رواية غلبني حبي لها الفصل الخامس 5 بقلم كيان احمد
غـلبـني حـبـي لـهـا..
الفصل الخامس..
في فيلا آسر…
مريم دخلت الأوضة بابتسامة واسعة وهي ماسكة طرحة زينة:
مريم بفرحة: “بسم الله ماشاء الله، عروستنا زينة تجنن! مش مصدقة إن أخويا بقى عاقل أخيرًا وقرر يتجوز!”
زينة بتوتر وهي بتعدل الفستان: “مريم، إنتِ متأكدة إن ده القرار الصح؟ يعني الجواز ده… أنا خايفة.”
مريم بحنان وهي تمسك إيدها: “بصي، آسر عنيد، بس أنا عارفاه، لو مكنش شايف إنكِ مهمة، مكنش فكر في الموضوع ده أصلاً. وبعدين إنتِ مش لوحدكِ، أنا هنا وهفضل جنبكِ، إحنا بقينا إخوات دلوقتي.”
زينة ابتسمت لأول مرة من قلبها، حست إنها مش لوحدها بجد.
♡♡♡♡♡♡♡♡♡♡♡♡♡♡♡♡♡
في القاعة…
آسر كان واقف قدام المأذون، عينيه كانت ثابتة على زينة وهي ماشية ناحيته، حس بحاجات غريبة جوه قلبه، حاجة هو نفسه مش قادر يفسرها. هي كانت جميلة، لكن اللي لفت انتباهه أكتر هو عيونها، كانت مليانة حيرة، خوف، وضعف… وده خلاه يقرر جوه نفسه إنه مش هيسمح لحد يأذيها تاني.
اما زينه فاقت على جمله المأذون لما قال: “بارك الله لكما وبارك عليكما وجمع بينكما فالخير”
♡♡♡♡♡♡♡♡♡♡♡♡♡♡♡
آسر كان واقف في الصالة، بص لوح من الزجاج المطل على الجنينة، فجأة سمع صوت خطوات خلفه
زينه: آسر
آسر ببرود: ” عاوزة إيه ؟”
زينة بعصبيه من طريقتو: فين اوضتي؟
آسر رفع حاجب واتكلم: قصدك اوضتنا
زينه بحده: هوا اي اللي اوضتنا انا عاوزه اوضه ليا لوحدي وياريت تفتكر أن ده جواز عالورق ومش حقيقي
آسر ببرود: مقولتيش حاجه جديده انا عارف ده كله بس مريم متعرفش كده وانا مش عاوز اعرفها اننا متجوزين عالورق ثم اكمل بحده واتفضلي اطلعي على اوضتنا ومش عاوز كلام تاني
زينه طلعت على الاوضه باستسلام وبعدين آسر لحقها
زينه بتوتر: طب وانا هنام فين
آسر : هوا اللي هتنامي فين عالسرير
زينه: وأنتَ؟
آسر ببرود: عالسرير برضو
زينه بضيق: لا انا هنام عالكنبه
آسر: براحتك
_♡♡♡♡♡♡♡♡♡♡♡♡♡♡
في فيلا آسر “في منتصف الليل”
زينه حست بعطش ف نزلت تحت عشان تشرب مايه ولكن فجأة، حست بحاجة مش طبيعية. سمعات صوت خطوات غريبة، وبتبص وراها لقت اتنين مقنعين لكن قبل متصرخ رشو فوشها حاجه خلتها تفقد الوعيّ..
