رواية دية الصلح الفصل العاشر 10 بقلم مرج البحر
البارت 10
* يتألم البشر ينامون متألمين يستيقظون
متألمين حتى المباني تتألم حتى الجسور
والزهور تتألم كل شئ في هذه الحياة
يتألم بطريقة او بأخرى …!
احمد : كلش تأذيت وتألمت من السمعته بس المشكله مااكدر اوضح الهم الي حسيته
والي سمعته لأن تنعكس عليه صوره سلبيه
اجتى امي واهلي من المزرعة وكالت ها حمودي شصار
اني لا ارادياً كلت لها صار الصار
وحركو الجو بالهلاهل والهوسات والركص هاي
عود تعبانين وجايين من الشغل
دخلو على سولاف وصار السب والشتم بيها
ما كدرت اتماسك اعصابي ركضت دفعتهم وطلعتهم بره
امي ضاجت كالت شبيك ليش تسوي هيج
كلت الها اني كتلتها وجسمها ازرك ليصير بيها
شي وتنكلب علينا السالفه ويكولون هاي عود
اطيناها لكم علمود الصلحه وتوكف الثار الي بينكم هيج تسون بيهه ف اتركيها يمه
ام احمد : طبها مرض موتت الجلاب خاف عبالك اني قبلت اخذ منهم مره الابني حتى
ننساه الي صار الابوك ولك لا اني قبلت حتى
اشفي كلبي بنتهم وبس تجيب الولد اخذه من
عدهه وارجعهه الهم حتى يحسون بفقد العزيز
خلت وطلعت
صار وقت الغده
احمد : غمزت لأختي كلت الها تسوي اكل الي و سولاف وتخلي بالمطبخ اني اخذه
فعلاً اشرتلي ورى شويه وكمت اخذت الاكل
ودخلت للغرفه وسديت الباب
سولاف : شبي هذا هو اني مطايقه اباوع بوجه
انوب اكل وبا الله يالله
احمد : شبيج تباوعين صفح تعالي يله كعدي
كدامي
سولاف : مااريد مو جوعانه
احمد : مو بكيفج كومي يله
سولاف : ترى مو بالغصب كتلك مااريد
احمد : كومي وخليني زين وياج ليش تحبين تنضربين
سولاف : اووف كمت كعدت وهو بلش ياكل اني منزله راسي الصراحه جوعانه بس مااكل
كدامه
احمد : شوفي سولاف اذا اكلتي هاي اللكمه
من ايدي انطيج خبر حلو
سولاف : مااريد
احمد : الخبر يخص اخوانج
سولاف : صدك عليك الله جيب انطيني اللكمه واحجي
الصراحه نسيت روحي من كال اخوانج
كلبي نار عليهم ومامرتاحه ابد
احمد : العامله تسلم عليج وتكول اخوانج عايشين ويدرسون ومامتغير عليهم شي وهيه
كل يوم تروح عليهم
سولاف : عفت الاكل وكمت كعدت ابجي
احمد : ثول عبالي راح تفرحين
سولاف : تعرف شنو يعني ايتام من الام والاب
وتعرف شنو يعني اختهم الكبيره تروح منهم فجأة
لك انت دمرت حياتي وحياتهم وهم الك عين تحجي
احمد : كمت من السفرة وكلت كافي لا ورب الكعبة ادفنج حقيرة
لعد انتو شسويتو مو دمرتو حياتنا واخذتو ابونا خيمتنا شوفي البيت اظلم بدونه
سولاف : بس اني مالي ذنب افهم شي واحد
اني ما عايشه وياهم ولا اعرف شي عنهم
ثق بالله حتى عمامي ما اعرفهم كلش
تعال اكعد وخلي احجيلك
احمد : يله احجي شعندج
سولاف : اني جنت بصف سادس وبابا استشهد
ب انفجار سيارة مفخخه بغداد لان هو كان يشتغل هناك
وعشت حياة مره من ماما الله يرحمها
امي انتحرت ومحد يعرف السبب وبقيت بس اني فقط لأخواتي واخوية كان زغير كلش
جدو جان يعتني بيه ومات صرت اني بدور
الام والاب وتركت دراستي وبلشت اشتغل
هواية تقدمولي للزواج جنت رافضه هاي الفكره نهائيا
يعني ضحيت بروحي لخاطر خواتي واخوية
وهاي من غير اختي المريضه الي مرضها كسر
ضهري اختي ايلاف سودة عليه صار عدهه
سكر من صدمتهه وهيه شافت امي منتحره
وانت تعرف ابو سكر يرادله اعتناء وهيه طفلة
وهي من النوع الفقيرة عكس اخواتي شخصيتهم قوية برغم هيه اكبر منهم بس هيه
ضعيفه محد كان يعلمنه ويوعينه كتلك امي كانت معاملتهه مو زينه ويانه المهم
وفجاة صارت سالفة مقتل ابوك واني نطوني
الكم بكل برود
واني متاكده همه راح يعيشون مع نسوانهم
وبكل حريه وسعادة
ومتاكده اخواني هسه صايرين ويه الرجلين
مااعرف شنو بيهم اكلو شربو اختي انطوهه
علاجهه هيه تريد متابعه لان على ساعة يصعد
لو يهبط سكرهه واكيد محد يمهه ماادري دير بالهه على نفسهه لو على اخواني
وانتم شسويتو هذا الي سويتو عالجتو الكارثة
بكارثه واليقهرني انو اجيتو على الشخص البريئ
هاي لمحه بسيطه عن حياتي اذا انت بكلبك رحمه اكيد راح تعرف حجم القهر الي بداخلي
انصدمت بستشهاد ابوية واني طفلة
ومن فتحت عيني على الدنيا شفت امي راسهه
منثور كدامي واخواتي واخويه شلون انصدمو
بيهه وبسبب هذا الشي اختي من صدمتهه صار بيهه سكر
ومن كبرت شويه مات جدو الي تعلقت بي
وبعد موت جدو اجيت انت وماقصرت كملتها
احمد : شوفي سولاف ماكو شخص يتمنئ يأذي احد بدون سبب
اني اكبر واحد بأخواني ولحد هذا اليوم مااذيت مخلوق قضيت حياتي بالفلاحه والارض والزراعة وما اختلط وي احد ابد ابوية
يرحمه جان يكلي انت مثل الابنيه ما عندك شخصيه تدرين ليش هيج يحجي
لأن اني ما اتعارك ولا اقبل احد يزعل مني
انسان مسالم
انفجعنا بمقتل ابويا والدم للدم ياريت ابوية
ميت بحادث وياريت ميت بأي سبب بس مو قتل
اني من حقي ادور على دم ابويه ومن حقي
انهي سلسال الدم هذا وقبلت بشروط وجهاء العشاير انو ناخذ ابنيه منهم حتى تهدى النفوس بينه وتخلفين طفل حتى تبرد النار بينه وصرتي انتي من نصيبي
اما اني جنت معجب بوحده من المنطقة وحبيتها والصار دمر كلشي
سولاف : اني فقدت عائلة كاملة تدري بسبب
الصار تمنيت لو حتى حيوان يسمعني واشكيله
تدري من انام صوره اخواتي واخويه كدامي
احمد : اعرف كلشي بس ما بيدي شي اذا تحبين تعيشين بسلام اسمعي ونفذي لحد ما
تخلفين الولد وعيشي حياتج حتى لو تمثلين
اما اذا بقيتي هيج راح تتأذين اكثر
اذا صرتي زينه وياي اكدر احميج من اهلي
واذا لا مراح افيدج بشي
سولاف : ما اهتم بعد اني خسرت كلشي علوا
انت تقتلني وتريحني
احمد : مااقتلج ولا شي انتي تحددين مصيرج
ومن باجر تروحين للبستان وياهم
سولاف : شسوي بالمزرعه
احمد : تشمين الهواء النقي خايبه شسوين يعني غير تشتغلين حالج حالهم
سولاف : بس اني مااعرف اشتغل
احمد : اي غنيلهم واركصي علمود ينزل عليهم واهس بالشغل
سولاف : هاااا صدك
احمد : صدكت الغبيه تروحين وياهم وتتعلمين
على الشغل وتشتغلين لو تستلمين البيت والمطبخ وانتي اختاري
سولاف : لا ابقى هنا واشتغل بالبيت والمطبخ
احمد : ماشي وخلي الكلام الصار سر وفكري
بي اني اريد انام
سولاف : ماشي اجى اتمدد على الجربايه واني
كمت منها باوع عليه بنظرة تخوف كال
ارجعي لمكانج
سولاف : ميحتاج اني مو نعسانه
احمد : ماشي لعد
سولاف : صفنت بكلامه واكتشفت جوى هاي
الشخصيه اكو روح بيها شي من الايجابيات
وكلت استغلها واكسبه افضل بعدين اجه بالي
سامر وحبه وكلبي وجعني شنو سولاف تنسينه
وهو جان يريد رضاج بس كلمه وهسه تردين
اتنازل ل احمد حتى مايأذيني اوووف شسويتي بروحج ي سولاف لو قابله بسامر
ما صار الي صار ضليت افكر بكلام احمد
وافكر بسامر اخر شي ستسلم سامر اكيد
بعد رفضي راح يشوف حياته واني هم لازم
اشوف حياتي مو اني حابتهه لا بس على الاقل
اخلص من شرهم وافكر بخواني بلكت اذا تقبلت الوضع احمد يخليني اشوف اخواني بعد
ما منعوني منهم خلي اكسب احمد هو اني بكل الاحوال صرت زوجته واخذ اليريده ليش ابقئ
بالكتل والذل
انوب هاي امه العجوز يمه لو تلزمني تاكلني
والله عيونها تطلع ناااار خلص هذا افضل حل
تمددت بطارف الجربايه ونمت
احمد : بعدني تقريبا صاحي وحسيت عليها
تمددت بطرف الجربايه
انتظرت شويه واجيت اتقربت عليها حطيت
ايدي على خصرها ما سوت شي امنت
واتماديت اكثر سحبتها يمي وحضنتها ونمت
كعدنا العصر
كمت كلت الها اريد اسبح
كامت طلعت ملابس ونسقتها الي كالت البس
هيج لبس وحاولت تغير لبس الدشداشه بس
بالطلعات الرسميه البس
اشرت الها بالقبول وفتت للحمام سبحت وطلعت لكيت الوالده واكفتلي وبعيونها شر
كالت حميد هاي بنت الكلب قشمرتك مووو
احمد : لا شنو هل حجي من باجر هاي الخدامه
تستلم البيت والمطبخ
وترجعون من البستان كلشي جاهز اني كتلج
اخليهه خدامه ما اعتبرهه زوجه
ام احمد : والله قشمرتك يالاغم
شلون تسلمها المطبخ ياغبي منو يكول متخلي
سم بالاكل
احمد : شنو هل الكلام يمه هاي من اهل الله
تعالي نروح نكعد بالمضيف عندي كلام وياج
ام احمد : شكو عندك شو امشي كدامي يله احجيلي ……
يتبع…
