رواية الاسيرة الفصل السابع عشر 17 بقلم ندي محسن
الحلقة 17
بقلم/ندى محسن♕Noody♕
نهلة كانت متعلقة فيه وهو كل همه هي وحالتها اللي بتسوأ
صهيب بإنفعال:هنعمل ايه العربيه ممكن تنفجر في اي لحظه من كتر ضرب النار دا
سفيان بقلق:نهلة تعبانه نهلة تعبانه مش عارف اعمل ايه حالتها بتسوأ والزفت لسه موصلش
طلع التليفون وكلم مصطفى وقاله يجي بعد مشرحلو الوضع وهو بيستهلك كل ذره قوة في اعصابه
نهلة بصتله بخوف ودموع:سفيان
سفيان باس جبينها:مش هيحصلك حاجه متخافيش يا نهلة مش هتضيعي مش هتروحي مني لا
نهلة بدموع وصوت مهزوز:سفيان انت بتحبني
سفيان استغرب من سؤالها في الوضع دا:نهلة!!حبيبتي انتي بتقولي ايه!!
نهلة:رد عليا بس سفيان بتحبني
سفيان حس انها فعلآ محتاجه للأجابه يمكن عايزه تحس بالأمان حاوط وشها وباس جبينها برقه وهي دموعها نزله:انا مش بحبك وبس انا بعشقك يا نهلتي يا عشقي ويا اول واخر حب ف حياتي لسه بتسألي يا نهلة لسه مش حاساها
نهلة بدموع وقهر:اومال ليه حضنت نسمه وضربتني عبشانها وقولت انها خسرت كل حاجه علشانك
سفيان اتنهد بوجع على قهرتها بالشكل دا مسح دموعها:حبيبتي اسمعيني انا محضنتهاش وانا حكتلك مرتضى قال ايه دي كانت هتموت مخبتش عنك حاجه مكنش لازم ابعدها في حالتها كدا ومضربتكيش علشانها
نهلة زأته بعنف: انت كداااب انت بس عملت كدا علشانها
صهيب كاتم ضحكته وفي سره: ربنا بيخلص حق ناس فيك عن طريقها وربنا يستر ومنولعش كلنا
مرتضى وصل وقعد يضرب في العربيات وكذا واحده انفجرت بس العدد كان كبير وهو نزل من العربيه وبقى يضرب ويختفي
سفيان: اولآ انا مضربتكيش لو كنتي بتسمي دا ضرب هااا انا بس شديت عليكي علشان تسمحي لحد يحط ايده عليكي ولو اتكررت تاني يا نهلة هوريكي الضرب
سفيان كان قاصد يخوفها واتفاجأ بيها بتبصله بتحدي وهو غصب عنه ضحك بغلب: يعني ايه يعني مش همك
نهلة بدموع: انت اللي مش همك يا فرعون انت بس بتدافع عنها
سفيان اتنهد بضيق: والمصحف أبداً يا نهلة
نهلة: انت مش شايف بتكلمني ازاي يا سفيان ومش ندمان حتى ولا فكرت تعتذر وبعدين من حلف بغير الله كذب
سفيان قلقان من الوضع اللي بيتأذم وصهيب قلقان من اللي بيحصل وخايف على مرتضى
مصطفى وصل وبمهارته قدر يتحكم في الموقف وضرب مع مرتضى ووقعوهم وكان قاصد يسيب واحد يوصله مين اللي عمل كدا وصابه في رجله بس
صهيب اطمن ان خلاص كله تمام: سفيان باشا لازم ننزل العربيه ممكن في اي لحظه تنفجر
سفيان:انزلي نهلة حبيبتي يلاا تعالي
نهلة:مش نازلة يا سفياان انا مش عايزة ابقى معاك وانت مبتحبنيش
سفيان فتح الباب وعمال يسحبها وهي بردو مش عايزة تنزل
صهيب بقلق:نهلة هانم انزلي دي مفيهاش هزار
سفيان شدها جامد وهو شايلها وبعد بسرعه ثواني والعربيه انفجرت وبقت رماد
سفيان نخ على ركبته ولسه شايل نهلة وهي في حضنه ومكلبش فيها وهي حست انها غلطت واد ايه وشه تعب فجأه كأنه كان متماسك بس علشان الموقف على عكسها اللي كانت منهارة وبتتخانق معاه وهو فتح عينه بصلها بعتاب وشاف اسف في عينها ودا خلاه هدي ودفن راسه في رقبتها:حرام عليكي يا نهلة مكنش وقت عناد كانت روحي بتروح نهلة انا بحبك وانا اسف عارف اللي حصل ضايقك وحطيت نفسي مكانك وكنت هموت اي حد يلمسك بس والله كان غصب عني سامحيني يا نهلتي
مصطفى بيضرب الواد اللي مسكه على الجرح:انطق يلاا مين اللي بعتك وليه
مرتضى كاتم ضحكته بغيظ:متأكد انك رائد وفي المخابرات لا دي المخابرات باظت وربنا بتسأله ليه مكنش جاي يلعب معاه شطرنج يعني كان جاي يقتله حضرتك
:ك….كارم بيه هو…..هو اللي باعتني….علشان اخلص من فرعون….واخد نهلة…
سفيان رفع وشه بغضب ونهلة لاحظته ونبضات قلبها اضطربت ازاي تعابير وشه بتتغير في ثواني اد ايه هو غاامض!!!
مصطفى بص لسفيان اللي وقف نهلة وشاور لمرتضى
مرتضى:مش هسيبك ريح
صهيب: هوصلها متخافش عليها بس هيديني عربيته بقاا
مرتضى حدفله المفاتيح: خلي بالك منها دي الغاليه دي
صهيب رفع حاجبه: الغاليه راحت والأغلى كان هيروح يا حلو ابو شكل برودك دا انا اعصابي سايبه
مرتضى: انما شويه اكشن بس ايه رأيك فيا وانا نمس بوند بقااا اكشن رومانسي مغامر كله موجود
صهيب: الا حاجه واحده وانت الصادق
مرتضى: وايه هي
صهيب: محترم
مرتضى خد طوبه وحدفه بيها: طب غور بدل موريك المحترم هيعمل فيك ايه
سفيان: متخفو بقاا انا قاعد مع اطفال
نهلة كانت خايفه تتكلم وهي شيفاه في الحاله دي وهو لاحظ وحاوط وشها وهمس: حبيبتي عايزة تقول حاجه
نهلة همست: مش عايزة اسيبك
مصطفى بصوت عالي: الا قولي يا مرضو هو الحب حلو كدا
مرتضى بصوت عالي: ياعم الحب جميل للي عايش فيه اش عرفك انت
سفيان بصوت عالي: هعرفكوا انتو الأتنين بس حاضر حاضر
نهلة ضحكت
مرتضى: اللهم صل على النبي
مصطفى: اموت انا في الضحكة دي
سفيان بعصبيه: اتلم انت وهو والا واللهي هتجنن عليكوا
قاطعوه في نفس واحد: لا وحيات اهلك حرمنا خلاص
صهيب ضحك: وتقول اطفال حضرة الرائد زودها اوي
مصطفى: سخنه حسبي الله ونعم الوكيل على الظالم والمفتري ورئيس حرص سفيان ارسلان حسبي الله
صهيب: فيك
مصطفى: اشوف فيك يوم
صهيب: فيك بردو
مصطفى جري وراه بغيظ وهو بيجري وسفيان ضحك بغلب ودماغه شغاله بيتوعد لكارم هو خلاص اتعدى حدوده بزياده واللي زودها انه كان عايز ياخدها ياخد حبيبته منه
نهلة مسكت ايده: بتفكر في ايه
سفيان: لازم تروحي المستشفى نطمن
نهلة: طب سفيان خليني معاك انت متعصب متعملش حاجه وانت متعصب يا سفيان بالله عليك وبعدين مش محتاجة مستشفى محصليش حاجة
سفيان ابتسم بخفه: خايفه عليا
نهلة بغيظ: انت رخم
سفيان قرب وهمس: بقولك ايه تعالي نخلع منهم ونروح على الجزيره تعالي نروح لقلب فرعون
نهلة: انت ف ايه ولا ف ايه انت
سفيان: يا حبيبت قلبي دا احنا كنا هنموت وانتي بتقوليلي كداب مبتحبنيش
نهلة: علشان انت قهرتني يا سفيان
سفيان ملامحه اتغيرت حاوط وشها بلهفه: نهلة اوي تقولي كدا الكلمه دي بتدبحني اوعي تقوليها يا نهلة
نهلة سكتت بحزن وهو لاحظ
سفيان باس خدها: حبيبتي حبيبت قلبي اوعدك مش هحسسك كدا ابدآ هاا انا جاي معاكي دلوقتي مش هسيبك
ابتسمت وهو خدها ومشيوا
مصطفى: الله هي سيطرت عليك
#الأسيرة ♡بقلم/ندى محسن♕Noody♕
كارم:بتقول ايه
صالح:بقولك اللي انت بعتهم كلهم جثث على الطريق والشرطه قفلت القضيه ضد مجهول
كارم:يا ابن ال….استنى استنى دي لعبه زباله انا حافظها كويس مصطفى رجع!؟
صالح: اه
كارم: لا دا كدا خلااص انا هوريهم والمره دي مفيش رحمه
#الأسيرة ♡بقلم/ندى محسن♕Noody♕
علا بتلعب ف شعر مرتضى: يا خبر الحمدلله انك بخير يا حبيبي
مرتضى باس ايدها: وحشتي حبيبك يا قلب وروح حبيبك
علا ابتسمت بسعادة وباست ايده
وهو اتقلب فراسه لامست بطنها ولقى خبط: ايه دا
علا ضحكت: الله مش انت جيت عليه
مرتضى قعد وهو مبتسم وحط ايده على بطنها المنفوخه وهو بيتحرك وهو ضحك اوي مع كل حركه
علا بتضحك على ضحكه وهي حاطه ايدها فوق ايده
مرتضى باس ايدها وبطنها: بعشقك
علا: وانا بموت فيك يا حبيبي
مرتضى: الا قوليلي بقاا عيزاه ولد ولا بنوته
علا: انت عايزو ايه
مرتضى ضحك: انا عايزو الأتنين
علا: لا مفيش اتنين هو واحد بس لسه معرفش نوعه
مرتضى: الله مهي بطنك كبيرة بسم الله ماشاء الله
علا ضحكت: مهو ابنك ولا بنتك حضرتك
مرتضى: ياااه بقااا مستني اليوم اللي هبقى فيه بابا بقااا يا لولي
علا ابتسمت:بجد يا مرتضى انت بتحبني
مرتضى:انا بموت فيكي يا عوض ربنا ليا
علا ابتسمت وحضنته بسعاده
#الأسيرة ♡بقلم/ندى محسن♕Noody♕
ريفال:مش عارفه
هنا:يعني مقالتش ساكنه فين نهلة دي هتجننا وربنا
ريفال:طب هنستفاد ايه
هنا:مش ابوكي كلم سفيان وقاله ان فارس معاهم
ريفال:واحنا مالنا بفارس
هنا:مش عايزة تشوفيه يعني الواد دا وحشني وربنا
ريفال:نبقى نكلم ابيه سفيان وهو مش هيقول حاجه لما يجي يقابل جدو
هنا:تمام
ريفال:هو ابيه سامر فين
هنا:في الشغل عمو عاصم وشاكر تحت وانا بتلكك والله مع ان بابا قال ابقي سلمي على عمك
ريفال:انا متضايقه ان بابا وماما هيرجعو السعوديه والمره دي نهلة مش معايا
هنا:يا ريفو مهو فارس هيبقى معاكي وانا معاكي وسامر كمان معاكي ونهلة مهي بردو معاكي
ريفال:بس هما هيوحشوني لولا اني عندي امتحانات كنت سافرت معاهم
سامر من وراهم:وتسيبي ابيه سامر هنا
ريفال وقفت وابتسمت وبتلقائيه حضنته وهو ابتسم
هنا:يبنتي انتي كبرتي وانت يا عم الأب الحنين ايه
سامر:انتي عبيطه يا بت انا لو كنت خلفت كنت جبت قدها
هنا:متسرحش مش للدرجه يعني تتجوز زيها ماشي مش تجيب قدها
ريفال بعدت بخجل من كلام هنا
سامر:شوفتي بذمتك القمر دا حد يكسفه كدا خدودها احمرت يخربيتك
هنا:يا حنين
ريفال ضحكت وسامر ضحك بغيظ
#الأسيرة ♡بقلم/ندى محسن♕Noody♕
فارس بيأكلها وهو فرحان وسفيان هيفرقع
نهلة ابتسمت:حبيبي انت كنت فين
فارس:كنت…..
سفيان بصله
فارس:كنت بدور عليكي لحد مقابلت سفيان
نهلة:قابلته ازاي وفين
سفيان بضيق:انتي بتسألي كتير ليه مخلاص يا نهلة انتي مبتصدقي تفتحي في الكلام
فارس بخنقة:متكلمها عدل ايه القرف دا
نهلة برقتله:فارس….
فارس بعصبيه:انتي سكتاله ليه مش فاهم انا هانك وطلع ضربك لحد مأغم عليكي وانتي ايه قابلاه ليه يا نهلة حبيبتي انتي مش مغصوبه عليه حبيبتي انا قادر احميكي والف مين يتمناكي يا نهلة مش نهايتك عنده نهلة انتي عمرك مكنتي ضعيفة
سفيان وقف بعصبيه:اخرس انا ساكتلك وانت زودتها نهلة على الأوضه يلاا
نهلة وقفت وجت تطلع:سفيان…مش هتطلع!
سفيان:دا عايز يتربي وانا هربي شويه
نهلة وقفت قدام فارس بخوف:دا صغير ميفهمش اهدى بس يا سفيان
سفيان:هو انا مش قولت على فوق؟
نهلة:سفيااان؟!!!انت مالك في ايه
سفيان:على اوضتك يا نهلة
نهلة مسكت في ايد فارس:لا مش هسيبه يا سفيان سفيان اهدى هو هو ميعرفش والله ميعرف علاقتنا ببعض انا مقولتلهوش حاجه
سفيان اتنهد بغضب وشدها بعنف:على اوضتك يا نهلة
نهلة دموعها نزلت:والنبي يا سفيان بالله عليك يا سفيان بلاش تأذيه والنبي دا عيل ميفهمش
فارس:نهلة انتي بتترجيه؟؟ دا زباله
سفيان ضربه بالبوكس جامد وبغل وقعد يضرب فيه وفارس رغم جسمه المفرود اللي سابق سنه مش قادر يصد ضرب سفيان لحد مبقى ينزف ونهلة بتصوت بدموع
نهلة بدموع:سفيان بالله عليك خلاص يا سفيان كفااااية
فارس بيتألم:انت…..عديم الرحمه…..مهما حصل….مش….مش هسيبها معاك
نهلة بدموع:كفايه يا سفيان بقااا
سفيان ضربه في بطنه جامد ونهلة مقدرتش تتحمل وقفت قصاده وقعدت جنب فارس حضنت راسه وهي بتعيط بأنهيار
سفيان نادى بصوت عالي:صهيب
صهيب دخل بأستغراب:ف…فارس!
سفيان:رجعه على المخزن
صهيب:سفيااان!!!
سفيان:اظن سمعت رجعه في داهيه هناك لحد ميتربى ويبقى راجل
صهيب جه يقرب
نهلة صوتت:لا محدش ليه دعوه بيه حبيبي قوم
فارس قعد وبص لسفيان بغل وراح حاضن نهلة جامد بغل ونهلة شهقت بألم وغصب عنها صوتت:فارس حاسب دراعي
فارس مهتمش وبيضغط عليها بعنف اكبر حست ان دراعتها هتتكسر
نهلة صوتت بألم:فارس حاسب انت بتعمل ايه
سفيان سحبها بلهفه وزأه بعنف وهو ماسك وشها وهي محاوطه كتفها بألم والدنيا بتلف بيها
صهيب بصدمه:سفياااان حاسب
نهلة وقعت فاقدة وعيها
فارس اتصدم مكنش متوقع يحصلها كدا هو حب يضايق سفيان لما شافه بيغير عليها واتضايق اكتر لما لاحظ انه بيغير عليها منه
سفيان بعصبيه:غوره على الأوضه اللي في الوش واقفل الباب اقسم بالله لو حصلها حاجه مش هرحمك يا حيواان
شالها وطلع بيحاول يفوقها الدكتورة قالت انه مع اقل اجهاد ممكن يحصل كدا بس هو هيموت من الخوف كشف دراعها شاف علامات صوابع فارس وزرقان ودا غاظه اكتر مفيش حاجه تقدر تعصبه وتخليه مغلول اد ان حد يحط ايده عليها مين ما كان يكون
نهلة ابتدت تفوق ولقته ابتسم بحنان
سفيان باس ايدها براحه:حمدلله على السلامة
نهلة قعدت بقلق:سفيان….انت عملت فيه ايه….فين فارس…حرام عليك…انا حبيتك ليه مصمم تخوفني وتصدني عنك ليه انت ضربته بوحشيه كان هيموت في ايدك وهو اخويا هو معملش حاجه هو طيب بس….
سفيان بعصبيه:الطيب دا خلاكي يغم عليكي من الألم وانتي بتصوتي اي اخ دا هاا اللي علشان يضايقني كان مستعد يأذيكي
نهلة:سفيان انت كنت هتموته
سفيان:نهلة اسكتي
نهلة:مش هسكت يا سفيان انا عايزة اشوفه مخزن ايه اللي هتوديه
سفيان:ششششش ملكيش دعوة بيه
نهلة وقفت وجت تخرج
سفيان سحبها وبيحاول يحافظ على هدوءه:يا حبيبتي يا نهلة متتعبيش قلبي معاكي
نهلة:سفيان انت ليه بتعمل كدا فيا بالله عليك ليه انا حسيتك اتغيرت ليه ضربته بالوحشيه دي
سفيان حاوط وشها:انا معاكي انتي حاجه تانيه معاكي انتي وبس
نهلة:انا عمري مهحس معاك بالأمان طول منت بتأذي الناس دا حتى انت محترمتش انه اخويا
سفيان:مودتوش المخزن في الأوضه اللي تحت ممكن تهدي وننام علشان انا تعبان ومش قادر ممكن
نهلة الدموع في عينها وراحت بقلة حيله نامت وهو جنبها اخدها في حضنه وهي ربعت ايدها وهو فهم انها بتتمرد ومش عايزة تحضنه
سفيان ابتسم وهمس:مش هسيبك يا نهلتي مش هسيبك مهما حصل ومش هنام ليله من غير حضنك يا قلب فرعون كدا عايزة تحرمي فرعون من راحته
نهلة بصتله
سفيان باس جبينها:نهلتي اوعدك بكرا هخليكي ترضي عني هتشوفيه وفيش حاجة هتحصله
نهللة دفنت راسها في صدره ونامت وهو ابتسم
#الأسيرة ♡بقلم/ندى محسن♕Noody♕
مصطفى:وانتي عايزة ايه
نسمة:عايزة اروح اشوفه هو اتضرب عليه نار….انا عايزة اشوفه
مصطفى:انتي عبيطه يا بنتي دا راجل متجوز ومراته بتغير عليه وهو بيموت فيها انتي عايزة ايه افهم بس
نسمة سكتت بضيق:سفياان….انا مش ممكن انساه
مصطفى:لا بجد انتي ايه بتفكري ازاي
نسمة بدموع:انا خسرت كل حاجه بس سفيان انا مستحيل انساه مستحيل
مصطفى اتنهد بقلة حيله:طب اخرجي من اوضتي بدل محد يشوفك ودا ميصحش
نسمة قعدت على السرير:مش خارجه غير لما توعدني انك هتوديني اشوف سفيان
مصطفى:اوديكي فين هو انا البودي جارد بتاعك حضرتك وبعدين سفيان هيسافر الصعيد عند اهل مراته
نسمة:يبقى مش خارجه غير لما توعدني بس
مصطفى:خلاص خليكي
قفل الباب وخلع قميصه
نسمه دورت وشها بصدمه:انت بتعمل ايه انت
مصطفى بخبث:ايه واحد في اوضته وبيغير هدومه في مشكله
نسمة وقفت:على فكرا انت قليل الادب
نزلت بسرعه وهو ضحك
#الأسيرة ♡بقلم/ندى محسن♕Noody♕
شاكر:يا جدي انا كنت غلطان وكان طيش شباب انا ندمان وعايزك تسامحني
نور الدين ابتسم:يبني انت عارف معزتك عندي وكفايه انك عرفت الصح الوقت لسه مفاتش في ايدك تصلح
شاكر بيمثل:انا عارف الكل كارهني بس خلاص انا مش هعمل حاجة غلط بعد كدا
نور الدين:عين العقل يا ولدي
شاكر:بس بردو لازم تشد على سامر ميصحش وجوده مع ريفال دايما وامبارح طالع من اوضتها الفجر
نور الدين:سامر دا اخوها يا شاكر واظن انت عارف مش سامر اللي يتخاف منه
شاكر بصله وبيفكر ازاي يكرهه في سامر
نور الدين فهم دماغه:سامر انا اضمنه برقبتي وان كان بيضايق ريفال كان هيبان عليها بس حتى هي متعلقه بيه وبأخته
شاكر بغضب:وانا ابن القطه السودا
نور الدين:شاكر انت اللي عملت كدا وان الأوان تصلح بقاا اخطائك
شاكر طلع من عند نور الدين الغل ماليه
نور الدين اتنهد:وبعدهالك يا ابن عاصم وادي تربيتك يا عاصم ودلعك الزايد (اتنهد بقلة حيلة)ودلعي انا كمان…
سامر بيشرح لريفال الدروس وهي فهمت وابتدت تتجاوب معاه وهو مركز في حركاتها
ريفال:ها صح كدا
سامر ابتسم:امممم
ريفال:انت باصصلي ليه انا بتوتر لما حد بيفضل يبصلي كدا انا غلطت؟
سامر:علشان انتي زي القمر مش علشان غلطتي ولا حاجة
ريفال ابتسمت
سامر حط ايده على شعرها
ريفال بصتله وهي مبتسمه وهو قربها منه فبصتله بأستغراب:ابيه سامر (بصت لأيده بإستغراب)في ايه؟
سامر باسها وهي اتصدمت ولما استوعبت حاولت تبعده بس طبعآ مش عارفه رافض انه يسيبها زأته بعنف وهو بصلها وسحبها اجمد من الأول وبيبوسها:بس اهدي استني بس
هنا دخلت:ريفو كنت…..
سكتت بصدمه لما شافت ريفال بتبعد سامر وهو ماسكها وبيبوسها وهنا راحت شدت سامر وضربته بالألم بصدمه:انت اتجننت
سامر حط ايده على وشه بصدمه
ريفال حاطه ايدها على شفايفها والدموع اتحررت من عينها بصدمه وشايفها بتنزف
سامر اتصدم:انا….انا مكنتش اقصد…ريفال
ريفال بصاله بعتاب وصدمه
سامر:حبيبتي ريفال تعالي ريفال انا اسف
ريفال جريت على برا
هنا بعصبيه:انت اتجننت يا سامر(صرخت فيه)انت اكيد اتجننت
سامر غمض عينه بضيق:انا كان غصب عني
هنا بصتله بضيق وخرجت وهو متضايق من نفسه بس هو مقدرش يسيطر على نفسه!!!
ريفال باصه في المرايا وبتعيط
سراج شافها:مالك يا حبيبتي
ريفال حضنته جامد:بابا انا عايزة اسافر معاكوا بالله عليك مش عايزة اقعد مع حد هنا يا بابا
سراج:خلاص يا حبيبتي لو عايزه مفيش مشكله هتسافري معانا
ريفال حضنته براحه ودموع
#الأسيرة ♡بقلم/ندى محسن♕Noody♕
نهلة فتحت اوضه فارس تحت انظار سفيان اللي فاكره انه خرج وهي بتتسحب وهو استمتع بمراقبتها وعمال يكتم في ضحكه على طفولتها
فارس وقف بسرعه من على السرير:نهلة انتي كويسه انا اسف انا اسف مكنتش قصدي ءأذيكي
نهلة:فارس خلاص متفكرش حبيبي انا جبتلك هدوم من عند سفيان غير هدومك علشان هنسافر جدك عايز سفيان
فارس:جدددي!.!!هو عرف
نهلة:دا موضوع كبير هتفهمه بعدين بس خليك هادي سفيان طيب بس عصبي وهو مش وحش زي منت فاكر يا فارس
سفيان حضنها من ضهرها:مهو قلب سفيان عارف كل حاجة اهو
نهلة غصب عنها ابتسمت
فارس:يا انت ايه مبتفوتش فرصه على فكرآ انا هنا
سفيان:وانا مالي واحد بيحب في مراته انت مالك انت بجاحة انك هنا اصلآ
فارس:طب خد مراتك وبرا علشان اغير
خرجو وفارس اتنهد بضيق على الشخص دا اللي شويه ملاك وشويه شيطان
نهلة بصتله
سفيان باس ايدها:ايه يا روحي عاملة ايه
نهلة:انا كويسه
سفيان ابتسم وباس ايدها:يا رب دايمآ كويسة يا نور عيوني
نهلة غصب عنها ابتسمت وحضنته
#الأسيرة ♡بقلم/ندى محسن♕Noody♕
علا:خليك معايا النهاردا بلاش تروح بلاش تروح يا مرتضى
مرتضى:حبيبتي انا عندي شغل كتير ولازم اخلصه وكمان يا روحي مش هتأخر هاجي بدري علشان اخدك للدكتور نتطمن علي النونو
علا حضنته:انا بحبك اوي يا مرتضى انا بجد بموت فيك انت مش متخيل اد ايه انا بعشقك
مرتضى:حبيبتي انا بحمد ربنا عليكي يا روحي يا روح مرتضى
علا:اوعدني انت هتفضل تحبني اوي كدا
مرتضى:اوعدك انا هفضل احبك هفضل احبك طول مفيا نفس
علا باسته وهو حضنها وابتسمت وهي بتشم ريحته اللي بتعشقها وعند الباب خرج وبصلها وبص لبطنها وابتسم:خلي بالك منه
علا:عيب عليك دا انا اموت فداه دا
مرتضى:بعد الشر عليكي يا قلبي
علا:لا اله الا الله يا مرتضى
مرتضى بصلها بحب وابتسم:محمد رسول الله
مشي وحس بقلبه بيشده ليها بس مشي وهو عايز يروح تاني ابتسم:خلاص يا سيدي اهدى كلها شوية وترجعلها وتزهق منك
قاعد في الشركه خلص الورق وسلمه لرقيه سكرتيرة سفيان
مرتضى تليفونه رن وكانت الصدمه
كارم:انا حذرتك مره وقولتلك متلعبش معايا وملكش دعوة بيا وابعد وانت مصمم تحط حياتك وحياة حبايبك على المحك يا ماضو
مرتضى:انت فاكر اني هسيبك يازباله هخليك تتمنى الموت
كارم:هههههه مظنش يا روحي المرة دي الهديه هتعجبك اوي مش هتبقى قادر تنطق حتى اوعدك انت فاكر حراسك هيمنعوني ادخلها تؤتؤ غلطان بس لولا عندها بردو مكنش حصل كدا يلاا بقااا مش عايز احرقها عليك يا مرضو
قفل ومرتضى حس قلبه بيخرج من مكانه وخرج التليفون بيكلم علا التليفون مقفول جري على العربيه عمال يحاول مفيش فايده التليفون مقفول……
#الأسيرة ♡بقلم/ندى محسن♕Noody♕
سفيان بيسوق جاله تليفون
كارم:وحشني
سفيان ضحك بأستفزاز:بس عارف انت موحشتنيش خالص
كارم:انا بعت هديه مميزه لصاحبك اتمنى تعجبه بقاا واعرف ان مش بعيد ابعتهالك انت كمان
سفيان:انت بتتكلم على ايه؟
كارم:روح بيت صاحبك هو زمانه ف طريقه لهناك يا فرعون باشا الحقه ليعمل في نفسه حاجة
سفيان:ايه انت هتفضل تتكلم بالألغاز اللي على لسانك قولوا واخلص
مرتضى ضحك:دا ميتقلش دا يتشاف يا فرعون
سفيان قفل واتصل بمرتضى:انت فين وفي ايه ايه اللي حاصل؟
مرتضى:سفيان انا في الطريق لشقتي كارم لو اذى علا انا هموت انا مش عارف اعمل ايه
سفيان:حبيبي سوق براحه وانا جايلك يا مرتضى متتسرعش
مرتضى قفل وسفيان غير طريقه وهو بيطير بالعربيه لشقة مرتضى
نهلة خافت وشايفه القلق والغل على وش سفيان بعد مكلم مرتضى
فارس:اهدى انا مش فاهم في ايه ومين كارم دا بس ان شاءالله خير
مرتضى وصل وهو مش شايف حد من الحراس ودا خلى قلبه اتنفض جري على فوق بلهفه وهنا شاف دم جاي من تحت الباب…
