رواية عشق لا يروض الفصل العشرين 20 بقلم حنين محمود
اهلا بكم في مدونة مكتبة حواء نقرأ لكم ونكتب من اجلكم
عشق لايروض
الحلقه العِشرون
بقلم: حنين محمود إبراهيم
______________________
قبل ما يرد عليها موبايبه رن وكان رائد
فتح الخط وقال: اي يا حبيبي
رائد: عملت ايه
يامن بص على رحمه وقال: معايا اهي
رائد صفر وقال: ايوه ياعم محدش قدك دلوقتي
ضحك يامن وقال: ياعم اتنيل ابوك وامك عاملين عليا حصار من اولها وشكلها جوازه سكر
رائد: احسن تستاهل وبعدين البت صغيره سيبها تركز في دراستها الاول وابقى اعمل اللي انت عاوزه بعد كده
يامن: ربنا يسهل ان شاءلله
رائد: انا طاوعتك على الجنان اللي انت عملته دا بس عشان انا شوفت صدق كلامك عنها في عنيك غير كده كنت هقف في صف بابا انا اقنعته بالعافيه
يامن: ربنا يخليك ليا يا حبيبي وميحرمنيش منك ابدا يارب
رائد: طب يلا روح شوف عروستك بقى واهم حاجه يا يامن متخوفهاش منك خليها تطمنلك وتحس معاك بالامان ده اساس اي علاقه ناجحه في الدنيا
يامن: مش هتوصيني على قلبي يا رائد
رائد ابتسم وقفل معاه وبصلها هي كانت باصه من الشباك وشارده في الطريق
مد ايده ومسك اديها بس هي انتفضت وقالت: ااا ايه ايه في ايه انت بتعمل ايه وبتمسك ايدي ليه اصلا وسع كده عيب
بصلها بصدمه وقال: اي اي حيلك حيلك وبعدين هو ايه اللي عيب انتي دلوقتي مراتي يعني حلالي يعني اي حاجه هتحصل بينا ولا هي عيب ولا حرام
رحمه بإرتباك: بب بس انا مش عاوزه حاجه سيبني في حالي وانا والله مش هوريك وشي تاني
رفع كف اديها وباسه بحنان وهي حست بدغدعه في بطنها من الحركه دي وانتبهت لكلامه: بصي يا رحمه انتي دلوقتي مراتي لازم تدركي وتستوعبي كويس حاجه زي دي
رحمه: ليه انا؟
بصلها وقال: مش هقولك عشان عاجباني المرادي لكن هقولك عشان بحبك
رحمه بصدمه: بتحبني؟
يامن: اه بحبك مش مهم امتى ولا ازاي المهم اني اكتشفت ده ومتخافيش مش هلمسك ولا هقرب منك غير اما انتي اللي تكوني عاوزه ده
ووقتها هعملك احلى واجمل فرح مصر كلها هتحكي وتتحاكى عنه بس انتي بس تفتحيلي قلبك وتديني فرصه وانا اوعدك هخليكي بنفسك تطلبي اني اقرب منك
رحمه حست انها اتطمنت نوعا ما من كلامه لكن اتحرجت لما سمعت الجمله الاخيره وقالت: ااا انت قليل الادب
يامن: لا ياروحي انا كده محترم جدا
بمرور الوقت وصلوا القصر ركن العربيه ونزل منها واستغرب انها منزلتش بس كانت مبهوره من المكان
ضحك على منظرها ولف فتح ليها باب العربيه ومدلها ايده وقال: في ايه مالك
انتبهت على كلامه وبصت لايده اللي اتمدت ليها وقالت بإرتباك: ااا انا هنزل لوحدي
سحب ايده ووسع ليها وقال: على راحتك
جت تنزل رجليها اتكعبلت واتنت جامد وعيطت
وهو ميل عليها وشالها بسرعه وقال:طب ما كنتي تسمعي الكلام من الاول انتي شبر ونص والعربيه عاليه عليكي لازم تعملي فيها هركليز
نسيت الم رجليها وضربته في صدره وقالت: انت قليل الادب نزلني بقولك نزلني.!!
يامن: اقعدي بقى حاسس اني شايل بنت اختي
دخل بيها القصر ونزلها واول ما دخل كانت سمر وايسل في انتظارهم
جريت ايسل عليها بحماس شديد وحضنتها وقالت: اقسم بالله اجمل هديه من ربنا قبل امتحاناتي دايما كان نفسي يكون ليا اخت بنت
رحمه كانت مش فاهمه حاجه
يامن ابتسم بإحراج وقال: بالراحه عليها يا أيسل يا حبيبتي هي لسه ما تعرفكوش
قربت منها سمر وحضنتها بحنان وقالت: نورتي بيتك ياقلبي
رحمه بإرتباك: ددد دا نورك يا طنط
سمر: لا طنط ايه بقى قوليلي يا ماما
___________________________________
بعد مرور اسبوعين في تركيا
رائد دخل الاوضه ملقاش نيروز موجوده بس سمع صوت المايه جاي من الحمام عرف انها جوه
دخل اوضة الهدوم وغير هدومه واكتفى انه لبس بنطلون بس
وراح فرد جسمه على السرير في نفس الوقت خرجت نيروز من الحمام وهي مش واخده بالها انه دخل
كانت لافه جسمها بفوطه وشعرها المبلول بينقط على جسمها
وقفت عشان تسرح شعرها قدام المرايه وشهقت مره واحده اما لقت ايده الصلبه بتتلف حوالين وسطها وبتحاوطها بحنان واكنه عاوز يخفيها بين ضلوعه
بصتله ولسه هتزعق فيه شافت ملامح الارهاق على وشه لفتله وهي لسه في حضنه
وقالت: مالك يا حبيبي فيك ايه؟
رائد: انا محتاجلك اوي يا نيروز
نيروز: مالك يا روح نيروز
رائد دفن وشه في رقبتها واستنشق ريحتها اللي بيعشقها وقال: عاوزك.!!
نيروز عضت على شفايفها بخجل بس حاولت تخي خجلها دلوقتي وقالت: انا كلي ليك يا حبيبي
بعد شويه من الوقت كان حاطت راسه على صدرها وهي محاوطه رقبته وبتملس على شعره بحنان وقالت: ها مالك بقى؟
رائد: مفيش يا حبيبتي حاسس اني تعبان شويه بس
نيروز: لا فيك حاجه لو ضحكت على الدنيا كلها مستحيل تعرف تضحك عليا يا رائد
رائد: انا بخير والله يا عيُون رائد كنت مُرهق من الشغل بس مش اكتر
نيروز: شغل ايه يا رائد هو احنا في مصر
رائد بعد عنها وهو بيقول: يوه بقى يا نيروز متدققيش مش ناقصه قرف هي
نيروز ادته ضهرها ودموعها نزلت غصب عنها هو اتنهد بضيق اما شاف دموعها
بس مكنش عاوز يضعف قدامها لكن ياويله من العيون اللي مش بيقدر يقاومها حسم امره
وقرب منها حضنها من ضهرها وقال: انا اسف
نيروز: مفيش داعي للاسف انت قولت اللي حاسس بيه وانا مش زعلانه الواضح انك زهقت مني
رائد لفها ليه وقال: بصي في عيني كده
نيروز مردتش عليه ولا اتحركت من مكانها هو اتعصب ومسك دقنها ورفع وشها لفوق وارغمها تبصله وقال: مصدقه نفسك؟
نيروز: ولا مش مصدقه انا اصلا مفرقش كتير عندك
رائد بصلها للحظات وجوابه على ردها كان انه دفن راسه في رقبتها وطبع عليها بوسه طويله اوي
دغدغت كيانها وهي غمضت عنيها ورعشه حصلت في جسمها من قربه بدون ادنى اراده منها
اما هو حس برعشتها وابستم من تأثيره عليها واخيرا فصل البوسه دي ورجع بصلها تاني
وقال وهو شبه سكران من قربها: انا خلااص معدتش عاوز حاجه من الدنيا دي كلها غيرك انتي.!
بنسى نفسي وانا معاكي وبموت في بعدك.!
انا عمري ما كنت ضعيف ولا مؤمن بالحب بس انتي غيرتي كل ده وخلتيني ادمنك لدرجة لو بعدتي عني هموت.!
خلتيني مش بعرف اتحكم في غضبي في غيرتي عليكي مش ذنبي عارف اني متملك اوي في الحاجه اللي تخصني.!
بس غصب عني انا بموت فيكي وبعشق التراب اللي بتمشي عليه يا فراوله.!
وبتجنن لو حد قرب منك او بصلك بصه متعجبنيش انتي حقي انا وبس فاهمه يا فراوله.! انا وبس.!
نيروز: وانا من عاوزه اكون لحد غيرك اصلا ياقلب الفراوله
رائد: يابت بقى كده هتموتي مني ارحمي امي من دلعك ده
بصتلُه بغضب طفولي وقالت: رائد انا عاوزه اروح عند ماما
رائد: ومالُه يا عيون رائد اوديكي بس كدا
نيروز: لا ما انا هروح لوحدي
رائد: هتعملي ايه كدا تاني
نيروز: هاخد هدومي وهروح عند ماما وانت هتطلقني عشان مش طايقاك
رائد: نعم ياقلب امك سمعيني كدا تاني اصل مفيش غير اختيارين يا قطر داس على ودني ف سمعت غلط يا هقوم اكسرلك دماغ اهلك دي حالًا
نيروز بلعت ريقها وقالت: لا ابدًا يا حبيبي بقول قايمه احضرلك الاكل عشان تتغذى
رائد: اه بحسب
نيروز قالت وهي ماشيه: منك لله يا رائد يا ابن ام رائد اشوف فيك يوم
ورجعت قالت بسرعه: لالا بعد الشر بس بردو مستفزز وباااارد
رائد: بتبرطمي ب ايه يابت؟
نيروز: لا ابدًا كنت بفكر افصصلك الكوكو ولا اجيبهولك كدا
رائد: كوكو؟ بقى انا رائد المغربي يتقالي افصصلك الكوكو لا يختي متشكرين هاتي الفراخ وانا هاكل بمعرفتي
نيروز: وفرت اصلا مش قادره اعمل حاجه
رائد: بس لو هتأكليني انتي يافراوله معنديش مانع خالص
نيروز: يخربيت سفالتك يا جدع
ضحك عليها وهي مشيت من قدامه قام طلع موبايله وكلم ياسين
أول ما الخط اتفتح قال ياسين: طمني
رائد: وصلنا لكل حاجة أسماء ومخازن و خطوط التهريب وحتى المكان اللي هيتم فيه تسليم النسخة النهائية من الملف بكره الفجر
ياسين سكت ثواني وقال: يعني خلاص؟
رائد: لا لسه أهم خطوة
ياسين: اللي هي؟
رائد: الهجوم لازم يحصل في نفس الثانية لا قبلها ولا بعدها بدقيقة أول ما أنا أتحرك هنا في تركيا إنت تتحرك في مصر
ياسين: متقلقش القوة كلها جاهزة ومستنية الإشارة
رائد: لا مش قوة واحدة
ياسين باستغراب: قصدك إيه؟
رائد: هنقسمهم لثلاث فرق الأولى تقتحم الوكر الرئيسي
الثانية تقفل كل المخارج وتمنع أي هروب
والثالثة متتحركش غير بأمري مهمتها تمسك أي حد يحاول يتخلص من الأدلة أو يحرق السيرفرات
ياسين ابتسم وقال: حلو كمل يا زعيم
رائد: رجالتهم بيعتمدوا على أجهزة اتصال مشفرة أول ما العملية تبدأ هيبعتوا كلمة سر لكل أفراد الشبكة يهربوا
ياسين: وأنا هقطع عليهم الاتصال مش كده؟
رائد: بالضبط… قبل الهجوم بخمس دقايق فريق السايبر عندك يفصل كل شبكات الإنترنت وأجهزة الاتصال المشفرة يبقوا عميان
ياسين: اعتبره حصل
رائد: والأهم محدش يقبض على الكبير أول دقيقة
ياسين عقد حواجبه وقال: ليه؟
رائد: لأن الكبير أول ما يحس بالخطر هيجري على مكان الاحتياطي
واللي هو هيكون المكان اللي مخبي فيه باقي المستندات والفلوس وأسماء العملاء
هنسيبه يتحرك دقيقة واحدة بس وكل خطوة هيعملها هتبقى تحت مراقبتنا
ياسين ابتسم وقال: يعني هنخليه بنفسه يدلنا على كل حاجة
رائد: بالضبط الصيد الكبير عمره ما بيتاخد بالشبكة الصغيرة
ياسين: عرفتوا الخاين صح؟
رائد قبض على الموبايل جامد وقال بصوت كله غضب:
ابن الكلب اللي اسمه حسام لولا ايلين مكناش هنكتشف حاجه زي دي
ياسين قال بصدمة: إنت بتقول مين؟
رائد: حسام هو اللي سرب الملف
ياسين بعصبية: مستحيل حسام مستحيل يعمل كده انت اتجننت
رائد: كنت بقول زيك لحد ما جالي الدليل بالصوت والصورة
ياسين: لأ أكيد في حد بيلبسها له عشان يخلع حسام صاحبي وعارفه من زمان
رائد: الدليل معايا تسجيلات و تحويلات وكاميرات مراقبة وكلها بتقول إن حسام هو اللي سلمهم نسخة الملف بنفسه والدلايل كلها ضده
ياسين بعصبية: أنا مش مصدق حسام معانا من سنين
رائد: وأنا كان نفسي أطلع غلطان لكن الحقيقة مبتتغيرش بس اللي عرفته انه تحت التهديد هددوه بحيات نور قصاد الملف
ياسين: هواجهه بنفسي
رائد رد بسرعة: لا طبعا متبقاش متهور وتمشي ورا مشاعرك
ياسين: ليه؟
رائد: لأن أول ما يحس إننا كشفناه هيختفي ويمكن يشغل خطة بديلة إحنا منعرفهاش
ياسين: أومال نعمل إيه؟
رائد: خليه فاكر إنه لسه في الأمان يروح وييجي ويتصرف براحته وكل خطوة هيعملها هتبقى متراقبة
ياسين أخد نفس طويل وقال: يعني هنستخدمه يوصلنا لأي خائن مستخبي
رائد: بالضبط هو آخر خيط في الشبكة
ياسين: تمام يا زعيم بكره الساعة واحدة بالليل كل الفرق هتكون في أماكنها
رائد: وأنا هنا هكون مستني الإشارة
ياسين: وكلمة السر؟
رائد ابتسم ابتسامة باردة وقال:
“الصقر هبط.”
ياسين ابتسم هو كمان وقال:
أول ما أسمعها الشبكة كلها هتكون تحت إيدينا
رائد: بإذن الله بكره هنقفل أكبر قضية عرفتها المخابرات من سنين
_________________________________
في مصر كانت ايسل ورحمه بيذاكرو الباب خبط قالت ايسل: ادخل
دخل يامن وكان معاه شنطتين حلويات وقال: ها ذاكرتو كويس الامتحانات فاضل عليها يومين
أيسل: عيب عليك يسطا انت بتشك في قدراتي ولا ايه بس بقولك ايه البت رحمه دي طلعت جامده اخر جمدان خليتني اعرف احل فيزيكس بسهوله
بس يامن عليها وقال: ما انا عارف انها جامده
رحمه وشها احمر ونزلت عنيها في الارض بسرعه من الخجل
أيسل: اتلم يسطا وراعي اني سنجل بائس وسطكم
بصلها بقرف وحدف في وشها الشنط وقال: امسكي يا زفته واحده ليكي وواحده ليها يكش يطمر في اللي خلفوكم حاجه
أيسل: الله يسترك جيت في وقتك والله كده كده الواحد كان محتاج حاجه كده ترطب على قلبه
غمزلها وقال: وانا مفيش حاجه ترطب على قلبي انا كمان ولا ايه
فهمت قصده وقربت عليه وهمست في ودنه: تدفع كام وانا سيبك تستفرد بيها
يامن بنفس الهامسه: ماديه حقيره كده مش محتاج اعمل تحليل Dna عشان اتاكد انك اخت رائد بجد
أيسل: ها هتنجز ولا ارجع اقعد تاني
يامن: لالا وحيات امك خلاص عاوزه كام يا زفته
أيسل: ايدك على 5000
يامن: نعم ياروح امك 5000 عفريت اما ينططك هتعملي ايه بالفلوس دي كلها يابت
أيسل: ما البعيد لو مش واخد باله اننا لازم ننزل نجيب هدوم عشان الإمتحانات ونعمل شعرنا ونظبط نفسنا مكنش هيسأل السؤال ده ما اه صحيح الاهتمام مبيتطلبش
يامن: واطيه واطيه يا حبيبة اخوكي وبعدين انتو رايحين الامتحان ولا رايحين حنة شيماء بنت العمده
أيسل: عيب عليك يا كبير عشان نبقى احنا والامتحانات ملناش حل
يامن: حاضر يا خرا
أيسل: لا مضمنكش ايدك على الفلوس وقتي
يامن: سمكه بالانجليزي يعني ايه يا أيسل
أيسل: ايه علاقة ده باللي بقوله
يامن: انجزي وجاوبي
أيسل: سمكه يعني Fish
يامن: حلو طب 3 ثواني وملمحكيش قدامي عشان مفش غل امي فيكي
أيسل: لالا وعلى ايه انا اختفيت اصلا خلاص
ابتسم بإنتصار ولف للي كانت قاعده مكانها بإرتباك من نظراته وقالت: ااا في ايه انت عاوز ايه
يامن: جاي اشوف مراتي فيها حاجه دي
رحمه: انا تمام وزي الفل اخرج بقى احسن سوسو لو شافتك هتعمل منك كوفته
يامن: لا انتي تسيبك من سوسو دلوقتي خالص وتركزي معايا مش محتاجه مساعده كده ولا كده
خلص كلامها وغمزلها بس ملحقتش رحمه تتكلم لإن شبشب سمر كان طاير في قفاه وهي
بتقول: مساعده بردو يا ابن الجزمه يلا ياض انجر قدامي بدل ما اناديلك ابوك
يامن بص لأيسل بغيظ وقال: مش كنا بطلنا حركات العيال الصغيره دي يا كلب البحر؟
أيسل طلعت لسانها وقالت: احسن عشان تفتري عليا كويس ما القوي في اقوى منه تستاهل
يامن بص لسمر وقال: اخفي بنتك من قدامي عشان عندي كامل الاستعداد اقتلها دلوقتي ومش هيبقى عندي ذرة ندم واحده صدقوني
أيسل: بس بس بس بس متعرفوش تتنفسوا من غيري اصلا
سمر: بسسس انتي وهو وانت قدامي يلا بره
يامن: طب بالله عليكي مش عيب اكون شحط طول بعرض وتحدفي عليا الشبشب وقدام مراتي؟
سمر: لا ياحيلة امك لسه مش مراتك اما يبقى في فرح الاول تبقى تقول عليها مراتك
يامن خرج وهو بيقول: اقسم بالله دي ما بقت عيشه متجوز حتة ملبن وعايش معاها زي اخوها يرضي مين ده حد يلاقي حته طريه ويبعد عنها
سمر: ولد ايه الكلام اللي انت بتقوله قدام البنات ده احترم نفسك
يامن دخل ورزع باب اوضته بغيظ وقعد على السرير وجه في باله رائد وقال: زمانه مقضيها ابن المحظوظه وانا قاعد هنا زي القرطاس طب وربنا لاتصل عليه احرقله دمه
مسك يامن الموبايل واتصل على رائد وجاله الرد بعد دقايق وقال: ايه يا حبيبي عامل ايه
يامن: عامل بهلوان ياقلب اخوك
ضحك رائد وقال: في ايه مالك بس
يامن: ايوه ما انت مقضيها عندك ومش حاسس بيا
رائد: ما انا قولتلك بلاش تتجوزها دلوقتي امك هتعمل عليك دورات ليليه مسمعتش كلامي قولتلك مش هتعرف تشوفها قدامك ومتقربلهاش قعدت تقولي ليه هو انا واقع زيك ولا ايه مين فينا اللي واقع دلوقتي يا حليتها
يامن بحصره: اسكت اسكت انا مقهور البت قدامي 24 ومراتي والله حلالي يا جدعان ومش بيخلوها تسلم عليا بالايد حتى
رائد كتم ضحكته وقال: انشف ياوحش ليكم موعد ان شاءلله ووقتها ابقى اعمل اللي انت عاوزه بس متاخدش راحتك اوي يعني لا البت تفرفر منك
يامن: اسكت اسكت ابو معرفتك يا جدع
يتبع………
