رواية من وصايف زينها تجعل القاسي يلين الفصل السابع عشر 17
ذياب بحده : صحيح ولا لا
الفريق اول نطق بضيق من رده فعل ذياب لم يعرف : يا ذياب مو واضح لي اي شي راح يوصل الخبر لنا الحين
دخل الضابط على الفريق اول : طال عمرك الخبر مزيف ومافي أي حادث
أبتسم الفريق اول هو يأشر له ان يقدر يطلع : ها ياذياب سمعت ما هو صحيح
ذياب زفر براحه : طيب سلام
سكر ذياب من الفريق اول و رد يدخل عند فراس …
فراس بخوف : مزون فيها شي !
ذياب رد يقعد : ما فيها شي مزون بأمان نرد لحديثنا
فراس : مثل ما قلت لك عساف و رجاله ما هم بسهلين و عساف حاط أشخاص يراقبونه اذا غلط يقولون له عشان جذي صعب ان احد يمسكه و عنده امكانيات كبيرة و بجذي مثل ما تشوف من تمسكونه باي سبب يقدر يطلع وهم عنده أماكن كثيرة يمارس فيه تجارته غير قانونيه ولكن ما يروح لهم كلش عشان ما ينمسك فا يحط على كل مكان شخص
ذياب : مافي ولا مكان يروح له
فراس بتفكير : الا في مكانين يروح لهم لانهم مهمين له بما انهم أماكنهم مهجورة و بعيدة عن الشك يقدر يروح لهم
ذياب : تعرف وينهم
فراس أبتسم بخفيف : اكيد و المكان*** راح يتواجد فيه هل يومين لان في بضاعة راح توصل له ولازم هو يستلمه كان المفروض ان انا و هو نستلمه ولكن تشوف الوضع
ذياب أبتسم على الفكرة الي جت عقله : يعني تقول هل يومين راح يروح لمكان
فراس: اي و أساسًا البضاعه توصل بكرا بس احتمال يروح له ابجر عشان محد يشك
ذياب أبتسم بخفيف على المعلومات المهمه الي اخذهم بهل معلومات يضمن ان عساف راح يعفن بالسجن او حتي يطلع امر القصاص عليه عرف ان مو بس تأجر ممنوعات هم قاتل و خاطف : طحت بايدي يا**** ان ما خليتك تندم ما اكون ذياب
فراس و هو تذكر شي مهم : اي اهم شي في مخزن بهل مكان يحتفظ بكل الأوراق الي تثبت انه يتاجر بالممنوعات و ان قدر يدخل دول بجواز مزيف و كل شغله الوصخ هناك يحطهم بهل مكان بمخزن تحت بالأرض عشان محد يمسك عليه شي
ذياب وقف بانتصار : كان قلت هذا من الاول عشان اخلص من ***** بثواني
فراس أبتسم بخفيف : توا اتذكر و بس بجذي قلت لك كل شي اعرفه اتمني يساعدك
ذياب : يساعدنا يساعدنا انت تقدر ترتاح الموضوع ماراح يطول اكثر من يومين الا وهو مخلص
فراس : ان شاء لله
طلع ذياب من عنده هو يتصل على الفريق اول و وصل له صوت الفريق اول : هلا ذياب
ذياب نطق بهدوء: دقايق و نسوي أجتماع في معلومات وصلت لي
الفريق أول أبتسم: بانتظارك
سكر ذياب و هو يركب سيارته متجه للمقر الخاص بقوات الخاصة ….
دخل ذياب المقر الخاص بقوات الخاصة …
الفريق أول أبتسم: شنو الموضوع يا ذياب !
ذياب : كل خير و بأذن الله كله يومين و نمسك عساف و رجاله هم الفريق أول عقد حواجبه :فراس أعترف!
ذياب : أعترف بكل شيء و بهل الاعترافات بتكون نهايه عساف بايدي
الفريق أول وضحت ابتسامة يستمع لكلام ذياب عن أعترف فراس: و شنو مفكر تسوي !
ذياب بهدوء : بكرا راح نروح للموقع و بأذن نمسكه بالجرم المشهود و ينتهي
الفريق أول : ما تعتقد خطر نتحرك بهالسرعة !ممكن يكون فخ لك
ذياب برود : ماراح أضيع هل فرصه لأجل إحتمال
الفريق أول: طيب و الحين شنو راح تسوي
ذياب : راح أشتغل على قضيه أكثر
الفريق أول : يا ذياب رد بيتك أرتاح بكرا خيره معه
ذياب خرج يتجه لمكتبه : كلام ماله داعي
صد الفريق أول يعرف بإنه مستحيل يغير رأيه….
دخل ذياب مكتبه يجلس شتّ تفكيره بخطط لبكرا بوسط تفكيره توسطته مزون تأخذ كل تفكيره ، أبتسم من ذكر شلون تهدد و من نطقت بإنه ذياب معنا و سرعان ما وقف بغضب بإنه ما قدر يسيطر على نفسه يمنع نفسه من تفكير به، رد يخرج ملفات تخص قضيه عساف
عند البنات .. العصر
مزون أبتسمت تشوف الجدة تمد لها الأكل: أكلي مو زين من أمس ما أكلتِ شيء
مزون : جدتي والله ..ماكملت كلامها من الجدة نطقت : شنو قلتِ جدتي ! افاا تقولين لراجح يبه و أنا شنو وضعي
تغريد ضحكت : غارت غارت
ضحكت تنطق لأجل تراضيها : افااا عليج أنتِ الكل بالكل شنو تأمرين فيه !
الجدة أبتسمت : تقولين يمه مثل هل هبله إلي جنبج
تغريد وقفت بوسط أكلها تنطق : حرام عليج يمه
جدة ضحكت : شفتِ الكلمه شلون حلوه منها يلا قولي أنتِ بعد
مزون أبتسمت : بس جذي أبشري يمه ، أبتسمت الجدة من نطقت بها شلون خروج الكلمه منها مختلفة
تغريد ضربت مزون بخفيف : يا لليل نشبه فجاة صارت عندي أخت وأنا متعوده أكون الوحيده بين العيال !
مزون ضحكت تضربها بخفيف : الحال نفسه مو متعودة تكون عندي أخت
الجدة ضحكت : أقول أنتِ و هي دام صرتِ بنتي خلاص بزفج نفسها أنا أبي بناتي يطلعون سنعات
تغريد ضحكت تهمس لها : يعوضج الله
مزون ضحكت قبل لا تنطق بشيء مدت الجدة الأكل : يلا أكلي يمه لأجل ما يذبحنا زوجج
هتان دخلت تقطع حديثهم: ما شاء لله ما تقولون عندنا بنات نشوفهم إذا يبون ولأ لا
الجدة : تعبت ميري وهي تقعد فيكم ولأ وحده قامت
قصيد جلست بجانب مزون تتثاوب : مزوني متي جيتِ !
سديم جلست بملل تقرب لتغريد تضع رأسها على كتفها ،
ضحكت تغريد : يا أختي منو قال لج تكملين نومتج على كتفي ! ، هتان جلست تأكل: أستغفرالله بالغصب خليتهم يقومون شوفي جدتي شلون حفيدتج كفو
ضحكت الجدة تقرب لها الأكل: كفو كفو أكلي يمه عوافي
بيان دخلت نظرت لمزون بنظرات كره و غضب، قصيد أنتبهت لها نطقت : فيج شيء ولأ تبين شيء ؟
بيان صدت بقهر : شنو أبي يعني قصيد : مادري عنج
بيان جلست تصد عنها ، الجدة نظرت لهم بضيق حست في شيء بينهم نطقت بنرة ضحك تغير الجو : يلا أكلوا و أخلصوا شنو ماعندي شغل غيركم !
ضحكت هتان و تغريد : حنا قام نأكل أنتِ شوفي إلي ردت تنام ، الجدة ضحكت على سديم : يمكن تعبانه خلوها
تغريد بعدت لأجل سديم تجلس عدل: وين تعبانه خل تأكل بنطلع الحوش نسوالف هناك
سديم بملل بعدت : أوف تغريد بس حركة ما تخلين الواحد يرتاح ، تغريد : أحسن أكلي
مزون ضحكت ، نطقت قصيد تضحك: عاد سديم ما تخلص من النوم
ضحكوا كلهم و سديم بعدت بمحاولة تصحصح و تأكل معهم …
4
بعد وقت عند البنات ..
جالسين بوسط الحوش مندمجين بسوالف ولكن قاطع عليهم إتصال حنين …
ضحكت هتان : يوههه ترا أحس أنها معصبة جهزوا نفسكم بحط سبيكر
حنين بغضب : يا قليلات الأدب شنو هل قعده الحلوه ! أنتظروني باقي كم يوم و أطلع من نفاس
هتان ضحكت : نعم أختي أجلسي بمكانج مالنا خلق مشاكل
تغريد ضحكت : بعدين تعالي ليش ما تصورين مسك اليوم بقروبنا !
حنين : لأن أنا و بنتي زعلانين عليكم ليش ما تجون
تغريد : لو تدرين شنو إلي صار عندنا ماراح تقولين جذي
حنين : لا والله مافي عذر بكرا أخر يوم استقبال تجون و أشوف شنو إلي صار
سديم ضحكت : يعني كلش مافي هروب من استقبال
حنين ضحكت : لا تعالوا مايصير أخر استقبال
تغريد ضحكت : خلاص الموضوع عندي كلهم بتشوفينهم بكرا ، حنين ضحكت : خلاص دام جذي عندي ثقه ماراح تجون … قصيد ضحكت هي و مزون
تغريد : يا قليله أدب الحين أكيد راح أجي اربيج أنتِ و بنتج
ضحكت حنين تشوف مسك تفتح عيونها : قامت منج
قربوا البنات من هتان : أفتحي كام بنشوفها
حنين ضحكت : لا بكرا تشوفونها لأجل أضمن أنكم تجون و الحين بروح لازم أنزل مسك لخالاتي
سكرت هتان تلفت على بنات : ها شرايكم نروح ولأ نسحب
قصيد ضحكت : لا والله تجي لنا هني تقول ليش ما تجون و تخلينا نحضر الاستقبال بالبجامة عند المعازيم
سديم : أي والله نروح حنا متكشخين أحسن لنا
تغريد ضحكت : أي عشان يشوفون كشخة بنات أل هـزاع
بيان : عاد بكرا أخر استقبال يعني زحمه
تغريد : ما عليه أصلًا ماعندنا شغل خل نستفيد من أيام عطلتنا و نروح نستانس بس المهم بكرا نروح السوق الصبح لأجل نشتري نفانيف
سديم : بكرا الصبح مايمدي نشبع نوم !
قصيد ضحكت : ياربي نامي من الحين و راح تشبعين نوم
تغريد سحبت مزون معها : حنا بنقول لأمي أن معهم بكرا لأجل ما يسحبون علينا و هم بقول لها بنروح سوق عندنا شغل بكرا
مزون ضحكت تتجه معها و أفترقوا كل وحده ترد غرفتها تنام …
عند مزون و تغريد …
دخلوا على الجد و الجده
الجد : دخلتكم جذي وراها شيء شنو مسوين !
ضحكت تغريد: افاااا ما سوينا شيء بس بنقول لكم شيء
الجد ضحك : شنو تبون
تغريد ألتفت لمزون تتكلم ،صدت مزون ترفع كتوفها بمالها علاقة ، الجدة: شفيكم
تغريد : إلي عندنا أن حنا بكرا كل بنات أل هزاع بنروح معج عند استقبال حنين و لأجل هذا لازم نتجهز فا بنروح السوق نشتري لنا كم غرض
الجدة : أي زين بس ما يحتاج تروحون سوق يا كثر إلي عندكم ، تغريد صدت بضيق
الجد أبتسم يخرج بطاقته من ضمن البطاقات يمد لتغريد : ما عليج من كلام أمج روحي أنتِ و أختج هذي بطاقه لكم أخذوا كل شيء لا تقصرون على نفسكم
تغريد أبتسمت تحضن أبوها : يلموني ليش أحبك
مزون أبتسمت من مد الجد أيده لها
الجدة صدت تضحك : أي دلعهم لم يخربون يا كثر إلي عندهم ، الجد ضحك يحضن مزون و تغريد : إذا ما دلعت بناتي أدلع منو ! بعدين هذول بنات راجح مايكون عليهم قاصر
تغريد تعزز لها : صح لسانك
الجدة ضحكت: أقول دام جذي بكرا تردون بسرعه لأجل يمدي نروح ما نتأخر مزون أبتسمت : من عيوني
الجد أبتسم من شاف ذياب يتصل : قومي مزون ردي على زوجج و قولي له أنج بتطلعين بكرا لأجل ما يذبحنا
مزون بذهول : أنا يبه ، الجد صد يبتسم رد على ذياب : هلا
ذياب : كنت داق فيك شيء !
الجد ضحك : لا خلاص راح الموضوع بس أخذ زوجتك تبيك
ذياب بصدمه من أنها تبي تكلمه ولأ ينكر بإنه جاز له : عطني
مد الجد لمزون : أخذي
مزون تجمدت مكانها مو عارفه شلون ترفض ، أخذت تلفون تشتّ تفكيرها بخجل من نظراتهم
تغريد ضحكت تنقذ مزون : روحي برا كلمي زوجج مو عندنا نبي نسوالف
أبتسمت تخرج، نطقت بتوتر من الهدوء إلي حصل بينهم : هلا
ذياب صد يمنع نفسه يضحك لإنه بكل أختصار يعرفها من نبرة صوتها بأنها ميته خجل : يا بنت سيف إلي يسمعج الحين ما يصدق أنج نفسها إلي كانت تهدد قبل شوي !
صدت : ما كنت أبي أكلمك بس أبوي راجح قال أخذي زوجج فجأة ذياب ضحك : يعني ما تجين من نفسج !، مزون : ليش أجي شنو أبي فيك !
ذياب : تبين أجي عندج تعيدين نفس الكلام أمامي !
مزون نطقت برعب : لا تعوذ من شيطان ما يحتاج هذا كله و تطلع من شغلك لأجل سبب تافه
صد يضحك : طيب أمري شنو تبين
مزون : بس أبوي قال قولي لزوجج بأني راح أروح مع بنات بكرا السوق
ذياب مدد ظهره لوراء بروقان : لو ما قال جان ما قلتِ لي
مزون سكتت للحظة مو عارفه بشنو ترد
ضحك ذياب : وين راح صوتج يا حرم ذياب !
مزون : بنت سيف
ذياب أنتبه لفريق أول يدخل تغيرت نبرة لجديه : خلاص تقدرين تروحين و أنتبهي لنفسج
كشرت بوجهها تسكر : على نبرة صوته هذي أعتقدت أنه رفض حمدالله أنتبهت على كلامه ، دخلت لهم بالداخل ..
الصبح عند البنات ..
سديم : يلا أنا بسوق فيكم اركبوا
تغريد ضحكت : لو نخلي قصيد أو أنا نسوق مو أحسن ؟
سديم : يلا لا يكثر الكلام محد يسوق كوكي غيري
هتان ضحكت تركب : من حبها لحليب كاكاو تدلع سيارتها كوكي ، تغريد ركبت بالإمام و مزون و قصيد ضحكوا يركبون مع هتان و بيان …
تغريد : بنات كل وحده تدعي دعاء يارب نوصل بسلامة
بس
سديم ضحكت تحرك : بتوصلون بأذن الله يمكن بس ندعم كم شجرة
هتان ربطت حزام الأمان تنطق : متأكده كم وحده شكلج بتدعمين كل شجر الديره
سديم زمت شفايفها: ترا كوكي راح تزعل و تنزلكم
قصيد بدأت تقرأ دعاء على سرعه سديم : شرايج تحطين قران على هل سواقه على الأقل لو صار شي يكون أخر شيء سمعنا قران نأخذ أجر
سديم ضحكت : ياوصخه شنو تقصدين بعدين قصيد بنت غيث تخاف هذا شئ مستحيل !
قصيد : في أحد يشوف هل سواقه ما يخاف
تغريد ضحكت : بهذي معج حق هدي شوي ترا مو مستعجلين ، سديم : خلاص بحاول
ضحكوا البنات عليها ….
بيان : أنا بدخل السوق مروقه مو دايخه من سواقه ما عندي مشكله لو نوصل بعد ساعتين
سديم شغلت مسجل تسحب عليهم : كوكي لا تزعلين منهم ، قصيد : تفضل على أساس سياره تفهم
مزون ضحكت تشوف هتان تصور بإنه إذا ما في خبر عنهم يدورنهم بالمستشفى ….
1
نزلوا البنات .. سديم : أنا وبيان بنصفط سياره بعدها نلتقي داخل
تغريد : حنا بالمطعم *** تعالوا هناك إذا خلصنا نتسوق
سديم : تمام ، تغريد سحبت مزون معها يدخلون و هتان و قصيد مع بعض…
تسريع الإحداث…
واقفه أمام منظرة “مرايا” تعدل على أخر لمسات بشكلها أبتسمت برضا على شكلها .. إلتفت من حست بأحد دخل سرعان ما وقفت بذهول صدمة من ذياب إلي دخل عليها مستعجل ولكن تصنم بمكانه من منظرها
وقف يشوفها واقفة إمامه لابسه نفنوف بلون كحلي عاري الأكمام ضيق لعند الخصر يوسع بخفيف من بعدها قصير لعند الركب ، لابسه معهم قفازات بديكور حجر الراين يوضح لطافتها و رقة النفنوف .. انصبغت ملامحها بلون أحمر من الخجل إلي استولى عليها بدت تتراجع للخلف من لاحظت بأنه يقرب لها ، مد أيده يقربها منه تحت صدمتها وإلى زاد صدمتها من سمعته يحصنها و يقرأ عليها المعوذات ، تجمدت مكانها من حركته أبتسمت بدون أدراك لنفسها حركته كانت لطيفة بشكل على قلبها تحس بإنه يسمع صوت قلبها إلي يفضحها، بعد ذياب يمسك أرنبة أنفها بخفيف : وين رحتِ يا حرم ذياب !
مزون شتّ تفكيرها تبعد بخجل تشغل نفسها باي شيء لأجل ما تلتقي عيونها بعينه : موجوده هني ، بعدين بنت سيف
أبتسم ينظر لها عجز يبعد أنظاره عنها أخذت قلبه و عقله بحلاوتها هي من غير شيء مستحله تفكيره وألان بكامل زينها ما تركت له مجال
شتّ تفكيرها تمثل عدم الأهتمام : تبي شيء
ذياب أبتسم يقرب لها يتقصد يحرجها أكثر: ليش وجودي مسبب مانع لج !
مزون بخجل بعدت : لا أصلًا بنزل تحت للبنات
مسكها ذياب من أيدها يمنعها تخرج ينزل لمستواها: القصايد تستحي عن وصف وجهك في ملامح وجهك اكثر من قصيده ! بتروحين بكل هل زين ما تخافين الله عليهم !
مزون عضت شفايفها لثواني نبضات قلبها تعلى تجمدت مكانها من نطق بأخر كلامه نطقت تتهرب : طولت على بنات لازم أروح
أبتسم لإن يعرف بأنها وأصله أخر مراحل الخجل لهذا تتهرب نطق بغيره : بتروحين مع منو !
مزون نطقت بتسرع لأجل تخرج : مو عارفه يمكن أنا قصيد و تغريد نروح مع سواق
ذياب : دام جذي بتروحون معي أوصلكم ماله داعي تروحون مع سواق لحالكم و أنتم حاطين هل عطور
مزون نطقت بسرعه لأجل تتهرب ولأ تجلس بنفس مكان معه : طيب بروح أقول للبنات
ذياب أبتسم على خجلها إلي زاد من لطافتها : بسرعه لا تتأخرون
مزون أخذت عبايتها تخرج بسرعه مسكت قلبها : بغيتِ تفضحني أروح للبنات أحسن عشان ما نأكل زفه محترمة هم منه
تغريد لأحظتها تنزل أبتسمت لها : بسم الله عليج شنو هل جمال ؟
مزون أبتسمت لها : أسكتِ بغيت أموت قبل شوي
قصيد ضحكت : ليش شنو صار بعد!
تغريد ضحكت من أستوعبت: دقيقه أنا شفت ذياب قبل شوي لايكون شافج !
قصيد : يوههه راح أخوي دام شاف هل جمال
مزون ضربتهم بخجل : خلاص أسكتوا
ذياب نزل و بايده ملف ، أبتسم من شافها و سرعان ما صد ينطق بحده : يلا قدامي
خرجوا وراه بهدوء …
بعد وقت نزلوا بقت فقط مزون صدت عنه تنزل ولكن وقفها ذياب من مسك أيدها ينطق بهدوء : أحرصي على نفسج ، قصيد ضحكت تنطق : ما عليك و أنا أختك الموضوع عندي إذا أحد سال منو بنته بقول زوجة أخوي ذياب يعني حرم ذياب لأجل ينتهي الموضوع
تغريد : شنو هل غيره يا عيال غيث أنا بشوف لأختي يمكن يجي عرض حلو
ذياب أبتسم لقصيد : خلاص الموضوع عندج يأخت ذياب ، ألتفت لتغريد يكمل كلامه : و إلي وراج أشوفها بالبيت
تغريد ضحكت تنطق برعب : الله يهديك أخذت موضوع جد أصلًا أي وحده تسلم على بقول إلي جنبي حرم ذياب يكفي أنك تبعد عني و تنسي
ضحك يحرك : جذي تفهمين يلا أنتبهوا لنفسكم
قصيد ضحكت تلفت لمزون إلي يوضح عليها الخجل : ياقلبي حنا نضحك هني و هذي ماتت خجل
مزون : خل ندخل بس ، تغريد ضحكت : يلا ندخل شكلنا يا جينا أول الناس يا أخر الناس
قصيد : يارب أخر الناس لأجل نسلم مره وحده
ضحكوا عليها يدخلون
أبتسمت حنين من شافتهم يدخلون عليها و يسلمون على حضور ..
قصيد جلست بجانب هتان بعد أنتهت تسلم على المعازيم حنين : وين بيان و سديم !
هتان : بيان داخل تجيب مسك و سديم تقول بالطريق
تغريد جلست : بنت حنا بنقعد طول الوقت هني عند معازيم ! حنين ضحكت : و عليكم سلام أنا بخير أنتِ شلونج
مزون ضحكت : ما عليج منها تقول أمشي وراي أنا راح أعلمج شلون تسلمين هي من شافت معازيم انصرعت على
تغريد ضحكت : يا قليله أدب فضحتني بعدين كعب عورني
مزون ضحكت تغمز لها : بس شكله بصير عندنا عرس قريب !
ألتفتوا لها بذهول و صدمه أما قصيد جلست تضحك معها
حنين : أنطري أضعف كم كيلو إلي زدتهم
تغريد ضربت مزون بخفيف لأجل محد ينتبه عليهم : تنشرين إشاعات ما هي بصحيحة حتي ! و أنتِ ثانيه صدقتِ
هتان : دقيقه منو منو شنو صار
قصيد ضحكت : تعرفين أم سطام
ضحكت هتان من أستوعبت : الله يرزقني أرادة مثل إرادة أم سطام هي تلمح لجدتي و تغريد
تغريد صدت بقهر : يععع خلاص سكروا الموضوع مو من زينه نذكره و الله يهدي أمه هي زينه بس هل صفه خايسه
هتان ضحكت تأشر على رأسها : حرام عليج سمعت مدح عليه لم هني ولأ بعد يقولون صار مزيون أكثر
تغريد : أمبيه خلاص سكروا الموضوع لا يخرب الجو حلو بسببه ، قصيد : محد قدر أكتشف كره تغريد و سطام لبعض للحين ، مزون : دقيقه أنا جديده على موضوع شنو سالفه منو هذا سطام
هتان غمزت تضحك : لم نرد البيت راح نقول لج كل شيء
تغريد سحبت عليهم من لأحظت بيان تتجه لهم معها مسك : أشوف مسكي أحسن من سوالفكم الخايسه
مزون ضحكت سحبت معها تشوف مسك إلي بحضن تغريد : ياقلبي تهبل ما شاء لله تغريد : ياعمري شنو هل لطافة بموتت منها !
قصيد : هي دقيقه حنا بعد بنشوف
هتان : أنا شفتها أول ما وصلت بس ما شبعت منها بشوفها هم حنين ضحكت : أي قليله أدب حتي قبل ما تسلم على راحت لبنت أخوها
هتان ضحكت : شنو أبي فيج أنتِ و أخوي
حنين صدت تبتسم على أشكالهم حول مسك متجمعين عليها ….
عند سديم و جراح …
خرجت باستعجال تأخرت على بنات …
جراح أنتبه لها تسرع بخطواتها نزل من سيارته من حس على سرعتها راح تطيح و ما هي ألا ثواني مسكها قبل لا تسقط : بشويش منو يلحقج !
سديم تمسكت بجراح بألم : تأخرت حيل على بنات
جراح : ما يهم أهم شيء ما يصير فيج شيء و بعدين كله دقيقتين أنتِ عندهم
سديم أبتسمت بخفيف : أي تكفي بوصل بدقائق وألا راح أكل زفه محترمة منهم
جراح أبتسم يساعدها تركب سياره : محد بيقول لج شيء أركبِ بس و كله دقائق أنتِ هناك
سديم بخجل من قربه بإنه يساعدها بعدت تتعدل : خلاص أقدر مافيني شيء
جراح ضحك : بعد ما أنتهيت يلا خل أوصلج لأجل ما تأكلين زفه محترمة محد يمسك لسان قصيد و تغريد ….
سديم صدت : حيل يضحك
جراح شغل مسجل مروق و يدندن : يضحك
صدت تمنع نفسها تضحك ..
جراح بكل ثانيه يلتفت لها يمثل بإنه ينظر للطريق لأجل ما توضح نظراته لجمالها و كشختها ما هو قادر يصد عنها كل ثانيه يسرق نظرة ….
سديم تكلم أمها ألي تسألها سبب تأخرها و إذا فيها شيء
أم سعود بحنيه : يمه سديم وينج الكل وصل إلا أنتِ
سديم : بالطريق مامي
ضحكت أم سعود : متأكده بالطريق صار لج ساعه تقولين بالطريق !
سديم ضحكت : لا صج هل مره بالطريق إلا بنات وينهم تكفين أنقذيني منهم
أم سعود ضحكت تنظر للبنات متجمعين حول مسك : لا ما عليج كلهم حول مسك مو منتهبين تعالي بسرعه أنتِ بس
سديم أبتسمت : خلاص دقايق و أنا عندكم
أم سعود : يلا ياقلبي و حصني نفسج قبل لا تدخلين
سديم : تمام بسكر مامي
أبتسمت أم سعود على كلمه مامي هي متعودة عليها دائما تقول لها جذي إذا زعلت عليها تقول يمه : يلا يا مامي سكري و تعالي بسرعه
ضحكت سديم تسكر و ألتفت على جراح ، التقت عيونهم
صد بسرعه عنها من التقت عيونهم و عرفت بإنه من اليوم ينظر لها : ما أتوقع بتقولين أبي حليب كاكاو هل وقت !
سديم كانت راح تسأل إذا هو راح يأخذها بعد ما تخلص ولأ لا ولكن أبتسمت من طاري حليب كاكاو : كنت بقول شيء ثاني بس قلبي يبي حليب كاكاو الحين !
جراح غير الاتجاه يتجه لأقرب بقالة: بس أبشري
سديم بصدمه : لا وين مو وقته أضحك!
جراح ضحك يتجاهل كلامها و ينزل لأجل يجيب لها : حرم جراح قالت تبي نقول لها لا ؟
سديم أبتسمت من شافته يركب معه كيس كله حليب كاكاو : قلت لج محد يجيب لج حليب كاكاو إلا أنا
سديم أخذت واحد منهم تشرب : والله ما أقول لا عشان يعطني جرعة إيجابية قبل لا أدخل عليهم
ضحك جراح يشوفها تشرب بسرعه لأجل ما يتأخرون: بشويش على نفسج
سديم كانت راح تتكلم بس شرقت و سرعان ما مسك جراح حليب كاكاو يبعده عنها يمد لها الكلينيكس : قايل لج بشويش محد يلحقج
سديم مسحت بفشله تحاول تمنع نفسها تضحك ..
جراح لاحظها تحاول تمنع نفسها ما تضحك : بعد تضحكين ! سديم صدت و جراح حرك يضحك على شكلها : أشربي ترا قريب و نوصل
سديم بعدت حليب كاكاو تتعطر : لأجل ما يشكون أن شربت حليب كاكاو ما تكون ريحتي عند الحريم حليب كاكاو
جراح ضحك : محد قال لج شيء تعطري بس بشويش لا تكتمين نفسج
سديم أبتسمت بحب من ريحه عطرها دخلته بجنطتها تنزل : ماراح أرد عليك و شكراً على توصيله
جراح صد من فاحت ريحه عطرها إلي أخذت عقله : روحي الله يستر عليج ، أبتسم من شافها تدخل حرك مصدوم بحاله و شلون يتغير كل شيء من يكون معها …
3
عند سديم بعد ما سلمت على معازيم جلست على طرف فراش حنين تشوف بنات ساحبين على الكل و يلاعبون مسك حنين ضحكت : شفتِ ساحبين على
سديم ضحكت : حمدالله بقوم أحب رأس مسك لأنها مسكتهم عني ، حنين ضحكت
سديم : دقيقه أنتِ شلون حاطه بنتج معهم يسرقون فلوسها حنين ألتفت من أستوعبت : صح ما أخذت فلوس من زهملة أنسرقت بنتِ
سديم ضحكت : الحريم يسلمون عليها و يخشون الفلوس بزهملة و أنت مخليتها جذي !
حنين : شنو أسوي نسيت بس شوفي هذول صح قليلات أدب بس مو سرقات بس في وحده أعرفها تسرق هي هتون خل أمسكها….
هتان : هيهيي أنتم تحشون فيني
حنين : أي نقول في سراقة تعرفينها !
هتان ضحكت تعد الفلوس ألي بأيدها : والله شوفي أقدر أخذهم بدون ما يحس فيني أحد بس لإني أخاف الله جبتهم لج و بأخذ كم عشرين لأن استاهل على هل صدق
سديم ضحكت و حنين نطقت بصدمه : أحلفي بتاكلين فلوس بنت أخوج
هتان ضحكت : أي عادي بكرا بتكبر بتنشب لي بعدين خل تحمد ربها ما أخذتهم كلهم بس كم عشرين
تغريد ضحكت تجلس: ترا بنتج أنسرقت من عمتها
1
عند ذياب …
دخل مكان مهجور بعيد عن ديره بعد ما فراس اعترف له بكل شيء و بجدول عساف بتاجرته بأن إذا عساف حس أن مراقب ولأ صار شيء ينقل البضاعه كله لهل مكان و أن في بضاعة جديدة لازم يستلمها
نطق ذياب بهدوء للسماعة بإذنه : في حركة بالمكان و الواضح قام ينقلون البضاعه
الفريق أول: أنتبه
ذياب ركز أنظاره على إلي ينقلون من بينهم عساف يراقب عليهم : ما عليك و الفريق كله حول المكان اليوم بأذن الله راح نمسكه متلبس
بوسط كلامه عم الصمت من حس بشخص خلفه يصوب عليه سلاح : من أنت !
ذياب إلتف ينظر لشخص عرف بإنه من رجال عساف
شخص مو قادر يعرف منو إلي أمامه لإنه مغطي نفسه : من أنت وليش تراقب المكان ؟
كان بيطق ولكن وقف من نطق عساف خلفه : الفريق ذياب !
ذياب بسخريه : عساف ال***
عساف بغضب أخذ سلاح من شخص يصوبه على ذياب : تعبت منك راح إنتهى من هل سالفه اليوم
سرعان ما فز الفريق أول من سمع اطلاق نار قريب و أختفي صوت ذياب
الفريق أول: ذياب يا ذياب يوصل صوتِ لك ولأ…. ما كان في أي رد خرج الفريق أول يتواصل مع الفريق المساعد إلي مع ذياب : فريق !
رد أحدهم: نعم طال عمرك
الفريق أول: وصل لكم صوت رصاص تدخلوا بالموضوع
: بس طال عمرك
الفريق أول بغضب : بس شنو !
: الفريق ذياب طلب منا ما نتدخل إلا إذا عطانا رسالة بإن نتدخل
الفريق أول بغضب : أحتمال كبير الفريق ذياب تصوب تدخلوا بسرعه الفريق ذياب أبيه حي
عند ذياب مسك سلاح بسرعه ولكن عساف ضغط بسرعه سبب باصابة لذياب من كتفه ولكن هل شيء ما وقفه ذياب مسك أيد عساف بحركة سريعه يلويها و يصوب سلاح على رأسه يأشر على مساعده: بعد ولأ راح أفجر رأسه و رأسك
عساف بخوف أشار له يبعد : أبعد أبعد
ذياب مشي لوسط مكان يحذف عساف بوسطه يصوب سلاح على رأسه: بعلمك الحين شلون تفكر بس تأذي حرم ذياب ولأ تفكر حتي فيها
عساف رأسه ملتصق بالأرض و ذياب يضغط عليه بقوه نطق بقهر : راح تندم يا الفر…
ما كمل كلامه من ذياب إلي ضغط على رأسه أكثر: أقطع و تستقوي بعد يا *****
رجال عساف كأنوا واقفين بصدمه مو قادرين يتحركون لإن بنهايه عساف بأيدي الفريق ذياب ..
أبتسم ذياب بخفيف من شاف فريقه يتدخلون يمسكون جميع رجال عساف
مسك ذياب عساف من عنقه يسحبه : إذا ما خليتك تندم على ساعه إلي فكرت تمشي بهل طريق ما أكون ذياب
عساف بتهديد: راح تندم
مسكه ذياب يلفه عليه يعطيه لكمه على وجهه بقوه لدرجة سقط بالأرض ينزف مسك عساف انفه بألم يحاول يوقف نزيف
ضحك ذياب بسخريه يرد يمسكه و يعطيه لكمه أقوي، له نيه يكمل عليه لولا تدخل أحد اشخاص بالفريق : طال عمرك كتفك ينزف
ذياب بحده للحين ما شفي غليله من عساف : ما عليك و هل *** بأخذه معي الباقي امسكوهم…
3
عند مزون ..
أستأذنت من بنات تتجه لدورة المياه للحظة حست بضيق وخوف فضيع أكثر شيء يذهلها و يرعبها بأنها ذياب استحل تفكيرها بهل لحظة ارتعبت من أن يحصل له شيء ، خرجت من دورة المياه تستغفر و تتعوذ من شيطان تشتّ تفكيرها بإنه أكيد ذياب ما حصل له شيء…
عند ذياب بالحبس ..
ضحك بسخريه من حال عساف يطلب النجده منه لإنه بكل أختصار مو معطيه فرصه يتنفس حتي حالف يذبحه هني
عساف يستفز ذياب : كل هذا عشان شفت مزو
مسكه ذياب يقضي عليه بالضرب بدون أي رحمه: تخسي تنطق أسمها فأهم أسمها أعلى من إنك تنطقه بلسانك الرخيص و*** أنت عارف شنو يعني إنك تتعدي على حرم ذياب ولأ تحط عينك بعينها حتي ! امحيك من الوجود فاهم امحيك من الوجود
عساف ما هو قادر يتنفس من كميه الضرب إلي جته بدقائق شلون باقي وقته : ر . راح… ت…تندم يا ذياب
ذياب بسخريه: صدقني أخر واحد يهدد أنت مافي أي مجال إنك تخرج نفسك راح تعفن بالسجن لوحدك بحبس خاص لك تقعد مع نفسك لم تنجن يا****
عساف حاول يبعد من شاف ذياب يقرب يكمل ضرب فيه ولكن وقف عليهم دخول الجد راجح : ذياب !
ذياب إلتف على جده : شنو تسوي هني
الجد أتجه له يشوف كتفه و الإصابة تنزف إلي يغضبه بإن ذياب ولأ أهتم حتي : مهبول أنت ما تحس بنفسك تنزف !
ذياب بعد الجد : ياما صارت و تعودت عليهم و ماني مخلي هل *** والله لاخليه يتمنى الموت
الجد سحب ذياب معه بغضب يسكر الحبس : أنا تعبت منك شنو هل حركات قوم شوف كتفك لايكون نزيف قوي
ذياب بغضب كان راح يرد لعساف ولكن وقفه الجد : و إذا عن مزون
إلتف ذياب عليه و صد : مو عشانها ماني مخليه ألا لم يندم على ساعه إلي حط عينه عليها
الجد : يا ذياب أنت سويت إلي عليك امحيت ملامحه و تكمل عليه بعدين الحين تعال معي المستشفى نشوف إصابتك
ذياب بعد أيد جده : ما يحتاج مستشفى أسويه هني
الفريق أول أبتسم بسخريه من شاف حال عساف إلي أختفت ملامح وجه من ضرب ذياب له : ذياب وقع على أجازة أسبوعين ، ذياب إلتفت عليه بغضب : وليش أجازة ؟
الفريق أول أبتسم للجد : أنت متصوب حالياً و غصب عنك تأخذ راحه رد بيتك و أشوفك بعد أسبوعين
ذياب بغضب خرج لإنهم يعطونه أجازه لأجل جرح بسيط تافه بالنسبه له ولكن بالحقيقه جرح ما كان بسيط أبدآ…
الجد أبتسم: أنقذتني و حمدالله أن ذياب مستحيل يتعدى القوانين
الفريق أول: ذياب و أعرفه يومين و أشوفه عندي
الجد ضحك : خله يومين واجد و حمدالله عليهم أهم شيء يرتاح
ضحك الفريق أول و الجد وداعا الفريق أول يلحق ذياب يقنعه يروحون المستشفى….
2
مزون كانت خارجة من دورة المياه و أنتبهت على الجدة نوره تهمس بتلفونها مع الجد تنطق بخوف : ذياب تصوب ! أنا جايه البيت
جمدت خوف ماهي عارفه ليش فجاة توسط الرعب قلبها خافت يحصل له شيء أسرعت لجدة : يمه شنو في !
الجدة نوره صدت من أنها سمعت : يمه مزون مافي شيء روحي للبنات
مزون مسكت أيدها تمنعها تكمل جذب : يمه تكفين قولي الصج أنتِ قلتِ ذياب تصوب ! إذا بتروحين البيت أنا بجي معج ، مزون : قام تجذبين على صحيح !
الجدة بضيق مو عارفه شلون تكمل جذبتها : صحيح يمه و الحين دام بتروحين معي أمشي من غير تقولين لأحد
مزون خرجت تأخذ عبايتها : ثواني بس
و ركبت مع الجدة و يسوق فيهم سواق متجهين للبيت …
<<.. بعد وقت بيت الجد راجح ..>>
دخل ذياب مع جده إلي ألان يحن بأنهم لازم يروحون المستشفى بس إلي صدمه من دخلت مزون مع الجدة و أنتبه على نظرات الخوف و القلق بعيونها إلي ما بعدت عيونها عنه : قلت لها !
الجد : إذا خايف على قلب زوجتك فا الخبر إلي وصل لها مو مني
قربت منه بدون أدراك بنفسها نطقت بخوف : فيك شيء !
أبتسم على سؤالها: مافيني شيء بس أبوي يحب يكبر الموضوع شوي
الجد ضحك : أقول يبه مزون ترا زوجج تصوب ولأ يبي يروح المستشفى ، ألتفت على جده
مزون أبتسمت على خطه إلي توسطت عقلها تعرف بانه الكلام ماراح يجيب معه شيء لهذا نطقت : ليش يخاف من المستشفى !
ذياب وسع عيونه بصدمه : الفريق ذياب ما يعرف الخوف يا بنت سيف
مزون : أجل مافي مبرر ما تروح ولأ في تبرير غير هذا !
ذياب ضحك فهم خطتها مسك أنفها بخفيف : يا حرم ذياب هل حركات مو على
مزون بقهر من أنه كشفها بثواني بعدت أيده تكشر بوجهه: طيب لو قلت تكفي ما يصير تخلي الجرح جذي !
ذياب صد أنتبه على نظرات الجد يضحك عليه : افااا ترفض طلبها و هي تقول لك تكفي ؟
ذياب نطق بهدوء: ما عاش من يرفض لحرم ذياب طلب و سمي
مزون أبتسمت تلتفت للجد : يلا نروح يبه
ذياب سحبها من أيدها يأشر لها تروح فوق و نطق بغيره : على وين بتروحين مستشفى بهل شكل أنا رايح لحالي ماله داعي أحد يجي معي
مزون كشرت بقهر : شنو يضمن أنك تروح
ذياب قرب من وجهها : ما في ثقه يا حرم ذياب !
مزون بخجل بعدت : بنت سيف
الجد : يبه مزون أنتِ أجلسي عند حبيبة قلبي ما أقدر أخليه لحالها و شوفيها عدل يكفي زوجج سبب لها رعب أنا بروح مع زوجج الشكوى لله
مزون ضحكت تقرب من الجدة : خلاص أبشر راح أحرص على حبيبة القلب
ضحكت الجدة من شافت ذياب يضحك تطمن قلها مسكت أذنها : أنتِ تحرصين على
ضحك ذياب يخرج مو قادر يتخطي ضحكتها كل شيء فيها يأخذ عقله ما تخاف الله فيه ما عمره فكر بشخص لهدرجة…
خرج الجد يضحك بروقان يركب سياره و ذياب بجانبه: والله و بنتِ قدرت عليك
ذياب ركز أنظاره بالطريق بس عقله معها أبتسم: لا حوله ولأ قوة ألا بالله
الجد ضحك : كفو عليها بنتِ اثاري تعرف تلين و حنا نحسبك ماتعرف ألا القسوة ولأ تعترف بشي أسمه لين
ضحك : هل شيء أنا اكتشفته الحين معكم
الجد ضحك أكثر: شنو مسويه بنت سيف فيك بالفريق
صد ذياب يمنع نفسه يفكر فيها ولكن عجز ماهو قادر ولأ هي تعطيه فرصة …
1
بيت الجد بعد وقت …
تغريد دخلت بخوف : يمه مزون وينها !
الجدة ضحكت حبت تمثل عليها نطقت بخوف:….
إنتهي 🤎
