رواية قلبي وقلبها الفصل الخامس 5 بقلم زهرة عيد
عند مريم
قررت تتخطب لعاصم وتحاول تديه فرصه جايز يقدر في يوم يحتويها وينسيها حبها ليوسف لبست سلوبتا لونها بامبي وسابت شعرها مفرود واتنفست بعمق ورسمت علي وشها ابتسامه
اول مافتحت باب اوضتها
رحمه بفرحه وهي بتقرب تحضنها: حمدلله علي السلامه يابنتي ياحبيبتي بقيت كويسه حاسه بايه
مريم بهدوء :انا كويسه يامامتي وبعد كده مقدرش اسيبكم اومال مين هيقلبكم في اموالكم الكثيره
رحمه بضحك :يو جاتك نيله وانا اللي مانمتش الليل كله من القلق عليكي
مريم :يامامتي ياحبيبتي انا كويسه ايدك علي عشروميت جنيه علشان اطلع اشم هوا
رحمه: عشروميت ايه ياختي …………
سندس بسخريه:
عشروميت جنيه مره واحده
مريم بضحكه: هو انتي عامله زي مرات ابويا ليه ماتساعديني وبتغمزلها
حسن بيطبط علي كتف مريم :المهم تكوني كويسه يابنتي وخدي ياستي اللي انتي عايزه
مريم بفرحه :ربنا يخليك ليا يابابتي ياحبيبي
حسن:وبالمناسبه ان مريم بقيت كويسه ورجعت للمضتها معانا هقولك علي خبر هيسعدنا كلنا
مريم : بلهفه :قول يابابا قول
رحمه: قول يابو علي
سندس يلا يابابا بقا
حسن رد بابتسامه :يوسف كلمني وقالي هييجي بليل يحدد ميعاد فرحكم مبروك يابنتي
مريم وهي بتحضن اختها : مبروووك ياقلبي هسيبكم انا ومش هتاخر يلا باي
رحمه بسرعه: لا متطلعيش غير لماتاكلي الاول وبعد كده اعملي اللي عايزه
حسن :لما ترجعي يامريوم عايزك ياحبيبتي
مريم حاضر يابابا
عند يوسف
في شغله وبيفتكر ساعه مارن علي خاله حسن
يوسف بتوتر : ازيك ياخالو عامل ايه
حسن: الحمدلله يابني انت عامل ايه
يوسف بسرعه :الحمدلله ياخالو انا كنت عايزه احدد فرحي انا وسندس
حسن بفرحه :ماشي تعال البيت عندنا ونتكلم ونشوف
يوسف : مع السلامه ياخالو ورايا شغل
حسن :في رعاية الله يابني
الوقت الحالي
يوسف في نفسه ياتري انا كده عملت خطوه صح ولالا
بعد شويه
مريم وهي طالعه من البيت
سندس بصوت عالي :يا مريم خلي بالك من نفسك ولما ترجعي علي عايز يكلمك
وهي نازله من علي السلم سرحانه وبتعيط وبتفتكر كلام ابوها ان يوسف عجل بفرحه هو وسندس خبطت في عاصم وقعت تلفونه
عاصم بنرفزه :انتي غبيه
مريم: اااااااانا اسف………
عاصم :بيحاول يكون هادي انتي بتعيطي ليه وليه نازله لوحدك دلوقتي
مريم مفيش رد
عاصم بصوت عالي :مش بكلمك ماتردي عليا وبعد كده ايه القرف اللي لابساه دا
مريم: ياعم بقا ماتسبني في حالي
عاصم وهو بيمسكها من دراعها: انتي خطيبتي عارفه يعني ايه
مريم بتحاول تفك نفسها من ايده : لا مش خطيبتك وسيبني بقا
عاصم بعصبيه: يعني ايه مش خطيبتي مسمعكيش تقولي كده تاني فاهمه ولالا
مريم اخيرا فكت نفسها من حصره: فاهمه فاهمه
مريم نزلت جري بره العماره فهي اصبحت تخشاه وتبغضه وبشده ولا تريد رؤيته مره اخري
قررت تتمشي شويه وتنسي كل اللي بيحصل معاها او تتناسا حبها ليوسف ومعاملة عاصم ليها وهي ماشيه عربيه جايه سريع وفجاة فاقت بس كان …………………
وفي الخلفيه (عمرو حسن) بيقول
بالقياس في حياتنا ياما ناس موتونا بحب
زايف حب اخره يكون فوق الشفايف
