رواية امرأة في الاربعين كامله وحصريه بقلم نورا الرماحي
لكل قصة بداية ونهاية لكن قصتي هذه لها بداية وليس لها نهاية…
بعد ان سردت لي قصتها لاتعرف نهايتها..
وانا اترك لكم نهايتها… لاننا كلنا سوف نمر بما
تمر به عندما نصل لعمر الاربعين عاما
من حيث العمر لا احداثها…
اغلب القراء لم يصلوا بعد لهذا العمر والغالبية الاخرى ربما بهذا العمر…
فتعالوا معي نقرء احداث قصة حياة امرأة في الاربعين….
سوف نرى هيام تمثل كل واحدة منا
ربما
بجانب من جوانب حكايتها..
في الليل اختلي ب نفسي و اخلع قناع الفرح
المصطنع الذي ارتديه طول النهار..
انظر لشحوب و خطوط التجاعيد التى بدءت
تخطو خطوطها على بشرة وجهي
في المرآة و أسأل من انا …
……………………..
اني هيام اكيد عرفتو اسمي من كاتبتنا الحبابة والمبدعة نورا الرماحي…
حبيت تنقللكم قصتي وية العمر حتى اعرف اكو
مثلي وحدة دتعاني نفس معاناتى…؟؟؟
ربما البعض راح يضحك على سخافة عقلي
وتفكيري لكن اني انثى واصعب شئ على
الانثى انها تكبر بالعمر بدون ماتحس بنفسها
لحد اليوم الى تروح به للسوك…مثلا وانتى تتسوكين تلكين ابو المحل ولد شاب بعمر٢٧سنة..
يگلج هاج خالة هذا باقي الحساب..
وانت تنصدمين بهذا اليوم وتعرفين انتى ماعدتى شابة 
والوگت اخذ من ايامج وعمرج وانتي ماحسيتى…
والوگت اخذ من ايامج وعمرج وانتي ماحسيتى… خلي احجيلكم عن بيتنا (بيت اهلي)…
بابا.. موظف بشركة حكومية.. صحيح حالتنا المادية مستورة والمعيل الوحيد جان راتب بابا بس مع ذالك ماقصر على احد منا بشئ..
كلش جان يخاف علينا.. جنا نشوفه شلون يحترم حبوبة/بيبي (امه) ويبوسها من راسها وايدها كل مايروح ويرجع من الدوام ماما جانت بنت عمه مزوجها ارضاءا لاهله.
اما ماما… جانت حلوة كلش بيضة بخدود حمرة ،عيونهامكحلة من الله..
لذلك تشوفنا احنا ورثنا الجمال منها وشوية من بابا لان بابا هم جانت ملامحه حلوة وابيض وطويل واله هيبة
طبعا جان حجي لان ماخذحبوبتي للحج محججها ورة وفاة جدي الله يرحمه وهو عمره جان ب٣٠..
ورة ولادتى بثلاث سنوات اخذ ماما هم للحج وحجوا سوة..
ماما جانت متسلطة وكتلكم جانت ماتحب البنات هاى موبيدها على اساس هي موبنت جانت بيوم
وهسة راح تشوفون شسوت بينا..
عائلتنا متكونة من اب وام وبنات٤و٣اخوان وحبوبتي ام بابا…
عائلة سمعتها بالعالي ومرتبين من النوع الى تكدر تكول تعبانين على روحهم..
احنا البنات ينحلف براسنا وبتربيتنا الحلوة بين الاهل والناس..
الاخت الجبيرة ليلى (ام وليد) جانت مواليد١٩٥٩ حلوة تشبه بملامحها ميرفت امين ماكدر اوصفلكم بس راح انطيكم شبه لخواتى من المشاهير.
طبعا جانت مزوجة من جان عمري ٨اشهر وهي عمرها جان١٨مستقرة مع زوجها الي اسمه محمد ..
محمد…كلش نسيب معدل مواليد١٩٥٠ وشخصيةومحترم كان ضابط شرطة وكان دوم خفارات عنده..
لذلك لكونه من الارياف بالاصل واهله هناك وشغله ببغداد سكن ويانا هو واختى بنفس بيتنا لان ماما كانت تخاف على اختى ببيت وحدها اذا موقريب علينا
وهي زغيرة وحلوة فسكنت بداية زواجها يمنا..
كنت زغيرة وفتحت عيني عليه وكل ظني هو اخوية ومزوج وساكن ويانا
ومن صارعدهم ولد سموه وليدكان الفرق بيني وبين وليد سنتين اني ١٩٧٧ وهو١٩٧٩.
لذالك الي كان يشوفنا يكول علينا اخوة موخالته 
…
…وفعلا جنا نتعارك مثل الاخوان واظل اطرد بيهم اختي وابنها ويضحكون الكل علية واكوللهم خلي اخوية يبقي وهمة يروحون لاهلهم
ويظلون يفهمون بيه بان هي اختى ومحمد زوجها وظليت هيج لحدماصار عمري ٤اسنين يلة اقتنعت هي اختى ومحمد زوجها
بس هذا هم مامنع انو اعتبرته اخوية وهو هم لحد الان نحسه اخونا موزوج اختنا لان وكف ويانا طول عمرنا وبكل احزاننا وافراحنا وكفة ابن مو نسيب..
والله يطول بعمره لحدالان بيته مفتوح النا ولانتحجب كدامه لان مانحسه الا اخو…
وصار عدها بعد وليد٣ولدوبنية وحدة..
اختى الثانية …الي اصغر من ام وليد اسمها فائزة جانت مواليد ١٩٦٥ تشبه بملامحها الفنانة عفاف شعيب مكملة سادس ابتدائي وامي مبطلتها علمود شغل البيت..
جانت نادرة ومعدلة وام بيت بمعنى الكلمة وجنت اعتبرها امي الثانية لان امي من ولدتنى جان عمرها ٤٤سنة مالها خلگ على كلامها انها اداري طفلة وخاصةهي جانت تكره البنات وخلفتهن جانت تفضل ولدها علينا..
لهذه ربتني فائزة وجنت انام بحظنها وماافاركها بذيلها امشي ..
..طبعا الخطابة جانوا يجون عليها هواية بس امي الله يسلمها تصك على الخطابة من يمها وترفض حتى ماتوصل خبر لبابا 
ظلت فائزة كل حياتها تخدم بينا ومن وصل عمرها ل٣٠دقت طبول الخطر عند الوالدة
وكامت منا ومنا ادورلها حتى تتزوج لاتبقي تعنس اكثر ودوم جانت تسب وتغلط بينا اني واختى الي اكبرمني عود فائزة بس تخدمنا احنا
والله يالله هي جانت تخدم ولدج شنو هالحجي 
المهم دبرت ووصت اختى ام وليدمن گرايب ابووليدلان ابو وليد غريب ومو من كرايبنا مجرد خالته جانت جيران بيت اهلى سابقا..
وفعلا خطبها لفائزة لابن خاله الي جان مجرد راعي غنم وفلاح…
بوكتها ظلينا نلطم اني وخواتي فائزة وماجدة على قسمة اختى الگشرة
واتزوجت وراحت فائزة بنت المدينة للريف. وعاشت بالضيم وخلفت ٣ولد وبنت..
. وعاشت بالضيم وخلفت ٣ولد وبنت.. اختي الثالثة… ماجدة جانت تشبه ميادة الحناوي طبق الاصل جانت شاطرة بدراستها مواليد ١٩٧١تخرجت من الثالث متوسط بتفوق..
طبعا الوالدة كوة جانت مصبرة روحها على دراسة
ماجدة ماصدكت خلصت ثالث سنة١٩٨٥ حتى كامت تلح على بابا انو يعينها بشهادة الثالث كاتبةطابعة بالشركة الي يشتغل بيها
ماجدة ماصدكت خلصت ثالث سنة١٩٨٥ حتى كامت تلح على بابا انو يعينها بشهادة الثالث كاتبةطابعة بالشركة الي يشتغل بيهاحتى تستلم راتب المگرودة وتصرفهاماما على ولدها ودراستهم الجامعية
طبعا ماجدة لاحول ولاقوة كانت تستلم ٥٠دينار ذاك الوكت تاخذه امي منها وتنطيها لماجدة ٥دينار بس مصرف الها وماتفكر هاى بنت وتريدلها شغلات او شئ بنفسها لا الوالدة جان تفكيرها فقط بولدها وبس وطز بالبنات
طبعا مثل ما جانت ترفض الخطابة لفائزة جانت بنفس الوقت ترفض خطابة لماجدة لان وحدة تريدها تخدم بالبيت ووحدة تشتغل وتجيبلها راتب.
اما اني… ماجانت تگدرلي لان اني مدللة بابا وآخر العنقود من بنات وولد 
.. لذلك بابا جان منطيني الحرية خلي احجيلكم عن نفسي ..
.. لذلك بابا جان منطيني الحرية خلي احجيلكم عن نفسي ..اني طويلة ١٧٨طولي اي طويلة جدا لربما طولي جان سبب باني مااعيش حياتى مثل غيري من بنات جيلي لكن ملامحي جانت جميلة جدا
جانوا يشبهوني بباسكال مشعلاني جدا وجسمي جان رشيق ومخصر ومتناسق وية طولي لكن تعال فهم العراقيين بمقايس الجمال
جنت دوم اسمع تصنيف بالمدرسة والسوك واي مكان نروحله عن طولي لدرجة مثال من بعض تشبيهاتهم الي…
طول الزرافة.. دوم جنت اسمعها هاى بطفولتى ومراهقتي من البنات ..
دوم جنت اسمعها هاى بطفولتى ومراهقتي من البنات ..لكن جنت متفوقة بدراستي لحد ماوصلت وكملت الرابع العام… ولازم وراها اختار اما تخصص علمي او ادبي…
المدرسة الثانوية الي كنت ادرس بيها الرابع العام جانت ورة فرع عن بيتنا جنت اتمشي الها جان بيها بس تخصص العلمي..
والعلمي مو رغبتي لان جنت اميل للادبيات ومدرسة الادبي بعيدة عن منطقةسكننا لازم اروحلها بالفورتات مثل غيري من الطالبات
بذاك الوكت ماجان احد يأجر خط طالبات لان امان وعادي كل طلاب الكليات والمعاهد والاعدادية يروحون لدوامتهم بالفورتات
بقيت حائرة مراهقة ومامتعلمة اروح وحدى بالفورتات وخجولة بشكل خاصةمن ورة طولي..
فائزة جانت بعدها بذاك الوكت مامزوجة كالت جربي روحي ادبي واذا مارتاحيتي عود حولي لمدرستج وظلي بيها درسي علمي..
وفعلا كتله لبابا وبابا وافقني لان تعرفون جنت المدللة عنده
ورحت ادبي وداومت لمدة اسبوع طبعا من ورة كلام الشباب وتقليدهم على طولي وايضا بسبب بنات المدرسة الي جانن غريبات عني مونفس البنات الى درست طول عمري وياهن عجزت وصلت لحالة من الكآبة
من وراهم وظليت ليوم كامل الي هويوم الجمعة ابجي وطبعا حبوبتي الحنينة علينا وفائزة يواسون بية لحد ماعرف بابا بحالة حزني
قرر يرجعني لمدرستى القديمة حتى اكمل علمي وطبعا مادبرت العلمي رسبت بالخامس ووراها بالسنة الثانية طلعت اكمال
عاد الوالدة مااكوللكم شسوت كامت تعيرني باكمالي للسنة الثانية وذبت الشغل علية وبهل فترة كامت تحس بفائزة وتريد ازوجها
وفعلا ازوجت فائزة وكامت اتزن على بابا انو ماكو فائدة مني بالدراسة ولازم ابطل
طبعا بابا كللها لازم اسمع منها اذاتريدتبطل بكيفها واجتنى تهددنى وتكولي من يسألج ابوج كولي اريد ابطل فهمتى
لو اسود عيشتج
لو اسود عيشتجوفعلا تم الها مثل ماتريد وبطلت واخذت دور فائزة بالبيت بالكرف والشغل جان عمري١٧سنة
اما اخواني باهر وساهرماجان الهم اي دور.. فقط للونسة والطلعات والدراسة وطبعا تسلطهم علينا احنا البنات طلباتهم الي جانت ماتخلص وشحدنا نحجي غير يصير كتلنا عمل شعبي
لان الوالدة جابتنا بس لخدمتهم.. بس ماهر جان حباب وحنين علينا
لان الوالدة جابتنا بس لخدمتهم.. بس ماهر جان حباب وحنين عليناماما عمرنا ماحسينا بحنانها وخوفها علينا ابد صدكوني ماابالغ بس هي هاى جانت تركيبتها تكره البنات هسة تكولون ماكو ام ماتحب بناتها..
اكوللكم امي جانت استثناء او يجوز اكو منها..
باهر ..كان بكلية الادارة والاقتصاد قسم محاسبة.. وساهر.. كلية الهندسة.. وماهر.. الكلية العسكرية يتخرج يصير 
ضابط.. مواليد باهر١٩٦٨ وساهر ١٩٦٩ وماهر ١٩٧٣.
ضابط.. مواليد باهر١٩٦٨ وساهر ١٩٦٩ وماهر ١٩٧٣.يتبع..
