رواية لسنا ابرياء الفصل السابع 7 بقلم هيلانا
أي عـذاب يسكن هذه البنت
بدت لي بنت رقيقة ..
لو هبت عليها نسمة هواء لكسرتها
وجعلتها نصفين..بدأت اتأملها
اتراها في خجـل..ام في نـدم
لا اعـرف ماذا أقول .. ليس المهم
ما تقول ..قل اي شيء
عيني عليها لامة جسمهة ومتكية على جرباية شعرها مبلل ولازك نص من الخصل على وجها
ليان :-تعالي امشط شعرج
گامت بهدوء جابت المشط و گعدت گبالي مشطتها بهدوء وهي صافنة
الصبح وهي هذا وضعها قلقتني ولا تقبل تحجي ولا تفگ ضوجتها
كوة اگومها على الاكل تكعد جذب على طاولة بس حتى محد يلح عليها لان بابا ضغطها بالأسألة
ليان:- ياعمري شكوو اكو احد مسويلج شي صاير شي واحنه ما ندري اححجي
هززت راسها بـ لا بدون صوت
راح تخبلني هل بنية
درت كعدت مقابيلها وذبيت المشط حضنت جف ايدها بدفو
ليان-:زين اني مو اختج مو دائما نحجي لبعض كلشي يصير ها ليش ما تقبلين تحجين هسه شبدل الوضع
رمشت ونزلن ادموعها ردت بخنكة
-: الان ماكو شي اححجي بي
ليان-:ياربي الصبر شلون ماكو شي وهاي حالتج
يارا:- اي تعبانة شوي وخري عني اريد انام
گامت مبتعدة جرت الحاف ونامت ونطوت على نفسها غمضت عيونها بس اجتافها تهتز
حتاريت وياها لا هي حاجيه ولا ساكته مكضيتها تصفن وتبجي تأففت وگمت عنها طلعت برة
.
.
يارا:
صح اني لسان وجان عندي علاقات بس
كله على نت وما صادف وصارت بالواقع
وحتى على نت علاقات الكترونية وهمية وماسمح لاي شخص يجاوز احدود وياي
ليث بس الان سأل سؤال سخيف حضرته ونهيت علاقتي بي بس الي صار اليوم… ختنگت ما يروح من بالي الموقف
سرق انفاسي واخذني بحضنه بالحضات وابتعد من مزاجة شهكت واني اغمض عيوني بقوة
مااريد ليان تشوف دموعي هي بلا شي شاكة وماكلة گلبي بالاسئلة
خايفة أحجي وشنو احجي بابا اذا عرف اصير مشكلة وهذا مبين واحد ابن شوارع من تصرفة
شكد ما أحاول اتناسى الصار ما جاي اكدر احس طبع بالي شكلة وحضنته… انفاسه الي أختلطت بنفاسي نظراته… ماعرف شكد مر
وقت واني مغطاية راسي واشهككك واعيد الموقف بالي واشكي لربي تلاشت شهكاتي ومسحت ادموعي
بسرعه من انرفع الغطاء عني عيوني مغوشة من الدموع والضوء عاكس علية ركزت
زين طلع بابا
كعد بصفي على سرير وجهه مخطوف وما مرتاح يباوعلي بقلق عدلت گعدتي بصفة
فاهم:-شبيج بنيتي شصاير
وخرت عيوني منة اباوع لكلشي عدا ليان جانت مكتفة ايديها وتبااوع بقلق وظاهر هي كالت لبابا
يارا :-ما بيه شي بابا
فاهم-:يابوية شلون ما بيج وكل هالدموع منو وياج اشكك حلكه اين كان
بلعت ريكي حجيت بغصه:-ماكو شي والله بس ماعرف هيج مضايقة
اببتسم بحب-: شني اول تالي فراشة البيت العرمة تضايق وتبجي ترا ما يلوكلج…
تمنيت احجيلة واكلة اريدة يطيح حظ هذا القندرة الي أسمة شبل ويعلمه شلون يسوي هيج وياي
ويلمسني السافل بس خفت مبين واحد شراني وقح ومايخاف واحنه عدنه من دنيا بس بابا
دفنت راسي بحضنه وهو لمني بحضنه يسكت بيه حسيت بالامان
:-الله يخليك النا يعمري
باسني براسي-: ويخليكم الي يا شمعتي انتن بعد ماريد اشوف هل دموع ويلة كومن البسن اطلعكم
يارا:-ماريد فدوة ما بيه حيل
فاهم:-لا شو كومي يلة دقايق انتظر حتى تنزلن بدون نقاش
يارا:-انتم موو رايحين لبيت عموو لعد
فاهم:- اجلنها غير مرة المهم عندي انتي
نزل وليان طلعت ملابسي من كنتور وهي تصفك بيدهة
ليان:-يلة على الدياحة
يارا:- من شوكت تحبين الدياحة دكتوره ليان
ليان:- اي شي يطلعج من الكآبة مالتج اني احبة
يارا-:احبج
حضنتي وهي تضحك-:لعد اني اموت عليج
لبست فستان ابيض قصير جينز ويا بوت رياضي
ورفعت شعري كباية طلعنه بعد ما قفلت ليان الباب
كعدت ليورة وركيت راسي على جامة
لسانه كالسوط يداها عبثت بخصري بعنف سبب لي وجع بداخلي فضيع مجرد ما اغمض عيوني يجي طيفة گبالي
فتحت عيوني احسهم ثكيلات ومورمات على كد ما بجيت باوعت لشارع الاجوء حلوة تسر
النفس بس نفسي مسدودة ومكتومة بحزن احس فقدت شي من داخلي
هو اخذ شي لمساتة الجرئية من أذكرها يقشعر جسمي نيران تلهب مشاعري والله مجروحة تف علية حقير
يمكن لو ما هذا الشخص الي ويا جان صار اكثر واحتمال خطفني الله لطف بحالي.
نتبهت على ليان تباوعلي وتحجي وبابا يهز راسه ماعرف عن شنو بالي مو وياهم بتسمت مجاملة
وصلنة وبابا خلة سياره بالكراج جانت ليان تمشي ورا واني اخر القوم.. بقيت امتع نظري بالاجوؤء حلوة بلكي انسى شوي..
جان اكو محل ايس كريم ليان تحبه اشرت عليه ولتفت البابا
:- بابا نكعد
فاهم:- اي تعالن
كعدنه وبابا راح جاب ايس كريم بشكولاتة ليان لان تحبه بطعم الشكولاتة
واني جاب اليـة حليبية بقيت اكل كلما احط الخاشوكة بحلكي اذكر شلون اقتحم شفايقي
بعنف باسني السافل نكطع النفس علية حسيت نفسي ختنكت..
الرجفة الي سرت بجسمي انفاسه المتسارعه
نظراته النشوة الظاهرة بملامحة كلشي جان
جحيمي عفت الايس كريم لعبت نفسي وبطني مغصتني-: ليش ما تاكلين
يارا:- مااريد بعد
فاهم:-جا شكلتي حبيبتي
يارا:- اكلت بابا هاهية
ليان-:هنه خاشوكتين شكلتي
باوع الها بابا كالها:-عوفيها لا ضغطين عليها
كملنا ورحنا لمحل عطورات
الريحة الطيبة بالمحل واو
ليان وبابا ما عاجبهم العجب ويدورن شي مميزز
اني اول عطر صار كبالي استنشقت ريحتة طيبة
اخذتة كلت لابو المحل:-ممكن تخلي من هذا
:-صار
ليان-: شبسرعه اختاريتي
يارا-:لعد انام هو عطر
ليان:- ولو كان عطر عن عطر يتميز ويختلف
يارا:-هف انتم دكاترة مصيبة كلشي عدكم ذوق
وصعب اني هيج مجرد ما يعجبني اخذة
الولد جاب العطر مدة الي اخذته وليان شافته جان مكتوب عليه رجالي كالت
:-عزة هذا رجالي يا ثولة
يارا:- اي ميخالف كلنا العراق
باوعتلي حجت بسخرية:- يمكن خشمج مو راحه ما يعجبة غير رجالي
هوة اني بعد لصارلي عندي رهبة من جنس ادم سد نفسي ذاك السافل
رديت ببتسامة مجاملة-: يجوز
ليان:- لا يسمعج بابا
يارا:-ما يححجي مراعي وضعي المزاجي هههه
ليان-: رجعت الكشرة الحلوة
اجة بابا ناحيتنة باوعلنة ببتسامة
-:اي فدوة لهل ضحكة اضحكي هي دنيا شبيه
بستة بخدة:- بوجودك دوم اضحك
ليان:- عوفو لحضات العائلية بالبيت مو كدام الناس
فاهم:- لازم غرتي بعدين اني وبناتي الناس شعليها
قاطعنه ابو المحل بيدة عطرين
:-هذول الي رادتهن
:اي شكرا
طلعنا برة لأبين ما بابا دفع الحساب رجعنا لسيارة بابا كال
:-اننتظرني هنا خل اجيب عصاير واجي
جان أكـو قريب على شارع محل مال عصاير فرش بطيخ رمان وهاي الفاكهه طبيعي
راح ورجع جايب عصير بطيخ الة واني وليان رمان جان بارد ومنعش برد گلبي الصاير نار يجوي
من بعدها رجعنا لبيت جنت انعس ودايخة اليوم جان متعب بكافة الاحوال اول ما وصلنة
صعدت لغرفتي دخلت لحمام غيرت ملابسي واخذت شور لبست برمودة خفيفة مال نوم…. وطفيت الضوء
بعدني بين غافية وبين نايمة اشتعل الضوء ودخلت ليان عگدت حواجبي من الضوة
حجيت بنزعاج:-طفي صاير بعيوني
ليان:- اصبري ابدل واطفي
تحركت بدلت واجت بصفي نامت كالت بهتمام ونظرة قلق و ترقب على وجهة
:-ما راح تحجين
يارا-:لو اكو شي احجي
ليان:-اكيد
يارا:-اي
غمضت عيوني-:تصبحي على خير
ليان:-وانتي من اهله واحلام سعيده
ماريد الاحلام ولا سعيدة بس الله يكفيني شر اولاد الحرام وما يطلعون بطريقي..
༺༺༻༻
شبل:اخخخ نعلا على ولديك توجع ولككككك…
دمار:انجب جا هي لعبة غير حمسوك بطلقة موزين ما دفناك بالنجف
سحب الكاس ارتشف منه: بعد وكت على النجف
دمار: مو هي بكيفك
شبل:مجاهد ما رجع من البصرة
دمار:لا
شبل:والعملية
دمار:تمت على الساكت
شبل:اي مجاهد سبع ما ينخاف عليه
دمار: بس بعد اكو كم واحد الازم انصفيهم
اشر بالكاس وهو يبتسم بنشوة:اي من ضمنهم هذا الضابط سلام صاير من حماة الوطن لازم نفرك حلگه
دمار: قبل كم يوم داهم الشقة واعتقل معتكف
شبل:دريت خل مجاهد يجي ويصير خيرر
اجة صوت من وراه :شبل
رفع راسه واشرلة: احجي وليد
دنگ يباوع لجهازة وسترسل بالحجي:اسمها يارا عمرها 18 سنة اولى كلية حسب المعلومات مقدمة قانون ابوها دكتور جامعي فاهم علي
ولدتها متوفية واختها دكتورة ليان جراحة بالمستشفى . واخوة لا يوجد اصدقاء فقط وحدة وبين فترة والخ تروح الها
تقريبا هذا كلشي يخصها شبل
حجة بفتور:-يعني هي أخت الدكتورة ليان فاهم
حجة دمار بعدم رضى: شكوو ليش جامع هل معلومات عن بنت
شبلل: اريده
دمار بغضب: شبللل كافي لا صير طفل اكو الف گح* شكو مجلب بهاي
حجة بعناد: اني اريد هاي ولا تدخل
دمار بتفهم: زين نجيبهة ألك ليلة وبعدين نرجعهة وابتعد عن سوالف البنات ترا يخرب الشغل
جدحت عيونة بغضب شمر الكاس تكسر وطشر بالگاع سحب دمار من ياختة وحجة بغضب:انجببب لا تلوص شنو اجيبها ليلة انت ما تفهم شريد لا تدخل ابقى على صفحة
اجة وليد يريد يفاككهم حاول يصير بينهم بس شبل صاير نار من العصبية دفعة عنهم
حجة دمار ويحاول يخلص روحة: اي فتهمت كاافي مااريد ارفع ايدي عليك
شبل بستهزااء:ارفعها بلة يلة شوفني ارفعها حتى اكسرها وعلكها بركبتگ
دمار: نعمالله عليك عللمود بت تريد تكسر ايد اخوك وتتتهددد علية
دفعة عنة و ندار اخذ قميصة لبسة و طلع بدون مايحجي
وليد: اهدى دمار اخوة انتم
دمار: يمعود شحجيت ما شوفة مثل الثور هاج وحدة
وليد: يجوز بنية تخصة وانت كلامك مو قانوني
نتر دمار بحدة: لك شتخصة هو اليوم شافهة وبعدين كل عمرنة التعجبنة ناخذهة وبعدين نسربتها من وين اجت هل سالفة وشنو فرقهة هاي
وليد جر نفس بنزعاج:ماعرف بس المهم لا تتعاركون علمود مرة انتم اخوة وانت جبير اخذ شبل بعقلگ
زفر دمار بنزعاج اخذ سلاحة وحجة وهوة طالع
: اني رايح لشقة
وليد:براحتك…
شلون مسربتين بنية عاركتهم استغفرالله
_________________________
نسرين: شش باعي بالخمسة بدلي وطلعي من الباب الوراني قنعت امير ياخذنة نتعشة ونفرفر
هزيت راسي هية عافتني ومشت واني رجعت اصب جاي لان اجو خوالي و بابا و ماما كملت شلت الصينية
باوعت لغسق: عيني اخذي الجاي اني ما مسلمة على خالو سامر
غسق: ومنو المسلم عليه هو يتحاجة اني فاهية من خوف اطيح الجاي عليهم
لويت حلكي : تخرخرن عيارة
اوف اخذت نفس ودخلت للاستقبال سلمت وقدمت الصينية لخالو فريد
فريد: عارف اكبر انطي اول واحد
رحت لخالو عارف گال قدمي لأبوج مايصير هو النسيب
رحت لبابا گال سامر اكبر خلوني احوس بينهم طگت روحي
درت وجهي خليتة على طاولة بالنص: كل واحد ياخذ جاية يالله
محمد: دلياااار
دليار: شنو بابا واحد يدزني على ثاني خيرة هية هو جاي شربوا وسكتو
سامر: لسانج بت رندة صاير شطولة
التفتت عليه و ابتسمت بمجاملة: خالو حبيبي ماسلمت عليك شلونك احوالك
” الحمدلله”
والله اني هم الحمدلله ماتسأل شبيك ، اخذ استكان جان قريب عليه همة هم بس خالو عارف قدمتة الاستكان رجعت على الصينية اخذتة وطلعت
شلون يتعبون الواحد خرب رجعت نضفت المطبخ اني الجن خلن الشغل علية خو اسوة السافلة ماصدكت تجي هنا
رجلهة على رجل بيبي وين ما تروح وياهة فرت المنطقة كلهة
كملت وصعدت للغرفة غسلت وبدلت وعدلت نفسي على اخر حبة باوعت للساعة خمسة ونص بس كون امير ما غدر بية ومشةة
نزلت على كيف شايلة الكعب بيدي طلعت من الباب الخلفي مريت وبعدين درت على حديقة من الولد كاعدين ينركلون
اجاني صوت لواء يصير وين غلست وشردت فتحت باب لكيتهم واكفين منتظريني صعدت ورة
.
.
:-عفية بيكم زلم ما راح يگدرون يكومون ورة هاي الضربة
:-اااي سيدي والله حركناهن حرك شلون نار وجت خلتهم يطافرون
: يستاهلون لاذمة ولا ضمير يتاجرون بأروح الشباب بهذا السم اليجيبونة
: بس لو نعرف شلون يدخلونة بهلكمية يگول گواني طحين مو مخدرات
رفع راسة وحجة وهوة يعدل بجراويتة: ماتدري هذا البلد شيصير بي كلة من جوة الطاولة
: اي صح سيدي كلـ…
ماكمل كلامة منعة الدم التطشر على وجهة رجفت عيونة بفزع و نهض لزم صديقة الشخصت عيونة بعد ما سحبت الرصاصة روحة
صارت خبصة ولتموا جماعتة من كل جهة حاوطوهم و رفعوا اسلحتم بس ما وصلهن غير الصمت الفراغ
طلقة قناص من مسافة معينة نهت روحة و نهت وياهة هواي انجازات و واجبات راد يحققهة نهت فرحتة و فخرة
وخر عيونة من منظرهم ورفع جهازة : تمت انتو نظفوا الباقي
حط السلاح بمكانة و نزل درجات العمارة وحدة وحدة بهدوء طلع من الباب الخلفي وكف يم سيارتة خلة سلاحة بالجنطة
ورة ما فتحلة السايق الباب صعد وهوة يعدل بشعرة على المراية ويدندن بغنية ما مفهومة كلماتهة للسايق
من شافة تأخر رفع راسة: اكو شيء ثاني لو منتظرهم يجون يكبسونة
دنك ذاك الشاب بتوتر: اسف اسف استاذ
صعد و تحرك بشوارع بين ناس ومر على كل نقطة سيطرة و شرطة بكل هدوء يباوعلهم بستهزاء
بعدهة بدة يسمع صفارات الانذار و الاسعاف و تحرك الجو الحولة وكفت السيارات وسدوا الطريق
كُـل بداية تكون جميلة بشكل لايصدق
وكأنها لقطة سينمائية ابتكرتها الحياة
وختارت ابطالها
كان الاصتدام بعينك اجمل و اسوء
شيء يمكن ان يحدث للمرء
إلا انني وكل مرة اغمض عيناي يأخذني الحنين لذلك اليوم حيث بدأت داخل قلبي
ولم تنتهي حتى الساعة كنت شيئاً غير متوقع
لم اخطط ابداً لأجعل من قلبي غبارا مع رياح
خفيفا كالريش ليطير من اول اصتدام
هي اللحظات التي بقي قلبي متعلقاً بهـا
و تتولد رغبة عارمة لاعود لها مجدداً ومجددا
البـداية فقط و ما جاء بعدها اعاث فساداً داخلي
أمير:- وين صرتي حمس تأخرنة
دنگت البس بحذائي : شبيك غير جنت اشتغل
دليار: ماكتولي شنو سبب الطلعة المفاجأة هاي
التفت نسرين تضحك: حبي مو مفاجأة بس اليوم ذكرة خطوبتنة اني وامير كلت اطلع
رفعت حاجبي صدك عدهة خلق تذكر يوم خطوبتهم: واني شعدي جاية لعد ما گلتي ؟
أمير: شلون دليار هنا وماتشارك مايصير
دليار: والله ماجنت ادري بيكم طالعين موعد عبالي هيج ..نزلني
أمير: دگعدي وصلنة ديرة بعدين نعتبرج رجل كرسي لاتخافين
نسرين: هههههههه كسرتي خاطري و طلعتج
رجعت ليورة وفتحت جام اباوع و الهوة بي برودة يدخل امير شغل اغنية رومنسيه يعني عايشين الجو وكذا
غلست عنهم شوية وصارت حركة بالشارع و السيطرة انخبصت وكفو السيارات صار ازدحام
فتحت امير الشباك و سأل كلولة مغتالين ضابط مدري نقيب شوية ويحركون السير
نسرين: يااا عزة خطية ليش
أمير: همة بينهم يصفون
نسرين: شنو يعني يصفون أرواح الناس لعبة
أمير: عدهم لعبة مثل النملة شلون من تجي وزعجج وتوخرينهة عن طريقج همة هيج يوخرون ناس
دليار: ماعتقد يجوز عدة ثار شيء يعني هيج بنص شارع يقتلو
أمير: ماتدرين يابة شيصير بشوارع
ركيت راسي يم جام وبقينة واكفين فترة مررت عيوني على سيارات
نفتحت جام سيارة البصفنة صديت عليهة شاب راكي ايدة على شباك ويدخن ويلعب بجهازة
جان حلو .. ماعرف ماگدرت اوخر عيني عنة شيء شدني اني احب ناس لهيج تسلطن وحدهة احب اتأمل الاشياء
خصوصاً لاشخاص الصدفة اشوفهم وماكو فرصة
تتكرر
انتبهت عليه رفع عينة علية ماكسرت عيني بقيت اباوعلة عيونة خضر عاكس عليهن المبايل
جانت سيارة قريبة لحد اكدر اشوفة ..رفع حاجبة ..رفعت حاجبي هم ..عگدهن..عكدت حواجبي مثلة
نصة راسة وابتسم ورجع رفعة ابتسمتلة بستمتاع
غمزلي ..
نصيت راسي وضحكت فتحت جهازي ما منهة اخذ صورة لهلعيون الحلوة
رجعت رفعت راسي لكيتة ساد الجام وتحرك السير الهمة بي
مرات اشخاص يمرون من خلالنة بحيث ماننساهم شيء بداخلنة يجذبنة نرجع نرفع عيونة الهم مو حب ولا النظرة الاولى و لا اي شيء رومنسي
بس عيوني حسيتهة صار الهة فعل لوحدهة الفضول خلاني ارجع اباوعلة شخص عادي حرفياً غير حلاتة وممكن اشوفهة بأي مكان ثاني
اكو هواي حالياً بالمطعم حلوين و سيمين راح تبقة اي وحدة تباوعلهم عينهة زايغة بين قوسين
تاففت بضوجة لان ماكدر اتحكم بنفسي كل شوية ارجع اباوعلة نفسة مرينة قبل شوية وجان هوة بطريق واني بطريق
حالياً بينة شكم متر طاولتين نسرين و امير مقابيلي
يسولفون و يضحكون ماعرف على شنو بس اسمع كلمات غزل بينهم
ماعرف اصلا ليش مطلعيني وياهم واضح اني محشورة هنا بينهم طرف ثالث
دليار: احممم ممكن طلعون من وضعية المزوجين وتشاركون بشكم سالفة
نسرين: ها نسيتج
دليار: الحمدلله وشكر ..رايحة للحديقة برة اتمشى احس مليت من گعدة
أمير: انتظري نكمل ونروح وياج
دليار: لا ابقو ما علية شيء اتمشى ورجع
نسرين: خاف زعلتي
ابتسمتلهة: لا حبيبتي ابد اصلا همزين طلعتوني اخذو راحتكم
كمت منهم طلعت برة جان جو حرفيا حلو هوة بارد شوية واضواء و صوت مسيقى يجي من المطعم
حطيت مبايلي بجنطتي و حظنت ادية وبقيت اتمشى اخذت نفس شگد حلو
بقيت اتمشى بالحديقة جانت جبيرة بعدين الناس بدت تخف بالمكان الامشي بي و الاصوات تقل اكو كرسي هيج على جهة جنت ناوية اكعد عليه
نزيت من حسيت احد خلة ايدة على خصري رجعت ليورة بسرعة شفتة واكف و ابتسامة طابعهة على وجهة
عگد حواجبي وحجيت بحدة: شهل التصرفات ماتستحي
حجة بهدوء وعينة علية:اخخخ صارت بيهة مستحة
رجعت خطوة ليورة اريد امشي رجع اعترض طريقي : شدعوة جنتي كاتلة روحج قبل شوية زرفتي وجهي بعيونج
شتت نظراتي جنت متوقعة اكيد اني اكلتة بعيوني طبعا ياخذ عني نظرة هيج امداني وين احنة باوربا اباوعلة و نتأمل بعض و مسيقى وامة
طك اصابعة كدام وجهي رجعت اباوعلة بلعت ريگي حجيت بتوتر: أ..أسفة مكان قصدي هذا شسمة ما جنت اباوعلك..مو ما اباوعلك لا بس يعني ماقصدي شيء
بلعت اهدي بنفسي وحجيت بحدة:بعدين و اذا باوعتلك راح نصك شنو
مجاهد: يعني جنتي تباوعين لهدرجة اني حلو
دليار: اييي جنت حلو بس من صرت قريب تغيرت
تقرب عليه خطورة رجعت بتردد ليورة حجة بهمس وگان مايريد احد يسمعة : بس اجيتي بوقتج شلون محتاج راحة هسة
رفعت حاجبي : راحة شنو ..ترة اعتذرت منك كافي شبيك لحيت اول مرة بنية تباوعلك
ضحك وتقدم حيل رجعت بسرعة ليورة تعثرت لماني بدي تحركت بتوتر بس ما وخر رجلية بادن مغصتني بطني وگلبي يدك بقوة مليون الف شغلة اجت ابالي بثانية وحدة ..امداني ألمن طلعت
نزلت دموعي بخوف حتى من اصيح راح اطلع اني الغلطانة جاية برجلية هنا
مجاهد: اشش لاتخافين شوية وتخلص
سحبني فجأة وصرنة ورة حايط جانت استدارة مال سياج كدامي ماكو بس حديقة وظلمة ولا حس بس اصوات ناس تجي من بعيد ماممكن احد يشوف
حسيت برود بجسمي كوة توازنت حطيت كل قوتي بأيدي ودفعتة حيل اجة ابالي اضربة بس بلا تهور اريد اشرد
لزم ادية ثنينهن ورفعهن فوك راسي حركت رجلية حيل اريد اضربة وحجيت بحدة بس جسمي يرجف: انتة صدك ماعدك اخلاق هية فالتوا شلون تسوي هيج بمكان عام
صفن بوجهي حركت ادية نبتت اضافيري بيدة وهو لازمهن ضغط عليهن حيل حسيت ينكسرن صحت بصوت عالي: اخخخ سافل وخر مممحدد هنا فدددوـ
جرني من خصري و ختم شفتي بشفتة بحيث ماكدر اطلع ولا صوت فگيت عيوني بقوة ورجفت حرك شفايفة على كيف وتقرب حيل حسيت بكل جسمة لازك بجسمي
رطوبة مرت بشفتي تقززت وحسيت برودة بكل جسمي على لحظة اوگع دفعتة حاولت بس جان اقوة ضربتة برجلة ماتحرك لحد ما وخر من وحدة
حط اسنونة على شفتي وسحبهة وخرت راسي حيل تفلت عليه عاف ايدي يمسح بوجهة اني ماصدكت دفعتة من صدرة و طگيتة رگضة جن الموت يركض وراي
مالتفتت ولا جزء من ثانية عيوني غوشت بالدموع دخلت للمطعم وگبل للحمامات دخلت واني كلي ارجف اكو شكم ابنية جوة بقن يباوعلي بستغراب
ماهتميت طاحت جنطتي بالگاع ارتكيت على المغسلة
اجاني صوت من اللي بصفي: حبيبتي بيج محتاجة شيء
هزيت راسي برجفة ماكدرت انطق احس اخذ انفاسي ويا مدري راحت من الخوف قلق جبير سيطر على گلبي
گلبي احسة يريد يطلع من خوف مشاعر هواي اجن فجأة لو معتدي علية لو مخدرني غصيت بعبرة المشكلة مني
اني غلطانة واحد بنية تباوعلة صافنة بخلقتة شراح يسوي بجيت بسببي بسبب غبائي حسيت روحي وصخة
البنية البصفي ارتبكت عافت مكايجهة البيدهة وبدت دگ على ضهري وتهدي بية
اخذت نفس بقوة وحجيت بغصة: اسفة وترتج وياي اعتذر
: لا عيني انتي بخير محتاجة شيء مريضة احد وياج اصيحة
تذكرت امير و نسرين يجوز يدورون علية هسة رفعت راسي فتحت الماي غسلت وجهي ماهماني لامكياج ولا بطيخ اكيد وجهي صار خريطة
انطتني البنية كليتس مرطب وسدت الماي وهية تهدي بية اني ارجف ..اول مرة يصير وياي هيج صح اني لساني طويل بس وية بابا
دوم بابا ويانة احنة بدائرة الامان مادام احد وياي اكدر اسوي كلشي بس مو لوحدي مكان فارغ وشخص يسحبني بسبب غبائي
لو مأذيني أكثر لو صاير شيء اقوة لو امير جاي لو وهواي هواي .. اخذت نفس مو وكت اتحسب هسة اريد ارجع اريد اطير للبيت
غسلت وعدلت نفسي تشكرت من البنية و اخذت جنطتي وصلت الباب طلعت وكفت للحظة خفت اذا رجعت وشفتة واذا حاول يجيني او سوة حركة كدام أمير
مستحيل بعد مادخل هناك طلعت مبايلي برجفة اتصلت على أمير شوية و اجاني صوتة كتلة خل نسرين تجيني بالحمامات اني وسديتة
شوية واجت مبتسمة ناحيتي شافتني وطاحت ابتسامتهة اجت ناحيتي بقلق : عزة شبيج صاير شيء وجهج مخطوف
اخذت نفس گوة حجيت من حجيت ياله تأكدت انو اني صدك جبانة ولا كلمة كدرت اكونهة صح رجفة بجسمي
غمضت عيوني : خـ خلينة نـ نروح ه هذا اني مرضت وبطني توجعني بسرعة
باوعتلي شوية نوب هزت راسهة مشيت وياهة وراسي بالگاع مارفعتة على الصار اليوم راح اتأكد مارفع راسي ابد
طلعنة لامير برة صعدت سكتة سأل شبية ماعرف شكالتلة لان بالي مو يمهم غمضت عيوني بخنگة
ولحد الان احس بي ..احس باشمئزاز من نفسي احاول ابعد افكاري حتى ما بين شيء الهم نتبهت نسرين تابوعلي اعتقد جانت تسولف علية
غمضت عيوني ماكلفت نفسي اعرف شنو ..ورة شوية وكفت سيارة نزلت بسرعة ماهتميت لكل واحد لاگاني
صعدت للغرفة فوگ اني واسوة بيهة گبل اخذت ملابس ودخلت للحمام ارتكيت على الباب
غمضت عيوني احس بأيدة على خصري شلون لفاهة وجنهة بعدهي برغم ماذكر شيء من خوف بس احس بثقل على شفتي رفعت ادية شفت اثر اصابعة مسحتهن حيل صارن حمر
خليت ايدي على حلكي اكو جرح صغير على شفتي بلعت ريجي بقرف ومسحت حلگي بقوة
دخلت جوة الماي لحد ما هديت بدلت ملابسي وغسلت البقية و طلعت گبل للفراش تغطيت
ماعرف شكد بقيت ابجي من خوف لحد ما نمت
.
.
مرت الايام الوراهة باهتة ماكدرت اتفاعل ولا وية اي شيء مستحقرة نفسي و الذنب ماكلني اريد احد يگلي مو صوجج
بس جان صدك صوجي وغباء مني اول مرة اصدك ماما من تكلي ماتستحين كل ما اذكرهة اغص
حسيت روحي خاينة خنت ثقة اهلي بتصرفاتي الغبية شلون تصرف سخيف يمكن يخلق حدث جبير
هواي جنت اباوع للشباب من نطلع ولا مرة واحد باوعلي وكسرت عيني الة هو يوخر جنت ماخذة الموضوع بثقة
بابا ويانة محد يگدر يقرب جنت اضن هاي تصرفات عادي اشخاص ما ممكن نشوفهم بعد تسلية بس
بس اكو ناس تفسرهة بغير طريقة وحقهم .. ما جرأة اگول لاي وحدة من بنات جنت مستحية من نفسي وخايفة هم
كل ذرة شجاعة جنت ادعيهة گدام الكل تبخرت بثانية تبخرت من وكف وراي و حصرني و واتجرأة يتقرب مني
جبل على صدري احس فقدت شيء.. احترامي لنفسي
هاي لو صاير اكثر احتمال اقتل نفسي بنفس اللحظة الحمدلله ياربي الله ستر
ركيت راسي على طاولة بالمطبخ البنات مخبوصات اليوم زواج رائد بعد شكم ساعة وتجي الزفة حاولن بكل طريقة يكومني ما تهزهزت
جنت لابسة فستان ناعم نيلي و شعري مسرحتة واصل لحد خصري مكايج خفيف خليتة اني ماقبلت اروح وياهن للصالون
شوية وگعدت ماما مقابيلي اعتدلت بكعدتي مابوعت بعيونهة ماكدر اتوتر واخاف لا مو خايفة مستحية
حجت بحنية: ماما حبيبتي شبيج صارلج يومين مدري شلونج احد وياج
بلعت غصتي وابتسمت: لا ماما بس مادري مالي خلق
رند: گومي حبيبتي شوفي البنات شلون فرحانات شاركيهم راح تجي زفة لا تبقين هيج شيگولون عليج
هزيت راسي اخذت نفس دخلت جوة للاستقبال جان محضرين كوشة لان استقبال بيت خالو جبير حيل فالزفة هنا تجي
جان مليان اقارب مرت خالي و عرفهم و اصدقاءهم و ناس اليمهم وجوه ماعرفهة البنات ملتمات على الكوشة وياخذن صور و ساعة يركصن
تأففت لان مالي خلق كل ما غمصت عيني يجي وجهة عابتلة خرب اهلة الله ياخذة السافل الحقير عيونة جنهن خرز مال سبحة مسحوكة وطايح صبغة
بقيت اشتم بي واوخر ضوجة نزلت سلالتة كلهة ابتسمت يالله غلطة ماتكرر سبحانة مايغلط
منا وهيج لسانج بلهاتج دليار عيونج بلكاع مرادد ماكو ولا تباوعين لاي ولد ولاتمشين وحدج ولا طلعين بالليل
هووووف
دليار: التگعد على الكوشة تعرس
التفتت غسق: عليج الله ياهو الكال
دليار: اني معليج انتي گعدي ومن باجر نفرح بيج
نسرين: هههههه خو انتي اكعدي وحركي قسمتي شوية لان العدي مايزوج الة يزوج اخو الاكبر
غسق: هو امير يمطمط بالسالفة كوة مو هذا رائد الصغير وزوج
شوية صفنت نسرين: صدك والله ولا اجت ابالي
غسق: الحب عاميج
حسيت بأدين التفن على خصري رعشت و نكمشت على روحي التفتت لكيت اسوة حاضنتني عدلت نفسي
حجيت بهمس: خوفتيني
أسوة: حبيبتي انتي المخوفتني مشتاقة لصوتج صارلج يومين جايتج الحالة
بعدني اريد احجي سحبتني وهية تهز جتف ما جان الي اي خلق ارگص بس ماحبيت افشلهة
رگصنة سوة والعيون علينة جانت لابسة وردي ومكياجهة شوية طوخ و لامة شعرهة و حاطة بي ورد
ذكرتني بشعر بنات النشتري قبل الوردي اسوة دومهة شيء لطيف رقيقة و دائما متفائلة وتبتسم انشالله تبقى للابد هيج كون ضل مبتسمة
حاولت اتناسى الموضوع و مشيت وية الاجواء واجت الزفة و جانت زواج عراقي بحت الهوسة والخطار وركص و كلشي حرفياً
صارت ساعة بالثنتين والبنات بعدهن كاعدات ملتمات بغرفة بيبي خالاتي موجودات .. عدي اربعة
غصون مزوجة هنا بالبصرة واحد غريب عدهة اربع ولد و ثنين بنات هدى مزوجة بأربيل و غسق العلة
زهراء مزوجة هم هنا ابن عمهة يعني ابن عم ماما هو نفس شيء عدهة ولد و بنية بتهة قمر دلوعة تنگط دلع تحسهة ماي مو بنية گاعدة يم امهة ماتكل للفلك ولك
خالتي نرجس و رباب مزوجات خوان وكل وحدة عدهة شكم ولد و بناتهن نجد و سمر و فاطمة و زمن
ثنين لهاي وثنين الهاي هذي حزب لوحدهن
أسوة: اكلج رجلي شگلت ماتوخرين راسج
وخرت راسي من رجل اسوة وزحفت على ساس اروح لماما بس بيبي اقرب خليت راسي على رجلهة
حطيت ايدهة على شعري ومسحت علية تنفست بضيقة وغمضت عيوني احسهة تمسح على گلبي مو شعري
: شعدج ولج ياهو الخالسج صارلج يومين خانسة
حجيت بهدوء: اتأدب تگلولي شعدج ..انجلب تگلولي شعدج مجلوبة
: زين ودريتي بروحج مجلوبة ..شعدهة جلبتنة ساكتة
دليار: هههههه ماصدگتي تلكيلج غلطة خلينة عايشين اللحظة اول مرة كاعدين سوة و شلونة
:طلع السانهة طلع بس اني ما مرتاحتج الفلك ماتگعد الة ضامة مصيبة
تنهدت وحطيت ايدي على گلبي بتمثيل: اخخ يابيبي گلبي يوجعني
حسيت بيهن سكتن فتحت عيوني وضحكت شلون يباوعلي : هههههه اسم الله شبيكم شگلت اني
نسرين: انتي مو راحة هاليام
دليار: افكر بالجامعة احاول استعد نفسياً و حكم عقلي و گلبي لان اكيد هناك هواي فرسان يجوز فارس احلامي منتظرني
گرصتني بيبي بزندي : اني اگول انتي مايصير براسج خير ولا مستحة ولا تخجلين مو عيب شنو هذا الحجي
كل حجاية جانت تكولهة قبل تمر ولا كأن هسة احسهة تنبت بگلبي :اووي اشاقة بيبي ..اصلا اني خططت مازوج
رند: اي ظلي گاعدة على گلبي
دليار: عسل على گلبج
رجعن يحجن بينهن بعدين الكبار كامن يبسبسن وحدة تشاور ثانية عرفنة السالفة فوك السن القانوني
طشينة اني كمت للغرفة لحكتني نسرين دخلت لميت روحي على الفراش كعدت بصفي
نسرين: شبيج من ذاك اليوم من طلعنة وانتي مدري شلونج صاير وياج شيء
تنهدت بضوجة : لا بس مادري ماعدي خلق عوفيني فدوة
نسرين: شبيج ترة اخاف من اشوفج هيج
دليار: مابية شكم يوم وارجع بس تعبانة احس الوقت يمشي اسرع مني
لفيت راسي ودرت وجهي عنهة عافتني وراحت..
__________________نهاية البارت
