رواية اميرة بقلب سجان الفصل الثاني 2 بقلم رحاب ابراهيم

رواية اميرة بقلب سجان الفصل الثاني 2 بقلم رحاب ابراهيم 

الفصل الثانى من رواية  أميرة بقلب سجان 

اميرة بتساؤل…. بقولك يا نورا لقيتي حاجة فى الجرنال؟
نورا بخيبة … للاسف لا مافيش شيء يناسبك خالص يا اميرة بس هتلاقي اكيد وهاجيبلك الوسيط بكرا واكيد هنلاقي
نيرمين بعصبية تمسك هاتفها وتتصل برقم
نيرمين بصوت عالي … الووووووووو
جودى …… نيموووو عاملة ااايه يا حبي
نيرمين … انا. كويسة اووووى احسن من ناس كتير ( تعمدت أن تنظر لاميرة لكي تستفزها ولكن اميرة تنظر بجرنال اليوم )
جودى ….انا بقى مش كويسة خااالص يا نيمو
نيرمين .. ليه ماالك ؟
جودى …. تيتة يا ستي مش راضية تخليني أخرج يعنى ده جزاتي أني جيت ابات معاها يومين اتاري كل عيالها سيبينها ومحدش معبرها فيهم وعايش معاها ،، تصوري دي بتقولي ماتخرجيش بعد الساعة ١٠!!
نيرمين … نعم عاشرة ده ااايه دنا بصحي عاشرة اصلا انتي بتهزري اكيد !!
جودى … والله ما بهزر قالتلى كدا بجد
نيرمين …. طب يعنى مش هاتيجي النهاردة ده حتى النهاردة المز بتاعك هيبقى موجود
جودى … ماتفكرنيش بقى يا نيرمين انا بحاول انسى دنا بقالي شهر مستنية عيد ميلاد داليا اخته عشان اعرف اشوفه ويوم ما يجى ادبس التدبيسة دى 
نيرمين … يا حظك يا جودى طب ماتحاولي تفلتي منها من غير ما تشوفك
جودى … انا بقالى ساعتين بفكر اعملها ايه مش عارفة ومش لاقية حل دى مرقباني ولا كأني فى سجن
نيرمين … لو معاها اي مرافقة ليها او ممرضة خليها تشغلها شوية لحد ما تطلعى
جودى … ههههههههههههههه ممرضة او مرافقة انتى طيبة اوى يا نيرمين
دى بتطلع عين اي ممرضة او مرافقة تيجيلها وبطفشهم وبتعاملهم اسوء معاملة
نيرمين … ااايه ده هى شرسة اووى كدا ؟!
جودى ..هى مع احفادها وولادها حنينة جدا وبتبقى مع الممرضات وحش بتكرهم بس انا عارفة هى بتعمل كدا ليه
نيرمين بفضول(وهى تفكر فى امر ما وتنظر الى اميرة والجرنال ) … ليه
جودى … هى بتعمل كدا عشان عايزة حد من عمامي يجى يعيش معاها مش عايزة حد غريب
نيرمين … اممممممممم بصي مش مهم ده كله هتيجى ولا لاء
جودى … هحاااااول ويلا سلام عشان ما تسمعنيش
نيرمين . سلام باااى
وقفلت الخط وقامت لتجهز نفسها لحفلاتها اليومية الذى لا حصر لها
وظلت اميرة تبحث فى الوظائف بعيدا ولم تبالى باى حديث دار
فى حين ان نورا قد انتبهت الى بعض من الحوار الذى دار للتو ولكنها لم تبالى ايضا
………………………………………
فى حفلة صااخبة بأحد الفلل الفخمة يلتفون عدد كببر من البنات والشباب حول تورته عيد الميلاد ويحتفلون بعيد ميلادها ثم لمحت نيرمين جودي من على بعد وذهبت اليها مرحبة بحرارة
نيرمين … مش مصدقة جووووودى فلتي ازااى يابنت اللذينة
جودى ….. هههههههه مش قلتلك هحاول وادينى نجحت
نيرمين …. عرفتى تهربى ازاى ؟؟
جودى … اديتلها منوم قولتلها ان بطني وجعاااانى اوى وهتصل بحد يجبلى دوا من برا وروحت اتصلت بواحد صاحبى يجبلى منوم عشان مش عارفة انزل وحطيتهولها فى العصير وشربته من هنا وبعدها بعشر دقايق نااااامت
نيرمين بقلق … .انتي متاكدة من الدوا ده ربنا يستر ومايحصلهاش حاجة
جودى وقد بدء يتسلل لها بعض الخوف … ماتخوفنيش بقى سيبينى اروح اشوف حبيبى دنا مش همشي النهاردة غير لما اخد رقم فونه وبعدين طارق قالى انه هينيمها وهتقوم عادى بعد كام ساعة
نيرمين …طاااارق  الله يخربيتك ربنا يعديها على خير
وعموما يلا بسرعة ادخلي اصل المز البنات نمل حواليه وممكن واحدة تعلقه منك
جودى … طب تبقى واحدة تقربله كدا 
ٌّ……………………………………
فى أحد المباني الضخمة فى منطقة راقية جدا بالقاهرة وفى الطابق الثالث يوجد شقتين مطلة احداهما على الاخرى، منهما شقة تخرج منها سيدة بسيطة يبدو انها الخادمة مسرعة و لاهثة للشقة المجاورة حتى دقت جرس الباب بخوف واضح واكملت بيديها دق على الباب حتى ينجدها أحد وبعد دقيقة فتحت لها سيدة فى أواخر الخمسينات من عمرها ويبدو عليها انها مدبرة منزل أو رئيسة الخدم
الخادمة … ااااااالحقيني ياااست سعااد
سعاد …. مااالك يا سنية فى اايه
الخادمة .. الست الكبيرة مش بتنطق وعمالة اصحي فيها تفتح عنيها وتغمض ومش بتقوم خااالص
سعاد .. مايمكن نايمة وتايهة فى النوم شوية يابت
الخادمة .. لا مستحيل هى مش بترد عليا انا خايفة لايجرالها حاجة ياااالهوى
سعاد .. طب استني هستأذن واجيلك روحى انتي ولحظة واجيلك
الخادمة .. بسررعة والنبي يا ست سعاد ابوس ايديك
سعاد .. حاضر روحي انتي بس
ثم هرولت الخادمة الى الشقة مرة اخرى ودخلت على سيدتها وهى تبكي واقتربت منها وأخذت توقظها على امل أن الاخرى تفيق
الخادمة … ياست صفية ياست صفية والنبى تقومي انا مش عارفة اعمل حاجة وخايفة يچرالك حاچة ولا عارفة اروح لدكتور ولا عارفة أقرأ اي اسم من عيالك واتصل بيه
………………………….
دخلت سعاد الى الشقة الفارهة الثراء حيث رأت احدى الخادمات تحمل صينية وعليها كوب من القهوة وكوب ماء وكانت تقترب لغرفة المكتب نظرت لها سعاد بحدة
سعاد .. انتي يابت انتى راايحة فين؟
صباح …. البيه بعت الحارس وطلب قهوة يا ست سعاد وانتي ماكنتيش هنا
سعاد بغيظ …. ناديلي…..لو مش موجودة نادى عليا او استنيني انا بس هنا اللى ادخل للبيه فااااهمة
صباح بخوف … حاضر ياست سعاد حااضر
سعاد .. هاتى الصنية دى وغوري انتي
ثم اخذت صينية القهوة واقتربت من غرفه واسعة ودقت بخفوت حتى اتاها صوت رجولي عميق
تغيرت ملامح سعاد الى الابتسام فى لحظة ووضعت فنجان القهوة على منضدة صغيرة بقرب المكتب فهى تعودت على ذلك وتدرك النظام
سعاد … قهوة حضرتك يا ادهم بيه
بحيث كان الاخر مواليها ظهره وينظر الى النافذة الكبيرة وهو متعمق التفكير
ادهم ..سبيها ومادخليش حد عليا نهائى
سعاد …. ادهم بيه كنت عايزة استأذن حضرتك اروح اشوف الست الكبيرة اللى فى الشقة اللى قصادنا عشان تعبانة جدا ومحدش معاها
ادهم باستغراب … طب وبتستأذني ليه !!هى دي حاجة محتاجة تستأذنيني روحي وهكلم الدكتور بتاعي يحصلك
ثم ذهبت سعاد متجهة لجارتها المريضة …….
……………..
بعد مرور نصف ساعة
وقد بدأت المريضة تفيق بعض الشيء
الدكتور معتز … حمد الله على سلامة حضرتك
المريضة وهى فى حالة إعياء … الله يسلم ..ح ضرتك اايه ال اللى حصلي
الدكتور .. هو حضرتك بتاخدي منوم أو اي دواء فيه نسبة مخدر
المريضة بنفي .. لا
الدكتور … انتي خدتي دواء عملك هبوط حاد وانتي ما استحملتيهوش بس ربنا ستر ارجوكي ماتخديش اي دواء الا بعد ما تستشيرى دكتور متخصص لحالة حضرتك النهاردة بفضل الله عدت على خير بس المرة الجاية الله اعلم .. وانا مش كل مرة هيبقى عندي اجازة وأجيلك بسرعة  وابتسم لها ابتسامة واسعة حتى بادلته ابتسامة حزينة
المريضة .. هو حضرتك ساكن جنبنا هنا .. اصلك لابس ترنج مش زى الدكاترة خاالص
الدكتور بمرح … بحب ابقى كاچول معلش وبحب اجري شوية بعد العشا 
المريضة .. وتجري ليه يابني!
الدكتور بتسلية… مش لازم اجري على اكل عيشي واديني جتلك اهو 

استأذن انا بقى .. السلام عليكم
ومن ثم خرج وفى خروجه خرجت وراه سعاد
سعاد .. يا دكتور استنى
معتز .. ايوة يا دادة فى حاجة ولا ايه ؟؟
سعاد … هى ست صفية مالها وعندها اايه بالضبط ؟
معتز بإيضاح .. بصي يا دادة هى مايحصلهاش كدا الا لو اخدت نوع مخدر عااالي جدا عليها لأن مش كل انواع المهدئات ممكن تعمل كدا دي كان ممكن تروح فيها
سعاد … طب الحمد لله يادكتور ربنا سترها صحيح قبل ما انسى ادهم بيه بعت وبيقول لحضرتك روحله بعد ما تخلص
معتز بتذمر… اوك رايحله من نفسي هو انا هخاف منه يعنى بعضلاته دى 
سعاد ضاحكة … هتفضلوا ناقر ونقير طول عمركوا
……………
رقصت چودى على اغاني الحفلة البطيء منها والسريع حتى تلفت إنتباه حازم أخو صديقتها داليا ولفتت انتباهه بالفعل وتحدثوا كتيرا وتبادلوا أرقام الهواتف وصمم أن يصلها الى المنزل بنفسه حتى التفتت الى نيرمين التى كانت تشير لها من بعيد ،،، استاذنت من حازم وذهبت لنيرمين
جودى بسعادة …. نيموووووو شوفتي ههههههههههههه انا محدش يقدر يغلبني ابدا الواد بقى فى ايدى خلاااااص
نيرمين بسخرية … انتي متأكدة انه هو اللى فى ايدك يعنى مش العكس !
جودى بثقة … ايوة طبعا انتي مش شايفة ولا ايه انتي ما شوفتيش لما سا…
نيرمين مقاطعة … بس بس خلاص شوفت بس خلي بالك من نفسك بقى ها خلى بااالك 
جودى … طيب طيب انا همشى بقى عشان حزووم
نيرمين بضحكة عالية … طب يلاا عشان حزوم بيناديلك يا حلووة
ذهبت جودى لحازم ودخلت سيارته بعد ما فتح لها باب السيارة بشكل تمثيلى
ومن ثم ذهبو متجهين لبيت جودى
………………………
فتح معتز باب غرفة المكتب دون استأذان
معتز … يعنى تجبنى على ملا وشي من اجازتي وقلنا ماشي واجب الصحاب
تقولى انك انت اللى تعبان واجي بالترنج الاديدس جري ملحقش أغير وقلنا معلش ده العشم
الاقي حد تاني اللى تعبان ومش انت اصلا .. بيوجب مع الجيران.. تعدي
لكن اجي اسلم عليك وانت مديني ضهرك كدا يبقى اللى زيك مش لازم يعيش ليوم التلات 
ادهم بابتسامة…. انت بتشرب المحاليل بتاعت المستشفى عشان تبقى خفيف كدا يا دكتور .!؟
وتعانقوا طويلا باشتياق الاصدقاء وسط ضحكات كلايهما
ادهم بعتاب .. ٣ شهور ما اشوفكش فى صاحب ندل كدا
اجاب معتز بمرح… كنت مسافر والله انت عارف انا مش فاضى احلق  ومسافر تانى الاسبوع الجاي 
ادهم .. اه ماهو باين على شكلك الله يعينك
معتز بأعتراض .. شكلى ماله شكلي منا مز اهو ولا عشان مش عنيا زرقا ولوني مش اسمر زى حضرتك وماعنديش تفاحة ادم
ادهم .. نفسى تتكلم دقيقتين على بعض من غير افيهاتك البايخة
معتز .. خلينالك انت الهيبة ياعم المهيب تلاعبنى رست 
وفضلو هكذا كعادتهم ……….
………………….
وصلت جودى امام المنزل وهمت بالنزول ولكن حازم امسكها من معصمها
حازم بمكر …. مش هاشوفك تاني؟
جودى بخجل … انت عايز تشوفنى تاني؟
حازم بخبث …. لو انتي عايزة فأكيد هكون حابب ده اووى
جودى … لما تحب تشوفني رقم فونى معاك اوكااى 
حازم بابتسامة ماكرة كالثعلب… اوك ياقمر
جودى .. باااى…….. وخرجت من السيارة وهى في منتهى السعادة
حازم بااااى  وذهب مبتعدا
……………………..

معتز …. طيب انا جيت رفهت عنك شوية بدل ما حياتك شبه الفيلم التسجيلي كدا  امشى انا بقى 
ادهم … اتفضل الباب هناك اهوووو.
واخرج المسدس من درج مكتبه ووضعه امامه واكمل
ادهم … لو قلتلك اقعد ولا خليك شوية اضربني بالمسدس ده 
معتز … ماشى يا حبيب قلبى حاضر المرة الجاية اجيب معايا طلق  ولا اجبلك ابرة طلق  اسهل اسهل 
ادهم كتم ضحكته …. عندي اجتماع بكرا ومش فاضيلك خد الباب وراك
معتز وهو خارج …. واخد الباب ليه مانا عندى باب شقتي ابلاكاش عاشق ومعشوق ،،،مترين فى متر ونص ومتاخد وش بويه معتبر احلى من ده وبعين سحرية 
مش زيك يخربيت دى عشرين جنيه اللى تخليك تتغر  انا ماشى ياعم 
وكعادتهم ايضا يبدأون لقائهم بضحك ويفترقون بضحك خرج معتز من الشقة ونزل أول درجات من السلم حتى سمع اصوات كعب حذاء نسائي تبدو انها تصعد ونظر لأسفل حيث رأى جودى وهى تجري ويبدو عليها الفرحة وتصعد درجات السلم كالطفلة
معتز ببسمة واسعة …. الله ايه ده مين العسولة دى  هستناها على ماتطلع 
ولا انزل ونتقابل صدفة والكتب تقع على الارض ونبص لبعض والموسيقى تشتغل ؟؟؟
لا لا دى لابسة فستان سهرة كتب ايه اللى هتقع ؟ طب ايه اللى هيقع ؟ اقع انا ويغمى عليا  لا بردو 
وبص لملابسه يا فضحتي  الترنج الاديداس   داروني يناااس 
استخبى فى الاسانسير ؟ لا هو انا حرامى شباشب 
وقف على السلم ووضع يديه فى جيبي بنطاله بمنتهى الثقة وجودى وصلت الى شقة جدتها
معتز مواجه جودى على السلم .. كنتي فين يا هاااانم وايه اللبس ده ؟
جودى نظرت له باستغراب واعتقدته مجنون او يشبّه عليها … نعم ؟؟؟ انت مين وبتكلمني كدا ازاى اصلا !!!!!
معتز … انا مبسوط انك سألتي السؤال ده  انا معتز دكتور باطني واسنان 
كادت جودي أن تضحك ولكنها اسرعت الى الشقة غير مبالية به وتركته يقف وحده وقفلت الباب فى وجه
معتز .. حبتني 
………………………..

كانت نيرمين تقود سيارتها حتى اتاها اتصال من جودى
نيرمين …. الوو اايه يابنتي ههههههه انتي ما عرفتيش تنامي من كتر الفرحة ولا ااايه
جودى … طب اتنيلي واسكتي  جيت لقيت تيته تعبانة والدكتور جالها وكشف عليها وكانت ممكن يجرالها حاجة لولا ستر ربنا وحاولت ادخل عليها طردتنى من اوضتها وقالتلى انى انا السبب فى اللى جرالها وانى كنت عايزة اموتها عشان ارتاح منها 
نيرمين بتفاجئ.. معقوووول ده حصل بس هى عرفت منين انك السبب ؟؟
جودى بضيف .. انتي بردو يا نيرمين هتقولي اني السبب انا ماكنتش عايزة اموتها مستحيل طبعا كنت بس عايزاها تنام ساعتين لحد مارجع المشكلة والمصيبة بقى أن بعد ده كله وأول ما دخلت اوضتي حازم اتصل بيا وقالي انه عايزني اسافر معاهم اسكندرية اسبوعين وعايز يتعرف عليا اكتر واني وحشته اوووى مجرد ما سابني
نيرمين بسخرية … الحنين!
جودى بعصبية .. مش فايقة لكلامك قوليلي اعمل اايه؟
نيرمين وقد هب فى افكارها شيء وابتسمت بمكر شرير … جودى هى جدتك دي شرسة جدا صح ؟
جودى بتأكيد… جداااا
نيرمين طب بصي بقى واسمعيني للاخر وهتنفذي كلامي بالحرف اوك
جودى … لو خطتك هتخليني اعرف اسافر مع حازم موافقة طبعاااااااا
نيرمين …. تماااااام اسمعي بقى …………
…………………………..
اميرة قد يئست من البحث فى الجرنال ولا يوجد اي وظيفة مناسبة ليها نهائي
اميرة …. كل الشغل اللى موجود وقته كبير جدا مش هيمشي مع محضراتي خاالص يا نورا
نورا … انتى هتيئسي من اولها لا اصبري كدا وهنلاقي إن شاء الله
اميرة …. يا مسهل الحال يارب هروح اصلي العشاء عشان ما يروحش عليا
نورا … ماشى حبيبتي
ذهبت اميرة للصلاة فى غرفتها وبكت لربها من الحزن،،
ليلى خرجت من غرفتها بهدوء وهى مترددة بعض الشيء وجلست بجوار نورا
ليلى … نورا هى اميرة فين ؟؟
نورا باستغراب … رااحت تصلى ليه !
ليلى .. ليه اايه بسأل عليها .بلاش
نورا …. لا ياستي هى راحت تصلي ادعيلها ربنا يصبرها
ليلى … ربنا يصبرها يااارب ويوفقها وتلاقي شغل كويس
نورا بتعجب … ااااامين .. بس اايه الحنية دى يا ليلى !
ليلى بقلق … حنية !! هو انا قاسية اوي كدا طب ايه رأيك بقى اني لقيتلها شغل من كتر ماهي صعبانة عليا ونفسي اساعدها قعدت اسأل صحباتي على شغل
نورا بصدمة ….. ااااانتي !!!!! طب وشغل ايه بقى إن شاء الله ؟
ليلى بشرح… بصى اعرف واحدة من صحباتي جدتها تعبت اوووي النهاردة وهى بتغرق فى شبر مية وغير كدا إن وراها سفرية مهمة اووووي لازم تروحها وهتقعد شهر
نورا بتفكير…. اه كملي
ليلى …. على فكرة انا شايفة إن الشغلانة دي انسب شغل لاميرة المكان فى منطقة هااااى اوووى وكمان قررريب جدااا من الجامعة عشر دقايق كدا يعني مش هيبقى فى مواصلات اصلا وكمان إقامة والست عايشة لوحدها وفى حالها
نورا بتمعن … طب واميرة هتعملها ااايه يعني؟
ليلى متحمسة … اميرة هتبقى الممرضة بتاعتها هتظبطلها مواعيد الدواء وتقسلها السكر والضغط وتقعد جنبها اكنها عايشة مع والدتها
نورا بتساؤل… طب ليه صاحبتك ما تجبش ممرضة ليها ؟؟؟
ليلى … جدتها تعبت النهاردة والبنت المفروض هتسافر بعد بكرا ومافيش وقت تتدور على ممرضة وكمان هى عايزة حد يكون موثوق فيه مش اي حد
نورا …. طب ماشي يا ليلى هشوف الموضوع ده واقولك
ليلى بغيظ ….. تقوليلي اايه هو انتي اللي هتشتغلي وانتي مالك
نورا بإعتراض … لا مالي واميرة بعتبرها اختي وهفكر معاها مش هسيبها لوحدها
ليلى … عموما قوليلها وخليكي فكرة الوقت ضيق وفى الف واحدة مستنية شغلانة زي دىي،، واه قبل ما انسى المرتب هيكون ٣ الاف جنيه فى الشهر
ثم ذهبت وتركت نورا تتخبط فى افكارها
نورا وهى تحدث نفسها … إقاامة ومرتب عاالي كدا عشان بس تبقى جليسة سيدة مسنة هى شغلانة ما تتعوضش لو بجد بس انا قلقانة من ليلى ومش مستريحالها
فاجئها صوت أميرة …
اميرة… نورا انا هشتغل الشغلانة دي
نورا وهى متفاجئة … انتي سمعتي؟
اميرة…. ايوة سمعت انا شايفة انها فرصة بالنسبالي ما تتعوضش
نورا … مش عايزين نتسرع، نروح ونشوف بس الاول
اميرة بحزن ….. لا انا اللي هروح لوحدي،، عايزة اعتمد على نفسى وأواجه الدنيا لوحدي ومتخافيش مهما كانت ليلى عملت فينا حاجات وحشة قبل كدا بس مش هتوصل للأذية اللي فى دماغك هى مش وحشة للدرجادي
نورا ….. انا عارفة انها مش مؤذية لكن بردو قلقانة منها
اميرة….. سيبها على ربنا
………………….
استمعت ليلى للحوار الذى دار بين اميرة ونورا وابتسمت بانتصار واتصلت بنرمين
نيرمين بلهفة…. ايوة يا ليلى ها عملتي اللى قولتلك عليه؟؟
ليلى ….. ايوة والحظ الحلو بقى إن اميرة سمعت لا وااايه هى اللى اقنعت نورا مش العكس ههههههههههههه زى ما كنا فاكرين
نيرمين بشماته……… ههههههههههههه هتروح لقضاها عشان تتربى وتبطل دور الملاك اللى عايشة فيه وعملالي ست البريئة
ليلى بقلق…. تتربى من غير اذية يا نيرمين مش عايزين نروح فى داهية
نيرمين بعصبية… اذية ايه يا غبية وانا هستفاد اايه لما تتاذى انا بس عايزاها تتربى شوية،، اقفلى يلااا انا وصلت اهووو عند البيت
اقفلت نيرمين الهاتف ووقفت بالسيارة امام بوابة العمارة وهى تضحك
نيرمين بسعادة…….. هابى تايم يا ميروووووووووووووو أخيرا هشوفك بتتذلي…..

الثالث من هنا