رواية رتبة وظفيرة الفصل السابع عشر 17 بقلم الكاتبة رسل فهد
رتبة و ظفيرة
..
رِد و شوف
كِل ونة بحنايا الروح ..
واجب تنگلب غِنوة
يسُمعة خلافك شنسوة ؟
نِذر لو بس گلت رَديت
أحضرلك هلاهل كون
ما صارت بعرس اخوة
﮼رُسل،فهد
…
61
يَاسمين
256
گعدت على وجع راسي و صوت بداخلي ولچ لشوكت تتحملين ولچ راح تموتين إقبح موتة و ما الچ ذكر هي هاي حياتچ ! طمي روحچ احسن الچ
على هذا التالي ، كان من اكره الاصوات الي صوت ضميري من إصحى على نفسي
89
لزمت تليفوني أخابر درة و أگللها !! لا هاي تگلب الدنيا على راسي
نزلت جوة البنات يسولفن اسمع بأسم صابرين بَس ! منو هاي ؟
سَمر : بالله لو تموت ما ياخذها
ام قيصر: عاب شكلها تاليتو يفطر على صبورة لو يموتن
267
غمزت لسمر شكو تقربت يمي
– بت عم ابوي جدي يريد يزوجها لأرشد
– شنو ؟
– لتخافين لو تموت أمي هسة خابرتة كلة من ورة بيبي
تركتهة و صعدت اركض سحبت التليفون و اني اعصابي تلفانة
اتصلت عليه ما جاوب دخلت على حسابة ادور بالاصدقاء اريد اشوف
اسم ابو فزعة .. لگيتة مخلي الصورة هو و أرشد أتصلت ضل يدگ من اريد اسدة جاوب
– أرشد وين ؟
ارشد : حلو والله
442
– هو شنو الحلو ! صدگ راح يزوجوك ؟
– إنتِ شدگولين ؟ ، عش تتصلين ع صاحبي يول عيب عيب
– عوف صاحبك ، هاي منو صبورة ؟
– بنت عمي ، دحكي ياسمين لتوازيني ع الشَر و أنا مستخطيچ
عش تتصلين بصاحبي ياسمين !!!!!!
406
– انتَ لعد ليش متجاوب ؟
زُفر نَفس قوي و أردف بغضب مَكتوم
– و لمن ما أجاوب تخابرين صحباني !
– تغدر بية و تتزوج ؟
148
– لا حلو حلو فري السالفة فري ! عش تتصلين بصحباني مو عيب ؟
– هو اني كلبة من حبيتك
– بيج يول بيج ؟ شهالتلعوص بالحچي منو متزوج ؟
– شگد اكرهك يايابة يا يابة
– يا يابة
اني روحي محترگة و هو يگلي ليش متصلة اخ اخ ولچ شنو هالضعف الصابچ و خلاچ و ترضين بهالوضع شوية و دَز رسالة من حسابة
– بَـــس لتتسوفلين ، انتِ مو شوية حتى تصير فوگاچ وحدة
635
يَاسمين: وشعدها فوگاي شتسوي تكتلني عود ؟ والله اطيح حضها
– والله حلال واحد يتزوج عليج ، فوگاچ يعني اتزوجها عليچ
– وتتزوج ؟ صدگ !
– رجعي نامي بنتي انتِ متعودة ع نوم الظهاري اكيد مو صاحية
403
هذا شبي ! والله خبلني اباوع لايدي الرجفة تزيد متنقص والله اذا شافوني تحترگ ورقتي و يذبحوني و يذبحون عصام ، للظهر اجة ابو قيصر وكفت يم الدرج اتصنت
42
ام قيصر: عجل شبيها امي وية ارشد ؟
ابو قيصر: تريد تهججة حتى ينفهلهن شايلة هم ام باسم تايوفي بحچايتو
و ما همها ابنها ياخذون ابنو من حضنو
– كلنة ما قابلين عليها ، بس هي متسودنة لان گايلات الها راجع من سفرو لخاطر ياسمين متخربطة بالمدرسة و هو حتى ميدري
– لتخلنها تسمع و تتمرض ، هو راح يرجع
– مو كال راح اضل ؟
– امج تتركو يضل ؟ سوتها عليه جية گشرة
60
…
سميحة
212
صدمتنا و فَرحتنا جية أرشد عكس امي الي متكهربة و مانعرف شنو السبب
ما ردت حتى سلامو سوتو ثاني يوم اكشر علينة اجة عمي أبو منصور
وطلبت منو يروح يخطب صابرين بنت عمنا لأرشد
خلتو ينتفض و يترك المكان بعد ما تصايح هو و عمي و ابوي
ما رجع الا العصر يحضر بجنطتو حتى يروح و اجتها فرح تخبرها وهي انتفضت بنص الهول
77
– لا بالك ما توصلني اخبارك ، والله ما تطب بيتي والله
56
نزل وهو حامل جنطتو كاسر ظهري محاربينو على محبوبتو
لخاطر مصالحهم رغم كل هيبتو و تَسلطو على البيت بَس امي و ابوية
ميرفع صوتو عليهم ، بس امي مزودتها ويا دون كل اخوتي ما جاوبها
وطلع و عيونو متتفسر ركضت ورا
17
سَميحة : عليك الله لَتروح أرشد والله ما شبعنة منك
– امچ ناويتها و أنا خلگ ما عندي ، طبي حبيبتي
سَميحة : هي بعدين تسكت ما تعودت عليها ؟
45
ام ارشد : ما تاخذها والله هساع اروح اذبحها
– شبيچ يمة ؟ ما أگدر افك حلگي تا ميأذيچ كلامي جاهلة لا يمكم و لا گرباكم تركوها بحالها
100
ام ارشد: عاشگها يضناي ؟
ارشد : أموت و أريحچ ؟ تطلبين إهتمامي عجل حنانچ وينو اريد ادحكو
تسئليني ليش احب سَهلة ؟ طبي لغرفتها وتعرفين الجواب
ام ارشد: حرامات والله ع التعب الي تعبتة حرامات
396
تركنة وراح و اني دموعي على خدي دوم يحملونو هم فوگ همو
و يترك كلشي و يهج فترة ويرجع لان حياتهم ما تكمل بدونو و شغل قبيلة كاملة يعتمد عليه و رغم كل دگاتهم الناقصة ويا مينكرهم
96
تحمل مسؤولية شغل قوي لان هم رَبو على هذا الشيء و غرسو حب هذهِ المهنة بداخلة ، و بعد ما طعنة باسم حملو شواربو كلمة خلتو لهساع بدون زواج تاميريد يظلم بنت الناس
38
و لا هو يگدر يشوف ابنو يكبر مو بحضنو و هسة بس شمو ريحة خَبر گلبو يدگ لوحدة عيعملون المستحيل حتى تهج لان يردون صابرين الو
خاف من حبو الها يترك شغل المتاجرة و يصفون هم بدون شيء
159
اخذت دوة سَهلة الي من الظهر متخربطة علمودو دگول تريدون تموتون ابني الي فنة عمرو لشكولكم لاحگينو على هالجاهلة الي يرتاح يمها
خوفكم منو تراه غيمة إذا رعدت ترجفكم
272
سَهلة : راح تاج روسهم ؟ هججو ؟
سَميحة : احسن حتى ميركبوها براسة لان لازمينو من ايدو التوجعو
– أنجعلهم بالمرض وهذا الصاير شيخ على روسنة الي يوم احط عگالو برگبتو و اشختو ان ما يترك چبيري بحالو
392
سَميحة : سكوت ارشد عليهم حاستو بي غاية لو يريد يتزوجها متصعب عليه
– موگفتو اخلاقو و مستحا مايريد يضحك الفروخ عليهم ولله عطسة منو تطيرهم لهذاك الصوب
– ههههههه محد يلحگچ بالتشبيه
225
…
يَاسمين
37
نزلتني العصر ريحة الكيكة الي دتسويها غفران سحبنا الصوندة اني و سمر حتى نرش الحديقة اني كل همي أشتم الريحة الي تصير من تنسقي الارض مديت ايدي للطين اكلت شوية و سمر صارت تعيط ميصير
ماعرف بس هالحالة و اني صغيرة ما بطلتها هيَ و گرط التُرب
916
– هم حاچاچ خالي ؟
اريد اجاوبها و أندگ الباب تقدمت فتحتة هيَ
و أني رِمشت عيوني أكثر من مرة دخل و سَد الباب
– صيحي أمچ تا اودعها
– شبسرعة خالي البارحة اجيت
على صوتة طلعت امها شُبگتة و تصبرة على اطباع امهم
ما تحركت من مكاني ضليت إباوعلهم
25
حسيت دَمي بدة يحترگ
و إذا ابقة افضح نفسي درت وجهي حتى ادخل
ارشد : ياسمين
ما جاوبتة صعدت اركض للغرفة خوفاً لا يكشفني و خفت ليصعد وراي
لكن ما سواها مَر وقت و رحت للشباك أباوع لگيتة يتمشى بالشارع
و مخلي أيدة بجيبة ، هاي صدگ سافر و عافني !
186
زادت رجفة جسمي أباوع لنفسي مثل المجانين ما افرق عنهم شي
لكن اني اكو اوقات قليلة اصحى بيها الوم نفسي و احاول اصحيها لكن لا حياة لمن تنادي لا تَشفع لكَ دفن المَيت و الحُزن عليه
انتَ مَن قام بقَتله
57
لازم أعاقب النفس بالبعد عنة ، اتمنى اعاقبها بعدم أخذ هذا السم
لكن اعرف الهزيمة واضحة من جانبي مِشت الايام و يخلص شريط و أتوسل بعصام يجيب الثاني ينطيني و هو مرتبك اكثر مني
عصام : ياسمين جنطة هدومي بالسيارة من وراج تدرين ؟
على اي لحظة انهزم من وراج لان ما ضامن حياتي
يَاسمين : مو كتلي اعالجج ؟
– لج شلون شلون تورطتي و ورطتيني وياچ يولي اني عايز
327
تركتة و المصيبة صارت حباية وحدة متكفيني و ما ارتاح بيها
صرت اخذ اثنين اثنين و اخاف على الشريط ليخلص و مابية حيل
اكعد اتوسل مرة بعصام
159
يتصل ارشد باليوم اكثر من مرة بس لو اموت ما اجاوب والله
اني حاسة بحياتي قَربت تنتهي ما اريد اذلها اكثر مِشت الايام
و اني وضعي يسوء يوم بعد يوم
66
يواسوني بكلمات انُ هو هَم يحبني و علمودي سَافر حتى ميتزوج
صَبورة ، اني وجعي مو هوَ وجعي الغلطة الي ارتكبتها بسبب اشتياقي الة
ما انكر اني احبة و مو أي حُب أغرمت بي و اني بوقتها ما چنت اعرف هالمشاعر شنو
122
لكن مِن بين صَياع و استغلال يجي شخص من غير سابق إنذار
يمهد لشخصية بدائية القوة كُل سُبل الامان ! من دون اي استغلال
بوقت الي تركني عَمي هو تكفلني حتى يأمني عند خوالي
و بوقت الي حَس بأستغلالهم سحبني يمة و هو شخص غريب ما مَس شعرة
مني ، بوقت الي هُم يشغلوني و ياخذون مني فلوس المعيشة
هوَ امن الي مَسكن و ناس تحترمني و رجعني للدراسة و يشجعني ع نجاحي
كل هذا بِدر منة هو ما مجبور !
الشيء الي خلاني ما أشوف غيرة بهالدنيا
82
لو ردت أگعد و أسولف عن الحُب الي بداخلي إتجاه هالشخص
الكُل راح يستهزء مني و ينعَت مُبالغتي لكن هُم ميشوفو بعيوني !
”لو أنّ الحبّ شيءٌ ماديٌ، فإنّه فمه فمه المقدّس؛ يقول اسمي”
125
خابرت دُرة اشكيلها الي كاعد احس بي من وجع
دُرة : ولچ دادة مَوتيني والله اذا يتصل جاوبي هيج راح تموتين
– لا ولج راح بدون ميودعني
– غير انتي عفتي ! خلي مسافر و لا يتزوج صبورة النوب تصيرين مخبلة تفترين بالشوارع الله وكيلج و العباس كفيلج
137
– لا خلي هيج هو كل ضنة اني ما اكدر اعيش بدونة
– و صدك ترى باعي صوتج غير صايرة الحلقة الاخيرة
اني ما احبة اوك ، بس هو شريف احسن من ارميا و عيسى
40
نزلت لكيت عصام بالمطبخ لزم أيدي سحبتها قوي
– هيو لتمد ايدك
– ياسمين اخطبچ و اعالجج ماكو غير حل
548
– شنو ؟ خاف مترضى ؟
– لا ارضى ، عجل اذا هيج تضلين تموتين
– شبيك بابا ، شنو تخطبني … هذا شلون افهمة اني مرة اخو ؟
– ياسمين اني احبچ ميهون علية اشوفج هيج
222
تنرفزت .. خزرتة
يَاسمين : هيو ليش متعوفني
– هيو بعينچ عجل اني ما مجبور اجيب بهالاشرطة و أورط نفسي
– اگول لارشد والله
– گوليلو هو اول و تالي يدري و نتمنجد
– راح يخلص الشريط
– مو شغلي
– عصام شبيك ؟
– مابية ياسمين بس اني ما مترم علية اورط نفسي اكثر
– بس هالمرة حباب
– كل مرة بس هالمرة ، اسف عذريني
147
تركتة و صعد بلكي من ازعل ينقهر علية صرت كل يوم ادخل بمصيبة اكبر من راسي عَدت الايام و يومية يكولون باجر النتائج و ماكو الى ان بيوم كعدت لگيتة دازلي رسالة صورة النتائچ و كاتب .. لتهتمين تعدلينو
دخلت و اشوف درجاتي كلها خمسينات و بالانگليزي راسبة
570
اتدمرت نفسيتي أكثر گد ما اضرب راسي كل قوتي صار شعري يوكع بأيدي خُصل خُصل مدري عليمن ابجي خساراتي و مصايبي هواي
اجة ابو قيصر لزمني إنهاريت و أجتني الحالة الي تخليني احتقر نفسي
و عصام اجة يركض اريد بس شي الزمة و اضرب نفسي حتى
اكول للوجع الي بداخلي اكو شي اقوى منك
59
نزل عصام بسرعة من شاف وضعي واصل مرحلة و ابو قيصر حتى راشدي ضربني يريدني اصحى على نفسي ماكدرت اسيطر لحد ما اجة عصام خلة حباية بحلگي و ابو قيصر يسئلة هاي شنو ؟
– منوم لان اضن صدك عدها صرع
– معقول ؟ منين اجاها !
206
دقايق و هدأ جسمي و ما اعرف شنو احچي بس اتذكر نطقت أسمة
و دخلت بنوم عميق .. گعدت ما اعرف شوكت تذكرت شكل درجاتي نزلت دموعي و اني الي خلصتها الاولى دائماً شنو راح يگولن المدرسات من يشوفن رسوبي
34
ابو قيصر و مرتة ساعة يقنعوني اروح للطبيب و اني ما اقبل لان عصام حذرني بس اروح للطبيب انكشف
26
اجتي سَمر بأيدها التليفون
– خالي يريدچ
– انعل ابوج لابو خالچ
ضلت مَصدومة و أني هم أنصدمت خزرتني و طلعت ضجت من نفسي ليش هيج حجيت ! والله هاي مو اني و لا اخلاقي
شفت تليفوني يتصل هوَ جاوبتة .. شتريد !!!
945
– انعــل أبوي ؟
– اوك ، اسفة مادري بنفسي
ارشد : شبيچ يَروحي ؟ والله مَا مرتاح من وراچ
– كلة من وراك .. حچيتهة و نزلت دموعي .. الله ينتقم منك دمرتني
175
ارشد: أشتعلو أهلي ول يغَضب شعندي غيرچ
– اريد أموت الدنيا مو حلوة خاف انتحر واروح للنار
– ليش منو گال تدحكين الجنة ؟
– ماريد ابقى هنا
– ادري بيچ تردين حضني يولي اني هم چثير بالله محتام لشوفتچ
مَتودعيني إدبسزز !
262
سديتة منة لان ادري بنفسي بس يحچي بعد كم كلمة انسى كلشي
و اصالحة ، و هم اريد قربة الي ، و خايفة اذا رجع و شاف وجهي لان اني بدت تطلع كدمات زرگ بجسمي واخاف يكشفني ..
– النار ترجف بس تغطيها تموت
– انت ماتدري شتريد شكد صعب
86
كل يوم اكعد بي الصبح و اني ممجاوبتة ابوس بأيدي
اقنع نفسي بلكت باجر من اكعد ناسيتة و خلص الشهر وعصام مستمر يجيبلي اشرطة حبوب لان صرت كل اسبوع اخلص واحد
310
سمر متحجي وياي لان سبيتها رحت صالحتها
سَمر : بس هالشهر و يرجع و نخلص منج ترجعين ياسة القديمة
– لا بعد ما ارجع
لليل كاعدين و صار صياح جوة أستغربت أولشي لحد ما فرزنت الصوت المن هذا عم أرشد
35
ابو منصور : و تكسرون چلمتي ؟ شعدها هينا اني مو گلت ترد لاهلها
ابو قيصر: يابة شعيوصلولك عَنها ؟ اترك الطفلة مريضة
– ارشد يرد و يتزوجها ؟ حلو خوش يلعب
– شيتزوج منها ؟ بالله اتركها يابة هي جثة صايرة
– و احنة شكوووو ! هساع تردوها لخوالها تاشوف شلون تنكسر چلمتي بعد
صار صياح قوي طلعت من الغرفة نزلت
83
منصور : يابة اتركها يتيمة و مسكينة ، تعالي بابا ليش هيچ شكلچ !
تركتهم و رحت للمطبخ اريد اطلع للگراج و ابو قيصر لزمني
– عمو اتركني
– انجبي حبيبتي
1.3K
يريد يصعدني و ابو لِزم ايدة يجر بيها .. تكسر چلمتي ؟
– امانة يابة امانة
سحبني من ايدة انعتيت قوي دخلو ابو ارشد و فراس و عصام
و هم ابو ارشد ميريدني و فراس و عصام مقابلين
46
ابو منصور : هساع واحد منكم يزتها لخوالها هسااااع
يتمعشگ و تارك حلالو والله الا أدبو بيها
122
ياسمين : بَس اترك أيدي جدي مدري عمي
ترى لعبت نفسي منك تغط تغط و تطلعلي عَفو لحَظي
1.2K
شفت فراس و منصور گوة كاتمين الضحكة عكس البقية المصدومين
– يلا يلا برة ماريد افلع هالسان هو هذا الي تحترمو و تطببو بيتك
ولو جايبج ارشد عجل شتطلعين حالج حال الگبلج
50
ياسمين: اشرف منكم ليش شبية ؟ صارلي سنتين هنا و انتو ضلي ماشايفي
ابو قيصر: لا حبيبتي والله اشرف من الشرف يابة شهالحچي
ابو ارشد : تعال فراس هينا خل ترد لاهلها
– اشرف من عندنا بت الـ …
راد يكمل و الولد صارو يصيحون و يسكتو عفتهم و طلعت اركض
و الدموع تنزل من عيوني والله
91
طلعو وراي فراس و عصام
فراس : تعالي خوية
ما سمعتلهم جسمي بدة ينهار
جَرني عصام و هِمس .. لتستلوتين ياسمين المفعول راح يبدي
وكفت بمكاني كارهة نفسي من الضعف و الشريط بجنطة المدرسة
مشيت ويا و الدموع تلچم روحي مو بس خدي اتنازلت عن كرامتي لخاطر هالسم
67
دخلت لبيت ابو ارشد وياهم و اني منتظرة عصام شوكت ينطيني الحباية بديت احك بجسمي و دموعي تجري شافتني سَهلة حضنتها و انفجرت بالبچي .. كامت تتحسب عليهم بصوت عالي
20
سَهلة : ولكم أمانتوو أمانتوو الله ينتقم منكم ان شاء الله
عش هيج مفرفحين گلبها الله يفرفح گلوبكم
ام ارشد : لا تتحسبين و تدعين لخاطر هالصايعة هاي هجمت بيوتنة
– انهجمت ان شاء الله على روسكم
131
من بين الصياح الصار خَلة عصام حباية بأيدي اخذتها دقايق و خلصت من عالمهم الي جُبرتني الدنيا بيه و مادري نهايتي شنو الي اتذكرة اني من حضنها وگعت بالكاع
188
…
سَميحة
38
تعبنة من مشاكل البيت الي يوم عن يوم تزيد و اسم ياسمين الي صار ميوكع من حلگهم و كل همهم قبل ليرجع ارشد يودوها لخوالها كل ضني اني و سَهلة حچي عابر
11
لحد ما طبت بحوشنا تبچي و شكلها صاير يخوف تكسر گلب الكافر
وين جمالها ؟ وين ظفيرتها الي چانت تخط صايرة هَيكل عَظمي
شلون هيج صارت !
115
تعاركت سَهلة وي امي لان ندري اساس المشكلة هيَ يوم ورا يوم تحشي بأبوية على ارشد اذا اخذ يَاسمين شنو راح يصير بينة و ابوية ميعرف يضم عن عمي شي و يگبون سوة اخابرو اريد اكلو بالي يصير بس گلبي مينطيني فوك غربتو و سفرو و دوامو اجي أجملو ؟ منين يتلگاها
25
طاحت بالگاع و شالوها عصام و أرشد للغرفة و اجة ابوية من عرف هي هينا هم صارت عركة الها اول ما الها تالي و الي معجبني سَحر تريدها تبقى يمنا و تدافعلها اول مرة تسوي سواية زينة
394
تركتهم يهدون اخذت تليفون ابوي تطمنت على ارشد و بعدها خابرت
هَيثم اسولفلو الي عَيصير بالبيت لان ارشد يريد وحدة غريبة
هيثم : اشكرچ حبيبتي خوش عروض حلوة سويتيلي واهس اجي اخطب
سَميحة : كل يوم احس بنفسي تسرعت بقرار حبك !
137
هيثم : أدري مخابرتني مشتاقة لو تذليني و تحطمين معنوياتي
سَميحة : لا بس غير اگلك
146
هيثم : لا تخافين على أرشد يرجع و يخلي النقط على الحروف
هو ايمتى يرد مو چنو طول ؟
سَميحة : هذا الشهر اذا الله راد
33
سديتو منو اگعد بياسمين متگعد جست گلبها الحمدلله يدگ
سَهلة كالت اتركيها مرمرها بعدو و ضيمهم
لثاني يوم الصبح يالله گعدت تلمستها حرارتها عالية رحت صحت للولد
فراس گال نأخذها للمستشفى عصام ما قبل وهي هم مترضى
جبنالها دوة و تحچي كلام مينفهم
48
– ارشد وينة ؟ جيبوليا
فراس : صيري زينة هالشهر يجيج
– خاف يدري بية يذبحني والله ، اممم يذبحني
– ليش يذبحچ ؟
عصام : يلا امشي نطلع سويلها سميحة كمادات
371
هي جانت عند بيت ابو قيصر و الدنيا مگلوبة هنا مو النوب اجتي يمنة
لا امي و لا ابوية يسكتون مر اسبوع على ضلتها يمنة و هم اجة عمي يريد يوديها لخوالها
138
…
يَاسمين
10
يومية ينطيني عصام حباية و متفيدني الا بنسبة قليلة جداً
بس احسن من ماكو صار دماغي حتى يتخيل اشياء مموجودة
مرة أنطاني الحباية و لزم أيدي حضنتة قوي كل ضني هوَ ارشد و گعدت اشكيلة و ابچي على الي سوو بية
480
ما بقة على جيتة الا شي قليل يمكن و كُل ميخلص يوم
خوفي يزيد و توتر عصام الي تورط وياي اذا اليوم كان اربعة و عشرين ساعة فألي حصة منة بس اربع ساعات
16
اندليت غرفة عصام و صرت اعرف وين يخلي الشريط
اخذتة و هو گالي بعد ماكو والله و لمن شاف وضعي من اجتني الحالة خلة وحدة بحلگي
16
شافتني سَحر عقدت حواجبها .. مدمنة ؟
– شنو مدمنة ؟
– شو شكلچ يخوف مال مدمنين
– لا
– تحبين ارشد مو ؟
– تركيني عفية هو اني روحي ما طايقتها
232
عفتها ورحت يم سميحة لگيتها تصلي ضليت واكفة انتظرتها لحد ما گعدت تسبح رفعت ايدها و خليت راسي على رجلها
فتحت القرآن و خلت ايدها على راسي وعَلت صوتها بالقراءة
نزلت دموعي هم يغفرلي ربي بيوم الخطأ الي سويتة
56
– اكلج سَميحة البنية اذا شربت جگاير حرام ؟
سَميحة : أكيد حرام ، لان النفس و الصحة امانة و انتِ هنا دتاخذين اشياء تضرها معناها ما صِنتي الامانة ، بس لا تشربين ؟
139
– اي چنت يعني هسة اني بالنار ؟
– لا طبعاً مَا دام الانسان على قيد الحياة فـ اكو امل للمغفرة و باب
الرَحمة مَفتوح اكبر ذنب ممكن يرتكبه الانسان قابل للمغفرة لان احنة بين أيد رَب رحمـٰنٌ رَحيم
38
يَاسمين : يعني كلشي ؟ حتى اذا يكتل ناس ؟
22
– اكيد لا ، بگد رَحمتو عندو قَسوة و عقاب للكافرين اكو قصة مرة قريتها
لِسفاح بزمن الانبياء كان يقتل بالمسلمين كلهم قتلهم و هُم رافعين راسهم
الا شخص كان طول فترة الذبح يبچي
سئلة الذباح .. هيچ انتَ خايف ؟ مو تردون تروحون لربكم !
گالة اني ما أبچي على نفسي ! اني أبچي عليك يوم الحساب شنو العقاب الي راح ينزل عليك ! اما أحنة رايحين نلتقي بصاحب الجلالة و الاكرام
966
تخيلي احنة اذا سوينة اي شي عادي و اجة احد خربة تحترگ روحنة و ننهار شلون انتَ الك الجُرأة تقتل نَفس من غير ذَنب و عايش بنعيم صاحبها !
لكن اكو هواي امور القتل بيها حلال الي يُقتل دفاعاً عن ارضه و مالة و عرضة يُعتبر شهد
104
يَاسمين : هسة اذا صارت عركة و ارشد قاتل ينحسب من ذولة لو من ذولة ؟
– اذا يدافع لأرضة اكيد الي يقتلهم ميتحاسب عنهم لان هم الي تعدو على ارضنا
– و هذولاك اهلهم هم يحسبوهم شهداء لو شنو ؟
– الشهادة لِمن مُست أرضهم يعني احنة بأرضنا و هم انتهكو حُرماتنة قتلهم حلال و الي يموتون من عندنا فقط شهداء
42
ياسمين: شوكت يجي ارشد ؟
– ما ضل شي من خابرتة گال على اي يوم افوت عليكم
– يدري بية هنا ؟
– لا اكيد بس من يرجع يعرف و ندحك شيگول
12
حسيت براحة بعد ما قرت على راسي رفعت التيشيرت اباوع لجسمي ولأيدي على الكدمات الي صارت تزيد متقل تليفوني بقة ببيت ابو قيصر
گلت لسميحة كوليلهم اريدة ثاني يوم اجوي و جابوليا رادو ارجع بس سَهلة ما قبلت
15
و اثناء ما گاعدين هم اجة ابو منصور انتفض بشكل مو طبيعي من شافني
وراد يجرني من بينهم خلتني سَهلة ورا ظهرها وبعدت ايدة
سَهلة : والله الي يمد ايدو اكسرها والله
ابو منصور : حلو والله يا ابو ارشد حرمتك تتجاوز كدامك
70
تقرب ابو ارشد عليها ووگفو الولد كلهم كدامة و صار صياح قوي
وناس تغلط على ناس و الاطفال تبجي عَم الهدوء بنبرة صوت قوية
– هاي شصايررر ؟؟
2.6K
…
دُرة
185
تمشي الايام و امي وضعها معاجبني عمي الي صار حتى ميطلع من البيت وجودة قالقني اعراض امي و تدهور حالتها يدل على شي واحد
واضح مثل وضوح الشمس لكن امي ؟ امي !
لا متغدرني اخذت كل اوراقها و ياي للدوام
131
انطيتها لصديقتي المحللة صدمني الشيء الي جنت خايفة منة ما معقولة
– حامل المريضة بس عدها هواي مشاكل بالدم
كلمة حامل جانت مثل الصاعقة الي احتلت جسمي كل هالفترة و اني اجذب الصوت الي بداخل و اكول. الا امي
171
يعني سوتها و بوجودي و بدون. علمي تركت الدوام و رجعت للبيت
ارتبكت من شافت شكلي
– شبيج دُرة ؟
14
– شبية ؟ امي الحبيبة راح تجيبلي اخو من عمي علمود تسند ظهري بالمستقبل
ام دُرة : كل يوم اريد اكلج و اخاف من ردة فعلج لان انتي متعذريني
76
– و طبعا ما اعذرج انتي بعتيني علمود نفسج
تتزوجين عمي يمة عمي ! شلون شلون نفسچ قبلت اني ما وگفت بعينج
63
ام دُرة : علمودج حتى يتركوج تكملين دوام و شغل و هم حتى يعينة
انتي اول و تالي متزوجة اني المن ابقة
دُرة : ليش يمة ليش ؟ كسرتيني والله عمري ما راح اسامحج
لا انتي امي و لا معترفة بيج لا هسة و لا بعدين
170
شفتها كامت تبجي اجذب اذا اكول ما تأثرت بدموعها تبقى امي لو لاها
اني ما صرت بس كسرتها الي جبيرة ماردتها تخلي واحد ياخذ مكان ابوية
ابوية مينسد مكانة بواحد غيرة
115
دخلت بحالة نفسية قوي تركت حتى الدوام اخابر بياسة متجاوب
دموعي تنزل عليها لان بدت حالتها تسوء و تنزل على عمي الي اخذ مكان ابوية على الحاضر و كل هالفترة هم حتى ما كلفو نفسهم يگولولي
10
اتصل بية الولد الي ويانة بالدوام على غياباتي الي كثرت
رجعت اداوم واني اعتبرت نفسي من هاللحظة غريبة و عايشة لنفسي
فقط و الاهم اروح اخذ ياسة و ابعدها عن ارشد
لان اذا تضل على هذا حبها تتخبل و حتى هي تخسرها
172
….
يَاسمين
22
سمعت نبرة صوتة الي هزت كل كياني و خلت الكُل يلتفت على طريق نبرة الصوت و شكل عصام الي صار اصفر من الخوف بسرعة باوعلي حتى اروح من المكان بس ردت المحة و اشوفة شلونة ؟
158
ماكدرت من ورا الهوسة دخلت بسرعة للغرفة و تغطيت ايدي رجعتلها الرجفة و حتى شفايفي صارت ترجف خنگت نفسي بالغطا
صوتة الخَشن چان الاكثر وضوحاً من اصواتهم بسبب نبرتة العالية
من گد الخوف ما جنت اسمع شنو يگول اخذت حباية و نمت
42
و كعدت ثاني يوم سئلت سَميحة عنة گالت طلع يم جماعتة
انتظرج البارحة تگعدين و ماكو تالي أيس منچ و طلع
– و ما اريد اشوفة و لا يشوفني
– ليش ؟
– اني ما اريدة
60
الظهر سمعت صوتة بالهول قفلت الباب استغربت سَميحة من حركاتي
عبالها لان زعلانة و الي خوفني اكثر رسايل عصام ديري بالج تخلي يشوفج
حتى لو كدرتي تشردين اشردي ، يومين هو راجع وما خليتة يلمحني
دزلي رسالة ،، الزعلان يابة على كيفك !
341
عبالة زعلانة ! من خوفي كل ما اسمع صوتة صرت اخذ حباية حتى مايشوفني لحد هذاك اليوم الي اول ما صحيت سمعت صوتة يقترب و سَهلة كاعدة تصلي گمت بسرعة اريد اقفل الباب ايدي ترجف و حركتي مو طبيعية إنفتح الباب و صار طولة گبالي و هو التليفون بأيدة
يخابر يضحك من شافني فِتح عيونة كل قوتها و إختفت أبتسامتة
1.9K
مو شعر ينراد الك فَزعة عمام
دَگتك لا تنقرا و لا تنكتب …
…
رُسل فَهد
