخذتة من ايدة بس اريد افلت
اجت دليار من وراي: اسوة اريد عصير حليب
وخرت : انتي اخذي اني رايحة
دليار: كش هو عصير طلعي الـ..’شافت هشام وسكتت’ دكتور شلونك
هشام: هلة دليار..شلونج
دليار: ازهو بالنصر …انطيني عصير حليب اذا ماتصير زحمة
باوعلهة بستغراب: اول مرة اسمع عصير حليب وين لگيتي هذا
اشرت عليه جان فوك: هذا العصير البي حليب
ضحك عليها: خوش تشرحين المواضيع عود وضحتي
دليار: المهم الفكرة
أسوة: يالة امشي
انطاهة العصير اخذتة و تشكرت رحنة دفعنة وطلعنة : شبي حتى مادفع بمكانة ماعدة ذوق
باوعتلهة بطرف عيني: مخلفج و ناسيج
دليار: خايفة على ثروة زوجج المستقبلي
خزرتة: وجع لايسمعج واحد شيكول
دليار: والله موتوني بهذا” الواحد اللي شيكول” لو اعرفة الة اموتة معقد حياة الشعب
أسوة: هههههه هذا مثل يضرب للتعبير
دليار: اعرف ترة مو ثولة
.
.
:انتي نضفي البيت واني انضف الطارمة
أسوة: نجبي اني اكنس وانتي مسحي وراي السوالف مال ذبين شغل علية بطليهة
دليار: اووف وجع
نزلت ماما مبدلة وتريد تطلع: ها رنودة وين شادة العزم
رند: رايحة لخوالج مرت خالج دزت علية نروح للمول
دليار: خل اروح وياج
رند: نجبي وكعدي هنا رايحين نشتري ذهب لعروس مجتبى
عوجت حلكي: هذا الطفل راح يزوج واسوة بعدهي امداج اسوة
اسوة: واني شعلية لو بس تردين تغلطين
رند: يا طفل غير عمرة تسطعش راح يطب العشرين
دليار: مستعجل على الهم والله اخوج ماعدة سالفة
رند: اسكتي لا اطيج لاول واحد يدگ الباب
دليار: لو بيدج تنطيني لاول واحد يمر بالفرع مو يدگ الباب
أسوة: هههههه شكد علة لعد
خزرتهة : ترة زعلانة اني لاتحاجيني
أسوة: نجبي البارحة گلتي مازعلت
رند: مو ضلن تملعبن كملن شغلجن و سون غدة
هزينة روسنة بأي اصلا ماكو مجال نعترض طلعت هية لان اجتهة خالتي بالباب حتى يرحن ورجعنة نشتغل
خرب هم جمعة وهم مسحولين شهل لحياة
دليار: بعد ما منهة راح ازوج بابا
أسوة: لو عدنة اخو نزوجة ونجيب مرت اخو مجكنمة
دليار: وبعدين يتفرعن علينة هوة و مرتة
أسوة: لا احس لو عدنة اخو يصير حباب مثل بابا
دليار: اخخخ ذكرتيني مشتاقة لبابا
أسوة: نهجم بيت العيارة انتي ما تشتاقين الة و راج شيء
دليار: طبعاً العالم يمشي على Take and tender
أسوة: نجبي
دليار: هو انتي افتهمتي
باوعتلي بنص عين: اي افتهمت الاخذ و العطاء شگالولج علية ماعرف
غمزتلهة: مطوورة هاي اثار من تنعجبين بدكتور
شمرت المخدة علية: فضيحة انتي وعلي لايسمع واحد
دليار: هو ياهو هنا بس اني و ياج
بقينة نتعارك و حدة تشمر ماي على ثانية جان لازم نضف البيت بس وصخنا بزايد بعدين تعقلنة و نضفنة صدك
الغدة علية خرب واا اكره الطبخ فتحت ثلاجة متروسة تغري الواحد مايخرب ترتيبهة ويعوفة هيج
دليار: اسوة شسوي غدة
أسوة: اني مشتهية برياني
دليار: خوش مبروك عليج.. شسوي غدة ؟
أسوة: سوي برياني
هزيت خصري ما راضية : لا بالة زين علية اذا كشرت بتيتة و گليته مو اسوي برياني
أسوة: امداج سوي غدة زين
انتظري لحظة رحت اركض لمبايلي اتصلت بماما اجاني صوتها : ها شعدجن توني طلعت
دليار: يا توج صارلج بساعتين
رند: شعدجن شمصخمات
دليار: اسوة حركت البيت
رند: دليار هوسة هنا احجي وفكيني
دليار: تغدين هنا لو يم بيت خالو وبابا يجي لو لا
رند: لا اتغدة يم بيت خالج وابوج عدة شغل ما ظن يجي من وكت سدن الباب حيل ولا تصعدن على سطح
دليار: مو جنج تأخرتي على هاي نصائح
رند: افتهمتي
دليار: اي اي خوش
سديتة منهة والتفتت على اسوة: بس اني وياج نتغدة شنو مشتهية اطلب من مطعم
باوعتلي ما قابلة: وجع ثلاجة متروسة ليش صرف زايد
دليار: خاب عطلة خلينة مستمتعين
أسوة: اي نطبخ و نستمتع
دليار: بس انتي العراقية الوحيدة التستمع بالكرف
أسوة: مادري بكيفج
دورت بالفيس على مطعم قريب راسلتهم و طلب كلشي يطيح بعيني الله حلاة التوصيل
دليار: وجع شوفي شلون احبج حتى ما راح تغسلين اماعين كلة سفري
أسوة:كلش ميتة علية
بقينة گاعدين على تلفزيون نتابع لحد ما أذن صلينة ومنتظرين توصيل كتلهم ب١٢ نريدة
سمعنة الباب ندگ رحنة ثنينة أسوة تگول خاف حرامي ويجرج و تنخطفين الحمدالله ما افكر مثلهة جان خلص گلبي
فتحت الباب اخذت طلب وطلعت فلوسي اريد ادفع رفعت عيني طلع مجاهد واكف
اسوة جان وراي بلعت ريجي بخوف و رجفت ايدي شيسوي هنا واكف بالباب يباوعلي مبتسم منتظر ادفعلة
ضربتني اسوة من ورة: وجع يالة شبيج
شلت الفلوس وادية ترجف من صدمة شعدة شلون ندل بيتنة انخطف لوني مديت ايدي ماخذ الفلوس خلة ايدة كلهة على ايدي
سحبتها بسرعة ودخلت سديت الباب تنفست برهبة باوعتلي أسوة بستغراب: شبيج
دليار: هاا..كـ..كلشي مـ. مابية
دخلت بعجلة خليت الاكل على طاولة والتف لأسوة: لاتفتحينهن ولا تاكلين
أسوة: ليش شبيج
دليار: هسة اجي
هزت ايدهة ما عاجبهة اخذت جهازي وصعدت فوگ اتصلت عليه و نداريت سديت الباب
اول مافتح نهديت علية:ساافل حقيير شعدك هنا شسوي
مجاهد: تؤ تؤ توقعتج تفرحين
دليار: شفرح وجهك ينفرح بي
مجاهد: طبعاً..بس مو الج هواي غيرج يفرحن
دليار: گلعة روحلهن اكيد رخيصات مثلك ..الاكل خليت بي شيء كول
ضحك: شايفتي مجرم اسممج ماتستاهلين ادخل لسجن علمودج
گلبت عيوني : انتي مخبل شلون تجي لبيتنة بالة شافك واحد
مجاهد: عامل توصيل شبيج اني اصلا اشتغل بمطعم
دليار: لاجذب شكلك شكل عامل جاي كاشخ واكف ابابنة
مجاهد: هية هاي تشكيلة الجديدة نكشخ حتى نرضي العميل
دليار: اننن ترضي العميل ..شقصدك من هاي الحركة
مجاهد: ما قصدي شيء اليوم عطلة توقعتج تشتاقيلي واجيت
رصيت على سنوني بغيض: مجاااهد
مجاهد: عيونة
دليار: يا اخي والله تعبتني گلي شتريد من الاخير
مجاهد: افتحي الشباك
دليار: يا شبـ…’صديت لشباك غرفتي شفتة واكف برة مجلب بالحالفة ‘
لطمت على خدي : عزززا العزاك شسوي هنا
مجاهد: يالة افتحي نكسرت رگبتي
دليار: كسر كون ..امشي فدوة لا احد يشوفك شلون صعدت
مجاهد: اعجبج بهيج سوالف
دليار: نسيت انتة عار ..امشي حباب
مجاهد: تفتحين لو شلون
دليار: ما افتح ابقة معلك مارايدة روحي
مجاهد: بكيفج هسة يشوفوني جيرانكم
دليار: محد يشوفك غرفتي مو جهة شارع
مجاهد: بس بجهة جيرانكم
ضربت رجلي بالگاع بعصبية فتحت الباب وكفت على درج: اسوة تغدي انتي اني شوية وانزل
مانتظرتهة رجعت للغرفة قفلت الباب وفتحت شباك بتردد احساس بداخلي منعني رجعت سديته
بلعت ريجي اخلي برة خاف احد يشوف ادخلة الله يعلم شيسوي بس اني و اسوة هنا اكيد يأذيني
رجعت حاجيتة: حباب روح منا
مجاهد: المنظر من شباگج حلو ينطي خوش تصوير للشارع
دليار: مجاهد رحمة لهلك اذا عدك اهل روح
مجاهد: اوف للأسف ماعدي
دليار: عليك الله تقبل احد يسوي بأخواتك هيج حباب روح
مجاهد: جبتيهة على جرح ماعندي خوات ..هسة تفتحين لو لا
دليار:مافتح
مجاهد: وخري عن الشباك لا يلوحج كزاز
باوعتلة بصدمة صدك يحجي هذا ..بلعت ريگ واجت فكرة أبالي رجعت لباب : لحظة انتظر خل اقفل الغرفة لاتجي أسوة
همم منتظرني سديت البردة ورحت ناحية باب فتحتة ولزمت مفتاح بيدي خل افتحلة شباك على مايصعد
اطلع من غرفة واقفلهة من برة ..هذا الحل الوحيد اكيد ما راح يگدر يدخل للبيت
يبقة كدامة بس يطلع من شباك و يولي..اخذت نفس فتحت الشباك وبسرعة طيران للباب
طلعت وقفلتة وية طكت قفل تحرك السرگي مال باب يريد يفتحة رجفت ايدي شوية ويلگفني
كعدت بصدمة يم الباب تنفست بسرعة مادري جنت حابسة نفسي
دگ على باب وحجة: افتحي وتعاي ما يعجبج لراح يصير
دليار: لو تموت ماكو ولا افتحة اطلع يالة منين ما جيت
طك الباب برجلة نزلت اركض قفلت كل شبابيك و الابواب الفوگ و نزلت جوة قفلت الكليدور و باب الاستقبال الخارجي
بهذا الوضع صرنة محبوسين بالبيت و مجاهد محبوس بغرفتي ادري غباء بس أمن من اقفل الغرفة علية و يا
باوعتلي اسوة بستغراب : شبيج تخبلتي
دليار: لا ..خليتيلي غدة
حاولت اصرف نظرهة عن تصرفاتي و تصرفت بهدوء و طبيعية گد ما أكدر مبايلي ماسكت من اتصالاتة طفيتة
_________________نهاية البارت
