رواية رتبة وظفيرة الفصل الثالث عشر 13 بقلم الكاتبة رسل فهد
رِتبة و ظفيرة
..
مڪتوب دوم الها الحزن
هي دموع أبلا وعي
تنزل تنام بخدها
شنسوي قسمتها بعد
چا هُم گالوها قَبل
(كل حلوه حظ ماعدها)
-رسُل فهد
..
في مكان اخر
168
ام باسم: سمعي هساع اني بطلت حتى ضنا ما اريدو
شام : لكان شو بدك يا ستٍ
148
ام باسم: اليهواها گلبو
شام : وكيف ؟
128
ام باسم: تخلين بَاسم الصغير يهواها ابدي بتغيير كلشي عتشربينو اياه
شام : ستِ مسكين هالولد ميتحمل اكتر
146
ام باسم: و انتي شنو ؟ سوي الي أكولو
گلچ خلگ عبد مأمور
….
146
ياسَمين
62
كل ما اتقدم خطوة صوت بداخلة يگول ارجعي
وصلت لباب المطبخ …
دخلت چان واكف رجال يسوي گهوة يشبه ابو قيصر
نُسخة و اني الخوف ماخذ كل جسمي مادري شنو الراح يصير
90
باوعلي مستغرب
مَنصور : تفضلي منو !
يَاسمين : عمو خالة ام آبو قيصر وين ؟
– تعاي تفضلي منا طبيت لگيت مرة جبيرة
بگد ام ارشد بس حيلها رايح گاعدة تخيط بوجه مخدة
96
سلمت عليها و هي هَم مستغربة تباوع لوجهي و هذا ضل واگف
منتظرني احچي همست يمها خالة كليلة خلي يروح عندي حجي وياج
– منو انتي يمة ؟
هو راح للمطبخ بس عينة علية
51
حجيتهة جرة وحدة
– خالة بنتچ نِيران لسة عايشة ببيت ابو قيصر محبوسة بغرفة جوة الحديقة اذا متصدكين تعاي للبيت و شوفي بعينج هَي ضلت متصنمة
813
درت وجهي حتى اطلع جَرني ابنها من أيدي
-ًهوب هوب عَش تركضين
و دخلني للصالة شاف امة حتى مَترمش من الصدمة
183
هنا أدركت الغلط الي ارتكبتة هي متدري يجوز امها مريضة و متتحمل هيج صدمة و اني اچيت حچيت كلشي جرة وحدة
258
مَنصور : يولي انتي منين ؟ ياهو دازچ !
– اگلك بَس لتجيبون اسمي عليك العباس ابو فاضل
مَنصور : انتِ منين يا مَرة
145
– اني البنية العايشة وي بنات أبو قيصر انتَ مو عندك اخت اسمها
نِيران ؟ ترى ما ميتة محبوسة بالحديقة جوة الگاع
– بكيفك لتصدگني روح هسة للبيت و شوف لان باقية وحدها
شفت شكلة صار يخوف و دَمارات جبينة بَينت
290
مَنصور : رايح و إن چان الَتحچينو مو صحيح
كلامي وياچ تتغير موجتو
195
هَزيتلة راسي وطلعت اركض عصام واگفلي رجعنا بس
ممسيطرة على دگات گلبي و لا رجفة شفتي هستوني اريد اوصل
للبيت طُبگت سيارتة نزل عاقد حواجبة عصام گبل باوعلي
172
أرشد : وين چنتو ؟
عصام : اخذتها لبيت عمي ابو منصور
بَعدة ممكمل بَاوعلي وفاتح عيونة كل وسِعهن كأنو نظرتة
تصحيني ع الشي السويتة
714
تقرب عَلية وهو ضاغط على أيدة قوي وشكلة صار يخَوف
مشايفتة أبد هيچ غَمض عيونة و بَعدها أردف ..
صعدي بالسَيارة و انتَ عصام لا أخذتها و لا شفتها ، تَم ؟
– تَم يابة بَس شكو !
– سلامتك
303
صعدت ويا إتصل يحچي بهدوء و يضغط على أسنانة
يِبتسم و دَمارات رگبتة كلها بارزة اني التزمت الصَمت
83
خابر أبو قيصر گالة يَاسمين يمي اجيبها بالليل .. سَد الاتصال و أردف
أرشد : هيچ تجازينو ؟ و هو حاسبچ وحدة من بناتو!
يَاسمين: والله اني احبة بس هي قهرتني
238
صُرخ بصوت قَوي و السيارة يسوقها سَريع و برودة الجَو
الهَوى دَمع عيوني و ادراكي للشيء الچبير السَويتة
أرشد : وين أوديچ ؟؟؟؟؟؟؟
277
مديت ايدي فتحت باب السيارة وهيَ تمشي صارت اصوات مال هورنات
بسُرعة غير الطريق ووگف السَيارة رِدت أوگع
بَس الثَبتني قوة الراشدي الي إجاني !
لزمت وجهي بأثنين أدية هوَ مَد ايدة سَد الباب
462
قفل السيارة ورجع يسوق و إني لسة تحت صدمة الضَربة
أرشد : أنعل ابو ذيچ الساعة السودة النِمت بيها
180
يَاسمين : نزلني هنا
أرشد : و خِدر المسكتة زِلم كاضب روحي عنچ گوة
لا تخليني أجرم بيچ
155
يَاسمين : ايدك اذا تمدها بعد متلوم غير نفسك
بَاوعلي بنَظرة وَترتني من گد اعصابة البارزة نَظرة وحدة
خلتني إكمل الطريق بدون حَرف
132
اخذ الجهاز و إتصل
– الو مَنصور .. هساع گالتلي هالطرگاعة صحيح العَدگولة؟
…معقول ؟ و انا رفيجو كل هالمدة ما اعرف !
… لو ما يحبها ما يترك لهساع عايشة .. انچب أدبسز لا تهتر
اني شوية و جايك تانشوف حل لهلمصيبة
.. يولي لتجيب طاري للغضب هاي .. شوية وجايك
213
بَس تمشي السَيارة و ما اعرف وين رايحين لحد ما صار المُغرب
رجعنة لنفس المَنطقة ونفس البيوت رِكن السيارة گبال بيتة و طَفة السيارة
أرشد : حَرف واحد واحد يكلفچ حياة الكُل
113
دخلت للبيت بَس نظرة امة و سَحر و شروق مَتتفسر
حَسيت بالرُخص واني ممسوية شي زاد خوفي من شِفت أبو قيصر طلع من المُضيف و مَشيتة متطمن بخير
204
معقولة صداقتهم تخرب من وراي ؟
و معقولة ارشد اكتفة بالمصيبة السويتها كلها براشدي !
و اني ادري هاي الضربة بَس على فتحتة باب السيارة لان چان اندعمنا
196
صَبو عشا و گعدت يم سَميحة الي على اساس اني جاية علمودها
سئلتني وين چنت اني و ارشد گلتلها هيَ بس نفتر بالسيارة
تعشينا و اجتي ملاك گالت يلا خالو ارشد راح ياخذنة ابوية يم جدو رايح
البنات و أمهن وحدة تباوع للثانية
74
رجعنا هوَملامحة عادية اكثر من مرة سئلتة ام قيصر ما جاوبها
الشي الي خلاهن يتوترن اكثر وصلنة للبيت و شافن القفل مكسور
اشرلي فوتي و گاللهن صعدت فوگ واسمع همسهن جوة
شلون ؟ وخايفات من ردة فعل جدهن
50
بس محد جاب اسمي يعني محد شك بية ؟
اخذت ملابس حتى أسبح لمن نزعت البَدي وگعت فلوس
شِلتها هاي وَرقة ! منين ؟ تذكرت حَركة أيدة بالبدي !
677
اريد انام و ما اگدر و البنات و لا وحدة صعدت نزلت جوة هن يحچن
من شافني سِكتن رجعت صعدت فوگ و اكل بأظافيري الى ان تعبت
و نمت كعدت على صوت صياح جوة
6
ابو قيصر: ارشد بالله عليك لا تبررلها مستحيل غيرها يولي نيران گالت اعرفها معناها من زمان شايفتها
396
ارشد : وهاي انت گلت عجل چان خبرت من زمان
يَاسمين ما تسويها
203
ابو قيصر: ارشد لاااا تخبلني مَنصور منو مخبرو
ارشد : و انتَ عش منهار تعاقبت خمس سنين كافي عاد
خلها تخدم امك و فتحو صفحة جديدة
149
ابو قيصر: و الناس شگلها ؟ گعدت من النوم ؟
يولي وحدة اصغر من بنواتي تخرب الاول و التالي !
236
أرشد : لا ياخوي مَصختها گتلها مو هيَ و لاتنسة هي شتعودلي
و صار يصيح بأسمي بصوت عالي طلعت من الغرفة وگفت يم
المحَجر مديت راسي
أرشد : حدري هينا
29
نزلت بَس نَظرتهم الي مو مثل قبل خِسرت عائلة كاملة چانت تحتويني علمود إنقذ شخص وصلت لأخر باية لزمني أرشد من أيدي و دار وجهة حتى يطلع
86
ابو قيصر: عَش يابة هيچ سويتي ؟ مقصر وياچ ؟
و انتَ اتركها لتصير زَعطوط
283
هو ما سمع كلامة ومِستمر بالمَشي لمن وصل الباب الشارع
فتح باب الصدر دِفعني و سَد الباب قَوي
أرشد : انتَ أخوي و مَشكور صِنت عرضي كل هالمدة
148
ابو قيصر: إنچب لاتهتر نَزلها لاتزيد الطِين بَلة
96
ارشد : لا والله ساعة التعرف منو الگايل اردها دام يَاسمين
سبب هالمشكلة مالها ضلة و انا متأكد مو هيَ
ابو قيصر: عجل منو ؟؟
– من تعرف خَبرني في امان الله
471
ضَل أبو قيصر يباوعلة بنَظرة تِقهر تندمت الف مرة
حسيت اني راح اخرب صداقتهم صدگ .. حَرك السيارة
و نريد نعبر الفَرع دار وجهة شاف أبو قيصر باقي على وگفتة
60
لزم ظفيرتي قوي
ارشد : لچ شسويتي شسويتي
يَاسمين : و ما مِتندمة
– والله عمي هذا إستگح** حتى مرحلة الصلافة عبرتيها
755
ما جاوبتة لان شعري أذاني نزلت السيارة گبال بيت صغير
فتح القفل و طَبيت اصغر من الي ببغداد وفارغ بدون كلشي
اول ما دخلت للصالة
أرشد : ضلي هينا دقايق و اجي
طلع و قفل الباب
35
ضليت بمكاني بس أتخيل الاشباح مسويتلي شَدة يا وَرد
گعدت بالگاع و حضنت وجهي وضليت اقرا آيات اتأخر الوقت
وهو ماكو تمددت بالگاع و دموعي تنزل
531
البَرد و الخوف إحتلو جسمي و أصوات الصراصر ماعرف منين
گاعد تجي شكو مشهد من افلام الرعب شايفتة عيني صارت تتخيلة
الى إن بعد ما حسيت بشي ..
54
گعدت على ريحة جگاير قريبة حيل على خشمي فتحت عيوني لمن تذكرت اني شلون نمت طفرت بَس الي عَجبني اني نايمة على مَعطف رجالي
و شَعري محلول و أني اتذكر نمت مَظفور تحول نَظر عيني للي گاعد يم رَاسي
330
هوَ مَاد رجل و لام الثانية و نَازع البدي
باقي بَس بالبنطرون و الفانيلة و الگاع مَتروسة گطوف جگاير
141
يَاسمين: ليش تلعب بشعري ؟؟؟
ما جاوبني طَفة الجگارة بالگاع و گام تقرب بأتجاهي عَدلت التيشيرت
و أني متظاهرة القوة الفارغة
80
لِزم البدي يريد يرفعة لزمت ايدة وبعدتها و خِزرتة
يَاسمين : وَخر شتريد تسوي؟
191
عَض شفتة و أردف .. يعني مَتعرفين ؟
صَغرت عيوني و رفعت حواجبي أريد أصير مثلة قوية
– قَصدك سوالف المتزوجين ؟
1.2K
أرشد : حلوووو خوش رَبتچ سِت نِيران ، مَتخافين ؟
245
يَاسمين : گلت سوالف متزوجين و احنة ممتزوجين
– تَردين أتزوجج ؟
– لا طبعاً اصلاً ما أوافق
82
أبتسم و قَرب وجهة إكثر
أرشد : شسولفتلچ هالحقيرة بَعد ؟
يَاسمين: لا دگول حقيرة ترى حبابة والله ما گالتلي بس سولفتلي قصتها وبس
37
أرشد : عش شون عرفتي سوالف المتزوجين ؟
يَاسمين: يبوووو يالله هي گالتلي
150
أرشد :الزمال البراسچ مستوعب المصيبة السواها
– لعد انتو من ردتو تموتوها مو مصيبة
82
لزم شفتي بأيدة و سحبها .. ول يابة شهالصلافة واللسان
يَاسمين: مو صلافة هاي و وخر ايدك عف…
أثناء مگاعد احچي قرب شفتة على رگبتي
كأنو صار بجسمي كهرباء
1.2K
رفع راسة قرب وجهة على وجهي
– وريتيني وَر وخدر المسكتة الزلم
– شگاعد تسوي عمو
– گولي خالي
619
رجع باسني بصف شفتي اني ليش قابلة و مگاعد ابعدة
اصلاً مرتاحة للسالفة
– يول شو مكيفة ؟
883
ما جاوبتة بس حسيت على نفسي ووخرت.. ابتسم
أرشد : ايمتى متهجسين روحچ محتاجة تعالي .. و غُمز ..
1.1K
ابتعدت عنة و ورحت للمطبخ اريد الحرارة تروح من وجهي غسلت وجهي وشربت مي من المغسلة اجة هو و لابس المعطف الي چنت نايمة عليه
– أمشي
– وين ترى اليوم غبت و عندي امتحان
– مشكلتچ
44
صعدت ويا و داخلي مطمئن منة و گلبي واثق ثقة عمياء بي
هو الوحيد بهاي الدنيا يخاف عَلية و ميحرمني من الاشياء الي
يدري احبها
204
يَاسمين: رجعني لبيت ابو قيصر
أرشد : هِه خليتي بيها أبو قيصر يا يابة!
يَاسمين: و المدرسة !
57
ارشد : انتظري يجي هوَ يرجعج بأيدو يلا تكملين مدرسة
– لا والله ؟ ، اكيد ميجي ؟ ترى اني الگلتلهم ع نِيران ليش دگلة
مو هي ؟
5
ارشد : عجل تدرين شيصير لو درو انتي ورا هالفِتنة شعيسوون ؟
و انا مركبچ يمهم عَارية
58
يَاسمين : عوفني و خلاص لا اتعبك و لا تتعبني
ارشد : ارجعج يم عِيسى لو آرميا يخليچ مَكفخة ؟
سكتت .. بَس باوعتلة وبعدها نَزلت عيوني
91
أرشد: إشتعلت صفحة الزتچ بحوشي عَبنو گو**
ويريد يبليني ويفين حضي
ما جاوبتة.. مَديت ايدي امسح الدمعة التريد تفضحني
245
لِزم حنچي بأيدة و دار وجهي عليه نَزلت عيوني
همس بصوت .. شو بالله ؟ باعي
باوعتلة و اني أبين ماكو شي و اني ممتأثرة
98
خاف شوية لازمة نفسي بعيونة ضِعت
چانت حواجبة أكثر شي يجذب النَظر و اني حواجبي
اربع شعرايات
606
أرشد : دِحكي يول انا فاهمچ روحچ آبية و ما رضت بالي تشوفو
لجن الغلط الي هي عملتو چبير الي مايگدر يلزم نفسو كلشي يگدر
يعمل
71
مديت ايدي وخرت ايدة و رجعت راسي ع الكشن
– بَس هي تحبة و الواحد من يحب كلشي يسوي لعد ليش ما زوجتوها الة
24
أرشد : انتِ كبرتي بين جماعة مايعطون لحمهم للغريب
عَش اوازي نفسي ع الغريب و اعرف ما اصيرلو ؟
115
يَاسمين : بس ترى الواحد مو بكيفك هو الگلب يحب بكيفة !
و دائماً يحب الناس الصعبة
164
ارشد : هلا بالعاشگة
يَاسمين : مو اني بس يعني اقصد
721
ارشد : يولي الدنيا مالها آمان إحنة گلوبنا مَچوية من الغرب
لهلسبب چزت أرواحنا و نِيران بت عمي الشيخ ماشي انا وياچ
خلها تحب ما لزمت گلبها عاد اكضب روحي لخاطر عگال ابوي
117
يَاسمين : لو انتو موافقين عليه كل هذا ما صار
ارشد : لا لو هيَ عدها نَفسها عَزيزة ما صار گلشي أدوسو للگلب
ساعة اليوصل للشرف
178
يَاسمين: امممم
ارشد : چثير بنوات يعشگن من حق كل گلب يدگ لبشر
بس هو تجربة لو تصيب لو تخيب و الوكت كفيل يخلي الانسان ينسى
و تعويضات رب العالمين حلوة دائماً
109
يَاسمين : الحب حلو ؟
ابتسم و مسح شواربة
ارشد : ما مجربتو ؟
هزيت راسي بــ لا ،،، أردف هو بهدوء .. يشگ شَگ
1.1K
– وين رايحين ؟
– ما أشتاقيتي لبغداد ؟
– لا و المدرسة عزا !
ارشد : مَيطول ابو قيصر گلبو رچيچ يومين و يجي
يَاسمين: لعد ليش اخذتني ؟
32
ارشد : اريدو يشيل من راسو انتي تردين الزينة بـ شينة
و تبقين حالچ حال بنواتو ميضل شايل بخاطرو منچ
– يعني اني هَسة غلطانة ؟
33
– رَب الغلط
يَاسمين: لعد شعجب ما عاقبتني ؟
أرشد : اممم هواي تحبين العُنف … و إبتسم
1.1K
– يعني شنو ؟
أرشد : چنت حاسب بيوم من الايام تخطين هالخطوة
لأنو اني هم كاسرة خاطري بَس ابو قيصر ميقتنع
– معناها مغلطانة!
42
ارشد : غلطانة لانُ هيچ مواضيع متخصچ وتتفهمين
انُ هي جزائها الموت بس هو من حبو الها ما كتلها
132
– الموت مو شي سَهل
– لكن مُريح لمثل هالحالات ، احلف عنها انُ هي هساع تتمنى الموت
و لا تندفن بالحياة
سكتت .. سندت راسي ع الجامة و غَمضت عيوني
48
گعدت على صوتة و احنة واصلين والله اخذ جائزة الاوسكار
بالنوم العميق نزلت على المكان حيصير سنتين من تركتة
يعني سنتين احبة و ميدري ؟
305
كلشي نفس مكانة ممتغير گلتلة جيب منظفات حتى انظف البيت
أبتسم و حَك خَشمة
– ها صرتي مَرة ؟
868
أنصدمت على جرائتة و اني الحاسبتة ثگيل
جابلي كلشي احتاجة وراح احب هذا البيت احبة احسة دافي
لبست تيشيرتة ونضفت و غسلت تراكي بس الجو شتاء ومينشف بساع
و هو البيت مابي غسالة حتى انشفة غسلتة و تورطت
68
و الدُنيا باردة فتحت الكنتور عندة فَروة جوزية حلوة لبستها و غطيت
حتى راسي من البرد بس والله تدفي نزلتها من راسي تسحل وراي
ورداناتها طوال طالعة بيها قرقوز
611
اجة هو بالليل جايب اكل انطاني و حاصرتة الضحكة
– شيليها لا تمسحين بيها الگاع يولي عزيزة على گلبي
– و قحط ؟ غير ماكو هدوم
– مو قحط يطرگاعة بَس تنعدم حرامات
181
شلتها من چتفي و خليتها بأيدة ما باوعلها ضل يباوع على منظري
ماعرف على تيشيرتة فاتح عيونة كل وسِعهن درت وجهي ومشيت
رجع خلاها على چتفي
– ولي ولي أخذيها وروحي
744
گعدت بالغرفة و الدنيا ضوجة حتى تليفوني عفتة هناك مَر وقت و دَگ الباب گتلة فوت
– ما أشتاقيتي للسلاح ؟
ابتسمت و گمت ويا گعدت هو فاتح كل الصناديگ
17
أعبي الشواجير و هو يدخلهن بالاسلحة و ينضف بيهن جان تليفون
مثبت على واحد من الصناديگ كام اخذة و طفا
اتصل عليه ابو فزعة كاميرة ثبت الجهاز و فتح خط
47
يشتغل ويسولف ويا اني ضليت ساكتة بَس هوَ خليت
طلق غير سلاح بنوع ثاني وصاح
– مو هيچ يَغضب انثولتي مناك اخ…
وبعدها استوعب هو فاتح كاميرا وي ابو فَزعة
227
ابو فزعة : لا لا كَمل و اني اگول ليش مستمتع بالتنضيف
والله لو تدري الفَرخة هنا متدور طلعت ببغداد ماخذ راحتك
186
ارشد : ههههههههه طاح حظك اني ادور نسوان من تالي
ابو فزعة : جا منو اليمك
– صاحبي
– والعباس جذاب خل اشوفة
92
هو صار يضحك بصوت عالي عفت السلاح و أنغرمت بضحكتة
ابو فزعة : منو انتي ولج عندة وحدة تهجج بالعباس
ارشد صار ميكدر يتنفس من الضحك
279
ارشد : كافي يولي عيب لتصير ملگلگ
ابو فزعة : وعلي عيب عليك جا وين الحب و يا گمر عندي حَبيبة !
اخذ التليفون و طلع برة يحچي ويا
806
و ضليت اني التفكير اخذ نص حيلي يعني يحب وحدة ؟؟
لعد ليش يسوي وياي هاي الحركات !! ولچ هو انتِ ويامن عندچ حظ
تريدينة يگعد ويا عفت السلاح و طَبيت للغرفة
354
غطيت راسي و دموعي صارت عين تتسابق وي عين منو تنزل اكثر
ايدي على گلبي و اغرس اصابيعي بي بلكي يوگف و يخلصني
تالي هذا كلة يطلع عندة وحدة بحياتة
218
طبچ مرض ياسة تستاهلين هو ما وعدچ بشي انتي صارلج سنتين شايلة روحچ و راگعتهة الله ينتقم منك شكو تعلقني بيك انتفضت صرت افتر بالغرفة و مادري شنو اريد رجعت للفراش و ما اجت ببالي غير امي
اتعاتب وياها
67
صدگ يهون عليج بتچ هيج تتعذب و عايفتها شوكت تاخذيني يمچ گلبي تعب و انتي متحسين بية و لا الگدر يعوض شوية من حنانكم يحس بية تعبتوني والله سمعت اذان الفجر يأذن
29
يارب عينك علية والله ماعندي غيرك
61
نمت و گعدت على أيد تتلمس جبيني احس جفن عيوني مورم من گد البچي وبلاعيمي توجعني فتحت عيوني هوَ و واگف ابو قيصر ورا
56
أرشد : بيج يول ، البارحة كلشي مابيچ
ما جاوبتة گعدت و اني عضامي ما اگدر احركهن
.. الينام و بگلبة جَرح يگعد وجع بعضامة..
656
سندت نفسي و گمت لزم ايدي هوَ سحبتها و طلعت من الغرفة
رحت للمطبخ اغسل وجهي و عيوني مراهنات على فضيحتي
طلعت بالگراج اجاني هوَ لزمني من چتفي
– شبيج عَش تبچين
– مابية بس عيوني تحرگني
– عَلية هالحچي ؟
131
عفتة ودخلت ابو قيصر گال يالله تروحين ؟ الامتحانات لتفوتچ
هزيتلة راسي بــ أي
22
أرشد : ترحين لو تضلين هينا عادي ياخذولج اجازة
ما جاوبتة گلت لابو قيصر عمو اروح وياك
رغم شكلي التعبان بَس هم اثنينهم يبتسمون احسهم يتشمتون بية
355
طلعت وي أبو قيصر و هو مد راسة يحاچيني
– يابة عش متحجين وياي شمسويلج ؟
درت وجهي و هو گرص خدي و باسة ايدة تحركت السيارة و اني امسح بدموعي و ما الحگ
143
ابو قيصر ابد ما فتح وياي اي موضوع وصلت للبيت كعدت اقرا بأمتحان باچر و أوعد بنفسي من اليوم تنسي و تتأدبين كافي تعبت من هالعلاقة الصعبة لو يحبچ چان كال
170
احس البنات نظراتهم الي مو مثل قبل بس اني جنت محتارة بمصيبتي
و الامتحانات الشهرية ورا فترة رجعن طبيعيات سولفت لدُرة گالت همزين ما كتلوچ لو خلوج بمكانها
238
….
سَميحة
68
عرفت بحبة القوي الها بالتغيير الي صار بحياتة منو گال بيوم ارشد
راح يبطل من اغنيتة الي سبتنة كل هالسنين و يصير يسمع اغنية
توصف جمال حبيبتة ؟
117
وهو گاعد بالهول چان فاتحها و طارب يم امي سَهلة
و المُغني نفسو الي يغني ون بوية ون
58
لمن وصل هالمقطع صار يغني ويا و يدخن
31
انا عاشگ يا گمرنة و انتظر موعد حَبيبة
شوفت الوجنات فِضة و لون سنبل هالگصيبة
يا گمر غني حچيها
و يا نَجم سير عليها
غَني يا لَحن الوصال ..
..
1K
يا گمر عندي حَبيبة احلا من كل البنات
من طبع دجلة وفاها عيونها بلون الفرات
موعد و شاطي جفنها
غارت الحورية منها
بيها أشكال الدلال ..
..
733
سَهلة : من غير ما دگول اسمها وصفتها الاغنية
ابتسم و عضلها شفتو حتى محد يسمع
عبالهم اني ما اعرف
136
من دحكتو صعد اخذت تليفون ابوي و خابرتو تطمنت عنو
و انتعشت لمن گال اليوم اجي ياربي احب الكلام ويا
103
انتظرتهم يدخلون غرفهم حتى اطلعلو انتظرتو جثير وهو ماكو لمن ردت اطب سمعت واحد صوّفر عرفتو هوَ
– هلا بالمايجي واحد بدالة
176
سَميحة: شونك
هَيثم : واگف يمچ وتسئلين والله عيب !
113
سَميحة: هيثم و التالي شلون عجل انا ما استاهل تتغير لخاطري !
هَيثم : عمي والله حتى صلاة بديت اصلي اعددلج الانبياء ما خليت كتاب اسلامية يعتب علية ؟
188
– ههههه عفية
– تحبيني سَميحة ؟
سَميحة : كاسرة بأرشد لخاطرك
– اشتعل ارشد و ابو ارشد
– لتغلط يووو
93
– الاسبوع الجاي راح اجيكم ولو راح انشحت من ابوج بس مو مهم
من طلب العلا سهر الليالي
180
– ههههههه مالة دخل
هَيثم : المهم حسيتة يطابق الحديث
32
حسيت نفسي تأخرت لان جنت انتضرو ودعتو و رجعت لگيت سَحر واگفتلي بالباب هي خرعة من منظرها و من مصيبتي
سَحر : اممم تتمعشگين يالمُتدينة ؟
سَميحة : لا جنت طالعة اشم هوى مختنگة
– علينا ؟
327
تركتها و فتت للغرفة اندب حضي صار سنة و اني احمد ربي محد لزمتني و هسة صار الخايفة منو سَحر مرت فراس يبو شنو من سِم شايلة
بس تخاف من فراس و أرشد
اما شروق اختها لا اهون منها
41
….
دُرة ..
49
بديت أداوم معهد تمريض بعد ما عمي بالگوة قنعتا وبيوم رجعت و التعب ماخذني لگيت سيارة عمي بالباب گلبي لِعب دگيت الباب و تأخرو يلا فتحو
268
هو سلم علية و طلع عكس امي الي جانت متوترة
سئلتها شعندة هنا گالت جابلنة مسواگ
614
بدلت و كالعادة اتصلت بياسة الي تحچيلي يومية كل احداثها
المشكلة بيها تمشي ورا گلبها و الگلب مو دائماً هو الطريق الصَح
51
ولعت نفسها بحبة و هسة تريد تنسى وهي بَعد لو يجيها الف رجال
ميملون عينها لان هو أحتواها بوقت محد الها مَرمرتها الدنيا حيل
75
…
يَاسمين
23
اتصل علية اكثر من مرة بس ما اجاوبة اني اريد انسى
سولفت لسمر گالت مستحيل خالي يحب وحدة چان امي گالتلنة
لان هو كلشي يگول لابوية
50
بدت امتحانات نصف السنة و امتحان ورا امتحان خلصت
و هو بَعد بَطل حتى يتصل كل الي بنيتة هاي الفترة من قوة و أنهدم
باللحظة الي سمعت ابو قيصر يگول لمرتة هالاسبوع يسافر لسوريا
سِت أشهر
174
يمة شلون بية ؟ شسوي و أرتاح لو ما حرام الانتحار والله اخلص نفسي
و لا هالعذاب اتصلت عليه ما جاوبني حِزني يزيد مَينقص
56
ثاني يوم من رجعت من الدوام لگيتة متصل رجعت خابرت جاوبني
ارشد : هلا بالبذات
يَاسمين : صدگ راح تسافر ؟
– اممم مو گايلچ من زمان
67
يَاسمين: لَتروح اموت
أرشد : ول بوية اسم الله عَش يموت الحلو
– اني ؟
– عجل اكو حلو غيرچ ؟
345
سكتت .. بعدها هو حچة
– شونچ ؟ دراستچ ؟
– زينة
اريد اسدة و اصير ثگيلة بَس ما أگدر
26
يَاسمين: سؤال عادي ؟
– اممم جواب
يَاسمين: تحب وحدة ؟
أرشد : اممم كلش
يَاسمين : لعد ليش مدگلي ؟
أرشد : يهمچ ؟ مادري ! اي من زمان أحب وحدة بگدچ
يَاسمين : بس هواي فرق العمر !
390
ضحك و أردف
ارشد : هي قابلة و تحبني شسوي ! اتركها
يَاسمين : لا خطية طبعاً ، لعد متزوجها ؟
ارشد : من ارجع من السفر
544
احس روحي اختنگت اذا اكمل بعد اموت سديتة بوجهة و دخلت للحمام ابچي يعني صارت صدگ !! طلعت شافتني سمر گالت شبيج سولفتلها كالت بس والله مگايللنة و لا ندري بي يحب
140
سَمر : اصلا احنة كلنة نگول يحبچ انتِ وحدة من الاثنين لو صدگ يحب لو گاعد يضحك عليچ
110
ضليت على الامل الثاني عصام صار هو ياخذنة و يودينة لان اشترة سيارة بس هو الحلو جان سبورت مرات من نطلع من المدرسة يفرنا و يخلينا ننزل للاسواق يعني حباب
155
چنة گاعدين بالمطبخ و رونق تسويلنا بيتزا اندگ الباب طلعت مَلاك فتحتة دخل و هوَ لابس رَسمي و قيافتة على أخر حَبة جنطة السفر بأيدة دخل يمنة سلمن عليه البنات و يباوعلي بأبتسامة نَرفزني گعدت على الميز و عطرة يمشي قبلة
94
جابتلة اختة قيصر و خلى بحضنة يبوس بي
ام قيصر : يوم الي ندحك ابنك بحضنك
ارشد : أن شاء الله
117
عفتهم يحچون و صعدت فوگ ادري بقائي ميجيبلي غير الاذية
اني لا اصير قوية و لا بطيخ أكوم احسن شي
رحت يم الشباك اباوع شوكت يطلع يا ربي والله هواي سِت اشهر
يعني تخلص هالسنة و تخلص العطلة و هوَ ماكو
35
شوية و أنفتح الباب كل ضني وحدة من البنات ضليت على وگفتي اباوع
لحد ما أيد خَشنة غَطت عيوني و جسم ضَخم صار وراي
جِسمي بَعد ما أكدر احركة و گلبي دگاتة مَفضوحات
هِمس يم أذاني
أرشد : إيمتى هالخشم اليابس يلين
يَاسمين: وخر شعندك هنا
410
ما جاوبني دار وجهي عليه ورفعني من الگاع وأيدة حاوطت جسمي
صار وجهي مقابل وجهة بالضبط
يَاسمين : شدتسوي ؟
أرشد : أشتعلت مَريم على هالامانة
545
يَاسمين: عوف امي
طُبع بوسة برگبتي و نَزلني .. أحبچ يطرگاعة
گالها و طلع مو كِلمة چانت عَوض لكل دمعة نزلت بهالسنتين ..
4.8K
تدري شگد احبك ؟
والله لو تدري !
لان يگضي العُمر ما أصيحلك عمري
..
507
رسُل فهد
