رواية دية الصلح الفصل الخامس 5 بقلم مرج البحر
أنا اخشى ان أتمزق لكن حل ما أخشاه
هو الكسر .. الكسر هو الشئ الوحيد
ومن بعدها يتغير المرء حتى على
نفسه ذلك الجزء الذي نحتفظ به
وتلك الحقيقة وذلك التبرير …
✍#مرج_البحر
سولاف : عيطت عليها وكلت الها اني اعرف كل الزين انتي شنو الي سويتي
واعرف وين تروحين بس والله ما راح اسكت
ام سولاف: : لج انتي من يمته طلع لسانج حقيره
تعالي يمي
سولاف : نزلت بيه ضرب وبدون وعي تضربني
كسرتني من الكتل وطلعت لغرفتها وقفلت الباب
اني بالكوه اسحل بروحي
رحت يم الباب مالتها وسمعتها تبجي وتتوسل
بشخص علمود يخلصها من الموضوع
حاولت اشرد من البيت بس ما كدرت جانت قافله الابواب
بقيت على هاي الحاله يومين
الضابط : وصلنا بلاغ على جثة رجل مقتول
بالشارع وطلعنا دوريه لمكان الحادث كانت الجريمه غامضه
حاولنا نمسك اي خيط يوصلنا للمجرم و دورنا
اذا اكو كامرات قريبه من المكان الحادث لاكن
للأسف مالكينا
المغدور كان يستغل سيارته وبيها مستمسكاته
وجهازه حاولت افتحه للاسف بي رمز ويحتاج
وقت حتى نكدر نفتحه
اخذت الجهاز ونقلنا الجثه للطب العدلي
وفجاه اجانا اتصال على جهاز المغدور
باسم سولاف
قبل لا اجاوب حفظت الرقم و رديت عليها
وكالت انو هو يصير عمها
كلت الها انو عمها مقتول طلبت منه توصل
الخبر لأهل المغدور وبقيت انتظر يوم كامل
للأسف محد وصل
وهذا السبب راد شكوكي بالحادثه
اتجهت للقاضي واخذت موافقه لشركه الاتصالات حتى اعرف عنوان هذا الرقم
وفعلاً توقفنا بأول خطوه واخذت العنوان
و كامل المعلومات واتجهت لبيت سولاف
سولاف : ثاني يوم الصبح اني فزيت على صوت الباب ركضت حاولت افتح الباب الداخلي بس ماما قافلته
طلعت من غرفتها وجانت علامات الخوف
واضحه بعيونها كالت منو بالباب
كلت مااعرف فتحيلي الباب خلي اطلع
اشوف منو
ركضت جابت المفتاح فتحتلي الباب الداخلي
وطلعت ركض فتحت الباب لكيت الشرطة بوجهي كلت تفضل اخوية
الضابط : منو سولاف
سولاف : نعم تفضل
الضابط : انتي البارحه اتصلتي على جهاز عمج
وطلبت منج تكولين للأهل لحد هسه محد اجى
سولاف : سيدي ماما ما قبلت
الضابط : وين امج صيحيلها
سولاف : دخلت النص الكراج وجانت ماما واكفه
بس مسافه ٢٠ متر بينا تقريبا
كالت منو كلت الها الشرطه يريدوج
ماما ركضت للداخل واني بقيت صافنه
مااعرف شسوي كلت اكيد فاتت تلبس حجاب
وتجي
رجعت للضابط كتله هسه تجي
الضابط : وينه جهازج اريده
سولاف : يم ماما مو كتلك اخذته مني وماقبلت اتصل على احد
الضابط : شوفي اني مااحب الكذب وانتي مبين عليج حبابه و ما تكذبين راح اسئلج
سؤال واني اعرف الحقيقه بس حتى اختبرج
سولاف : تفضل اني مااكذب
الضابط : امج ليش ماقبلت تتصلين بأحد وليش سحبت منج الجهاز وليش ضربتج
سولاف : عزه شمدريك ماما ضربتني
الضابط : شفتي شلون مو انتي كتلج اعرف كولشي يله جاوبي قبل لا تجي امج
سولاف : احنا بهذا الحديث وسمعت صوت طلقه
بنص البيت
الضابط والجنود دفعوني ودخلو ركض البيت
اني ركضت و راهم لكيت غرفة ماما مقفول
الضابط أمر الجنود كسرو الباب
*بكيت وهل البكاء القلب يجدني فراق
أحبتي وحنين وجدي فما معنى الحياة
اذا افترقنا وهل يجدني النحيب فلست
أدري فلا الذكار ترحمني فانسى ولا
الأشواق تتركنى لنومي فراق احبتي
كم هز وجداني وحتى لقائهم سأظل أبكي 💔
✍#مرج_البحر
وشفت المنظر ماما انتحرت اخواتي كلبو الدنيا
بالعياط واني اعيط واحضن بأخواتي الضابط
طلعنا بره البيت
وراح جاب مي شرب خواتي وغسلي وجهي
وجنت اشوف الدمعه بطرف عينه مبين مكسور كلبه علينا
والبيت انكلب كل شوية تجي مفرزه جديده
والناس التمت اخواتي سكتو وهدؤ شويه
اجى الضابط وجابلي جهازي وجهاز ماما
كال اخذي ياهو جهازج يله فتحي وانطيني
رقم عمامج او واحد من اقاربج
كتله مابي بس رقم عمي المقتول
اخذت جهاز ماما وفتحته اعرف الرمز جان
مواليدها
وطلعت رقم جدو وعمي الوسطاني
وخابرهم الضابط
الضابط اعرفكم عن نفسي
اني سامر ضابط تحقيق عمري ٢٩ سنه
اني من النجف ام وابويه جانو عايشن هناك
من اتوفه ولدي انتقلت ال بابل بحكم مكان عملي اني الابن الاكبر وعندي اخوات اثنين
اصغر مني وحده متزوجه بالنجف والثانيه
بابل متزوجه ابن صديق ابويه وعندي اخ
اخر العنقود اسمه عامر عمره ١٥ سنه
اني متزوج من بنت خالي وصار خلاف بينه
وطلكتهه وبسبب هذا الشي انتقلنه من النجف
واجينه البابل لان صديق ابويه الي منطيهم
اختي هو جان الصديق المقرب الابوية وجان
دائما يكله سامر خلي يخلص كلية عسكريه
وصدك دخلت الكليه العسكريه وصرت ضابط
ودائما صديق والدي يكلي انت ايدي اليمنه
المهم صار الخلاف وعفت اهلي وناسي
واجيت بابل يم بيت اختي اشتريت بيت
بمنطقتهم واستقريت هناك والدتي دائما
تلح عليه نرجع النجف يم الاهل واني كنت
رافض هذا الشي امي مره جبيره بالعمر
تكلي يمه اريد ارجع البيتي اريد اموت بيتي
بس اني جنت مااقبل حتى لا ارجع واشوف
خالي الي اني ماخذ بنته لان المشكله الي صارت ماتسولف المهم
يوم جنت كاعد بالمكتب واجانه بلاغ
جريمه قتل اخذت القوة وتوجهت المكان الحادث رحنه لكينه رجال مقتول بس الجريمه
مجهوله حاولت اتوصل الاهله ماكو تليفونه
كان بي رمز بعدين دك تليفونه باسم سولاف
حجيت وياهه وكتلهه تبلغ اهله انتضرت
لحد ما كملت الاجرائات واتوجهنه لهم
دكيت الباب وطلعت الابنيه ما شاء الله
هيه ستوهه كاعده من النوم الخدود حمر
الشفه منفوخه ورديه لابسه تراك مال نوم
طالع يخبل على جسمهه اني احجي وياهه
وادقق بتفاصيلهه حجيت وياهه واني عيني
على شفتهه من تحجي كتلهه روحي صيحي
امج راحت ورجعت كالت هسه تلبس حجاب
وتجي واني ادقق بكلشي بيهه واني احجي
وي نفسي شبيك يسامر انت شفت وشعرف منها وهيج سطرتك سطر انت انواع البنات
مرات عليك شنو هاي الزعطوطه وهم رجعت
سرح تفكيري وفززني من صفنتي صوت
اطلاق النار دفعتهه وطبيت داخل البيت
لكيت غرفه امها مقفوله كلت الشباب يكسرون
الباب كسرو ودخلت واني اشوف المره منتحره
وبناتهه كامن يعيطن اخذتهن طلعتهم بره ورحت جبت بطل مي غسلت البنات الزغار
وهيه غسلت وجهه صدك كسرو كلبي جبت الموبايل وخابرت على اهلهم وبعد السؤال والجواب عرفت الام وره مقتل عم سولاف
وخلصنه الاجرائات ونسد ملف القضيه …!
سولاف:بعد تقريبا ساعه ونص اجوي متخبلين ويبجون جدو يصيح شنو هالصدمه ياربي
اجوي وياهم هوايه عالم
حضنوني واخذا خواتي واخويه ويبجون
بقينا اني وجدو وعمو بالبيت اخذو الافادات
مالتي وحجيت الهم كلشي اعرفه والضابط
عرف انو ماما هيه المسؤله عن قتل عمو
صار الليل ورحنا لبيت جدو وجان الحزن
طاغي على الكل
اني كلش مكسوره احس العار لحكني بسبب
ماما …..
…..يتبع
