رواية ارحم وحدتي الفصل التاسع 9 بقلم رحمه احمد
الفصل التاسع
قبل قرايه الفتحه بيوم
ماجد وجاسم ومروان راحوا شركه الصياد
مروان طلب منهم انه يروح معاهم لان ده المكان الوحيد اللي هيجمعهم ب ريم وهي كانت لسه مقالتش ردها
في مكتب امجد كان قاعد معاه جاسم ومروان وماجد
خبط الباب
امجد:- اتفضل
دخلت ميرال
ميرال:- مساء الخير واستغربت لما شافت جاسم
ميرال بارتباك:- انا جيت اشوف حضرتك لو عاوز حاجه قبل ما امشي
امجد:- لا يا حبيبتي امشي انتي عشان تلحقي تجيبي اللي ناقصك لبكره مراد هيجي معاكي
افتكر جاسم ان بكره هيكون قرايه فتحه ميرال وحس انه مدايق
ميرال:- لا انا هروح مع ريم وروان
امجد:- ماشي يا حبيبتي اتفضلي
ميرال استأذنت وخرجت
مروان استأذن هو كمان
مروان:- انسه ميرال
ميرال:- ايوه ازيك يا استاذ مروان
مروان:- بخير الحمدلله انا كنت عاوز انسه ريم
ميرال:- اتفضل معايا انا ريحلها
مشي مروان مع ميرال
ريم اتصدمت واتكسفت لما شافت مروان
مروان:- ازيك يا انسه ريم
ريم بكسوف: – الحمدلله تمام
مروان:- انا فضلت مستني ردك
ريم:- ده رقم ماما كلمها وحدد معاها معاد
فرح مروان لانه عرف انها موفقه كدا عليه
ميرال:- يلا ي بنات عشان نلحق نشتري فستان
استأذنوا البنات من مروان ومشيوا
مروان رجع تاني للمكتب
جاسم:- كنت فين
مروان:- كنت بشوف ريم
جاسم:- عملت ايه
مروان: – ادتني رقم مامتها عشان احدد معاد
جاسم:- طيب كويس ربنا يكملك علي خير
مروان:- ميرال رايحه بكره تجيب فستان لقرايه الفتحه
جاسم:- وانا اعمل انت ناسي اني انا كمان هتقدم لهاجر
مروان:- معرفش هتفضل تكابر لحد امتا
خلص اليوم
تاني يوم في المساء في ڤيلا الصياد
ميرال كانت جميله اوي لابسه فستان هادي جدا لحد الركبه ولونو رمادي فاتح ورفعه شعرها ديل حصان
وصل مراد والدتو والدوا
ميرال اتخيلت ان اللي داخل ده جاسم وكانت فرحانه اوي
فاقت علي صوت امها ميرال يا ميرال يلا مراد وصل هو واهلو كانت خلاص هتعيط نزلت دمعه منها 
ماجده:- انتي كويسه يا ميرال
ميرال:- اه يا ماما
ماجده:- طيب يلا يا بنتي اطلعي بالعصير
طلعت ميرال وقدمت العصير
واتفقوا علي كل حاجه وتم قرايه فتحه ميرال 
وحددوا الخطوبه بعد شهر عشان امتحانات معاذ
في بيت احمد السيوفي عم جاسم
خرجت هاجر
جاسم مكنش بيتكلم خالص امجد هو اللي اتكلم واتفق علي كل حاجه
واتحددت الخطوبه بعد اسبوعين
في فيلا الصياد بعد ما مشي مراد وعيلتو
في اوضه ميرال
ماجده:- ميرال انتي في حد في حياتك
ميرال:- لا
ماجده:- عينك ف عيني كدا
بصتلها ميرال وحضنتها وفضلت تعيط
ماجده:- جاسم صح
ميرال سكتت ومردتش
ماجده:- ومقولتيش لي يا بنتي
ميرال:- مكنتش اعرف يا ماما دخل حياتي بعد ما وفقت علي مراد وهو مبيحبنيش يا ماما هو كمان قرايه فتحتو النهارده يعني قدرنا مش واحد
ماجده:- الله واعلم يا بنتي القدر مخبي ايه
ميرال:- قدري عرفتو يا ماما خلاص
فضلت ماجده تهدي ميرال لحد ما نامت
جاسم رفض يروح معاهم
كلم مازن وعرف هو فين وراح يسهر مع مازن
فضل يشرب لحد ما كان سكران خالص روح مع مازن وكانت في بنت من المكان اللي كانو فيه بتشغلوا وراحت مع جاسم
صحي جاسم تاني يوم كانت في واحده نايمه جمبو وبص في الموبيل لقي ان والدتو سعاد رنت كتير عليه
قام من مكانوا صحيت البنت
ولاء:- انت رايح فين
جاسم بعصبيه:- قومي من هنا
ولاء قربت منو: – انت ضيعت السهره امبارح ممكن اعوضهالك
جاسم بأطمئنان:- يعني انا مجتش جمبك
ولاء: – لا فضلت تتكلم علي واحده اسمها ميرال وبعدها نمت فضلت اصحي فيك مردتش تصحا روحت نايمه جمبك
قام جاسم بفرحه ونزل راح الڤيلا كانت سعاد قاعده مستنياه
سعاد:- كنت فين يا جاسم
جاسم:- كنت عند مازن
سعاد:- كنت شارب امبارح رحتك باينه
جاسم كان لسه هيتكلم سعاد قطعتوا بغضب
سعاد: – من امتا وانت بتشرب مش عاوز هاجر مضيعش نفسك يا ابني
جاسم بعصبيه:- انتي اللي اجبرتيني عليها انا مش بحبها ومردتش ازعلك واستحملت ضغطك عليا ورضيتك يبقا سبيني براحتي بقا انا مش صغير
سعاد بزعل:- من امتا وانت بتكلمني كدا يا جاسم
جاسم زعل انه كلم مامتو وحش
جاسم بزعل وتأسف:- انا اسف يا ماما انا نفسيتي وحشه الفتره دي ومش عارف انا بعمل ايه بعد ازنك
سعاد:- بتحب ميرال يا جاسم
جاسم عينو دمعت: – خايف تطلع زي نرمين يا ماما وهي اصلا بتكرهني
سعاد:- متعرفش يا ابني النصيب فين
مشي جاسم بحزن وخيبه امل وطلع علي الاوضه بتاعتو
عدا الاسبوع وكان في الاسبوع ده اتقدم مروان لريم وقروا الفتحه
وكان مازن مش بيقرب من روان عشان ميخسرش مروان بس كان بيتشد ليها وكان بيحاول ميقربش منها رغم انه معجب بيها
مراد كان بيحاول ديما يقرب من ميرال بس ميرال مش عارفه تقرب منو ولا حسه من نحيتو بحاجه
وهاجر ديما كانت بتحاول تقرب من جاسم
وجاسم كان كل يوم بيسكر عشان ينسا ميرال
وسعاد كانت زعلانه ع تدهور حاله ابنها
في يوم كانت ميرال خرجه مع صحبها وقبلت جاسم قدامها طلب انها تركب معاه وكان سكران وهي كانت خايفه منو لانها حست انه سكران
جاسم:- عاوزك
ميرال:- انت مجنون ابعد عني انت سكران
جاسم:- بقولك عاوز اركبي معايا
ميرال:- انت مفكر اني زي اي واحده بتروح تسهر معاها ابعد عني
وجريت بعيد عنو
يوم خطوبه جاسم ركبت ميرال وكانت طبعا معزومه علي الخطوبه ولازم ترووح كانت هي وريم وروان في عربيه
وامجد وسعاد في عربيه
وصلت ميرال والبنات الاول
كانت ميرال جميله جدا لابسه فستان اسود ورفعه شعرها بعشوائيه ومنزله خصلتين من شعرها وكانت جميله اوي
دخلت الخطوبه ولما شافت جاسم وهاجر قلبها وجعها جامد
وكانت هتعيط
ريم:- اهدي يا ميرال الناس بتبص علينا
ميرال:- حاضر
جاسم مكنش شايل عينو من علي ميرال
جيه مراد الخطوبه وقرب من ميرال ومسك اديها
جاسم كان غيران اووي وهاجر لحظت نظراتو
هاجر:- يلا نرقص كانت رقصه سلو
مراد طلب من ميرال يرقصوا قامت ترقص معاه
وده زود غيره جاسم
وريم رقصت هي ومروان
ومازن طلب روان ترقص معاه وهي رفضت طبعا
حضن مراد ميرال في اخر الرقصه وده دايق ميرال جدا وبعدتوا عنها ورجعت علي التربيزه
ميرال:- معرفش بابا وماما اتأخروا كدا لي
ريم:- زمانهم جاين
روان:- متقلقيش ي بنتي ممكن تكون العربيه عطلت بيهم رني كدا عليهم
رنت ميرال علي والدها
ميرال:- الو
مجهول:-………..
ميرال:- مين معايا
مجهول:-………….
ميرال بصدمه: – ايه
وقامت تجري
وهنا خلص البارت التاسع
يتري مين رد علي ميرال
وهي قامت تجري لي
